పా-త్రీ ఇడియట్స్-సీతా సింగ్స్ ది బ్లూస్
నాకు సినిమాలకీ దూరం పెరిగి చాన్నాళ్ళైనట్లుంది. అంటే, నేను చూడట్లేదని కాదు. కొత్త సినిమాలు బానే చూస్తున్నా. కానీ, ఏమిటో రాయాలి అనిపించట్లేదు. ఇవాళ ఓ సినిమా చూశాక, నాకెందుకో రాయాలనిపిస్తోంది. ఇటీవల చూసిన సినిమాలు కొన్నింటి గురించీ.
పా: జూన్ నుంచి ఎదురుచూస్తూ, ఆఖరికి సినిమా రిలీజైన నెలరోజులగ్గానీ చూడలేకపోయాను. ’చీనీకం’ సినిమా గుర్తొచ్చింది చాలాసార్లు, ఈ సినిమా చూస్తూ ఉంటే. బహుశా, దర్శకుడి శైలి వంటబట్టిందేమో నాకు. ఈ సినిమాకీ, ఆ సినిమాకీ కథాపరంగా చాలా తేడా ఉంది కదా (ఉందంటారా?), అయినా కూడా నాకు అడుగడుగునా చీనీకం గుర్తొస్తూ ఉండింది. బహుశా, బాల్కీ మార్కు కనబడకున్నా ఫీల్ అయ్యానేమో. అమితాబ్ బచ్చన్ కి జోహార్లు. ఈ వయసులో కూడా అందరిని తన చుట్టూ తిప్పుకోగలుగుతున్నాడు – దర్శకులనీ, ప్రేక్షకులనీ. ఇళయరాజా – ’ఆకాశం ఏనాటిదో…’ ట్యూన్ ని తమిళం,తెలుగుల్లో ఒక దృశ్యంలో, మలయాళ పాటలో ఇంకో నేపథ్యం (మళయాళ పాటలో ఇద్దరు చిన్నపిల్లలపై చిత్రీకరించినట్లు గుర్తు), ఇప్పుడు ’పా’ లో ఇంకో మూడ్లో… చాలా చక్కగా వాడేస్కున్నారు. నాకు చాలా నచ్చింది. ఇలా వాడటం ఆయనకేం కొత్తకాదనుకోండి, కానీ, ఆశ్చర్యపోడం నాకూ కొత్తేం కాదు. ’హిచ్కీ హిచ్కీ…’, ’ముడి ముడి..’ – నాకు రెండు పాటలూ చాలా నచ్చాయి. అరుంధతీనాగ్ ని మరికాసేపు చూపించి ఉంటే బాగుండు అనిపించింది… అంటే, నేను ’బిఖరే బింబ్’ నాటకం చూసి ఆమె ఏసీనయ్యా. దానితో మళ్ళీ కనబడేసరికి కాసేపు చూద్దామనిపించింది.
ఇక పోతే, నిజానికి, నాకు ఈ కథనం మరీ అంత నచ్చలేదు. అంటే, సినిమా చూడ్డానికి బాగుంది కానీ, చాలా విషయాలు ఒకే సినిమాలో చెప్పేసే అటెమ్ట్ అనిపించింది అప్పుడప్పుడు. ఉదాహరణకి – అభిశేక్ రాజకీయాలకి మరి కాస్త ఎక్కువ స్థానం ఇచ్చి ఉండాలేమో… ఫీల్ గుడ్ సినిమా… అలా తీద్దాం అనుకున్నప్పుడు మధ్యలో సాంఘిక సమస్య ఒకటి తెచ్చి – సగంలో వదిలేయడం ఏమిటో… బహుశా, నేనే రాంగ్ ఎస్టిమేషన్ వేసి ఉండొచ్చు ఈ విషయం గురించి – దర్శకుడు దాన్ని కథలో ఓ భాగంగానే చూశాడేమో… ఏమైనా, బాల్కీ మూడో సినిమా కోసం వెయిటింగ్.
