సినిమా చూసొచ్చి రివ్యూ రాయడానికి టైప్ కొడుతూ, కథ కష్టపడి వెతుక్కునే స్థాయికి తెలుగు సినిమా గత పదిపదిహేను సంవంత్సరాలుగా దిగజారుతూనే ఉంది. కథకు కావలసిన సామాగ్రిని అడ్డదిడ్డమైన స్క్రీన్ ప్లే పేరుతోనో లేక హీరోని కూడా కామెడీ కోసం కథకు సంబంధంలేని నానాగడ్డీ కరిపించో అసలు కథను అద్భుతంగా పారేసుకొనే సాంప్రదాయం మన ప్రత్యేకత. ఊసరవెల్లి సినిమా దానికి ఏమాత్రం మినహాయింపు కాదు.
కథగా చెప్పాలంటే కొంచెం కష్టమే అయినా ప్రయత్నిస్తాను. గమ్యంలేకుండా చిన్నచిన్న గూండాగిరీచేసుకుని బ్రతికే టోనీ(ఎన్.టి.ఆర్) తండ్రి చనిపోతూ ‘ఏదైనా ఒక మంచిపనైనా చెయ్యరా! లేకపోతే నాలాగే ఒక గుర్తుపెట్టుకోతగ్గ క్షణంకూడా లేకుండానే నీ జీవితమూ ముగుసిపోతుంది’ అంటే ఏంచేద్దామా అని సరదాగా ఒక ఫైట్ చేస్తుంటే, ప్రతీకారేచ్చతో రగులుతున్న నిహారిక (తమన్నా) టోనీని చూసి తన ప్రతీకారం తీర్చుకునే ఆయుధంగా ఎన్నుకుంటుంది. నిహారిక చెప్పిన పని సాధించడానికి టోనీ ఏంఏంచేశాడు? నిహారిక ప్రతీకారకాంక్షకు కారణం ఏమిటి? పరిస్థితుల ప్రభావం వల్ల నిహారికే అతని పనులకు ఎలా అడ్డుతగిలింది? గన్నూ బుల్లెట్టుల్లా మొదలైన వాళ్ళిద్దరి బంధం ప్రేమగా ఎలా మారింది? చివరికి ఏమయ్యింది? అనేది కథ.
పైన చెప్పిన కథ వెతికిపట్టుకోవడానికి సినిమా తరువాత నాకు మరో అరగంటపట్టింది. అదే సినిమాలో ఉన్న అసలు సమస్య. నిజానికి సినిమాచూసేసిన నూటికి యాభైమంది ప్రేక్షకులు నేను చెప్పిన కథవిని “ఓహో నీకు అలా అర్థమయిందా” అని జాలిగా చూసినా ఆశ్చర్యం లేదు.
సినిమా ప్రధమార్థంలో హీరో, హీరోయిన్ ప్రేమ కోసం పచ్చిమోసగాడిలా ప్రవర్తిస్తూ, కామెడియన్ల దగ్గర నంగివెధవలా బిహేవ్ చేస్తూ కొంత అర్థంకాని ప్రేమని, అపహాస్యమయ్యే హాస్యాన్నీ పండిస్తాడు. ఆతరువాత హఠాత్తుగ్గా డాన్ లను మించిన డాన్ లాగా యాక్షన్ సీక్వెన్స్ కానిచ్చేసి సినిమాకీ ప్రేక్షకులకీ ట్విస్ట్ ఇస్తాడు. “ఓహో, హీరోకి ఏదో మహత్తరమైన మోటివేషన్ ఉంది విలన్లని వేసెయ్యడానికి” అనుకునే తరుణంలో, “అబ్బే ఇది హీరో కథ కాదు. హీరోయిన్ కథ” అని హీరో నోటితో హీరోయిన్ ఫ్లాష్ బ్యాక్ చెప్పిస్తారు. అప్పటికే చాలాసేపు బోర్ కొట్టేశారు కాబట్టి క్లైమాక్స్ ఫైట్ తో సినిమా ముగించి ప్రేక్షకుడికి “టాటా బైబై”చెప్పేస్తారు. ఇంత సిల్లీ ప్రహసనంలో చివరాఖరికి పేకలో జోకరయ్యేది మాత్రం అప్పటికే ప్యాకైపోయిన ప్రేక్షకుడు.
