ఏడుమల్లెలెత్తు రాకుమారి, ధీరుడైన ఒక యువకుడు,ఒక మాంత్రికుడు ఆవిడనెత్తుకుపోడం, లేదా రాక్షసి ఆవిణ్ణి బంధించడం, మన యువకుడు అది దుష్ట శక్తి కాబట్టి దార్లో కనపడ్డ ఏ మునీశ్వరుడినో అడిగి ప్రాణాల రహస్యం తెలుసుకోవడం …వాణ్ణి చంపి ఆవిణ్ణి రక్షించడం,పెళ్ళాడ్డం! ఎన్ని వేల కథలు చదివుంటాం? ఇక్కడా అదే కథ! కాకపోతే ఎప్పుడో మరణించిన మాంత్రికురాలు ప్రేతాత్మగా తిరిగి అవతరించి ఊరిమీద పడ్డం కొంచెం కొత్త!
ఈ మధ్య సినిమాలెక్కువయ్యాయి కాబట్టి, ఈ సీజన్ కి ఇదే లాస్టు సినిమా.. అని చెప్పుకుని కనుమ రోజు ఐనాక్స్ లో అనగనగా ఒక ధీరుడు సినిమాకెళ్ళాము!
కన్నీటి బిందువు ఆకారంలో ఉండే (శ్రీలంకేమో) ఉండే రాజ్యం మీద ఎప్పుడో , తన వంశస్థురాలి మెడలోనే ఉండే ఒక లాకెట్ లో ప్రవేశించి గుప్తంగా ఉండిపోయిన ఒక ప్రేతాత్మ ఐరేంద్రి తిరిగి పునరుత్తేజం పొంది లేచి, రాజ్యం మీద పడుతుంది. తన వంశంలో ఆఖరిదైన ప్రియను బంధించి రోజుకో రక్తపు బొట్టు ఆమెనుంచి తీసుకుని ఏ రోజుకారోజు జీవం పొందుతుంటుంది. ఆమె తిరిగి జీవశక్తి పొందాలంటే మోక్ష అనే పసి పిల్లను చంపి ఆమె రక్తాన్ని, ప్రియ రక్తాన్ని కలిపి తీసుకోవాలి. మరో పక్క ఐరేంద్రి ని అంతం చేయాలన్నా మోక్షకే సాధ్యం!
రాజ్యంలో ఐరేంద్రి అనుచరులైన సర్పాల బారిన పడి అచేతనంగా పడిపోయిన పిల్లలను రక్షించడానికి మోక్షను తీసుకుని అంధుడైన ఒక వీర యువకుడు ఆ రాజ్యానికొస్తాడు.
ప్రియకూ ఆ యువకుడికీ ఉన్న బంధం ఏమిటో,ఐరేంద్రి అసలు మళ్ళీ ఎలా పునరుజ్జీవం పొందిందో,మోక్ష ఐరేంద్రిని చంపగలిగిందా లేదా, వీరుడికి కళ్ళెలా పోయాయో, ఇవన్నీ తెరమీద చూడ్డమే మిగిలిన కథ!
