గత పది సంవత్సరాలుగా మనకళ్ళ ముందే కొన్ని వందల షాపింగ్ మాల్స్ వచ్చేశాయి. వచ్చేపొయ్యేవాళ్ళ హడావుడి. సంతను మరిపించే సందడి. ఉత్సవాన్ని గుర్తుతెచ్చే ఒరవడి.సూపర్ మార్కెట్ల జిలుగుల్లో, నియోన్ లైట్ల వెలుగుల్లో మనల్ని మనం మర్చిపోయి వస్తువులతో పాటూ అనుభవాల షాపింగ్ చేసుకొచ్చేయ్యడమే మనకు తెలిసిన ఆనందం. ఆ అందమైన అనభవాన్ని మనకు అందించేవారి వెనుక కొన్ని చీకటి కోణాలుంటాయని గానీ, కొన్ని వందల బ్రతుకులు అడకత్తెరలో పోకచెక్కల్లా మారిపోయాయని మనకు తెలీదు. బహుశా తెలియాల్సిన అవసరం కూడా లేదేమో ! కానీ అవి తెలిస్తే!? మన షాపింగ్ అనుభవాల్లోని తీపిదనం చేదెక్కదా? ఏమో!!
బిగ్ బజార్లూ, షాపింగ్ మాల్స్ రాక ముందునుంచే చెన్నై నగరం ఈ కొత్త ఒరవడిని తన సొంతం చేసుకుంది. నిజానికి ‘వాల్ మార్ట్ సంస్కృతిని భారతదేశంలోకి ఎలా తీసుకురావాలా!’ అని ఆలోచిస్తున్న కొందరు వ్యాపారులకు ప్రేరణా నిలిచింది. బిగ్ బజార్ (ప్యూచర్ గ్రూప్) అధినేత ‘కిషోర్ బియానీ’ తన వ్యాపార అనుభవాల్ని పంచుకుంటూ, బిగ్ బజార్ ఎలా పెట్టాడో వివరిస్తూ తన ప్రేరణ చెన్నైలోని శరవణ స్టోర్స్ అని చెప్పడం అందరికీ తెలిసిందే. అలాంటి చెన్నైలోని ఒక సాంప్రదాయక షాపింగ్ మాల్ వెలుగుజిలుగుల మాటునున్న చీకటి బ్రతుకుల గురించి అంతే శక్తివంతంగా తెలియజెప్పిన చిత్రం “అంగడి తేరు” (అంగడి వీధి).
చిత్రం ప్రారంభంలోనే హృద్యమైన ప్రేమ పాటతోపాటూ ఒక షాక్ ఇచ్చి దర్శకుడు ప్రేక్షకుల్ని ముందుచూపబోయే ఘటనలకు తయారు చేస్తాడు. ఫ్లాష్ బ్యాక్ లో చెప్పే ఆ తరువాత కథ ‘తిరునల్వేలి’జిల్లా నుంచీ ఇంటర్ ఫస్టుమార్కులతో పాసై పై చదువులకు వెళ్ళాలనుకునే తరుణంలో తండ్రి చనిపోవడంతో పరిస్థితుల ప్రభావం వల్ల ఉద్యోగం కోసం వెతికే‘జ్యోతిలింగం’ (మహేష్)తో ఆరంభమౌతుంది. చెన్నై నుంచీ సేల్స బాయ్స్/గర్ల్స్ వర్కర్స్ ని రిక్రూట్ చేసుకోవడానికి ఒక మధ్యవర్తి దగ్గరున్న పట్నానికి రావడం, జ్యోతిలింగంతో పాటూ తన బాల్య స్నేహితుడు ‘మారిముత్తు’ (పాండి)ను ఉద్యోగాల్లో భర్తీచేసుకుని వెళ్ళడం జరిగిపోతుంది. కథ చెన్నైకి మారి నిజానిజాలు తెలిసొచ్చేసరికీ దాదాపు జైల్లాంటి పరిస్థితుల్లోకి ఇద్దరు వచ్చిపడతారు.
దాదాపు వందమంది కలిసిపడుకోవాల్సిన పెద్దరూము. పొద్దునైతే టాయిలెట్ కోసం కూడా క్యూకట్టాల్సిన పరిస్థితికి తోడు షాపు తెరిచినప్పటి నుండీ అర్థరాత్రి షాపు మూసేవరకూ నిలబడుకునే ఉద్యోగాలు. బౌతికంగా కొట్టిహింసిస్తూ,లైంగిక వేధింపులకు గురిచేస్తూ రాక్షసంగా ప్రవర్తించే సూపర్వైజర్లు. కుక్కల్లా కొట్టుకుంటూ తిండితినే ఖర్మ. వెట్టిచాకిరికన్నా హీనంగా ఇరుక్కుపోయిన స్థితి. పారిపోవాలన్నా కుదరకుండా చేసే ఇంట్లో పరిస్థితి.
