హిందీ సినిమా మారిపోయింది. ఎదిగిపోయింది. తనదైన శైలిలో హాలీవుడ్ కి ధీటుగా నిలబడే ప్రయత్నం చేస్తోంది.
ఈ మాటలకు సాక్ష్యం “ఇష్కియా”.
గత సంవత్సరం ‘కమీనే’ లాంటి వైవిధ్యమైన చిత్రాన్ని అందించిన విశాల భరద్వాజ్ నిర్మాతగా అభిషేక్ చౌబే అనే నూతన దర్శకుడు తీసిన చిత్రమిది.
ఖాలూజాన్: తుమ్ నే ఏ క్యూ కియా? ముఝే వజహ్ జాన్నా హై” - నువ్వెందుకిలా చేసావు? నాకు కారణం కావాలి.
కృష్ణ: “ఇష్క్ బేవజా హోతీహై” – ప్రేమకు కారణాలుండవు.
డబ్బులు కొట్టేసి, నేపాల్ బార్డర్ క్రాస్ చేసి పర్మనెంటుగా పారిపోవాలనుకునే ఇద్దరు దొంగలు.ఒకడు సీనియర్ దొంగ (నసీరుద్దీన్ షా) మరొకడు జూనియర్ దొంగ (అర్షద్ వార్సీ).బార్డర్ లో ఉన్న ఒక గ్రామంలో పాత పరిచయస్తుడింట్లో తలదాచుకోవడానికి వస్తారు. అతడే తమని బార్డర్ క్రాస్ చెయ్యించగలడని నమ్ముకొని వస్తారు.వచ్చేసరికీ అతను చనిపోయాడనే వార్త తెలుస్తుంది. ఆ పరిచయస్తుడి అందమైన విధవరాలు (విద్యాబాలన్) ఒక రహస్యాన్ని గుప్పెట్లోపెట్టుకుని ఎదురుగా నిలుస్తుంది.
అంతే…ఆక్కడ్నుంచీ ముగ్గురి జీవితాలూ మారిపోతాయి. అభిమానం, ఆకర్షణ, ప్రేమ, అనుమానం, ఈర్ష,అసూయ, ద్వేషం…ఇంకా…ఇంకా…ఎన్నో ఉద్వేగాలు మన ముందుకొస్తాయి.ప్రమాదాలూ, ప్రమోదాలూ, హాస్యాలూ, అపహాస్యాలూ, వలపువలలూ, ప్రేమ అలలూ, కిడ్నాపులూ డ్రామాలూ అన్నీ మొదలౌతాయి. రోలర్ కోస్టర్ రైడ్ లాగా ప్రేక్షకుడ్ని గిరికీలు కొట్టిస్తాయి.ఇన్ని జరుగుతున్నా ప్రేక్షకుడి ముఖం మీద చిరునవ్వు దాదాపు సినిమా మొత్తం చెరగదు. అందుకే It’s a perfect black comedy అనక తప్పదు.
సాధారణంగానే పాత్రల్లో జీవించే నసీరుద్దీన్ షాకి జీవమున్న ‘ఖాలుజాన్’ పాత్ర దొరికితే చెప్పడానికి ఏముంది? చూసి “ఆహా” అనుకోవాలి. అంతే!
మున్నాభాయ్ సినిమాల్లోని సర్కిట్ పాత్ర ఛాయలనుంచీ అర్షద్ వార్సీ ఎప్పుడు బయటకొస్తాడా అని ఎదురుచూసేవారికి ఈ ‘బబ్బన్’ పాత్ర చూపించాల్సిందే. అర్షద్ వార్సీ నిజంగానే మంచి నటుడు అని చెప్పొచ్చు.
