ఈ సినిమా కి సంబంధించిన కొన్ని వీడియోస్ ఇక్కడ చూడండి.

ముందుగా ఈ సినిమా ఇది వరకే చూసిన వారి కోసం ఒక ప్రశ్న. ఈ క్రింది వీడియోకీ ’Waltz with Bashir’ కి ఉన్న సంబంధమేమిటో చెప్పండి. ఒక వేళ మీరు సినిమా చూడకపోతే చూసిన తర్వాత చెప్పండి.

ఈ సినిమా ట్రైలర్:

ఈ సినిమాలో ఉపయోగించిన యానిమేషన్ పద్ధతుల గురించి డేవిడ్ పొలాన్స్కీ (art director) తో ముఖాముఖి:

మన విజయవాడకు చెందిన ఒకాయన ఉన్నాడు. పేరు చాలా డిఫరెంట్ గా వుంటుంది. సినిమాల గురించి కొన్ని పుస్తకాలు ప్రచురించారు. ఆయన పేరు ’డిఫరెంట్ జాక్సన్’. (చెప్పానుగా డిఫరెంట్ గా వుంటుందని )

ఈయన రచించిన ఒక పుస్తకం పేరు “సినిమాలు చూడండి: సమస్యలు మర్చిపోవడానికి కాదు పరిష్కరించుకోడానికి”. అప్పుడెప్పుడో మరేదో పుస్తకం కోసం వెతుకుతుంటే అనుకోకుండా తగిలిందీ పుస్తకం. ఇదేదో డిఫరెంట్ గా వుందనుకున్నా కానీ చదివిన పాపాన పోలేదు కానీ ఆ డిఫరెంట్ జాక్సన్ ని మాత్రం కలుసుకోవాలని ఆసక్తితో ప్రయత్నించాను కానీ కుదర్లేదు.

ఇంతకీ ’Waltz with Bashir’ కి ఈ డిఫరెంట్ జాక్సన్ కి సంబంధమేమిటా అనేది మీ అనుమానమనీ నాకూ తెలుసు. అందుకే అసలు విషయానికొస్తున్నా. డిఫరెంట్ జాక్సన్ తన పుస్తకంలో సినిమా అనే ప్రక్రియ ’మన సమస్యలను మర్చిపోవడానికి కాకుండా మన సమస్యలు తీర్చుకొనే ఒక పరికరంగా వాడుకోవచ్చా’ అనే ప్రశ్న ను లేవనెత్తినట్టే ’Can films be therapeutic?’ అనే ముఖ్యమైన ప్రశ్నను లేవనెత్తుతుంది ’Waltz with Bashir’ అనే సినిమా.

అసలేంటీ సినిమా:ఇది ఒక ఇజ్రాయిలీ సినిమా. ఈ సంవత్సరం వచ్చిన అత్యుత్తమ సినిమాల్లో ఒకటి అని చెప్పడంలో ఎటువంటి అతిశయోక్తి లేదు. (కావాలంటే రోటెన్ టొమాటోస్ లో 93/100 రేటింగ్ చూడండి, IMDB లో 8 కి పైగా ఉన్న రేటింగ్ చూడండి.) కథంటూ పెద్దగా చెప్పుకోడానికేమీ ఉండదు. అంటే అలా అని ఏదో ఒక విషయాన్ని పట్టుకుని సాగదీసే ప్రయత్నం కాదీ సినిమా. కథెందుకు లేదన్నానంటే ఇది ఫిక్షన్ కాదు కాబట్టి. ఇది ఒక డాక్యుమెంటరీ యానిమేషన్ సినిమా.

డాక్యుమెంటరీలు చూడడమే కష్టమనుకుంటే అదీ యానిమేటెడ్ డాక్యుమెంటరీ ఏంటా అనుకున్నాను నేను కూడా. కానీ సినిమా చూసాక నాకనిపించిందేంటంటే ఈ సినిమా ఇలా కాకుండా మరే విధంగానూ తీయకూడదు అని.

ఇక ఈ సినిమాలో చర్చించిన విషయానికి వస్తే ….

ఈ సినిమా దర్శకుడు ఆరీ ఫోల్మన్ ఒకప్పుడు ఇజ్రాయిల్ సైన్యంలో పనిచేసివుంటాడు. తనతోపాటు ఒకప్పుడు సైన్యంలో పనిచేసిన స్నేహితుడొకడు తను సైన్యంలో ఉండగా చేసిన ఒక పని తనని ప్రతిరోజూ కలలరూపంలో వేధిస్తోందని చెప్తాడు. ఆ సందర్భంలోనే ఫోల్మన్ సైన్యంలో ఉండగా జరిగిన అనుభవాల గురించి అడుగుతాడు ఆ మిత్రుడు. ఆశ్చర్యమేమిటంటే పాతికేళ్ళ క్రితం పాల్గొన్న యుద్ధపు జ్ఞాపకాలేవీ ఫోల్మన్ కి గుర్త్తుకి రావు కానీ కొద్ది కొద్దిగా గుర్తున్న కొన్ని సంఘటనలు/దృశ్యాలు మాత్రం అతన్ని కలతకు గురిచేస్తాయి, యుద్ధసమయంలో అసలేం జరిగిందో తెలుసుకోవాలనే తపనను కలుగచేస్తాయి. ఈ విషయం తెలుసుకుందామనే ఆ యుద్ధంలో తనతోపాటు పాల్గొన్న ఇతర ఇజ్రాయిలీ సైనికులను కలుసుకొని వారి ద్వారా ఆ యుద్ధం తాలూకా విషయాలను తెలుసుకోవడమే ఈ సినిమాయొక్క ఉద్దేశం.

కొన్ని అనుభవాలు:

నేనీ సినిమా గురించి రాసుకుంటూ పోతే చాలానే రాయొచ్చు. కానీ సినిమా చూడాలనుకునే వారికి ఈ సినిమాలోని కొన్ని విషయాలు చెప్పి వారి viewing experience ని పాడు చెయ్యడం ఇష్టం లేదు. అలా అని చెప్పకుండా కూడా వుండలేను. మంచి సినిమా వెళ్ళి చూడండి అని చెప్పేస్తే చాలదు కదా. ఎందుకు ఈ సినిమా చూడాలో చెప్పాలి.కానీ చెప్పకూడదు అందుకే ఈ సినిమా గురించి కంటే ఈ సినిమా చూసిన తర్వాత నా అనుభవాలు మాత్రం చెప్తాను.

ఈ సినిమా చూసి బయటకొస్తూ నా పక్కనున్న మిత్రునితో ఎలా ఉంది అని అడగబోయాను. అతను సారీ ఇప్పుడేమీ మాట్లాడలేనని చెప్పి వెళ్ళిపోయాడు. నేనూ అంతే చాలా సేపు ఎవర్తోనూ మాట్లాడకుండా కొన్ని గంటలు గడిపాను. ఆ సమయంలో నాకసలెప్పుడూ గుర్తులేని ఒక అనుభవం నాకు గుర్తొచ్చింది (ఈ సినిమాలోలాగే).

చిన్నప్పుడు నాకొక వాక్ మ్యాన్ ఉండేది. దాన్నొక భారీ అడాప్టర్ కి తగిలించి రోజంతా పాటలు వినడం అలవాటు నాకు. కానీ ఆ అడాప్టర్ ఎంత పెద్దదంటే ప్లగ్ లో సరిగా నిలబడేది కాదు. అందుకే ఒక్కోసారి నేను నిలబడి దాన్ని ప్లగ్ లో నిలబెట్టి పాటలువినేవాడ్ని. ఒక రోజు ఏమయ్యిందంటే నేను ఆదమరిచి పాటవింటూ ఆ ప్లగ్ ని వదిలేశాను. అది కిందపడి ముక్కలయింది. ఎలాగో అన్నింటీనీ పోగు చేసి తిరిగి ప్లగ్ లో పెట్టి చూశాను. బాగానే పని ఛేసింది. అయితే అది పని చేయాలంటే అలాగే పట్టుకు నిలబడాలి. సరే అని పట్టుకునిల్చునే పాటలు వింటూ మైమర్చిపోయాను. ఆ తర్వాత ఏమైంద తెలియదు నేను నేల మీద పడివున్నాను. బహుశా నాకు కరెంట్ షాక్ కొట్టుండొచ్చు. కానీ ఆ విషయం ఇంట్లో వాళ్ళకి తెలిస్తే 1)అడాప్టర్ పగలగొట్టినందుకు 2) కరెంట్ షాక్ కొట్టించుకున్నందుకు, నన్ను కొడ్తారనో తిడ్తారనో ఆ విషయాన్ని నేను నా మెమరీలోంచి తీసేసాను పూర్తిగా. ఈ సినిమా చూసాక కానీ నాకా విషయం గుర్తు రాలేదు. నా ఈ అనుభవాన్ని ఒక యుద్ధంలో పాల్గొన్న సైనికుడి అనుభవంతో పోల్చాలన్న ఉద్దేశం కాదు కానీ మన మెమరీ ఎలా పని చేస్తుందీ అనే అంశం ఈ సినిమాలో ఒక కీలకాంశం కాబట్టి మాత్రమే ఇక్కడ ఈ ప్రస్తావన చెయ్యాల్సి వచ్చింది. (ఇప్పటికైనా వ్యాసం మొదట్లో చెప్పిన జాక్సన్ గారి రచనలకీ ఈ సినిమాకీ ఉన్న సంబంధం అర్థమైందనే అనుకుంటా.)

