Menu

అద్వితీయ ప్రతిభాశాలి సచిన్ భౌమిక్ ఇకలేరు

సినిమా అభిమానులకు,ముఖ్యంగా హిందీ చలనచిత్రప్రియులకు ఆశనిపాతం లాంటి వార్త.సచిన్ భౌమిక్ ముంబైలోని ఆయన స్వగృహంలో ఈ రోజు అనగా ఏప్రిల్12 గుండెపోటుతో మరణించారు. నర్గీస్ నటించిన లజ్జావతి(1958) హిందీచిత్రాలకు రచన ఆరంభించిన సుమారు డెబ్భయ్ సినిమాలకు తనప్రతిభ తో ప్రాణం పోసారు.బహుశా భారతదేశం మొత్తం మీద ఏభాషాచలనచిత్ర పరిశ్రమ లో కూడా సచిన్ భౌమిక్ లా నూరుశాతం విజయవంతమైన సినిమాలను అందించిన వారు లేరనే చెప్పాలి.

తాళ్, కరణ్ అర్జున్, సోల్జర్, కోయి మిల్ గయా, క్రిష్, ఆరాధన, లవ్ ఇన్ టోక్యో, బ్రహ్మాచారి, కార్వాన్, గోల్‌మాల్, హమ్ కిసి సే కమ్ నహీ, యాన్ ఈవెనింగ్ ఇన్ పారిస్, ఆయీ మిలన్ కి బేలా, జాన్వర్ ….ఇవి సచిన్ భౌమిక్ అందించిన చిత్రాల లోని ఒక చిన్న జాబితా మాత్రమే.
మన ఆచార్య ఆత్రేయలానే తన సుదీర్ఘ చలన చిత్రయాత్రలో కేవలం ఒకేఒక్క సినిమాకు మెగాఫోను చేపట్టారు.అది 1973 సంవత్సరంలో రాజేష్ ఖాన్నా, షర్మిలా టాగోర్ నటించిన రాజా రాణి.ప్రతి చిత్రంలోనూ దర్శకులు ఎవరైనా హృషికేష్ ముఖర్జీ,నాసిర్ హుస్సేన్,సుభాష్ ఘాయ్,రాకేష్ రోషన్ లేక మరెవరయినా కావచ్చు గానీ తనముద్రను విస్పష్ఠంగా చూయించగలిగిన ప్రతిభాశాలి సచిన్ భౌమిక్.ఆయన మరణంతో చలనచిత్ర పరిశ్రమ తీవ్రంగా నష్టపోయింది.
సచిన్ భౌమిక్ రచన,స్క్రీన్-ప్లే అందించిన చిత్రాలన్నిటి్నీ చూసిన ఒక మామూలు ప్రేక్షకుడిగా ఇది నా అక్షరనివాళి.