1960-70ల దాకా మొదటి రెండో తరం నిర్మాతా దర్శకులు ఉన్నంతవరకూ ఆచితూచి అడుగులేస్తూ చక్కటి అభిరుచితో సమాజం పట్ల బాధ్యతతో నిర్మించిన సినిమాలతో తెలుగు చిత్రసీమని గర్వంగా తలెత్తుకెనేట్టు చేసిన అదే సీమ ఇప్పుడు తెలుగునీ చిత్రజగత్తునీ అంధకారంలో ముంచేస్తోంది. భవిష్య త్తేమిటో తెలీక మార్గం చూపించే దిక్కులేక ఫిలింనగర్ కూడలిలో నించుని వెర్రిచూపులు చూస్తోంది వదిలేసిన వాడిపెళ్లాం ఎవడితో లేచిపోతేనేమి అన్నట్టు ప్రవర్తిస్తూ. నాయకుడు మరణించిన సైన్యంలా సూచనలు, సలహాలు ఇచ్చేవాళ్ళు లేక దిక్కుమాలిన బ్రతుకు ఈడుస్తోంది అనేకంటే గంగాజలమో, తులసి తీర్థమో పోసే నాధుడి కోసం అంపశయ్యమీద నిరీక్షిస్తూ చావలేక బ్రతుకుతోంది అంటే నయమేమో….
ఇవాళ్టి రోజున ఒక కొత్త సినిమా చూసేకంటే ఏదో ఒక పాత సినిమా సీడీ వేసుకుని చూస్తే కాస్త మనసుకి ప్రశాంతత చిక్కుతుందనేది నిర్వివాదాంశం.
నా జేబునిండా వెర్రిజనాల్ని కొట్టితెచ్చిన సొమ్ములున్నాయి కాబట్టి,నాకో నిక్కరు సైజులోంచి పేంటు సైజులోకి మారిన కొడుకుంటే చాలు నేను సినిమా తీస్తా బిడ్డా అనే రోజులిప్పుడు.సొమ్ములు పారేస్తే గుడ్డముక్కలంటే ఎలర్జీ ఉన్న ఆడబొమ్మలు, ఆడే తోలుబొమ్మలు(వీళ్ళని పూర్వపు రోజుల్లో ఉండే సానివాళ్ళతో కూడా పోల్చడం కుదరదు ఎందుకంటే వాళ్ళకి కూడ కొన్ని ఆచారాలు,సంప్రదాయాలు ఉండేవని చెప్పుకునేవారు కాబట్టి) ముంబాయి నించో మరెక్కడినించో కొట్టుకురావచ్చు ఎలాగు మనకి పొరుగింటిపుల్లకూర రుచే కాబట్టి.
ఇంక మన హీరో వాడికి భాషొచ్చా(ఏభాష),నటనంటే తెలుసా(అదేంటి?)అనే పిచ్చి ప్రశ్నలు వెయ్య కూడదు .దొమ్మీలు చేసేవాడిలా కండలు పెంచితే చాలు అదే ప్రధమ అర్హత.శంకరాభరణం సినిమాలో అల్లురామలింగయ్య పాత్ర చేత చెప్పించినట్టు మలేరియా జ్వరం వచ్చినవాడి లెవెల్లో ఎంతబాగా మెలికలు తిరిగిపోతే (నాట్యమనిపేరుట దీనికి)అంత బాగాపేరు వస్తుంది.ఇంక పాత్ర పరంగా వాడు తండ్రిని తల్లిని ఏకవచన సంభోదన,ఇంకా ముందుకెళ్ళి పేరుపెట్టి పిలవడం,కూర్చుని మందుకొట్టడం, అక్కచెల్లెల్లతో వావివరసలు లేకుండా ప్రవర్తించగలగడం, వయసు చదువూతో సంబంధం లేకుండా పుట్టినదగ్గర్నించి ప్రేమ పదం వల్లె వేయడం,గురువంటే పిలకపంతులో ఆడుకోడానికి పనికొచ్చే ఫుట్బాలో తప్ప మరెవడూ కారనే భ్రమలో ఉండడం,వీడికి వెనకాలా ఓ తొట్టి గేంగ్ కొంతమంది ఎప్పుడూ 108అంబులెన్సులాగ రెడీగా ఉండడం ఇలా సాగుతూ ఉంటుంది వ్యవహారం…
హీరోయిన్ గురించి చెప్పుకోడానికేమీ లేదు(బహుశా ఈ ఆడవారి హక్కుల గురించి పోరాడేవారికి ఈ పాత్రలు,వాటి చిత్రీకరణ,ఆ పాత్రధారులు కనిపించవేమో అనిపిస్తుంది).ఆ సినిమాలో హీరోయిన్ ఉండాలి అంతే ఉంది.వెనకాల ఒకరో ఇద్దరో చెలికత్తెలు,ఎంత చదువుకున్నా హీరో అని పేరు పెటుకున్న ఏ వెర్రి వెధవ కనిపిస్తే (వాడు వాడి మెళ్ళో తాడుకి కట్టిన బిళ్ళని పట్టుకునో,చొక్కా గుండీని పట్టుకునో హీరోయిన్ నాకేసి చూడాలి అని అనుకుంటే చాలు)వాడి వెనకాల చిత్తకార్తిలో కుక్కలా వెనకాల పడ్డానికి అన్నట్టు,ఇంక పాటల్లో అయితే ఒక చిన్న అండర్వేర్, పైన ఒక గోచీ గుడ్డంత గుడ్డపీలిక (మరీ బాగుండదనేమో) లేకపోతే ఐదున్నర అడుగుల శరీరానికి అడుగున్నర చింకి ముక్కో వేసుకుని ఫేషన్ అంటే అదేనిజమనుకునే వెర్రి యువత ప్చ్ వారిని అనుకరిస్తూ అలాంటివే కట్టుకుని బయటకెళితే పిచ్చి కుక్కలు కరిచెయ్యక ఊరుకుంటాయా మరి. ఆ పైన ఖాకీ తోడేళ్ళు ఆ పిచ్చి కుక్కల్ని వేటాడి వాటి ఆత్మలు సంతృప్తి పర్చుకోడం ఇదొక శాఖాచంక్రమాణం…
ప్రతీ తొక్కలో కతకి ఒక ఆడియో రిలీజ్,దానికి మళ్ళీ మీడియా కవరేజ్,దానికో మేజువాణి,భజంత్రీ దళం వెరసి సినిమా “సూ”టింగ్ మొదలు.
