మొన్నీ మధ్యనే సూర్యగ్రహణం అయ్యినప్పుడు, అందరూ ఆ అబ్బురాన్ని సంబరంలా ఆనందిస్తుంటే, “అయ్యో పాపం, సూర్యునికి గ్రహణం, మనకు వినోదం” అని అనుకుంటూ ఉన్నాను. ఈ రోజు “గ్రహణం” సినిమా చూశాక ఏదో తెలీని ఆనందం నన్ను కమ్మేస్తుంది. I’m in awe of the film.. it’s a beauty!
ఈ మధ్యకాలంలో సవాలక్ష కారణాల వల్ల తెలుగు సినిమాలు చూడ్డం ఎక్కువైపోయింది. సినిమా చూసి బయటకొచ్చే ప్రతీ సారీ ఓ గమ్మత్తైన సన్నివేశాన్ని ఊహించుకుంటుంటాను – రోడ్డుపై నడుస్తూ నా చేతిలో ఉన్న డబ్బు కట్ల నుండి నోట్లు తీసి విసురుకుంటూ నడుస్తున్నట్టు. కాకపోతే నిజానికి టికెట్ డబ్బులకోసం కాదు నా బాధ. అసలు బాధ ఉన్న కాస్తంత తీరికనూ అలా విచ్చలవిడిగా వ్యర్థం చేస్తున్నాననే. థియేటర్లో ఎటూ సమయం దండగ, బయటకొచ్చాక దాన్ని గురించి గొంతు చించుకోవడం మరీ అనవసరమనిపించి, అవతలి వాళ్ళని విమర్శించడానికి, వెక్కిరించడానికి ఒక నవ్వును సంధిస్తున్నాను. ఇవ్వాళ సంగీత్ సాగర్లో ఏవో మ్యూజిక్ సిడీలు యాధాలాపంగా కలెక్షన్ చూస్తుంటే, “గ్రహణం” సినిమా డివిడి కనపడింది. “హట్కే” మూవీగా దీని గురించి వినుండడం వల్లానూ, పైగా అడపాదడపా తెలుగులో వచ్చే ప్రయోగాలని విస్మరించి తెలుగు సినిమా గురించి ఆవేశంగా ఉపన్యాసాలు ఇవ్వడం సబబు కాదనీ, డివిడి తీసుకున్నాను.
అవార్డు సినిమా కదా, నిడివి తక్కువుండి కాస్త త్వరగా అయ్యిపోతుందన్న నమ్మకంతో మొదలెట్టాను, పూర్తిగా చూస్తానన్న నమ్మకం లేకుండానే. ఆద్యంతం ఒక “awe”తో చూశాను. డివిడి కవర్ పైనున్న కథ సారాంశమే మొదటి సగం అంతా నిండి ఉన్నా, ఎక్కడా ఆపాలనిపించలేదు. కథనం ప్రస్తుతానికి, గతానికి మధ్య ముందుకీ, వెనక్కీ పోతూ ఆసక్తికరంగా సాగింది. “ఇంతకీ ఏం జరిగిందీ?” అన్న ఉత్సుకత చివర దాకా వీడలేదు. సినిమా అయ్యిపోయాక, “ఎందుకిలా జరిగింది?” అన్న ప్రశ్న, అలా జరగటానికి కారణాలు ఏంటి? ఎవర్ని నిందించాలి? ఎవర్ని సమర్థించాలి? జరిగిన అన్యాయానికి, వృధా అయిపోయిన జీవితానికి, అగాధాల్లోకి పడిపోయిన బంధాలకి నిందితునిగా ఎవర్ని నిలబెట్టాలి? మనుషులా? మనుషులు సృష్టించుకున్న కట్టుబాట్లా? లేక నిజానిజాలను నిర్ధారణ విషయంలో మనిషికున్న నిస్సహాయత? ఎవర్ని అనాలి? దేన్ని ప్రశ్నించాలి? అని బోలెడు ప్రశ్నలు.
మానవసంబంధాలను అద్భుతంగా అద్దం పట్టగల ఏ కళ అయినా లేవదీసే ప్రశ్నలివి. జీవన ప్రవాహంలో పడికొట్టుకుపోతున్న మనల్ని ఓ క్షణం స్తంభింపజేసి, కొన్ని వేల ప్రశ్నల్ని మన నెత్తిన గుమ్మరించేసి, ఆలోచనల్లో ఉక్కిరిబికిరి చేస్తాయి.
చలం రాసిన “దోషగుణం” ఆధారంగా ఈ చిత్రం తీసారట. నేనా కథ చదవలేదు. చలంది ఆ కథే కాదు, ఆయన సాహిత్యమేదీ నేనంతగా పట్టించుకోలేదు. ఈ ముక్క అన్న ప్రతీసారి, “అదేంటి?” అన్న ప్రశ్న వినిపిస్తుంటుంది. ఏం చెప్పాలో, ఎలా చెప్పాలో అర్థం కాదు. ఇప్పుడది అప్రస్తుతం.