మరో అనుభవం. మా కొలీగ్ ఒకావిడ ఈ సినిమా చూసివచ్చింది. అందరూ ఎలా ఉందని అడుగుతున్నారు. ఆవిడ బావుందని చెప్పలేకపోతుంది. కానీ ఈ సినిమా అందరూ చూడాలనీ చెప్తుంది. వింటున్న వాళ్ళేమో కన్ఫ్యూజ్డ్. ఆమె అప్పుడెలా ఫీలయిందో ఈ వ్యాసం రాస్తుంటే నాకు తెలుస్తుంది. నేను కూడా ఈ సినిమా బావుందని అనటం లేదు. అలా అని బాగోలేదనీ అనటం లేదు. ఇది హిట్/ఫ్లాప్, బావుంది/బావోలేదు లాంటి వాటికి అతీతమైన సినిమా.

My rating:10/10

తప్పక చూడాల్సిన సినిమా.

ఇకపోతే ఈ చిత్రోత్సవంలో నేను చూసిన చిత్రాల్లో నాకు నచ్చిన చిత్రాల వివరాలు:

నచ్చడమే కాకుండా నన్ను కదిలించిన చిత్రాలు:

• Touki Bouki
• Waltz with Bashir
• Hunger

బాగా నచ్చినవి:

• The Class
• Silence of Lorna
• Christmas Tale

నచ్చినవి:

• Il Divo
• Slum Dog Millionaire
• Still Walking

ఫర్వాలేదనిపించినవి

• The Candidate
• 24 City
• Two Lovers

ఒక మోస్తరుగా ఉన్నవి

• Genova
• Laila’s birthday
• Tricks
• Hooked
• The Last Thakur

మిస్సయినవి:

Che (Parts 1&2), Vicky Christina Barcelona, Frost/Nixon, Quantum of Solace,Synecdoche, New York వంటి హాలీవుడ్/ఆంగ్ల చిత్రాలతోపాటు, Quick Gun Murugan, Colors of Passion లాంటి మన భారతీయ సినిమాలు కూడా తర్వాత చూడొచ్చని కావాలనే వదిలేసినా Lions’ Den, The Market, Loose Rope, The Past is a foreign land, Three Blind Mice, Tulpan, Mid August Lunch  సినిమాలు మాత్రం వివిధ కారణాలవల్ల చూడలేకపోయాను.

అవండీ 52వ  లండన్ చలనచిత్రోత్సవం కబుర్లు. వీలైతే వచ్చే సంవత్సరం మరికొన్ని విశేషాలు అందిస్తాను. ఇకపోతే పైన చెప్పిన సినిమాల సమీక్షలు త్వరలోనే నవతరంగంలో ప్రచురిస్తాను.

డెన్మార్క్ సినిమా. చాలా బావుందీ సినిమా.

సినిమాలో హీరో ఒక లాయర్. అతని తండ్రి కూడా ఒక పేరు మోసిన లాయర్. ఏడాది క్రితం తన తండ్రి ఒక కేసులో ఓడిపోయి ఇంటికెళ్తుండగా ఒక కారు యాక్సిడెంట్లో మరణిస్తాడు. కానీ అది యాక్సిడెంట్ కాదనీ మర్డర్ అనీ అతని నమ్మకం. అది ఎలా నిరూపించాలో తెలియక అటు తన వృత్తి లోనూ ఇటు తన వ్యక్తిగత జీవితంలోనూ చాలా కష్టాలు ఎదుర్కొంటుంటాడు. ఒక సాయంత్రం తన గర్ల్ ఫ్రెండ్ తో గొడవ జరుగుతుంది. కోపంగా ఇంట్లోనుంచి బయటకు వచ్చి తన మిత్రునితో కలిసి ఒక బార్ కి వెళ్తాడు. అక్కడ ఒకమ్మాయి పరిచయం అవుతుంది. అతనికి అంత వరకే గుర్తుంటుంది. ఆ తర్వాత ఉదయం ఒక హోటల్లో నిద్రలేచి చూసేసరికి బాత్ రూమ్ లో ఆ అమ్మాయి శవం వుంటుంది. అసలేం జరిగిందో అతనికి గుర్తుండదు. ఇది సినిమా ఎత్తుగడ. అక్కడ్నుంచి మరో గంట సేపు ఉత్కంఠంగా సాగే ఈ సినిమా edge of the seat thriller అని చెప్పొచ్చు. థ్రిల్లర్ లో ఉండాల్సిన ట్విస్ట్స్ మరియు టర్న్స్ అన్నీ ఉన్నాయి.

32)Salt of the Sea

ఇజ్రాయల్/పాలస్తీనా ల మధ్య జరుగుతున్న గొడవల నేపధ్యంలో ఈ చిత్రోత్సవంలో దాదాపు నాలుగు సినిమాలు చూశాను. అన్నీ చాలా బాగా నచ్చాయి. అన్ని సినిమాల్లోనూ సామాన్య ప్రజానీకానికి ఈ గొడవల్లో ఏ మాత్రమూ ఆసక్తి ఉన్నట్టు కనిపించకపోగా ఆయా దేశాల నేతల స్వార్థపూరిత రాజకీయాల మూలంగానే ఈ గొడవలూ యుద్ధాలూ అని ఈ సినిమాల ద్వారా చలనచిత్ర దర్శకులు ప్రపంచానికి తెలియచేయదలిచారని అనిపించింది.

సొరయా అమెరికా నుంచి పాలస్తీనా కి వస్తుంది. సొరయా కుటుంబం ఎన్నో ఏళ్ళక్రితం శరణార్థులుగా అమెరికా చేరుతారు. ఇప్పుడామె పాలస్తీనాకి రావడానికి కారణం-యాభై ఏళ్ల క్రితం తమ తాతగారు ఒక బ్యాంకులో దాచిన సొమ్ము విడిపించుకోవడం. కానీ ఆమె అనుకున్నంత సులభంగా ఆ సొమ్ము వెనక్కి రాదు. బ్యాంకు వాళ్ళు అప్పటి అకౌంట్లు ఎప్పుడో మూతబడిపోయాయని ఇప్పుడా సొమ్ము ఇవ్వడం కుదరదని చెప్తారు. సొరయా ఊరుకోదు. తన మిత్రునితో కలిసి బ్యాంకు దోపిడీ చేసి జెరుసలేం కి పారిపోతారు. అక్కడ్నుంచి ఒకప్పుడు తమ స్వంత ఊర్లయిన ప్రదేశాలను సందర్శించడానికి వెళ్తారు.

బ్యాంకు దోపిడి సినిమా అంటే యాక్షన్ థ్రిల్లర్ అనుకుని వెళ్తే  నిరాశ ఎదురవుతుంది. పాలస్తీనాలో బ్యాంకు దోపిడి అనేది రోడ్డులో వెళ్తూ సైకిలు దొంగలించినంత సులభంగా చేయొచ్చు అనే విషయం చూపించడం ఒక ముఖ్య ఉద్దేశమైతే ఒకప్పటి పాలస్తీనా నుంచి శరణార్థులుగా తరలివెళ్ళిన ప్రజల భావాలను కూడా ఈ సినిమాలో చాలా నైపుణ్యంగా తెరకెక్కించారు.