వచ్చీరాని,ఉఛ్చారణలేని(ఇదేంటని అడక్కండి దయచేసి)తెలుగులో వీరో సెప్తుంటాడు,ఈ కేరత్తర్ నాకో మలుపు(అదే మొదటి సినిమా విడుదలయ్యాక ఆఖరిదీను),అంతా యూత్ గురించే ఉంటాది(ఏంటో మరి), లవ్ ఫార్(?)యూత్ ఉంటాది,అండ్ మోరోవర్(బుడబుడక్కలాడి చేతుల్లా ఊపుకుంటూ)మంచి ఎనర్జీ(దేనికి)ఉంటాది,ఇంకాఆఆ ఊఊఊఉ యాఆఆఅ ఎక్సైటింగ్ ఫైట్స్ ఉంటాది,అండ్ డెఫినెట్ గా ఈ సినిమా రికార్డ్ బ్రేక్ చేస్తాది….
ఇంక వీరోయిన్ సంకర భాష లో…యా ఏక్చువల్లీ వీరో సో న్ సో గారు,డైరెక్టర్ గారు,అండ్ సో ఆన్ తొట్టిగేంగ్ చాలా కోపరేటివ్(దేంట్లో?),అండ్ (జుట్టు నుదుటిమించి వెనక్కి తోసుకోడం అది మళ్ళి మళ్ళి పడుతూనే ఉంటుంది పాపం)ఇంకా నా కేరక్టర్ ఈజ్ వెరీ గుడ్(సినిమాలోనా?)అండ్ ఇంకా ఫుల్ల్ లెంత్ ఉంటుంది(?)అండ్ ఏక్చువల్లీ ఐయాం ఇంటెరెస్టెడ్ టు డూ విత్ దిస్ వీరో,హి ఈజ్ వెరీ పాజిటివ్(?) అండ్ కోపరేటివ్…ఇదీ ప్రహసనం….
ఇకపోతే సినిమా కత…ఇది కతే మరి.మొదలెట్టిన దగ్గర్నించీ అంటే పాకే వయసు పిల్లలుగా ఉన్నప్పట్నించీ ప్రేమ (ఇది ఎటువంటి ప్రేమో మరి రాసినవాడికే తెలియాలి)మొదలయి సినిమా అయ్యేవరకూ అదేపని. చెవులు బద్దలయిపోయే సంగీతపు హోరులో,పదబంధసమాసాలు తెలీని కీర్తనల సంకరంతో ఓ నాలుగయిదు పాటలు,రెండున్నర గంటల సినిమాలో గంటన్నర పైగా దెబ్బ లాటలు (1:100 నిష్పత్తిలో అంటే హీరో ఒక్కడు వందమందితో), ఒక గూండా కన్వర్టెడ్ పొలిటిషియన్ విలన్ వాడేమయినా చెయ్యగలడు మన వీరో ఏమి చేసినా పట్టుకోలేకపోడం తప్ప,అచ్చం మన ప్రస్థుత వ్యవస్థలోని పోలీసు ఆఫీసరు(వీరో కాకపోతే మాత్రమే) ఈ బాధల్నించి తప్పించడానికి ప్రయత్నించే ఓ కమేడియనూ వాడు చేసే చిల్లర చేష్టలూ ఇలా సాగుతాయి పాత్రలు.
ఇంకా కొంతమంది దర్శకులు ముందుకెళ్ళి ఒక వర్గాన్ని(ఒకప్పటి మేధావి వర్గంగా చెలామణి అయి ప్రస్థుతానికి వయసయిపోయిన వెలయాలిలా బ్రతుకీడుస్తున్న వర్గం అనుకోవచ్చేమో, విజ్ఞులు క్షమించాలి పోలికకి) టార్గెట్ చేసుకుని ఏదో ఒక పాత్ర ద్వారానో సంభాషణల్లోనో అవమానిస్తూ వారి వారి కుతి తీర్చుకుంటూ రసోస్వాదన పొందుతుంటారు. వారికి అదొక తుత్తి…
అసలు సినిమాలో సరుకు లేనప్పుడు ఎన్ని కసరత్తులు చేస్తే ఏంటి అని…ఈ దరిద్రానికితోడు విదేశాల్లో పాటల చిత్రీకరణ (ఇంత సొమ్ము ఖర్చుపెడితే మన రాష్ట్రంలోని కొన్ని పల్లెల్ల్ని దత్తత తీసుకుని అభివృద్ధి చెయ్యచ్చేమో? అప్పుడు తప్పకుండ స్వర్ణాంధ్రప్రదేశ్ రావచ్చేమో?).అసలు నేలలో పస వుంటే విత్తనం చల్లి, ఎరువులేసి కష్టపడి శ్రమ చేస్తే పంట పండు తుంది. అంతే కాని బుడ్డిలో పన్నీరు కావల్సినంత ఉంది కదాని బురదలో పోసి దాంట్లో పందుల్ని పొర్లిస్తే ఎలావుంటుందో అలా ఉంది ఇప్పుడు పరిస్థితి.
ఏ సినిమా చూసినా ఏమున్నది గర్వకారణం,
ఏ కధ చూసినా ఒక యూ(బూ)తు టార్గెటెడ్ వెపన్,
ప్రతి సీనూ ఒక కామవాంఛపూరిత ప్రేమ(?)మయం,
ప్రతి పాటా ఒక వాత్సాయన కామసూత్రపు మెలకువ,కువకువ,
ప్రతి పలుకూ ఒక విషపూరిత విస్ఫులింగం,
ప్రతి పాత్రా ఒక వెన్నెముకలేని అస్థిపంజరం,
ప్రతి చిత్రీకరణా లైసెన్సుడుగా ప్రదర్శిస్తున్న అంగాంగసౌష్టవం,
నిస్సిగ్గుగా చిత్రీకరిస్తున్న కామకేళీవినోదం…
ఇదే ఇదే ప్రస్థుత సినిమా చరిత్ర,
అందుకే దీనికి ఇలాంటి అధోగతా???
కథలరువు,పాత్రలరువు,పాటలరువు,మాటలరువు,అలా అన్నీ అరువై సినిమాకి బ్రతుకు కరువై పోతోంది. జవసత్వాలిచ్చి నిలబెట్టలేని రాయలు లేక తుంగభద్రలో కొట్టుకుపోతోంది.అంటే రాసే వారిలోనూ, చేసేవారిలోనూ నైపుణ్యం లేదని కాదు కానీ వారిని సమర్థవంతంగా ఉపయోగించు కోగలిగిన నాధుడు కరువైపోయాడని చెప్పచ్చు.ఎలా సంపాదించిన సొమ్ములలాగే పోతాయని చిన్నప్పుడు మా నాయనమ్మ చెప్తూ ఉండేది.అది కష్టపడి సంపాదిస్తేనే దాని ఫలితం పూర్తిగా అనుభవిస్తావురా నాయనా, అలాగే పెట్టే ఖర్చూ ఇచ్చే దానం కూడానూ అనేది.
