1000నవతరంగాలు
నవతరంగం పాఠకులకు, అభిమానులకు, సభ్యులకూ నమస్కారం.
పెద్ద పండుగ అయిపోయి మూడు రోజులయింది కానీ నవతరంగంలో మాత్రం ఈ రోజే పెద్ద పండుగ. నేటితో నవతరంగం లో వెయ్యి వ్యాసాలు ప్రచురించడం పూర్తయ్యింది. దాదాపు రెండేళ్ళ క్రితం అనుకోకుండా వచ్చిన ఒక ఐడియాని నవతరంగం గా రూపొందించి దానిని ఇన్నాళ్ల పాటు విజయవంతంగా నడపగలిగామంటే మీ అందరి సహాయసహకారాల వల్లనే సాధ్యమైందని చెప్పనక్కర్లేదు. ఈ సందర్భంగా అందరికీ మా హృదయపూరక ధన్యవాదాలు.
నవతరంగం మొదలుపెట్టేటప్పుడు ఇలాంటి ఒక రోజు వస్తుందని కలలో కూడా ఊహించలేదు. వెయ్యి వ్యాసాలంటే మాటలు కాదు. రెండేళ్ళపాటు ఎంతోమంది నిరంతంరంగా కృషి చేశారు కాబట్టే ఈ రోజు నవతరంగం ఆగకుండా సాగుతూనే ఉంది; కొనసాగుతుంది కూడా. అయితే కేవలం నవతరంగంలో ఆపకుండా వ్యాసాలు ప్రచురించడం మాత్రమే నవతరంగం లక్ష్యం కాదు. నవతరంగం మొదలుపెట్టినప్పుడు కొన్ని నిర్ధిష్టమైన లక్ష్యాలు, ఎజెండా తోనే మొదలయ్యాము. కానీ మధ్యలో ఎక్కడో నవతరంగం కాస్తా లక్ష్యాలకు దూరంగా నడిచిందేమో అనే అనుమానం ఈ మధ్యనే తలెత్తింది. అందుకు చాలానే కారణాలున్నాయి. వాట గురించి చర్చించేముందు అసలు నవతరంగం ద్వారా ఏం సాధించాలనుకున్నామో ముందుగా చెప్పాలి.
ప్రపంచ సినిమా పరిచయం:తెలుగు సినిమాల గురించి ఇంగ్లీషులోనూ తెలుగులోనూ వార్తలు, విశేషాలు, గాసిప్స్ ప్రచురించే ఎన్నో వెబ్ సైట్లు ఈ రోజు మనకి ఉన్నాయి. దాదాపు సంవత్సరానికి యాభైకి పైగానే ఇలాంటి వెబ్ సైట్లు పుట్టుకొస్తున్నాయి. అయితే ఇందులో ఏ ఒక్క సైటు కూడా ప్రపంచ సినిమాని తెలుగు వాళ్ళకు పరిచయం చేసే ప్రయత్నం పెద్దగా చెయ్యలేదనే చెప్పాలి. అయితే సాఫ్ట్వేర్ పుణ్యమో లేక డివిడ్ పైరసీ పుణ్యమో నేడు ప్రపంచ సినిమా మన దేశం ఫుట్ పాథ్ ల మీదకొచ్చి పడింది. అయితే ప్రపంచ లోని వేల కొద్దీ సినిమాల్లో మంచివాటి గురించి నవతరంగం వ్యాసాలు ప్రచురించి ప్రచారం కల్పించాలనుకున్నాము. ఆ ప్రయత్నంలో భాగంగానే వందకి పైగా ప్రపంచ సినిమాల గురించి నవతరంగంలో వ్యాసాలు ప్రచురించాం.
విశ్లేషణ: సినిమా గురించి సమీక్షలు, టిడ్బిట్స్ కి మాత్రమే పరిమితమైన ఇతర వెబ్ సైట్లకు భిన్నంగా నచ్చిన/నచ్చని సినిమాల గురించి లోతైన విశ్లేషణాత్మకమైన వ్యాసాలు ప్రచురించాలన్నది మరో లక్ష్యం. ఒక విధంగా ఆ పని కూడా సక్రమంగానే చేశాం. ఇప్పటివరకూ నవతరంగంలో వచ్చిన విశ్లేషణలు 139.