ఆ పరిస్థితుల్లో జ్యోతిలింగానికి పరిచయమౌతుంది ‘కని’(అంజలి) అనే సేల్స్ గర్ల్. మొదటగా ఇద్దరికీ మధ్య దాదాపు యుద్దమే నడిచినా, ఒకరినొకరు ఇరుకున పెట్టుకునే పరిస్థితిలో సూపర్వైజర్ ‘కరుంగలి’ (వెంకటేష్) దౌర్జన్యానికి బలై స్నేహితులవుతారు. మెల్లగా ప్రేమికులౌతారు. మనుషులు మనుషులుగా జీవించడానికీ, కనీసం మాట్లాడుకోవడానికే హక్కుల్లేని ఆ షాపింగ్ మాల్ లో అప్పుడే వికసిస్తున్న ఒక సేల్స్ గర్ల్ ప్రేమ – ద్రోహం – ఆత్మహత్యల మధ్య షాపులో మరిన్ని ఆంక్షలు మొదలౌతాయి. పరిస్థితి మరింత దారుణంగా తయారవుతుంది.
ఈ నేపధ్యంలో జ్యోతిలింగం – కని ల ప్రేమ సఫలమౌతుందా? ఆ అమానవీయ పరిస్థితుల నుంచీ వాళ్ళు బయటపడతారా? చివరికి వాళ్ళ జీవితం సుఖ్ఖాంతం అయ్యిందా అనేది మిగతా కథ.
ఈ చిత్రంలోని కొన్ని దృశ్యాలు కళ్ళలో నీళ్ళు నింపితే, మరికొన్ని గుండెలోని చెమ్మని ఆవిరయ్యేలా చేస్తాయి. సినిమా మొత్తం చూశాక కనీసం ఒకరోజైనా డిప్రెషన్ కిగానీ సబ్ధతకి గానీ గురవ్వని మనిషి దాదాపు ఉండడు. ఇవేవీ జరక్కపోయినా, మరోసారి షాపింగ్ మాల్ కి వెళ్ళినప్పుడు మనం పొందే ఆనందంలో కొంత సానుభూతి మాత్రం ఖచ్చితంగా నిండుతుంది.
జ్యోతిలింగం ‘కని’ని ఇరుకునపెట్టి సూపర్వైజర్ కు పట్టిస్తాడు. సూపర్వైజర్ షాపు జరుగుతున్న సమయంలో ఒక కర్టెన్ వేసున్న మూలకు తీసుకెళ్ళి సేల్స్ వాళ్ళని చాలాసేపు కొడుతుంటాడు.
కని త్వరగా వచ్చేస్తే జ్యోతిలింగం “అంత త్వరగా ఎలా వదిలేడు” అంటాడు.
అప్పుడు కని “నా మానం మీద చెయ్యివేసినా ప్రతిఘటించకుండా సహించాను. అందుకే వదిలేశాడు” అంటుంది.
ఒక్కసారిగా జ్యోతిలింగం కళ్ళలో నీళ్ళు నిండుతాయి. కడుపులో దేవేసినట్లుండే ఇలాంటి దృశ్యాలు, మాటలు, సంఘటనలూ ఈ చిత్రంలో కోకొల్లలు.
ఒక సేల్స్ గర్ల్ తన ప్రియుడికి రాసిన ప్రేమలేఖ దొరకబుచ్చుకున్న సూపర్వైజర్ నిజం చెప్పమని అందరినీ హింసిస్తుంటే ఆ సేల్స్ గర్ల్ తనే రాశానని ఒప్పుకుంటుంది. నీప్రియుడెవరో చెప్పమంటే అతడిని చూపిస్తుంది.
అన్ని రోజులూ ప్రేమించమని వెంటపడిన కుర్రాడు ‘ఆ అమ్మాయిని నేనసలే ప్రేమించలేదు. తనోపిచ్చిది. నాకేమీ తెలీదు’ అంటాడు.
ఆ అమ్మాయి అదే ఫ్లోర్ నుంచీ దూకి ఆత్మహత్య చేసుకుంటుంది. ప్రియుడు తనని ప్రేమించనేలేదు అన్నప్పుడు ఆ సేల్స్ గర్ల్ చూసినచూపు ఒక్కటిచాలు నటన రాబట్టుకోవడంలో దర్శకుడు చూపిన ప్రతిభ తెలియజెప్పడానికి.
నాయికా-నాయకులుగా మహేష్- అంజలిల నటన మహామహానటులకు కూడా కష్టమనే చెప్పాలి. బహుశా వాళ్ళు నటించడంకన్నా పాత్రల్లో జీవించారనడమే బెటర్. హీరో బాల్యస్నేహితుడి మారిముత్తుగా నూతన నటుడు పాండి నటన సినిమాలో కావలసిన హాస్యరసంతోపాటూ చాలా సన్నివేశాలకు బలం చేకూర్చింది. చాలావరకూ డిప్రెసింగ్ గా ఉండే ఈ సినిమాలో పాండి లేకుంటే, కష్టమయ్యేది. ఫ్లోర్ సూపర్వైజర్ గా మరో దర్శకుడు ఎ.వెంకటేశ్ నటన గుండెలు జలదరింపజేస్తుంది.
