ఒక రచయిత కృషి “ఋషి”
ప్రసాద్ ప్రొడక్షన్స్ చాలా సంవత్సరాల తర్వాత మళ్ళీ నిర్మాణరంగంలోని అడుగుపెట్టాలనుకుంటే ఖచ్చితంగా అచితూచి అడుగేస్తారనడంలో ఏమాత్రం సందేహం లేదు. దానితోపాటూ అలాంటి నిర్మాణ సంస్థని ప్రేరేపించి, మళ్ళీ ఒక సినిమా తియ్యాలనే కోరిక కలిగేలా చేసిన కథకుడూ దర్శకుడూ రాజ్ మాదిరాజు ప్రతిభని కూడా అంచనా వెయ్యొచ్చు. ఈ నమ్మకం, అంచనాతోపాటూ, “మెడిసన్ ఒక తపస్సు. డాక్టర్ ఒక ఋషి” అంటూ ప్రోమోలు కలిగించిన ఆసక్తితో థియేటర్ కి వెళితే వేటినీ నిరాశపరచని చిత్రం ‘ఋషి’.
కేర్ లెస్ స్టూడెంట్ గా పరిచయమయ్యే మెడికో ఋషి, డాక్టర్ వృత్తి అనే తపస్సులో నిజమైన ఋషిగా మారి, ఎలా మిగిలిపోయాడు అనేది చిత్ర కథాంశం. డాక్టర్ కి పేషెంట్ కీ మధ్య ఉండాల్సిన సంబంధాల ఆబజక్టివిటీ, మెథాడికల్ ప్రొఫెషనలిజం గురించి భారతీయా సినిమాల్లో ‘ఆనంద్’ మొదలు మొన్నమొన్నటి ‘మున్నాభాయ్’ వరకూ ఎన్నో చిత్రాల్లో వచ్చాయి. వాటన్నిటి పార్శాల్నీ అందుకుంటూనే, మెడికోల కాలేజి జీవితాలను నిజానికి దగ్గరగా చూపిస్తూ, ఋషి అనే ఒక మెడికల్ స్టూడెంట్ (హౌస్ సర్జన్) ఆదర్శాన్ని కళ్ళకుకట్టే చిత్రం ఇది.
ఋషి గా అరవింద్ కృష్ణ స్క్రీన్ ప్రెజెన్స్ చాలా బాగున్నా నటనలో పరిణితి అవసరం. ముఖ్యంగా బాడీలాంగ్వేజ్ పరంగా ఇంకా స్టిఫ్ గానే కనిపించడంతో కొన్ని సీన్లు అవసరమైన స్థాయిలో పండించలేకపోయాడు. నటనలో కొంత ఈజ్ చూపించగలిగితే ఒక మంచి నటుడైన హీరో తెలుగు పరిశ్రమకి దక్కినట్లే. సుప్రియా శైలజ పాత్రోచితమైన నటన కనబరిచించి. సినిమా ప్రారంభంలో కొంత తడబాటు కనిపించినా సినిమా ముగిసేసరికీ తన అందంతోపాటూ నటనా ప్రతిభకూడా కన్విన్సింగ్ గా అనిపిస్తుంది. పాత్ర రచనలోని వైవిధ్యం విద్య పాత్ర చేసిన సుచిత్రా ఆనందన్ లో కనిపిస్తుంది. ఈ సినిమాలో ప్రధానపాత్రలకంటే కూడా చెప్పుకోవలసింది ఉపపాత్రలు చేసిన కొందరు నటుల గురించి. విద్య పాత్రలో తీసుకున్న పాత్రోచితమైన కాస్టింగ్, మెడికల్ కాలేజ్ డీన్ పాత్ర చేసిన సంజయ్ రాయచూర్, కార్డియాలజీ ప్రొఫెసర్ పాత్రచేసిన సురేష్ (ఒకప్పటి హీరో సురేష్), జర్నలిస్టు పాత్రచేసిన రవికాంత్ లో చూపించడంతో పాత్రలేతప్ప నటులు కనిపించకపోవడం ఒక మంచి పరిణామంగా చెప్పుకోవచ్చు.