ఈ సినిమా కథలోకి వెళ్తే: ఓ డాక్టర్, ఆసుపత్రిలో వైద్యం చేయించుకుంటున్న ఒక రోగి “అతడి తల్లినం”టూ వచ్చిన స్త్రీని దుర్భాషలాడి బయటకి పంపేయడం చూసి, ఆమెను అనుసరించి, వివరాలు కనుక్కొందామని ఆరా తీసేసరికి ఆ ముదుసలి కంగారుగా వెళ్లిపోతుంది. ఆమెను చూడగానే డాక్టర్కు ఎవరో పరిచయస్తులని చూసినట్టు అనిపిస్తుంది. వెంటనే ఆసుపత్రిలో ఉన్నవారిని ఆమె తాలూకు విషయాల గురించి ఆరా తీస్తే అరకొర సమాచారం తెలుస్తుంది. ఆ పూట, సహోద్యోగైన స్నేహితున్ని ఇంటికి పిల్చి కాఫీ ఇచ్చి ఓ కథ చెప్పటం మొదలెడతాడు. అతని కథ ప్రకారం, అతను పుట్టి పెరిగిన ఊర్లో ఒక భూస్వామి ఉండేవాడు. ఆ భూస్వామి భార్య సద్గుణ సంపన్నురాలు, అన్నపూర్ణ, అందగత్తె. అత్తగారినీ, భర్తనీ, దానధర్మాల విషయాలనూ జాగ్రత్తగా చూసుకుంటుంది. ఆ ఇంటిలో కనకయ్య అనే అబ్బాయి, కటిక పేదకుటుంబానికి చెందినవాడు వారాలకి కుదురుతాడు. చురకైన, తెలివైన ఆ కుర్రాడంటే భూస్వామికీ, అతడి భార్యకీ కూడా మక్కువే! భార్య అతన్ని లాలనగా, చనువుగా చూసుకుంటూ ఉంటుంది. ఉన్నట్టుండి ఆ కుర్రాడు జబ్బు పడతాడు. ఊర్లో ఉన్న వైద్యునికి చూపిస్తారు. గుణం కనిపించకపోగా, జబ్బు ముదురుతుంది. తల్లిదండ్రులు కంగారుపడి, బంధువు సాయంతో పక్కూర్లో ఉన్న వైద్యుణ్ణి తీసుకొస్తారు. అతడూ ఏదో మందిచ్చి, “మామూలు జ్వరం కాదు, దీని పేరు దోషగుణం. తనకన్నా వయస్సులో పెద్దదైన స్త్రీతో కలవడం ద్వారా ఈ జబ్బు వస్తుంది. దీనికి ఒకటే విరుగుడు, ఆమె రక్తంతో చేసిన మందు కంటిలో పెడితే నయం అవుతుంది” అని ముక్కు సూటిగా చెప్పేస్తాడు. ఇది విన్న కుటుంబ సభ్యులు హతాశులవుతారు. ఎవరో ఆ స్త్రీ అని ఎలా కనుక్కోవాలో తెలీదు. ఆ రాత్రి నిద్రలో కుర్రాడు, భూస్వామి భార్య పేరు పలవరిస్తాడు. బంధువు “ఆమేనేమో?!” అన్న అనుమానపు అగ్గిపుల్ల గీసి వదుల్తాడు. తన బిడ్డకు పట్టెడన్నం పెట్టి విద్యాబుద్ధులు నేర్పిస్తున్న దంపతులపై అలాంటి నింద వేయడానికి కుర్రాడి తల్లిదండ్రులు వెనకాడుతారు. జబ్బు ముదురుతుంది. ఇహ, రేపో, మాపో అన్న స్థాయిలో ఉంటుంది. తల్లిదండ్రులకి ఏం తోచదు. ఆవిడ మీదే నింద వేయడానికి పూనుకుంటారు. భూస్వామికి కూడా తన భార్య మీద అనుమానం కలుగుతుంది. అంతా కల్సి ఆమెదే పాపం అని నిర్ణయించేసుకొని ఆమె రక్తం తీసి ఇచ్చేదాకా ఊరుకోరు. ఆ మందు వేయగానే కుర్రాడికి నయం అయ్యిందా? అవ్వలేదా? జబ్బు నయం కావటాన్ని బట్టి వారిద్దరి మధ్య సంబంధం ఉన్నట్టా? – ఇవ్వన్నీ సినిమా చూడాల్సిందే!