33)Silence of Lorna

ఈ చిత్రోత్సవంలో చూసిన మరో అత్యుత్తమ సినిమా. లోర్నా అల్బేనియా దేశస్థురాలు. బెల్జియంలో ని ఒక డ్రగ్ ఎడిక్ట్ ని పెళ్ళి చేసుకుని బెల్జియం పౌరసత్వం పొందుతుంది. వారిద్దరి మధ్య పెళ్ళి కేవలం ఒక ఒప్పందం మాత్రమే. ఆమెకు బెల్జియం పౌరసత్వం రాగానే విడాకులు తీసుకోవాలన్నది ఆమె పథకం. అలా విడాకులు పొందగానే మరో రష్యన్ ని పెళ్ళి చేసుకుని అతని వద్దనుంచి వచ్చిన డబ్బుతో అల్బేనియాలోని తన బాయ్ ఫ్రెండ్ తో కలిసి బెల్జియంలో ఒక హోటల్ తెరిచి హాయిగా జీవించాలని ఆమె ప్లాను. అంతా అనుకున్నట్టుగా జరిగితే కథేముంటుంది. మొదటి భర్తతో విడాకులు పొందడంలోనూ, రష్యన్ ని పెళ్ళిచేసుకోవడంలోనూ , తన బాయ్ ఫ్రెండ్ తో కలిసి డబ్బులు కూడబెట్టి హోటల్ కోసం స్థలం అద్దెకు తీసుకోవడంలోనూ లోర్నా అనుభవించిన కష్టాలు ఈ సినిమా మూల కథ.

Dardenne బ్రదర్స్ నుంచి వచ్చిన మరో మంచి సినిమా. తప్పక చూడండి.

34)Hansel and Gretel

కొరియన్ సినిమా. ఒక వ్యక్తి తన తల్లికి ఆరోగ్యం బాగోలేదని తెలుసుకుని కార్లో హడావుడిగా బయల్దేరుతాడు. మార్గమధ్యంలో అనుకోకుండా కారు ఒక లోయలో పడిపోతుంది. ఆ వ్యక్తి స్పృహ తప్పుతాడు. మెలుకువ వచ్చేసరికి ఒక అమ్మాయి లాంతరు పట్టుకుని అతని వద్ద నిల్చుని వుంటుంది. అంత రాత్రి వేళ ఈ అడవి నుంచి వెళ్లడం సాధ్యం కాదనీ ఈ రాత్రికి తమ ఇంట్లో వుండమని ఆ అడవి మధ్యలో ఉన్న తమ ఇంటికి తీసుకెడ్తుంది. ఆ ఇంట్లో ఆ అమ్మాయితో పాటు ఆ అమ్మాయి అన్న, చెల్లెలు, తల్లీ తండ్రీ ఉంటారు. ఆ ఇంట్లో అడుగుపెట్టినప్పటినుంచీ అక్కడి వాతావరణం మరియు ఆ కుటుంబ సభ్య్లల ప్రవర్తన తేడాగా ఉండడం గమనిస్తాడు. ఆ రాత్రికి అక్కడ వుండి ఉదయాన్నే తన కారున్న ప్రదేశం వెతుక్కుంటూ బయల్దేరుతాడు. అంతా తిరిగి తిరిగి మళ్ళీ ఆ ఇంటికే వస్తాడు. ఇలా ఎన్ని సార్లు ప్రయత్నించినా ఆ అడవిలోనుంచి బయటపడకపోగా ఆ ఇంటికే తిరిగివస్తుంటాడు. దానికి తోడు అనుకోకుండా ఆ ఇంట్లోని తల్లి దండ్రులిద్దరూ కనిపించకుండా పోవడంతో ఆ వ్యక్తి అక్కడే కొన్నాళ్ళు ఉండాల్సి వస్తుంది.

సినిమా మొదలవడం మిస్టరీ గా మొదలయ్యి సగం సినిమా అయ్యేసరికి హారర్ సినిమా అనిపించి ఆ తర్వాత సగం ఫాంటసీ సినిమాగా ఉంటుంది. కానీ గంటన్నర లో ముగించాల్సిన సినిమా రెండు గంటల పైగా పొడిగించడంతో చాలా బోరు కొడ్తుంది.

35)24 City

Jia Zhangke దర్శకత్వంలో వచ్చిన చైనీస్ సినిమా. Jia Zhangke సినిమాలు నాకు చాలా ఇష్టం. గతంలో Still Life అనే సినిమా చూసి ఆయనకి అభిమాని అయ్యాను. Still Life లో ఒక డ్యాం నిర్మాణం కారణంగా ఒక చిన్న పట్టణంలోని ప్రజల జీవితాలు ఎలా మార్పు చెందాయో చూపించినట్టే ఈ సినిమా (24 City) లో కూడా Chengdu అనే పట్టణంలో ఉన్న ఒక భారీ ప్రభుత్వ ఫ్యాక్టరీ ని కూలదోసి ఆ స్థానంలో ఒక అపార్ట్ మెంట్ కాంప్లెక్స్ నిర్మిస్తున్న సందర్భంగా ఆ ఫ్యాక్టరీ కార్మికుల జీవితాల్లో ఏర్పడిన పరిస్థుతులను ఈ చిత్రం ద్వారా తెరకెక్కించారు. డాక్యుమెంటరీ అయినప్పటికీ తప్పకచూడాల్సిన సినిమా.

36)Lazy Days

స్పైన్ సినిమా. కొంచెం కామెడి కొంచెం సెటైర్. నాకు మరీ అంతగా నచ్చలేదు.

37)Tahaan

ఈ సినిమా ఎందుకు ఫ్లాపయిందో?

38)Quantum of Solace

డానియెల్ క్రెగ్ బాండ్ గా నటించిన రెండో సినిమా. మొదటి సినిమా నేను చూడలేదు కాబట్టి రెండింటిలో ఏది బెస్టో నేను చెప్పలేను కానీ ఇది మాత్రం యావరేజ్ జేమ్స్ బాండ్ సినిమా.

39)A Christmas Tale

సినిమా పేరు చూస్తే ఎందుకో క్రిస్ మస్ సమయంలో చిన్నపిల్లలు ప్రధాన పాత్రలుగా నడిచే ఫ్యామిలీ డ్రామానేమో అనిపించి చివరి రోజువరకూ ఈ సినిమా చూడలేదు. ఒక క్రిటిక్ ఫ్రెండ్ చెప్పడంతో చూశాను. ఈ చలనచొత్రోత్సవంలో నేను చూసిన అత్యుత్తమ సినిమాల్లో ఒకటి. ఫ్యామిలీ డ్రామానే కానీ ఈ మధ్య కాలంలో నేను చూసిన అత్యుత్తమ ఫ్రెంచ్ సినిమాల్లో ఒకటి ఈ సినిమా.

ఫ్రాన్స్ లో ఇద్దరు దంపతులున్న ఒక కుటుంబం.భార్యకు క్యాన్సర్. ఇంకా ఎన్నో రోజులు బతకదని తెలుస్తుంది. అందుకే రాబోయే క్రిస్ మస్ పండగ కోసం ఆ ఇంటికి తమ పిల్లలు వారి కుటుంబాల్ని ఆహ్వానిస్తారు.వారందరి మధ్య గతకాలానికి సంబంధించిన జ్ఞాపకాలు, పగలు, ప్రతీకారాలు, ప్రేమలు, స్నేహాలు ఇలా ఎన్నో మరో సారి ప్రస్తావనకోస్తాయి. చాలా కాంప్లెక్స్ ప్లాట్. తప్పక చూడాల్సిన సినిమా.

40) Slum dog Millionaire

ఈ చలనచిత్రోత్సవంలో అన్ని సినిమాలకంటే ఎక్కువ Entertainement Quotient ఉన్న సినిమా ఇదే. సినిమా మొత్తం మన ముంబాయిలో చిత్రీకరించారు. అనిల్ కపూర్, సౌరభ్ శుక్లా, ఇర్ఫాన్ ఖాన్ తో పాటు ఇంకా చాలామంది భారతీయ నటీనటులు ఈ సినిమాలో పాత్రలు పోషించారు. వికాస్ స్వరూప్ రచించిన Q and A అనే నవల అధారంగా ఈ సినిమా రూపొందించబడింది.స్లమ్ ఏరియాలో నివసించే ఒక యువకుడు Who Wants to be a millionaire? (కౌన్ బనేగా కరోడ్ పతి) లో పాల్గొని రెండు కోట్ల రూపాయలు గెల్చుకుంటాడు. కానీ చదువు రాని ఆ యువకుడు ఎలా ఆ ప్రశ్నలన్నింటికీ సమాధానాలు చెప్పగలిగాడనేది ఈ సినిమా ముఖ్య కథ. ఒక్కో ప్రశ్నకు సమాధానంగా ఆ యువకుడు తన జీవితంలోని ఒక సంఘటన చెప్తాడు. ఆ సంఘటనల్లో ఆయా ప్రశ్నలకు సమాధానాలు తెలుస్తాయి. ఈ సంవత్సరం వచ్చిన సినిమాలన్నింటిలోకెల్లా వినోదాత్మకమైన సినిమా ఇది. Please don’t miss!