బంగారు పళ్ళేనికయినా గోడచేరుపు కావాలి ఎంత ప్రావీణ్యం,సమర్థతా ఉన్నా అవకాశం ఇచ్చే నాధుడు కూడా ఉండాలి.అది నిలబెట్టుకోవాలి మెల్లిగా పైకెదగాలి మళ్ళీ అక్కడ నిలబడగలగాలి అదో ప్రస్థానం.ఎంతసేపూ మా తాతలు నేతులు తాగారు మా మూతులు వాసన చూడండి,మా మీసాలకు సంపెంగ నూనె రాయండి మీ సొమ్ములతో అంటే అభిమానంతో వినే వెర్రి గొర్రెలు ఉండనే ఉంటాయి బక్రీద్ పండగ వస్తూనే ఉంటుంది.ఏ పండగయినా ఏడాదికో మారొస్తేనే అదొక ఆనందం లేకపోతే రోజూ చచ్చేవాడికి ఏడ్చేవాడెవడన్న చందంగా ఉంటుంది.అప్పుడు ఆ వెర్రి గొర్రెలు కూడా పృష్ట భాగాలు చూపిస్తాయి అభిమానం పక్కన పెట్టి (సగటు ప్రేక్షకులు ఎప్పుడో చూపించారు వాటిని), అలాంటప్పుడు దిక్కుమాలిన చావు చచ్చి ఈడ్చేసే దిక్కు లేక అనాథప్రేతాల్లా ఉండిపోతారు తమ సమర్థత సరిగ్గా వినియోగించుకోపోతే ఈ వీరో లమని చెప్పుకునే జీరోలూ, జీరోయిన్లు, మిగతా కళాకారులూ వారితో తెలుగు సినిమా కూడా…
లేకపోతే పత్రికల్లో “ఇపుడేంచేస్తున్నారు శీర్షికల్లో” రాసుకోడానికో సోదిలోకో కూడా లేకుండా పోతారు. అందువల్ల ఎన్ని సినిమాల్లో నటించామని కాకుండా ఎంత చక్కటి వాటిలో నటిస్తున్నాము అని కొంచం శ్రద్ధ పెట్టి వళ్ళుదగరపెట్టుకుని తీసేవాళ్ళు,వేసేవాళ్ళు,రాసేవాళ్ళు,కూసేవాళ్ళు అందరూ సమిష్టిగా కృషిచేస్తే బాగుంటుందని ఆశిస్తూ(కొంచం ఎక్కువ ఆశిస్తున్నాననిపిస్తే మన్నించాలి ఆశాజీవులం కదా అందువల్ల)…
- శ్రీనివాస్ పప్పు
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
అభిమాని says:
అద్భుతంగా రాసారు.
ఘాటుగా ఉన్న మాట నిజమే కాని,
దున్నపోతు చర్మాలకి చురుకు పుట్టాలంటే చెర్నాకోల దెబ్బే కావాలి.
SIVARAMAPRASAD KAPPAGANTU says:
అద్భుతంగా వ్రాశారు శ్రీనివాస్గారూ. పది కోట్ల ఆంధ్రులలో తొట్టిగాంగు ఒక కోటి(వీళ్ళకోసమే ప్రస్తుతపు సినిమాలుతీసేది)తీసేస్తే మిగిలిన తొమ్మిది కోట్ల జనాభా మనసుల్లో ఉన్నది మొత్తం వ్రాశారు. కాని ఏమిలాభం మన నిర్మాతలు ఎక్కువమంది వ్రాయటం చదవటం తెలియనివారు. ఒకవేళ కొద్దిగా చదువుకున్నా (చదువుకు సరైన నిర్వచన ప్రకారం) వాళ్ళకి దశాబ్దాల క్రితం మతిభ్రమణం కలిగింది. ఎదో పత్తి అమ్ముకునో, సాంబ్రాణి పుల్లలు అమ్ముకునో లేకపోతే మిరపకాయలు, చేపలో అమ్మి ఆ డబ్బుచ్చుకుని ఎవత్తెతో సినిమా తీద్దమా (ఎందుకో తెలుసుగా!) అని ఆబగా మదరాసు లేక భాగ్యనగరమో వచ్చేవాళ్ళతో మంచి సినిమాలు ఎక్కడ వస్తాయి.
Bharath says:
Endanna nee article chaduvutunte neeku telugu cinema meeda virakti puttindi ani naaku anipinchaledu. Jeevitham meeda virakthi putti ila rasinattuga undi. Bahusa meeku intlo problems chala unnattuga unnayi. Mee avida thannindo leka mee boss salary tagginchesedo kaani avi mundu solve chesukoni prasantanga unnappudu articles rayandi. I know intaki mundula telugu movies ippudu levu undavu kuda. Marutunna generationki taggattu chustunna viewerski taggattu movies marali marayi appude avi janalaki reach avutayi. E movie kuda anni categories of peopleki reach avvadu. Ala reach ayithene adi megahit like Magadheera(just example). Andarani satisfy cheyadam anni samayallo kudaradu. Shekar kammulagaru enta goppa directorno andaraki telusu. Kaani sir movies B,C centersku antaga cheravu. Ayithe Shekar kammulagariki pasaledu annatta? Coming to the heroines oka arundathi, magadheera, arya2, anasuya, astha chamma. Ee moviesni meeru gamanisthe meeku ardham avutundi heroines are not for just stripping on the screen.
Moreover telugu matrame kadu tamil, hindi movieslo kuda ee change undi. Meela inka patha cdlu pettukuchuse goppavallam kadhu memu. Maaku kothaga unde kothamovies kavali.
Mee articleni batti Naa guess correct ayithe mee vayasu 40+ untadi. Naa view meeku nacchakapovachhu chalamandiki nachhakapovachhu kaani naala alochinchevallu untaru. kaani truth is that telugu film industry ippatiki ilane undali kakapothe inkonni hits isthe baguntundi.
Kiran says:
Bharat gaaru, kanissa maryadalu gurunchi teliyani milatani vaariki B,C cemtre lo ade cinamale nachutai.
పులిరాజా says:
శేఖర్ కమ్ముల గొప్ప డైరెక్టరా?? వామ్మో! హ్యాపీడేస్, ఆనంద్, గోదావరి మాకు మంచి సినిమాలు మాత్రంగానే తెలుసు. మాకు తెలిసినంత వరకు గొప్ప సినిమాలను తీసేవాళ్ళను మాత్రమే గొప్ప డైరెక్టర్ అంటారు.