ఈ సినిమాలో నాకు నచ్చిన అంశాలు:
౧. చలం కథ ఎలా ఉంటుందో నాకు తెలీదు. కానీ ఈ సినిమాలో మాత్రం కథను ఒక న్యూటల్ వ్యూతో చెప్పినట్టు అనిపించింది. ఇది చలం కథ, అందులో ఒక స్త్రీని అనుమానించటం ఉన్నందున నేను దీన్ని ఒక స్త్రీ perspectiveతో చెప్పిన కథ అయ్యుండచ్చు అనుకున్నాను. సినిమా చూశాక మాత్రం, అందులోని అన్ని పాత్రలకీ సరైన న్యాయం చేశారనిపించింది.
౨. ఇందులో తనికెళ్ళ భరణి గారు భూస్వామిగా నటించారు. పాత్ర పెద్దది కాకపోయినా ఆయన నటన అమోఘం. భార్యని కొట్టి, ఆమెకి స్పృహ తప్పిపోగానే ఆమె తొడ కోసి రక్తం తీసిచ్చి వచ్చి, ఆమె కాళ్ళ దగ్గర కూర్చోని మధనపడ్డం – మహాద్భుతంగా ఉంది. భార్య అంటే ఎంతో ఇష్టం ఉన్నా, కుటుంబ పరువుకోసం, ఆమె తప్పు చేసే ఆస్కారాలని పూర్తిగా కాదనలేకపోవటం, ఇన్నేళ్ళ సహచర్యం ఆమెపై ఏర్పడ్డ గౌరవాభిమానాలు – ఇన్నింటి మధ్య నలిగే విధానాన్ని చక్కగా నటించారు.
౩. సినిమా మొత్తం నలుపు-తెలుపుల్లో ఉంటుంది. ఒక్క ఊహ / కల లాంటి సన్నివేశం మాత్రం రంగుల్లో ఉంటుంది. ఎందుకలా తీసారో అర్థం కాలేదు కానీ, చూడ్డానికి బాగా అనిపించింది.
౪. ముగింపు కూడా నాకు బాగా నచ్చింది. కాకపోతే దాని గురించి మాట్లాడలేను. సినిమా చూడబోయేవారి ఆనందాన్ని పాడుచేయలేను.
ఈ సినిమాలో నాకు నచ్చని అంశాలు:
౧. భూస్వామి భార్యగా నటించిన జయలలిత. ఈవిడ చాలా అందంగా ఉంటారు. కాకపోతే నటించిన తీరు నన్ను నిరాశపరిచింది. పట్టి పట్టి చేస్తున్నట్టు అనిపించింది. ఏ జయసుధో, రేవతిలాంటి వారో ఉంటే బాగుణ్ణు అని అనిపిస్తూనే ఉంది.
౨. కథలో భూస్వామి భార్య పాత్రకి యూనిటీ లోపించిందని అనిపించింది. అప్పటి దాకా శాంతంగా, సహనంగా తన పని తాను చేసుకొని పోయే స్త్రీ, తనని అనుమానించినప్పుడు బాధ కన్నా ఎక్కువ ఉక్రోషం చూపిస్తుంది. భర్తని “నీ తప్పులు ఎవడు చూడొచ్చాడు” అన్నట్టు మాట్లాడుతుంది. ఈ ట్రాన్సిషన్ ని సరిగ్గా చూపించలేకపోయారనిపించింది. భర్త నమ్మకం పొందలేని భార్య ముందుగా తీవ్ర మనస్థాపానికి గురైన తర్వాతే ఆగ్రహం వ్యక్తం చేస్తుందని నేను భావించటం వల్ల కూడా కావచ్చు.
౩. కొన్ని సన్నివేశాలను ఇంకా బా చూపించాల్సింది అనిపించింది. ఉదా: తనని ఎంతో వాత్సల్యంతో చూసుకునే అమ్మగారిని తన వల్ల నిందించారు అని తెల్సుకున్నప్పుడు ఆ కుర్రాడు పరిగెత్తుకుంటూ వచ్చి కుండ బద్దలుకొడతాడు. ఇంతకన్నా అతడి కోపాన్ని, అంతకన్నా అయోమయాన్ని బాగా చిత్రీకరించి ఉండాల్సింది.
మొత్తానికి ఇదొక మంచి చిత్రం. ఒక మంచి ప్రయత్నం. నిజానిజాలని నిర్ధారించే వీలు లేనప్పుడు తన అశక్తికి మనిషి ఎలా బలి అవుతాడన్న అంశంతో తీసినట్టు అనిపించింది. కేవలం స్త్రీ తరఫున వాకాల్తా పుచ్చుకునే కథగా కాక, మనుషులనీ, వారి బంధాలని బాగా చూపించారు. సినిమాను కళగా ఆరాధించి, తమలో ఉన్న టాలెంట్కి సరైన మార్గం చూపిస్తే ఇలాంటి సినిమాలు మరెన్నో రావచ్చు.