The Sutherland Trophy is awarded to the director of the most original and imaginative first feature film screened at The Times BFI London Film Festival.

In awarding the trophy, the Sutherland Jury said of the film: “A masterpiece: both intimate and epic, a film full of life and ideas. An extraordinary feat of artistic endeavour in its depiction of man’s interaction with nature, TULPAN has an exhilarating blend of humour, emotion, and audacious visuals.”

Previous winners: PERSEPOLIS 2007, RED ROAD 2006, FOR THE LIVING AND THE DEAD 2005, TARNATION 2004, OSAMA 2003, CARNAGES 2002, THE WARRIOR 2001 and YOU CAN COUNT ON ME 2000, RATCATCHER 1999, THE APPLE 1998.

11th FIPRESCI International Critics Award Winner: THREE BLIND MICE directed by Matthew Newton.

FIPRESCI is the international organisation of film critics throughout the world and has been in existence for over 70 years. It is best known publicly through the participation of its juries at all the major and many specialist international film festivals. FIPRESCI’s sole purpose is to advance the art of cinema and reward talent.

Previous Winners: UNRELATED 2007, LOLA 2006, MAN PUSH CART 2005, AALTRA 2004, THE LIVING WORLD 2003, ANGEL ON THE RIGHT 2002, BOLIVIA 2001, UNEASY RIDERS 2000.

The Times BFI London Film Festival Grierson Award: VICTOIRE TERMINUS directed by Renaud Barret and Florent De La Tullaye.

Now in its fourth year, The Times BFI London Film Festival Grierson Award is given to the director of the best feature-length documentary shown at the Festival.

Previous winners: THE MOSQUITO PROBLEM & OTHER STORIES, THIN 2006, WORKINGMAN’S DEATH 2005.

The 13th Annual Satyajit Ray Award: MID-AUGUST LUNCH directed by Gianni di Gregorio.

Honourable mentions went to SHIFTY (directed by Eran Creevy) and RAMCHAND PAKISTANI (directed by Mehreen Jabbar).

The Satyajit Ray Foundation gives an annual award to a first feature, premiered in the UK at The Times BFI London Film Festival, which reflects the artistry, compassion and humanity of Ray’s own work.

Previous winners include: CALIFORNIA DREAMIN’ (ENDLESS) 2007, THE LIVES OF OTHERS 2006, PAVEE LAKEEN 2005, THE WOODSMAN 2004, SOMEONE LIKE HODDER 2003, RACHIDA 2002, IN THE BEDROOM 2001, UNEASY RIDERS 2000, BOYS DON’T CRY 1999, SMOKE SIGNALS 1998.

TCM Short Film Award Winner: LEAVING directed by Richard Penfold and Sam Hearn.

On Wednesday night, LEAVING was announced as Best Short Film at the TCM Classic Shorts competition at an award ceremony held as part of The Times BFI 52nd London Film Festival. The film was selected from hundreds of entries from Europe, the Middle East and Africa by a judging panel of film industry heavyweights including: Rutger Hauer, Wolfgang Peterson, Cillian Murphy, Stephen Woolley, James Franco and Jason Isaacs.

Previous Winners include: A BOUT DE TRUFFE 2007, SILENCE IS GOLDEN 2006, JANE LLOYD 2005, NITS 2004, BROWN PAPER BAG 2003, THESPIAN X 2002, ABOUT A GIRL 2001, JE T’AIME JOHN WAYNE 2000

జపనీస్ సినిమా. ఓజు సినిమా ’The Tokyo Story’ కి ఈ సినిమాకీ కథా కథనంలోనే కాకుండా చాలా విధాలుగా పోలికలున్నాయి. తమ సోదరుని 15 వ వర్ధంతి సందర్భంగా Ryoto మరియు Chinami లు తమ కుటుంబాలతో తన తల్లి దండ్రుల ఇంటికి వస్తారు. ఆ సందర్భంగా ఆ కుటుంబ సభ్యుల మధ్య జరిగే వివిధ సంఘటనల సమాహారమే ఈ చిత్ర మూల కథ. టొరంటో చిత్రోత్సవంలో ఉత్తమ చిత్రంగా ఎన్నుకోబడింది ఈ సినిమా. తప్పక చూడాల్సిన సినిమా.

22)Wonderful Town

థాయ్ లాండ్ సినిమా. అదిత్య అసారత్ ఈ సినిమాకి దర్శకుడు. ఉద్యోగరీత్యా సముద్రపుటొడ్డున ఉన్న ఒక చిన్న పట్టణానికి వస్తాడు Ton అనే ఒక ఇంజనీర్. అక్కడే ఒక హోటల్ వుంటూ అందులో పని చేసే యువతితో ప్రేమలో పడతాడు. కథంటూ పెద్దగా ఏమీ ఉండదు. సినిమా సగం వరకూ ఏందుకింత స్లోగా వుందనిపించింది. కానీ ఒక్క సారి ఆ సినిమా యొక్క ముఖ్య ఉద్దేశం (Aftermath of Tsunami) తెలిసాక సినిమాని కొత్త కోణంలో చూడడం మొదలుపెట్టాను.సునామీ కారణంగా ఏర్పడ్డ పరిస్థుతులు మరో explicit గా చెప్పకుండా చాలా నైపుణ్యంగా తెరకెక్కించాడు దర్శకుడు. కానీ కథనం చాలా నిదానంగా సాగుతుంది.

23)Hooked

గత సంవత్సరం రెండు మంచి రొమానియా సినిమాలు చూసాక ఈ సారి కూడా రొమానియా సినిమాలేవీ మిస్సవ్వకూడదని నిర్ణయించుకున్నాను. నా అంచనాలకు తగ్గట్టే ఉంది ఈ సినిమా. కేవలం ముగ్గురు ప్రధాన పాత్రధారులీ సినిమాలో. ఒక పెళ్ళయిన అమ్మాయి. ఆమె ప్రేమించే మరో వ్యక్తి. వీరిద్దరూ కలిసి ఒక వారాంతం పిక్ నిక్ కి వెళ్తుంటారు. మార్గమధ్యంలో ఒక వేశ్యను వీరి కారు కిందపడి గాయపడుతుంది. స్పృహలో లేని ఆ అమ్మాయిని హాస్పిటల్ కి తీసుకెళ్లకుండా కార్లో తమతో పాటే తీసుకెళ్తారు. మధ్యలో ఆ అమ్మాయికి స్పృహ వస్తుంది. వారి ముగ్గురి మధ్య నడిచే డ్రామా ఈ సినిమా ముఖ్య కథాంశం. నాకైతే రోమన్ పొలాన్స్కీ మొదటి సినిమా “Knife in the water” గుర్తొచ్చింది. చూడదగ్గ సినిమా.

24)Firaaq

నందితా దాస్ దర్శకత్వంలో గుజరాత్ మతకల్లోలాల నేపథ్యంలో రూపొందిన సినిమా. ఫర్వేలేదు కానీ కొంచెం subtle గా ఉంటే బావుండుననిపించింది.అభినందించదగ్గ ప్రయత్నం.

25)Under the tree

ఇండోనేసియా సినిమా. నిడివి ఎక్కువ. కొద్దిగా బోరు కొట్టించింది కానీ సినిమాటోగ్రఫీ చాలా బావుంది.

26)Hunger

‘Stunning’, ‘Breathtakingly beautiful’, ‘maginificient…a work of cinematic art’ ,’fearless and uncompromising, bolder than any film to come out of UK in long time’, ‘the most shocing and important film of the year’ ….ఇలా రకరకాలుగా ఈ సినిమా గురించి విమర్శకులూ, ప్రేక్షకులూ అంటుండగా ఇక చెప్పడానికేముంది. ’A Must Watch’.

27)The Last Thakur

బంగ్లాదేశీ సినిమా. వెస్ట్రన్ సినిమా లాగా ఉంటుంది. బంగ్లాదేశ్ లోని ఒక పల్లెటూరు. ఆ ఊర్లో ఒక ఠాకూర్. అతనొక్కడే అక్కడ హిందూ. అందరికీ డబ్బులప్పిచ్చి వారి పొలాలు లాక్కుంటూ వుంటాడు ఠాకూర్. అతని ఆరోగ్యం అంతా బావుండదు. తను పోయే లోపల ఆ ఊర్లో ఒక గుడి నిర్మించాలని ఆయన తాపత్రయం. అతనంటే పడని అహ్మద్ అనే అతను ఆ ఊరికి ఛైర్మన్. వీలు చూసుకుని ఠాగూర్ ని లేపెయ్యాలని అతని ప్లాను. ఇలాంటి సమయంలో తుపాకీ ఒకటి పట్టుకుని ఆ ఊరికి వస్తాడొక యువకుడు. అతని దగ్గర తుపాకీ ఉంది కాబట్టి అతన్ని మచ్చిక చేసుకోవాలని ప్రయత్నిస్తారు ఠాకూర్ మరియు ఛైర్మన్. వారి మధ్య నడిచే డ్రామా నే ఈ Last Thaakur.

