అవతార్ : ఒక కథ, ఒక నిజం, ఒక సత్యం…ఒక సినిమా
ఒక కథ:
అనగనగా ఒక అడవి.
ఆ అడవిలో ప్రకృతితో కలిసి బ్రతికే కోయజాతి ప్రజలు.
ఒక పారిశ్రామికవేత్త అక్కడొక ఫ్యాక్టరీ కట్టాలనుకుంటాడు. లేదా అక్కడదొరికే ఖనిజసంపదను దోచెయ్యాలనుకుంటాడు.
అలాచెయ్యాలంటే కోయోల్లని అక్కడ్నించీ తరిమెయ్యాలి.
అప్పుడు… కోయవాళ్ళకు మంచిచేసి, మచ్చికచేసుకుని, మోసం చెయ్యడానికి ఒకడ్ని నియమిస్తాడు.
అతడే హీరో…
ఆ హీరో విలన్ కోసం అక్కడికి వెళ్ళినా, త్వరలోనే ఆ కోయోళ్ళ ప్రకృతి ప్రేమని, అమాయకత్వాన్నీ అర్థం చేసుకుంటాడు.
పనిలోపనిగా కోయదొర కూతురు (హీరోయిన్)తో ప్రేమలో పడతాడు.
వచ్చింది మోసం చెయ్యడానికే అయినా, జరిగిన కనువిప్పుతో విలన్ కు వ్యతిరేకంగా పోరాడి హీరో అనిపించుకుంటాడు.
ఒక నిజం:
అనగనగా ఒక అమెరికా.
ఆ దేశానికి ఎక్కడలేని వనరులూ కావాలి.
అందుకే, ప్రపంచంలో ఏ మూల అమ్యూల్యమైన వనరులున్నా అభివృద్ధి నెపంతో అక్కడ తిష్టవేస్తారు.
చదువులు చెప్పిస్తారు. డబ్బులు అప్పుగా ఇస్తారు. మంచిమంచి మాటలు చెబుతారు. తాము చెప్పినదారిలో నడుచుకుంటే అభివృద్ధి జరుగుతుందని నమ్మింపజేస్తారు.
వీలైనన్ని వనరులు దోచుకుని దేశాన్ని ఖాళీచేస్తారు.
మాటవినకపోతే… వెపన్స్ ఆఫ్ మాస్ డిస్ట్రక్షన్ ఉన్నాయన్జెప్పి దాడిచేసైనా సరే వనరుల్ని బలవంతంగా తిష్టవేసిమరీ దోచేస్తారు.
వాళ్ళదేశం కాని ఏదేశమైనా వాళ్ళకదొక వెధవదేశం, నాగరికతా సభ్యతాలేని కొండోళ్ళ దేశం, ఆ దేశ ప్రజల్ని జంతువుల కంటే హీనంగా నలిపెయ్యడానికి, కార్పెట్ బాంబింగ్ చేసి చంపెయ్యడానికీ వెనుకాడరు.
వారికి ఎదురొడ్డి ఎన్నోదేశాలు భౌతికంగా పోరాడుతున్నాయి, మరెన్నోదేశాలు సైద్దాంతికంగా వ్యతిరేకిస్తున్నాయి. కానీ ఇది బలమైన దేశం. ప్రపంచాన్నంతా నాశనం చేసైనాసరే తమ మనుగడను నిలుపుకే కసాయి దేశం.
ఒక సత్యం:
మనుషుల అత్యాశను భరించలేని భూమి,ప్రకృతి బీడుబారిపోతున్నాయి.
కొన్నేళ్ళతరువాత ఇక్కడ ఏదీ మిగలదు.
అప్పుడు ఏ మార్సో, యురేనస్ లోనో, లేకపోతే మరే దిగంతాల్లోనో భూమిలాంటి ప్రదేశం కనుక్కున్నాం.