నిస్సందేహంగా ఈ సినిమాలో నటనకు కొద్దిగా అవకాశం ఉంది ఐరేంద్రి పాత్ర వేసిన మంచు లక్ష్మికే! పెద్దగా అందచందాలు డిమాండ్ చేసే పాత్ర కాదు కాబట్టి మరింత బాగా రాణించింది ఈ పాత్రలో మంచమ్మాయి!(మంచు+అమ్మాయి)! ఆమెకు వేసిన మేకప్, మొహంలో ఆ కౄరత్వం, ఇవన్నీ బాగా పండాయనే చెప్పాలి. అసలే విలక్షణమైన తెలుగు మాట్లాడుతుందాయె! డబ్బింగ్ ఆవిడే చెప్తుందంటే భయం వేసింది కానీ జీ టాక్ షో లోని “అసలు తెలుగుని” కాస్త నివారించి పాత్రకు తగ్గట్టు బాగానే చెప్పింది. అక్కడక్కడా “వివ్ రించి షెప్పు”(వివరించి చెప్పు ) ” కొండ్లూ, కోన్లూ(కొండలూ కోనలూ) అడువులూ తిర్గి ఖనిపెట్ట్ ండి” వంటి మాటలు మాత్రం తప్పించుకోలేం! కానీ అంతకంటే ఘోరంగా ఊహించుకుంటాం కాబట్టి రిలీఫ్ గానే ఉంది డబ్బింగ్! దీన్ని బట్టి అర్థమైందేమిటంటే ప్రయత్నిస్తే ఆ కృతకమైన భాషను వదిలించుకోగలదని!:-))
సినిమా మొత్తం మీద మార్కులెక్కువ పడేది లక్ష్మీ ప్రసన్నకే!
ఆమె చీటికీ మాటికీ చేసే వికటాట్టహాసాలు తెలుగు టీవీ ప్రేక్షకులకు అలవాటే కాబట్టి సినిమాలో వాటిని బాగానే ఎంజాయ్ చేశారు..పైగా పాత్రకి అవసరం కూడా కదా!
సిద్దార్థ పాత్ర చాలా లైట్ గా ఉంది. కోరమీసం లేనివాడిని తెలుగు ప్రేక్షకులు “ధీరుడిగా” ఎలా అంగీకరిస్తారసలు? అది పెద్ద లోపం! కొన్ని ఫైట్లు మినహా అతడి ధీరత్వాన్ని నిరూపించే దృశ్యాలేమీ ఉండవు.పైగా ఎప్పుడెప్పుడు సారా తాగుదామా అని ఎదురు చూస్తూ ఉంటాడు. పోనీ అలాగని చిలిదనం ఉందాంటే అదీ లేదు.ధీరుడి పాత్రకు అల్లు అర్జున్ అయితే కొంచెం రొమాంటిక్ గా ఉండేదనిపించింది నాకు.(అందం సంగతి పక్కన పెట్టండి)
ఇక శృతి హాసన్ ఒక గాజు బొమ్మలా ఉంది! ఈ హీరోయిన్ల డైటింగ్ లేమో కానీ మరీ శవాకారాలు దాలుస్తున్నారు. మొహంలో కళా కాంతీ లేవు. గట్టిగా పట్టుకుంటే ఎముకలు విరిగి ఢామ్మని కిందపడుతుందేమో అన్నంత బలహీనంగా పాలిపోయి ఉంది. కొన్ని సార్లైతే ఆమె ధరించిన బరువైన దుస్తుల్ని కూడా మోయలేదేమో అన్నంతగా వంగిపోయింది(మోడల్ ఆ అయితే బాగా రాణిస్తుందేమో) మేకప్ కూడా అంతంత మాత్రంగా చేశారు. కళ్ళ నిండా కాటుక పెట్టి ఉంటే కాస్త బావుండేదనిపించింది. ఇంత లేత మొగ్గకి సునీత డబ్బింగ్ సరిగ్గా అమరలేదు. చిన్మయి చేతో సౌమ్య చేతో చెప్పిస్తే బాగుండేది. సునీత కమలిని లెవెల్లో హావభావాలు గొంతులో పలికించడం, శృతి నటనకు మాచ్ కాలేదు.
మొత్తం సినిమా లో గ్రాఫిక్స్ దాదాపు గంటంబావు సేపు ఉన్నాయి. గ్రాఫిక్స్ చాలా ఉన్నత స్థాయిలో ఉన్నాయి నిజంగా! క్లైమాక్స్ లో ఐరేంద్రి మహా సర్పంగా మారే దృశ్యాలు చూపు తిప్పుకోనివ్వవు. (మహా సర్పానికి ఐరేంద్రి మొహం ఉంచితే బాగుండేది కానీ సర్పం మొహమే ఉంచేశారు) అలాగే ఐరేంద్రి నీటి కొలనులో దిగినప్పుడల్లా ఆమె కేశాలు సర్పిణి రూపం దాల్చి మాట్లాడ్డం,అలల్లా చుట్లు తిరుగుతూ సర్పాల్లా మెలితిరగడం..ఇవన్నీ చాలా బాగా నచ్చాయి నాకు!