సినిమాలో చెప్పుకోదగ్గ అంశాలు చాలానే ఉన్నాయి. నటన్, సినిమాటోగ్రఫీ చాలా బావున్నాయి. ఒక చిన్నపిల్లాడిని కథకుడిగా ఉయోగించుకోవడం కూడా చాలా బావుంది. ఏటొచ్చీ సినిమాలో పెద్ద లోపమేంటంటే space సరిగ్గా establish చెయ్యలేకపోయాడు దర్శకుడు. అన్ని పాత్రలూ అక్కడక్కడే తిరుతుతుంటాయి. దాంతో సినిమాకంటే కూడా డ్రామాలాగా ఉంటుంది సినిమా.

28)Touki Bouki

ఇక ఈ చలనచిత్రోత్సవానికి హైలైట్ ఈ సినిమా. ఇది కొత్త సినిమా కాదు. పాతికేళ్ళ క్రితం వచ్చింది ఈ సినిమా. సెనగల్ అనే ఆఫ్రికన్ దేశానికి చెందిన Djibril Diop Mambéty ఈ సినిమాకి దర్శకుడు. ఆయన మరణానంతరం మార్టిన్ స్కోర్సెజీ నేతృత్వంలో ఏర్పడిన World Cinema Fund అనే సంస్థ ఈ సినిమాని డిజిటల్ గా రెస్టోర్ చేసి ఈ చిత్రోత్సవంలో ప్రదర్శించారు. ఏ విధంగా చూసినా ఇది ఒక మాస్టర్ పీస్ అని చెప్పొచ్చు. ఫ్లాష బ్యాక్/ఫ్లాష్ ఫార్వర్డ్స్ తో పాటు, రియల్-సర్రియల్, fact-fiction లాంటి సరిహద్దులు చెరిపేస్తూ రూపొందించిన వినోదాత్మకమైన, ఆలోచనాత్మకమైన సినిమా. హాలీవుడ్ సినిమా Easy Raider తో పోల్చవచ్చు. అవకాశం దొరికితే తప్పక చూడండి.

29)Away Days

1970-80 లలో ఇంగ్లండ్ లో ఫుట్ బాల క్లబ్స్ అభిమానుల మధ్య బాగా గొడవలు జరుగుతుండేవట. ఈ గొడవలే ఈ సినిమాకి నేపథ్యం. మనకా బ్యాక్ గ్రౌండ్ తెలియకపోతే మాత్రం అసలు వీళ్ళెందుకు కొట్టుకుంటున్నారా అనిపిస్తుంది. దాదాపు ఇదే కథాంశంతో The raise of the Footsoldier అని 2007 లో ఒక సినిమా చూశాను. దానికంటే ఈ సినిమా బావుంది. సినిమాలో ఉపయోగించిన సంగీతం కూడా బావుంది. మరీ మిస్సవ్వకుండా చూడాల్సిన సినిమా ఏమీ కాదు.

30) 57000 Kms Between Us

ఫ్రెంచ్ సినిమా. ఇంటర్నెట్, వెబ్ కామ్ లాంటి ఆధునిక సాంకేతిక పరిజ్ఞానం మన వ్యక్తిగత జీచితాలను ఎలా ఆక్రమిస్తుందో తెలియచెప్పే సినిమా. అంతే కాకుండా పాశ్చాత్య దేశాల్లోని విపరీత పోకడలకు అద్దం పట్టే సినిమా. ఉదాహరణకు: ఒకమ్మాయి ఎవర్నో చూసి డాడీ అంటుంది. కట్ చేస్తే అక్కడొక మధ్య వయస్కురాలుంటుంది. రామ్మా అని ఆ అమ్మాయిని ఇంటికి తీసుకెళ్తుంది. స్త్రీ ని డాడీ అనడం ఏమిటా అనేలోపలే ఆవిడ సెక్స్ మార్పిడి చేసుకున్న ఒక మగాడని తెలుస్తుంది. మరొకటి: భార్య స్నానం చేస్తుంటుంది. ఆమెకు తెలిసేలాగే ఆమెను వీడియో తీస్తుంటాడు భర్త. ఇంతకీ ఈ వీడియో తీసేది తాము నడిపే వెబ్ సైట్లో పెట్టి మరింత మంది విజిటర్స్ ని ఆకట్టుకోడానికి. ఇలాంటి వివిధ రకాల వ్యక్తుల గురించి ఈ సినిమాలో కలుసుకుంటాం. మన మధ్య దూరాలు చెరిపేయాల్సిన ఈ సాంకేతిక పరిజ్ఞానం మరింత దూరం ఎక్కువచేస్తుందని చూపెట్టడమే దర్శకురాలు Delphine Kreuter లక్ష్యం అనుకుంటా!

16) W

అమెరికన్ ప్రెసిడెంట్ George W. Bush జీవితం ఆధారంగా ఓలివర్ స్టోన్ రూపొందించిన సినిమా. ఇందులో చూపించిన విషయాలు ఎంత వరకూ నిజమో తెలియదు కానీ నిజమయితే మాత్రం ఈ సినిమా టైటిల్లోని క్యాప్షన్లో ఉన్నట్టు “Anyone Can Grow Up to Be President” అని ప్రేక్షకులకూ అనిపిస్తుంది. నాకు మరీ అంత నచ్చలేదు సినిమా. ప్రపంచ రాజకీయాలు ఇష్టమున్న వాళ్ళు చూడొచ్చు.

ఈ సినిమా గురించి మరిన్ని విశేషాల కొరకు రమణగారి సమీక్ష చదవండి.

17) Genova

జో మరియు అతని ఇద్దరి కూతుర్ల కథ ఇది. సినిమా మొదట్లో జో భార్య ఒక కారు యాక్సిడెంట్ లో మరణిస్తుంది. అప్పట్నుంచి ఆ ఊర్లో ఉండలేక ఇటలీలోని జెనోవా అనే పట్టణానికి తరలివెళ్తారు ముగ్గురూ. జో పెద్ద కూతురు కెల్లీ టీనేజ్ లో వుంటుంది. సాధారణంగా టీనేజర్స్ లో వుండే లెక్కలేనితనం ఆమెలోనూ వుంటుంది.జో చిన్న కూతురు మేరీ. పదేళ్ళ లోపే. తల్లి మరణానికి తనే కారణమని నమ్ముతుంది. వీళ్ళు ముగ్గురూ ఆ కొత్త ప్రదేశంలో ఎలా కొత్త జీవితం ఆరంభించారనేది కథ.

ఈ సినిమా ప్రత్యేకత ఏంటంటే వీళ్ళు మగ్గురు కాకుండా మరో ఇద్దరు ముగ్గురు పాత్రధారులు ఉన్నప్పటికీ ఈ సినిమాలో ముఖ్య పాత్ర పోషించేది మాత్రం జెనోవా పట్టణమే.Place as a character గురించి చదవి తెలుసుకోవడం జరిగినా ఈ సినిమాలో ఆ కాన్సెప్ట్ ని రియలైజ్ చేసుకోగలిగాను. మరో విషయం ఏంటంటే కథ కంటే కథనం సినిమాకి ముఖ్యం అని తెలయచేస్తుందీ సినిమా. చూడదగ్గ సినిమా.

18) Two Lovers

Joaquin Phoenix,Gwyneth Paltrow లాంటి బడా హాలీవుడ్ స్టార్సున్న చిన్న సినిమా.  ఎంగేజ్ మెంట్ వరకూ వచ్చి ఆగిపోయిన పెళ్ళి కారణంగా డెప్రెషన్ లో ఉంటాడు Leonard. అత్మహత్యా ప్రయత్నం కూడా చేస్తాడు. అలాంటి సమయంలో అతనికి తన అపార్ట్మెంట్లో ఉండే Michelle తో పరిచయం అవుతుంది. ఆమె ని ప్రేమిస్తాడు. ఇదే సమయానికి తన తండ్రి బిజినెస్ పార్టనర్ కూతురు  Sandra తో పరిచయం ఏర్పడుతుంది. ఇద్దరంటే ఇష్టం అతనికి, కాకపోతే Michelle అంటే ఎక్కువ ఇష్టం. అవతల Michelle ఇది వరకే పెళ్ళయిన ఒకతనితో ప్రేమలో ఉంటుంది. వీళ్ళందరి మధ్య జరిగే డ్రామా ఈ సినిమా మూల కథ. రొటీన్ కథను చాలా చక్కగా ప్రజెంట్ చేశారు. సినిమా నాకు నచ్చింది. మీకూ నచ్చుతుందనే నమ్మకం వుంది. వీలయితే చూడండి.