ఎన్.టి.ఆర్ నటనలో చెప్పుకోవడానికి ఏమీలేదు. మనిషిలో కళమాయమై ఏదో జబ్బుచేసినవాడిలాగా చాలా సీన్లలో కనిపిస్తాడు. కనీసం పెదాల డ్రైనెస్ ని కూడా కప్పిపుచ్చలేకుండా మేకప్ ఎలా వేశారో, షాట్లు ఎలా తీశారో ఏమిటో! తమన్నా కొన్ని దృశ్యాలలో ఆకట్టుకుంటుంది. నృత్యాలలో కూడా ఎన్.టి.ఆర్ కన్నా మెరుగ్గానే కనిపించింది. హీరోయిన్ ఫ్రెండ్ గా పాయల్ ఘోష్ ఒక ప్రముఖపాత్రలో నటించింది. ఫరవాలేదు. ప్రకాష్ రాజ్ కు ఇది రొటీన్ పాత్ర. ఈ సినిమాలో చెప్పుకోదగ్గ నటన అంటే జయప్రకాష్ రెడ్డి, రఘుబాబులది అని చెప్పుకోవచ్చు.
వక్కంతం వంశీ అందించిన ఈ కథకి వెంజెన్స్, దీపావళి సినిమాలు ఆధారం అయినప్పటికీ అది చెబితే ఆ సినిమాలని అవమానించడమే అవుతుంది కాబట్టి చెప్పడం లేదు. సంభాషణలు అక్కడక్కడా చమక్కుమన్నా, మరీ అంత చెప్పుకోదగ్గవి మాత్రం కావు. దేవిశ్రీ ప్రసాద్ సంగీతం కొంత మెలొడీప్రధానంగా మరి కొంత గోలగానూ ఉంది. రసూల్ ఎల్లోర్ సినెమాటోగ్రఫీ బాగుంది.
దర్శకుడు సురేందర్ రెడ్డి తన సోకాల్డ్ స్టైలైజ్డ్ టేకింగ్ (వాటెవర్ ఇటీజ్) మీదకన్నా కథ ఎలా చెప్పాలి అనేవిషయంలో కొంత శ్రద్ధచూపితే బెటర్.
హీరో పాత్రలో మారే రంగులమాటేమిటోగానీ, సినిమా చూసిన చాలా మంది ప్రేక్షకులు తెల్లముఖాలు వెయ్యాల్సిన పరిస్థితి మాత్రం గ్యారంటీ. అటూఇటూగా ఊసరవెల్లి పేరుతో ఒక పరమసిల్లీ కథతో వచ్చిన సినిమా ఇది. సో…వాచ్ ఇట్, అట్ యువర్ ఓన్ రిస్క్.
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
SHAFI says:
” పైన చెప్పిన కథ వెతికిపట్టుకోవడానికి సినిమా తరువాత నాకు మరో అరగంటపట్టింది. అదే సినిమాలో ఉన్న అసలు సమస్య. నిజానికి సినిమాచూసేసిన నూటికి యాభైమంది ప్రేక్షకులు నేను చెప్పిన కథవిని “ఓహో నీకు అలా అర్థమయిందా” అని జాలిగా చూసినా ఆశ్చర్యం లేదు.”
నేను మీ వ్యాసాలు చాలానే చదివాను గాని ఎప్పుడూ ఇంత పరిశీలనగా చూడలేదేమో… ఈ వ్యాసం నన్ను బాగ ఆకట్టుకుంది.. ఫక్కుమని నవ్వేవాడినే గాని నా పక్కనున్న యూరోపియన్ గాడు అపార్ధం చేసుకుంటాడేమో అని ఆగాల్సి వచ్చింది.. సినిమా గురించిన ఆలొచన లేదు.. ఎందుకంటే తెలుగు సినిమా కనుక.. కాని ఈ వ్యాసం మాత్రం చాలా బాగుంది.. (పైగ హీరో గారు సెలవిచ్చారు, ఇలాంటి సినిమాలే చేస్తారట ఇక ముందు కూడా.. ధన్యొస్మి!)
http://eenadu.net/cinema/cinemainner.aspx?qry=guest
umec says:
usaravelli story is copied from the Hollywood movie “Vengeance”
krshany says:
http://krshany.blogspot.com/2011/10/oosaravelli-regularly-different.మరీ అంత తీసివేయదగ్గ సినిమా కాదు అని నా అభిప్రాయం…
krshany says:
krshany.blogspot.com/2011/10/oosaravelli-regularly-different.html అంత తీసివేయదగ్గ సినిమా కాదు అని నా అభిప్రాయం…
madhu says:
I liked the movie Oosaravelli than Dookudu.. not sure if it is just me.
