అయ్యా
నిన్న తెలుగు సినిమా నిర్మాతలంతా కలిసి తెలుగు సినిమాని వుద్ధరించే ప్రయత్నంలో భాగంగా కొన్ని నిర్ణయాలు తీసుకున్నారని తెలిసి మేమెంతో సంతోషించాము. నిజానికి తెలుగు సినిమాను రక్షించుకోవడమంటే మిమ్మల్ని మీరు రక్షించుకోవడమే కదా.. అలాగే తెలుగు ప్రేక్షకుల్ని కూడా రక్షించినట్లే కదా.. అందుకే మాకు ఆనందం.
మీరు చేసుకున్న తీర్మానాలు (ప్రతిపాదనలు) విన్నాక మా ఆనందానికి అవధుల్లేకుండా పోయినయ్. ఇక నించి తెలుగేతర భాషల్లో నిర్మాణమైన చిత్రాలు తెలుగు డబ్బింగ్ అయ్యి విడుదలయ్యే సందర్భంలో వాటిని 50 ప్రింట్లకే పరిమితం చెయ్యాలన్న మీ ఆలోచన మహా గొప్పగా వుంది. ఇంగ్లీషు డబ్బింగ్ సినిమాలైతే ఏకంగా నిషేదించాలని కూడా నిర్ణయించడం మరీ బాగుంది.
తెలుగు ప్రేక్షకుడు మెచ్చుకోని హిట్ చేసేలా సినిమా తీయడం తెలుగు సినిమా ఇండస్ట్రీ వల్ల కావడం లేదు.. జనాలు రాని సినిమాకి విజయ యాత్రలు, సక్సెస్ మీట్లు ఎన్ని చేసినా డబ్బులు వెనక్కి రావటంలేదు. మరో పక్క చంద్రముఖి, యుగానికొక్కడు, అవారా అంటూ ప్రతి అరవ సినిమా తెలుగులో తెగ ఆడేసి డబ్బులు దండుకుంటోంది. ఎవరికైనా కడుపుమండదా మరి. ఆ అరవ సినిమాలు మన చేతగానితనాన్ని వేలెత్తి చూపిస్తే వొళ్ళు మండదా మరి..! ఇదుగో ఇప్పుడు మళ్ళీ రోబో వస్తోంది.. 27 కోట్లకి కొన్నారట తెలుగులో..!! ఇప్పుడు అర్జెంటుగా దీన్ని ఆపకపోతే ఏమౌతుందో తెలుసా. వేరే పోటీ సినిమాలు లేక హిట్ టాక్ తెచ్చుకున్న కొన్న చెత్త సినిమాలు ఆడకుండా పోతాయి… మన హీరోలకంటే రజనీకాంత్ పెద్ద హీరో అయిపోతాడు. ఇది అన్యాయం కదూ… ఘోరం కదూ.. అందుకే ఈ ప్రతిపాదన వెంటనే అమలు జరపాలని వేడుకుంటున్నాం.
ప్రేక్షకుల గురించి ఆలోచిస్తున్నారేమో.. వద్దు సార్.. వాళ్ళంతా గొర్రెలు. సినిమా మొదలైన రోజే ఇదో “డిఫరెంట్” సినిమా అంటే నమ్మేస్తారు. మ్యూజిక్ రిలీజ్ చేసేందుకు పెద్ద ఫంక్షన్ చేసి మ్యూజిక్ డైరెక్టర్ని ఆకాశానికి ఎత్తేస్తే సీడీలు కొనుక్కుంటారు.. పట్టు మని పాతిక క్యాసెట్లు అమ్ముడు పోని పాటలకి ప్లాటినం డిస్క్ ఫంక్షన్ చేస్తే నిజమే కాబోలు అనుకుంటారు. సినిమా విడుదల అవ్వగానే ప్రతి అడ్డమైన చానల్లో ప్రతి చెత్త ప్రోగ్రాంలో గెస్ట్గా కనపడి సినిమా సూపర్ అని వూదరకొట్టేస్తే పోలోమంటూ సినిమాకి వస్తారు. సినిమా చూసి నలుగురైదుగురు మూర్చపోయినా మనం మాత్రం టీవీలో మంచి టాక్ వచ్చింది సూపర్ హిట్ అని చెప్పుకోని జైత్రయాత్రలు చేసుకోవచ్చు. ఇన్ని చేసి, ఇంత కష్టపడి సినిమాని హిట్ చేసుకుంటుంటే మధ్యలో ఈ తమిళ సినిమాలు, ఇంగ్లీసు సినిమాలు వచ్చి డబ్బులు దండుకుంటుంటే ఎందుకు వూరుకోవాలి.
