Paranormal activity
Paranormal activity
ఇది ఈ మధ్యే మా ఊళ్ళో విడుదలైన ఓ ఆంగ్ల చిత్రం పేరు,
” What happens when you sleep”, ” Don’t see it when you are alone” అన్న Captions చూసి చాలా ఆతృతగా వెళ్ళా థియేటర్ కి. తీరా వెళ్ళి చూసాక తెలిసింది! ఇది…….ఎందుకులెండి, క్రింద కథ రాసాను మీరే చదువుకోండి.
ఓ ఇంట్లోకి కొత్తగా పెళ్ళైన జంట దిగుతారు. అయితే ఆ అమ్మాయికి ఏదో అదృశ్య శక్తి తనని వెంబడిస్తున్నదని, అది తన పాత ఇంటి నుంచి ఇక్కడికి కూడా వచ్చేసిందని అనిపిస్తూ ఉంటుంది. ఇదే విషయం ఆమె భర్తకి చెబితే నమ్మడు. పైగా ఆ శక్తి ఏంటో నేను కనుక్కుంటాను అని అస్తమానం ఆమె వెనకాలే హేండికామ్ పట్టుకుని తిరుగుతుంటాడు. కాని దానిలో ఏం కనపడదు. అయినా తన భార్య భయం పోవటంలేదని ఓ సైకియాట్రిస్టుని ఇంటికి పిలుస్తాడు. అతనికి తన చిన్నప్పటినుండి జరిగిన సంఘటనలను వివరిస్తుంది ఆ అమ్మాయి. అవి విన్న సైకియాట్రిస్టు ఖచ్చితంగా ఆమెను ఓ దెయ్యం వెంబడిస్తున్నదని చెప్తాడు. దీని నుంచి మిమ్మల్ని కాపాడటం తన వల్ల కాదని మరో వ్యక్తిని పిలవాలని ఆ వ్యక్తి చిరునామా ఇస్తాడు. కాని వీటిని అంతగా నమ్మని ఆమె భర్త ఆ వ్యక్తిని పిలవడు. దాంతో ఆమెకు ఆమె భర్తకు చిన్న గొడవ వస్తుంది. పైగా ఆ దెయ్యాన్ని పట్టుకోవడానికి వీళ్ళు పడుకునే గదిలో రోజూ ఓ వీడియో కెమెరా పెట్టి, వీళ్ళు పడుకున్న తరువాత జరిగే సంఘటనలను రికార్డు చేస్తుంటాడు. అతని భార్య చెప్పినట్టుగానే వీళ్ళు పడుకున్న తరువాత చాలా చిత్ర విచిత్ర సంఘటనలు జరుగుతుంటాయి. ఇవి చూసాక ఆమె భర్తకు కూడా కొంచెం భయం వేసి సైకియాట్రిస్టు చెప్పిన వ్యక్తికి ఫోన్ చేస్తాడు కాని అతను టూర్ లో ఉంటాడు, రావడానికి మూడురోజులు పడుతుందని చెప్తాడు. సైకియాట్రిస్టు వీళ్ళని ముందే హెచ్చరిస్తాడు, ఆ దెయ్యాన్ని చూద్దామని గాని లేదా దాంతో మాట్లాడదామని గాని ప్రయత్నించొద్దని. కాని ఆమె భర్త దీనిని పెడచెవిన పెడతాడు. చివరికి ఆ వీడియో రికార్డింగ్ మొదలుపెట్టిన 22 వ రోజు రాత్రి, ఆమెను ఆ దెయ్యం ఆవహిస్తుంది, ఆమె ద్వారానే ఆమె భర్తను చంపేస్తుంది. చివరిగా end credits పడతాయి ” భర్త మృతదేహం పోలీసులకి దొరికింది, కాని అతని భార్య జాడ ఇప్పటికీ దొరకలేదు”.
ఈ సినిమా అంత గొప్ప చిత్రం ఎంత మాత్రం కాదు. మొదలుపెట్టిన దగ్గర నుండి చివరికి పూర్తయ్యేటప్పుడు కూడ పరమ బోర్ కొడుతుంది. మరెందుకు ఈ వ్యాసం రాసానంటే,
1. ఈ సినిమా ఒక ఇండిపెండెంట్ ఫిల్మ్ మేకర్ కేవలం 15000 USD తో రూపొందించాడు.
2. ఈ చిత్రం పూర్తిగా ఓ ఇంట్లోనే చిత్రీకరించబడింది.
3. మొత్తం పాత్రలు ఐదు, అందులో ప్రధానపాత్రలు రెండు మాత్రమే (భర్త, భార్య)
4. తొలుత ఈ చిత్రాన్ని చలనచిత్రోత్సవాల్లో ప్రదర్శించారు, ఆ తరువాత థియేటర్లలో విడుదల చేసారు.