అక్కడి ప్రజలు మనకోసం వాళ్ళభూమిని ఖచ్చితంగా ఇవ్వమంటారు..
ఎక్కడికెళ్ళినా ప్రకృతిని నాశనం చేసే ప్రవృత్తి ఉన్న మనుషులను తప్పకుండా వ్యతిరేకిస్తారు.
వాళ్ళతో యుద్దంచేసి, ఆ లోకల్ జాతులను నాశనం చేసైనా ఆ భూమిని దక్కించుకోవాలని మనుషులు ప్రయత్నిస్తే!
ఒక సినిమా:
స్థానికంగానైనా, అంతర్జాతీయ స్థాయిలోనైనా అభివృద్ధి పేరుతో స్థానిక ప్రజల సంస్కృతి,ప్రకృతి,సాంప్రదాయాలపై జరిగే దాడికి సినిమారూపం అవతార్. మైనింగ్ కోసం పారిశ్రామీకరణ కోసం జరిగే displacement process కు అద్దం అవతార్. పెద్దపెద్ద కంపెనీలు, ఇంకాపెద్దపెద్ద దేశాలు కేవలం బలవంతులన్న ఒక్క కారణంచేత భూమిని, ప్రకృతినీ, వనరులనూ మానభంగం చేసి, బలహీనులకు ఏమీ మిగలకుండా, ప్రజల అవసరాలకన్నా తమ లాభాలే ముఖ్యమనుకునే పోకడకు ప్రతీక అవతార్. ప్రకృతితో మమేకమైన మానవుడే సరైన ప్రగతికి చిహ్నమవుతాడని అన్యాపదేశంగా చెప్పిన సినెమా మాయాజాలం అవతార్.
ఈ సినిమాకు దర్శకుడెవరూ, ఈ సినిమా సాంకేతిక ప్రమాణాలేమిటి,అనేవి అప్రస్తుతాలు. ఈ సినిమా చూడచ్చా చూడకూడదా అనేవి చొప్పదంటు ప్రశ్నలు. ఈ సినిమా ఒక వింత లోకం. కానీ, ఆ వింతలోకంలో మన నిజమైన ప్రపంచానికి చెందిన ఎన్నో చర్చలూ, ఆలోచనలూ, ప్రశ్నలూ ఉన్నాయి. ఈ ఒక్క కారణం చాలు సినిమా చూడటానికి. ఈ కారణంతో పాటూ ఒక అద్భుతమైన అనుభవం పెద్ద బోనస్ అంతే! జస్ట్ ఎంజాయ్!!
Filed Under: featured • lead • అమెరికా • ప్రపంచ సినిమా • సమీక్ష
ఈ సినిమాని తెలుగులో తీసి “పొలిటికల్ అవతార్” అని పెడితే సరిపోతుందేమో?ప్రస్థుత మన రాజకీయ వాతావరణానికి అతికినట్టు సరిపోవచ్చేమో?
సూపర్బ్.. చూడాలిక
Naration style is too good… I got intrest to watch the movie
చాలా బాగా చెప్పారు…. దోచుకొన బడుతున్న సామాన్య మానవుడిని గురిన్చి. సినెమా చూడాలి మరి…
కత్తి లాంటీ విశ్లెషణ. thanks
ఈ సినిమా చూడటం ఒక అత్యద్భుతమైన అనుభవం. ఊహకు సైతం అందనంత అందమైన మరో లోకంలోని కళ్ళు చెదిరే ప్రకృతి సౌందర్యాన్ని తెరమీద ఆవిష్కరించిన తీరు అపూర్వం. ఊపిరి తీసుకోనివ్వని పోరాట దృశ్యాలు కేవలం గ్రాఫిక్స్ అంటే నమ్మలేనంత సహజంగా ఉన్నాయి. ప్రకృతిని మానవుడు ఎన్నటికీ జయించలేడనే సందేశం ఉంది. వెరసి ఎట్టిపరిస్థితుల్లోను మిస్ అవకూడని సినిమా. IMax3D లో చూసారంటే ఇక మీ అంత అదృష్టవంతులు ఎవరు ఉండరు. Highly recommended.