చలనచిత్రోత్సవాలు:ప్రపంచంలో జరుగుతున్న, జరగబోయే చలనచిత్రోత్సవాలు, అక్కడ ప్రదర్శించబోయే చిత్రాలు, చివరకు ఆ ఉత్సవంలో ఎన్నికైన విజేతల వివరాలతో కూడిన సమాచారం గురించి రాయాలని మొదలుపెట్టినా ఇక్కడ మాత్రం అనుకున్నదానికంటే ఎక్కువే చేసినట్టనిపిస్తుంది. ఇలాంటి సమాచారం రాయాలనుకున్నప్పుడు ఎక్కడో ఏదో వెబ్ సైట్ లోనో వార్తా పత్రికలోనో వచ్చిన సమాచారాన్ని ఇక్కడ ప్రచురించవచ్చు. కానీ మేము ఇక్కడ ఇలాంటి సమాచారం పొందుపరుస్తున్నాం మీ చిత్రోత్సవానికి మమ్మల్ని ఆహ్వానించరూ అని అడగాలనే ధైర్యం మాత్రం నవతరంగమే ఇచ్చింది. ఈ అవకాశాన్ని సద్వినియోగపరుచుకుని లండన్ ఫిల్మ్ ఫెస్టవల్, బుకరెస్ట్ ఫిల్మ్ ఫెస్టివల్, గోవా ఫిల్మ్ ఫెస్టివల్, త్రివేండ్రం ఫిల్మ్ ఫెస్టివల్, హైదరాబాద్ ఫిల్మ్ ఫెస్టివల్స్ కి నవతరంగం సభ్యులు accredited press members గా హాజరు కావడం జరిగింది. అంతే కాదు కరీంనగర్ ఫిల్మ్ ఫెస్టివల్ లో నవతరంగం ఒక భాగం అయ్యింది. గత సంవత్సరం ప్రకటించిన నవతరంగం అవార్డు ఇందుకు ఒక ఉదాహరణ అయితే ఈ సంవతర్సరం కరీంనగర్ ఫిల్మ్ ఫెస్టివల్ లో రెండు రోజులపాటు నవతరంగం సభ్యులు సినిమాకి సంబంధించిన వివిధ అంశాల గురించి అక్కడ సెమినార్లలో ప్రసంగించనున్నారు. ఆ విధంగా చలనచిత్రోత్సవాలకి సంబధించి నవతరంగం ఎంతో ఉత్సాహంగానే ఉంది. అలాగే 50 కి పైగా వ్యాసాల ద్వారా వివిధ చిత్రోత్సవాల సమాచారం నవతరంగంలో పొందుపరచబడింది.
ఇక పోతే సినీ ఉద్యమాలు: ప్రపంచ సినిమా రూపురేఖలను ఎప్పటికప్పుడు మార్చివేస్తూ సినిమా అనే కళకు కొత్త దిశను నిర్దేశిస్తూ ప్రపంచంలోని ఎన్నో దేశాల్లో ఉద్యమాల్లా సినిమాలు వెల్లువెత్తాయి. ఉదాహరణకు ఇటలీలో నియోరియలిజం, ఫ్రాన్స్ లో న్యూ వేవ్, బ్రిటన్ లో న్యూ సినిమా, మన దేశం లో ప్యారలల్ సినిమా, జపాన్ లో న్యూ వేవ్ ఇలా….ఎన్నో. వీటన్నిటి గురించిన సమాచారం ప్రచురించడంలో మాత్రం ఆలస్యం జరిగింది.
అలాగే ఫిల్మ్ క్రిటిసిజం తో ఆగకుండా నవతరంగం ద్వారా ఫిల్మ్ మేకింగ్ గురించి కూడా సమాచారం పొందుపరచాలనుకున్నాము. ఆ ప్రయత్నంలో శబ్ద గ్రహణం, ఎడిటింగ్, సినిమాటోగ్రఫీ, స్క్రీన్ ప్లే లాంటి ఎన్నో అంశాలకు సంబంధించి వ్యాసాలు ప్రచురించాలనుకున్నాము. అయితే అనుకున్నంతగా ఈ విభాగంలో వ్యాసాలు రాలేదనే చెప్పాలి. ముఖ్యంగా లఘుచిత్రాల విభాగంలో తెలుగు వారు తీసిన లఘు చిత్రాలను ప్రదర్శించాము. ఇంకా కొన్ని ప్రదర్శించడానికి సిద్ధంగా ఉన్నాయి కూడా. నవతరంగం లో ఉన్న లఘు చిత్రాల కలెక్షన్ మాత్రం పెద్ద ఎసెట్ అని చెప్పొచ్చు.
