మనిషి జీవితం ఎంతో ఉన్నతమయినది. పది మందికీ ఉపయోగపడేది, పడాల్సినది.
కానీ మనం కాలక్రమంలో అప్పుడప్పుడూ మన జీవితం మీద ఆసక్తి కోల్పోతుంటాము. మన జీవితం యొక్క పరమార్థం గ్రహించకుండా ఉంటాము.
అసలు మీరు లేని ప్రపంచాన్ని ఒక్కసారి ఊహించుకోండి. దాని వల్ల మీ చుట్టుపక్కల వారికి ఏదయినా మార్పు ఉందా ? లేకపోయినట్లయితే మీ జీవితానికి అర్థం లేదేమో ?
ఇలాంటి ప్రశ్నలు, వాటికి సమాధానాలుగా ఒక మంచి సినిమా “It’s a wonderful life” .
ఇందులో స్థూలంగా కథ ఏమిటంటే కథానాయకుడికి చిన్నప్పటి నుంచీ ఎన్నో కలలుంటాయి వివిధ ప్రదేశాలకు వెళ్ళాలనీ, చదువుకోవాలనీ, ఏదయినా సాధించాలి అనీ.
కానీ ఎప్పుడు ఆ ప్రయాణం మీద బయలుదేరినా అతనికి ఏదో ఒక ఆటంకం వచ్చి ఆగిపోవాల్సి వస్తుంది.
పేదలకూ, చిన్న ఉద్యోగస్తులకూ ఇళ్ళు కట్టుకోవడానికి రుణాలిచ్చే ఒక సంస్థ ఆ కథానాయకుడి వారసత్వం. అతడి తండ్రి చనిపోవడంతో అతను ఆ వ్యాపారాన్ని తన చేతుల్లోకి తీసుకోవాల్సొస్తుంది. ఎందుకంటే తను కనక ఆ సంస్థని చేపట్టకపోతే అది ఒక జనాల్ని పీల్చి పిప్పి చేసే ఒక బడా వ్యాపారి చేతుల్లోకి వెళ్ళిపోతుంది.
అక్కడ నుంచి సందిగ్ధం మొదలు. తను తన ప్రయోజనాల కోసం వెళ్ళిపోతే సంస్థ మీద బ్రతుకుతున్న అంత మందికి ద్రోహం చేసినవాడవుతాడు. సంస్థ ని చేపడితే తను ఆశించినవన్నీ సాధ్యం కావు.
అలాంటప్పుడు కథానాయకుడు ప్రజల కోసమే మొగ్గు చూపుతాడు. సంస్థ ని విజయవంతంగా నడిపించి మంచి పేరు తెచ్చుకుంటాడు. తనకి నచ్చిన పిల్లను పెళ్ళి కూడా చేసుకుంటాడు. కానీ అనుకోకుండా కొంత డబ్బు కనిపించకపోవడంతో అతను కష్టాలలో పడతాడు. డబ్బుని తీసుకు రాలేకపోతే సాంస్థ కాస్తా చేజారిపోతుంది. కానీ డబ్బు ఎక్కడా దొరకదు.
ఇక ఆ బాధలను తట్టుకోలేక ఆత్మహత్య చేసుకుందామని నీటిలో దూకబోతుంటే ఆకాశాన్నించి వచ్చిన ఒక గార్డియన్ ఏంజిల్ అతడిని కాపాడి అసలు అతను లేని లోకం ఎలా ఉంటుందో చూపిస్తాడు. జనాలందరూ ఎలా ఆ బడా వ్యాపారస్థుని బారిన పడి మగ్గుతున్నారో, ఎంత మంది అతని సహాయం లేక జీవితంలో ఎంతో కోల్పోయారో అతను కళ్ళారా చూస్తాడు.
అప్పటికి కానీ అతనికి తన జీవితం ఎంత విలువయిందో అర్థం కాదు. అంత మంది జీవితాన్నే మార్చగలిగిన అతని శక్తి అతనికి తెలుస్తుంది. మళ్ళీ నూతనోత్సాహంతో తన జీవితాన్ని తనకివ్వమని అడిగి ఉత్సాహంతో ముందుకు సాగుతాడు.
అతనికి గార్డియన్ ఏంజిల్ సహాయం దొరికింది కానీ మనకు దొరకకపోవచ్చు. మనల్ని మనమే ప్రశ్నించుకోవాలి. అసలు నా జీవితం ఎందుకు ? ఎవరికి ఉపయోగం ?
నేను ఏదయినా సాధించగలుగుతున్నానా ? అని.
ఎన్నో సార్లు మనం మన జీవితంలో మనకు దొరకని వాటి గురించి బాధపడతాము కానీ దొరికిన వాటి ప్రాముఖ్యత గుర్తించలేము.
ఉదా: మనకు దొరికిన ఉద్యోగం మనకి కావలసినది కాకపోవచ్చు కానీ దాని వల్ల ఉన్న ఉద్యోగంలో సరిగా పని చెయ్యగలిగీ చెయ్యకపోతే ?? అది స్వయంకృతాపరాధం.
అలాగే మన జీవితాన్ని తీర్చిదిద్దుకోగలిగే శక్తి మనలో ఉంది. మన జీవితానికి మనమే బాధ్యులం అని ఈ సినిమా చెబుతుందనడంలో ఎలాంటి సందేహం లేదు.