నా వయసు 27 మాత్రమే.కాని నేను వ్యాస రచయిత తో ఏకీభవిస్తా!
sankar` says:
శేఖర్ కమ్ముల is not good director…see Leader is not His kind of film…Remeber its going to be a..BIG BIG FLOP
sankar` says:
నిజం చెబితే ఇంత గింజుకుంటున్నావంటే,,, గ్యారెంటీ గా నువ్వు ఎవరో డైరెక్టర్ వొ లేక ప్రొడ్యుసరో అయివుండాలి..! బలే దొరికావ్..
మీరేదో చెత్త సినిమాలు తీసేసి అవి ఫ్లాప్ అయితే ఈ జనాలకి చూడటం రాదు, అని మీ చెత్త డైరెక్టర్ల సంఘ సబ్యులు కలుసుకున్నపుడు, మీ చెత్త సినిమాలు చూసే దౌర్భాగ్యం తగలడ్డ మమ్మల్మి వీల్లకి సినిమాలు చుడటం రాదు అని తిట్టుకుంటున్నారంట ఎంటి బాబు.. (మొన్న ఎప్పుడో రవితేజ చెప్పడు లే ఇంటర్వు లొ)
మీకు తీయటం రాక మమ్మల్ని అంటార? ..ఎ పిచ్చ పిచ్చ గా వుందా ఎంటి…?
sankar` says:
@ bharath
నిజం చెబితే ఇంత గింజుకుంటున్నావంటే,,, గ్యారెంటీ గా నువ్వు ఎవరో డైరెక్టర్ వొ లేక ప్రొడ్యుసరో అయివుండాలి..! బలే దొరికావ్..
మీరేదో చెత్త సినిమాలు తీసేసి అవి ఫ్లాప్ అయితే ఈ జనాలకి చూడటం రాదు, అని మీ చెత్త డైరెక్టర్ల సంఘ సబ్యులు కలుసుకున్నపుడు, మీ చెత్త సినిమాలు చూసే దౌర్భాగ్యం తగలడ్డ మమ్మల్మి వీల్లకి సినిమాలు చుడటం రాదు అని తిట్టుకుంటున్నారంట ఎంటి బాబు.. (మొన్న ఎప్పుడో రవితేజ చెప్పడు లే ఇంటర్వు లొ)
మీకు తీయటం రాక మమ్మల్ని అంటార? ..ఎ పిచ్చ పిచ్చ గా వుందా ఎంటి…?
Bharath says:
@Puliraja,
Sare neeku telisina goppa directors perlu nalugu cheppu..
Shekar Kammula goppa director ani enduku annanante
ippatidaka ayana teesinavi goppa cinemalu kabatti
There are no good directors. There are only well directed movies — RGV
@sankar,
Mundu nenu e directorno, producerno kadu,oka sadha seedha employeeni
Raviteja interviewlo cheppaledu. Neninthe movielo oka character chebutundi.
Visayaniki vasthe Ade neninthelo cheptadu kada 2% hit rate unna industry Movie industry ani.. so daaniki taggate takkuva manchi, ekkuva chettha cinemalu vastayi.
Intaki nee drustilo manchi cinemalu ento nakaithe ardam kaledu.. Chepthe chittagistam…
వెంకీ says:
శ్రీనివాస్ గారు
ఇప్పుడు వస్తున్న సినిమాల గురించి బాగా వివరించారు
ఎలాంటి సినిమాలను మీరు (ప్రేక్షకులు) కొరుకుంటున్నారొ తెలిపివుంటె ఇంకా బాగుండెది
దీనికి కారణం చూసేవాల్లా, చెసేవాల్లా లేక ఇద్దరూనా వివరించి వుంటె (మీకు తెలిసి వుంటె) ఇంకా ఇంకా బాగుండెది
Kiran says:
Srinivas gaaru
Chala baga rassaru.
chandramouli says:
Love is work, Hate is fun……….. RGV…
If you love movie that much…come and show us the change and path of light to the destiny……….
శివ కిషోర్ కందుకూరి says:
చాలా బాగుండి…. సినిమా చూసి youth పాడవుతున్నారు అని భావిన్చెవవా లొ నెను ఒకడిని i am a professional social worker and passionate with movies, when i was dealing with trafficking victims and risk group of children and youth they are directely provoking by the movies… they are getting infactuated in the name of love and getting trafficked by pimps and traffickers.
Article lo enka depth ga velli explain cheyyavalisindi… Ammani ammalaani chupamani… kodukuni kodukulaani chupamani… mana sampradayalna gowravinchukuntu mana cinema undaliani unte kontamandi comment chese valla noru muyanchi vachu… and my age is 27 years…
pappu says:
భరత్ గారు,
హ్హహ్హహ్హ బాగా రాసారు కామెంట్ మీ వయసుని బట్టే.ఇద్దరమూ చిత్రసీమకి అభిమానులమే కాకపోతే చెరికో ప్రక్కనా ఉన్నాము అంతే తేడా.మీరు “కొత్తగా ఉండే”సినిమాలు కావాలంటున్నారు నేను”మంచి”సినిమాలు కావాలి రావాలి అంటున్నాను అదే తేడా.
ఇకపోతే మీరు చెప్పినట్లు మా ఆవిడ తన్నితేనో ఇంకా బాస్ జీతం తగ్గిస్తేనో ఇలా రాతలు రాస్తూ కూర్చోను.ఏమి తప్పుచేశానా అని కనుక్కుని వీలైతే దిద్దుకోడానికి ప్రయత్నిస్తాను(కాకపోతే అటువంటి పరిస్థితి లేదనుకోండి).బహుశా అలా మీ ఇంటిలోని వారెవరైనా ప్రవర్తిస్తారేమో అందుకే అనుభవైకంగా రాయగలిగారు.
ఈ వ్యాసాన్ని మీ ఇంటిలోనివారెవరికయినా(మీరు చెప్పిన నా వయసు వారు ఉండేఉంటారు కదా) చూపించి చదివించండి,వారి అభిప్రాయం కనుక్కోండి,మీరు రాసిన కామెంటు కూడా వారికి వినిపించండి వీలయితే.అప్పుడు చర్చించుకోవచ్చు ఏమన్నా ఉంటే.
ఒకసారి పూర్తిగా సరిగ్గా చదవండి నేను ఎవరికీ నైపుణ్యం లేదనలేదు వాటిని సరిగ్గా వినియోగించుకోవట్లేదన్నాను.అలా ఉపయోగించుకోపోతే మీరు చెప్పిన ఆ దర్శక “శేఖరు”డయినా మరెవరయినా సరే కాలగర్భంలో కలిసిపోవలసిందే.ఇందులో ఏమాత్రం సంకోచం లేదు.
ఇక నచ్చడం నచ్చకపోడం అన్నది వారి వారి అభిరుచిని బట్టి ఉంటుంది.అదీ సంగతి.
Bharath says:
Mimmalni personal ga target cheyyalanikovadam naa intension kaadu. mee state of mind explain cheyyalanedi naa intention. Anyway mimmalni baadha pettinantuku nannu kshaminchandi.
