Film of the year-రాకెట్ సింగ్
First things first. మీరింకా రాకెట్ సింగ్ చూడలేదంటే అర్జెంటుగా వెళ్ళి చూసెయ్యండి. ఇప్పటికే సినిమాని ఫ్లాప్ చేసేసారు. ఇంకో వారమైనా ఉంటుందో లేదో తెలియదు కానీ ఈ సినిమా మిస్సయితే మాత్రం సినీ ప్రేమికులుగా మీరు ఒక ఘోర తప్పిదం చేస్తున్నట్టే!
ఈ సంవత్సరం ఇప్పటివరకూ విడుదలయిన బాలీవుడ్ సినిమాల్లో Dev.D,లవ్ ఆజ్ కల్,కమీనే, గులాల్ లాంటి కొన్ని మంచి సినిమాలు తప్పితే మిగిలిన వాటిల్లో బావుంది అనుకునే సినిమాలు చాలా తక్కువనే చెప్పాలి. అయితే పైన చెప్పిన సినిమాలన్నీ కూడా నాకు నచ్చడానికి కారణం ఒక్కటే. వీటిల్లో కథ పెద్దగా కొత్తది కాకపోయినప్పటికీ కథను చెప్పిన తీరు ఆసక్తికరంగా ఉంది. అయితే ఉన్న కథను ఉన్నదున్నట్టుగా నాన్ లీనియర్ నెరేటివ్ గట్రా లాంటివేమీ లేకుండానే కేవలం ఒకే ఒక్క పాత్ర ఆధారంగా traditional story telling పద్ధతిని నమ్ముకుని ఎటువంటి హడావుడీ హంగామా లేకుండా రెండు గంటలపాటు బోర్ కొట్టించకుండా ప్రేక్షకులను ఆనందపరిచిన సినిమా ఏదైనా ఉందా అంటే అది ’రాకెట్ సింగ్’ మాత్రమే అని చెప్పాలి.
కథగా చెప్పుకోవాలంటే రాకెట్ సింగ్ ది చాలా చిన్న కథ. అప్పుడే బి.కాం పూర్తి చేసుకున్న హర్ప్రీత్ సింగ్ బేడి అనే యువకుడు AYS అనే assembled కంప్యూటర్స్ అమ్మే కంపెనీలో సేల్స్ విభాగంలో సేల్స్ మ్యాన్ గా ఉద్యోగంలో చేరుతాడు. మొదట్లో కాస్త ఉత్సాహంగా పనిచేసినప్పటికీ సేల్స్ రంగంలో జరిగే అక్రమాలకు బలవుతాడు. ఆ క్రమంలో ఉన్నా లేనట్టే లాంటి ఉద్యోగంలో ఉండలేక వదలలేని పరిస్థుతుల్లో సతమతమవుతూంటాడు. అలాంటి సమయంలో ఎదురైన ఒక అవకాశాన్ని అందిపుచ్చుకుని రాకెట్ సేల్స్ కార్పొరేషన్ అనే కంపెనీ స్థాపిస్తాడు. ఆ తర్వాత అతని జీవితంలో జరిగిన విభిన్న పరిణామాలతో కూడుకున్నదే మిగతా కథ.
గతంలో ’ఛక్ దే ఇండియా’ సినిమా కు స్క్రిప్ట్ అందించిన జైదీప్ సహాని ఈ సినిమాకి స్క్రిప్ట్ అందించాడు. ఈ సినిమాకి స్క్రిప్టే పెద్ద బలం అని చెప్పొచ్చు. ఎక్కడో ఒకటీ రెండు చోట్ల తప్పితే (వాటి గురించి మరో సారి వివరంగా చర్చిద్దాం) మిగతా స్క్రిప్ట్ మొత్తం చాలా పకడ్బందీగా రాసుకున్నారనే చెప్పొచ్చు. ముఖ్యంగా సినిమాలో ఏ రెండు మూడు నిమిషాలు తప్పితే రాకెట్ సింగ్ లేకుండా ఒక్క ఫ్రేము కూడా ఉండదు. అన్ని సీన్లూ అతనితోనే సాగుతాయి. కేవలం ఒక underdog protagonist పాత్ర journey ని ఇంత చక్కగా, ఫ్రెష్ గా వ్రాసిన హిందీ సినిమా నాకైతే మరొకటి తెలియదు. ఈ సినిమా స్క్రిప్ట్ ని చాలా చక్కగా స్క్రీన్ మీదకు తీసుకురావడంలో షిమిత్ అమిన్ (చక్ దే ఇండియా, అబ్ తక్ చప్పన్) తన ప్రతిభ చూపించాడు. అయితే వీటన్నింటినీ కూడా రణ్బీర్ కపూర్ తన నటనతో సంపూర్ణత తేగలిగాడు. మిగిలిన పాత్రల్లో నటించిన ప్రతీ ఒక్కరూ అత్యద్భుతంగా నటించారనే చెప్పాలి.