ఇప్పటికే తమిళచిత్రపరిశ్రమ “మాస్టర్ పీస్”గా అభివర్ణిస్తున్న ఈ సినిమా ఒక అద్భుతం అనేది నా అభిప్రాయం. విజయ్,జివి.ప్రకాష్ ల సంగీతం. రిచర్డ్ మారియా నాథన్ సినెమాటోగ్రఫీ. శ్రీకర్ ప్రసాద్ ఎడిటింగ్ అంతర్జాతీయప్రమాణాలలో ఉంటే, అన్నిటికన్నా ముఖ్యంగా దర్శకుడి ఊహకు వీళ్ళు జోడించిన హంగులు అభినందనీయం
మొదటి చిత్రం “వెయిల్” (వేసవి) తో ఒకవైపు కమర్షియల్ సక్సెస్ ని క్రిటికల్ విజయాన్నీ (ఈ చిత్రం కాన్స్ ఫిల్మ్ ఫెస్టివల్ కు నామినేట్ చెయ్యబడ్డది) సొంతం చేసుకున్న దర్శకుడు ‘వసంత్ బాలన్’ నాలుగు సంవత్సరాల విరామం తరువాత మలి ప్రయత్నంగా తీసిన చిత్రం ఇది. వెయిల్ సినిమా విజయంలో వసంత్ బాలతోపాటూ అతని గురువు శంకర్ కు భాగం చెందుతుందనడంలో అతిశయోక్తి లేకున్నా, తనదైన శైలి కథాకథనాల్లో ఉన్నదని నిరూపించుకున్న వసంత్, ‘అంగడి తేరు’ తో ప్రముఖదర్శకుల జాబితాలోకి చేరడం ఖాయం. ముఖ్యంగా బాలచందర్, భారతీరాజా,బాలుమహేంద్రల వారసత్వాన్ని నిలుపుకొస్తున్న కొత్తతరం దర్శకుల్లో ఒకడిగా నిలబడటంలో ఏమాత్రం సందేహం లేదు.
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
naresh Nunna says:
Dear Mahesh,
I request u not to introduce such good movies, since it further rages the wound that reminds us the bankruptcy of Telugu film world.
How do the neighbouring states have a big chasm in between, when it comes to the film- making? Why we could not expect బాలచందర్, భారతీరాజా,బాలుమహేంద్ర and Vasanths here?
However, I personally thank u for ur article..
regards,
naresh
kanred says:
antamu enti , its already backrupcy in TELUGU FILM INDUSTRY ….
THE WAY THE TAMIL COMPATRIOTS ARE GOING IS AWESOME AND FANTASTIC, AND WORTH APPRECIATING …
THE TELUGU FILM INDUSTRY IS LOGGED BY THE SONS AND PROJENY OF THE ACTORS AND TECHNICIANS OF YESTER YEARS . MORE OVER THERE IS NO ROOM FOR CREATIVITY , EXEPT THE SAME OLD , ” NARUKUTHA , PIKUTHA ….DIALOGUE AND SAME BORING HERO AND HEROINE NAUSEATING LOVE STORIES……
RECENTLY THE FILM ” VARUDU ” . THESE KIND OF MOVIES ARE WASTE OF MONEY AND EFFORTS AT THE PRESENT SCENARIO.
MOREOVER THERE ARE NO GOOD SCRIPT WRITERS NOW….. TALENT IS NOT BEING ENCOURAGED AT ALL , ONLY THOSE WHO ARE IN THE INDUSTRY ARE RULING THE INDUSTRY …….
NO QUALITY DIRECTORS , EXCEPT A COUPLE OF THEM AND ONLY ONE QUALITY MUSIC DIRECTOR……
WHARE IS THE INDUSTRY HEADING …..
AND ONLY ACTORS LIKE MAHESH , ALLU ARJUN , NTR ARE WORTH IN THEIR ACTING AS HERO S , OTHERS ARE BEYOND THE SCOPE …EVEN THESE PEOPLE EXCEPT ALLU ARJUN HAVE ARE NO MATCH TO TAMIL ACTORS LIKE VIKRAM , SURYA AND ARYA……
RAVI TEJA IS REPETITIVE IN ALL HIS MOVIES….
SURENDER REDDY , TEJA , V V VINAYAK , b gopal , gunasekhar ,etc are waste
sreenu vaitla and trivikram are mediocre
rajamouli too is the same …….
bhaskar , puri doing ok presently…. sekhar kammula is ameturish and krisna vamsi shines once in a blue moon….
ramgopal verma doesnt direct for telugu anymore…
except two or three , they are no match to shankar , manirathnam , goutham menon , kathir , bala etc…..
THEY ARE IN THE MOOD THAT WHATEVER THEY MAKE ….. PEOPLE WILL WATCH AND MAKE MONEY FOR THEM….
ITS ABSOLUTELY PATHETIC AND BACKRUPCY FOR TELUGU FILM INDUSTRY….
and i appreciate the movie and the narrator in this website ..good reviews…..
ramakanthudu
rahul says:
hello mister,
every 1 have their own talent shankar, maniratnam, kadir, bala every 1 given floops to who is ameturish and who is medicroe if u know how to make a film come and do , criticize telugu directors and telugu film by telugu films is becoming fashion today,, malli cheptunna meku dammu vunate vell cinemalu teyandi vadu idi adi ani dobbalasina pani ledu , telugu film makers are very good FUTURE CINEMA anate telugu cinema ane rojulu chala chala chala daggarlo vuunayi
Darth Vader says:
Manintlo vanta enta ruchi ga unna … pakkintti pulla koore ishtam.
naresh Nunna says:
Dear Darth Vader,
While begging for pardon, I request u to elaborate our Ruchulu to erase my prejudice…
regards,
naresh
j.surya praksh says:
మహేష్ గారూ…
సినిమా సంగతేమో గానీ..మీ వ్యూ మాత్రం చాలా బాగుంది
సూర్య ప్రకాష్ జోశ్యుల
mohan ram prasad says:
your introduction is so good. I like to see that movie.