గీతాచార్య says:
Some of your views are fascinating, and worth considering. ThankQ for coming up with a nice article
brute force says:
అసలు దొంగలు ఎవరంటే నటీనటులు అనిపిస్తోంది నాకు
ఎవరు అయినా కొత్త కథ వ్రాసుకుని వెళితే అడ్డమయిన వాళ్ళ బూట్లూ నాకాలి
పోనీ ఈ సోకాల్డ్ స్టార్సు వొద్దు అనుకుంటే , కొత్త నటీనటుల కొరత అంతా ఇంతా కాదు; డబ్బున్న సాఫ్ట్వేర్ కంపెనీల వ్ వారసులో , సారా, రియల్ ఎస్టేట్ వ్యాపారుల కొడుకులో నాలుగు డ్యాన్సులు నేర్చేసుకుని రకరకాల బట్టల్లో నాలుగు ఫోటోలు తీయించుకుని తామే పెట్టుబడి పెట్టి నటిస్తాం అంటారు. అక్కడొచ్చి వాళ్ళు చేసే పనల్లా హీరోయిన్ను వెంటదిప్పుకోవడం.
ఇక్కడ గొప్ప దర్శకుడు అంటున్న శేఖర్ కమ్ముల అలాంటి వెధవలను భరించే హ్యాపీడేస్ అయినా ఆనంద అయినా తీసిన విషయం గుర్తెరగాలి. హ్యాపీడేస్ లో టైసన్ పాత్రధారి తర్వాత స్వంతంగా సినిమా , ఏడు కోట్లు పెట్టి నిర్మించేంత డబ్బున్నవాడు. వరుణ్ సందేశ్ ఎన్నారై. మిగతా ఇద్దరు హీరోలూ తక్కువవాళ్ళేమీ కారు. అమెరికా నుంచి వచ్చిన శేఖర్ కమ్ముల లాంటీ వారికి అలాంటి చేపలను ఎరవేసి పట్టడం కష్టం కాదేమో కానీ , ఫిలిమ్ నగర్లో మెస్ బిల్లులు కట్టుకోవడానికి కష్టపడుతూ శ్రీశ్రీ చలంను స్మరిస్తూ , హిచ్కాక్ , స్పీల్బర్లను ధ్యానిస్తూ కోకొల్లలుగా ఉన్న టాలెంటెడ్ బడ్ పూర్ వ్యక్తులకు స్టూడియో అధినేతలనూ , నిర్మాతలనూ అడుక్కోవడం తప్ప వేరే గతి లేదు.
ఇక హీరోయిన్లు…అదే శేఖర్ కమ్ముల…స్పష్టంగా తెలుగు మాట్లాడే అమ్మాయికోశం వెదికి వేసారాక పట్టిన బెంగాలీ ఆనంద్ హీరోయిన్. ఎంత కాదు అనుకున్నా అలాంటి వాళ్ళే తప్ప నటన పై ఆసక్తితో ఈ ఫీల్డులోకి వచ్చే ఆడవాళ్ళే లేరు. పిలిచినచోటికి వచ్చి పడుకోమన్నవాడితో పడుకోనిఅయినా గ్లామర్ సినిమాలో నటించి కోటి రెమ్యూనరేషన్ సంపాదిద్దామనే కోరికే కానీ నటిద్దామనే కోరికతో ఆడవాళ్ళు ఇక్కడకు రావట్లేదు.
ఇలాంటి నటుల అడుగులకు మడుగులొత్తుతూ, వాళ్ళు నమిలేసిన చిక్లేట్ల లాంటి హీరోయిన్లను తామూ రుచి చూద్దామనే ఎంగిలాకులకాడికుక్కలలాంటి నిర్మాతలే ఇక్కడ ఉన్నారు. అప్పుడప్పుడూ ఎవరయినా కాస్తంత పేషన్తో ఈ సినిమా ప్రపంచానికి వచ్చిన మిగతావాళ్ళందరూ ఆ నిర్మాత డబ్బులు ఖాళీ చేయించి వాడి సొమ్ముతో తాగితందనాలు ఆడి సినిమాను ల్యాబ్లలో ముంచేస్తారు.
ఇవన్నీ నా కళ్ళతో చూసినవి , నమ్మదగిన వ్యక్తులనుంచి విన్నవి. ఫిలిమ్ నగర్లో ఇవే జరుగుతాయి.
ఇంకెన్నాళ్ళయినా తెలుగు సినిమా ఇక అంతే. పూర్వకాలం భోగం వాళ్ళు ఎంతో వీళ్ళూ అంతే. ఈమధ్య వీటికి తోడు న్యూస్ ఛానెల్స్ కూడా వీటినే ఆకాశానికెత్తడం. నిన్ననే విన్నా ఒక ఛానెల్లో ఆర్య ౨ లో రింగా రింగా పాట మహిళక ఫేవరెట్ అట. సరే , వేశ్యతనమే ఫ్యాషన్ అనుకునే సమాజానికీ యువతకీ వేశ్యలే నటీమణులు , విటులే నటులు , తార్పుడుగాళ్ళు దర్శకనిర్మాతలూనూ. సామూహిక అత్యాచారం గావించబడుతున్నది తెలుగులో సినిమా అనే కళ.
brute force says:
ఆ ( ఇంకోర్ని మరచిపోయా. సినిమావాళ్ళు, తర్వాత ” యూత్” అనే ప్రేక్షకులు అయిపోగా మిగిలినది ఫ్యామిలీ ఆడియన్స్. కుటుంబ సమేతంగా చూడదగ్గ చిత్రం అనే పేరు మీద ఈ మధ్య వస్తున్నంత తప్పుడు సినిమాలు లేవేమో.
యూత్ అంటే , కొత్తబంగారులోకం లో లేచిపోవడం , స్కూళ్ళెగ్గొట్టుకుని ముద్దులు పెట్టేసుకోవడంలాంటి కథలతో పాటు , ఛార్మిలాంటి పుష్టిగల అమ్మాయి వెనక తట్టుకుంటూ నర్తిస్తే చూస్తారు. ఏదో ఆ వయసులో సెక్సువల్ ఆలోచనలు ఎక్కువ కాబట్టి , తెలిసీతెలీని మనుష్యులనుకోవచ్చు. కాకపోతే సమాజంలో కాస్త సభ్యత ఉంచాల్సిన తల్లితండ్రులు లాంటి వాళ్ళు చూసే , పిల్లలకు చూపించే సినిమాలు ఉంటాయీ…అబ్బబ్బబ్బ…
మొన్నే ..ప్రవరాఖ్యుడు చూసా. అబ్బో మొదతి పాటలో సాహిత్యం ఉందీ…
” ఎ బూటీ ఈజ్ బెటర్ దేన్ ఎ మెర్సిడెస్ బెంజ్ ”
నా పక్క సీటులో ఒక సకుటుంబ సపరివార సమేత ప్రేక్షక జనం…తెగ చూస్తున్నారు. స్క్రీన్ మీద ఒక అమ్మాయిఅ తన పిరుదులను తిప్పుతూ ఉంటే కెమెరా వాటి మధ్యకు ట్రాక్ ఇన్ అవుతోందొ. మన విమర్షకుల ప్రకారం ఇది ఫ్యామిలీ చిత్రం.