అంతటి మహాసర్పంతో జరిగిన భీకర పోరాటంలో, (అదీ మంత్ర గత్తెతో )హీరో కి పెద్దగా దెబ్బలు తగలకపోగా చివరికి అతడు కొట్టిన ఒకే దెబ్బతో మంత్రగత్తె ఠప్పున నేలకూల్తుంది. తన మంత్రాలేవీ ప్రయోగించదు. హీరో హీరోయిన్లకు కుటుంబాలున్నాయో లేవో చూపించరు. గాలికి తిరుగుతుంటారు. అలాగే కన్నీటి బిందువు ఆకారంలో ఉన్న రాజ్యాన్ని ఐరేంద్రి స్వాధీనపరుచుకుంటే ఆ రాజ్యం తాలూకు రాజు , మంత్రి ఏమయ్యారో చూపిస్తే బాగుండేది. ఇలాంటి చిన్న చిన్న లోపాలు తప్పించి ప్రకాష్ దర్శకత్వం బాగానే ఉంది
సినిమాలో హాస్యం కోసం చూడకూడదు. ఒక్క సీను బ్రహ్మానందంతో పెట్టి దాన్ని కాస్తా అపహాస్యం చేసేశారు. పాటలు బాగానే ఉన్నాయి. ఒకపాట లో హర్మోనియం వాడటం నాకు బాగా నచ్చింది.
మొత్తం మీద సినిమా బావుంది. పిల్లలు మరీ బాగా ఎంజాయ్ చేస్తారు. పిల్లల సినిమాలు ఎంజాయ్ చేసే పెద్దాళ్ళు కూడా!
పైసా వసూల్ అనే అనిపించింది
భయపడకుండా హాయిగా చూసి రావొచ్చు .
–సుజాత (మనసులో మాట)
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
Krshany says:
http://krshany.blogspot.com/2011/01/dheerudu-without-any-challenges.html
srikanth says:
Some sattires are superb!! enjoyed the read!!
Mauli says:
@కోరమీసం లేనివాడిని
లోపం ప్రేక్షకులదా అండి
బాగుంది మీ రివ్యూ
పారదర్శి says:
కధా నాయకుడికి కళ్లు పోతే ధీరత్వం దెబ్బతింటుంది. ఇంక కధ లో మజా ఏముంటుంది? కండలు లేని సిద్ధార్ధను ధీరుడిగా ఊహించలేము. ఏమైనా తెలుగు సినిమా లో గ్రాఫిక్స్ లో ముందడుగు వేసిన ఈ సినిమా అభినందించతగ్గదే. చిత్ర కధ చెప్పీ చెప్పకుండా ఉండి ఆసక్తికరంగా చదివించిందీ సమీక్ష.
అబ్రకదబ్ర says:
సరిగా తీస్తే అదీ ఓ అసెట్టే అవుతుంది పారదర్శకా
ఉదాహరణకు చూడుడు: The Book of Eli
అరిపిరాల సత్యప్రసాద్ says:
సమీక్ష బాగుంది.. సినిమా కూడా బాగుంటే బాగుండేది..!!
సుజాత says:
ఇంకోటి…..విలను రవి బాబు ఒక బలమైన త్రిశూలం లాంటి ఆయుధంతో హీరో రెండు కళ్ళలోనూ సుటీగా పొడిచేస్తాడు.(లేదా కళ్ళు పెకలిస్తాడు)కానీ తర్వాతి దృశ్యాల్లో హీరోకి చూపు పోయి అంధుడవుతాడే కానీ కళ్ళు మాత్రం ఏ మాత్రం దెబ్బ తినవు.చక్కగా పుచ్చ పువ్వుల్లా ఉంటాయి,.
