అవతార్-మరోవ్యూ
![]()
నవతరంగంలో ఇప్పటికే అవతార్ సినిమా గురించి ఎన్నో రివ్యూలు వచ్చాయి, ఇది మరోవ్యూ. ఒక్క ముక్కలో చెప్పాలంటే, ఈ సినిమా కథ మౌళికంగా మనుషుల, ప్రత్యేకంగా పాశ్చాత్య దేశాల మేధావుల పశ్చాత్తాపం అని అనుకోవచ్చు.
తాను కూర్చున్న కొమ్మను నరుకుతూ, గడిచిన కాలంలో ఈ భూమిపైనున్న ప్రకృతిని రెండు చేతులతో నిర్దాక్షిణ్యంగా నాశనం చేస్తూ వచ్చిన మనిషి, రేపటి తరాలకు ఏమి మిగులుస్తున్నాడో తెలియక, గతాన్ని చూసి బాధపడుతూ, తాను నేర్చుకున్న పాఠాలను వల్లె వేయడమే ఈ సినిమాలో చేసిన పని. ప్రకృతితో సహజీవనం చేసే తెగలను గౌరవించి, అర్ధం చేసుకోవడానికి ప్రయత్నిస్తూ, పొగుడుతూ అలాగే అభివృద్ధి పేరిట ప్రకృతి దహనం చేసే వారిని తెగనాడుతూ, విలన్లుగా చిత్రీకరించి, ఈ రెండు కోణాల్ని మనకు 3డిలో చూపించే ప్రయత్నం చేశారు జేమ్స్ కేమరాన్.
అవ అంటే దిగి రావడం, తార్ అంటే నక్షత్రం. అవతార్ అంటే, తార నుండి దిగి రావడం అని అర్థం. మన పుస్తకాల్లో రాముడు, కృష్టుడు అవతార పురుషులు, వాళ్ళకు నీలి వర్ణం ఎందుకు ఆపాదించారో కానీ, అవతార్ సినిమాలోని పండోరా అనబడే ఈ అద్భుతమైన గ్రహం మీద నివసించే ప్రజలు మాత్రం నిగనిగలాడే నీలి రంగు చర్మంతో ఉంటారు. వారి జాతి పేరు నేవీ, అంటే నీలి రంగు అని అర్థం.
అ నేవీలను అర్థం చేసుకోవడానికి ప్రయత్నం ఒక వైపు, వారి సంపదను దోచుకోవడానికి మరో వైపు పెట్టుబడిదారి మానవులు పన్నాగాలు చేస్తుంటారు. ఈ సందర్భంగా మన హీరో జాతిని మరచి, ధర్మం వైపు నిలిచి, హీరోయిన్ నేత్రిని వలచి పక్కా తెలుగు సినిమా కథను తలపింపజేస్తాడు. తెలుగులో చూసినవారికి డాన్సులొక్కటే తక్కువ.
ఈ సినిమాలో పాశ్చాత్య ప్రేక్షకులకు (, మన ఇంగిలిపీసు సదువుల వాళ్లకు) కొత్తగా అనిపించే మరో విషయం పరకాయ ప్రవేశం (వాక్-ఇన్). మనం చిన్నప్పట్నుంటి మాయాబజార్, విఠలాచార్య సినిమాలను చూసి పెద్దగా పట్టించుకోకపోయినా. విదేశీ ప్రేక్షకులకు వాక్-ఇన్ అన్నది చక్కగా తెలియజెప్పారు. నేను అన్నది మెదడులోని ఒక భావన, గాడిద గుడ్డు అనుకునే సగం జ్ఞానం గల సైంటిస్టులకు ఇది ఒక పాఠం, నేర్చుకునే అవకాశం.
నేడు వైజ్ఞానిక శాస్త్రం ఎంతో అభివృద్ధి చెందింది. ఒక చేత ప్రాణాన్ని కాపాడే పనిముట్లు, మరో చేత తల్లి భూమిని ముక్కలు చేసే బాంబులు రెండూ తయారుగా ఉన్నాయి. కాలుష్యం చేతులు దాటి పోయి పర్యావరణ శాస్త్రజ్ఞులు తలలు పట్టుకున్నారు. మరొకవైపు భారత, టిబెట్, దక్షిణ అమెరికాలోని షామన్ మరియు ఇతర ప్రాచీన తెగల నాగరికతలపై అసక్తి పెరిగింది. మతాలు, మిషినరీల పేరిట జరిగిని విధ్వంసాన్ని చూసి ఆవేదన పడుతున్న సమయం.