ఒక తెలుగు మహిళ రేపెల్లుండి తన ఏడెనిమిదేళ్ళ పిల్లలకు నేర్పించే పాటలో సాహిత్యం ” ఉన్న కొలతలు మర్చేసారు లేని మడతలు తెప్పించారు “. ఆ పిల్లలు అవి పాడతారు. అది విని తల్లితండ్రులు ఏడవనయినా ఏడుస్తారు లేక ముర్సిపోయేవాళ్ళుకూడా ఉన్నారు.
ఎక్కడో ఎందుకూ…. ఇదే సైటులో బెండు అప్పారావ్ సినిమా గురించి వ్రాసారు…పూర్తి వినోదాత్మక చిత్రం ఫ్యామిలీతో చూడొచ్చు అని. నేను చూడలేదు కానీ ట్రయిలర్స్లో ఒక సీను చూసా. డాక్టరుగా ధర్మవరపు సుబ్రహ్మణ్యం వచ్చి, అమ్మాయిని చూసి ఈ వయసులో కాలుజారడం అనడం , తర్వాత అది ముసలావిడకు ఆపాదించుకోవడం… ఎంత ఆరోగ్యకరమయిన హాస్యమో.
జనం కోరుకుంటున్నది అంత బూతే అయితే ఇక సినిమా వాళ్ళు ఏం అమ్ముకోవాలి. అసలే పాపం ఒళ్ళమ్ముకునేరకాలు మరి. జనం కోరేదీ అదే అయితే రోజూ పండగే మరి.
ఈ మధ్య ఒక టీవీ ఛానెల్లో డ్యాన్స్ కాంపిటీషన్లో చూసినట్లు , ఎనిమిదేళ్ళ పిల్ల ” వయసన్న మాట మా వంశంలో లేదు , బావన్నది తప్ప ఏ వరసా పడదు” అని రెచ్చిపోతుంటే తల్లితండ్రులు చప్పట్లు కొట్టి అభినందిస్తుంటే…
అదేదో పాటల పోటీలో , ఎదిగిన అమ్మాయి ” చీటికిమాటికి చెయ్యేస్తూ చుట్టూ కుర్రాళ్ళే” పాట పాడి గాత్రం బావోలేదని జడ్జీలు రిజెక్ట్ చేస్టే, కళ్ళనీళ్ళు పెట్టుకున్న కూతురుని ఓదారుస్తూ తానూ ఏడ్చిన తండ్రి… ఓహో…. నా తెలుగు నేల ..నా తెలుగు ప్రేక్షకులు… నా తెలుగు సినిమా…. అంతా ఒక విషవిలయం.
Sarma says:
మొన్న శ్రీకాకుళం – పాలకొండ నాన్ స్టాప్ బస్ లో నాకు కూడా అదే ఎక్స్పీరియెన్స్ ఎదురయ్యింది. ఒక సోకాల్డ్ చదువుకున్న కుర్రాడు ఇంటెన్షనల్ గా సెల్ ఫోన్ ఆన్ చేసి రింగా రింగా పాట వేసి ప్రయాణికులకి వినిపించాడు.
Jingicheka says:
“వేశ్యతనమే ఫ్యాషన్ అనుకునే సమాజానికీ యువతకీ వేశ్యలే నటీమణులు , విటులే నటులు , తార్పుడుగాళ్ళు దర్శకనిర్మాతలూనూ. సామూహిక అత్యాచారం గావించబడుతున్నది తెలుగులో సినిమా అనే కళ.” నిజం నిజం నిజం.
pappu says:
No hard feelings Bharat,Thanks for understanding.
zulu says:
@Brute Force – You rocks.
Recently I have seen a reality show on Maa TV. I think its a show from the Great Omkaar. In that show, one gal challenges another and if the other looses, they have to kiss each other. Mannn, what a show. aah? I tried to see the dance at least. It is as similar as a stage dance in villages when I was a child. (who will dance Nackedly some times and most of the times with minimal clothes.) I didnt have guts to see whats next, so I moved to next channel. Luckily there I saw another Dance show (Dhee) on ETV. A Gal(?) was dancing for a number from Guru, and the anchor Udaybhanu comments was “If Manirathnam saw this Gal before Mallika, He would have been def’ly shot this song with Her”. She is too ugly in that dress.
contd..
Srinivas Bale says:
nijame. Mana telugu Cinema Anta Daridramga Tayarina Mata Vastavam. Kani Appudapudu konni Manchi Cinemalu Kooda Vastunnai. Kaani Pichchi Janam Gorrela Mandala Chandalapu Cinemalake Yegabadutunnaru. Ika Nirmatala Lakshyam Dabbulu Rabattadame Kabatti Tappanisariga Ee Chandalapu Cinemalu teestunnaru. Tappu Manalo(prekshaka Mahashayulu), Teese Varilo Undi.
సినిమా ప్రేమికుడు says:
తెలుగు సినిమాలు బాగాలేవని భాధపడేవాళ్ళకు
ఇప్పుడు సినిమాలు తీస్తున్నవారిని ఏ ప్రభుత్వం నియమించలేదు అలాగె ఏ దేవుడు వాళ్ళకు ఆ భాధ్యత అప్పగించలేదు ఎవరైనా సినిమా తీసి విడుదల చెయ్యొచ్చు మీరు తీయ్యండి మీరనుకుంటున్న మంచి సినిమాలను ఇంత ఆవేదన చెందడం ఎందుకు? గొర్రెల్లాంటి ప్రేక్షకులని తల పైకెత్తి ఉమ్ముకొవడం ఎందుకు?
K మహేశ్ కుమార్ says:
అకారణంగా ఉరిమితే…
అది ఆకాశమైనా నాకు లెక్కలేదు
నా ఆత్మగౌరవాన్ని నేలకురాస్తే
నింగిపైనా కోపగిస్తాను
అది అందకపోతేమాత్రం వదిలేస్తానా?
