బై.. బై.. బాబూమోషాయ్…
రాజేష్ ఖన్నా…!!
ఆ పేరులో ఎంత మహత్యం వుందో తెలియాలంటే డెబ్భైల్లో టీనేజ్ లో వున్న అమ్మాయిల్ని అడగాలి. ఆయన ఫోటో ఎదురుగా పెట్టుకోని, కత్తితో వేలు కోసుకోని దాన్నే సింధూరంగా పెట్టుకోని రాజేష్ ఖన్నా భార్యలుగా ఎంతమంది మారిపోయారో వాళ్ళే చెప్తారు. ఆయన హోటల్లో వున్నాడంటే బయట అర్థరాత్రి దాటినా వరసకట్టి నిలుచున్న అమ్మాయిల వివరాలు కావాలంటే ఆయనతో పనిచేసిన షర్మిలా టాగూర్ నో, ముంతాజ్ నో అడగాలి. కేవలం ఆయన కారు అయిన పుణ్యానికి దాన్నిండా అమ్మాయిల లిప్ స్టిక్ ముద్దులు ముద్దర్లు ఎన్ని పడ్డాయో తెలియాలంటే ముంబై నగర వీధుల్ని అడగాలి.
లేడు… ఇక లేడు. వెళ్ళిపోయాడు. రాజేష్ ఖన్నా వెళ్ళిపోయాడు.
“అరే ఓ బాబూ మోషాయ్… హమ్ తొ రంగ్ మంచ్ కి కట్ పుతిలియా హై జిస్కే డోర్ ఉస్ ఊపర్ వాలే కె హాతోం మేం హై. కబ్, కౌన్ కహాన్ ఉఠాయేగా ఏ కోయీ నహీ జాన్తా…”
(బాబూ మోషాయ్… మనం ఈ నాటకరంగంలో తోలు బొమ్మలం. ఈ బొమ్మల తాళ్ళు ఆ పైవాడి చేతిలో వున్నాయి. ఎప్పుడు, ఎక్కడ ఎవరిని పైకి లాక్కెళ్తాడో ఎవరికీ తెలియదు)
మనం అందరం ఆనంద్ లో అమితాబ్ బచ్చన్లం అయిపోయాం.
రాజేష్ ఖన్నా పాట పాడితే… అదేనండీ రాజేష్ ఖన్నా పాటన్నా, కిషోర్ కుమార్ పాటన్నా ఒకటే కదా? ఆ పాట ఎన్ని గుండెల్లో మోగిందో…
“జిందగీ… కైసె పహేలీ హాయె… కభి యె రులాయే… కభి యె హసాయే…”
ఏడుపైనా రాదు ఎవ్వరికీ… చెప్పాడుగా ముందే…
“పుష్పా… ఏ పుష్పా… ఐ హేట్ టియర్స్…”
ఈ మనిషి వరసగా సాధించిన పదిహేను విజయాలు మళ్ళీ ఎవరైనా సాధించగలరా? ఎంతమంది స్టార్లు వచ్చినా భారతదేశపు తొలి సూపర్ స్టార్ ఒకరే…
షూటింగ్ కోసం బ్రిడ్జి పైన పర్మిషన్ అడిగితే అభిమానుల తాకిడికి బ్రిడ్జ్ కూలుపోతుందని నిరాకరించారట… సినిమా పవర్ ని ప్రజలపైన సినిమా నటుడు వేసే ముద్రని నిరూపించడానికి వచ్చాడు… పనైపోయింది.
చివరిగా చేసిన అడ్వర్టైజ్మెంట్ లో చెప్పాడు కదా… Fans are forever అని…. నిజమే… ఆయన లేకపోయినా ఆయన సినిమాలు వున్నాయిగా… ఎప్పటికీ తరిగిపోని ఫాన్స్ ఇవ్వడానికి…!!