కరెక్ట్ సార్… మీరు చేసిందే కరెక్ట్. తమిళ సినిమా ఇండస్ట్రీతో మనకి అవసరాలు వున్నాయి కాబట్టి దాన్ని బ్యాన్ చెయ్యకుండా కేవలం ఇంగ్లీషు సినిమాలని మాత్రమే బ్యాన్ చెయ్యడం మంచి తెలివైన ఆలోచన. వాళ్ళు మంచి సినిమాలే తీయచ్చు గాక, వాళ్ళ సినిమాలు చాలా బాగుండచ్చుగాక కాని మన తెలుగు సినిమా.. మన సినిమా..!! దీన్ని బతికించుకోవడం చాలా అవసరం. ఎందుకంటే పెద్ద హీరోలంతా రెండేళ్ళకో మూడేళ్ళకో ఒక సినిమా చేస్తున్నారు. చిన్న సినిమా పేరుతో చేసే అతుకుల బొంతలు, కాపీలకి స్ఫూర్తి రీమేకులు ఇవి ఎలాగూ జనానికి అంతగా నచ్చట్లేదు. ఇక చూసేదానికి సినిమా లేకపోతే ప్రేక్షకుడు మాత్రం ఏం చేస్తాడు? అరవ డబ్బింగులు, ఇంగ్లీషు డబ్బింగులు చూసేస్తాడు. మరక్కడే మనకి దెబ్బ పడి పోతుంది. తెలుగు సినిమా తక్కువైపోతుంది..!!
అసలు తెలుగు భూమి పైన తెలుగు సినిమా తప్ప వేరే సినిమా చూడకూడదు అని రూల్ పెట్టాలి సార్. ఈ ఇంగ్లీషు, తమిళమే కాదు ప్రపంచ సినిమాలు చూసే వాళ్ళు చాలా మంది వున్నారట. అందుకే తెలుగు తప్ప వేరే ఏ బాష సినిమా చూసినా కనీసం మూడేళ్ళు జైలు, లక్ష రూపాయల జరిమానా పెట్టాలి. అయితే ఈ రూల్ సినిమా పరిశ్రమకి వర్తించదు అని కూడా ఒక వెసులుబాటు వుండాలి. మనం కాపీ కొట్టుకోడానికి – రిఫరెన్స్లు – వుండాలి కదా. అప్పుడే జనానికి మనం ఏ సినిమా నుంచి ఏ సీన్ ఎత్తేశామో తెలిసే అవకాశం వుండదు. వేరే సినిమాలేవీ వుండవు కాబట్టి – ఆముద వృక్షం సామెత లాగా – తెలుగు సినిమా గొప్పదనం రాష్ట్రమంతా వ్యాపిస్తుంది. రాష్ట్రం దాటక పోతేనేం?
కాకపోతే వచ్చిన చిక్కల్లా ఒక్కటే – మనల్ని చూసి కర్నాటక నిర్మాతలు కూడా తెలుగు సినిమాని బ్యాన్ చేస్తే మన గతేం కానూ అని?
ఇట్లు
ఒక ప్రేక్షకుడు
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
K మహేశ్ కుమార్ says:
ఆడలేనమ్మ మద్దెల ఓడన్నదని సామెత. మన తెలుగు నిర్మాతల పద్దతీ అలాగే ఉంది. ఒకప్పుడు కన్నడ నిర్మాతలు కూడా ఇలాంటి నిర్ణయాలే చేశారు. ప్రేక్షకులు కన్నడ సినిమాలు చూడలేదు సరికదా, బార్డర్ దాటెళ్ళిమరీ తమిళ, తెలుగు సినిమాలు చూసొచ్చారు.