విదేశాలలోని విజ్ఞానులు పడే ఆవేదననకు అద్దం పట్టిన సినిమా అవతార్.
భారతదేశపు మహా కావ్యం రామాయణం యొక్క మూల కథ మన జేమ్సుకు తెలుసని ఖచ్చితంగా చెప్పవచ్చు. ఈ నేవీ వారు చేసే ప్రార్థనలు మన సంస్కృత శ్లోకాలను గుర్తు చేస్తాయి, కాస్త దేశీయ సంగీతాన్ని కూడా వాడారు. కళ్ళున్న ప్రతీవాడు ఖచ్చితంగా చూడవలసిన సినిమా అవతార్.
–నాగన్న
Filed Under: featured • lead • అమెరికా • ప్రపంచ సినిమా • సమీక్ష
good interpretations
పాళీ గారు,
మీతో చతుర్లు కాదండి !!
నాగన్న గారు,
బాగుంది మీ రివ్యూ.
అసందర్భమే కాని, మీ “పెట్టుబడిదారి మానవులు” అన్న పదం వినగానే పకాలున నవ్వొచ్చింది. కారణం ఇదీ అని ఖశ్చితంగా చెప్పలేను.
గ్రాఫిక్స్ వర్క్ మాత్రమే చెప్పుకోదగింది. కథలో పట్టులేదు. సినిమా చూడలేక మధ్యలోంచే బయటకు వచ్చేసాను. డబ్బులు బొక్క.
wow! one of a kind!
మీ రివ్యూ చాలా బాగా వున్నది.ఇప్పటికైనా మానవుడు తన తప్పు తెలుసుకొని ప్రక్రుతితొ సహజీవనమ్ చెయ్యకపొయినట్లైతే వాడికి మనుగడ లేదు.
Sorry, Nitpicking. అవతార్ – అంటే తార నుండి దిగిరావడం అని అర్థం కాదు. అసలు అవతారానికీ మీరన్న ‘తార’ కీ సంబంధం ఏమీ లేదు. సంస్కృతంలో తరణం అంటే దాటడం. దానికి ‘అవ’ అన్న ఉపసర్గ చేర్చి ‘అవతరణం’ అంటే దిగి రావడం అని అర్థం వస్తుంది. (ava- “off, down”). అవతారము అంటే దిగివచ్చినవాడు అని అర్థం. ఈ పదం ‘మరొక రూపం/వేషం’ అన్న అర్థంలో ఇంచుమించుగా స్థిరపడిపోతోంది.
ఎలాగూ కామెంటు రాస్తున్నాను కాబట్టి మీరు అన్న కొన్నిమాటలు నాకు బాగా నవ్వు తెప్పించాయని అనకుండా ఉండలేను.
>>నేను అన్నది మెదడులోని ఒక భావన, గాడిద గుడ్డు అనుకునే సగం జ్ఞానం గల సైంటిస్టులకు ఇది ఒక పాఠం, నేర్చుకునే అవకాశం.
- ఈ సినిమాలో మీరనుకుంటున్న పరకాయప్రవేశం సైన్సు ఫిక్షన్లో భాగమే. లేకపోతే హీరో ‘ఆత్మ’ ఏమన్నా ప్రయాణం చేసి ఆ గ్రహంలో వ్యక్తి శరీరంలోకి దూరినట్టుగా చూపించాడేమో నాకు తెలీదు; నేనీ సినిమా చూడలేదనుకోండి. ఒకవేళ అలా చూపిస్తే అది ఖచ్చితంగా విఠలాచార్య సినిమాయే అవుతుంది. (ఈ మాట మీకర్థం కాకపోతే వదిలెయ్యండి.)
[...] టపా పేరుతో నవతరంగంలో నా రివ్యూ ప్రచురించబడింది. వెంకట్ గారికి [...]
http://www.songs-jb.co.cc Plz visit the Blog having NEW TELUGU MOVIES WATCH Online.DOWNLOAD NEW SONGS
వ్యాఖ్యలకు నెనరులు
నాకైతే ఈ రివ్యూ అంతగా నచ్చలేదు. ఇంకాస్త మెచ్యూరిటీ అవసరం అనిపించింది.
nothing but hitech video game
గ్రాఫిక్స్ వర్క్ చెప్పుకోదగింది ఖచ్చితంగా చూడవలసిన సినిమా అవతార్