Prasad says:
As a rule, the situation behind sale people might not be as depicted in the film. I knew sales people who switch to other malls,if they find it difficult in a mall.In addition to being witness to some tragedies of lesser scale, I have seen many happy golucky stories also among some aquaintances who worked in these malls.Sometimes I chit chat with the billing people too. But being a feature film that should cater to the histrionics we can undertand it.
However we should appreciate the makers of this film for throwing light on much neglected and abused section of the new economy.
K మహేశ్ కుమార్ says:
@Prasad: The film is not about the high-end shopping malls where English speaking customers frequent and English speaking sales people do the sales. The film is about Chennai’s “traditional super malls”.I am sure you are not aware of T.Nagar in Chennai.
In director’s words ” What is true is more cruel; what I have shown is only half the truth. Reality is even worse. Today, viewers say that I have disturbed them with the story. But the fact is, I know cinema is a means of entertainment and I have included love, emotions, drama, friendship, humour, songs and many other things in the film as relief. I have added all these so that people can watch the film without feeling really bad. If you happen to see what is real, you will be even more shocked; it is harsh, cruel and painful.”
Prasad says:
Though I have been to T nagar traditional malls, I have got the context wrong in this case. If the director himself says that we should beleive him.
One similar category is “telemarketing people”. Public is very rude to them. Over a time they might get used to the rude reponses.
basho says:
good review …
other side of the coin
http://passionforcinema.com/angadi-theru-impressive-subject-incomplete-filmmaking/
kvrn says:
cinema review chaala baagundi.cinema tappaka chuda valisinde
G says:
మహేష్ గారి రివ్యూలెప్పుడూ బాగుంటాయి. కానీ సినిమానే… మరీ అద్భుతమనేంత లేదండీ. తప్పక కాదు. లీజర్లీగా ఎక్కువ ఎక్స్పెక్టేషన్స్ లేకుండా చూడండి. ఫ్హర్లేదనుకుంటారు. :డ్
Venkat Gopu says:
పక్క రాష్ట్రాల్లో మీ గుండెల్ని పిండేసే ఏ సినిమా వచ్చినా, అటు తిరిగి, ఇటు తిరిగి తెలుగు సినిమా మీద పడతారు….
బాబు, ఇలాంటి సినిమా లు తీయడం మన దర్శకులకి చేత కాక కాదు, ఆ మాత్రం తెలివితేటలు మనకు లేకా కాదు.
కొంత మంది వెదవలు ఉన్నమాట వాస్తవమే…..
మాది గొప్ప వంశం అని తొడగొట్టే పనికి మాలిన నటులు, ఆ నటులకి చెక్క బజన చేసే లుచ్చా దర్శకులు ఉన్నారు.. బొంగులో వంశం, ఎవడికి వంశాలు లేవా?? వీళ్ళేమైనా పై నుండి ఊడిపడ్డారా?? వాళ్ళ సినిమాలు చూసి, తెలుగు సినిమా అంటే ఇంతేనా అని పక్క రాష్ట్రాల వాళ్ళు నవ్వుతున్నారు. మన వంతు బాద్యతగా అలాంటి నటులని, దర్శకులని blame చేసి, తద్వారా ప్రజలని కాపాడవల్సిన కనీస బాద్యత మనపై ఉంది. ప్రత్యేకంగా ఇలాంటి నటులన, దర్శకుల సినిమాలని ban చేయాలని “ప్రజా ప్రయోజన వ్యాజ్యం” దాఖలు చేయాల్సిన అవసరం ఎంతైనా ఉంది. లోక కల్యాణం కోసం…..:-)
ఇక కథల విశయానికి వస్తే, గుండెలని చిందర వందర చేసి, ఎక్క్కడికక్కడ కోసేసి, పీల్చి పిప్పి చేసి… ఒక వారం, లేదా రెండు వారాలు మీరు పదే పదే గుర్తుకు తెచ్చుకుని “జగమే మాయా……. బ్రతుకే మాయా… వేదాలలో సారం ఇంతేనయా………” అని కళ్ళళ్ళో నీళ్ళు తిరిగి, యమా ఇదిగా ఫీలయ్యే కథలు నేను రాస్తాను…. మీరు సినిమా తీస్తానంటే…..
సినిమా తీయాలంటే డబ్బు కావాలి, ఆ డబ్బులు పెట్టేవాళ్ళు ఇలాంటి సినిమాలు తీయడానికి ఏ మాత్రం ఒప్పుకోరు ఇక్కడ.
మన telugu సినిమా prodecers ఎవరూ అంటే
real estate business
political leaders
cinema family background
NRI’s…. etc etc….
