ఇటీవల తమిళంలో ‘మదరాస పట్టిణం’ అనే ఓ సినిమా వచ్చింది. భారతదేశానికి స్వాతంత్ర్యం రావడానికి కొద్ది కాలం ముందు నాళ్ళ నేపథ్యంలో రూపొందిన కల్పిత కథ అది. దానికి అప్పటి మన ఉమ్మడి మద్రాసు రాష్ట్రం, దాని రాజధాని మద్రాసు వేదికలు. అలా అరవై ఏళ్ళ వెనక్కి తీసుకువెళ్ళి, అప్పటి మద్రాసు పట్టణం రూపురేఖలను చూపే ప్రయత్నం ఈ సినిమాలోని ప్రత్యేకత. కథాంశం తెలియకపోయినా, కథా నేపథ్యం తెలుసు కాబట్టి, విడుదలకు ముందు నుంచి ఈ సినిమా కోసం ఆసక్తిగా ఎదురుచూశాను. తీరా సినిమా విడుదలై నెల రోజులు దాటినా, రకరకాల కారణాల వల్ల ‘మదరాస పట్టిణం’ చూడడం కుదరలేదు.
ఎట్టకేలకు గత వారం ఆ సినిమాకు వెళ్ళగలిగాను. లండన్ లోని ఓ ముసలావిడ మనస్సు అటు గతానికీ, ఇటు వర్తమానానికీ మధ్య తారట్లాడుతుండగా ఈ సినిమా కథ మొత్తం జరుగుతుంది. ఫ్లాష్ బ్యాక్ లో ఆ ముసలావిడ ఓ బ్రిటిషు గవర్నర్ కూతురు. మద్రాసు నగరానికి వచ్చిన ఆ యువతి, అక్కడి రజకుల పేటకు చెందిన ఓ కుర్రాణ్ణి (తెలుగు చిత్రం వరుడులో విలన్ ఆర్య) చూసి, ప్రేమలో పడుతుంది. కుస్తీ యోధుడు కూడా అయిన ఆ కుర్రాడికీ, ఆ అమ్మాయికీ మధ్య ప్రేమ కథ నడుస్తుంది. దాన్ని అంగీకరించని గవర్నర్… ఆ అమ్మాయితో పెళ్ళికి నిశ్చితార్థం కూడా అయిన ఓ బ్రిటిషు పోలీసు అధికారి…. – ఇలా రకరకాల పాత్రల మధ్య కథ జరుగుతుంది. చివరకు 1947 ఆగస్టు 14 నాటి రాత్రి దేశానికి స్వాతంత్ర్యం వస్తున్న వేళ జరిగే గొడవ మధ్య ఆ ప్రేమ జంట అనూహ్యంగా విడిపోతుంది. ఆ తరువాత ఇంగ్లండ్ వెళ్ళిపోయిన ఆమె మళ్ళీ ఇన్నేళ్ళకు భారత్ కు తిరిగి వచ్చిందన్నమాట. ఆ తరువాత జరిగే కొన్ని సంఘటనలు మిగతా సినిమా.
‘ఈ సినిమా కథలో, కథనంలో లోపాలు లేవా?’ అంటే బోలెడు ఉన్నాయి. కురిసే వాన కోసం రజక పేటలో ఆనంద నృత్యం, బ్రిటిషు అధికారికీ, భారత యోధుడికీ మధ్య కుస్తీ పోటీ లాంటి సన్నివేశాల్లో హిందీ హిట్ ‘లగాన్’ ప్రభావమూ స్పష్టంగా కనిపిస్తుంది. అలాగే, కథాకాలం నాటి వాస్తవిక సామాజిక పరిస్థితికి ఈ సినిమా ఏ మేరకు దగ్గరగా ఉందనే ప్రశ్న కూడా తలెత్తుతుంది. ముగింపు కూడా అర్ధంతరమనే అనిపిస్తుంది.
మరి, ‘ఇంతకీ ఆ సినిమా గురించి ఎందుకు చెబుతున్నట్లు?’ అంటారా! ఎందుకంటే, ఈ సినిమా కోసం కొన్ని వందల మంది సాంకేతిక నిపుణులు చేసిన కృషి కోసం! 60 ఏళ్ళ పైచిలుకు క్రితం నాటి మద్రాసును మళ్ళీ తెరపై పునఃసృష్టించడం కోసం వారు పడ్డ శ్రమ కోసం! కళా దర్శకుడు వి. సెల్వకుమార్ ప్రతిభ కోసం! కథా నేపథ్యానికి ఆధునిక సాంకేతిక పరిజ్ఞానమైన గ్రాఫిక్స్ ను అద్భుతంగా ఉపయోగించుకున్న తీరు కోసం! ఛాయాగ్రాహకుడు నీరవ్ షా పనితనం కోసం!! …. ఇవన్నీ ఆ సినిమాను ఉన్నత స్థాయిలో నిలబెట్టాయి.