మీరు చూడకపోయుంటే.. తప్పక చూడండనే చెప్తాను!
–పూర్ణిమ తమ్మిరెడ్డి
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
sowmya says:
మంచి సినిమా గురించి చర్చించారు. ఈ సినిమా గురించి నేను కూడా రాయలనుకున్నను, కానీ కుదరలేదు.
చలం కథని కాస్త సరళీకరించి తీసారు ఈ సినిమాని. చలం అభిమానిగా ఈ కథని నేను ఎప్పుడో చదివేసాను, సినిమా గా తీసారని తెలిసి, గొప్పా ఆనందంతో మీ లాగే కొనుక్కుని మరీ చూసాను.
ఈ సినిమా దర్శకుడు అయిన మోహన కృష్ణకి నేషనల్ అవర్డ్ వచ్చింది. కానీ నాకు తెలిసిన విషయమేమిటంటే ఈ సినిమా థియేటర్లలో రిలీజ్ అవ్వలేదట. ఇంతకన్న అవమానమేముంటుంది ఈ సినిమాకి అనిపించింది.
మీరు స్పందించి దీని గురించి రాయడం చాలా ఆనందాన్ని కలిగిస్తోంది. మీకు ధన్యవాదములు.
Ashok says:
Sorry to say this to you. I watched this movie in Prasads. It was released in theaters. And for that show the screen was full.
naresh Nunna says:
Dear Purnima,
U r very fortunate enough for not knowing Chalam’s ‘Dosha Gunam,’ as ur ignorance made u enjoy ‘GRAHANAM.’ But, u (being a very shrewd lover of literature) r too doomed for missing Chalam, for whatsoever (non-contextual) reasons.
Coming to Grahanam:
If it is not based on Chalam’s story, it is a mediocre cinema, deserves no discussion.
If it is seen as adaptation of Chalam’s story, it is horrible and I call it perfidious attempt.
regards,
naresh
రవి says:
ఇదివరకు సాయి బ్రహ్మానందం గారికీ నాకూ జరిగిన ఓ చిన్న గొడవ కారణంగా ఈ సినిమా ప్రస్తావన వచ్చి, ఆ రకంగా మీరు ఈ సినిమా గురించి విని, చూసి ఉంటే, నాకో థాంక్సు బాకీపడ్డారు.
ఈ సినిమాలో కొన్ని కొన్ని సూక్ష్మ విషయాలు కూడా శ్రద్ధగా తీసారు. జయలలితకు, తనికెళ్ళ భరణికి గొడవ జరిగేప్పుడు, వెనుక సీతారాముల పటం ఉంటుంది. తనికెళ్ళ భరణి డయలాగ్ వస్తుందాతర్వాత, “ఆడదాని మనసును దేవుడు కూడా కనిపెట్టలేడు.” అని (అనుకుంటాను). అలానే ఇంకో సన్నివేశంలో జయలలిత, వారాలబ్బాయిని భోజనానికి పిలుస్తూ వాత్సల్యంగా మాట్లాడుతూ ఉంటుంది. పక్కన భరణి సంధ్యవారుస్తూ, గాయత్రీ ధ్యానం “ముక్తావిద్రుమ హేమ నీల ధవళచ్ఛాయైర్ముఖై..” చెబుతూ ఉంటాడు. మధ్యలో ఆగి ఆమె వైపు ఓ చూపొకటి చూస్తాడు. ఆ చూపులో అనుమానం ఉండదు కానీ, ఏదో చిన్న ప్రశ్న (query), ఈవిడ నా భార్య అనే చిన్నపాటి అనురాగం దాగి ఉంటాయి.
బంధువు పాత్ర వేసినాయన చాలా బాగా నటించాడు. ముఖ్యంగా భరణిని ఈసడించేప్పుడు ఓ చిన్న మూతివిరుపులో అనేక భావాలు చూపెడతాడు. In many ways, it is a genuine classic.
Purnima says:
No.. I knew about this movie through other ways.
