Menu

పైరసీ ని పైరసీ చెయ్యొద్దు

నవతరంగం, న్యూస్ టుడే (మార్చి 18,2010): హఠాత్తుగా  యలమంచి రవిచంద్ అనే (అనామక) నిర్మాత పైరసీకి వ్యతిరేకంగా నిరాహార దీక్ష మొదలెడితే పరిశ్రమ పెద్దలందరూ ఘాఠ్ఠిమద్ధత్తునిచ్చి ప్రభుత్వంపై ఒత్తిడి తెచ్చారు. ప్రభుత్వం 45 రోజల్లో తమిళనాడు తరహా టాస్క్ ఫోర్స్ ఒకటి ఏర్పాటు చేస్తామని హామీ ఇచ్చింది. యలమంచిలి నిరాహారదీక్ష విరమించాడు. “చిన్న నిర్మాత చిత్రసీమకుపట్టిన ఝాఢ్యాన్ని వదిలించాడు.” అని పరిశ్రమ పెద్దలు పొగిడారు.

పైరసీ. మన తెలుగు సినిమా ఇండస్త్రీ లోనే కాక యావత్ ప్రపంచం మొత్తం దీని గురించి నెత్తీ నోరు కొట్టుకుంటున్నారు.ఎన్నో కోట్ల రూపాయలు ఖర్చుపెట్టి తీసిన సినిమాని ఇలా సింపుల్ గా ఇంట్లో కూర్చుని 20 రూపాయలకే చూస్తున్నారు అని ప్రొడ్యూసర్ల, హీరోల వాదన.నిజమే ఈ పైరసీ మహా వృక్షం ఒక్క సారి పాకితే అంతమవడం కష్టం ఎందుకంటే ఇంటెర్నెట్ పుణ్యమా అని ప్రపంచంలో అందరూ చాలా ఈజీ గా ఫ్రీ గా సినిమా విడుదలైన వారం రోజులకే చూసేస్తున్నారు. ఇక చిన్న సినిమాలైతే రెండో రోజు,మూడో రోజుకే నెట్ లో దొరుకుతున్నాయి.

ఏంట్రా వీడు అసలు విషయం మాట్లాడకుండా మనకు తెలిసిన విషయాలే చెప్తున్నాడు అని తిట్టుకోకండి.సినిమాకైనా,వ్యాసానికైనా ఒక చిన్న ఇంట్రడక్షన్ అవసరమని చిన్నప్పుడు ఎస్సే రైటింగ్ క్లాస్ లొ టీచర్ చెప్పింది.ఇంక చుక్కకి ఒస్తే… మన శ్యాం ప్రసాద్ రెడ్డి గారు చాలా ప్యాషన్ తో ఎంతో ఇష్టపడి సినిమాలు నిర్మిస్తారని అందరికీ తెలిసిందే.మరి అలా కని,పెంచి,పోషించిన తన సినిమా ని ఎవడో ఒకడు పైరసీ చెస్తే ఎలా సహించ గలడు అలానే హేరోల్లో కుడా చాలా మంది పైరసీ మీద యుద్ధం చేయమన్నారు.

అసలు పైరసీ మీద యుద్ధం చేసే ముందు సూటిగా కొన్ని ప్రశ్నలు వేస్తాను. పైరసీ అంటే కాపీ కొట్టడమా కాదా? ఒక వేళ దాన్ని కాపీ కొడితే ఆ కాపీని ధ్వంసం చేసే హక్కు దాని ఓనర్ కి ఉందా? ఈ పైన ప్రశ్నలకి అందరూ అవుననే అంటారు. అసలు విషయానికి వస్తే, మన శ్యాం ప్రసాద్ రెడ్డి గారు నిర్మించిన అద్భుత కళాఖండం “అరుంధతి”.మన టాలీవుడ్ చరిత్రలో నిలిచే ఒక మైలు రాయి.పెద్ద హేరోలకు ధీటుగా నిలిచిన సినిమా.ప్రేక్షకులు బ్రహ్మ రథం పట్టిన గొప్ప సినిమా.కాని పాపం మన డైరెక్టర్ కోడి రామక్రిష్ణ గారు,శ్యాం ప్రసాద్ రెడ్డి గారు “ది హౌస్ ఆఫ్ ఫ్లైయింగ్ డాగర్స్” అనె చైనీస్ సినిమా చూసారో లేదో తెలియదు.ఎందుకంటే అరుంధతి సినిమా లో పెట్టిన డ్రం డాన్స్ కేక,రచ్చ,అరుపులు అని పబ్లిసిటి ఇచ్చుకుంటున్న వీరు ఆజ్ ఇట్ ఈజ్ గా ఆ డ్రం డాన్స్ ని మక్కీ కి మక్కీ అరుంధతి లో దింపేసారు.నేను ఏదో ఇన్స్పిరేషన్ అనే అనుకున్నాను కానీ మరీ ఇంతలా కాపీ కొట్టేస్తారని అనుకోలేదు.ఏమన్నా అంటే వీళ్ళందరికీ తెలిసిన ఎకైక మంత్రం.మేము ఆ సీన్ ఇన్స్పైర్ అయ్యి తీసాము అని.ఇన్స్పిరేషన్ కి కాపీ కి చాలా తేడా ఉందని వీళ్ళు గమనించడానికి మనకు ఒక 100 ఏళ్ళు అయినా సరిపోదేమో. ఇలానే నేను ఇంతకు ముందు కూడా మోసపోయాను.