విజయ్ అనే ఓ నూతన దర్శకుడు ధైర్యంగా ఇలాంటి నేపథ్యంలో కథను అల్లుకోవడం, నిర్మాతలు కూడా సాహసించి చిత్రం నిర్మించడం చూస్తే మనకు ముచ్చటేస్తుంది. అందుకు చేసిన పరిశోధనకు ఆనందం అనిపిస్తుంది. ఆలోచనా దారిద్ర్యం లేకపోవడం, దేశవాళీ తరహాలో తెరపై కొత్త దృశ్యాన్ని ఆవిష్కరించాలని అనుకోవడం, ఫార్ములా కథల ఏటికి ఎదురీదడం… వీటన్నిటికీ కలిపిమెచ్చుకోవాలనిపిస్తుంది. సెక్సీ పాటలు కానీ, వీరబాదుడు పోరాటాలు కానీ లేకుండా సినిమా తీసినందుకైనా అభినందించాలనిపిస్తుంది. మన సగటు తెలుగు సినిమాల్లో ఉపయోగం కన్నా దురుపయోగం ఎక్కువ జరిగే డిజిటల్ ఇంటర్ మీడియట్ (డి.ఐ), విజువల్ ఎఫెక్టుల లాంటి వాటిని కథకు ఎలా మూలస్తంభాలుగా వాడవచ్చో ఈ సినిమా చూసి నేర్చుకోవాలనిపిస్తుంది. ఇలాంటి సినిమాలు మన తెలుగులో రావడం లేదేమని బాధ పడాలనిపిస్తుంది. ఇంకా మనం ఆరు పాటలు, ఆరు ఫైట్ల రోజుల్లోనే ఉన్నందుకు సిగ్గు పడాలనిపిస్తుంది.
‘లగాన్, టైటానిక్’ లాంటి సినిమాల ప్రభావం ఈ సినిమా మీద ఉందని కొందరు తక్కువ చేయవచ్చు. నిజమే. కానీ, ఆ సినిమాలు మనవాళ్ళూ చూశారుగా! ఆ ప్రేరణతోనైనా మనం కథలెందుకు అల్లలేకపోయాం? సినిమాలెందుకు తీయలేకపోయాం? 400 ఏళ్ళ చరిత్ర ఉన్న హైదరాబాద్ మొదలు దశాబ్దాల చరిత్ర ఉన్న మన పట్టణాల నేపథ్యంలో మనకున్న కథలు, చారిత్రక గాథలనైనా తెరకెక్కించేందుకు ప్రయత్నించనైనా ప్రయత్నించామా? లేదే!! ఇలాంటి సినిమాలు పక్క రాష్ట్రాల్లో వచ్చినప్పుడైనా మనవాళ్ళు కళ్ళు తెరుస్తారంటారా?!
పి.ఎస్. – అన్నట్లు ఈ తమిళ సినిమా ఇప్పుడు తెలుగులోకి అనువాదమవుతోందట. పాత మద్రాసునూ, ఊళ్ళో అప్పటి ట్రామ్ ప్రయాణాలనూ, (ఇప్పుడు మురుగు కాలువగా మారిన అప్పటి అందమైన కూవమ్ నదిలో) ఆహ్లాదభరిత నదీ విహారాలనూ తెరపైనే చూడగలిగే ఈ తరానికి ఇది ఓ కనువిందు. ఆ తరం మద్రాసు ప్రేమికులకు ఓ నోస్టాల్జియా. సినిమా ముందు, సినిమా చివర టైటిల్స్ లో చూపే మద్రాసు రేఖా చిత్రం, అప్పటికీ ఇప్పటికీ మద్రాసులోని ప్రధాన ప్రాంతాల్లో వచ్చిన మార్పును ప్రతిఫలించే పాత, కొత్త ఫోటోలు చూడడం మిస్ కాకండేం!!
రెంటాల జయదేవ
http://ishtapadi.blogspot.com/
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
K మహేశ్ కుమార్ says:
తెలుగు సినిమాలలో ప్రస్తుతం నెలకొని ఉన్న భావదారిద్ర్యం దృష్ట్యా చారిత్రాత్మక చిత్రాలో లేక చారిత్రక నేపధ్యం ఉన్న చిత్రాలో ఆశించడం నిరాశని మాత్రమే మిగులుస్తుంది. ఒక సేలబుల్ పెద్ద హీరోతో, సెక్సీ హీరోయిన్ను పెట్టి, అందరి కామెడీ నటులూ, విలన్ల ప్యాడింగ్ తో సినిమా చుట్టేసి హిట్టు కొట్టెయ్యడమనే సులువైన ఫార్ములా ఉండగా, ఇన్ని కష్టాలెందుకు చెప్పండి?