మంచి సినిమాలు తీస్తే ఎలాంటి పరిస్థితుల్లోనయినా సినిమాలను ఆదరించే ప్రేక్షకుడు తెలుగువారికే సొంతం. ఆ ప్రేక్షకుడికి అన్యాయం చేసి తెలుగు సినిమాని ఉద్దరిద్దామనుకునే నిర్మాతలూ ఒక నిర్మాతలేనా!?
కే. శివ కిషోర్ says:
ఈలెటర్ వెన్టనే పోస్టు చెయ్యండి సార్… మన నవతరంగం పంటిక్రింద రాయ…వాళ్ళు ఈ site చూడరు
pidugu says:
కళాకారుడికి అవధులులేవు అని చెప్పుకునే tollywood సిగ్గుపడాలి. ఆవధులు మనకు మాత్రమే ఉండదు, మిగిలిన అందరికీ అవధులు పెడతాము మనం. యావత్ తెలుగు జాతి సిగ్గుపడే నిర్ణయాలు ఇవి.
Sudha says:
ఈ తెగులు మనవాళ్లకీ మొదలయ్యిందీ??
ఇన్నాళ్ళు కన్నడ ఇండస్త్రీ మాత్రమే అనుకున్నా…
నిజమే!!! మనకి పరిగెత్తడం చేతగాగానప్పుడు కనీసం పక్కవాడిని పడ దొయ్యాలిగా!!!!
విషపు అలోచనలు కాకపోతే….
ఆ.సౌమ్య says:
అబ్బ ఏం దెబ్బ కొట్టారండీ, శబ్దానికి చెవులు చిల్లులు పడ్డాయి కూడా…అదిరిపోయింది.
ప్రతీ దిక్కుమాలిన చెత్త సినిమాకి టీవీలో ఒక ప్రోగ్రాం, మీ సినిమా ఇంత విజయవంతం అయింది కదా మీరెలా ఫీల్ అవుతున్నారని ఏంకర్ల ప్రశ్నలు. సినిమా రిలీజ్ అయితే చాలు భయం…..ఏ తొక్కలో చానెల్ పెట్టినా ఇదే గోల….విసిగించేస్తున్నారనుకోండి. ఆ ప్రోగ్రాములు చూస్తూ ఉంటే కడుపులో వికారం వచ్చేస్తోంది.
ఈ లేఖేదో “మా(MAA)” కి చేరితే బాగుందును, పీడా విరగడవుతుంది.
sreenivas pappu says:
“తలపాగా చుట్టడం రాక నీ బుర్ర వంకర అన్నాట్ట” వెనకటికొకడు అలా ఉంది ఈ చేతకాని పౌరుషం లేని యోధుల పని.సిగ్గూ లజ్జా మానం మర్యాదా ఒదిలేసినోళ్ళకి ఎలా చెప్పినా వినపడదు లెండి ప్రసాద్ గారూ,అరణ్యఘోష తప్ప.(ఏదో సినిమా అభిమానులుగా ఇలా మనం చొక్కాలు చింపుకోడం తప్ప).
rambabu adla says:
VERY GOOD
Suuren says:
అహ్హ హ్హ హ్హ…
ఈ నిర్ణయమూ తీసేసుకున్నరా. అంటే మేము చచ్చు దద్దమ్మలం, చెత్త సినిమాలు మాత్రమే తీయగలం అన్న నిజాన్ని అఫీషియల్ గా ఒప్పేసుకున్నారన్న మాట.