వీటన్నిటికంటే ముఖ్యంగా నవతరంగం లో ఫోకస్ మరియు ఈ నెల సినిమా అనే రెండు శీర్షికలు నవతరంగానికే ప్రత్యేకం. ఫోకస్ శీర్షిక ద్వారా ప్రతీ నెలా ఒక ప్రముఖ దర్శకున్ని పరిచయం చేయాలన్నది మా అలోచన. అలాగే ’ఈ నెల సినిమా’ అనే శీర్షిక ద్వారా నెలకో మంచి (అంతగా ప్రాచుర్యం చెందని)సినిమాని పరిచయం చేయాలనుకున్నాం. సంవత్సరం కి పైగా ఈ శీర్షికలు కొనసాగినా ఆ తర్వాత సమాయాభావం వల్ల ఈ వ్యాసాల కొనసాగించడం జరగలేదు.
అలాగే ప్రముఖుల పరిచయాలు, పాఠకుల అభిప్రాయాలు, ప్రముఖులు రచించిన వ్యాసాలు, సినిమా సంగీతానికి సాహిత్యానికీ సంబంధించిన వ్యాసాలు, ప్రముఖులతో ఇంటర్వ్యూలు కూడా ప్రచురించాము. అలాగే ఇతర భారతీయ భాషలకు చెందిన మంచి సినిమాల గురించి కూడా 200 దాకా వ్యాసాలు ప్రచురింపబడ్డాయి.
అంతా మేమనుకున్నట్టుగానే జరిగింది. కాకపోతే కొద్దిగా ఎక్కడో తప్పు జరిగిపోయింది. మొదటినుంచీ తెలుగు సినిమా సమీక్షలొద్దు మొర్రో అన్నా వినకుండా మేమే మొండిగా సమీక్షలు ప్రచురించాం. దాదాపు వంద సమీక్షలొచ్చాయి. అంటే నవతరంగంలో పది శాతం. ఇక్కడే అసలు సమస్య వచ్చిపడింది. ఇతర దేశ,భాష ల సినిమాలు మాత్రం బావుంటేనే వ్రాయడం తెలుగు సినిమాకొచ్చేసరికి మనం చూసినవాటన్నింటి గురించి వ్రాయడం జరిగింది. అయితే మన తెలుగు సినిమా 99% ఫెయిల్యూర్స్ గా నిలుస్తున్న ఈ రోజుల్లో ఈ సినిమా సమీక్ష వ్రాసినా బాగోలేదనే వ్రాయాల్సి రావడంతో నవతరంగంలో వ్రాసే వాళ్ళంతా తెలుగు సినిమాని చిన్న చూపు చూస్తున్నారనే ఒక అపోహ మొదలయ్యింది. ఉత్తమ ఆశయాలతో మొదలుపెట్టన నవతరాంగం రెండేళ్ల తర్వాత చూస్తే ఈ వంద సినిమా సమీక్షలే నవతరంగం అయినట్టుగా అనిపిస్తుంది. ఎందుకంటే ఈ వంద వ్యాసలకొచ్చిన కామెంట్లు వాటి మీద జరిగిన చర్చలను మిగిలిన వ్యాసల మీద జరిగిన చర్చలతో పోలిస్తే మీకే అర్థమవుతుంది.
అలాగే నవతరంగం లో ఇప్పడు 60 కి పైగా సభ్యులున్నా అందులో active గా పని చేస్తుంది మాత్రం పదిమందికంటే తక్కువే. 60 మంది సభ్యులు నెలకి ఒక్క వ్యాసం ప్రచురించినా కూడా రోజుకి రెండు వ్యాసాల చొప్పున నవతరంగం కళకళలాడుతూ సాఫీగా సాగిపోయే అవకాశం ఉంది. అయినా కూడా అలా జరగలేదు. దాంతో నవతరంగం లో ఆగకుండా వ్యాసాలు ప్రచురించాల్సిన బాధ్యత కొద్దిమీదే పడడంతో కొంతమంది ఇబ్బందికి గురైన మాట వాస్తవం.
ఇది చరిత్ర.
ఇక భవిష్యత్తు కార్యాచరణ ఏమిటి?
ముందుగా అన్ని పండుగలకూ శెలవులిచ్చినట్టే నవతరంగంకీ ఈ రోజు నుంచీ రెండు వారాల పాటు శెలవు దినాలుగా ప్రకటించడమైనది. తిరిగి ఫిబ్రవరి 4 నుంచి నవతరంగంలో వ్యాసాలు ప్రచురింపబడతాయి. ఈ లోగా నవతరంగం భవిష్యత్తు గురించి అందరితో చర్చించి కొన్ని నిర్ణయాలు తీసుకోవాలని మా అలోచన.
ఈ లోగా నవతరంగం సభ్యులకు ఒక ముఖ్య గమనిక.