కనీసం ఉమ్మైనా ప్రతీకారం చేస్తాను
ప్రేక్షకుడిగా నాకు జరిగే అవమానానికీ,మోసానికీ వ్యతిరేకంగా గొంతువిప్పడానికి నేను ఫిల్మ్ మేకర్ కానవసరం లేదు. టికెట్టుకొనే సినీప్రేమికుడిగా, నన్ను బాధపెట్టే ప్రతిసినిమానూ ఏకే అధికారం నాకుంది.
sankar` says:
@ మహేష్
నా మాటలే మీరు రాసారు..Thanks
సినిమా ప్రేమికుడు says:
నేను(సాధరణ ప్రేక్షకుడు) చెప్పేది కూడా అదేనండి
సినిమాలు తీసెవాళ్ళేమంటారు “మేము మంచి చిత్రాలు తీస్తే ప్రేక్షకులు ఆదరించట్లేదు”
(ఉదా: సిరివెన్నెల, ఆనలుగురు, చివరకుమిగిలేది, మరొ ప్రపంచం ఇలాంటివి మరికొన్ని ఎందుకంటె వీటికి డబ్బులు రాలేదట)
విమర్శకులెమంటారు ” ఈ ప్రేక్షకులు గొర్రెల్లాగ ఏ సినిమాను పడితె ఆ సినిమాను హిట్ చేస్తారు” (ఉదా: పొకిరి, కిక్, ఆర్య, ఇలాంటివి మరికొన్ని)
నా(సాధరణ ప్రేక్షకుడు) అభిరుచిని ప్రశ్నించడానికి, నన్ను గొర్రెతొ పొల్చి అవమానించడానికి ఎవ్వరికి అధికారం లేదు
టికెట్టు కొని సినిమా చూసి నచ్చక పొతే విమర్శింఛడానికి ఆ సినిమాకే పరిమితం
నాకు (సాధరణ ప్రేక్షకుడు) శంఖరాభరణం, పాతాళభైరవి, కిక్, స్వాతి ముత్యం, దొంగరాముడు, అదవిరాముడు, పొకిరి,ఇడియట్, ఆర్య ఇలా ఎన్నొ నచ్చాయి కాబట్టి మళ్ళి మళ్ళి చూస్తాను దానివల్ల సినిమా హిట్ అవుతుందొ నిర్మాతకు డబ్బులొస్తాయొ నాకు అనవసరం నాకు నచ్చింది కాబట్టి చుస్తాను
నా దౄష్టిలొ సినిమా = వినోదం
= విఙ్ణానం
= విద్య
= జాగౄతం
= భావావేశం
వీధిలొ ఎదొ జరగకూడనిది జరిగిపొతుందని ఇంట్లొకొచ్చి భాధపడటమెందుకు మీరే చక్కదిద్దొచ్చు కదా అని ప్రశ్నిస్తె
ఆడలేక మద్దెలొడు మీద ఎందుకు చెప్తావు అంటే వాడు నన్ను అవమానింఛాడు అంటె ఏం చెప్తాం
నిర్మతలు కోట్లు ఖర్చు పెట్టి తీసినా విదెశాల్లొ తీసినా
విమర్శకులు బాగుందని చెప్పినా బాగొలెదని చెప్పినా
నాకు (సాధరణ ప్రేక్షకుడు) అనవసరం
నాకు నచ్చితే చూస్తాను ఎన్ని సార్లైనా చుస్తాను
నన్ను ప్రశ్నించడానికి, నన్ను గొర్రెతొ పొల్చి అవమానించడానికి
ఏ నిర్మతకు ఏవిమర్శకుడికి లేదు
నెను సాధరణ (మీ దౄస్టిలొ మాస్) ప్రేక్షకుడు
K మహేశ్ కుమార్ says:
@సినిమా ప్రేమికుడు: బహుశా మీరు ఆర్యాలాగా unconditional psychotic సినిమా ప్రేమికుడనుకుంటాను. ప్రేక్షకులు సినిమాను “చక్కదిద్దేది” నిర్ద్వందంగా చెత్త సినిమాల్ని తిరస్కరించి. అది కొన్ని సంవత్సరాలుగా జరుగుతూనే ఉన్నాయి. అందుకే తెలుగు పరిశ్రమలో హిట్లు 5 శాతానికి పడిపోయాయి. ఈ సంవత్సరం దాదాపు 150 సినిమాలు రిలీజైతే ఇప్పటికి హిట్లు కేవలం ఐదుమాత్రమే. అయినా, ఇప్పటికీ పరిశ్రమకు బుద్దిరాలేదు. గుడ్డెద్దుచేలోపడ్డట్టు మళ్ళీచెత్తనే తీసి మామీదకు వదులుతున్నారు.
ఇక్కడ “ఆడలేక కాదు మద్దెల ఓడంటోంది.చూడలేక, బాబొయ్ ఈ టార్చర్ ఒద్దంటున్నాం”. We are not film makers. We are audience. ప్రేక్షకుడు ఫిల్మ్ మేకర్ అయితేతప్ప విమర్శించకూడదంటే సినిమా చూడ్డానికి ప్రిమియర్ షో తరువాత ఎవరూ మిగలరు. Your logic is flowed and your love for cinema is blind.
heera says:
@Mahesh..
Of the 5 % of the films which are hit how many are good movies as per the standards. Not a single one.
Sarma says:
నిజమే కత్తి గారు. నాకు కోటి రూపాయలు ఇస్తే నేను కూడా సినిమా తియ్యగలను. నాది ఆఫ్టర్ ఆల్ కంప్యూటర్లూ, ప్రింటర్లూ రిపైర్ చేసే బిజినెస్ కదా. నాకు అంత డబ్బు చెట్లకి మొలుస్తుందా? హైదరాబాద్ లో స్థిరాస్తి (real estates) వ్యాపారాలు చేసి కోట్లు సంపాదించి అశ్లీల సినిమాలు తీసి పిల్లలకి చూపించి చెడగొడుతున్నారు. నాకింకా పెళ్ళి అవ్వలేదు కానీ పిల్లలున్నవాళ్ళకి తమ పిల్లలు ఎదురుగా ఒక సోకాల్డ్ సివిలైజ్డ్ పర్సన్ సెల్ ఫోన్ ఆన్ చేసి రింగా రింగా పాట వినిపిస్తే ఎలా ఉంటుంది? ఇందాక నా టాటా ఇండికాం వైర్ లెస్ ల్యాండ్ ఫోన్ కి రింగ్ వచ్చింది. మీ ఫోన్ కి రింగా రింగా పాట రింగ్ టోన్ గా సెట్ చెయ్యాలంటే ఫలానా నంబర్ నొక్కండి అని వాయిస్ వచ్చింది. అశ్లీల పాటలు వినే అలవాటు లేనివాళ్ళకి కూడా అవి నేర్పించడం ఎందుకు?
