Menu

విజయవంతంగా ముగిసిన న.త+క.ఫి.సో ఫిల్మ్ మేకింగ్ వర్క్ షాప్

ఈ నెల 19,20,21 వ తేదీలలో కరీంనగర్ లోని ఫిలిం సొసైటీ లో నిర్వహించిన మూడు రోజుల ఫిల్మ్ మేకింగ్ వర్క్ షాప్ విజయవంతంగా ముగిసింది. నవతరంగం ఆధ్వర్యంలో జరిగిన ఈ వర్క్ షాప్ లో ప్రముఖ సినిమాటోగ్రాఫర్ ఎం వి రఘు గారు, ప్రముఖ నటులు కాకరాల, డాక్యుమెంటరీ ఫిల్మ్ మేకర్ ప్రవీణ్ తో బాటు నేను కూడా పాల్గొన్నాను.

మొదటి రెండు రోజులు దాదాపు పది గంటల పాటు చలనచిత్ర నిర్మాణం లోని వివిధ అంశాల  గురించి సభ్యులకు వివరైంచడం జరిగింది. మొదటి రోజు సినిమా నిర్మాణం లోని వివిధ విషయాల గురించి చర్చిస్తూ, చలన చిత్ర చరిత్ర తో పాటు డిజిటల్ టెక్నాలజీతో చలనచిత్ర భవిష్యత్తు ఎలా ఉంటుందో లాంటి అంశాల గురించి పరిచయం చేసాక, స్క్రిప్ట్-స్క్రీన్ ప్లే లాంటి అంశాల గురించి సభ్యులకు వివరించడం జరిగింది.

రెండో రోజు చలనచిత్ర నిర్మాణంలోని వివిధ అంశాల (development, pre-production, production, post-production, distribution) గురించి వివరించడం జరిగింది.

మూడవ రోజు ఎం.వి.రఘు గారు సినిమాటోగ్రఫీ గురించి, కాకరాల గారు నటన గురించీ, ప్రవీణ్ డాక్యుమెంటరీ సినిమా నిర్మాణం గురించీ వివరించారు.

హైదరాబాదులాంటి మహానగరంలోనే ఫిల్మ్ మేకింగ్ వర్క్ షాప్ నిర్వహణ, ఫిల్మ్ ఫెస్టివల్స్, ఫిల్మ్ క్లబ్ లాంటివి కనుమరుగైపోతున్న ఈ రోజుల్లో కరీంనగర్ లాంటి చిన్న పట్టణంలో గత నాలుగు సంవత్సరాలుగా నేషనల్ షార్ట్ అండ్ డాక్యుమెంటరీ ఫిల్మ్  ఫెస్టివల్ నిర్వహిస్తూ ఈ సంవత్సరం మెదటిసారిగా  ఫిల్మ్ మేకింగ్ వర్క్ షాప్ కూడా నిర్వహించడం స్ఫూర్తిదాయకమైన విషయం.

చలనచిత్ర పరిశ్రమలో ఇంకా ఏ మాత్రం అనుభవం లేకపోయినా నన్నీ వర్క్ షాప్ నిర్వహించమని ఆనంద్ గారు అడిగినప్పుడు వారి ఉత్సాహాన్ని చూసి కాదనలేకపోయినా అక్కడకు చేరే వరకూ కూడా మనసులో చాలా టెన్షన్ పడ్డా కూడా అక్కడకు వెళ్ళాక నాకు ఎంతో ఉత్సాహం కలిగింది. యువతీయువకులు ఎంతో ఆసక్తి గా పాల్గొన్న ఈ వర్క్ షాప్ లో నేను నాలుగు sessions లో పది గంటల పటు ఏకధాటిగా వివిధ విషయాల గురించి మాట్లడే అవకాశం కల్పించినందుకు కరీంనగర్ ఫిలిం సొసైటీ వారికి నా హృదయపూర్వక ధన్యవాదాలు.

రాబోయే కాలంలో నవతరంగం అధ్వర్యంలో ఇలాంటివే మరిన్ని కార్యక్రమాలు తలపెట్టేలా ఈ వర్క్ షాప్ కొత్త ఉత్సాహాన్ని అందచేసింది. నవతరంగం ద్వారా కేవలం రాతలు మాత్రమే కాదు చేతలు కూడా ఉండాలని ఎప్పటినుంచో అనుకుంటున్నప్పటికీ క.ఫి.సో ద్వారా నాకు తెలిసిన విషయాలను మరి కొంత మందికి తెలియచేసే అవకాశం కల్పించి నవతరంగాన్ని మరొకడుగు ముందుకు వేయించిన ఆనంద గారికి, క.ఫి.సో వారికి మరో సారి ధన్యవాదాలు.

4 Comments
  1. మేడేపల్లి శేషు March 25, 2010 / Reply
  2. KRISHNA( KARIMNAGAR) August 30, 2010 / Reply
  3. srinivas November 5, 2010 / Reply

Leave a Reply

Your email address will not be published. Required fields are marked *