సుజాత
Jul 18, 2012 @ 18:17:13
ఈ వార్త వినగానే నాక్కూడా ఎందుకో ఆనంద్ సినిమాయే గుర్తొచ్చింది. తిరుగుతూ తిరుగ్తూ ఆగిపోయిన టేప్ లోంచి “బాబూ మొషాయ్” అన్న ఆనంద్ గొంతు విని ఉలిక్కి పడ్డ అమితాబ్ గుర్తొచ్చాడు.
కొంతమందిని అనివార్యంగా ఇష్టపడిపోతాం. అందుకే వాళ్ళకి వందేళ్ళు వచ్చాక పోయినా సరే…ఏడుస్తాం!
I miss him
krshany
Jul 18, 2012 @ 18:55:16
అద్భుతమైన వర్ణన… రాజేష్ ఖన్నా!! ఆనంద్ కభి మర్తే నహిన్ http://www.cinemaya-bazaar.com/2012/07/rajesh-khanna1942-2012-tribute.html
Purnima
Jul 18, 2012 @ 20:53:32
డబ్భైలనాటికి నేను టీనేజ్ లో లేను. ఫోటోలని పెళ్ళి చేసుకునేంత విపరీతమైన పిచ్చి ఎప్పుడూ పట్టలేదు. నేను ఇప్పటికి వరకూ ముంబై చూడలేదు. కానీ ఇక్కడ మీరు చెప్పడానికి ప్రయత్నించిన “రాజేష్ ఖన్నా కలిగించే euphoria” నాకు నా హైస్కూల్ రోజుల నుండి స్వానుభవం. స్కూల్ లో లంచ్ అవర్స్ లో షారుఖ్, అమీర్ ఫాన్స్ కు దూరంగా ఓ “మిని రాజేష్ ఖాన్ ఫాన్ క్లబ్” పెట్టుకున్నాం.
నాకనే కాదు, ఇంకో పాతిక, యాభై సంవత్సరాల తర్వాత అమ్మాయిలు ఈయన డివిడీలు ముందేసుకొని కూర్చుంటే.. ఆయణ్ణి చూస్తున్నంత సేపూ రెప్పలు వేయటం మానేసినా నేను ఆశ్చర్యపోను. ఎందుకంటే, రాజేష్ ఖన్నా ఒక మెజీషియన్.. తెరపై నుండి అలా హృదయంలోకి దిగిపోతాడు. ఆయన అందగాడు అయినందుకే కాదు. కంటికి కనిపించని అందమేదో ఉందాయన దగ్గర. దానికి rhythm, style, spontaneity లాంటి పేర్లు ఎన్ని ఇచ్చుకున్నా అది ఇంకా అనిర్వచనీయంగానే ఉంటుంది.
His fans are forever, because he is. My deepest condolences to all his fans, especially the gals on those streets.
srinivas reddy.g.
Jul 18, 2012 @ 23:26:18
zindagi kaisi hi paheli paata padindi MANN DEY kabatti kishore paata yedaina raste bagundedi.
శారద
Jul 19, 2012 @ 02:27:55
వింతేమిటంటే, ఈ తరం ఇల్లలైన మా అమ్మాయిలద్దరూ, రాజేష్ ఖన్నా అంత అందగాడింత వరకూ పుట్టలేదనుకుంటారు!
“పుష్పా, ఐ హేట్ టియర్స్”, డైలాగ్ కూడా మా ఇంట్లో ఫేమస్.
emmkaypee
Jul 19, 2012 @ 18:45:38
Gabbar Singh Review Navatarangam lo vasthundi ani nenu chala aatram gaa eduru choosaanu. still waiting, naku telisinantha varaku navatarangam lo reviews kontha genuine gaa vastaayi. Gabbar Sing Super Hit ani lokam kodai Koosthundi kabatti veellu matram emi review rayagalaru, Gabbar singh cinema ATHI KI VEKILI THANANIKI, PORAMBOKU THANANIKI OKA PARAKASTA MARIYU NILUVETTHU NIDARSHANAM, anduke intha hit aiyaina cinema baga ledu ani review rasthe bagodu kanuka ilaa mounam gaa vundi poyaaru Navatarangam vallu
Navatarangam editors ki cinema chala bagundi ani review rayamanandi Dhairyam vunte