సినిమా చూశాక మాటలుండవు
సినిమా గురించి చెప్పడానికి మాటల్లేవంతే
సినిమా లో లీనమై చూశాను ఎంతగా అంటే
ఈ భూగ్రహంలొ నేను ఉన్నందుకు సిగ్గు పడేంతగా
Cameron ki malli padellavaraku kanipinchademo………
విశ్లేషణ బావుంది. ఈ సినిమా రెండో సారి చూడవచ్చా?
(మీరేమంటారో తెలుసుకోవాల్నుంది)
ఇంతకంటే మంచి రివ్యూ ఉంటుందా ఈ సినిమాకి!!ఐ మాక్స్ లో చూడ్డం ఇంకా గొప్ప అనుభవమే !
ఇదొక అద్భుతం, ఇదొక సాంకేతిక ప్రమాణాల పరాకాష్ట! సినిమాలో సింహ భాగం గ్రాఫిక్స్ అంటే నమ్మలేని మాయాజాలం
శనివారం చూశారా..!:-)
నేనైతే ఇంకో సారి చూస్తా!
asalu aa cinema inta mandiki ela nachindo naku ardam kavatledu
మీరు ఈ వ్యాఖ్య ఎలా వ్రాశారో నాకూ అర్థం కావటం లేదు. కొంపదీసి మీకు గానీ అరుంధతి నచ్చిందా ఏమి?
అవతార్ – పెద్ద గొప్ప సినిమా కాదు – సినిమాలో నాకు నచ్చనివి ఇక్కడ.
http://maanasasanchara.blogspot.com/2009/12/blog-post.html
ఈ సినిమా ఎందుకు నచ్చదంటే
ఇది ఇంటి భొజనం లాగా వుంది
రెస్టారెంట్ భొజనం పలు రకాల వంటకాలను ఊహించుకున్నవాళ్ళకు
సాధారణ భొజనం దొరికినట్లైంది
దాని రుచిని గమినించకుండా
పలు రకాల గురించి ఆలొచిస్తునారు
కనీసం ఓ నాలుగు సార్లు చూడవచ్చు. చక్కటి సినిమా.
కధ — చాలా పాతది.
నిజం — ఎప్పటికి మారనిది
సత్యం — వెగటనిపించే ఒక నిజం
వెరసి మూడిటిని సమన్వయపరచటం లో దర్శకత్వ ప్రతిభ కనిపించింది కాని ఎక్కువ సాగ దీసేడు మధ్య లో. ఆ ప్రపంచం చూస్తే మాత్రం అధ్బుతం.. అలాంటి లోకంలోకి మన అమెరికావోడూ కాఫీ తాగుతు దండెత్తటం…
బాగుంది సినిమా కాని కొంచం హైప్ ఎక్కువ చేసేడూ.. యాక్షన్ సినిమా లంటే ఇష్టం వుంటే మాత్రం మంచి సినిమా , లేక పోతే వోకే వోకే… ఒక సారి చూడ వచ్చు. మానవత విలువలు ఆ కోణం లో చూస్తే వాల్ డిస్నీ సినిమాలను మించినది లేవుదా.
@భావన:
కథ: కల్పనని జోడించి చేప్పే నిజం-సత్యం
నిజం: కళ్ళముందుకనిపించే సత్యం
సత్యం: ఎన్నాళ్ళుగానో కొనసాగుతున్న నిజం
ఒక ప్రపంచాన్ని సృష్టించడం ఎంత అద్భుతం!!