నవతరంగం లో ఇక పై సభ్యులుగా కొనసాగకూడదనుకున్న వాళ్ళు తమ వివరాలను admin at navatarangam dot com కి మైల్ చెయ్యగలరు. మీ సభ్యత్వం తొలగించాక మీ వ్యాసాలు అతిథి వ్యాసాలుగా మార్చబడతాయి.
ఈ నెల 25 వ తేదీ లోగా మీ వివరాలు అందకపోతే ఈ క్రింది criteria ద్వారా అర్హులు కాని వారి సభ్యత్వం రద్దుచేయబడుతుంది.
గత ఆరు నెలల్లో ఒక్క వ్యాసమైనా ప్రచురించని వారు;ఆగష్టు 2009 ముందు నవతరంగంలో సభ్యునిగా నమోదు చేసుకుని ఇప్పటి వరకూ నాలుగుకంటే తక్కువ వ్యాసాలు ప్రచురించిన వారు;నవతరంగంలో కొనసాగడం ఇష్టం లేని వారు-వీరందరి సభ్యత్వం ఈ నెలాఖరులోగా రద్దుచేయబడుతుంది.
ప్రస్తుతానికి తీసుకున్న నిర్ణయాలలో ఇదొకటి. అలాగే మరొక ముఖ్య నిర్ణయం కూడా ఉంది. ఇక నుంచీ తెలుగు సినిమా సమీక్షలను నవతరంగంలో ప్రచురించకూడదని నిర్ణయించబడింది. అలా అని కొత్త తెలుగు సినిమాల గురించి అసలే వ్రాయకూడదని కాదు. ఇక నుంచీ సమీక్షలు కేవలం సినిమా బాగోలేదని చెప్పడమే కాకుండా ఏం చేస్తే ఆ సినిమా బావుండేదో తెలియచేస్తూ వ్రాసే విశ్లేషణాత్మకమైన వ్యాసాలను మాత్రమే ప్రచురిస్తాము. అలాగే ఇక పై అన్ని వ్యాసాలు మా ఎడిటోరియల్ టీం approve చేశాక మాత్రమే నవతరంగంలో వ్యాసాలు ప్రచురింపబడతాయి.
నవతరంగంలో సభ్యునిగా చేరకుండా కూడా మీ వ్యాసాలు నవతరంగంలో ప్రచురించాలంటే ఇక నుంచీ editor at navatarangam dot com కి మైల్ చెయ్యగలరు.
ఇప్పటికింతే
శెలవు (Feb 4th వరకూ). ఆ తర్వాత మళ్ళీ నూతనోత్సాహంతో విజృంభణే 
Filed Under: featured • lead • వార్తలు-ప్రకటనలు
“ఇక పై అన్ని వ్యాసాలు మా ఎడిటోరియల్ టీం approve చేశాక మాత్రమే నవతరంగంలో వ్యాసాలు ప్రచురింపబడతాయి” !!
manchi nirnayam
!!
Congrats on 1 K !!
శుభాకాంక్షలు. ఆలోచనలు బావున్నాయి. మంచి నిర్ణయాలు తీసుకున్నారు. అన్ని ఆచరణ లో పెడతారని ఆశిస్తున్నాను.
జై హో నవతరంగం.
అభినందనలు నవతరంగం టీం. విశ్లేషణ & కొత్త నిర్ణయాలు బాగున్నాయి.
అభినందనలు ఈ నిర్ణయం మరిన్ని మంచి నిర్ణయాలకు దారి తీయాలని కోరుకుంటూ
మార్పు సాధారణ అవసరం,
ఒకసారి గతం అవలోకనం చేసుకుని
భవిష్యత్ లక్ష్యాలను నిర్ణయించుకొని
వర్తమానానంలొ పనిచేయడం
మంచి నిర్ణయం
చల మన్చి నిర్నయమ్.ంఈ గురిన్చ్ వెచి చుస్తున్తము.
రెండు వారాలా………………………………!
>> ఇక నుంచీ సమీక్షలు కేవలం సినిమా బాగోలేదని చెప్పడమే కాకుండా ఏం చేస్తే ఆ సినిమా బావుండేదో తెలియచేస్తూ వ్రాసే విశ్లేషణాత్మకమైన వ్యాసాలను మాత్రమే ప్రచురిస్తాము.
