Menu

పాటల పారడీ

ఎన్నో చిత్రాలు వస్తున్నాయి పోతున్నాయి. కొన్ని రోజులు తర్వాత కధలూ, సినిమా పేర్లు మర్చిపోతున్నాము. కాని మంచి పాటలను మాత్రం నెమరు వేస్తూనే ఉంటాము. కొన్ని పాటలు దశాబ్దాలు గడచినా కమ్మగా పాడుకుని ఆనంద పడతాము. ఆ అనుభూతే వేరుగా ఉంటుంది.

సలలిత రాగ సుధా(నర్తనశాల).. నీలీల పాడెద దేవా (మురిపించే మువ్వలు) వివాహ భోజనంబు (మాయాబజార్) ఇది మల్లెల వేళ యని (సుఖదుఖాలు) కళ్ళలోకళ్ళు పెట్టి చూడు (భలేమాష్టారు)మామిడి కొమ్మ మళ్ళీ మళ్ళీ (రాము) గోదారి గట్టుంది (మూగమనసులు) ఓ బాటసారి ( బాటసారి) నా హృదయం లో నిదురించే చెలీ (ఆరాధన) నిలువవే వాలు కనుల దానా(??), మనసున మనసై (??)- ఇవి మచ్చుకి కొన్నిమాత్రమే. ప్రతి పాత సినిమాలో ను మంచి సంగీతం అందించాలనే తాపత్రయం ప్రతి ఒక్కరిలోను కనుపించేది. ముందుగా పాట రాసుకుని దానికి తగ్గ సంగీతం అందించేవారు. ప్రతి ఒక్క చరణం లోను ఒక భావుకత ఉట్టి పడాలని ప్రతి పాటల రచయిత ఉత్సుకత చూపించేవారు. సీను కు తగ్గ భావం భాష్యం సంగీతం తో పాటలు రక్తి కట్టేవి. ఒకవేళ పాట కమెడియన్ల మీద చిత్రీకరించినా దానికి తగ్గ సాహిత్యం సంగీతం ఉండేవి. అయెయొ చేతిలో డబ్బులు పోయెనే, డివ్వీ డివ్వీ డివ్వట్టం – ఈ కోవ లోకి వస్తాయి. ఇక అల్లరి పాటలు కావాలంటే మాఊళ్ళో ఒక పడుచుంది (అవేకళ్ళు) విన్నారా విన్నారా ఈ వింతను ..(సంబరాల రాంబాబు).. ఇలా ఎన్ని పాత సినిమాల గురించి అయినా మాట్లాడుకోవచ్చు. ప్రతి సినిమాలోనూ ఎన్నో మధుర గీతాలుండేవి. వాన పాటలకు వస్తే కురిసింది వాన.. నా గుండెలోన ..నీ చూపులే ఝల్లుగా, నిద్ర గురించి ఆలోచిస్తే నీలాలకన్నుల్లో మెలమెల్లగా నిదుర రావమ్మ.. ఇలా ప్రతి భావనకు కొన్ని మధుర గీతాలు నెమరు వేసుకోవచ్చు. వేణు, సత్యం, రమేష్ నాయుడు, సాలూరి రాజేశ్వరరావు, మహదేవన్, ఇళయరాజా ఇంకా ఎందరో మహానుభావులు.. అందరికి వందనాలు.

మరి ఇప్పుడేమయ్యింది. ఫాస్ట్ బీట్ పేరుతో రణగొణ ధ్వనులతో అర్ధంగాని సాహిత్యం తోనూ నేటి సంగీత దర్శకులు మతి పోగొట్టుతున్నారు. ఆ మధ్య వచ్చిన బాయ్స్ సినిమా లో పాటల సాహిత్యం వింటే తెలుగు తల్లీ నీ కెంత దుర్గతీ అని ఎలుగెత్తి ఏడవాలనిపిస్తుంది హీరో హీరోయిన్ల పాట .. వాన నీటి బురద లో వానపాము లము..కుళ్ళిన మామిడి కాయ ల లో జత పురుగులము అని.. ఒక్క సారి పాత పాట గుర్తుకు చేసుకోండి.. మధురాతి మధురం మనప్రేమ మధురం.. ఆపాట కు ఈ పాటకు నింగికి నేలకు ఉన్నంత దూరం ఉంది. ఈ పాట ప్రేమికుల మధ్య ఉన్న ఒక మధురానుబంధం ఎత్తిచూపుతోంది. మరి పైపాట ఆలోచించటానికే భయం వేస్తోంది. పైగా ఈ తరం పాటలు వినటానికే గాని సాహిత్యం గుర్తుంచుకొని మళ్ళీ పాడుకోలేని పరిస్థితి.

అలా అని ఈ మధ్యకాలంలో మంచిపాటలు రావట్లేదని అనట్లేదు. కాని నూటికి ఓ పది పాటలు కూడా మంచివి నెమరువేసుకోలేకున్నాము. కొన్నిపాటలు సాహిత్య సంగీత పరంగా బాగున్నా పర రాష్ట్రీయుల ఉచ్ఛారణ తో ఒక మంచి అనుభూతిని ఇవ్వలేకున్నాయి.

