పూరీజగన్నాథ్ కలం బలంతో “రాంబాబు”

Cameraman-Ganga-tho-Rambabu-Scenes

ఒక పిచ్చితల్లికి పుట్టిని అనాధ మెకానిక్ యాక్సిడెంటల్ గా జర్నలిస్టై కాబోయే ముఖ్యమంత్రిలాంటి నాయకుడిని ఛాలెంజ్ చేసి రాష్ట్ర రాజకీయాల్ని ఎలా మార్చాడు, ప్రజలకు ఎలా స్ఫూర్తినిచ్

చి నాయకుడుకాని నాయకుడయ్యాడు అనేది “కెమెరా మెన్ గంగతో రాంబాబు” సినిమా కథ. ‘కథ ఇది’ అని చెప్పానుకదా మరి కథలేదంటావేమిటని అడక్కండి. హిట్ సినిమాకి అలాంటి లాజిక్కులుండవు. అదే పూరీజగన్నాథ్ మాటల మహత్యం.

పవన్ కళ్యాణ్ కనువిందైన నటన, తమన్నాకు అతకని డబ్బింగ్,ర్యాండమ్ గా నవ్వుల్ని పూయించే ఆలి,బ్రహ్మానందం, తాగుబోతు రమేష్ ల కామెడీ, తళుక్కుమనే ఆండ్రియాలతో పాటూ ప్రకాష్ రాజ్ పవర్ ఫుల్ నటన, సీజన్డ్ కోటశ్రీనివాసరావు అభినయం, తనికెళ్ళ భరణి రొటీన్ పాత్ర ఇవన్నీ సినిమాను ఒక పెద్ద స్థాయి సినిమా చేశాయి. కథకన్నా కొన్ని బాగా పేలే దృశ్యాల్ని, సంభాషణల్ని నమ్ముకుని సినిమా మొత్తాన్ని ఒక కాలిక్యులేటెడ్ ప్యాకేజిగా చెయ్యడంలో పూరీ జగన్నాథ్ సఫలమైనట్టే. ఒకప్పుడు రజనీకాంత్ రాజకీయ ఆరంగేట్రం చేస్తాడని రూమరొచ్చేలా చేసిన సినిమాల తరహాలో ఈ సినిమాలో పవన్ కళ్యాణ్ చేత చెప్పించిన డైలాగులు అనిపిస్తాయి. చాలా సినిమాల తరువాత పవన్ కళ్యాణ్ శ్రద్ధగా డబ్బింగ్ చెప్పి ఆ డైలాగుల సత్తా చాటడం గమనించదగ్గ విషయం. తమన్నా పాత్రగానీ, నటనగానీ, డబ్బింగ్ గానీ సరిగ్గా అతకక పెద్దగా పండలేదు. పాటల్లో యధావిధిగా అందంగా ఉంది.

సంగీతపరంగా పాటలు నిరాశపర్చినా నేపధ్యసంగీతం సినిమాలు బాగా పనికొచ్చింది. నేపధ్యగీతంలో భాస్కరభట్ల కలం కదం తొక్కింది. ఛోటా కె నాయుడు సినెమాటోగ్రఫీ చాలా అందంగా అమరింది. ఈ సినిమా హీరో పవన్ కళ్యాన్ అయినప్పటికీ అసలు హీరో మాత్రం పూరీజగన్నాథ్ లోని రైటర్. అతిశయమైన అతుకుల బొంతలాంటి కథకు ఆసక్తికరమైన దృశ్యాలు, ఆలోచించజేసి అబ్బురపరిచే కొన్ని మాటల నగిషీలతో అతుకులు కుట్టి అందంగా అమరేలా కొత్త డిజైన్ తయారు చేశాడు. రైటింగ్ బలంతో హైస్పీడ్ దర్శకత్వంతో ఈ సినిమా పూరీ చేసినా ప్రధామార్థంలోని డొల్లతనం, ద్వితీయార్థంలోని అనవసరపు సీన్ల బరువు ప్రేక్షకుడి మీద పడకమానదు. కాకపోతే క్లైమాక్స్ లోని బలం, పవన్ కళ్యాణ్ చివరి డైలాగ్ థియేటర్ విడిచినా మనసులో గుర్తుండటంతో అప్రయత్నంగా “బాగుంది” అనిపించజేసే సినిమా ఇది. చూడండి.

10 Comments

10 Comments

  1. Praveen Mandangi

    October 21, 2012 at 12:55 pm

    I watched the movie in Rayagada, Orissa. Viewers in the theater laughed because of much of pro-Congress propaganda in that cinema. That cinema didn’t attract me in any way.

  2. sasank

    October 21, 2012 at 9:23 pm

    nice review mahesh, these kind of movie have to be encouraged. although its far from being called a perfect film, still you can enjoy it.

    one small correction. cinematography is by sam.k.naidu, not chota.k.naidu :)

  3. ramnv

    October 23, 2012 at 2:12 pm

    This is one of the best movie in tolloywood, because this film shows the importance of Nationality.

    I really enjoyed the movie. after cuts also movie is doing good.