“సూపర్” అని నాగార్జున గారు నాకు ఆ గొప్ప అవకాశం కల్పించారు.కానీ ఈ సినిమా లో నేను డైరెక్టర్ని అనాలో లేక అంతగా పబ్లిసిటి ఇచ్చుకున్న హేరో ని అనాలో అర్ధం కాక మీకే ఒదిలేస్తున్నాను.ఆంగ్ల చిత్రం “ఇటాలియన్ జాబ్” చాలా మందే చూసుంటారు దాంట్లో ఇంట్రొడక్షన్ సీన్ ని మార్చి సూపర్ క్లైమాక్స్ లో వాడుకున్నారు.ఇంక ఆ చిత్రం లో ధూం ఛాయలు అస్సలు లేవని ఇది కొత్త రకమైన చిత్రమని తెగ హైప్ ఇచ్చే సరికి చూసి తరించక తప్పలేదు.

ఇది చిత్ర సీమలో ఒక కోణం మాత్రమే. రెండో రకమైన మహమ్మారి ఉంది అది ఆడియో పైరసీ.ఎవడి దగ్గరో దొంగ తనంగా ఎత్తుకొచ్చిన ట్యూన్స్ ని వీళ్ళ సినిమాల్లో పెట్టుకుని పైగా మళ్ళీ దాన్ని పైరసీ చేయొద్దంటూ పబ్లిసిటి.ఇండియా లో ఉన్న వాళ్ళ పరిస్థితి తెలియదు కానీ అమెరికాలో,యూరోప్లో ఉన్న తెలుగు కుర్రాళ్ళని అడగండి చెప్తారు ఆ బాధని.మేము భారత చలన చిత్రాల గురించి ఎంతో గొప్పలు చెప్పుకుంటాం ఇక్కడ కాని అంతలోనే ఎదవలు గా మిగిలిపోతున్నాం.ఇక్కడ ఉన్న అమెరికన్స్ కి కొంత కాలం క్రితం ఛత్రపతి థీం మ్యూసిక్ గురించి చాలా గొప్పగా చెప్పాము.అది స్వయాన మేమే అతనికి గర్వంగా వినిపించాము.అతను కొంత సేపు సైలెంట్ గా ఉండి వెంటనే యూట్యూబ్ లో దాని అసలు పాట వినిపించే సరికి మా తలకాయ తీసి ఎక్కడ పెట్టుకోవాలో అర్థం కాలేదు. అలాగే మంత్ర సినిమాలో పాట వాళ్ళ ముందు వినాలంటేనే మాకు భయం.ఇలా కీరవాణి,మణిశర్మ,చక్రి,హర్రిస్ జయరాజ్ ఒక్కరేమిటి అందరూ దొంగలే.వీళ్ళ పాటలు అమెరికా లో ఎదో ఒక పబ్ లో వినబడతూనే ఉంటాయి.వీళ్ళలో మణిశర్మ స్టైల్ కొంచెం డిఫరెంట్ అంతా కాపీ కొట్టి చివర్లో కొంచెం మారుస్తాడు.వీళ్ళందరినీ నేను చేతగాని వాళ్ళ లాగా వర్ణించట్లేదు.కనీసం కాపీ కొట్టినా ఇన్లే కార్ద్ మీద కానీ సినిమాలో కానీ కనీసం ఒరిజినల్ వాటికి క్రెడిట్స్ ఇవ్వండి.అలా ఇస్తే వీళ్ళకు భయం ఎందుకంటె అసలు రైట్స్ తీసుకోవాలి మళ్ళీ మన జనాల్లో లొకువ అవుతారు కదా.

మన వాళ్ళు కాపీ కొట్టడం లో ఇంగ్లిష్ మాత్రమే కాకుందా ప్రపంచం లోని అన్ని భాషలు అనువదిస్తున్నారు… క్షమించాలి పైరసీ చేస్తున్నారు.ఇలా చెప్పుకుంటూ పొతే ఎన్నో ఉన్నాయి.ఇది అందరికీ వర్తించినా ప్రత్యేకించి శ్యాం ప్రసాద్ రెడ్డి గారికి రాస్తున్న విషయం.మీరు తీసే సినిమాల్లో పైరసీ సీన్ లు పెట్టుకునే మీకు పైరసీ చెయొద్దనే హక్కు లేదు.ఇది మీ ఒక్కరికే కాకుండా అందరికీ చెప్పే విషయం. ఇలాంటి డైరెక్టర్స్ వల్ల పెద్ద హీరో ల ఫ్యాన్స్ అవమాన భారంతో తలెత్తుకోలేక పోతున్నారు.