ఈ నిబంధన బాగుంది. అంతే కాకుండా సినిమా విశ్లేషణ అని చెప్పి సినిమా కథ మాత్రమే వ్రాసే ఆనవాయితి మారాలి. సినిమా కథలు wikipedia లో లేక internetలో ఎక్కడైనా దొరుకుతాయి. ఐతే రచయత తన అభిప్రాయాలను చేర్చి (ఉ|| ఆ సన్నివేశంలో ఆ పాత్ర ఇలా కాకుండా చేసుంటే ఇంకోలా వుండేది, లేదా అక్కడ edit cut అలా కాకుండా dissolve ఐతే బాగుండేది) వ్రాస్తే బాగుంటుంది. అంతే ఈ సన్నివేశం బాగుంది, ఆ నటుడి నటన బాగుంది అని వ్రాసే కన్నా అందులో ఏమి బాగుంది, ఎందుకు బాగుందని అనిపించింది లాంటివి వ్రాయటానికి ప్రయత్నిస్తే బాగుంటుంది.
సభ్యత్యం వల్ల కలిగే అదనపు సదుపాయమేమిటో స్పష్టంగా తెలిపితే అందరూ ఒక నిర్ణయం తీసుకోవడానికి ఉపయోగపడుతుంది.
Kudos to the Navatharangam team. Its a good effort.
వెంకట్! అభినందనలు. వెయ్యి పండగ సందర్భంగా మీకు, మీ అడ్మిన్-టీం కు… వెయ్యాల్సిందే వీర తాళ్ళు. టైం ఉన్నప్పుడు మెయిలు చేయండి. అసంపూర్ణంగా వదిలేసిన విషయం ఒకటి ఉండిపోయింది – పూర్తి చేద్దాం. ~wb
బాగుంది. 999వ వ్యాసానికి మహేష్ కామెంట్ పెట్టినప్పుడే అనుకున్నాను.. ఇలాంటి సింహావలోకనం అవసరమని. సినిమా రివ్యూల విషయంలో మీరు తీసుకున్న నిర్ణయం శుభపరిణామం. సభ్యత్వం విషయంలో కూడా మంచి నిర్ణయం తీసుకున్నారు. వెయ్యి వ్యాసాల నవతరంగానికి శుభంభూయాత్..
Great Team!! Congratulations
Congratulations and Great going!
అభినందనలు… అమ్మో ఇన్ని ఎలా వ్రాయగలిగారండి!
“అలాగే ఇక పై అన్ని వ్యాసాలు మా ఎడిటోరియల్ టీం approve చేశాక మాత్రమే నవతరంగంలో వ్యాసాలు ప్రచురింపబడతాయి.”
మంచి నిర్ణయం. Paranormal Activity సమీక్షలో అసలు సస్పెన్స్ చెప్పి వేయడంతో నవతరంగం బాధ్యతారాహిత్యాన్ని బాగా కెలుకుదామనుకొని అనుకున్నాను కానీ ప్చ్, నాకు ఆ అవకాశం లేకుండా చేసారు. హ్మ్మ్.
నవతరంగం కెలుకుడు క్యాన్సిల్!
http://sarath-kaalam.blogspot.com/2010/01/blog-post_19.html
Great journey…waiting for another 1000
ఒక సంవత్సరకాలంగా నవతరంగం అభిమానిని నేను. తెలుగు సినిమా సమీక్షలు ఆపెయ్యాలనే నిర్ణయం నాకు మాత్రం ఎంతో బాధ కలిగిస్తోంది.
ఇదివరలో ఇక్కడ ప్రచురించబడిన పలు రచనలు, వ్యాఖ్యలకు పలువురు సిని ప్రముఖులు కూడా స్పందించటం మనం చూసాం. పూరి జగన్నాద్, ఎస్వీ కృష్ణారెడ్డి, సుకుమార్, భాస్కరభట్ల మొదలైన వాళ్ళు కూడా మన సైట్లో కామెంట్లు రాసారు. ఇంతగా పరిశ్రమలోకి చొచ్చుకుని పోయిన సైట్ ఈ మధ్యకాలంలో వేరేది కనపడదు. అలాంటి అరుదైన ఘనతని సాధించిన నవతరంగం ఇప్పుడు ఏకంగా తెలుగు సినిమా సమీక్షనే రద్దు చేసుకోవటం.. అనూహ్యమైన పరిణామం.
వీలయితే ఈ నిర్ణయాన్ని పున:సమీక్షించగలరు.
పూరి జగన్నాద్, ఎస్వీ కృష్ణారెడ్డి, సుకుమార్, భాస్కరభట్ల మొదలైన వాళ్ళు కూడా మన సైట్లో కామెంట్లు రాసారు.ఎక్కద?? కొన్చెమ్ లిన్క్ ఇవ్వరూ???