Its not like usual N.T.R movies , this one is narrated based on the story not on the heroism. Heroine got some importance as well in the movie not just for songs. i felt this is a good telugu movie to watch.
umec says:
Dookudu story is totally copied from the movie from “Good bye lenin”
Aravind says:
sodi cinemaa..shakti tarvatha inko chettha cinema…
ఆ.సౌమ్య says:
నాకు సినిమా నచ్చింది. “అబ్బే ఇది హీరో కథ కాదు. హీరోయిన్ కథ” అని మీరు పెదవి విరిచేసారుగానీ నాకు మాత్ర “అబ్బో ఇది హీరో కథ కాదు, హీరోయిన్ కథ, భలే!” అని అనిపించింది.
unknown says:
చాల బాగ రాసారు
మని సేవ్ చేసారు
kish says:
టోనీ(ఎన్టీఆర్) అనే అతను ముంబాయిలో పది రూపాయలకి ఏ పనైనా చేసే క్రిమినల్. అతను కాశ్మీర్లో టెర్రరిస్టుల బారినుంచి నిహారిక( తమన్నా)అనే అమ్మాయిని కాపాడతాడు.తర్వాత హైదరాబాద్ వచ్చి అదే నిహారిక వేంటపడతాడు ప్రేమించమని. ఆమె తరస్కరిస్తుంది. తను రాకేష్ అనే మంత్రి కొడుకుని పెళ్ళి చేసుకోబోతున్నట్టు చెబుతుంది. ఆ రాకేష్ ప్రేమ అబద్ధమని టోనీ నిరూపిస్తాడు. ఆమె టోనీ మీద మనసు పారేసుకుంటుంది. అటు రాకేష్ టోనీ మీద పగబడతాడు. అతనే కాదు, ఇంకా అజ్జూభాయ్(ప్రకాష్రాజ్)అనే దుబాయ్ డాన్, అతడి తమ్ముడు, రాకేష్ తండ్రి, పోలీసు అధికారి రెహ్మాన్ వగైరా టోనీ అన్వేషిస్తున్న ముఠాగా బయట పడతారు.టోనీ వీళ్ళను ఎందుకు చంపాలనుకుంటున్నాడు? ఆ పూర్వాపరాలేమిటి? దానితో నిహారికకి సంబంధమేమిటి? అన్నవి సెకండాఫ్లో తెలిసే విషయాలు.
actually idhi telugufilmdirectorsclub.com lo sikindar rasina review…athaniki arthamaina story idhi..
mahesh garu..chepinattu evariki artham kanattu undhi cinemaaaaaaaaaa
K మహేశ్ కుమార్ says:
కథ అంటే తెరమీద కనిపించే సీన్ల సీక్వెన్స్ (సీన్ ఆర్డర్) కాదు. కథ అంటే సినిమా ఎవరి గురించి? దేని గురించి, ఎదురయ్యే సమస్య ఏమిటి? దాన్ని ఎదుర్కొన్న విధానం ఎట్టిది? చివరకు ఏమైంది? అని తెలిపేది. ఈ సమీక్షకుడికి కథ ఇలాగే అర్థమైతే నాకేంటి! నాకైతే ఈయన చెప్పింది కథలాగా లేదు. సీన్ ఆర్డర్ లాగా ఉంది.
K మహేశ్ కుమార్ says:
అదే సమీక్షలో సికందర్ “ఉందనుకున్న కథ లేదు” అంటూ నేను ఎత్తి చూపిన సమస్యలే చెప్పారు. మీరు మరోసారి ఆ సమీక్ష చదవండి లేకపోతే మీ సౌలభ్యంకోసం ఆ భాగాన్ని ఇక్కడ పెడుతున్నాను.