మేడేపల్లి శేషు says:
“గ్రహణం” డివిడిగా వచ్చినందుకు చాలా సంతోషం. ఎలాగైనా తెప్పించుకోవటానికి ప్రయత్నిస్తాను. ఈలోపు, తమ్మారెడ్డి గారూ, ఈ డివిడి ఏ కంపెనీ వారు వేశారో ఆ వివరాలూ, సంగీత సాగర్ వారి కాంటాక్టు ఫోన్ నెంబరు, అడ్రసు మొదలైన వివరాలూ ఇవ్వగలరా? నేను డిల్లీలో ఉంటాను… అందువల్ల ఈ వివరాలు ఉంటే, నేను పోస్టులో తెప్పించుకోవ టానికైనా వీలుంటుంది. సినిమాను బాగా సమీక్షించారు. ఏ కథ అయినా, నవలైనా, సినిమాగా తీసినప్పుడు కొన్ని మార్పుచేర్పులకు గురికాక తప్పదు. సినిమా మొత్తం నలుపు-తెలుపుల్లో ఉండి, ఒక కల/ఊహ లాంటి సన్నివేశం రంగుల్లో ఉంటుందని రాశారు. ఇది చాలా ప్రయోగాత్మకంగా అనిపించింది. భయపెట్టేవి కాకపోతే, కమ్మని కలలు, ఊహలు ఎప్పుడూ కలర్ ఫుల్ గానే కన్పిస్తాయి కదా. మొన్నీమధ్య మరో కథా ఆణిముత్యం (గురజాడవారిది) సినిమాగా (1940 లో ఓ గ్రామం) రూపొంది, జాతీయ అవార్డు గెలుచుకుందని విన్నాం. అది కూడా ఎక్కడైనా దొరుకుతుందేమో ప్రయత్నించండి.
sowmya says:
నరేష్ నున్న గారు
మీరు చెప్పిన పాయింట్లు నేను ఒప్పుకుంటాను. అందుకే చలం గారి కథని సరళం చేసి సినిమా గా తీసారు అని అన్నాను.
చలం గారి రచనా శైలి అనితర సాధ్యం. అదే విధంగా సినిమా తియ్యడం కష్టమేమో. అలా తియ్యాలని కోరడం ధర్మం కాదేమో.
నాకు గ్రహణం గురించి నచ్చిన విషయమేమిటంటే..
atleast some one has attempted to picutrise such a beautiful stroty.
చలం గారి మీద చాలామందికున్న దురభిప్రాయం మీరెరుగనిది కాదనుకుంటాను. ఈ దురభిప్రాయం ఇంకా ప్రబలుతున్న ఇటువంటి సమయంలో ఈ సినిమా తియ్యగలగడం ఉన్నతమైన విషయం.
i appreciate director’s efforts !
budugoy says:
the story seems loosely based on ramayana. husband leaves wife becoz society and wife does nt have any say in it. definitely a well made movie. seshu garu, dvd is from aditya music. check them out at http://www.adityamusicindia.com (iam just giving the address on dvd. dontknow how good their site is.)
విష్ణుభొట్ల లక్ష్మన్న says:
ఈ సినిమా చూసి నేను చాలా ఆనందించాను. నాకు బాగా పరిచయమున్న ప్రముఖ రచయిత, పత్రికా సంపాదకులు శ్రీ ఇంద్రకంటి శ్రీకాంత శర్మ గారి కుమారుడే తన మొదటి ప్రయత్నంగా ఈ చిత్రానికి దర్సకత్వం వహించాడని తెలిసి సంతోషపడ్డాను.
http://tvmasti.net/TVMastiForums/showthread.php?p=81001#post81001
పైన ఇచ్చిన లింక్లో ఈ సినిమాను చూడవచ్చు.
విష్ణుభొట్ల లక్ష్మన్న
శశిపాల్ రెడ్ది రాచమల్ల says:
నమస్కారం మాస్టారు గారు. నా పేరు శశిపాల్ రెడ్ది రాచమల్ల. ఒక్క సారి ఇంద్రకంటి మోహన క్రిష్ణ గారిని కలిపించగలరా? నా ph no 9885550743, 9030641459. మీకు ధన్యవాదములు.
శశిపాల్ రెడ్ది రాచమల్ల says:
నమస్కారం.ధన్యవాదాలు మీరు ఈ సినిమా గురించి వ్రాసినందుకు. సినిమా చాలా బాగుంటుంది. కాని ఈ సినిమాకి మాత్రమ్ ఇప్పటికి “గ్రహణం” వీడలేదు.
చలం గారు వ్రాసిన “దోషగుణం” నవల – “గ్రహణం”.
ఆయన వ్రాసిన “మైదానం” నవల కూడా సినిమా తీస్తె బాగుంటుంది. బహుశా నేనే తీస్తానేమో. శశి రాచమల్ల.
sowmya says:
శశిపాల్ రెడ్డి గారికి
మీరు ఆ మాట అన్నందుకు చాలా సంతోషం. ఒకవేళ మీరు మైదానం తీసినట్టయితే సంతోషించేవాళ్ళలో మొట్టమొడటిదన్ని నేనవుతాను.