ద్వితీయార్థం నిడివి పాత్రలతో పరిచయం చేసుకోవడానికి అవసరమైనా, ద్వితీయార్థంలోని డ్రమాటిక్ కొనసాగింపులు సినిమా పెద్దదైందేమో అనే భావన కలిగిస్తాయి. ఎడిటర్ శ్రీకర్ ప్రసాద్ గారి కత్తెరకు ఇంకొంచెం పదునుంటే బాగుండేది. చాలా రోజులకు సినిమా నెరెటివ్ లో మిళితమైపోయిన పాటలు కనిపిస్తాయి ఈ సినిమాలో. ముఖ్యంగా “డామిట్ అనాటమీ”, “చదువే చదువు” పాటలు మెడికోల మానసిక స్థితికి, భౌతిక పరిస్థితికి అద్దంపడితే, “చాకో మ్యాన్” అనే పాట బాలనటుడు గౌరవ్ మీద బాగా చిత్రీకరించారు. మెలొడీలుగా సాగే “ప్రేమనే ప్రేమతో”, “దూరం కాని దూరం” పరవాలేదు. “ప్రాణం ప్రణవం” పాట సాహిత్యపరంగా చాలా బాగా ఉన్నా రాక్ లాంటి ఫీల్ వల్ల అంతగా పొసగలేదు. డాన్-స్నిగ్ధ ల సంగీతం సినిమాను సంగీతపరంగా వేరేస్థాయికి తీసుకెళ్ళలేకపోయినా వెన్నుదన్నుగా మాత్రం నిలిచింది. త్రిభువన్ బాబు సినెమాటోగ్రఫీ బాగుంది.
ఈ సినిమాకున్న ముఖ్యమైన బలం మంచి కథ. తపన ఉన్న కథనం. అది చెప్పడానికి దర్శకుడు రాజ్ మాదిరాజు చేసిన సిన్సియర్ ప్రయత్నం. కథలు కరువైన తెలుగు సినీపరిశ్రమలో కథాబలంతో సినిమా తియ్యాలనుకునే నిర్మాణసంస్థగా ప్రసాద్ ప్రొడక్షన్స్ నిలబడాలన్నా, మంచి కథలకు ప్రోత్సాహం లభించాలన్నా ‘ఋషి’ సినిమా చూడాలి. ప్రస్తుతపరిస్థితుల్లో ఇటు ప్రేక్షకులుగా మనకూ అటు తెలుగు సినిమా పరిశ్రమకూ చాలా ముఖ్యం. ఈ వారమే విడుదల. చూసెయ్యండి !
Madhu
Feb 12, 2012 @ 11:59:12
ఇప్పుడే ‘ఋషి సినిమా చూసాను. మొదటి 15-20 నిముషాలు తప్పిస్తే, మిగిలిన సినిమా అంతా చాలా mediocre గా అనిపించింది. హీరో అరవింద్ కృష్ణ నటన, హీరోయిన్ అందం, కథను నమ్మిన నిర్మాత తప్పించి ఈ సినిమాలో చెప్పుకోదగిన అంశాలు నాకైతే ఏమి కనిపించలేదు. దర్శకుడి sincerity లో లోపం లేకపోవచ్చు, కాని బలమైన కథా, కథనాలని effective గా తెరకెక్కించడంలో మాత్రం దర్శకుడి లోపం ఖచ్చితంగా ఉంది.కొన్ని లాజికల్ లోపాలను చూసీ చూడనట్టు ఊరుకుందామని ఎంత ప్రయత్నించినా, దర్శకుడు ప్రేక్షకుల తెలివితేటలను చిన్న చూపు చూసినట్టు అనుకోకుండా ఉండలేకపోయాను. కథా బలంతో నిలబడే సినిమాలు తియ్యాలనుకునే సంస్థలను నిలబెట్టడం కోసం ప్రేక్షకులు తమ సహనానికి తాము పరీక్ష పెట్టుకోమని అడగడం భావ్యం కాదు.జనాలు చూస్తున్నారు కదా అని, దర్శక నిర్మాతలు ఇలాంటి mediocrity ని కంటిన్యూ చేసుకుంటూ వెళ్ళే అవకాశం ఉంది అన్నది నా అభిప్రాయం.
K మహేశ్ కుమార్
Feb 12, 2012 @ 23:02:50
@Madhu: మీతో కొంత వరకూ అంగీకరిస్తాను. సినెమాటి బ్రిలియన్స్ ఈ సినిమాలో కొరవడింది. కానీ నాకు ఆ భావన కలగడానికి గల ముఖ్యకారణం సీన్ల నిడివి, లెథార్జిక్ ఎడిటింగ్. నేనైతే సినిమాని కనీసం నలభై నిమిషాలు కట్ చేసేస్తాను.
Raj
Feb 21, 2012 @ 10:33:17
Hi. Pls tell me what logical mistakes the movie has. As we are planning to dub it in Tamil, we might be able to correct them. Thq.
satya
Feb 29, 2012 @ 23:36:34
Hai Raj,
First of all, Congrats to you for your efforts and success. I was flattered for your commitment and sincerity.
I have seen this movie 2 times.
If you would like to read, I have a few points to bring to your attn.
1. It is not so allowed to live telecast the court proceedings and the judgments.
2. In the movie, you have shown that the Judge also had his opinion written, but never bothered to reveal that.
3. Appointment of Jury after 50 years, at state level, or country level?Also needs at least 3 mnts of intro to Jury system as it is not so well known in India as it is known in US.