“ఈ సినిమాలో కథ లేదు….చివరి అరగంట వరకూ కథ లేదని ప్రేక్షకులు అసహనం ఫీల్ అవ్వడానికి కారణం దర్శకుడు కథని ఎండ్ సస్పెన్స్గా పెట్టుకోవడమే. అంటె కథ దర్శకుడికే తెలుసు. ఎన్టీఆర్ ఎవర్ని ఎందుకు చంపాలనుకుంటున్నాడొ సెకండాఫ్లో ఫ్లాష్బ్యాక్ పూర్తయితేగానీ తెలుసుకోలేం. అంతవరకు దాదాపు రెండుంపావు గంటలు ఏది ఎందుకు జరుగుతోందో, దేని అర్థమేమిటో, కార్యకారణ సంబంధమేమిటో అంతుపట్టక ఎదురు చూడాల్సిందే.
దర్శకుడు తను స్క్రీన్ప్లేని అద్భుతంగా పోషించినట్టు, కథని దాచిపెట్టి తను అనుభవిస్తున్న థ్రిల్నే ప్రేక్షకులూ అనుభవిస్తారని భావించుకోవచ్చు. ఇది దురవగాహన మాత్రమే. రెండోది, స్క్రీన్ప్లేతో ప్రయోగాలు, క్రియేటివిటీ కనబర్చినట్టు కూడా ఫీలవ్వొచ్చు. కానీ స్క్రీన్ప్లేతో ఇలాంటివి ఎవరూ చేయరు. కథనంతో మాత్రమే చేస్తారు. స్క్రిన్ప్లే స్ట్రక్చర్తో ప్రయోగాలు చేయడం అంటే ఆర్ట్ సినిమాలు తీయడమే. సురేందర్రెడ్డి ఎండ్ సస్పెన్స్ కథల వల్ల స్క్రీన్ప్లే స్ట్రక్చర్లో లేకుండా పోయింది. స్క్రీన్ప్లేకి బిగినింగ్, మిడిల్, ఎండ్ అని విభాగాలుంటాయి. ఎక్కడైతే పాత్రల పరిచయాలు ముగించి, సమస్య చెప్పి, కథ ఇదీ అని తెలియజేస్తామో అక్కడ 30 – 45 నిమిషాల్లో బిగినింగ్ ముగిసి, మిడిల్ పార్టు ప్రారంభమవుతుంది. ఈ మిడిల్లో సమస్యతో సంఘర్షణ సుదీర్ఘంగా సాగి, క్లయిమాక్స్ దగ్గర ఎండ్ పార్ట్ ప్రారంభమవుతుంది. అంటే ఈ మూడు విభాగాలూ 25 : 50: 25 నిష్పత్తిలో వుంటాయన్నమాట.
సురేందర్రెడ్డి కథ ఇదీ అని చెప్పడానికి రెండుంపావు గంటల సమయం తీసుకోవడం వల్ల అదంతా బిగినింగ్ పార్టుగానే సాగి, 75 శాతం ఆక్రమించింది. అంటే మిడిల్కి స్థానం లేకుండా పోయింది. దీన్నే మిడిల్ మటాష్ స్క్రీన్ప్లే అంటారు. ఇది స్ట్రక్చర్ని దెబ్బ తీయడమే. ఇందువల్ల కథ ఏమిటో అంతుపట్టదు. “
రమణ మూర్తి says:
ఇడ్లీ బాగుంది, చట్నీ కూడా బాగుంది మహేష్ గారూ !
rahul says:
screen play tho evaru cheyaru kani KATHNAM tho chestaruu. screenplay anate enti????? kathanam kadaa mahesh garu??? kothaga edyna vachindaa???
అబ్రకదబ్ర says:
>> “screenplay anate enti?????”
స్క్రీన్ప్లే అంటే కూర్పు. అలాగే ఎడిటింగ్ అంటే సంగీతం సమకూర్చటం, సీజీఐ అంటే నిర్మాణ నిర్వహణ, మరియు డైరక్షన్ అంటే సమీక్షలు రాయటం
శుభకరుడు says:
LOL అబ్రకదబ్ర గారు
చదువరి says:
sasank says:
wow!!!!!!!!!!!!!!!!!!!!! awesome Mahesh
keka……………
lally says:
hai.. friends
chudadandi mahesh garu meredho cinemalo pandipoina vallala kaburllu cheppakandi, time passki movie chusaru, meku katha ardhamaithe ok ledhante inkosari velli chudandi anthe kani e sodhi mathram cheppakandiiiiiiiiii.