త్రీ ఇడియట్స్ : అమీర్ఖాన్ స్కూల్లో ఐడియాలు – వీటి కోసం సినిమాని చూడొచ్చు 
నాకు క్రియేటివ్ గా అనిపించాయి. అరవింద్ గుప్తా అనుకుంటా -ఐఐటీలో చదువుకుని, ఇలా ఎడ్యుకేషన్ టాయ్స్ చేయడం మొదలుపెట్టినాయన – ఆయనని స్పూర్తిగా తీసుకున్నట్లు ఉన్నారు ఈ భాగానికి. ఇకబోతే పాటలు – విడిగా విన్నప్పుడు నాకంత ఎక్కలేదు. కానీ, సినిమా చూసొచ్చాక మాత్రం – “జూబి డూబి”, “ఆల్ ఈజ్ వెల్” వెంటాడ్డం మొదలుపెట్టాయి. అయితే, నా వోటు మాత్రం… ’గివ్ మీ సమ్ సన్షైన్’. కొంతవరకూ చేతన్ భగత్ నవల లానే ఉందేమో కానీ, ఏమిటో, ఇలా ఈ సినిమా ఇంతలో అంత ఎలా సంపాదించిందో అర్థం కాలేదు. అప్పట్లో రాకెట్సింగ్ నాకంత నచ్చలేదు. ఈ సినిమా తో పోలిస్తే, అదే నచ్చింది నాకు. అదేమో పెద్ద ఆడినట్లు లేదు….
ఇక అసలు కథకి రావాలి కదా: నన్ను ఈ వ్యాసం రాయిస్తున్న సినిమా – “సీతా సింగ్స్ ది బ్లూస్“ – యానిమేషన్ చిత్రం. సినిమా కథ, నిర్మాణం, దర్శకత్వం, యానిమేషన్ నిర్వహణ – మొత్తం ఒకరే - నీనా పాలే అన్న అమెరికన్ కళాకారిణి. నీనా సొంత కథతో, రామాయణ కథని ఇంటర్లీవ్ చేసారు. నాకు ఈ సినిమా చాలా సృజనాత్మకంగా అనిపించింది…
హీరోయిన్, ఆమె భర్తా, వాళ్ళ పిల్లీ : వీళ్లదో చిన్న సంసారం. సాన్ ఫ్రాన్సిస్కో లో ఉంటూ ఉంటారు. ఇంతలో ఆమె భర్త ఏదో ప్రాజెక్టు పని పై త్రివేండ్రం వెళ్తాడు. వీళ్ళ మధ్య దూరం పెరుగుతుంది. కొంతకాలానికి ఉన్నట్లుండి అతను ఈమె తో సంబంధాలు తెంచేస్కుంటాడు. ఆమెకి షాక్. ఈ సమయంలోనే ’రామాయణం’ అధ్యయయనం చేస్తూ, సీత జీవితాన్ని అనలైజ్ చేసి తనని పోల్చుకుంటూ – ఇలా గడుపుతుంది. సినిమాలో – రామాయణం, సీత మనోభావాలు : వీటిపై ఎక్కువ శ్రద్ధ పెట్టారు. సీత పాడే పాటలున్నాయి చూశారు – చాలా టచింగ్.
పిల్లి సినిమా మొదట్లో భార్యాభర్తల్ని నిద్రలేపే సీన్ – నవ్వాగలేదు చూడగానే.
చంద్రుడు నడుస్తున్నట్లు చూపే దృశ్యాలు, లంకా దహనం, సీతా-రాముల మధ్య ’పాతివ్రత్యం’ తాలూకా సంభాషణలు, సీతా-నీనా : సోలో సాంగ్ చిత్రీకరణ – అన్నీ చాలా సృజనాత్మకంగా ఉన్నాయి. పాటల చిత్రీకరణ, పాత్రల రూపురేఖలు – అసలు నాకు విజువల్, నేపథ్య సంగీతం పరంగా సినిమా బాగుంది. గ్రాఫిక్ నవల ఒకటి రాయాల్సింది ఈ పేరుతో.
అసలు, ఈ కథ నడుస్తూ ఉంటే, తోలుబొమ్మల్లాంటి ఆకారాలు వ్యాఖ్యానాలు చేస్తూ ఉంటాయి – కామెడీ. ప్రస్తుత తరం పిల్లలు ఇలాగే చర్చించుకుంటూ ఉంటారేమో… రామా అంటే, దశరథాస్ సెకణ్డ్ సన్ కదా… అని ఒకరంటే, నోనో, ఐ థింక్ హీ ఈజ్ ది ఎల్డెస్ట్ అని ఇంకోరు….