ఒకానొకప్పుడు ఈ విషయం మీద తోటరాముడు పడ్డ ఆవేదన.
http://thotaramudu.blogspot.com/2007/04/blog-post_19.html
shankar Gongati says:
ష్.. ఎమిటి ఎటకారం. నిర్మాతలకు ఈ విషయం తెలిస్తే ఇంత కంటే గొప్ప? సినిమాలు తీసి మనల్ని ఎర్రగడ్డ హాస్పిటల్ కు పంపేయగలరు.
venkat says:
correct boss
నాగప్రసాద్ says:
మంచి నిర్ణయాలే తీసుకున్నారు. యాభై ప్రింట్లు తక్కువేమీ కాదు. మిగతా భాషల్లో సినిమాలు కూడా మన తెలుగుకన్నా ఘోరంగా ఏడిచాయి లెండి. ఏదో, హిట్టయిన సినిమాలే డబ్బింగ్ చేస్తారు కాబట్టి, వాళ్ళేవో గొప్ప సినిమాలు తీస్తున్నారు అనుకుంటున్నాము.
K మహేశ్ కుమార్ says:
@నాగప్రసాద్: వాళ్ళ సినిమాలు గొప్పవా కావా అనేది కాదు చర్చ. మన సినిమాల మీద వాళ్ల సినిమాలు ఇక్కడ బాగా ఆడుతున్నాయా, లేదా అనేది ప్రశ్న. గతసంవత్సరం పరిశీలిస్తే ఒకటి రెండు తప్ప మరే సినిమా ఇతరభాషల్లో రీమేక్/ డబ్బింగ్ కాలేదు. కానీ మన దగ్గర మాత్రం దాదాపు ముఫై తమిళ సినిమాలు డబ్ అయ్యాయి. వాటిల్లో ఒకమాదిరి నుంచీ సూపర్ హిట్ వరకూ ఉన్నాయి. అంటే మనకన్నా వాళ్ళ సినిమాలకు ఆదరణ ఎక్కువనేకదా! ఎందుకంటారూ?
swats says:
chinna pedda teda lekunda, cinema ni cinema laaga chuuse rojulu vaste, ee dusthiti manaku raadu.
కొత్తపాళీ says:
Great
“అసలు తెలుగు భూమి పైన తెలుగు సినిమా తప్ప వేరే సినిమా చూడకూడదు అని రూల్ పెట్టాలి సార్. ”
భలే. అలాగే – మా రచయితలు రాసిందే తెలుగు, మెము తీసిందే తెలుగు – అని జీవో పాస్ చేయించాలి!
ravi says:
keka…. mastaru baga chepparu mana vallaki creativity baga perigipoyindhi……
bonagiri says:
కన్నడంలో డబ్బింగ్ సినిమాలు నిషేధించి ఏం సాధించారు?
కొంచెం కొంచెం తెలుగు తెలిసిన కన్నడిగులు డైరెక్టుగా తెలుగు సినిమాలు చూసి తెలుగు నేర్చుకుంటున్నారు.
సతీష్ says:
ప్రభుత్వ ఆమోదం లేకుండా ఇది అమలవుతుందా?
ఇక్కడ మరిన్ని వివరాలున్నాయి.http://sunitablogs.com/2010/09/21/giving-life-tfi/.
రోబోకి మనోళ్లు భయపడుతున్నారన్న వార్తలు వస్తున్నాయి, కానీ మా సినిమా కొనండని పత్రికలో యాడ్ వేసుకోవాల్సిన గతి పట్టింది నిర్మాతకి
K మహేశ్ కుమార్ says:
@సతీష్: రోబో సినిమా రైట్స్ కోసం అల్లుఅరవింద్ పోటీపడిన విషయం తెలిసిందే. ఈ నిర్మాత పరిశ్రమకు కొత్త. పరిశ్రమ పోకడలు తెలీదు. ఇక్కడున్న మాఫియాలో భాగస్వామి కాదు. అందుకే పంపిణీలో సమస్యలు వస్తున్నాయి. దీనిపైన ఇప్పుడు 50 ప్రిట్లే అని రూలు పెడితే 27 కోట్లు పెట్టి కొన్న ఈ నిర్మాత నెత్తిన గుడ్డేసుకుని పోతాడు. మళ్ళీ పరిశ్రమలో కొందరి గుత్తాధిపత్యాన్ని ప్రశ్నించేవాళ్ళు ఉండరు.