నంది అవార్డులు వ్యాసం, ఎగిరే పావురమా, ఆర్య-2 రివ్యూలు చూడండి.
you did it siddareddy venkat…keep it up….
సభ్యత్యం గొదవేంటి….?
మొత్తానికి తెలుగు రివ్యూలు రాసి చాలా తప్పు చేసారు.. అని తేల్చారు..చాలా సంతోషం..అలాగే ఈ నిషయం గ్రహించకుండా ఇన్నాళ్లూ రాసినందుకు క్షమించండి…
సూర్య ప్రకాష్ జోశ్యుల
మీరు మరీనండీ సూర్యప్రకాష్ గారు,
మీ సమీక్షలు సినీరంగానికి కరదీపికలు. ఇక్కడ సమస్యల్లా, ఉద్దేశాన్ని గ్రహించకుండా ఉలిక్కిపడే కొందరు వ్యాఖ్యాతల గురించే. అత్తెసరు సినిమాల మీద అనవసరమైన చర్చలు ఎక్కువై విషయమున్న వ్యాసాల్ని పట్టించుకోని పరిస్థితి తయారయ్యింది. అందుకే ఈ నిర్ణయం.
Do you have a personal blog ??
I don’t wanna miss your reviews , ika pai ikkada post cheyyaka pothe blog lo ayina choodochhu ga !!
పనిలో పనిగా పాత వ్యాసాలను పొందగలిగే వీలు మరింత వీలుగా ఉండాలేమో చూడండి. ఉదాహరణకు నవతరంగంలో వచ్చిన తెలుగు సినిమా సమీక్షలన్నిటినీ చూడాలనుకోండి.. మొదటి పేజీ నుండి ఇది కుదరదు. అసలు సమీక్ష అనే లింకే కనబడలేదు. నేనెక్కడైనా మిస్సయ్యానా!?
నామటుకు నాకు, తెలుగు సినిమా సమీక్షలు ఆపాల్సినంత అవసరం కనిపించడం లేదు. నేను చదివిన సమీక్షలన్నీ బానే అనిపించాయి. మరీ పక్షపాతంతో ఉన్నట్టుగా అయితే అనిపించలేదు. నిజానికి కొన్ని ఇతర వ్యాసాల కంటే సమీక్షలే నయం. ఉదాహరణకు వేటూరి మీద రాసిన మొదటి వ్యాసం. ఇక వ్యాఖ్యలంటారా.. వాటికోసం వ్యాసాలను ఆపడమెందుకు? వ్యాఖ్యల్లో మోగే చప్పట్లను ఆపడం మీ చేతుల్లోనే ఉంది.
మ.. మా… మాస్ సినిమాల గురించి మేము వ్రాసుకుంటాము గానీ క్లాసు సినిమాల గురించి మీరు వ్రాసుకోండి. నవతరంగాన్ని కాస్త క్లాస్ గా వుండనివ్వండి!
Hi,
I am very happy to see your future plans/ Changes / Controls. I think you have not noticed that there is some text/matter/comments is there which is unable to digest as a TELUGU website reader. Please read the above / below published text / comments
అంతా మేమనుకున్నట్టుగానే జరిగింది. కాకపోతే కొద్దిగా ఎక్కడో తప్పు జరిగిపోయింది. మొదటినుంచీ తెలుగు సినిమా సమీక్షలొద్దు మొర్రో అన్నా వినకుండా మేమే మొండిగా సమీక్షలు ప్రచురించాం. దాదాపు వంద సమీక్షలొచ్చాయి. అంటే నవతరంగంలో పది శాతం. ఇక్కడే అసలు సమస్య వచ్చిపడింది.
ఇక నుంచీ తెలుగు సినిమా సమీక్షలను నవతరంగంలో ప్రచురించకూడదని నిర్ణయించబడింది
Now, come to the point and Please Note my comments
1. Telugu Cinema Reviews: Have you not benefited with Telugu Cinema Reviews.? MORRO ANE STAYUKI VACHARA.
Please remember, This site is for telugu people, TELUGU CINEMA & Telugu readers. You can suggest the Review writer to change the methods of review, but not like MORRO. I feel it is shame to say MORRO after achieving 1000 article and 100 = HUNDRED TELUGU CINEMA REVIEWS.??!!
2. Navatarangam – What type of website?
You have forgot the that, you site is BLOGGING type website. The reader has a right to say / type his comments. Is it NOT WRONG to type a comment on Telugu Cinema Reviews. When failure comes definitely, more comments/ negative words will come on failure telugu cinema. For this you say MORRO. You have to accept/allow these comments voluntarily. This is the basic/main interest to see your website. You are killing this interest by saying MORRO for Telugu Cinema Reviews/ Readers.