మీ సినిమా కోసం ఎదురుచూస్తూ ఉంటాను.
shashipal reddy says:
మైదానం నవల ను సినిమా గా తీయాలంటె గట్స్ కావాలి. దాంతో పాటు డబ్బు కూదా కావాలి. ఐనా నేను తప్పకుండా సినిమా తీస్తాను. ధన్యవాదాలు.
vasu says:
ఈ సినిమాలో ఏదో అందం ఉంది. నేను వెంటవెంటనే రెండు మూడు సార్లు చూసాను. జయలలిత చక్కగా సరిపోయారు ఆ పాత్రకి. సినిమా గ్రామా నేపధ్యం లో ఉండడం వల్ల, చూడగానే ఊరెళ్ళి వచ్చినట్టు ఉంటుంది. సినిమాటోగ్రఫి కూడా అందంగా ఉంటుంది. ఈ సినిమా చాలా రోజులు చూద్దామంటే ఎక్కడా దొరకలేదు. డి వి డి వచ్చిందన్నమాట. ఇలాటి ఇండిపెండెంట్ ఫిల్మ్స్ తెలుగులో రావడం ఆనందంగా ఉంటుంది. ఈ కోవలోని తనికెళ్ళ భరణి గారు తీసిన లఘు చిత్రాలు (అందులో ఇంక్ ఒకటి ) చూడాలని ఎప్పటినించో ఉంది కానీ ఎక్కడ దొరుకుతాయో తెలియట్లేదు.
మైత్రేయి says:
చక్కటి సినిమా. భరణి గారు చలం అభిమాని. చలం భావాలు అర్ధం చేసుకొని చక్కగా నటించారు. జయలలిత గారు చక్కగా సరి పోయారు ఆ పాత్రకు. నిలకంఠ్ కూడా బాగా చేసారు.
మైత్రేయి says:
ఇలాగే చిన్న dvd కోసం తీసే సినిమాలు తెలుగులో వస్తే బాగుంటుంది.
మార్నింగ్ రాగా కూడా ఒక మంచి ఉదాహరణ.
మలయాళం లో వస్తాయట అలా. అది ఆర్దిక పరం గా కూడా వర్క్ అవుతుందిట.
డివిడి అమ్మకాల తో పాటు టివి లు వెబ్ లో ఆన్ లైన్ లో ప్రచురించి డబ్బు పొందవచ్చు.
Srinivas says:
ఈ సినిమా నాకంతగా నచ్చలేదు. ముఖ్యంగా depth మిస్ అయినట్లనిపించింది. కీలకమైన సన్నివేశాలు చప్పగా అనిపించాయి. ఎడిటింగ్ షార్ప్ గా లేదు. అక్కడక్కడ బోర్ కొట్టించింది. జయలలిత పెద్ద మైనస్. ఆమె కారెక్టరైజేషన్ కూడా సరిగా లేదు. రచయిత చెప్పినట్టు యూనిటీ లోపించిందన్న విషయంతో నేనూ ఏకీభవిస్తాను. ఇక సీన్ ఫ్రేమింగ్ లో ఎక్కడా సృజనాత్మకత గానీ, కళాత్మకత గానీ కనిపించలేదు. ఏదో పాత దూరదర్శన్ సీరియల్ చూస్తున్న ఫీల్ కలిగింది. సినిమాలో నాకు బాగా నచ్చిన అంశమేంటంటే- తనికెళ్ల భరణి. పాత్రలో జీవించాడు. అలాగే కధని న్యూట్రల్ వ్యూతో చెప్పడం కూడా బాగా నచ్చింది. మొదట సినిమాకే ఇలాంటి కధాంశాన్ని ఎంచుకున్నందుకు మోహనకృష్ణ అభినందనీయుడు. కాకపోతే సినిమా కళ మీద మరింత పట్టు సాధించి తీసి ఉంటే ఇంకా బాగా వచ్చి ఉండేదేమో.
GopiCM says:
oh im next to you. i felt watching a telefilm in doordarshan
రమ్య says:
నెట్లో ఎక్కడైనా, దోషగుణం కధ ఉంటే, URL ఇవ్వండీ ప్లీజ్
rajani says:
http://streevadam.co.cc/mag/node/12
పండగ చేసుకోండి
chakri says:
“గ్రహణం ” సినిమాకి చలం గారి దోష గుణం కథ ఆధారం. కాని దోషగుణం లో ఉన్న కొన్ని కీలక మైన విషయాలని మార్చి తీసారు. నాకు తెలిసినంత వరకు చలంగారి చాల కథలు “దోష గుణం ” కంటే చాల బావుంటాయి. దర్శకుడు ఈ కథనే ఎందుకు ఎంచుకున్నాడో అర్థం కాలేదు.బహుశ అతనికి బాగా నచ్చో..లేక budget సరిపోదనో..
సినిమా ని నలుపు తెలుపుల్లో చూపించటానికి రెండు కారణాలు ఉండొచ్చు
1) time period ని తెలుపటానికి 2) technical reasons.