Krishna Chaitanya says:
మద్రాసి పట్టిణం మంచి సినిమా గానే కనిపిస్తుంది…మన వాళ్ళు కూడా ఈ మధ్య ఇటువంటి ప్రయత్నం చెసేటతట్టు ఉన్నారు
shankar gongati says:
చంకలో పిల్లాన్ని ఉన్చుకొని ఊరంత తిరక్కండి.1940 లొ ఒక గ్రామం చూడండి.
K మహేశ్ కుమార్ says:
@శంకర్ గోగంటి: మీరు చెప్పిన చంకలో పిల్లాడిని చూడ్డానికి ఊరంతా వెతికి వందరూపాయలు పెట్టి ప్రసాద్ఐమ్యాక్స్ లో చూశాను. ప్రారంభంలోనే సిగ్గుతో సగం చచ్చాను. ఇంట్రవెల్ వరకూ చూసి ఇక నన్ను నేను కించపరుచుకోలేక తిరిగొచ్చాను. Its a shameful film.
కొత్తపాళీ says:
అదేమి అదేమి? ఎందుకలా?
sasank says:
@mahes, ee madaraasi patnam cinemaa inkaa ghoram gaa edisindhi cheppali antey bongulo cinema idi……….anthaa tamilam kampu cinemaalo………..heroine exposing paina ekkuva depend ainattu ani picchindhi………mana telugu vaallu ilaanti cinemaalu teeyaleru……teeyakoodadhu kooda………..:-)
big bullshit anipicchindhi ee cinema naaku same multiplex lo choosinappudu……….. cinema mottham choosinaa ahdye feeling vacchindhi……
so adhi anna maata matter
ang says:
సర్! meeru sarigga cinema nu choosinattuledu. mana telugu nu takkuva cheyyadamani kadu gani madarasa pattanam bagundi.
వెంకట్ గోపు says:
“రాజన్న” అని నాగార్జున హీరోగా తెలంగాణ లో అప్పటి రజాకార్ల ఆకృత్యాలపై చారిత్రక నేపథ్యం ఉన్న ఒక సినిమా వస్తుంది. దాన్ని ఎంత నిబద్దతో తీస్తారో చూడాలి.
Ram gopal says:
hi all ,,, inka ee movie chulle ..meerandru chepthunte intresting ga undi chusi repu na review istha frns ….byeeeeee
sasank says:
@ramgopal….mari choodaalsinantha goppa cinema emi kaadhu.lite teesukondi…choosthaanu antey choodandi.but prepared for the tamil flavor aagithayam…..uninteresting and boring movie and typical tamil tragery ending movie
shankar gongati says:
మహెష్
మీరే కోణంలో సినిమా చూసారో నాకు తెలియదు. ఇందులో వర్ణాలువేరు కులాలు వేరు అంటు అద్భుత చర్చ వాగ్వాదం ఉంది. ఇది సినిమా రెండో బాగం లో వస్తుంది.వీలైతే మళ్ళీ చూడండి.
అభిమాని says:
నేను “1940లో ఒక గ్రామం” పూర్తిగా చూసాను. మీరు చెప్పిన చర్చ నాకు ఆసక్తికరంగా అనిపించకపోగా, బోర్ కొట్టింది. అన్నీ ఇంతకుమునుపు మనం విన్న విషయాలనే మళ్ళీ మళ్ళీ వినాలి. పైగా ఇలాంటి సీన్లు సినిమాలో లెక్కకు మిక్కిలిగా ఉన్నాయి. సందేశం అనేది సినిమాలో అంతర్భాగంగా ఉండాలి తప్ప పాత్రలచేత సుదీర్ఘ సంభాషణల రూపంలో చెప్పిస్తే సినిమా visual medium అనే మాటకి అర్ధం ఉండదు. కేవలం సంభాషణల ద్వారానే కథ నడపటానికి సినిమా అనేది రేడియో నాటకం కాదు కదా…
vinaychakravarthi says:
excellent comment abt movie
సబ్ కా మాలిక్ ఏక్ says:
దాని బాబు లాంటివి వస్తాయి, కొంతకాలం ఆగండి.
Sollukaburlu says:
last year mana maghadheera gurinchi kuda arava tambi luu alageee anukunnaru… “Yeelanti cinamalu manamu yendu ku teeyamu ani “
aec says:
సినిమా బాగున్ది !