19) The Good The Bad and The Weird

కొరియన్ యాక్షన్ సినిమా. పేరు చూస్తేనే అర్థమయ్యుండాలి. ఇది వెస్టర్న్ సినిమా. The Good, The Bad and The Ugly లాంటి సినిమాలు తీసిన Sergio Leone కి ట్రిబ్యూట్ ఈ సినిమా. రెండు సినిమాలూ కథ పరంగా కొంచెం పోలికలు కలిగిఉన్నా ఈ సినిమాని ఆ సినిమాతో పోల్చలేము. సినిమా అంతా హడావుడి-గందరగోళం. యాక్షన్ సినిమా అభిమానులకు నచ్చొచ్చేమో! ఇప్పటికే కొరియా లో పెద్ద హిట్టట!

20) The lake

ఈ సినిమా సబ్ టైటిల్స్ లేకుండా చూసాను. నాకేమి అర్థం కాలేదు

లండన్ చిత్రోత్సవంలో నేను చూసిన మొదటి పది సినిమాల గురించి ఇది వరకే రిపోర్టు(లు) ప్రచురించాను. ఇక మిగిలిన సినిమాల గురించి చూద్దాం.

మొదట చూసిన పది సినిమాల్లో కేవలం ఒకటో రెండో మాత్రమే నాలోని సినీ పిపాసిని తృప్తి పరచగలిగాయి. ఈ సారి చలనచిత్రోత్సవం ఏంటి డల్ గా ఉంది అనుకుంటుండగా నేను చూసిన ఒక సినిమా నా అభిప్రాయాన్ని మొత్తం మార్చేసింది. యాదృచ్ఛికం అయ్యుండోచ్చేమో కానీ ఆ తర్వాత నేను చూసిన చాలా సినిమాలు నాకు బాగా నచ్చాయి.

11) Waltz with Bashir

నేను పైన చెప్పిన సినిమా ఇదే. ఈ చలనచిత్రోత్సవంలో ఇప్పటివరకూ నాకు బాగా నచ్చిన సినిమాల్లో ఒకటి. ఇది డాక్యుమెంటరీ సినిమా. కాకపోతే చాలా డాక్యుమెంటరీ సినిమాల్లాగా కాకుండా ఇది యానిమేటెడ్ డాక్యుమెంటరీ. డాక్యుమెంటరీని యానిమేట్ చేయడేమేంటా అని చాలా మందికి అనిపించవచ్చు. మొదట్లో నేనూ అలానే అనుకున్నాను. కానీ సినిమా చూసాక ఇది యానిమేషన్ కాకుండా వుండుంటే ఈ సినిమా అంతగా ఆకట్టుకునేది కాదు అనిపించింది.

ఇక సినిమా సంగతి కొస్తే…

1982 లో లెబనాన్ లో జరిగిన యుద్ధం ఈ సినిమాకి నేపథ్యం. దర్శకుడు Ari Folman ఈ చిత్రంలో ప్రధాన పాత్ర పోషిస్తాడు. ఒక రోజు ఒక స్నేహితుడు తన వద్దకొచ్చి ప్రతి రాత్రి 26 కుక్కలు తనను వెంటాడుతున్నట్టు కల వస్తుందనీ, ఆ కలకీ తాము 1982 లో పాల్గొన్న లెబనాన్ యద్ధానికి దగ్గరి సంబంధం ఉండొచ్చని అంటాడు. Ari Folman కూడా ఆ యుద్ధంలో పాల్గొన్నప్పటికీ పాతికేళ్ళ తర్వాత ఆ జ్ఞాపకాలేవి తనకి లేకపోవడం ఆశ్చర్యం కలిగిస్తుంది. ఒక విధంగా మనస్తాపానికీ గురిచేస్తుంది. అసలా యుద్ధంలో తన పాత్ర ఏంటి అని తెలుసుకోడానికి Ari Folman ఆ రోజుల్లో తన యూనిట్లో ఉండి యుద్ధంలో పాల్గొన్న మిగిలిన మాజీసైనికులను కలుసుకుని వారి జ్ఞాపకాల ద్వారా తన గతాన్ని reconstruct చేసుకోడానికి చేసే ప్రయత్నమే ఈ సినిమా.

ఈ సినిమా గురించి త్వరలోనే వివరంగా ఒక సమీక్ష వ్రాస్తాను. ఈ సంవత్సరంలో వచ్చిన అత్యుత్తమ సినిమా ఇది. గుర్తుంచుకోండి. వీలయితే చూడండి.

12) Laila’s Birthday

పాలస్తీనా సినిమా. Rashid Masharawi దర్శకుడు. నేను చూసిన మొదటి పాలస్తీన్ సినిమా అనుకుంటా. ఇరానియన్ సినిమా ల ప్రభావం చాలా కనిపిస్తుందీ సినిమాలో.

కథ విషయానికొస్తే….

ఆ రోజు టాక్సీడ్రైవర్ అబు కూతురు లైలా పుట్టినరోజు. సాయంత్రం ఎనిమిదింటికల్లా  ఎలాగైనా ఇంటికి తిరిగిరావాలని చెప్తుంది భార్య. సరే అని చెప్పి బయల్దేరుతాడు. ఇక కథ అర్థం చేసుకోవచ్చు. ఆ రోజు అబు ఎదుర్కొన్న వివిధ సంఘటనలతో ఈ సినిమా నడుస్తుంది. గొప్ప సినిమానా అంటే ఏమో చెప్పలేము. కానీ పాలస్తీనా లో జీవితం ఎంత గందరగోళంగా వుంటుందో తెలిసొస్తుంది. Wlatz with Bashir లాగే ఈ సినిమా కూడా యుద్ధం యొక్క పాయింట్‍లెస్‍నెస్ ని బయటపెడ్తుంది. నిజానికి ఈ చలనచిత్రోత్సవంలో చాలా సినిమాలు ఈ పాయింట్నే మరీ మరీ లేవనెత్తాయి.

13)Three Monkeys

Nuri Bilge Ceylan ఈ సినిమాకి దర్శకుడు. 2006 లో వచ్చిన Climates అనే సినిమా ద్వారా ఈయన పరిచయం అయ్యింది. సమకాలీన ప్రపంచ దర్శకుల్లో ఉత్తమమైన వారిలో ఈయన ఒకడని చాలా మంది అభిప్రాయం. Climates చూసాక నాకూ అలానే అనిపించింది. అలాంటి దర్శకుడి సినిమా కాబట్టి కొంచెం ఎక్కువే అంచనాలు పెట్టుకున్నానేమో కొంచెం నిరాశ చెందాను.

కథ విషయానికొస్తే….

ఒక రాజకీయ నాయకుడు కార్లో ప్రయాణిస్తూ అనుకోకుండా ఒక వ్యక్తి మరణానికి కారణం అవుతాడు. అసలే త్వరలో రాబోయే ఎన్నికల్లో పోటీ చేయడానికి సిద్ధంగా వుంటాడు. ఇలాంటి పరిస్థితుల్లో ఈ కేసు తన మెడకి చుట్టుకుంటే కష్టమని ఆ కేసులో ఇరుక్కోమని తన డ్రైవర్ ని అడుగుతాడు. పెద్ద మొత్తం సొమ్ము ఆశ చూపెడతాడు. అతను సరే అంటాడు. జైలు కెళ్తాడు. అతను మొదటి మంకీ. ఇక మిగిలిన ఇద్దరు మంకీలు ఆ డ్రైవర్ భార్య మరియు కొడుకు. తండ్రి జైల్లో ఉండడంతో అల్లరి చిల్లరిగా తిరుగుతుంటాడు కొడుకు. తల్లి మందలిస్తుంది. తనకో కారు కొనిపెడితే హాయిగా టాక్సీ నడుపుకుంటానంటాడు కొడుకు. భర్త కి చెప్పకుండా ఆ రాజకీయ నాయకుడిని సంప్రదించి అతనిస్తానన్న డబ్బుల్లో కొంచెం ముందుగానే ఇవ్వమంటుంది. ఈ తతంగం జరుగుతుండగా వారిద్దరి మధ్యా శారీరక సంబంధం ఏర్పడుతుంది. కొడుక్కి ఈ విషయం తెలుస్తుంది. ఈలోగా భర్త జైలు నుంచి తిరిగివస్తాడు. ఇలా ఒక చిన్న సంఘటన ముగ్గురి జీవితాలని ఎలా కొత్త దారులు తొక్కించిందో అనేది సినిమా మూల కథ. అంతా బాగానే ఉంది కానీ సినిమా మొత్తం చూసాక ఏదో వెలితిగా అనిపించింది. అది నా అంచనాల వల్ల అయ్యుండొచ్చు. చూడదగ్గ సినిమా.