4. Rerecording is not apt. This would have been great film if for example, Ilayaraja would have given RR or Kamalakar.
The film’s Music Directors sure are great musicians, but the application f the music was not done properly to the movie.There is no single haunting bit after all the film.
Guitar was excellent, suits films like Rockon….
Many of the the scenes would elevate much better in silence than with the RR they have.
I did not quite follow the reasons why the Sacrifice Aravind had done is linked to Medical profession..anyone in that situation, may do it.
Yes, medical profession is great one, but the greatness in doing what Aravind has done does not require one to be a Doctor. I will write few more little later if I can..
again..pls do not think this is criticism.you are excellent…I have just put down my observations..
Madhu
Mar 01, 2012 @ 07:19:13
సినిమాలో నేను అన్న లాజికల్ లోపాలు ఓవరాల్ movie viewing experience కి పెద్దగా నష్టం కలిగించనివే. కానీ, మార్చతగినవి అని నేననుకున్నవి సంగీతం,ఎడిటింగ్. అన్ని అంశాలు అద్భుతంగా కుదిరి సినిమా బాగా హిట్టయితే, క్రెడిట్ అంతా దర్శకుడు తీసుకుంటాడు కాబట్టి, అవి కుదరనప్పుడు దానికి బాధ్యత కూడా దర్శకుడే తీసుకోవాలి అని దర్శకుడి లోపం ఉందన్నాను. ముఖ్యంగా సినిమాలోని ఆఖరి పాట కి ముందు వచ్చే రెండు పాటలకు చిత్రీకరించినంత అందంగా సంగీతం కూడా తోడయ్యుంటే,సినిమా ఇంకా గొప్ప అనుభూతిని మిగిల్చుండేదని నా అభిప్రాయం. సత్య గారన్నట్టు, ఇలాంటి కథలకి హాంటింగ్ గా ఉండే సంగీతం చాలా అవసరం. మంచి సంగీతం లేకుండా మణిరత్నం ను ‘గీతాంజలి ‘, శేఖర్ కమ్ములని కేవలం కథని నమ్ముకుని, సంగీతం లేకుండా సినిమాలు తీయమనండి, చూద్దాం.
రాజ్ మాదిరాజు
Mar 09, 2012 @ 12:00:26
సత్య గారూ… మీరు చెప్పిన పాయింట్స్ Game changing పాయింట్స్ కావని నా ఉద్దేశ్యం. I have taken confirmation from professionals before incorporating them.
Jury introduction ఇంకాస్త ఉంటె బాగుందేదన్నది నిజం. హీరో sacrifice కి ఏ క్యారెక్టర్ అయినా ఒకే. డాక్టర్ అవడం additional value. అతని దృక్పధంలో అది కేవలం తన పేషెంట్ ప్రాణం రక్షించుకునే ప్రయత్నం… Its not even a sacrifice.
RR and songs … We just thought they were good. Will take better care in next projects.
But thanks a million for your feedback and sorry for the delayed reply.
మధు గారూ…
మీరన్నది నిజం. discredit నేనే తీసుకుంటాను. మ్యూజిక్ బాగుందని కొంతమంది చెప్పినప్పుడు credit నేను తీసుకున్నాను…
As I said , I will take better care in songs in my next. సినిమా expression లో సంగీతం ముఖ్య భూమిక వహిస్తుందనడం నిర్వివాదాంశం.
సత్య
Feb 16, 2012 @ 09:27:33
ఇది ఖచ్చిత౦గా దర్శకుడి సిన్సియర్ ప్రయత్న౦. ఫస్టాఫ్ లో హీరో కారెక్టరైజేషన్, సి౦గిల్ లైనర్స్ (డైలాగ్స్) చాలా బాగా రాసుకున్నారు. సెక౦డాఫ్ లో క్లైమాక్స్ ము౦దే తెలిసిపోవడ౦ వల్ల జరిగే అనర్థాన్ని ఎమోషనల్ డెప్త్ తో కవర్ చెయ్యాల్సి౦ది. అది చెయ్యకపోగా అనవసరమైన సాగతీత బోర్ కొట్టి౦చి౦ది. సెకె౦డాఫ్ లో సినిమాటిక్ “టెక్నిక్” కొరవడి౦ది. అ౦దువల్ల ఓ గొప్ప సినిమా కేవల౦ మ౦చి సినిమాగానే మిగిలిపోయి౦ది. సరే, ఊరికే కూర్చుని లోపాలెన్నైనా చూపి౦చొచ్చుగానీ, దర్శకుడిగా మొదటి ప్రయత్నాన్ని అభిన౦ది౦చాల్సి౦దే. ఇ౦దులో సాధ్యమైన౦త వరకూ కొత్త ఆర్టిస్టుల్ని ఎ౦చుకోవడ౦ ఓ మ౦చి నిర్ణయ౦. దర్శకుడిను౦చి ము౦దు ము౦దు మ౦చి సినిమాల్ని ఆశి౦చవచ్చు.