కొద్ది కాలం క్రితం IMDB Top 250 పైన యుద్దం ప్రకటించి ఒక్కొక్క సినిమా సంగతి చూడడం మొదలు పెట్టినపుడు ఆ జాబితాలో Groundhog Day సినిమాను  చూసాను. అప్పటివరకు ఈ సినిమా పేరు వినలేదు,  ఈ సినిమా గురించి ఎక్కడా చదవలేదు, పైగా సినిమాలో కథానాయకుడు బిల్ మర్రే!! ” బిల్ మర్రే సినిమాలు అంటే  మామూలు కామెడీతో కాసేపు నవ్వుకొని మరచిపోయేవి, పొరపాటున ప్రేక్షకులు ఎక్కువ రేటింగ్ ఇచ్చారేమో”నని అనుమానంతో  సినిమా చూడడం మొదలు [...]

మును మాడగాస్కరను పుర
మును, తమ పట్టణపు హొయల ముంచిన వైన
మ్మును గని నగి జనిన జన
మ్ము నుల్లసమున మలి ముంచి ముదమందించే
***
పని తలపెట్టి, కితకితల
పనితనముకు సానపెట్టి, పసతో గురిత
ప్పని హాస్యము సంధించియు,
పనితములయిన పనులన్ సఫలముగ సలిపే
***
నలుగురు ముందు కురికి, కో
నులు కానలు తిరిగి యాతనల బడినా, పి
న్నల పెద్దల కొరకై, చి
న్నెలు చిందించి యలరింప నేర్చిరి భళిరా!
***
మునుపటి స్నేహితుల్ హితులు మూగిరి సాయముసేయ సంబరమ్మున సరి క్రొత్త జంతువుల మూకలు వచ్చెను తోడు సంతసమ్ము నినుమడింపజేయ.
***
“గొప్పమాటలింత లప్పజెప్పుచునుంటి [...]

న్యూఆర్లియన్స్, లూసియానా 2005. కత్రీనా కన్ను ఆ నగరం పై పడ్డ వేళ.. ఓ ఆసుపత్రిలో మరణశయ్యపై ఓ వృద్ధురాలు. పక్కనే ప్రౌఢ వయస్సులో ఉన్న అమె కూతురు. ఆమె చేతిలో ఓ పుస్తకం. అది వేరెవరిదో కాదు మన కథానాయకుడు ‘బెంజిమన్ బటన్’ రాసుకొన్న డైరీ.
ఇక్కడి నుంచి కథ ప్రారంభం అవుతుంది. అక్కడ ఒక్కో పేజీ తిప్పుతూంటే ఇక్కడ బెంజిమన్ జీవితంలో ఒక్కో ఘట్టం మన ముందుకు వచ్చి పోతూంటుంది. ఏ కథకైనా ప్రారంభం, ముగింపు [...]

కం. పొరబడి పేరంటంలో
జొరబడి చతికిలబడి మనసొప్పనిదైనా
స్థిరపడినందుకు వ్యధపడి
భరియించి తుదకు త్వరపడి బయటపడితిరోయ్
క్లుప్తంగా చెప్పాలంటే అలాంటిదే ట్వైలైట్ అనుభవం కూడాను. శనివారం ఉదయం పదకొండు గంటల సమయానికి ఇంటిదగ్గర ఉన్న హాలులో యస్ మాన్ ఆడుతోందేమో చూద్దామనుకొని వెళ్ళి, త్వరలో ఆటేదీ లేదని తెలిసాక, మరో ఐదు నిమిషాలలో ట్వైలైట్ ప్రారంభం కానున్నదిని గమనించి, అది మొదటి వారంలో అమెరికాలో ఢంకా మ్రోగించిందని లీలగా గుర్తురావడం వలన ఆబతో డబ్బుపెట్టేయడం ఆ అనుభవానికి నాంది.
ఎన్నో ఏళ్ళుగా పదిహేడేళ్ళ కుర్రాడిలా [...]

హాలీవుడ్ హాస్య చిత్రాలనగానే నేటి తరం ప్రేక్షకులకి గుర్తొచ్చే మొదటి పేరు: జిమ్ క్యారీ. ‘ది మాస్క్’, ‘ఏస్ వెంచురా: పెట్ డిటెక్టివ్’,  ‘లయర్-లయర్’, ‘డంబ్ అండ్ డంబర్’, ‘హౌ ది గ్రించ్ స్టోల్ క్రిస్మస్’,  ’బ్రూస్ ఆల్‌మైటీ’ వంటి హిట్ చిత్రాలతో హాస్యనటుడిగా ప్రపంచవ్యాప్తంగా అభిమానులని సంపాదించుకున్నాడీ ప్రతిభావంతుడు. క్యారీ పేరు చెప్పగానే అతని ఎలాస్టిక్ ముఖమే మదిలో మెదులుతుందెవరికైనా. ఐతే జిమ్ క్యారీ హాస్య చిత్రాలకే పరిమితమవకుండా ‘ది ట్రూమాన్ షో’, ‘ఎటర్నల్ సన్‌షైన్ [...]