ఇంతవరకూ బానే ఉంది. ఆపరేషన్ సక్సెస్, పేషెంట్ డెడ్ లాంటి పరిస్థితి ఈ సినిమాది. నాకైతే సినిమా చాలా చాలా నచ్చేసింది. కానీ బాక్సాఫీస్ దగ్గర బోల్తా కొట్టింది. ఈ సినిమా ఎలా ఫెయిలయిందో నాకు ఇంకా అర్థం కాలేదు. బహుశా పిచ్చ కామెడీ సినిమా అనుకుని వెళ్ళి సినిమా సీరియస్ గా ఉండడంతో జరిగిన ‘expectation mismatch’ అయ్యుండొచ్చేమో తప్పితే, ఏ విధంగా చూసినా రాకెట్ సింగ్ ఈ సంవత్సరంలో వచ్చిన అతికొద్ది మంచి సినిమాల్లో ఒకటి అని గట్టిగా చెప్పగలను.
దురదృష్టవశాత్తూ ఈ సినిమాకొచ్చిన నెగటివ్ రివ్యూలు కూడా ఈ సినిమాకున్న కొద్ది ఛాన్స్ ని కూడా లేకుండా చేసినట్టున్నాయి. ఆశ్చర్యం కలిగించే విషయం ఏమిటంటే ఈ సినిమా బాక్సాఫీస్ వద్ద అపజయం పాలవడానికి కారణం ’సేల్స్ మ్యాన్’ అనే concept తో ప్రేక్షకులు identify చేసుకోలేకపోయారనీ, మాస్ ప్రేక్షకులకు దూరంగా ఉందనీ పలు కారణాలు చెప్పారు విశ్లేషకులు. ఇక్కడ కథ సేల్స్ మ్యాన్ ది అయినా రాకెట్ సింగ్ లాంటి పాత్ర ఏ కంపేనీ అయినా ఎలాంటి రకమైన ఉద్యోగానికయినా అన్వయించుకోదగ్గది. ఆ కథకి ఒక యూనివర్శల్ అప్పీల్ ఉంది. అయినా కూడా ఈ సినిమా జనాలకు రీచ్ కాలేదంటే చాలా నిరాశగా ఉంది. ఒక్కోసారి అసలు మనకు సినిమా చూడడం వచ్చా అనే అనుమానం కలుగుతోంది.
నాకైతే ఈ సినిమా చూస్తున్నంత సేపూ 1970-80 ల్లో హిందీలో వచ్చిన మిడిల్ సినిమా లేదా ప్యారలల్ సినిమాలే గుర్తుకొచ్చాయి. వాటిల్లోనూ అంతే రోజూ వారీ జీవితానికి చాలా దగ్గరి సంబంధం కలిగిన పాత్రలు, లో బడ్జెట్, కొత్త నటీ నటులకు అవకాశాలు, అనవసరమైన పాటలు, డ్యాన్సులు లేకపోవడం…ఇలా ఎన్నో అంశాల్లో రాకెట్ సింగ్ ఒకప్పటి ప్యారలల్ సినిమాలను పోలివుంది. అయితే అప్పటికీ ఇప్పటికీ పోలిక లేనిది ఒకటే– ప్రేక్షకుల అభిరుచి. ఆ రోజుల్లో మంచి సినిమాలను ప్రోత్సాహించారు కాబట్టే రోజుల్లో ఎన్నో మంచి సినిమాలు (అంకుర్, దువిధ, భువన్ సోమే, సలీం లంగ్డేపే మత్ రో, ఏక్ డాక్టర్ కీ మౌత్, తమస్, గరమ్ హవా, ఇంకా ఎన్నో) రాగలిగాయి. అయితే అజబ్ ప్రేమ్ కి గజబ్ కహానీ లాంటి సినిమాని హిట్ చేసిన ప్రజలు ఇలాంటి సినిమాను హిట్ చెయ్యకపోయినా ఫర్వాలేదు కానీ ప్రోత్సాహించకపోతే మనకు కేవలం meaningless escapist entertainment ఉన్న సినిమాలు మాత్రమే కోరుకుంటున్నామని చెప్పకనే చెప్పటం లేదా? అలాంటప్పుడు వైవిధ్యమైన కథలతో సినిమాలు తీయాలనుకున్న వాళ్ళు కూడా రొటీన్ ఫార్ములా సినిమాలవైపే మొగ్గేలా చేయడానికి మనం కారణం కావటం లేదంటారా?