అబ్రకదబ్ర says:
అతను కాంటాక్ట్స్ ధరించితిడి.
సుజాత says:
అది కాదండీ, కళ్ళల్లో కత్తి దిగబడ్డాక ఇంక కాంటాక్ట్స్ ఎక్కడ ధరిస్తాడు? గుడ్డు సరిగ్గా ఉండాలిగా, అవి పెట్టుకోడానికీ అని !
అబ్రకదబ్ర says:
గాజు గుడ్డులు ధరించి వానిపై కాంటాక్ట్స్ ధరించితిడి.
ఐనా, కోరమీసమున్నోడే ధీరుడు కాడండీ. కంట్లో కత్తి దిగినా గుడ్డు డామేజవనోడు అసలు సిసలు ధీరుడు. మీరింకా విఠలాచారిగారి జమానాలోనే ఉన్నట్లున్నారు. కాలంతో ముందుకు జరగాలి మరి. కావాలంటే అడగండి – ఇచ్చట టయీమ్ మెషీన్స్ అద్దెకు ఇవ్వబడును.
Sujata says:
“సిద్దార్థ పాత్ర చాలా లైట్ గా ఉంది. కోరమీసం లేనివాడిని తెలుగు ప్రేక్షకులు “ధీరుడిగా” ఎలా అంగీకరిస్తారసలు? అది పెద్ద లోపం! కొన్ని ఫైట్లు మినహా అతడి ధీరత్వాన్ని నిరూపించే దృశ్యాలేమీ ఉండవు.పైగా ఎప్పుడెప్పుడు సారా తాగుదామా అని ఎదురు చూస్తూ ఉంటాడు. పోనీ అలాగని చిలిదనం ఉందాంటే అదీ లేదు.ధీరుడి పాత్రకు అల్లు అర్జున్ అయితే కొంచెం రొమాంటిక్ గా ఉండేదనిపించింది నాకు.(అందం సంగతి పక్కన పెట్టండి)”……Uhhu huu. uhhu …………….. Haatch!!!!!!!!!!
Sanjeev says:
mee comment baagundi sujatha garu:D
Krshany says:
ఈ కళ్ళు పొవడమ్ మీద ఒక చిన్న కథ ఉన్నదంట…. మొదట రాసుకున్న కథ ప్రకారం, హీరొ కి శాపవసాత్తు కళ్ళు పొతాయంట…అలానె షూటింగ్ కూడా చెసారు…కాని Post-production లొ నిర్మాతకు నచ్చక, కళ్ళు పొడిపించినట్తు భ్రమింపజెసారు…ఓకటి కాదయ, తెలుగు సినిమా సిత్రాలు విశ్వదాభిరామ వినుర వెమ…
సివ.కె says:
సుజాథగారు మీరు స్రిప్త్ ఎన్దుకు రాయకూదదు?-సివ
SKJ says:
కధ …కధన౦ చూసుకొని వు౦డి, శరీర౦ లొ ధీరత్వ౦ లేని సిద్ధార్థ్ కన్నా .. మన సుబ్బరాజు లేక అజెయి ని పెట్టి తీసి వు౦టె బావు౦డెది..
holyman says:
అవసరం వచ్చినపుడు….ఇల్లాంటి సినిమాలకి పెంచరు కండలు..సిక్స్ ప్యాకులు .. అనవసర సినిమాలకి, అవసరం లేకపోయినా చొక్కా విప్పి మరీ.. చూపిస్తారు.
Abhishek Rangaraju says:
Sujata garu ..Allu Arjun fanaa.Allu arjun or Ramcharan hero ayi unte appudadi ‘Anaganaga O Marugujju’ ayyedi.