సినిమా ప్రేమికుడు says:
సోదరులారా
అటు తిరిగి ఇటు తిరిగి మళ్ళీ మొదటికి వస్తున్నారు
ఎవ్వరిని మేక ర్లు అవ్వమని నేను చెప్పట్లేదు
మమ్మల్నెందుకు గొర్రె లని అంటున్నారని ప్రశ్నిస్తున్నాను
వంట రుచి తెలుసుకొవడానికి వంటవాడు కావాల్సిన అవసరం లేదు నిజమే
ఎంతమంది వంటవాళ్ళు మారినా రుచిగా లేదే అని భాధ పడేకంటె మీరే ప్రయత్నించవచ్చు కదా
ఇంతకు ముందు ఒకసారి చెప్పాను సినిమా ఫలానా వాళ్ళే తీయాలని ఎక్కడా లేదు
తీసే వాళ్ళు గుడ్డెద్దు చేలొ పడ్డట్టు తీస్తారు
మొసెవాళ్ళు గుడ్డెద్దు చేలొ పడ్డట్టు మొసెస్తారు (విమర్శిస్తారు)
అంటె విమర్శకు ఆహారం చెత్త సినిమా అన్నమాట
విమర్శ నిర్మాణాత్మకంగా వుంటే మంచిది కాని
భాధ పడే దానికొ ఎవరినొ వేలెత్తి చూపడానికొ ఐతె అవసరం లేదు
వ్యాసం వ్రాసిన వ్యక్తి ప్రతిభను ప్రశంసించే ముందు
వ్యవస్థ ప్రగతికి ఎంత వరకు దొహదపడుతుందొ ఆలొచించండి
ఈ సైటుకు ఆధారం చెత్త సినిమాకాకుండా
ప్రయాణం మంచి సినిమా వైపు సాగాలని కొరుకుంటూ
సాదారణ ప్రెక్షకుడు
Jingicheka says:
వంట రుచి చూసి బాగోలేదని చెప్పడానికి నువ్వు వంటగాడివి అవ్వాల్సిన అవసరం లేదు కదా. ఇదీ అంతే. మాకు ఆధికారం వుంది.(నేను సాధారణ ప్రేక్షకున్నే)
Sarma says:
బూతు సినిమాలు మనం చూడము కానీ పిల్లలు చూసి చెడిపోతే అందుకు బాధ్యత ఎవరిది? మేము కరీంనగర్ లో ఉన్నప్పుడు ఒక పదహారేళ్ళ వయసున్న పని మనిషి “चोली के पीचे क्या है” పాట పాడుతోంటే మా పక్కింట్లో ఉండే పెద్ద అమ్మాయి ఆమెని తిట్టి “चोली” అంటే ఏమిటో నీకు తెలుసా అని అడిగింది. పాట పాడిన అమ్మాయి తనకి తెలియదని చెప్పింది. ఆ పని అమ్మాయి కొంత కాలం రాయిపూర్ దగ్గర భిలాయిలో ఒక డబ్బున్నవాళ్ళ ఇంటిలో పని చేసి వచ్చింది. ఆమెకి హిందీ రాదని ఎలా అనుకోవాలి? నీకు నిజంగా తెలియదా అని అడిగితే తనకి నిజంగా తెలియదని దబాయించింది. కరీంనగర్ పెద్ద టౌన్ కనుక అక్కడ జనానికి హిందీ అర్థమవుతుంది. వాళ్ళు హిందీ పాటలకి అర్థం తెలియని అమాయకులు కారు. అప్పట్లో తెలుగు టి.వి. చానెల్స్ ఎక్కువ లేవు. హిందీ టి.వి. చానెల్స్ కూడా చూసేవాళ్ళం. హిందీ పాటలలో కూడా అశ్లీలాలు ఉండేవి. “मै तो रस्ते पे जा रहाता” పాటలో “तेरी नानी मरीतो मै क्या करू? (నీ అమ్మమ్మ చస్తే నాకేమిటి?) లాంటి తిట్లు ఉండేవి. చిన్నప్పటి నుంచి బూతు పాటలు వింటున్నాను. ఆ పాటలు విని నేను చెడిపోలేదు కానీ చుట్టుపక్కల ఉన్న కొంత మంది పిల్లలు పబ్లిక్ లో బూతు పాటలు పాడడం నేర్చుకున్నారు.
Jingicheka says:
హిందీని హిందీ లో రాస్తే మాలాంటి హిందీ నిరక్ష్యరాసులకి అర్ధం కాదండి శర్మ గారు
bambu says:
andaru neelaa super nishta garishtulu unDarEmo sirrrrr
Sarma says:
నిష్టాగరిష్టత అంటే ఏమిటి? మీ పిల్లలు పబ్లిక్ లో గోవిందా గారి పాటలాగ నీ అమ్మ చస్తే నాకేమిటి?, నీ అబ్బ చస్తే నాకేమిటి లాంటివి మాట్లాడితే విన్నవాళ్ళకి ఎలా ఉంటుంది? స్కూల్ లో అలాంటివి మాట్లాడితే క్లాస్ రూమ్ బయట నిలబెడతారు.
jmk says:
oka telugu cinema lo sannivesam:
pelli ki edigina koduku thana thandri tho (thana thalli ni uddesinchi) ila antadu: ela pelli chesukunnavu nanna? kontha kalam agivunte intha kanna manchi figure doriki undedi…!!!
telugu cinema jindabad…!!
Venkat Gopu says:
నేను ఈ ఆర్టికల్ ఈ మద్యే చదివాను….నా opinion చెప్పాలని అనిపించింది….
ఇక్కడ అభిప్రాయాలు చెప్పిన వాళ్ళలో సాధారణ ప్రేక్షకులు ఉన్నారు, సినిమా తో సంబంధం ఉన్న వాళ్ళూ ఉండొచ్చు.
కానీ ఇందులో ఒక్కరూ కూడా prodecers లేరు.. సొంతంగా డబ్బులు పెట్టి సినిమా తీసినవాళ్ళు ఎవరూ లేరు….
మన telugu సినిమా prodecers ఎవరూ అంటే
real estate business
political leaders
cinema family background
NRI’s…. మొదలగు వారు….
వీళ్ళంతా ఒక్క రూపాయి పెట్టుబడి పెడితే 10 రూ. లు లాభం కావలనుకుంటారు… సినిమా అనేది పచ్చి వ్యాపారం గా మాత్రమే వాళ్ళకి తెలుసు….లాభం రావడానికి ఎంతకైనా.. అంటే ఎలాంటి సినిమాలు ఐనా తీస్తారు…
అసలు switch అక్కడ ఉంది… మనం ఎంత అరిచి గోల పెట్టినా వాళ్ళ “cinema business” వాళ్ళు ఎంచక్కా చేసుకుంటారు…
“కర్రా విరగదు, పామూ చావదు”…