సినిమా ఓవరాల్ గా హాయిగా ఎంజాయ్ చేయగల సినిమా. రామాయణం కథని ఒక అమెరికన్ కోణంలో చెబితే ఇలాగే ఉంటుందేమో. మధ్య మధ్య – ఇలా ఎందుకు చేసినట్లు? ఇలా చేసుండకూడదేమో – ఇలాంటి చర్చలు – ఆసక్తికరంగా ఉన్నాయి సంభాషణలు.
ఈ సినిమా మంచి ప్రయోగం. క్రియేటివ్ కామన్స్ లైసెన్స్ కింది ఈ సినిమా ఉచితంగా డౌన్లోడ్ కి విడుదల చేశారు.
నీనా పాలే గురించి నాకు మహా క్యూరియస్ గా ఉంది. ఈవిడ తీసిన వేరే డాక్యుమెంటరీలూ, సినిమాలూ ఏవన్నా తెలిస్తే ఇక్కడ రాద్దురూ?
Filed Under: featured • lead • అమెరికా • ప్రపంచ సినిమా • భారతీయ సినిమా • సమీక్ష • హిందీ
సీతా సింగ్స్ బ్లూ మహాధ్భుత మైన వర్క్, కాన్సెప్ట్, కారెక్టర్ డిజైనింగ్, ఆనిమేషన్ … వన్ పర్సన్ వర్క్ ఆనిమేషన్ లొ ఎంత కష్టమొ!! దీని మీద అవగాహన వున్నవాల్లు గుండెల మీద చేతులేసేసుకుని నొరుతెరుచేసుకుని అమాంతం అలాగే వుండిపొవాల్సిన విషయం. ఏది ఎమైనా సీతా సింగ్స్ బ్లూ ఇలా బ్లాగులొ చదవాల్సి రావడం మరొ గొప్ప ఆనందం, మీ పొస్ట్ ద్వారా ఈ వర్క్ ని మరొ పది మంది చూడగలిగితే ఆ కళా కారిణికి అంతకన్నా ఆనందం ఏం వుంటుంది?
అభినందనలు!
ఇది నవతరంగం సవినయంగా సమర్పించిన 1000 వ్యాసం.ఈ సందర్భంగా నవతరంగం పాఠకమహాశయులకు,వ్యాసకర్తలకు మరియు ఈ వ్యాసాన్ని మనకందించిన సౌమ్య గారికీ నవతరంగం బృందం తరపు నా హృదయపూర్వక ధన్యవాదాలు.
WOW! Good going NT.. Keep rocking!
I loved Sita Sings Blues! ఇక్కడ అయిన ఒక సిమిమా ఉత్సవంలో చూశాను. ఆ చిత్రం గురింఇ రాయవలసినది చాలానే ఉంది.
౩ ఇడియట్స్, నవ్వు తప్పిన్ఇనా, పెద్దగా గొప్పగా లేదు.
PS: I’ve problems typing in Telugu. I cant seem to use ‘c’. Please check.
@manjula
you can ch to write చ
ఈ రచన ఉద్దేశం ఏమిటో నాకు ఏమాత్రం అర్ధం కాలేదు.
మీరు ఒక మూడు సినిమాలు చూసి ఉంటే, అవి మీకు ఎలా అనిపించాయో చెప్పాలనుకుంటే మీకో బ్లాగు ఉంటే అందులో రాయొచ్చు కదా.. ఏ మాత్రమూ ఒకదానికొకటి సంబంధంలేని మూడు వేర్వేరు జానర్స్ కి చెందిన సినిమాల్ని ఒకే వ్యాసంలో కలగలిపేస్తే చదువరులు దేని గురించి వ్యాఖ్యానించాలి?
@abhimani: ఉద్దేశ్యం నాకు అనిపించిన ఫీలింగ్స్ మీ అందరితో పంచుకోడమే. అది వ్యాసం మొదట్లోనే చెప్పను కద. ఇలాంటివి నవతరంగంలో రాయకూడదు అని నాకు తెలీదు. నాకెవరూ చెప్పలేదు. ఇక మీదట రాయను లెండి. తెలిపినందుకు ధన్యవాదాలు. అసౌకర్యానికి క్షమాపణలు. వీలైతే ఇది ఇక్కడి నుండి డిలీట్ చేయమంటారా?