Prabhas or Mahesh ayite Title role ki set avutaru
Seenu says:
Nice Review
కాని సినిమా అస్సలు బాలేదు.
సుజాత says:
Abhishek,
అమ్మో, నేను అల్లు అర్జున్ ఫాన్ ని కాదండీ! అతడైతే కాస్త వీరత్వం ప్రదర్శించేవాడు కదా అని! ఎంత ప్రయత్నించినా సిద్ధార్థ్ మొహంలో గాంభీర్యం, వీరోచిత లక్షణాలు కనపడలేదు. అందుకన్నమాట.
అరిపిరాల సత్యప్రసాద్ says:
షర్ప సక్తి మహా సక్తి.. ఇది మంచు మహాతల్లి పలుకుబడి..!!
కళ్ళు లేనప్పుడు వున్నట్టు.. వున్నప్పుడు లేనట్టు సిద్ధార్థ పిచ్చి చూపులు..!!
అదేదో చెప్పుకోని రోగమొచ్చిన ఎర్రతోలు పిల్ల శృతి..!!
జఫ్ఫా, నీ**, నీ** లాంటి పదాలు అవలీలగా వాడేసే కామెడి..!!
అన్నట్టు అద్భుతమైన గ్రాఫిక్స్..!! ఇది సంగతి..!!
Sanjeev says:
mee comment chadivi 10mnts aapakunda navvanu sathya prasad garu
holyman says:
ఇంకా నయం.. “స్పర్శ సక్తి మహాసక్తి ” అనలేదు
కుసుమ says:
పడమటి వాళ్ళతో సమానంగా గ్రాఫిక్స్ ని ఎంజాయ్ చేద్దాం.
గులేబకావళి కథలో ఎన్.టి.రామా రావును వాస్తవంగానే చూపు చూపించారు విఠలాచార్య.
అదే ఇప్పుడుంటే, విశాల నేత్రునిగానే హీరోని తెరపైన చూపిస్తూ,
ప్రేక్షకులకు – వారి కల్పనా శక్తికి ని పెంచే మనో చక్షువులను ప్రసాదించే వారేమో,ఆయన .
shankar Gongati says:
కుసుమగారు
గులెబకావళి కధలో ఎన్టీఆర్ కు కళ్లు పోవు. దర్శకుడు విఠలాచార్య కాదు ఎన్టీఆరే.
kusuma says:
SaMkar Gongati gaarU!
మీరు చెప్పింది కరెక్టే! విఠలాచార్య దర్శకత్వంలో కాదు;
కమలాకర కామేశ్వర రావు దర్శకత్వంలో వచ్చిన సినిమా గులేబకావళి కథ.
పాతాక సన్నివేశంలో సరోవరం ఎండిపోగా, హీరో పాడిన పాట -
మాతా జగన్మాతా ఓ మాతా జగన్మాతా నీకన్నా లోకంలో నాకెవరు (గాయకుడు ఘంటసాల)
ఈ పాట పాడుతూ పెకలించుకుని, కొలనులో సరస్సులో వేయగానే,
అమృత /జలాలతో నిండి, గులేబ పుష్పాలు వికసిస్తాయి.
shankar Gongati says:
కుసుమగారు
నిజమే దర్శకుడు కమలాకరయే. సీతారామకల్యాణం నుండి రామారావు దర్శకుడిగా మారారు.
Ram says:
@Gangaraju
Prabhas ok… Mahesh ni petti unte appudu adi ‘anaganaga oka kojja’ ayyundedhi
Tanjavur Rohan says:
IAM SIDDARTH’S BIGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGGFAN MY NAME IS ROHAN TANJAVUR
chinnari says:
in this movie hero ,heroins are sleek &meek.but the mainproblem is they have no portion to play.the whole scenes are rolling around the irendri alike her brites.so the negativity is damnating the positive spirit or heroism.that is disappointing us.graphics are excellent.brahmananandam,tanikella&aali are total waste characters .their entry in such fantacy movie makes us feel irritating also.