అంజి సినిమాలో క్లైమాక్స్ ఇండియానా జోన్స్ -ఒక చిరు ఫ్యాన్ ఆవేదన!
బాలక్రిష్ణ చిత్రాల్లో ఆంగ్ల చిత్రాల గ్రాఫిక్స్ కాపీ సీన్లు -ఒక బాలక్రిష్ణ ఫ్యాన్ బాధ!
వంశీ చిత్రంలో మిషన్ ఇంపాసిబుల్ 2 -ఒక మహేష్ ఫ్యాన్!…..ఇలా ఎన్నో చిత్రాలని కేవలం ఇన్స్పిరేషన్ అనే పదం తో తెలుగు జనాలని ప్రపంచం ముందు వెధవలుగా నిలబెడుతుంది. ముందు మీరు పైరసీ చేయడం మానండి.మీ చిత్రాలను వీడియో పైరసీ , ఆడియో పైరసీ ల నుంచి ఆపడానికి చట్టాలున్నాయి.కానీ మాకు సినిమాల నుంచి మీరు కొట్టే కాపీని అరికట్టడానికి ఏ చట్టం కావాలో చెప్పండి. ముందు మీరు పైరసీని ఆపండి.తరువాత మాకు చెప్పండి.

–హీరో
ఒక ప్రపంచ సినీ ప్రేమికుడు.

94 Comments
  1. చందు March 4, 2009 /
    • Chetana March 5, 2009 /
    • Sarma March 19, 2010 /
  2. రామ March 4, 2009 /
  3. shree March 5, 2009 /
  4. మేడేపల్లి శేషు March 5, 2009 /
    • rayraj March 6, 2009 /
  5. మేడేపల్లి శేషు March 5, 2009 /
  6. చందు March 5, 2009 /
  7. చందు March 5, 2009 /
    • hero March 6, 2009 /
  8. Madhuravani March 6, 2009 /
    • hero March 6, 2009 /
  9. హర్ష March 6, 2009 /
    • చందు March 6, 2009 /
      • రామ March 13, 2009 /
  10. మేడేపల్లి శేషు March 6, 2009 /
    • rayraj March 6, 2009 /
  11. మేడేపల్లి శేషు March 6, 2009 /
    • shree March 10, 2009 /
  12. మేడేపల్లి శేషు March 6, 2009 /
  13. మేడేపల్లి శేషు March 6, 2009 /
    • Ashok March 25, 2010 /
  14. Shree March 6, 2009 /
    • hero March 7, 2009 /
  15. bhargav March 8, 2009 /
  16. మేడేపల్లి శేషు March 12, 2009 /
  17. శ్రీ లక్ష్మీ కళ March 15, 2009 /
    • Orion March 19, 2010 /
      • R March 19, 2010 /
  18. rathan_iami March 27, 2009 /
  19. SAGAR April 20, 2009 /
  20. Sundeep borra August 24, 2009 /
    • R March 19, 2010 /
  21. వర ప్రసాద్ March 19, 2010 /
      • Jonathan March 19, 2010 /
    • vara March 19, 2010 /
  22. mohanramprasad March 19, 2010 /
  23. SANJEEV March 19, 2010 /
    • Orion March 19, 2010 /
    • Orion March 19, 2010 /
      • SANJEEV March 19, 2010 /
    • వనమాలి March 19, 2010 /
      • R March 19, 2010 /
      • SANJEEV March 19, 2010 /
      • Amar July 11, 2010 /
      • Nagarjuna July 12, 2010 /
      • SANJEEV March 19, 2010 /
    • budha March 19, 2010 /
      • Vasu March 20, 2010 /
    • vara March 19, 2010 /
      • వనమాలి March 20, 2010 /
  24. SANJEEV March 19, 2010 /
  25. SANJEEV March 19, 2010 /
  26. suresh March 19, 2010 /
  27. SANJEEV March 19, 2010 /
  28. Raghava March 19, 2010 /
  29. bollojubaba March 19, 2010 /
  30. చదువరి March 19, 2010 /
  31. Viplove K March 20, 2010 /
  32. V. Chowdary Jampala March 20, 2010 /
  33. karthik March 20, 2010 /
  34. SANJEEV March 21, 2010 /
  35. karthik March 21, 2010 /
    • police August 13, 2010 /
  36. వ్యాస March 29, 2010 /
  37. Home Theaters Online March 31, 2010 /
  38. a2zdreams March 31, 2010 /
  39. NaChaKi June 19, 2010 /
  40. Gas Detector : October 28, 2010 /
  41. Philippine Love Advice November 17, 2010 /