వీళ్ళంతా ఒక్క రూపాయి పెట్టుబడి పెడితే 10 రూ. లు లాభం కావలనుకుంటారు… సినిమా అనేది పచ్చి వ్యాపారం గా మాత్రమే వాళ్ళకి తెలుసు….లాభం రావడానికి ఎంతకైనా.. అంటే ఎలాంటి సినిమాలు ఐనా తీస్తారు…
అసలు switch అక్కడ ఉంది… మనం ఎంత అరిచి గోల పెట్టినా వాళ్ళ “cinema business” వాళ్ళు ఎంచక్కా చేసుకుంటారు…
“కర్రా విరగదు, పామూ చావదు”…
K మహేశ్ కుమార్ says:
@గోపు వెంకట్: నటులో,నిర్మాతలో,దర్శకులో,ప్రేక్షకులో మొత్తంగా పూర్తి తెలుగు సినీపరిశ్రమ వ్యవస్థలోనే లోపముందో తెలీదుగానీ మన సినిమాల్లో అటువైవిధ్యం, ఇటు ప్రమాణాలూ రెండూ ఉండటం లేదు. కాబట్టి వాటి గురించి చర్చకూడా అనవసరం.
మంచి సినిమా ఎక్కడున్నా, ఏభాషలో ఉన్నా, ప్రపంచంలో ఏ మూలలో ఉన్నా దాన్ని చూసి ఆనందించడం సినీప్రేమికులకు ముఖ్యం. నచ్చినదాని గురించి పదిమందికీ తెలియజెప్పడం నవతరంగం ఉద్దేశం.మన చర్చలు వాటికి పరిమితం చేసుకుంటేనే productive గా ఉంటుంది.
Venkat Gopu says:
@K మహేశ్ కుమార్… తప్పకుండా… కానీ ప్రతీసారి మిగతా భాష చిత్రాలతో తెలుగు సినిమాలని పోల్చి మాట్లాడటం వల్ల నా అభిప్రాయం చెప్పడం జరిగింది..
K మహేశ్ కుమార్ says:
@వెంకట్ గోపు: తెలుగు ప్రేక్షకులకు ఆనందాన్నిచ్చే ఒక విషయం చెప్పనా…ఈ చిత్రంలో అత్యద్భుతమైన నటన కనబరిచిన నటి అంజలి తెలుగమ్మాయి. 2006 లో వచ్చిన ‘ఫోటో’అనే తెలుగు చిత్రంతో తెరంగేంట్రం చేసిన ఈ నటి తరువాత 2007 లో ‘కట్రాతు తమిళా’(Katrathu Thamizh) అనే సినిమాతో తమిళంలో ఎంట్రీ ఇచ్చింది. ఆ సినిమాతో తన నటనను నిరూపించుకుని ఇప్పుడు అంగడి తేరు తో మరోమారు తనని తాను ప్రూవ్ చేసుకుంది.
ఈ నటి తెలుగమ్మాయి అని గర్వించాలా….లేక తమిళోళ్ళు కూడా పక్కింటి పుల్లగూర కోసం అర్రులుచాస్తున్నారని గర్హించాలా!!!
http://parnashaala.blogspot.com/2010/04/blog-post_15.html
VASANTH says:
GOPU GAARU!
MEE DAGGARA ANNI SAMAADHAANAALU UNDATAM CHETHANU,AVASARAANIKI MINCHINA LOKA GNYAANM KALIGI NANDUVALANANU MEERU PURTHIGAA DEYYAM GAA PARINAM CHENDINAARU.IKA,MEERU KATHAA RAYANAVASARAMU LEDU!
DHANYA VADAALU
VASANTH.KKD.
Venkat Gopu says:
ఒక సినిమాలో ఒక డైలాగ్ ఉంటుంది…( కరెక్ట్ గా చెప్పాలంటే ఈ నటుడు కమెడియన్ గా కూడ పనికి రాడు)…
“బాంబులు చుట్టింది మా తాత, వేసింది మా తాత” అని… వీడి అమ్మా కడుపు మాడ….ఆ బాంబు కి ఏం తెలుసు, వీడి తాత చుట్టాడు అని…చేతిలో పేలితే చచ్చి ఊరుకుంటాడు వెదవ…
ఇంకో మహా నటుడు ఉన్నాడు… ఈయన తొడకొడితే కూర్చున్న మనిషితో సహా కుర్చీ రయ్ మని దగ్గరికి వస్తుంది…
పెద్ద పెద్ద trains కూడా ఆగిపోతాయి… పిచ్చ కామేడి….
మిత్రులారా ఇలాంటి వాళ్ళ బారి నుండి తెలుగు సినిమాని కాపాడండి….
“JAAGO GRAAHAK JAAGO”
అబ్రకదబ్ర says:
@గోపు వెంకట్:
అలాంటి మహా నటులు ఇతర భాషల్లో మాత్రం లేరనుకుంటున్నారా? ఒక్కసారి విజయకాంత్ నటించిన తమిళ సినిమాలు చూడండి. మన బాలయ్య ఎందుకూ పనికిరాడు.