14)Yah Chayka!

ఎక్స్పెరిమెంట్ల జోలికి పోకూడదనుకుంటూనే ఈ ప్రయోగాత్మక జపనీస్ సినిమా చూశాను. అంటే పూర్తిగా కాదు. మధ్యలోనే వచ్చేశాను. ఇంతకీ ఈ సినిమా లోని నూతన ప్రయోగం ఏంటంటే ఈ సినిమా కథ మొత్తం నిశ్చల చిత్రాల ద్వారా నడుస్తుంది. స్టిల్ ఇమేజెస్ ద్వారా కథ చెప్పే ప్రయత్నం ఫర్వాలేదు కానీ చాలా నెమ్మదిగా సాగుతుంది.గంట సేపు స్టిల్ ఇమేజెస్ అంటే కొంచెం కష్టమే అనిపించింది.

15)Lets Talk about Rain

ఫ్రెంచ్ సినిమా. సున్నితమైన హాస్యం ఈ సినిమా ప్రత్యేకత. ఫర్వాలేదనిపించే సినిమా.

ఫ్రాన్స్ లోని ఒక చిన్న పట్టణం. ఆ ఊరికి ఒక ప్రముఖ ఫెమినిస్ట్ రచయిత్రి వస్తుంది. ఆమె త్వరలో రాజకీయాల్లోకీ వెళ్ళాలనుకుంటుంటుంది. ఆమె గురించి ఒక డాక్యుమెంటరీ సినిమా రూపొందించాలనుకుంటారు ఆ ఊరిలోని ఇద్దరు wannabe filmmakers. స్థూలంగా అదీ కథ.

…..మరికొన్ని సినిమాల గురించి త్వరలోనే మరో రిపోర్టు.

గమనిక:నేను చూసిన వరుసక్రమంలో ఈ సినిమాల గురించి రాయటం లేదు.అసలు ఏది ముందు ఏది తర్వాత చూసానో గుర్తుంటే కదా! అన్ని సినిమాలూ చూసేసాక ఒక సినిమా కథను మరో సినిమా కథలో పెట్టేసి కలగాపులగం చేస్తానేమోనని వీలున్నప్పుడు గుర్తుకొచ్చిన సినిమా గురించి రాస్తున్నాను.

6)రాం చంద్ పాకిస్తానీ

ఇది నేను చూసిన రెండో పాకిస్తానీ సినిమా. చాలా బావుంది. వేషంలో నందితా దాస్ పాత్ర కమలి సినిమాలానే వుంది. కథ కూడా కొంచెం అలాంటిదే. ఈ సినిమా గురించి మరిన్ని విశేషాల కొరకు సూర్య ప్రకాశ్ గారి సమీక్ష చదవండి.

7)Tricks

పోలిష్ సినిమా. నాకు పోలిష్ సినిమాలంటే చాలా ఇష్టం. కానీ అవన్నీ 80-90 లలలో వచ్చిన కిస్లోస్కీ, వైదా, అగ్నెష్కా లాంటి పేరు మోసిన దర్శకుల చిత్రాలు.ఈ మధ్య కాలంలో వచ్చిన మంచి పోలిష్ సినిమా ఏదీ చూసినట్టు గుర్తు లేదు.

ఈ సంవత్సరం ఇక్కడ చలన చిత్రోత్సవంలో చాలా సినిమాలు చిన్న పిల్లలు ప్రధాన పాత్రలో నటించినవి ఉన్నాయి. అందులో ఈ సినిమా ఒకటి.

కథ చాలా చిన్నది. ఒక కుర్రాడు.  ఆ కుర్రాడు అతని తండ్రిని చూసి వుండడు. తన తల్లిని వదిలేసి వేరే ఆమెతో ఎక్కడో వుంటున్నాడని మాత్రం వినివుంటాడు. ఈ అబ్బాయికి రైళ్ళు, రైలు పట్టాలంటే పిచ్చి. రోజంతా రైల్వే స్టేషన్లో గడుపుతుంటాడు. అలా రోజూ రైల్వే స్టేషన్ కి వెళ్తూ అక్కడ చూసిన ఒక పెద్ద మనిషిని ‘ఇతనే నా నాన్న ‘ అని నిర్ణయించేసుకుంటాడు. అతనితో చిన్నగా పరిచయం పెంచుకుంటాడు. ఇంతకీ అతనే వాళ్ళ నాన్నా కాదా అని తెలుసుకోడానికి ఆ అబ్బాయి చేసే ప్రయత్నాలే ముఖ్య కథ.

8 Summer of Suspense

మరే సినిమాకీ టికెట్లు దొరక్క ఈ సినిమా చూశాను.నార్వే సినిమా. మళ్ళీ చిన్నపిల్లల సినిమానే. కాకపోతే ట్రిక్స్ లోలాగా కామెడీ కాకుండా ఇది థ్రిల్లర్. రొటీన్ కైం థ్రిల్లర్ లానే ఉన్నా, సినిమా జరిగే నేపథ్యం (నార్వే లోని ఒక దీవి), చిన్నపిల్లల నటన అన్నీ కలిపి బాగనే వుంది. నాన్సీ డ్రూ గుర్తుందా. ఆ పుస్తకాల్లా వుంది ఈ సినిమా కూడా.

9) The Desrt Within

గత సంవత్సరం ఇదే చలనచిత్రోత్సవంలో తన సినిమా La Zona ని ప్రదర్శించిన దర్శకుడు Rodrigo Pla ఈ సినిమాకి కూడా దర్శకుడు. ఈ రెండు సినిమాలూ కూడా చాలా కాంప్లికేటడ్ సినిమాలు. కానీ La Zona అంత గొప్పగా ఈ సినిమా లేదనే చెప్పాలి.

కథంటూ చెప్పాలంటే చాలా వుంది. మెక్సికో లో 1920 లలో జరిగిన వుద్యమంలో నేపథ్యంలో కథ మొదలవుతుంది. ఆ వుద్యమ సమయంలో అన్ని చర్చిలు మూసెయ్యాలని, అందులో పని చేసే ఫాథర్స్ ని అక్కడ్నుంచి వెళ్ళిపోమ్మని ప్రభుత్వం ప్రకటిస్తుంది. తన స్వంత అవసరం కోసం Elias ఫాథర్ ను వెనక్కి తీసుకొస్తాడు. ఈ విషయం తెలిసి ఆర్మీ ఆ వూరిపై దాడి చేస్తుంది.ఫాథర్ తో సహా చాలా మంది చనిఫోతారు. Elias తన వల్లే ఇదంతా జరిగిందని కుమిలి పోతాడు. తన ఎనిమిది మంది సంతానంతో ఆ ఊరినుంచి ఒక ఎడారిలోకి పారిపోతాడు. తను చేసిన పాపానికి ప్రాయశింత్తంగా ఒక చర్చి నిర్మించాలని తలపెడతాడు. ఏళ్ళు గడుస్తాయి. అక్కడ ఉద్యమం కూడా ముగుస్తుంది. కానీ ఈ విషయం వారికి తెలియదు. ఇది కథ మొదలు మాత్రమే. ఆ తర్వాత ఆ కుటుంబంలో జరిగిన సంఘటనలు, చర్చి నిర్మాణం, పాప పరిహారం, భక్తి లాంటి ఎన్నో అంశాలు మిగిలిన కథను నడిపిస్తాయి.  సినిమా కొంచెం నిడివి పెద్దది గా అనిపించింది.

సినిమాలో సినిమాటోగ్రఫీ అద్భుతం. యానిమేషన్ సీక్వెన్స్ లు చాలా బాగా ఉపయోగించారు.

10)Possibility of an Island

ఫ్రెంచ్ సినిమా. ఈ సినిమా దర్శకుడు Michel Houellebecq. వివాదాస్పదమైన అంశాల మీద నవలలు రాసే ఈయన సంచలనానికి మరో పేరట.ఈయన రచనలు చాలానే గతంలో సినిమాలు గా వచ్చాయి. ఈయన కలం వదిలి కెమెరా పట్టడం ఈ సినిమాతోనే.