ఇక…‘కృష్ణ’ పాత్రలో విద్యాబాలన్. ఈ మధ్యకాలంలో ఇంత సంక్లిష్టమైన స్త్రీపాత్ర భారతీయ సినిమాలో రాలేదనుకుంటాను. పాత్ర ఎంత క్లిష్టమైనదో విద్యా బాలన్ నటన అంత పరిణితి చెంది ఆకట్టుకుంటుంది.భార్యగా, ప్రేమికురాలిగా, ఒంటరి విధవరాలిగా, వలపువలలు విసిరే వగలాడిగా, తన ఆకర్షణని ఎరగాచూపి మానిప్యులేషన్ చేసే వలపుగత్తెగా, గన్ పాయింట్ పైన బెదరగొట్టగలిగిన జాణగా ఎన్నో ఛాయల్లో సాఫీగా ఒదిగిపోయింది. శృంగార సన్నివేశాల్లో తను చూపిన సహజత్వం, శరీరం చేతకూడా నటింపజేయగలిగిన విద్యాబాలన్ చాతుర్యం అక్కడక్కడా నోరెళ్ళబెట్టి చూసేలా చేస్తుంది. విద్యాబాలన్ భర్తగా నటించి నూతన నటుడు (పేరు తెలీదు) కూడా గుర్తుండిపోతాడు. మిగతాపాత్రలు కూడా సినిమా నుంచీ బయటికొచ్చినా వెంటాడతాయి. కొన్ని పాత్రలు పెదవులపై మళ్ళీమళ్ళీ నవ్వుని తెప్పిస్తాయి.
కథ-మాటలు-స్క్రీన్ ప్లే విషయంలో విశాల్ భరద్వాజ్, సబ్రినా ధవన్ ప్రమేయం ఎంత ఉన్నప్పటికీ దర్శకుడిగా అభిషేక్ చౌబే తన మార్క్ ఈ చిత్రం ద్వారా ఏర్పరుచుకున్నాడని ఖచ్చితంగా చెప్పొచ్చు. ఇష్కియాకి సంగీతం మరో ప్రధామైన ఆకర్షణగా నిలుస్తుంది. సందర్బోచితమైన పాటలు, లోతైన అర్థాలున్న గుల్జార్ సాహిత్యం పాటల్ని మరో స్థాయికి తీసుకెళ్తుంది. “దిల్తో బచ్చా హైజీ” పాటలో రాహత్ ఫతేఅలోఖాన్ గాత్రం, “అబ్ ముఝే కోయీ” “బడీ ధీరేజలీ” పాటల్లో రేఖా భరద్వాజ్ గానం వింటే మరోలోకాలకి వెళ్ళాల్సిందే. సినిమాలో కూడా ఈ పాటల చిత్రీకరణ అదేస్థాయిలో ఉంటుంది.
ఈ సినిమా చూడకపోతే…ఒక అనుభవాన్ని ఖచ్చితంగా కోల్పోయినట్లే. అయితే ఒక్క విషయం…పిల్లల్ని మాత్రం ఇంట్లో వదిలేసి ఈ సినిమాకి వెళ్ళండి. ఎందుకంటే, this is a coming of “age” film in true sense.
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B 
రాజేంద్రకుమార్ దేవరపల్లి says:
ఈ మధ్య కాలంలో ఎక్కువగా బహుశా అవతార్ కన్నా కూడా ఎక్కువగా ఈ సినిమా గురించి చదివాను.కానీ మీ వ్యాసం సమగ్రంగా ఉండి,సినిమాను తప్పకచూడాలనిపించేలా ఉంది.
అబ్రకదబ్ర says:
ఈ మధ్య ప్రతి రెండో హిందీ సినిమా గురించీ ఇదే విధమైన హైప్ వస్తుంది. అప్పుడెప్పుడో ‘Dasvidaniya’ నుండి ఈ మధ్య ’3 Idiots’ దాకా అలాగే విని చూసి మోసపోయాను. ఆయా సినిమాల్లో విభిన్నత ఉన్న మాట వాస్తవమే. ఐతే, విభిన్నంగా ఉన్న ప్రతిదీ గొప్పదేనా అన్నది ప్రశ్న.