తెలుగు సినిమాలు తీసికట్టుగానే ఉంటున్నాయి. అందుకే పక్కింటి పుల్లకూర సైతం రుచిగా అనిపిస్తుంది. ఈ ‘తమిళాద్భుతాలు’ తెలుగుతో పోల్చితే బాగుంటాయేమో కానీ, మరీ ఊదరగొట్టాల్సినంత గొప్పవి కావని నా అభిప్రాయం. ‘అంగడి తెరు’ నేను చూడలేదు కాబట్టి దాని గురించి వ్యాఖ్యానించలేను. ఇంతకు ముందు కాదల్ (ప్రేమిస్తే) లాంటి ఒకట్రెండు సినిమాల విషయంలో ఇలాంటి హైప్ విని చూసి బలైపోయాను. వాస్తవికత పేరుతో మరుగుదొడ్లనీ, వాటిలోని రొచ్చునీ చూపటమే అద్భుతమైతే ఆ తరహా వాస్తవికతకన్నా తెలుగు సినిమాలు ప్రస్తుతమున్న పరిస్థితే మంచిది.
K మహేశ్ కుమార్ says:
@అబ్రకదబ్ర: హిందీ సినిమా వైవిధ్యంగా ఉందీ అంటే “బరితెగించిన సినిమా” అంటారు.తమిళ సినిమా అద్భుతంగా ఉందీ అంటే అది “రొచ్చుగుంట సినిమా” అంటారు.మీ లాజిక్ సినీవిశ్లేషణకు అందనిది.అద్భుతమైనది. వైవిధ్యమైనది. అభినందనలు.
అబ్రకదబ్ర says:
ఏదో, మీ అంత కాకపోయినా, మాకు చేతనైనంత వైవిధ్యం కనబరిచాం. అర్ధం చేసుకున్నందుకూ, అభినందించినందుకూ బహుళ ధన్యవాదాలు.
రవి says:
I agree with you. జిడ్డోడిన ముఖాలను చూపడం, బలవంతంగా ఏడుపు సృష్టించి, ఆ ఏడుపు ముసుగులో “మంచి” సినిమాలు మార్కులు కొట్టేయాలన్న ప్రయత్నాలు ఇవన్నీ అక్కడ చాలా ఉన్నాయి లెండి. (ఈ సినిమా నేను చూడలేదు, కాబట్టి అది దీనికి వర్తించదు).
సుబ్రహ్మణ్యపురం అని మొన్నామధ్య ఒక సినిమా కొంచెం సేపు చూశాను. హీరోకు మాసిన గడ్డం (అవసరం లేకపోయినా), హీరోవినుకు అవసరానికి మించిన సిగ్గూ, ఉబలాటం, మరీ నాచురల్ గా తీసేస్తున్నామన్న Show off, ఇలాంటి వాస్తవికతకన్నా, దిగజారుడు తెలుగు సినిమాలే బెటరు. తమన్నాను కూడా జిడ్డు ముఖంగా మార్చి ఓ సినిమా తీసినట్టు గుర్తు.
K మహేశ్ కుమార్ says:
@రవి: ఒక సినిమా మీరు చూడలేదు. మరోటి కొంచెమే చూశారు. అంతలో ఇన్ని స్టేట్మెంట్సా! మీ వ్యాఖ్య జడ్జిమెంటుల్లా లేవు ప్రెజుడిసెస్ లా ఉన్నాయి.
సుబ్రమణ్యపురం అనే సినిమా కథకాలం 1980 వదశకం.ఆ కాలానికి అణుగుణంగా పాత్రల ఆహార్యాలున్నాయి. ప్రతిఫ్రేములోనూ, నేపధ్య సంగీతంలోనూ ఆ కాలాన్ని ప్రతిఫలించే జాగ్రత్తలు దర్శకుడు తీసుకున్నాడు. దాన్ని తేరగా మార్కులు కొట్టేయ్యడం అనరు.నిబద్ధతగా సినిమాని మలచడం అంటారు.
మంచి సినిమా అనేది pretension తో తీస్తేరాదు.Conviction తో తీస్తే తయారవుతుంది.అదే కన్విక్షన్ ఈ కొత్తతరం తమిళ దర్శకుల్లో కనిపిస్తుంది.అమీర్, బాల, శశి, సముద్రఖని,వసంత్ బాల వంటి దర్శకుల సాంకేతిక పరిజ్ఞానానికీ, కథా/సినీశిల్పానికీ సరితూగగలిగే దర్శకులు చాలా కొద్దిమంది మాత్రమే భారతదేశంలో ఉన్నారు.
ఇప్పటికే నవతరంగంలో సుబ్రమణ్యపురం సినిమా గురించి ఒక వ్యాసం వచ్చేసిందికాబట్టి కేవలం మీ reference కోసం ఆ లంకె ఇస్తున్నాను. చూడండి http://navatarangam.com/2008/08/subramaniapuram-dont-miss/
ఆ వ్యాసం చివరలో చెప్పింది అక్షరాలా నిజమని నిరూపించారేమో అనిపిస్తోంది నాకు.
G says:
అభిమాని says:
ఇంత దారుణంగా సిబ్బందిని ట్రీట్ చేసే షాపింగ్ మాల్స్ కూడా ఉంటాయా? చదువుతుంటేనే దుర్భరంగా ఉంది. ఇది కేవలం అర్ధసత్యం మాత్రమే (సగమే నిజం అని కాదు. నిజంలో సగం అని నా ఉద్దేశం) అంటే ఇక పూర్తి స్థాయిలో ఎలా ఉంటుందో ఊహించటానికే కష్టంగా ఉంది. ఈ సినిమాను పరిచయం చేసినందుకు ధన్యవాదాలు.