  4. Praveen Mandangi

    October 24, 2012 at 4:33 pm

    Nationality లేదూ, తొక్కా లేదు. ఆ సినిమా చూస్తున్నప్పుడు అది కాంగ్రెస్ ప్రోపగాండా సినిమా అనుకుని థియేటర్‌లో ఉన్న జనం నవ్వుకున్నారు. తరువాత తెలిసింది “పూరీ జగన్నాథ్ సోదరుడు జగన్ పార్టీ టికెట్ ఆశించిన భావి అభ్యర్థి అనీ, అందుకే ఆ సినిమాలో ముఖ్యమంత్రి పాత్రకి చంద్రశేఖర్ అనే పేరు పెట్టాడనీ”. అదొక ప్రోపగాండా సినిమా తప్ప ఇంకొకటి కాదు.

    • ramnv

      October 25, 2012 at 5:18 pm

      praveen garu,

      CM name as Candra babu Naidu ano leka chandrasekharao ano pedithe meeku snathosham ga untundanukunta ???

  5. Ashok

    October 26, 2012 at 3:42 pm

    కధనం, సంభాషణల మీద కన్నా కథ మీద కొంచెం శ్రద్ధ పెట్టి ఉంటే మంచి సినిమా అయ్యి ఉండేది. సినిమాకి ఎలా ముగింపు ఇవ్వాలో తెలియక ఇబ్బంది పడ్డారు. ఇదే ఇబ్బంది “Businessman” సినిమాలో కనిపించింది. పెద్ద దర్శకుడు సంవత్సరానికి 3 సినిమాలు తియ్యలనుకోవటం మంచిదే కానీ రాసితో పాటు వాసి కూడా ఉండాలనేది పూరి గమనించాలి లేకపోతే తన గురువు రామ్గోపాల్ వర్మ సినిమాలకి పడుతున్న గతే తనకి పడుతుంది.

  6. kumar

    October 30, 2012 at 11:51 am

    may be praveen is a Telangana vadi. But why Telangana people dont accept second opinion on T issue. I am sorry Praveen used Nationality ledu tokkaa ledu. Nobody is considering nationality & federal freedom… accept their stomachs…

  7. kumar

    October 30, 2012 at 11:52 am

    anyway… mahesh.. meeru tilak story ni alaa bhrashtu pattimchaarendukani?

  8. sudhir.kumar

    November 8, 2012 at 3:59 pm

    Movie is partially good but pavan rocked in this movie

  9. నారాయణస్వామి

    January 30, 2013 at 5:53 am

    మహేశ్ కత్తి లాంటి ప్రతిభావంతుడైన సినీ విమర్శకుడూ, దర్శకుని దగ్గరి నుండి ఇటువంటి సమీక్ష చూసి హతాశుడి నైనాను. యేంటి సార్ ఇది? ఈ సినిమా చూసి మామూలు మనిషి కావడానికి చాలా రోజులు పట్టింది. అట్లా తేరుకున్నాక ఈ సమీక్ష చూసి మూర్చ పోయాను. యింత ఘోరమైన యింత దారుణమైన సినిమా ఈ మధ్య కాలంలో చూడలేదు – దీన్ని ఏ కొలమానాల ఆధారంగా ఈ సమీక్ష చేసారో తెలియడం లేదు. సినిమాలో ఒక కథ లేదు (అది మీరు ఒప్పుకున్నదే) , ఒక కథనం లేదు , ఒక్క సీనూ సవ్యంగా లేదు – ఒక్క మాటా తీరుగ లేదు. యేమి సినిమా అండీ ఇది – సినిమా గొప్పగా తీసి రాజశేఖర రెడ్డి మంచివాడంటే నా స్పందన వేరుగా ఉండేది – ఇది అసలు సినిమానే కాదు – ముఖ్యంగా 2 సగం మరీ దారుణం – మీకు పవన్ ఎట్లా నచ్చాడు మాటలెలా నచ్చినయి? తల్చుకుంటేనే భయంగా ఉంది – సార్ మీరిట్లాంటి సమీక్షలు రాయడం అవసరమా? మరొక్కటి – మీరు వచ్చిన ప్రతి తెలుగు సినిమా ని చూసి ఆ చిత్రహింస భరించి మీ బాధను ఇట్లా సమీక్ష రూపంలో మా మీద రుద్దాల్సిన అవసరమూ లేదనే నా విన్నపం. దాని బదులు మంచి ప్రపంచ క్లాసిక్ సినిమాలని పరిచయం చెయ్యండి సార్ ! మీ అభిరుచినీ , మీ ఆనందాన్నీ మేమూ పంచుకుంటాము. మరో విన్నపం – మీరు తీయబోయే మంచి సినిమాలని ప్రేక్షకలు ఆదరించాలంటే మీరు ప్రేక్షకుల అభిరుచి స్థాయి పెంచే ప్రయత్నం చేయాలి . లేక మీరు ఇట్లాంటి సినిమాల మీద సమీక్షలు రాసి అభిప్రాయాలు చైబితే ప్రయోజనం పెద్దగా ఉండదనే నా అభిప్రాయం.

Leave a Reply

To Top