అవును నిజమే ఈ సినిమా లో సెకండ్ హాఫ్ కాస్త నిదానంగా నడుస్తుంది. మరి పాత్ర జీవితంలో ఎదురైన సంఘర్షణ అలాంటదైనప్పుడు అక్కడ హాడావుడిగా చేసెయ్యడానికీ, విజృంభించి ఫైట్లు చెయ్యడానికి అవకాశం లేదు. క్లైమాక్స్ ఇంకో విధంగా డీల్ చేసుండొచ్చు. అలాగే స్క్రిప్ట్ లోని మొదటి సగంలో కూడా సరిదిద్దుకోగల అంశాలు కొన్నున్నాయి. అంత మాత్రాన ఈ సినిమా మరీ అంత తీసి పారేయదగ్గ సినిమా కాదు. బడ్జెట్ ఎంత అంతే వందల కోట్ల లోనే చెప్తున్న బాలీవుడ్ లో కేవలం ఐదు కోట్లకంటే తక్కువ బడ్డెట్ లో ఒక సినిమా తీయడం, ఆ సినిమాలో రన్బీర్ కపూర్ లాంటి స్టార్ నటించడం ఒక మంచి పరిణామమే అయినా ఇలాంటి సినిమాని సరైన రీతిలో మనం ఆదరించకపోవడం మాత్రం మన సినిమాలకు మంచిది కాదని నా అభిప్రాయం.
ఆలోచించకండి! ఒక మంచి సినిమా మిస్సవ్వకండి! అర్జెంటుగా వెళ్ళి రాకెట్ సింగ్ చూడండి. నచ్చకపోతే ఎందుకు నచ్చలేదో కామెంట్లద్వారాతెలియచేయండి;చర్చించుకుందాం.
Filed Under: featured • lead • తెలుగు • భారతీయ సినిమా • సమీక్ష
Nice review. I am happy to see two different opinions about the same film from the two different people from their own perspective.
Instead of attacking the reviewer and making some cheap comments one should put their views in a separate page giving some logical explanation of why he likes or dislikes the film and what we can expect from a particular movie there by leaving the decision to reader.
Hope everyone follows this tradition.
This film doesn’t seems disappointing to me. Will definitely watch.
నాకైతే ఈ సినిమా చూస్తున్నంత సేపూ 1970-80 ల్లో హిందీలో వచ్చిన మిడిల్ సినిమా లేదా ప్యారలల్ సినిమాలే గుర్తుకొచ్చాయి.
>>> exactly!!!!!
Rocket’s house (especially the back groun frames for the titles) has that ‘middle-of-the-road-movies-of-’80s’ charm!
సినిమా చూసిన ఉత్సాహంలో నేనూ సమీక్షరాద్ధామనుకుని వచ్చే సరికీ మీ సమీక్ష రెడీగా ఉంది.ఇంతకన్నా భిన్నంగా నా సమీక్ష ఉండేది కాదు. నూటికి రెండువందల శాతం నేను మీ విశ్లేషణతో అంగీకరిస్తాను.
Strength of the script అచ్చంగా తెరపై చెప్పిన ఒకానొక చిత్రం ఇది. మీరు కొంత పునరాలోచిస్తే,99% ప్రధానపాత్ర ప్రపంచంతప్ప మరే “సాధారణ లోకమూ” ఈ సినిమాలో కనిపించదు. అయినా, “ఎంత realistic portrayal!” అనిపించాడు దర్శకుడు. ఎంత అద్భుతమైన ప్రయోగం ఇది!!
Persuasion తన power అనుకుని సేల్స్ మ్యాన్ అయిన నాయకుడు, playing tricks with the customer is sales అనే నిజాన్ని తెలుసుకోవడం, తను అంగీకరించని ఆ నిజాన్ని “strength of ZERO”తో మార్చడం. మార్చి నిరూపించడం. వ్యాపారమంటే అంకెలు, సేల్స్ గ్రాఫ్ కాదు… మానవ సంబంధాలు,సర్వీస్ గ్రాఫ్ అని తెలియజెప్పిన విధానం అత్యంత హృద్యమైన సినెమాటిక్ అచీవ్మెంట్ in Indian cinema.