నా వొంతు గా కొంత పని చేశాను ఈ సినిమాకి…
v.prathap reddy says:
gud
Praveen Sarma says:
దర్శకుడి కథని కావాలని మార్చి చూపించాడని అనుమానంగా ఉంది. కుర్రాడు నిద్రలో శ్రీమంతుని భార్య పేరు కలవరిస్తే శ్రీమంతుని భార్యని అనుమానిస్తారు. అంతే కానీ వయసులో పెద్దైన స్త్రీని కలిశాడని వైద్యుడు చెప్పడం వల్ల కాదు. తన కంటే వయసులో పెద్దైన స్త్రీని పెళ్లి చేసుకుని ఓపెన్గా కాపురం చేసేవాళ్లు ఉన్నారు. ఇక రహస్య సంబంధాల విషయంలో వయసు గురించి ఎవరు పట్టించుకుంటారు? దర్శకుడు కావాలని వయసు ప్రస్తావన తేవడం చూస్తోంటే అటువంటి పట్టింపులు దర్శకునికే ఉన్నాయని అనుమానం వస్తోంది.
Praveen Sarma says:
కావాలని చేసిన ఈ మార్పులు చూస్తోంటే దర్శకునిలో ఇంకా మగతనపు ఫీలింగ్స్ పోలేదనిపిస్తోంది.
Praveen Sarma says:
కథ చాలా కాలం క్రితం చదివాను. వారాలబ్బాయి చదువు పూర్తైన తరువాత డాక్టర్ అవుతాడు. అల్లోపతి వైద్యం కొత్తగా ఉన్న రోజుల్లో గ్రామీణ ప్రాంతాలలో మూఢనమ్మకాల వల్ల చాలా మంది నాటు వైద్యుల దగ్గరి వెళ్లేవాళ్లు. పట్టణాల్లో ఉండేవాళ్లే అల్లోపతి వైద్యుల దగ్గరకి వెళ్లేవాళ్లు. నాటు వైద్యులు, మంత్రగాళ్లు ప్రజలని ఎలా భయపెట్టేవాళ్లో చెప్పడానికి వ్రాసిన కథ ఇది.
Praveen Sarma says:
నిన్న విశాలాంధ్ర బుక్ హౌస్కి వెళ్ళినప్పుడు అక్కడ సిడి దొరికింది. సిడి దొరికింది కదా అని కొని చూశాను. కథలోని కీలకమైన అంశాలని సినిమాలో చూపించలేదు. కనకయ్య దగ్గరకి వెళ్తే తాము పతివ్రతలము కామని అనుమానం వస్తుందని ఊరిలోని ఆడవాళ్ళు ఎవరూ కనకయ్య దగ్గరకి వెళ్ళరు. ఆ విషయం చూపించలేదు. గ్రామస్తులు నాగిని అనుమానించి ఆమె గుడిసె దగ్గరకి వెళ్ళడం చూపించలేదు. పైగా కనకయ్య మేనమామ కులం తక్కువదానితో అక్రమ సంబంధం పెట్టుకోవడం విచిత్రం కాదన్నట్టు మాట్లాడుతాడు. మన కులానికి చెందిన స్త్రీతోనే కనకయ్య సంబంధం పెట్టుకున్నాడని అంటాడు. వయసు ప్రస్తావన చాలా అసంగతం అనిపించింది. శారదాంబ కనకయ్య వయసులో తన కంటే చిన్నవాడని అంటున్నట్టు చూపించారు. నిజ జీవితంలో అక్రమ సంబంధాల విషయంలో ఎవరూ వయసు, ఎత్తు లాంటివి పట్టించుకోరు. నా మాటకి వస్తే పెళ్ళికి కూడా వయసు పట్టింపు అసంగతమైనది అంటాను. చలం గారు మైదానం నవలలో రాజేశ్వరి వయసులో తన కంటే చిన్నవాడైన మీరాకి దగ్గరవుతున్నట్టు చూపించారు. ఎందుకంటే ప్రేమకైనా, పెళ్ళికైనా, సెక్స్కైనా వయసు, ఎత్తు లాంటివి అసంగత విషయాలు. కానీ ఈ సినిమాలో వయసు ప్రస్తావన ఎందుకొచ్చింది? దర్శకుడు సినిమాలో చూపించని సన్నివేశాలు సెన్సార్లో డిలీట్ అయ్యే అవకాశం లేదు. ఆ సన్నివేశాలని కావాలని ఎందుకు చూపించలేదు?