మహేష్ మీ రివ్యూ బాగుంది, మీ రివ్యూ చదివి నిన్న వెళ్ళేను ఆ అనుభవం ఎంజాయ్ చేద్దాము కళ్ళ జోడూ పెట్టూకుని…;-)
సినిమాలో ఎమోషన్స్ చాలా బాగున్నాయి.ప్రకృతితో మమేకమై బ్రతికే వాళ్ళ మీద ఆ దౌర్జన్యం చూస్తే చాలా బాధవేసింది.గ్రాఫిక్స్ బాగున్నాయి.వింత చెట్లు,జంతువులు …..అలా ఊహించడం కష్టమే.కానీ సినిమా సా…గదీసాడు అనిపించింది.ఏమి సాగేసాడు,ఎక్కడ సాగదీసాడు,ఎందుకు గొప్ప సినిమా కాదు..చెప్పు…చెప్పు చెప్పు…అంటే నేను చెప్పలేను.కళ్ళకి ఇంపుగా వున్నా చాలా సార్లు ఎప్పుడు సినిమా అయిపోద్దా అనిపించింది.ధియేటర్లో జనాలందరూ నిట్టూర్పులు,అవసరం లేని దగ్గులు,ఆవులింతలు,అస్తమానూ కదులుతూనే వున్నారు.
నిజమేనండి. ఓ తెలుగువాడిగా నాకు ఈ సినిమాలో “కామెడీ” తగ్గింది. సెంటిమెంట్,యాక్షన్,లవ్,గ్రాపిక్స్….సామాజిక ప్రయోజనంతో సహా అన్నీ ఉన్నాయి. ఒక్క కామెడీ తక్క!
super cinema kaka.present ap lo kondaru telanganetharulu chusthunna arachakamla indulo miletry poru kanpisthundi.hero charecter kcr la anpisthundi.kadante iam challenge.jai telangana.
బాగా వ్రాశారు. మీకు రిప్లై ఇవ్వాలంటే టపా కట్టేయాల్సిందే.
సినిమా చెత్తగా వుంది
I personally thought 3D was unnecessary. I got headache. Perhaps IMAX 3D would be slightly different .. will try it.
good succinct capture of what it is all about, Mahesh.
I liked Bhavana’s summary above too.
One thing is clear – it is generating a lot of dialog and some very diverse opinions. That is always good
కొత్తపాళీ గారూ, నేను 2D,3D రెంటిలోనూ సినిమా చూశాను. 3D లోని depth of field వలన గ్రాఫిక్స్ లో క్లారిటీ చాలా వచ్చింది. ఆ అనుభవం 2Dలో రాలేదు.
చాలా మంది 3D అంటే కళ్ళముందుకు వస్తువులురావడం “జర్కులివ్వడం” వంటి అనుభవాన్ని ఆశించడం వలన నిరాశ చెందారు.అసలైన 3D ఉపయోగం ఈ సినిమాలోనే జరిగిందేమో!
మహేశ్ గారు, సినిమా ఇన్నాళ్ళకి చూశాను. మీ రివ్యూ ఒక్కటే బాగా గుర్తుండి పోయింది. అద్భుతమైన లోకం నుండి బయటపడి ఇంత కుదురుగా రాయడం నిజంగా గొప్పే. చక్కటి రివ్యూ.
బై ద వే, ఇన్నాళ్ళకి మీ ప్రొఫైల్ చూశాను. నేనూ పూర్వ నవోదయ విద్యార్థినే
[...] [...]
మహేష్ మీ విశ్లేషణ బాగుంది. మా ఫ్రెండ్స్తో కలిసి చూసినప్పటి నుండీ చూస్తున్నా, అందరూ సాంకేతిక అద్భుతాలను గురించి మాట్లాడే వారే కానీ సినిమాలో దాగిన అసలు సమస్యను గుర్తించిందీ, చర్చించిందీ ఎవరూ తగల్లేదు నాకు, మీ దృక్పథం బాగుంది. విమర్శకులకి కావలసిన కోణం ఇది.