అస్సలు పాటలు ఎందుకు బాగా ఉండట్లేదో అని కాస్త ఆలోచిద్దామా. ఒకటి నాసిరకం సంగీత దర్శకులు. ఏవో కొన్ని రెడీమేడ్ ట్యూన్ల తో రంగంలోకి ప్రవేశిస్తునారు. మళ్ళీ మళ్ళీ అవకాశం వస్తే చతికిల పడుతున్నారు. సెటిల్ అయిన సంగీత దర్శకులయితే డబ్బు కొద్ది రొట్టె సామెత గా కోట్లు గుమ్మరిస్తే లేక పోతే పెద్ద హీరోల సినిమాకైతే నే హిట్ పాటలు అందిస్తున్నారు.

ట్యూన్ రెడి అయిన తర్వాత పాట రాస్తున్నారు. అది చాలా సులభం అని చాలా మంది పాటల రచయితలు సంగీత దర్శకులు సెలవిస్తునారు. ఎవరికి .. అది వాళ్ళకి మాత్రమే కాని వినే మనకి కాదు. అంటే తయారయిన పాటకి తగిన సంగీతం అందించ గలిగిన సంగీత దర్శ కులు మనకు లేరా.

అలానే రణగొణ ధ్వనులకి తగిన మాటలు చొప్పించగలిగిన రచయితలు మాత్రమే మనకు ఉన్నారంటారా. ఇది మాత్రం మనం ఒప్పుకోనక్కర్లేదు. సిరి వెన్నెల, చంద్రబోస్ మరింకా చాలా మంది పాటల రచయిత లు తమ సత్తా ఇప్పటికే ఋజువు చేసుకున్నారు. రణగొణ ధ్వనులకి తమ సహకారం అందిస్తూనే ఉన్నారు. వాటి మధ్యలోనే మంచి సాహిత్యాన్ని చొప్పించి కొన్నయినా మంచి పాటలు వినగలిగేలా చేస్తున్నారు.

కాని సంగీత దర్శకులకి అంత సీన్ ఉన్నట్లు లేదు. ఏఆర్ రహమాన్ పాటలలో కూడా రోజా తర్వాత పాడుకో తగ్గవి చాలా తక్కువే. ఆనంద్ డివిడి లో కె మ్. రాధాక్రిష్ణ మాట్లాడుతు నా దగ్గర్ చాలా ట్యూన్స్ రెడీగా ఉన్నాయండి అని డప్పు కొట్టుకున్నాడే గాని ఏ పాట కైనా సంగీతం అందించగలను అని చెప్పలేకపోయాడు. ఒకోసారి మన సూపర్ హిట్ పాటలకి మాతృక లైన జపనీస్ లేక స్పానిష్ పాటలు వింటూంటే సిగ్గేస్తుంది ఇంతేనా మన వారి ప్రతిభ అని.

మన దర్శక రత్నాలకి కూడా ఈ విషయంలో శ్రద్ధ ఉన్నట్లు లేదు.

కధలకే కాదు పాటల సంగీతానికి కూడా మనకు దౌర్బాగ్యస్థితి ఉన్నట్లే ఉంది.

38 Comments
  1. Rajesh Devabhaktuni February 8, 2010 /
  2. రెడ్డి గంటా February 8, 2010 /
  3. NaChaKi February 8, 2010 /
    • NaChaKi February 8, 2010 /
      • hero February 11, 2010 /
      • NaChaKi February 8, 2010 /
    • సురేష్ కాజ February 8, 2010 /
      • NaChaKi February 9, 2010 /
      • NaChaKi February 9, 2010 /
      • vasu February 9, 2010 /
      • vasu February 9, 2010 /
  4. ఆదుర్తి సుబ్బారావు February 8, 2010 /
  5. NaChaKi February 8, 2010 /
  6. Keshavcharan February 8, 2010 /
    • శ్రీనివాసమౌళి February 15, 2010 /
  7. Keshavcharan February 8, 2010 /
  8. శ్రీనివాసమౌళి February 9, 2010 /
    • వెంకట్ ఉప్పలూరి February 11, 2010 /
  9. శ్రీనివాసమౌళి February 9, 2010 /
    • Keshavcharan February 10, 2010 /
      • శ్రీనివాసమౌళి February 15, 2010 /
  10. విష్ణుభొట్ల లక్ష్మన్న February 10, 2010 /
    • NaChaKi February 10, 2010 /
    • శ్రీనివాసమౌళి February 15, 2010 /
  11. moviebuff February 10, 2010 /
  12. moviebuff February 10, 2010 /
  13. Aditya February 11, 2010 /
  14. Sandeep February 11, 2010 /
  15. బాబ్బాబు February 11, 2010 /
    • వెంకట్ ఉప్పలూరి February 12, 2010 /
      • శ్రీనివాసమౌళి February 15, 2010 /
  16. రమణ మూర్తి March 29, 2011 /
    • శ్రీనివాసమౌళి September 15, 2011 /