తప్పకుండా చూడవలసిన సినిమా ఇది. మీరెప్పుడు జీవితంలో నిరాశకు గురయినా ఒక సారి ఈ సినిమా చూస్తే వెంటనే చిరునవ్వు చిందించగలరు.
* నలభై యాభైలలో వచ్చిన సినిమాలలో నాకు నచ్చేది నటీ నటుల ప్రతిభ. అప్పుడప్పుడూ అనిపిస్తుంది ఆ సమయంలో ఎఫెక్ట్లూ గట్రా లేకపోవడంతో కేవలం నటన, కథ, దర్శకత్వం, కెమేరా పనితనం మీద ఆధారపడి మంచి సినిమాలొచ్చేవేమో.
–ప్రవీణ్ గార్లపాటి
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
Sowmya says:
మంచి సినిమాని పరిచయం చేసారు. ధన్యవాదాలు.
వెంకట్ says:
This is one of my favorite films.Thanks for your contribution. We want more such reviews from you, especially about the hollywood classics of 40s and 50s
ప్రసాద్ సామంతపూడి says:
ప్రవీణ్ గారు,
మీరు కధ చెప్పిన తీరు బావుంది. మరిన్ని మంచి సినిమాల గురించి రాయండి.
ప్రవీణ్ గార్లపాటి says:
@sowmya:
థాంక్స్… నవతరంగం ఇలాంటి ఇంకెన్నో మంచి సినిమాలకి వేదికవుతుందని నా నమ్మకం.
@వెంకట్ గారు:
తప్పకుండా నేను చూసిన వాటిలో మంచి వాటి గురించి పంచుకుంటాను.
@ప్రసాద్ సామంతపూడి గారు:
మీ ప్రోత్సాహానికి కృతజ్ఞతలు.
రానారె says:
ఈ సినిమాపై ప్రవీణ్ చేసిన సరళమైన నిరాడంబరమైన వ్యాఖ్యానం చాలా బాగుంది.
Jonathan says:
hi Praveen,
Here is a short film which i directed, i would like to read your review on this film,please click here to watch film http://www.jonathanswork.com/filmmaking.html
thanks,
jonathanved@gmail.com
Theja says:
Story bagundhi….
Sowmya says:
ఈ సినిమా చూసి పదిహేను రోజులు దాటింది… నేనింకా రోజులో ఒకట్రెండుసార్లన్నా దాన్ని తలుచుకుంటూనే ఉన్నాను…. ఇప్పటికి వీలైఅనంత మందికి ఈ సినిమా గురించి చెబుతూనే ఉన్నాను…. Its a wonderful movie. హీరో నటన అద్భుతం. మంచి కథాంశం…. మంచి టేకింగ్…బోరు కొట్టించకుండా తీయడం మాటలేం కాదు కదా….
kummy says:
Really ..really… i could feel the sense of this movie… just now watched it… thanks for suggesting this picture…
it’s a wonderfull life sirji..
kummy says:
please suggest some more movies like this… humble request to praveen gaarlapaati…
V. Chowdary Jampala says:
It’s A Wonderful Life సినిమాని 1983లో అనుకొంటా పబ్లిక్ టెలివిజన్లో మొదటసారి చూశాను. Frank Kapra సృజనాత్మకత, Jimmy Stewart నటన, ఫొటోగ్రఫీ, ఉత్తేజపూరితమైన క్లైమాక్స్ సన్నివేశం, కథలో ఉన్న సార్వజనీనత బాగా ఆకట్టుకొన్నాయి.
ఈ సినిమా కాపీరైటు 1970లలో మురిగిపోతే, దాన్ని స్టూడియో వాళ్ళు రెన్యూ చేసుకోవటం మర్చిపోయారు. 1980వ దశకం చివరిరోజుల్లో క్రిస్ట్మస్ హాలీడేస్లో ఈ సినిమా కొన్ని వందలసార్లు వివిధ అమెరికన్ టెలివిజన్ స్టేషన్లలో చూపించేవారు. ఒకే టైంలో ఛానెళ్ళు మారుస్తుంటే నాలుగైదు స్టేషన్లలో ఈ చిత్రం రావటం మామూలైపోయింది. 1990లలో కాపీరైటు చట్టం విషయం చర్చల్లో ఉన్నప్పుడు ఈ సినిమా ఉదాహరణ ఎక్కువగా వినిపిస్తుండేది. ఆ తర్వాత ఈ సినిమాకు మూలమైన కథ కాపీరైటు ఇంకా మురిగిపోలేదన్న విషయాన్ని ఉపయోగించుకొని తమ హక్కుల్ని పునరుద్ధరించుకోవటంతో ఇప్పుడు ఒక్క NBC మాత్రమే ఈ సినిమాని ప్రదర్శిస్తుంది సంవత్సరానికి ఒకటి రెండు సార్లు. ఈ చిత్రాన్ని రంగుల్లోకికూడా మార్చారు కాని బ్లాక్ అండ్ వైట్ చిత్రమే పాపులర్.
ఈ సినిమా విడుదలైనప్పుడు లాభాల బాటలో నడవకపోయినా, అత్యుత్తమ అమెరికన్ చిత్రాల్లో ఒకటిగా ఇప్పుడు లెక్కించబడుతుంది.
తెలుగులో కొన్ని సంవత్సరాల క్రితం బాగా పేరు తెచ్చుకొన్న ఆ నలుగురు చిత్రానికి ఈ చిత్రం ఆధారమని నా ధృఢ నమ్మకం.
Gangavaram Viswanath says:
One of my fav movie.