Praveen Sarma says:
నిన్న విశాలాంధ్ర బుక్ హౌస్కి వెళ్ళినప్పుడు అక్కడ సిడి దొరికింది. సిడి దొరికింది కదా అని కొని చూశాను. కథలోని కీలకమైన అంశాలని సినిమాలో చూపించలేదు. కనకయ్య దగ్గరకి వెళ్తే తాము పతివ్రతలము కామని అనుమానం వస్తుందని ఊరిలోని ఆడవాళ్ళు ఎవరూ కనకయ్య దగ్గరకి వెళ్ళరు. ఆ విషయం చూపించలేదు. గ్రామస్తులు నాగిని అనుమానించి ఆమె గుడిసె దగ్గరకి వెళ్ళడం చూపించలేదు. పైగా కనకయ్య మేనమామ కులం తక్కువదానితో అక్రమ సంబంధం పెట్టుకోవడం విచిత్రం కాదన్నట్టు మాట్లాడుతాడు. మన కులానికి చెందిన స్త్రీతోనే కనకయ్య సంబంధం పెట్టుకున్నాడని అంటాడు. వయసు ప్రస్తావన చాలా అసంగతం అనిపించింది. శారదాంబ కనకయ్య వయసులో తన కంటే చిన్నవాడని అంటున్నట్టు చూపించారు. నిజ జీవితంలో అక్రమ సంబంధాల విషయంలో ఎవరూ వయసు, ఎత్తు లాంటివి పట్టించుకోరు. నా మాటకి వస్తే పెళ్ళికి కూడా వయసు పట్టింపు అసంగతమైనది అంటాను. చలం గారు మైదానం నవలలో రాజేశ్వరి వయసులో తన కంటే చిన్నవాడైన మీరాకి దగ్గరవుతున్నట్టు చూపించారు. ఎందుకంటే ప్రేమకైనా, పెళ్ళికైనా, సెక్స్కైనా వయసు, ఎత్తు లాంటివి అసంగత విషయాలు. కానీ ఈ సినిమాలో వయసు ప్రస్తావన ఎందుకొచ్చింది? దర్శకుడు సినిమాలో చూపించని సన్నివేశాలు సెన్సార్లో డిలీట్ అయ్యే అవకాశం లేదు. ఆ సన్నివేశాలని కావాలని ఎందుకు చూపించలేదు? ఆ సన్నివేశాలు చూపించి ఉంటే సినిమా నిడివి ఎక్కువగా ఉండేది కదా.
Praveen Sarma says:
నిన్న విశాలాంధ్ర బుక్ హౌస్కి వెళ్ళినప్పుడు అక్కడ సిడి దొరికింది. సిడి దొరికింది కదా అని కొని చూశాను. కథలోని కీలకమైన అంశాలని సినిమాలో చూపించలేదు. కనకయ్య దగ్గరకి వెళ్తే తాము పతివ్రతలము కామని అనుమానం వస్తుందని ఊరిలోని ఆడవాళ్ళు ఎవరూ కనకయ్య దగ్గరకి వెళ్ళరు. ఆ విషయం చూపించలేదు. గ్రామస్తులు నాగిని అనుమానించి ఆమె గుడిసె దగ్గరకి వెళ్ళడం చూపించలేదు. పైగా కనకయ్య మేనమామ కులం తక్కువదానితో అక్రమ సంబంధం పెట్టుకోవడం విచిత్రం కాదన్నట్టు మాట్లాడుతాడు. మన కులానికి చెందిన స్త్రీతోనే కనకయ్య సంబంధం పెట్టుకున్నాడని అంటాడు. వయసు ప్రస్తావన చాలా అసంగతం అనిపించింది. శారదాంబ కనకయ్య వయసులో తన కంటే చిన్నవాడని అంటున్నట్టు చూపించారు. నిజ జీవితంలో అక్రమ సంబంధాల విషయంలో ఎవరూ వయసు, ఎత్తు లాంటివి పట్టించుకోరు. నా మాటకి వస్తే పెళ్ళికి కూడా వయసు పట్టింపు అసంగతమైనది అంటాను. చలం గారు మైదానం నవలలో రాజేశ్వరి వయసులో తన కంటే చిన్నవాడైన మీరాకి దగ్గరవుతున్నట్టు చూపించారు. ఎందుకంటే ప్రేమకైనా, పెళ్ళికైనా, సెక్స్కైనా వయసు, ఎత్తు లాంటివి అసంగత విషయాలు. కానీ ఈ సినిమాలో వయసు ప్రస్తావన ఎందుకొచ్చింది? దర్శకుడు సినిమాలో చూపించని సన్నివేశాలు సెన్సార్లో డిలీట్ అయ్యే అవకాశం లేదు. ఆ సన్నివేశాలని కావాలని ఎందుకు చూపించలేదు? ఆ సన్నివేశాలు చూపించి ఉంటే కథ నిడివి ఎక్కువగా ఉండేది కదా.