Kiran says:
మూవీ చాలా బాగుంది. ఈ సినిమా కి స్క్రీన్ప్లే నే బలం. సినిమా ఆద్యంతం ఉత్కంట గానే ఉంటుంది. మంచి కామిడీ ఉంది. నేను రివ్యూలు చదవకుండా వెళ్లాను బాగా ఎంజాయ్ చేసాను. ఈ కాలంలో జెన్యూన్ గా ఎవరు రివ్యూలు వ్రాయటం లేదు. డబ్బు తీసుకొనో లేక మనస్సులో గ్లెడ్జ్ తొనో వ్రాస్తున్నారు. మహేష్ గారి లా సోషలిస్ట్ భావాలు ఉన్నవారికి అయితే ఇలాంటి సినిమాలు నచ్చకపోవచ్చు కానీ సిని ప్రేక్షకులని నిరాశ పరచదు.
ధన్యవాదములు ..
మీ కిరణ్
అబ్రకదబ్ర says:
@ మహేష్:
>> “పైన చెప్పిన కథ వెతికిపట్టుకోవడానికి సినిమా తరువాత నాకు మరో అరగంటపట్టింది.”
నాలాంటి మామూలు బుర్రలకి అంత కష్టపడనవసరం లేకుండా సినిమా చూసేప్పుడే అంతా చక్కగా అర్ధమయిందే! హీరోగారు ఓ లక్ష్యంతో కథనడుపుకు పోతారు. ఆ క్రమంలో వచ్చే హాస్యసన్నివేశాలూ అవీ అందులో భాగమే తప్ప అనవసరంగా ఇరికించినవేమీ కాదు. అతని లక్ష్యమేంటనేదీ అన్ని ఫార్ములా సినిమాల్లోలానే ద్వితీయార్ధంలో ప్రేక్షకులకి తెలుస్తుంది. కాకపోతే, మిగతా ఫార్ములా సినిమాలకి కాస్త భిన్నంగా ఇక్కడ ఫ్లాష్బ్యాక్ హీరోయిన్కి సంబంధించినది. హాలీవుడ్ పండితులు రాసిపెట్టిన త్రీ యాక్ట్ పద్ధతిలో చెప్పాలంటే – ఇంట్రడక్షన్, కాన్ఫ్లిక్ట్, రిజల్యూషన్. ఈ మూడూ బాగానే అమరాయి. (మన సినిమాలు హాలీవుడ్ సినిమాలు కావు కాబట్టీ, మనకి ఫస్టాఫ్ మరియు సెకండాఫ్ అనబడే పద్ధతుంది కాబట్టీ – ఇంట్రడక్షన్ సీన్లు ఎక్కువ భాగం ఆక్రమిస్తాయి. అది సహజం. ప్రేక్షకులు సైతం ఆ పద్ధతి అంగీకరించేశారు. మీరూ నేనూ అంగీకరించకపోయినా తీసినవారికి పోయేదేం లేదు). కథనంలో లోపాలు అసల్లేకపోలేదు. గతం గుర్తులేని కథానాయికకి తన వాళ్ల గురించి ఆలోచన, తనకేమయ్యిందోననే అనుమానం సైతం రాకపోవటం వింత. ఆమె ఆర్ధిక అవసరాలు ఎలా తీరుతున్నాయో లీలామాత్రంగానైనా చూపకపోవటం మరో లోపం. ఐతే ఇలాంటి కారణాలతో స్క్రీన్ప్లే గందరగోళంగా ఉందనలేం. ఉన్నంతలో పకడ్బందీగానే ఉందది. మరీ తలబద్దలు కొట్టుకుని ఆలోచించాల్సినంత మైండ్బాగ్లింగ్ స్క్రీన్ప్లే సైతం కాదు. సగటు ప్రేక్షకుడికి సైతం సులువుగా అర్ధమయ్యేదే. మీరు సగటు ప్రేక్షకుడు కాదు కాబట్టి మీకు అర్ధమై ఉండకపోవచ్చు
>> “కనీసం పెదాల డ్రైనెస్ ని కూడా కప్పిపుచ్చలేకుండా మేకప్ ఎలా వేశారో, షాట్లు ఎలా తీశారో ఏమిటో”
మీరు మరీ. ఆ ఎండిపోయిన పెదాలనేవి వాళ్లు అతికష్టపడి వేసిన మేకప్ మహిమ అని శుభ్రంగా తెలిసిపోతుంటే మేకప్తో కప్పిపుచ్చలేదంటారేంటి!! ఐనా, దాదాగిరీ చేసుకునేవాడు పగిలిపోయిన పెదాలతో ఎండిపోయినట్లుండక సూపర్మోడల్లా నిగనిగలాడిపోతాడా ఏంటి?