“ది కిడ్” 1921 నాటి చార్లీ చాప్లిన్ మూకీ సినిమా. అప్పటి సినిమాల్లో అత్యంత ప్రాచూర్యం పొందినవాటిలో ఇదీ ఒకటి. ఇప్పటికీ “ది కిడ్” అభిమానులు చాలా మంది ఉన్నారు. సినిమా విడుదలై తొంభై ఏళ్ళౌతూ ఉంటే ఇంకా ఆ సినిమా పేరు జనాల మధ్య ఉండటం అంటే మాటలు కాదు. అదొక్క విషయం చాలు ఈ సినిమా చారిత్రక విలువను తెలియజెప్పడానికి.
కథ: ప్రేమలో మోసపోయిన ఓ యువతి బిడ్డకి జన్మనిస్తుంది. ఆ బాబునేం చేయాలో [...]

చార్లీ చాప్లిన్ సినిమాలతో నాకు పెద్ద పరిచయం లేదు. అప్పుడెప్పుడో “easy street” వంటి చిన్న సినిమాలు ఒకట్రెండు చూసాను కానీ, ఆ తరువాత మళ్ళీ ఎప్పుడూ చూడలేదు. “ఆవారా” చూస్తున్నప్పుడు “ఆవారాహూ” పాటలో రాజ్ కపూర్ ని చూసాక చాప్లిన్ ని మళ్ళీ చూడాలనిపించింది. ఆ విధంగా “ది ట్రాంప్” అన్న 1915 మూకీ చిత్రం చూసాను. ఆవారా పాత్ర రూపకల్పనకి ప్రేరణ అయిన “ట్రాంప్” పాత్రధారణ మొదలైన తొలి సినిమా ఇదేనని తెలిసింది. చాప్లిన్ [...]

‘ఒక మూటలో పట్టేవాటి కన్నా ఎక్కువ నాదగ్గర ఏమీ లేవు. మనతో కూడా ఏమీ తీసుకెళ్ళలేం, మనగురింఛి చెప్పుకోడానికి ఒక కథ తప్ప’ అన్న అర్ధంలో ఒక మాట అంటాడు ‘ఆస్ట్రేలియా’ సినిమాలో డ్రోవర్ (హ్యూజ్ జాక్ మాన్) తన వాహనంలో డజన్ల పెట్టల సామన్లతో ప్రయాణం చేస్తున్న లేడీ సారా ఆష్లీ (నికోల్ కిడ్ మాన్)తో. ఒక మంచి మహాకావ్యం (epic) చూపిస్తానన్నాడు కదా అని కూర్చుంటే అరడజను కథలు కలగాపులగం చేసి, దానికి యింకొన్ని [...]

1927లో వార్నర్ బ్రదర్స్ సంస్థ నిర్మించిన ‘ది జాజ్ సింగర్’ ప్రపంచంలోని మొట్టమొదటి టాకీ చిత్రం. అప్పటి నుండీ ఈ ఎనభయ్యేళ్లలో హాలీవుడ్ నిర్మించిన వేలాది సినిమాల నుండి జాగ్రత్తగా ఏరి వంద అత్యుత్తమ చిత్రాల జాబితానొకదాన్ని రూపొందిస్తే, వాటిలో మొదటి స్థానంలో నిలిచేది: ‘సిటిజెన్ కేన్’. 1941లో విడుదలైన ఈ నలుపు-తెలుపు చిత్రం విడుదలానంతరం ప్రపంచవ్యాప్తంగా సినీ ప్రేమికుల దృష్టిలో ఓ మహాకావ్యంగా గుర్తింపు పొందితే, ఈ చిత్రం తీసి విడుదల చేయటానికి దర్శక నిర్మాతలు [...]

దర్శకత్వం : ఆలివర్ స్టోన్.
రచన: స్టాన్లీ వైసర్
నిర్మాతలు: మోర్టిజ్ బోర్మన్, జోన్ కిలిక్, బిల్ బ్లక్, ఆలివర్ స్టోన్
నటన : జాష్ బ్రోలిన్, ఎలిజబెత్ బాంక్స్, జేమ్స క్రామ్ వెల్, ఎల్లన్ బర్ స్టన్ తదితరులు.
విడుదల: 17 అక్టొబరు 2008
ప్రపంచంలో చాలా మంది బుద్ధిమంతులకి జార్జ్ బుష్ అంటే మంట. అందులో నేనూ ఒకణ్ణి. బుష్ ద్వేషుల్లో ముందు వరసలో వుండే వాళ్ళల్లో ముందుండేవాడు ఆలివర్ స్టోన్. ఆయన గురించి తెలియని వాళ్ళకి, ఆలివర్ స్టోన్ లిబరల్ [...]