ఇప్పుడు మళ్లీ నమ్మేదెలా?
K మహేశ్ కుమార్ says:
@అబ్రకదబ్ర: “గొప్ప” అటే ఏమిటి? ఎవరు “హైప్” చేస్తున్నది?
సమీక్షలు కేవలం informed opinionన్ను మాత్రమే.అవి సినిమా గొప్పతనాన్ని నిర్ణయించవు. ఈ సినిమా గురించి కూడా భిన్నమైన అభిప్రాయాలు ఉండొచ్చు. మీరు చూసి వేరేగా ఫీలవ్వచ్చు. అంతమాత్రానా ఎవరో మిమ్మల్ని “మోసం” చేసినట్లు కాదుకదా!
అబ్రకదబ్ర says:
నేనేదో మాట వరసకి మోసపోయానన్నాను. దానర్ధం నా జేబు మీరో, మరొకరో కొట్టేశారని కాదు
సినిమాల విషయంలో నా టేస్టులు చాలా వేరనుకుంటాలెండి. హిందీలో కొత్తదనం పేరుతో చూపించేదంతా బరి తెగింపేనని నా అభిప్రాయం. ఉదాహరణకి, హీరో ఆంగ్లంలో ష్టైల్గా బూతు కూతలు కూస్తే అది పోష్. సహజత్వం పేరుతో బెడ్ రూముల్లో జరిగేవి చూపిస్తే అది ఆర్టిస్టిక్. ఇలాంటివెన్ని చెబుతాం లెండి. హిందీ సినిమాలు పెద్దగా పొడిచేస్తున్నదేమీ లేదు. కొత్తదనమా? Yes, there certainly is plenty of it. గొప్పదనమా? There’s not as much as being projected.
గుండ్రంగా తిరిగి ఏది గొప్ప అని మళ్లీ అడగొద్దు please. మీకు ఒకటి గొప్పైతే, నాకు మరోటి గొప్ప. ఏతావాతా, ఎవరి గొప్ప వాళ్లకి గొప్ప
రవి says:
అబ్రకదబ్ర గారు, మీకూ నాకూ మధ్య హిందీ సినిమాల విషయంలో ఏదో భావసారూప్యం ఉన్నట్లు కనిపిస్తూ ఉంది. ఈ సారి ఇక్కడ హిందీ సినిమాల గురించి ఏదైనా సమీక్షా అదీ వస్తే, మీ అభిప్రాయం చెప్పండి. నేనూ చెప్పడానికి ట్రై చేస్తా. డీల్ యా నో డీల్?
vasanth says:
Better not watch cinema.U never get decieved.
peepudeepu says:
విభిన్నమైన పాత్రలు బానే ఉన్నా, సినిమా తుస్సుమనిపించింది.
characterization బావుందని లేక dancelu బావున్నాయని … bullshit.
I agree that ‘dil tho bacha hai’ is good,acting is excellent(but just for the sake of acting itself)… the story is a dirty makeup. climax is shit (literally)..
the film as a whole has nothing ( may be you can hum dil tho bacha hai or sexy vidyabalan).
ishqiya is “SHIT”
pappu says:
ఈ మధ్యే టీవీ లో చూసా దీంట్లో పాటలో ఓ చరణంలో గుల్జార్ “తప్పుగా” రాసాడనో “తప్పేదో” రాసాడనో?
ఏది ఏమయినా సినిమా చూస్తే గాని చెప్పలేము బావుంటే డబ్బులు కిట్టుబాటో,లేకపోతే జేబు పోటో.
budugoy says:
first kaminey and then ishqiya..looks like vishal bharadwaj is going Quentin tarantino’s way. if you dont like dark comedies this movie is not for you.
review is decent..one more thing i want to add is filthy language. it was unbearable after sometime. when i complained the same to a friend he was like “if u can hear “oh shit” 100times a day, “hagna sun nahi sakta hai kya?”.. accepted i was not broadminded.