3. Navatarangam for whom?
It is only for film lovers.That too Telugu ( few) Netizens . Hollywood / World Cinema doesnt have failures? They are commenting more worst than us. Then what is the problem to keep Telugu Cinema Reviews. I feel, you must cover, World, Hollywood, Bollywood and Telugu = Tollywood. This sort of review is always good. You are doing this only. Once again i say SORRY for your MORRO word on Telugu Cinema Reviews.
మొత్తానికి తెలుగు రివ్యూలు రాసి చాలా తప్పు చేసారు.. అని తేల్చారు..చాలా సంతోషం..అలాగే ఈ నిషయం గ్రహించకుండా ఇన్నాళ్లూ రాసినందుకు క్షమించండి…
సూర్య ప్రకాష్ జోశ్యులకె.
మహేష్ కుమార్ says:
January 20, 2010 at 1:05 pm
మీరు మరీనండీ సూర్యప్రకాష్ గారు,
మీ సమీక్షలు సినీరంగానికి కరదీపికలు. ఇక్కడ సమస్యల్లా, ఉద్దేశాన్ని గ్రహించకుండా ఉలిక్కిపడే కొందరు వ్యాఖ్యాతల గురించే. అత్తెసరు సినిమాల మీద అనవసరమైన చర్చలు ఎక్కువై విషయమున్న వ్యాసాల్ని పట్టించుకోని పరిస్థితి తయారయ్యింది. అందుకే ఈ నిర్ణయం.
I am really Pity on Mr. Surya Prakash to say this word in your Website and who has written many articles / reviews. He is one the regular review writer also for you. What make him to say such a big word. I think because of MORRO word or withdrawing the TELUGU CINEMA REVIEWS? I really shock to see this comment by Surya. It is not good to read when you have 100 TELUGU CINEMA REVIEWS. 10% or 1000 articles?
Mr. Mahesh Kumar,
Your ans is not matching the pain of Mr. Surya. i hope he commented “sorry word” because this site is going to stop
Telugu Cinema Reviews.
I feel Navatarangam must continue the local / Telugu Cinema Reviews. The span of Telugu cinema Review is hardly 2-3 days. You can publish new article on Sunday so that the Telugu Cinema Review comments will reduce and all will read new articles and this may solve your problem.
Finally, i will say Please continue the TELUGU CINEMA REVIEWS and think to change / implement new methods during your holiday period. But never say MORRO for Telugu Cinemas.
Awaiting for Telugu Cinema Reviews after 4TH FEB 2010 onwards.
All the best for Navatarangam,
Rao
@ V U M RAO
వ్యాసంలోని అసలు విషయాల్ని వదిలేసి మీకు నచ్చిన నాలుగు లైన్లు తీసుకొని ఏదేదో వ్రాసేసినట్టున్నారు. మీరు వదిలేసిన భాగాల్ని ఇక్కడ మళ్ళీ ఇస్తున్నాను. ఒకసారి వాటిని చదివి మీ ప్రశ్నలకు మీరే సమాధానాలు తెలుసుకోగలరు.
“అంతా మేమనుకున్నట్టుగానే జరిగింది. కాకపోతే కొద్దిగా ఎక్కడో తప్పు జరిగిపోయింది. మొదటినుంచీ తెలుగు సినిమా సమీక్షలొద్దు మొర్రో అన్నా వినకుండా మేమే మొండిగా సమీక్షలు ప్రచురించాం. దాదాపు వంద సమీక్షలొచ్చాయి. అంటే నవతరంగంలో పది శాతం. ఇక్కడే అసలు సమస్య వచ్చిపడింది. ఇతర దేశ,భాష ల సినిమాలు మాత్రం బావుంటేనే వ్రాయడం తెలుగు సినిమాకొచ్చేసరికి మనం చూసినవాటన్నింటి గురించి వ్రాయడం జరిగింది. అయితే మన తెలుగు సినిమా 99% ఫెయిల్యూర్స్ గా నిలుస్తున్న ఈ రోజుల్లో ఈ సినిమా సమీక్ష వ్రాసినా బాగోలేదనే వ్రాయాల్సి రావడంతో నవతరంగంలో వ్రాసే వాళ్ళంతా తెలుగు సినిమాని చిన్న చూపు చూస్తున్నారనే ఒక అపోహ మొదలయ్యింది. ఉత్తమ ఆశయాలతో మొదలుపెట్టన నవతరాంగం రెండేళ్ల తర్వాత చూస్తే ఈ వంద సినిమా సమీక్షలే నవతరంగం అయినట్టుగా అనిపిస్తుంది. ఎందుకంటే ఈ వంద వ్యాసలకొచ్చిన కామెంట్లు వాటి మీద జరిగిన చర్చలను మిగిలిన వ్యాసల మీద జరిగిన చర్చలతో పోలిస్తే మీకే అర్థమవుతుంది.”