ఈ సినిమా నాకు పిచ్చపిచ్చగా నచ్చింది. మీరన్నట్లుగానే this is film of the year…
సినిమా ప్రేమికులు చూడాల్సిన సినిమా అని మీరు చెప్తున్నారు.. సేల్స్ వుద్యోగం చేసే వాళ్ళు తప్పకుండా చూడాల్సిన సినిమా అని నా సహవుద్యోగులు చెప్తున్నారు.. ఏ రకంగా చూసినా ఈ వారాంతంలో చూడాల్సిందే అన్నమాట.. వరస తెలుగు సినిమా చెత్త మధ్య పా, రాకెట్సింగ్ లాంటి “మంచి” హింది సినిమాలు కొంచెం వూరట.
సమీక్ష సరిగ్గా సరిపోయింది. ఈ సినిమా ఫ్లాప్ అయ్యింద?ఒకటీ అరా వైవిధ్యం ఉన్న సినిమాలను ఇలా ఫ్లాప్ చేస్తే ఎలా. ఏంటో మన సినిమాల గతి.
ఈ సినిమా గురించి మరో చెప్పదగ్గ విషయం డైలాగ్స్. very witty and punny
>>>Persuasion తన power అనుకుని సేల్స్ మ్యాన్ అయిన నాయకుడు, playing tricks with the customer is sales అనే నిజాన్ని తెలుసుకోవడం, తను అంగీకరించని ఆ నిజాన్ని “strength of ZERO”తో మార్చడం. మార్చి నిరూపించడం. వ్యాపారమంటే అంకెలు, సేల్స్ గ్రాఫ్ కాదు… మానవ సంబంధాలు,సర్వీస్ గ్రాఫ్ అని తెలియజెప్పిన విధానం అత్యంత హృద్యమైన సినెమాటిక్ అచీవ్మెంట్ in Indian cinema.
*** *** ***
If this is really so, it is a better movie to watch.
SivO@2haM
yaj~navinaaSa@H
తెలగు కీబోర్డు పనిచేస్తున్నట్టు లేదే.
(నేను వాడేది మంటనక్క మూణ్ణఱ, xpతోఁ)
ఇప్పుడు ట్రై చెయ్యండి
ఏదో వస్తున్నాయి కానీ, మ్యాపింగు తెలియట్లేదు.
అవగ్రహం @2 అని చూసినట్టు గుర్తు కానీ రావట్లేదు. (పెద్ద విషయం కాదు).
కానీ యజ్ఞం వ్రాయడం ఎట్లా?
అర్లేదు. బానే డెవలపయింది.
నిన్ననే చూశాను ఈ సినిమాని … వీకెండ్ వీలుపడక చూడలేదు , ఏలాగో పెద్ద హిట్ టాక్ రాలేదు కనుక త్వరలోనే టీవిలోనే ఎంచక్క ఫ్రీగా చూసెయ్యొచ్చు అనే నా కుంటిసాకుని వీల్ చైర్ ఎక్కించి థియేటర్ కి లాక్కెల్లిన వెంకట్ గారి రివ్యూకి నా ధన్యవాదాలు
… బహుశా వెంకట్ గారు అన్నట్టు 80’s ప్యారలల్ సినిమాలా నిజ జీవితానికి దగ్గరగ వుండటం మూలానే కాబోలు ప్రేక్షక దేవుళ్ళ ఆదరణకి నోచుకొవడం లేదేమో ఈ సినిమా … తెలుగు సినిమా ప్రేక్షక ప్రతినిధిగా హీరోఇజం నరనరాన వొంటబట్టించుకున్న నాకు మల్లే జనాలు కూడ ఈ సినిమాలో పలు సందర్భాల్లో ఘోర అవమానాల భారిన పడే హీరో గారు ప్రతీకారేచ్చతో విరుచుకపడి ప్రత్యర్ధులని మట్టి కరిపించి క్లైమాక్స్ లో విలన్ని అంతమొందించి కథ సుఖాంతం చేస్తాడేమోనని ఆశించి భంగపడి వుండి వుండొచ్చు .
కెరియర్ ప్రథమాంకములో ఒక 5 సంవత్సరాలు సేల్స్ మ్యాన్ గ పని చేసిన అనుభవం వున్న నాకు , హీరో గారు తను పని చెస్తున్న కంపెని యాజమన్యానికి గుణపాటం నెర్పె ప్రయత్నములో అదే కంపనీలోనే పని చేస్తూ Rocket Sales Corp అనె ఒక virtual company establish చెసి తను పని చెస్తున్న కంపనీ మేనెజ్మెంట్ కె కొరకరాని కొయ్యగా తయారయ్యే ప్రస్థానం కాస్త illogical గ తోచింది … కాకపొతే Where Drama Begins Logic Ends అనే నానుడుని ఒక్క సారి స్మరించుకొని సంత్రుప్తి పడ్డాను
Good review Venkat.
Will try to watch it in theater or atleast in a CD as soon as possible..