అరిపిరాల says:
“విద్యాబాలన్ భర్తగా నటించి నూతన నటుడు (పేరు తెలీదు)” – “అదిల్ హుస్సేన్”… ఈ నటుడు ఎవరో తెలుసుకోడానికే ఎండ్ క్రెడిట్స్ అయ్యేదాకా నిలబడ్డాను..!!
Extraordinary black comedy executed perfectly..!! Nassir, Arshad and amazing, vidya balan is awesome..!!
ఈ సినిమాలో చూపించిన ప్రాంతంలో నేను తిరిగిన అనుభవంతో చెప్తున్నాను.. వాస్తవానికి ఇంత దగ్గరగా తీయగలగడం దర్శకుడి ప్రతిభే. పకడ్బందీ స్క్రిప్ట్, మంచి డైలాగులు (some rated adult), మంచి పాటలు.. వెరసి చూడాల్సిన చిత్రం.
peepudeepu says:
మేము కూడా యుపి లోనే ఉన్నామండి. cinema motham పైపైన bangarapu pootha maathrame.. kotti chusthe lopalanthaa డొల్ల…
కొత్తదనం ఉంది కాని డొల్లతనాన్ని గుర్తించండి.
this movie just banks on the set locations and actor’s performances(ivi kuda dollane )..
K మహేశ్ కుమార్ says:
@పీపుదీపు: ఈ సినిమాలో మీకు కనిపించిన డొల్లతనం గురించి కొంత వివరిస్తే తెలుసుకోవాలనుంది. చెప్పండి ప్లీజ్.
peepudeepu says:
సినిమా climax లోనే తెలుస్తోందిగా డొల్లతనం. Characters ni interesting gaa thayaaruchesaaru(superficial gaa). story aa characterslo unna kothadanam valla nadusthundi anthe gaani pakka solid base ledhu.
anduvallane story windup cheyyadamlo(climax) kanguthinnadu.
Vishvak says:
Dongalu… Border crossing ante oka old Hollywood movie gurthocchindi…
http://www.imdb.com/title/tt0098625/
Chance unte choodandi…
Yogi says:
good
వనమాలి says:
review is ok…peepudeepu అన్నట్టు base convincing గా లేదు. Krishna అసలు character బయటపడినప్పటినుండి screenplay లొ పట్టు లేదు.
సినిమాకి performances ప్లస్ అయితే, photography డబల్ ప్లస్ అయ్యింది(Review లొ ఈ విషయం మరిచారు).
Abhishek Chaubey direction is good but he should come out of his mentor’s making style.
Kaminey climax లానె Ishqiya climax కూడా తేలిపొతుంది….రెంటినీ Vishaal రాసాడనుకుంటా…..
kalyan says:
ఒక పట్టులేని కధ కి exact way లేని screenplay కి artists performance., photography, good back ground score ఏమి help చెయ్యలేవు…it proved that…..krishna
వినయ్ says:
బాగుంది అద్భుతంగా ఉంది.
Sowmya V.B. says:
ఇప్పుడే చూశాను. కొంచెం అడల్ట్ మూవీనే. కానీ, నాకు బాగా నచ్చింది.
’కమీనే’ కంటే నాకు ఇదే నచ్చింది.
కమల్ says:
ఈ చిత్రానికి సినిమాటోగ్రాఫర్ గా పని చేసింది, ఒక తెలుగు వాడు ” మురళికృష్ణ ” అని పూనే ఫిల్మ్ ఇన్స్టిట్యూట్ నుండి సినిమాటోగ్రఫీ చేసారు, అతని కింద పని చేసిన అసిస్టెంట్స్ కూడ తెలుగువారే.
కమల్ says:
సారీ “మురళీ కృష్ణ” కాదు..అచ్చుతప్పు.. ” మోహన్కృష్ణ “