ఇకపోతే మన చదువరులు కొందరు తెలుగు సినిమాలతో పోల్చి వ్యాఖ్యలని పక్కదారి పట్టించారు తప్ప వ్యాసకర్త ఎక్కడా అలాంటి ప్రస్తావన తేకుండా సంయమనం పాటించారు. అభినందనలు.
తెలుగు సినిమా రంగం బాగుందా, తమిళం బాగుందా, ఎవరు ఎందుకు బెటర్, ఎవరు ఎందుకు బ్యాడ్ అనే చర్చ ఎప్పటికీ తేలేది కాదు. దాన్ని వదిలెయ్యటమే బెటర్.
ravi says:
ee cinima telugu lo vastonda..
naaku tamil raadu
K మహేశ్ కుమార్ says:
@రవి: ఈ సినిమా తెలుగులో రాదు. వచ్చే అవకాశం అస్సలు లేదు. త్వరలో DVD రావొచ్చు ఇంగ్లీష్ subtitles తో. అప్పుడు చూడటమే మరి!
జగన్ మోహన్ says:
Read someother point of view on this film here at this link..
http://passionforcinema.com/angadi-theru-impressive-subject-incomplete-filmmaking/
G says:
Expected
Watchable. Not gr8
$hankar Gangadhari says:
మహేష్ గారు..
మీ వ్యాసం చదివినప్పడినుండి ఎప్పుడు చూద్దామా అని అనిపించింది.. నిన్నటి నుండి ప్రయత్నించగా ఇప్పటికి పూర్తయింది..
నేను ఆన్ జాబ్ ట్రెయినింగ్ కై టి.నగర్ లొ శరవణ స్టోర్స్ గల్లీ లోనే ఒక మాన్షన్ లొ ఉండాల్సివచ్చింది.. టిఫిన్ కోసం పక్కనే శరవణ స్టోర్స్ (రెస్టారెంట్లు, జ్యువెలర్స్, టెక్స్ టైల్స్.. ఇలా ఎన్నొ ఉన్నాయ్ వారికి) లొ టిఫిన్ కి వెళ్ళేవాళ్ళం. సినిమాకి టికెట్ కొనడానికి బాల్కని కి ఒక క్యూ డ్రెస్ సర్కిల్ కి ఒక క్యూ ఎలా ఉంటుందో.. ఇడ్లీ కి ఒక క్యూ, దోస కి ఒక క్యూ ఉండేది. జనప్రవాహం తీవ్రం గా ఉంటుంది.. శరవణ టిఫిన్స్ లో ఉన్న ప్లేసు లొ ఎంచక్కా మూడు మల్టిప్లెక్సులు కట్టేయొచ్చు..
దర్శకుడు కథ గా షాపింగ్ మాల్ వెలుగుజిలుగుల మాటునున్న చీకటి బ్రతుకుల గురించి ఎన్నుకోవడం, అందులో చోటుచేసుకున్న సంఘటనలు, ప్రేమ నేపధ్యం.. చక్కగా చిత్రీకరించారు..
నటీనటులు ప్రతి పాత్రను జీవించారు.. సూపర్వైజర్ షాపు జరుగుతున్న సమయంలో ఒక కర్టెన్ వేసున్న మూలకు తీసుకెళ్ళి సేల్స్ వాళ్ళని చాలాసేపు కొట్టడం..సూపర్వైజర్ హింసించే సీన్స్ అతిగా చూపించారేమోననిపిస్తుంది.(బహుశా కథ పరంగా అవసరమే)
ఈ చిత్రంలోని కొన్ని దృశ్యాలు కళ్ళలో నీళ్ళు నింపితే, మరికొన్ని గుండెలోని చెమ్మని ఆవిరయ్యేలా చేస్తాయి. సినిమా మొత్తం చూశాక కనీసం ఒకరోజైనా డిప్రెషన్ కిగానీ సబ్ధతకి గానీ గురవ్వని మనిషి దాదాపు ఉండడు. ఇవేవీ జరక్కపోయినా, మరోసారి షాపింగ్ మాల్ కి వెళ్ళినప్పుడు మనం పొందే ఆనందంలో కొంత సానుభూతి మాత్రం ఖచ్చితంగా నిండుతుంది.. — ముమ్మాటికి నిజం.. నా విషయం లొ అలాగే జరిగింది. ;(
చాలా చక్కగా రాసారు. ఎప్పటిలాగే విభిన్న సినిమాని నవతరంగం లొ పరిచయం చేసినందుకు ధన్యవాదాలు.
మీ వ్యాసం నాకు సినిమా చూస్తున్నప్పుడు వాయిస్ ఓవర్ లా కొద్ది మేరకు ఉపయోగపడింది..
nagireddy says:
Samuthirakhani gurinchi meeru ela mechukuntunnaru, Mahesh! ee madhya ayana teesina oka telugu cinima chupisthe maa abbayi (sixth class)dadusukuni rendu rojulu nidra tindi mani kalavarinchadam modalu pettadu.