5. ఈ చిత్రం ప్రపంచవ్యాప్తంగా మొత్తం 140,000,000 USD లను వసూలు చేసింది, అంటే రమారమి 139,985,000 USD లాభమన్నమాట.
6. ఈ చిత్రం rawness కోసం పూర్తిగా హేండ్ హెల్డ్ కెమెరాతోనే (హ్యాండి కామ్ అంటే సబబేమో) చిత్రీకరించారు.
7. ఒక విధంగా చెప్పాలంటే ఆ సంఘటన జరిగిన తరువాత పోలీసులకు దొరికిన వీడియో టేపే ఈ చిత్రం.
ఇంత సులభంగా, మరీ ఇంత తక్కువలో సినిమా నిర్మించి కళాత్మకంగా తృప్తి పొందటమే కాకుండా డబ్బులు కూడా సంపాదించవచ్చని మరోసారి ఈ చిత్రం నిరూపించింది.
కాబట్టి మనం కూడా ఇలాంటి సింపుల్ మేకింగ్ ఐడియాలతో సినిమా తీద్దాం, కనీసం ప్రయత్నిద్దాం, అందరం కలిస్తే ఆలోచనలకు కొదవలేదు. అందరికీ ఆమోదయోగ్యమైన ఒక ఆలోచనకి స్క్రిప్టు తయారుచేద్దాం. సినిమా తీద్దాం. కష్టమే కాని అసాధ్యం కాదు. వాళ్ళను కాపీ కొట్టడం అంత అవసరమా అని మీరడగొచ్చు. ఏదైనా ఒక ప్రొడక్టుని జనాల్లోకి వదిలే ముందు దానిని ప్రయోగశాలలో పరీక్షిస్తారు. ఆంగ్లచిత్ర పరిశ్రమ అటువంటిదే. మనకు అలాంటి నాణ్యమైన ప్రయోగశాలలు లేవు అన్నది వంద శాతం నిజం. అక్కడ విజయవంతమైన ప్రయోగాన్ని ఇక్కడ చేపట్టడం కాపీ ఏమాత్రం కాదు అన్నది నా అభిప్రాయం.
కథ, కథనం, ఎడిటింగ్, దర్శకత్వం : Oren Peli
I hope we will soon start a paranormal activity if not an intelligent activity to pursue our artistic dreams.
Filed Under: featured • lead • అభిప్రాయాలు • పరిచయం • ప్రపంచ సినిమా • విశ్లేషణ
నిజమే! ఈ సినిమాలో ప్రయోగాత్మక విలువేగానీ సినెమాటిక్ ఎక్సలెన్స్ అస్సలు లేదు. ఒక మంచి బిజినెస్ మాడల్ ను నిలబెట్టిందీ చిత్రం.
మరోమాట…ఇది నవతరంగంలో 999 వ వ్యాసమండోయ్! అభినందనలు.
ఇక మీ సినిమా ఎప్పుడూ!?!
ఆ ప్రయత్నంలోనే ఉన్నానండి. ఇంకా స్క్రిప్టు రాస్తున్నాను. పూర్తయ్యాక మీకు, వెంకట్ గారికి పంపిస్తాను.
ఎందుకండీ సినిమా కథ అంతా చెప్పేస్తారు? మీరు సినిమా చూడగానే సరిపోయిందా? ఇతరులు సినిమా చూడక్కరలేదా? కనీస ఇంగిత జ్ఞానం వుండాలి.
మీరన్నది నిజమే, నాకు కనీస ఇంగిత జ్ఞానం లేదు
దాదాపు రెండు నెలల క్రితమే ఈ సినిమా గురించి నవతరంగంలో రాసారు.
http://navatarangam.com/2009/11/obstacles-are-a-boon/
మీ అభిప్రాయాలని అదే వ్యాసంలో కామెంట్ గా రాయొచ్చు కదా, ఒక కొత్త వ్యాసం మళ్ళీ అవసరమంటారా?
నిజమేనండి నేను చూడనే లేదు, అనవరసరంగా బోల్డంత సమయం వృథా అయింది. సినిమా చూసాక ఇంకెవ్వరూ నాలా captions చూసి మోసపోకూడదని తొందరగా post చేసేసాను.
నవతరంగంలో ఒకే సినిమా గురించి ఎన్నైనా వ్యాసాలుండొచ్చు. మీ కోణంలోంచీ మీరుచెప్పారు. ఇందులో సమయం వృధా ఏముంది!
ఇలాంటి సినిమాలకి ముందేమవుతుందన్నదో అన్న థ్రిల్లే ఆయువుపట్టు. మీరు సమీక్ష చేస్తే చేశారు ముగింపుతో సహా అంతా చెప్పేస్తే ఎలా? you are robbing the pleasure of movie watching for others.
I did it intentionally!