ఇకపోతే, మీరు మరియు సికందర్ అనే ఆయనా ఎత్తిచూపిన లోపాలు మరీ సిల్లీగా ఉన్నాయి (ఈ సిల్లీ అనే పదప్రయోగానికి ఏమనుకోకూడదు. దానికి స్ఫూర్తి మీరే). కథలో ఓ కీలకమైన ఘట్టాన్ని దాచిపెట్టి ద్వితీయార్ధంలోనో, పతాక సన్నివేశాలకి ముందో చెప్పటమనే ఆనవాయితీ ఈ రోజు కొత్తగా పుట్టుకొచ్చిందేమీ కాదు. మనం ఇండస్ట్రీ హిట్స్గా చెప్పుకునే ఏ సినిమా చూసినా అదే కథ. ఊసరవెల్లి విషయంలో మాత్రమే అదో లోపం ఎలా ఔతుంది?
ఊసరవెల్లి అసాధారణమైన చిత్రం కాదు. ఫక్తు ఫార్ములా సినిమా. ఈ సినిమాకి ఊసరవెల్లి అనే పేరు పెట్టాల్సిన అవసరమూ లేదు. ఏదో, ఆ పేరు పెట్టారు కాబట్టి దానికి అతికేలా కొన్ని సంభాషణలు రాసుకున్నారు తప్ప నిజానికి కథానాయకుడి పాత్రలో అందరూ ఊదరగొడుతున్నట్లు అన్ని రంగులేమీ లేవు. అంతమాత్రాన సినిమా మరీ తీసిపారేయాల్సినది కాదు. సురేందర్ రెడ్డి, ఎన్టీయార్ కలయికలో వచ్చిన సినిమా ఇన్సెప్షన్ స్థాయిలో ఉంటుందని ఊహించుకుని మనం థియేటర్కి వెళితే అది వాళ్ల తప్పు కాదు. ముందస్తుగా ఏర్పరచుకున్న (దుర్)అభిప్రాయాలతో కాకుండా ఓపెన్ మైండ్తో ఈ సినిమా చూస్తే నిరాశపడే అవకాశం లేదు. నా వరకూ, ‘దూకుడు’కన్నా ‘ఊసరవెల్లి’ బాగుందనిపించింది. పాటలు కూడా ఇందులోవే బాగున్నాయి. పైనెవరో అన్నట్లు, ఇదో పైసావసూల్ సినిమా.
మన్లోమాట: సినిమా చూశాక కథ అర్ధమవటానికే అరగంట పడితే, అది ‘వెంజెన్స్’ మరియు ‘దీపావళి’ సినిమాల కలబోత అని కనుక్కోటానికి ఎన్ని రోజులు పట్టింది?
ఆ.సౌమ్య says:
I completely agree with Abrakadabra gaaru!
My views are here.
http://chitram.maalika.org/%E0%B0%8A%E0%B0%B8%E0%B0%B0%E0%B0%B5%E0%B1%86%E0%B0%B2%E0%B1%8D%E0%B0%B2%E0%B0%BF-%E0%B0%A8%E0%B0%BE%E0%B0%95%E0%B1%81-%E0%B0%A8%E0%B0%9A%E0%B1%8D%E0%B0%9A%E0%B0%BF%E0%B0%82%E0%B0%A6%E0%B0%BF/
umec says:
usaravelli story is copied from “Vengeance” the Hollywood movie
పుల్లారావు says:
ఈ సుత్తి గురించి చర్చించడానికి పనీ పాటూ లేనివాళ్ళింతమందున్నారన్నమాట ( నాతో కలిపి ఇరవై అయిదు )
Vammo says:
Super Amma Pulla Rao……Nuvvu Naaku Nachchav…
EE chetta cinemaki reviews..opinions….middle screenplay..end screenpaly…open mind…formula movie…ento mari