సతీష్ says:
నిర్మాతగా కొత్తే గానీ ఆ వ్యాపారంలో ఉన్నవాళ్ల సహకారంతోనే డీల్ కుదిరిందంట. ఒక మామూలు డబ్బింగ్ సినిమాలా యాడ్ వేసుకోవడం మాత్రం వింతగా ఉంది. 27 ఎంతవరకు నిజమో తెలియదుగానీ నిర్మాత జూదం ఆడుతున్నట్టే. శివాజి 15కి కొన్నా లాభాలు రాలేదన్నారు. అతనిలా కొత్తవాళ్లు మాత్రమే కొంటారు.
నిజంగా పెద్ద నిర్మాతలు ఈ సినిమాని తొక్కెయ్యాలంటే మంచి హాళ్లు దొరక్కుండా ఆపగలరు. కానీ ప్రభుత్వాన్ని ఒప్పించగలరా? రోబో అసలు నిర్మాతలు కేంద్రాన్ని శాసిస్తున్న డీఎంకే బ్యాచ్ కదా?
surya prakash.j says:
ఆర్టికల్ అదిరింది…మంచి పార్టీ ఇద్దును గానీ..ఊళ్ళో లేను ..సారీ
సూర్య ప్రకాష్
చదువరి says:
“అయితే ఈ రూల్ సినిమా పరిశ్రమకి వర్తించదు అని కూడా ఒక వెసులుబాటు వుండాలి. మనం కాపీ కొట్టుకోడానికి – రిఫరెన్స్లు – వుండాలి కదా. ”
సుమారుగా ఈ వ్యాసం ధోరణిలోనే నేను గతంలో ఒక టపా వేసాను. తీరిక ఉన్నపుడు చూడండి:
http://chaduvari.blogspot.com/2006/11/blog-post_10.html
nsnaidu says:
Producer don’t know what is the story of the movie,by considering hero & director combination will spent crores, give statements like “it is going to break industry records” and able to watch completed movie just before it’s release and came to know he lost everything. First they should change themselves, then think about other films.
A good film with 50 prints and a bad film with 1000 prints..what difference it will make.
satmali says:
ఇదో గబ్బువెధవలు ని౦డిపోయిన ఇ౦డస్ట్రీ. సినిమా కథమీద అవగాహన లేక, స్క్రీన్ప్లే అ౦టే తెలియక, కేవల౦ హీరోలు గుద్దితే ఆకాశానికెగిరిపోయే విలన్లకోస౦, శవాన్ని మోసుకెళ్తు౦టే దాని ము౦దు ఆడే వాళ్ళలా చేసే డాన్సులకోస౦, బూతుడైలాగులకోస౦(ఈ మధ్య ‘సి౦హా’ లో నమిత ఇ౦ట్రడక్షన్ సీన్లో వేణుమాధవ్ “గాలికి పోయే క౦ప _ కి తగిలి౦చుకున్నట్టు” అ౦టాడు), ఓ ఫ్యాక్షన్నో, సస్పెన్సునో (అనుకు౦టారు) బేస్ చేసుకుని, ఆఫీసుల్లో కూచుని ముక్కతి౦టూ, మ౦దు తాగుతూ సగ౦ మత్తులో కథలు సృష్టి౦చేసి, సూపర్గా వు౦దని ఎవడికి వాడే చ౦కలుగుద్దుకొని ప్రేక్షకులమీద పడతారు. అలా౦టి గబ్బు సినిమాలకోస౦ తొక్కలో పబ్లిసిటీ చేసి, నానా హ౦గామా చేసి, ఇన్ని ప్రి౦ట్లు అన్ని ప్రి౦ట్లు అని డబ్బా కొట్టుకు౦టూ రిలీజులు చేస్తారు. ప్రేక్షకుడికి ఎక్కడో కాలి డొక్కలో త౦తాడు, లేద౦టే మూతిమీద త౦తాడు, శక్తిలేకపోతే వీళ్ళకోస౦ రోడ్డుసైడు బార్లో కూర్చుని చీప్ లిక్కర్ తాగుతూ ఈ వెధవల్ని బ౦డబూతులు తిడ్తాడు. ప్రొడ్యూసర్లకు సిగ్గు౦డొద్దూ. కా౦బినేషన్లూ తొక్కా అ౦టూ చచ్చేబదులు, ఓ మ౦చి కథ దొరికి౦చుకోవచ్చుకదా. పేపర్లో ప్రకటి౦చ౦డి. వెయ్యి కథలు విన౦డి, ఒక్కటి దొరకదా? ఇది వదిలేసి పక్కోడి మీద పడి ఏడవడ౦. ఇప్పటికే తెలుగు సినిమా, పక్కరాష్ట్రాల్లో చచ్చూరుకు౦ది. ఇ౦కా పుణ్య౦ కట్టుకోక౦డి.