అలాంటప్పుడు మీ వ్యాసం మొదట్లో పాఠకులకు చిన్న గమనిక ఇవ్వాలి. *Spoiler Alert* అని. Imagine if someone who did not like “sixth sense” wrote bruce willis is a ghost in his review.. No offense, What I am suggesting is followed all over the internet.
Thanks for ruining it for the rest of us who have not seen it yet. What do you mean you did it intentionally? Try to maintain minimum standards while writing an article.
Go and watch the film, you will definitely realize my minimum standards!
You are totally missing the point
man rajasekhar..
ur attitude is one of the many reasons why people are moving away frm navatarangam.
U did something wrong.. nd wen ppl point it, u say that u did it intentionally.. wtf does this mean..
Dont take it as granted that ppl r gonna read whatever u write..
Its time for navatarangam editorial team to take care of spoilers like this..
..
ఆ మధ్య ఒక పత్రికలో స్పిల్ బర్గ్ ను భయపెట్టిన సినిమా అని దీని గురించి వార్త వచ్చింది. ఆయన భయంతో సినిమా పూర్తిగా చూడలేక సగంలోనే బయటకు వచ్చాడట. నిజంగానే భయపడి బయటకు వచ్చాడా లేక బోర్ కొట్టిందా? మా అబ్బాయి టోరెంట్జ్ నుండి డౌన్ లోడ్ చేసాడు. ఇంకా చూడలేదు. చూసి మళ్ళీ కమెంటుతా.
వార్త వచ్చిన మాట నిజమే కాని దానిలో ఏమాత్రం నిజం లేదన్న నిజం తరవాత తెలిసింది. ఈ చిత్రాన్ని జనానికి ప్రమోట్ చేయడం కోసం చేసిన అనేక publicity stunts లో ఇదొకటి! సరైన విధంగా ప్రమోట్ చేస్తే లోబడ్జెట్ ప్రయోగాత్మక సినిమాల నుంచి కూడా మంచి రాబడి రాబట్టుకోవచ్చని ఈ చిత్ర నిర్మాతలు మరోసారి నిరూపించారు. కాకపోతే వాళ్ళు చెప్పిన దానికి చిత్రంలో చూపించినదానికి అసలు సంబంధం లేదు. Don’t see it when you are alone!, What happens when you sleep? లాంటి కాప్సన్స్ పెట్టి నాలాంటి హారర్ చిత్రాల ప్రేమికులను దారుణంగా మోసం చేసారు ఈ చిత్ర నిర్మాతలు. ఇలాంటి సినిమాలను టొరెంట్ నుంచి డౌన్ లోడ్ చేసుకోవడమే కరెక్ట్.
హ్మ్మ్ …….నేనూ మోసపోయాను ……పత్రికలోని మొదటి పేరా చదివి మిగిలింది చదివితే ఎక్కడ సస్పెన్స్ పోతుందోని చదవకుండా ఎదురుచూసి మరీ సినిమా చూశా
హమ్మయ్య! కనీసం మీరన్నా అర్థం చేసుకున్నారు, థ్యాంక్స్!!
ఈ సినిమా నేను నా హోమ్ థియేటర్ ఎఫెక్టులతో, full HD తో alternative ending తో సహా చూసినా నచ్చలేదు. కొద్దిగా హైప్డ్ మూవీ. ఇంతకంటే వర్మ భూత్ నయం…భయపెట్టాడు.
Isn’t this similar to ‘Blair Witch Project’?
yes,,it is similar to Blairwitch project , made with handycam and with very low budget.
hi rajashekar garu….
ila chepthunnanduku sorry…..miru movie chusaru kada…ndukani miku nachaledu….bagundi kada movie.
collections avi ivi anni pakkana pedithe…indulo director talent easy ga find out cheyochu..ndukante..miru observe chesthe indulo husbend or wife iddarilo evaro okaru eppudu camera shoot chesthu untaru…lekunte tripod ki fix chesi untundi.aa rendu charecters tho movie ni run chesthu at the same time camera operating kuda vallathone cheisthu…ending varaku intresting ga thisukochadu…story normal…but athadi taking observe cheyandi.
he is really good…
mikoka vishyam…miranukunnatlu…thanu cinema camera use chesi and extra editing effects vesi…forest lo night shoots chesi…budjet ekkuvaga pettesi……appudu miranukunna feel ivvakapothe…miru anukunnatlu miru express chesunte bagundedi…cinema chusthuntene arthamavthundi kada….he really did well ani….
sorry…mimmalni thappu pattalani na uddesham kadu..oka cinema miku nachithe inkokariki nachakapovachu…and miku nachakunte iinkokariki nachochu kada….naku nachindi.andukane chepplanipinchindi…
miri ala negetive ga chepthe…kothaga chusevallu antha interesting ga chudakapovachu ani na abhiprayam…………