ఫీలింగ్స్ ని పంచుకోవటానికే ఈ సైట్ ఉన్నది. అలా పంచుకోకూడదని కూడా నేను అనలేదు. కాని three altogether different movies గురించి రాసి మమ్మల్ని గందరగోళం పెట్టకండి అన్నా అంతే. మీరు ఈ మూడు సినిమాల గురించి మూడు వేర్వేరు ఆర్టికల్స్ నిరభ్యంతరంగా రాయండి.
మీ రచన వల్ల నాకు ఎలాంటి అసౌకర్యమూ కలుగలేదు, నా కామెంట్ వల్ల మీకు కలిగినట్లుగా.
మీరు నవతరంగం నిర్వాహకులు కనుక మీరు ఏమి రాసినా వేసుకోవచ్చు. పైగా త్రీ ఇడియట్స్ కంటే రాకెట్ సింగ్ బాగుందనే బహు చిత్రమైన కామెంట్ ఒకటి. (మీ ఇష్టం మీది, నేను కాదనటం లేదు సుమా..)
ఇలాంటి రచన వేరే ఎవరైనా పంపి ఉంటే ప్రచురించే వాళ్ళా? పోనీ నేనే ఒక వ్యాసం రాస్తాను. అదుర్స్, అవతార్, ప్యార్ ఇంపాసిబుల్ … ఈ మూడు సినిమాల మీద నా అభిప్రాయం ఒకే వ్యాసంలో రాస్తా. అవతార్ కంటే నాకు అదుర్స్ బాగా నచ్చింది అని కూడా రాస్తా. ఇది కేవలం నా అభిప్రాయం మాత్రమే అని బోల్డ్ లెటర్స్ లో రాస్తా. మీరు నవతరంగంలొ వేస్తారా? చెప్పండి.
చివరిగా, అయాచితంగా ఒక ఉచిత సలహా. వ్యంగ్యంతో ఎదుటివాళ్ళని ఎగతాళి చేయటంకన్నా సూటిగా సమాధానమిచ్చే అలవాటు చేసుకోండి.
@Abhimani : Thanks!
@Abhimani: అన్నట్లు నా విచిత్ర వ్యాఖ్య : మరి, త్రీ ఇడియట్స్ కంటే నాకు రాకెట్సింగ్ బాగా అనిపించింది…అదేమో ఫ్లాపైందే! అని అన్నా! అది విచిత్రంగా అనిపిస్తే నేనేం చేసేది…ఎవరన్నా అనుకునేవే ఇలాంటివి. ఏదో ఒకటి అనాలి కదా అని అంటూ పోతే ఎలాగండీ?
@అభిమాని: ఈ వ్యాసం సమీక్ష-అభిప్రాయం అనే పట్టికలో పొందుపరచబడింది. కాబట్టి వ్యాసం యొక్క ఉద్దేశం అర్థంకాలేదనే మీ వ్యాఖ్య అసంబద్ధం.
నవతరంగంలో సినిమాల పట్ల వ్యక్తిగత అనుభూతుల్ని,అభిప్రాయాల్నీ పంచుకోకూడదు అనే నియమం ఏదీ లేదు. నవతరంగం ఒక వేదిక. ఇక్కడ అన్ని రకాలైన అభిప్రాయాలకూ అవకాశం ఉంది.
ఇలా ఒకవ్యాసంలో మూడు సినిమాల గురించి రాస్తే దేనిగురించి స్పందించాలి అనేది చదువరిగా మీ choice. ఇక్కడ అందరు వ్యాఖ్యాతలూ అదేచేశారు. మీరూ అదే చెయ్యండి.
ఇప్ప్పుడే చూసానండీ sita sings the blues. Marvelous!!
రామాయణం ఇంత ఇంట్రెస్టింగ్గా ఎప్పుడూ అనిపించలేదు.ఈ సినిమా వెనుక కధా,తీసిన విధానం,ఇత్యాది వివరాలు ఎవరికైనా తెలిస్తే పంచుకోగలరు…
http://www.sitasingstheblues.com లి౦కులో చూడ౦డి
నేను నవతరంగానికి కొత్త నాకు ఈ సైట్ చాలా బాగా నచ్చింది. ఈ కథనం చూసి సీత సింగ్ ది బ్లూస్ చూడాలనిపించి చూసాను.