ఈ చలనచిత్రోత్సవంలో మొదటి సారిగా నేను చప్పట్లు కొట్టిన సినిమా ఇది. కాకపోతే మూడొందలకి పైగా ఉన్న హాల్లో నాలా చప్పట్లు కొట్టిన వాళ్ళు పాతిక మంది కూడా లేరు. ఈ సినిమా గురించి ఇప్పటికే చాలా సమీక్షలు చెత్త సినిమా అని తేల్చేసాయి. నాకైతే సినిమాలోని చివరి 45 నిమిషాలు అద్భుతం అనిపించింది.

కథ చెప్పలేను. సైన్స్ ఫిక్షన్ సినిమా. “కొంచెం టార్కోవ్స్కీ, కొంచెం కూబ్రిక్” అనిపించింది ఈ సినిమా. నాకైతే మొత్తానికి సినిమా చాలా నచ్చింది. కానీ చాలాచోట్ల విమర్శకులు నవ్వులే నవ్వులట ఈ సినిమా చూసి.

నేనైతే మళ్ళీ ఇంకోసారి తప్పక చూస్తాను. ఇప్పటికే ఈయన పుస్తాకాలు మా లైబ్రరీలో రిజర్వ్ కూడా చేసేసుకున్నాను.

ఈ నెల పదిహేనవ తేదీ నుంచి లండన్ లో జరుగుతున్న అంతర్జాతీయ చలనచిత్రోత్సవం గురించి మీకు తెలిసే వుంటుంది. ఈ చిత్రోత్సవంలో ప్రపంచంలోని వివిధ దేశాల నుంచి వచ్చిన 300 సినిమాలను ప్రదర్శిస్తున్నారు.పది పదిహేను రోజుల్లో అన్నీ సినిమాలు చూడడం కుదరకపోయినా కనీసం ఒక యాభై సినిమాలైనా చూడాలనే లక్ష్యం పెట్టుకుని నేనూ ఈ పండగ లో భాగం అయ్యాను.ఈ రోజు ఈ చిత్రోత్సవంలో ఆరవ రోజు. ఇప్పటి వరకూ ఈ చిత్రోత్సవం లో నేను చూసిన సినిమాల గురించి తెలియచేసే మొదటి రిపోర్టు ఇది.ఈ చలనచిత్రోత్సవంలో నేను చూసిన సినిమాల వివరాలు.

Note:ఈ సినిమాల గురించి పూర్తి  స్థాయి సమీక్షలు ఇక్కడ పొందు పరచడం లేదు. చలనచిత్రోత్సవం తర్వాత, అన్నీ కాకపోయినా కొన్ని ముఖ్యమైన సినిమాల గురించి పూర్తి స్థాయి సమీక్షలు వ్రాసే ప్రయత్నం చేస్తాను.

1)Once Upon a Time in the West

ఈ చలనచిత్రోత్సవం లో నేను మొదటిగా చూసిన సినిమా Once Upon a Time in the West. Sergio Leone అనే ఇటాలియన్ దర్శకుడు రూపొందించిన వెస్టర్న్ సినిమా ఇది. ఇప్పటికే ఈ సినిమా గురించి చాలా మందికి తెలిసే వుంటుంది. నటీ నటుల నటన, సంగీతం, దర్శకత్వం, సినిమాటోగ్రఫీ అన్నీ సినిమాకి హైలైట్స్. మళ్ళీ మళ్ళీ చూసి ఆనందిచగలిగే సినిమా. ఈ సినిమాని ఈ చలన చిత్రోత్సవం సందర్భంగా డిజిటల్ గా restore చేసి చాలా ఏండ్ల తర్వాత వెండి తెరపై ప్రదర్శించారు. చాలా సార్లు చూసిన సినిమా అయినప్పటికీ వెండి తెరపై చూసిన అనుభూతి చాలా బావుంది.

2)Kala

ఇది ఇండోనేసియా నుంచి వచ్చిన సినిమా. హారర్ సినిమాలా మొదలయ్యి ఫాంటసీ సినిమాగా ముగుస్తుంది. ఇలాంటి సినిమాలనే Genre Benders అంటారట! సినిమా ఎత్తుగడ బావుంది. కథ, కథనం ఆసక్తిగొలిపేలా ఉన్నాయి. ఇండోనేసియాలోని ఒక పట్టణం. అనుకోని పరిస్థుతుల్లో ప్రజలు మరణిస్తుంటారు. ఆ కేసు పరిశోధించే ఇన్స్పెక్టర్, మరియు ఒక వార్తా పత్రిక రిపోర్టర్ ఇందులో ప్రధాన పాత్రలు.

జపనీస్ సినిమా రింగ్ ఈ సినిమాకి తప్పకుండా ప్రేరణ అనిపించింది. కథ కథనం రెండూ కూడా దానిలాగే ఉన్నాయి. అయినప్పటికీ కొన్ని really scary moments ఉన్నాయి.

గొప్ప సినిమా కాదు. అలా అనీ మరీ తీసెయ్యాల్సిన సినిమా కూడా కాదు. కాకపోతే ఇలా చలనచిత్రోత్సవంలో చూసీ తరించాల్సిన సినిమా మాత్రం కాదు.

3)Welcome to Sajjanpur

ఈ సినిమా గురించి ఇప్పటికే నవతరంగం పాఠకులకు తెలిసేవుంటుంది. శ్యాం బెనగల్ దర్శకత్వంలో వచ్చిన సినిమా. ఫర్వాలేదనిపించే సినిమా. కానీ గతంలో వచ్చిన శాం బెనగల్ సినిమాలతో పోల్చదగ్గది కాదు. ఇది నా మాట కాదు. ఇక్కడ చాలా మంది విమర్శకుల మాట

4)Frozen River

అమెరికా లోని ఒక కుటుంబం కథ ఇది. క్రిస్టమస్ దగ్గరకొస్తుంటుంది. ఆ కుటుంబానికి ఆధారమైన భర్త ఇంట్లోని డబ్బులన్నీ దొంగలించి ఎటో పారిపోతాడు. తనకున్న చిన్న ఉద్యోగంతో ఎలాగో కుటుంబాన్ని నడిపించే ప్రయత్నం చేస్తుంది భార్య. ఇలాంటి పరిస్థుతుల్లో ఆమెకి మరో యువతి పరిచయం అవుతుంది. ఇద్దరూ కలిసి కెనడా నుంచి illegal immigrants ని తీసుకొచ్చి డబ్బు సంపాదిస్తుంటారు. ఈ మహిళలిద్దరి కథ ఇది.

ఇండిపెండెంట్ సినిమా. Sundance చలనచిత్రోత్సవం విజేత. హాలీవిడ్ సినిమాలకి లాగ భారీ నిర్మాణ విలువలు లేవు. ఉన్నదల్లా ఆసక్తి గొలిపే కథనం, మంచి నటన. మంచి సినిమా తప్పక చూడొచ్చు.

5)The Class
ఫ్రెంచ్ సినిమా. ఈ మధ్యనే జరిగిన Cannes చలనచిత్రోత్సవంలో అత్యుత్తమ సినిమా పురస్కారం అందుకుంది. ఇప్పటి వరకూ ఈ చిత్రోత్సవంలో నేను చూసిన అత్యుత్తమ సినిమా.

కథంటూ పెద్దగా ఏమీ లేదు. పారిస్ లోని ఒక పాఠశాల. శెలవుల తర్వాత ఆ పాఠశాల మొదలయిన రోజు సినిమా మొదలవుతుంది, ఆఖరు రోజున ముగుస్తుంది. మొత్తం ఆ పాఠశాలలోనే నడుస్తుంది. అదీ కూడా మొత్తం పాఠశాలలో కాకుండా ఆ పాఠశాలలోని ఒక క్లాస్ రూం లో మొత్తం సినిమా నడుస్తుంది.

ఒక క్లాస్ రూం లో నాలుగు గోడల మధ్య ఒక టీచర్ మరియు ఆ క్లాసు విద్యార్థుల మధ్య జరిగే రోజువారీ సంఘటనలే ఈ సినిమాలోని సన్నివేశాలన్నీ కూడా.

దాదాపు అందరూ కొత్త నటులు.హ్యాండ్ హెల్డ్ కెమెరా.బ్యాక్ గ్రౌండ్ మ్యూజిక అసలే లేదు.ఎడిటింగ్, సినిమాటొగ్రఫీ సూపరు.రియలిస్టిక్ సినిమా.  యాక్టింగ్ గురించి చెప్పలేను. చూసి తీరాల్సిందే. వివిధ జాతులనుంచి వచ్చిన టీనేజ్ విద్యార్థులు, వారి ఆలోచనలకు అద్దం పట్టిన సినిమా.

ఈ సంవత్సరంలో వచ్చిన అత్యుత్తమ సినిమాల్లో ఒకటి. తప్పక చూడాల్సిన సినిమా.

Sorry for the delay (If any one was waiting!)