“ఇక నుంచీ తెలుగు సినిమా సమీక్షలను నవతరంగంలో ప్రచురించకూడదని నిర్ణయించబడింది. అలా అని కొత్త తెలుగు సినిమాల గురించి అసలే వ్రాయకూడదని కాదు. ఇక నుంచీ సమీక్షలు కేవలం సినిమా బాగోలేదని చెప్పడమే కాకుండా ఏం చేస్తే ఆ సినిమా బావుండేదో తెలియచేస్తూ వ్రాసే విశ్లేషణాత్మకమైన వ్యాసాలను మాత్రమే ప్రచురిస్తాము. అలాగే ఇక పై అన్ని వ్యాసాలు మా ఎడిటోరియల్ టీం approve చేశాక మాత్రమే నవతరంగంలో వ్యాసాలు ప్రచురింపబడతాయి.”
మీకు తెలుగు సినీపరిశ్రమ నుంచి ఏమైనా ఒత్తిళ్ళు ఉన్నాయా?
తెలుగు సినిమాల పట్ల అభిరుచి లేదనిపిస్తోంది.
బోల్డు బోల్డు అభినందనలు.
బాబ్బాబు నా సభ్యత్వం పీకెయ్యకండి. ఇకనించీ కనీసం నెలకో వ్యాసం సమర్పించుకుంటాను
Venkat & Team,
Great achievement, keep it up.
Goodluck for the future.
అభినందనలు……
[...] చేసే రైటప్స్ కు స్వస్తి పలకడం ఒక మంచి నిర్ణయం. ఆ నిర్ణయం ఎంత సమర్దవంతంగా [...]
క నుంచీ సమీక్షలు కేవలం సినిమా బాగోలేదని చెప్పడమే కాకుండా ఏం చేస్తే ఆ సినిమా బావుండేదో తెలియచేస్తూ వ్రాసే విశ్లేషణాత్మకమైన వ్యాసాలను మాత్రమే ప్రచురిస్తాము.
nice idea…………then we can see quality analysis.
నిజమే. సినీమాలు బాగా లేవని చెప్పడం గొప్ప సంగతి కాదు. ఎందుకు బాగా లేదో చెప్తూ ఎలా చేస్తే బాగా వుండేదో చెప్పగలిగితే కొంతలొకొంత భిన్నంగా వుంటుంది.ఇతర విమర్శలకూ మనకూ తేడా తెలుస్తుంది.
Congratulations… బై ద వే : ఈ రోజు 27 కాబట్టి, క్రింది క్రైటీరియా ప్రకారం నా సభ్యత్వం రద్దు అవుతుంది. అయినప్పటికీ, నవతరంగం లో కొన్నాళ్ళు ఉన్నందుకు ఆనందం గా ఉంది.
”గత ఆరు నెలల్లో ఒక్క వ్యాసమైనా ప్రచురించని వారు;ఆగష్టు 2009 ముందు నవతరంగంలో సభ్యునిగా నమోదు చేసుకుని ఇప్పటి వరకూ నాలుగుకంటే తక్కువ వ్యాసాలు ప్రచురించిన వారు;నవతరంగంలో కొనసాగడం ఇష్టం లేని వారు-వీరందరి సభ్యత్వం ఈ నెలాఖరులోగా రద్దుచేయబడుతుంది.”
అయితే, నేను ఎన్ని వ్యాసాలు సమర్పించేనో ఎలా చూసుకోవాలో తెలియట్లేదు. కేవలం ఆరు వ్యాసాలే కనిపిస్తున్నాయి. నా పాత పోస్టుల గురించి చూసుకోవాలంటే ఎలా ?
సుజాత గారు,
కొనసాగడం ఇష్టం లేకనే రాయడం లేదనే ఉద్దేశంతో చెప్పడం జరిగిందేతప్ప, ఇప్పుడు మీరు రాస్తామంటే నవతరంగం వద్దంటుందా! మెంబర్ షిప్ ఉంచమని ఒక మెయిల్ పంపండి చాలు.
inkenti wait chesthunna feb 14 vacchesindi…kaaani inkaa em jaragaledu