చిత్రం చాలా కొత్తగా ఉంది. చాల కష్టం, రామాయణం ఒక కొత్త కోణం లో చూపించటం చాలా బాగా నచ్చాయి.
నేను రామాయణం చదవలేదు, తెలిసింది అర-కొర జ్ఞానమే. కాని నమ్ముతాను… అది prejudice కావచ్చు కాని వేటికి దూరంగా ఉండాలి, వంటి బుద్ధులని ఈ హిందూ mythology కొంత మేరకు నేర్పిందనే చెప్పాలి. అది నాకెంతో మానసిక ప్రశాంతత, జ్ఞానం ఇచ్చింది. ఇందులో రామాయణాన్ని రాముడి తత్వాన్ని తప్పుబట్టిందని నాకు అనిపిస్తుంది. ఎందుకంటే సనాతన ధర్మ సూక్ష్మాల గురించి పస్చ్యత్తులు అర్థం చేసుకున్న రీతి వేరుగా ఉంటుంది.
మన రాస్త్ర గోవర్నరు N.D.తివారి ఎవరితోనో కులికితే రాష్ట్రానికేంటి ? అని అనుకున్నారా ? యథా రాజ తథ ప్రజా అన్నారు కదా ! అలాంటప్పుడు సీతని ఆసరాగా తీసుకొని ప్రజలు పెళ్ళాలని కొడుతూంటే సీతతో కూలంకషంగా చర్చించి బయటకి పంపడంలో తప్పేదైనా ఉందా? అసలు సీత రాముడిని వదిలి వెళ్ళిపోతూ బాధపడిందా అని నా సందేహం.
కథలో చెప్పినట్టే హనుమంతుడితో ఎగిరిపోవచ్చు కదా ! కాని దొంగ పధ్ధతి ధర్మ పధ్ధతి కాదు. అదీ అసలు విషయం.
రాముడు సీత తో కామ్ప్రమయ్జ్ అయ్యి ఉండచ్చు కదా ? రాముడు రావణుడిని చంపి తీసుకొని వెళ్ళాలని ప్రాణాలను ఎసారుగా పెట్టడం సీత తప్పు కాదా, అని నేను అడుగుతా అది తప్పా ?
ఒక సారి ఒక ప్రశ్న ప్రాచూర్యం పొందింది. కంసుడు దేవకీ వాసుదేవులని వేరే వేరే చెరసాలలో పెడితే అసలు ఆ ఎనిమిదవ కొడుకు పుట్టేవాడు కాదు కదా అని. కాని అలా భార్య భర్తలని విడదీయడం (యుగ)ధర్మం కాదు అందుకే అలా చెయ్యలేదు అని తెలిసిన అతను ఈ మధ్యనే చెప్పారు. అలంటి సూక్ష్మమైన విషయాల్ని ఇప్పుడు మెల్లగా కప్పిబుచ్చి పుస్తకాల్లో తేడాగా రాయటమూ, వారికి అనుగుణంగా రాయటము ఆ విషయం ప్రపంచం అంతటా creativity పేరు మీద అందరికీ చెప్పటము అంత సమంజసం కాదేమో అనిపిస్తుంది.
అప్పటి కాలం లో స్థితప్రజ్ఞత, అహంభావం వంటి బుద్ధుల మీద ఈ ideal మనుషులు వర్ణింపబడ్డారు. కాని అవి మన దేశములోనే చాల ఆచారాల్లోనూ, నమ్మకాల్లోనూ మరచిపోయారు.
ఇప్పుడు అది ఈ అర-కొర రీసెర్చ్ తో ప్రపంచం అంతటా చెప్పడం మనకే ఇబ్బందికరం. భవిష్యత్తులో ఎవరి పేరైన రామ్ అని ఉంటే… ఆ చెత్త వెధవ పేరు పెట్టుకుంటావా అని అడిగితే బాగోదేమో !
రామాయణాన్ని ఇలా తనకి అనుగుణంగా వాడుకోవడం నాకు ఎందుకో నచ్చలేదు. దానికి బదులు వేరే కథ ఏమైనా రాస్కోని ఉండవలసింది.