K మహేశ్ కుమార్ says:
@నాగిరెడ్డి: సముద్రఖని తెలుగులో దర్శకత్వం వహించిన చిత్రం ‘శంభో శివ శంభో’.ఈ చిత్రంలో చాలా graphic violence ఉంది. అందుకే సెన్సార్ ఇచ్చిన సర్టిఫికేట్ “A” అంటే పద్దెనిమిది సంవత్సరాల వయసు దాటినవాళ్ళ కోసం మాత్రమే ఈ సినిమా.
మరి మీరు ఆరోతరగతి అంటే పదకొండేళ్ళ కొడుకుని ఎలా తీసుకెళ్ళారు? ఆ పిల్లాడు సినిమా చూసి ఝడుసుకుంటే అది దర్శకుడి బాధ్యతా! లేక మీ బాధ్యతా రాహిత్యమా?
keshavcharan says:
good answer !
mana desamlo kacchitamga ee checking ledu…kaneesam theatre vaallakaina buddhi undaali…
idi ganuka maarakapothe raaboye taram nashtapovadam kacchitam !
keshavcharan says:
baga chepparu… ee certificate ni pattinchukune nathade ledu kaneesam theatre vaallu kooda checking pettatledu !
ila cheste raboye taram nasanam aypoyina ascharyam ledu !
nagireddy says:
maheshji! IMAX lo Avathar chooddamani velli veelukaka hadavudiga andulo dooram(adi A certificate cinema ani meeru chebithene telsindi)(Idi naa badyatha rahityam gurinchi meeku explanation kadu). Aina antha artham leni aa cinimani meerela mechukuntunnaranedi naa point.
K మహేశ్ కుమార్ says:
@నాగిరెడ్డి: నేను ఆ సినిమాని తెలుగులో చూడలేదు. తమిళంలో చూశాను. మీకు అర్థరహితంగా అనిపించింది, నాకు కొత్త కోణంగా అనిపించింది.సాంకేతిక పరంగా దర్శకత్వంపరంగా నాకు ఆ సినిమా నచ్చింది. ఎందుకు నచ్చిందో “నాడోడిగళ్” సమీక్షలో రాశాను. ఆ లంకె ఇస్తున్నాను చూడండి.
http://navatarangam.com/2009/07/naadodigal_review/
CineHerald says:
Good Articale .plz check my site for Telugu Cinema News, Photos & Reviews
Venkat Gopu says:
@ మహేశ్ కుమార్…. నేను ఇంతకు ముందు పైన చేసిన వ్యాఖ్యలకు కట్టుబడి ఉన్నాను…
ఆ విషయం వదిలేస్తే….
ఈ సినిమాని చూడాలని అనిపించి రాత్రి 11:30 కి డౌన్ లోడ్ చేసిచూసాను… సినిమా పూర్తయ్యేటప్పటికి 2 AM అయింది…
చూసాక ఒక్కటే అనిపించింది… “అత్యద్బుతం”…
ఈ దశాబ్దంలోనే ఒక గొప్ప సినిమా అనొచ్చు… నేను ఇంతకు ముందు తమిళంలో ఈ తరహా సినిమాలు ప్రేమిస్తే, అంజాతే, సుబ్రమన్యపురం, పసంగన్ చూశాను… ఈ సినిమాలన్నీ నాకు బాగా నచ్చిన సినిమాలు… వాటన్నింటిని చూసినప్పుడు ఎలాంటి భావోద్వేగానికి లోనయ్యానో ఈ సినిమా చూసినపుడు అంతకంటే ఎక్కువ అయ్యాను…
డైరెక్టర్ “వసంత బాలన్” కి పాదాభివందనం చేస్తున్నాను… సినిమాలో నాకు దైవత్వం కనిపించింది..
సాటి మనిషిని మనిషి గా చూడలేని సమాజంలో ఉన్నామా అనిపించింది…
షాపుల్లో పని చేసే వాళ్ళని హింసించడం ఈ సినిమాలో తక్కువగా చూపించారు అని చెప్పాలి, అంతకంటే భయంకరంగా హింసించే వాళ్ళున్నారు..
రాను, రాను ఈ ఉరుకుల, పరుగుల జీవితాల్లో ప్రతి మనిషి sensitiveness చచ్చిపోయి రాయి లా తయారవుతున్నారు….
అలాంటి వాళ్ళు ఒక్కసారి ఈ సినిమా చూస్తే కొంతలో కొంత మారొచ్చు.
మనం మనుషులమని గుర్తు చేసుకోవడానికి అప్పుడప్పుడు ఇలాంటి సినిమాలు చూడాలేమో!!
నేను మళ్ళీ చెపుతున్నాను….”అతి గొప్ప సినిమాల్లో ఈ సినిమా ఒకటి.”
(ఒక్క విషయం: నేను ఈ సినిమా ని చూడమని ఎవ్వరిని recommend చేయట్లేదు, రివ్యూ చదివి మీరు నిర్ణయించుకోగలరు… ఇక్కడ ఇచ్చినది నా personal opinion)
అలాగే ఇంకొక మంచి సినిమా “అంజాతే”… ఈ సినిమాని మన వాళ్ళకు పరిచయం చేయగలరు….
sowmya says:
ఈ సినిమా పేరు “అంగాడి” తెరు. అంగాడి అంటే దుకాణం అని అర్థం, తెరు అంటే వీధి అని అర్థం.