satish says:
ఇదే విషయంపై మరో ఆర్టికల్ …
బ్యాడ్ న్యూస్: అక్టోబర్ 1 నుంచి ‘డబ్బింగ్ సినిమా’ బ్యాన్
http://thatstelugu.oneindia.in/movies/halfbeat/2010/09/telugu-producers-want-new-conditions-220910.html
raju says:
http://thatstelugu.oneindia.in/movies/halfbeat/2010/09/telugu-producers-want-new-conditions-220910.html
chakri says:
పులి ని చూసే నాథుడు లేదని..40 కోట్లు బూడిదలో పోశారని కసి తో ఇలా చేసారనుకుంటా..కాని
ఎవరు తీసుకున్న గోతిలో వాళ్ళే పడొచ్చు.. పైరసీ పెరిగే అవకాశం ఉందన్న విషయం తెలీటం లేదు. ఇక పైరసీ చేసే వాళ్ళు డబ్బింగ్ చెప్పి మరి పైరసీ చేస్తారన్న ముందు చూపు లేనట్టుంది..
Chanukya says:
గుంట నక్కలు ఇంకా ఎంత కాలం తమ ఇళ్లలోని ఏబ్రాసి మోహాలను బలవంతంగా రుద్దుతూ తెలుగు ప్రేక్షకులను పీడిస్తుంటారు?మన నిర్మాతలు,industry ని బాగు చేయడానికి,ముందుగా వీళ్ళను బాన్ చేయాలి….అల్లు అర్జున్,మోహన్ బాబు కొడుకులు,రానా,నాగేశ్వరరావు కుటుంబం(వీళ్ళకు పేర్లు కూడా గుర్తుపెట్ట్టుకోనె worth వుందా?)
raaja says:
babu chanakya..matladithe maa thatha maa vamsham ani cheppe nandamuri famili( andagallu )ni baristhunnamu..fast viillani baan chay..daridram pothundi…ina manchi story tho cinema thisthe kukka nu pettina super hitttttttt avthundi…adithelusuko….
naresh Nunna says:
Dear all,
Supplementing the above article, I request u all to go through the link of The Sunday Indian Telugu, in which there is my observation on becoming of Telugu cinema.
http://www.thesundayindian.com/telugu/20101003/
browse to the pages 24- 39
regards,
naresh nunna
aser says:
Nice essay
raaja says:
okka tolywood lone chetha cinemalu vasthunnai anukunte porapatu..anni chotla vasthunnai ..miku akkada hit cinimale thelusu …..plaap lu theliyavu….ekkado okka cine ma chusi supper ga undi manavallu ilantivi thiyyaru antu …chetha commentlu… mirantha goppa directors annatlu fillinggggggggg…fist miru marandi ……
rayraj says:
జీడిపప్పు says:
Very nice article SatyaPrasad garu!!
ద గ్రేట్ గిరీశం ఆనాడే అన్నాడు “మనవాళ్ళు ఉత్త వెధవాయిలోయ్” అని
venkat says:
నిజమా..నిర్మాత వెధవాయిగా మారాడన్న మాట