నేను ఇప్పటివఱకూ మొదటిరోజు మొదటి ఆటకు వెళ్ళలేదు. తెలుఁగులో ఆంగ్ల సినిమాలూ చూడలేదు. తొలిప్రేమ తరువాత ఒక్కణ్ణే ఒంటిగా ఏ సినిమాకూ వెళ్ళలేదు. ఈవాళ ఈ మహాకార్యాలూ చేసి అవతార్ సినిమా చూడడం జరిగింది. ఇప్పటికే నవతరంగంలో రెండు సమీక్షలు వచ్చాయి, ఇక మూఁడవది ఎందుకంటే; కష్టపడి రాజమండ్రి ఊ.మే.రం కీ వెళ్ళి అక్కడ అర మైలు పొడవున్న వరుసలో నుంచొని, టిక్కెట్లు దొరక్క పోతే నల్ల టిక్కెట్టు కొని మఱీ వెళ్ళిన నా శ్రమ ఫలాలని పంచుకోవాలనే ఆనందాన్ని కాదనకండి. నేను చెప్పదలచుకుంది మన మహేశ్ గారు చెప్పేసే వున్నారు. అయినా ఇంకో సారి.
ట్రెయిలర్ చూస్తే కథ తెలిసిపోతుంది, పూర్తి కథ. చివరి వరకూ. కాబట్టి సినిమా చూస్తే గ్రాఫిక్సు కోసం చూడాలి లేదా కథలోని ఆహా కోసం చూడాలి. గ్రాఫిక్సు గుఱించి నేను పెద్దగా చెప్పలేను. నేను చూసింది, ఒక మాదిరి రకం థియేటరు, బాల్కనీ అంటే ఎక్కడో అర మైలు దూరంలో వుండే రకం. టైటానిక్కులో వున్న ఆహా వుందా అంటే, ఖచ్చితంగా లేదు. ఈ సినిమా కంటే మీ సగటు ఐరోపా సినిమాలో ఆహా ఎక్కువుంటుంది. బయటకి వచ్చాక పెద్ద గొప్ప సినిమా చూసాము, లేదా మానవ జీవితానికి ఏం అద్దం పట్టాడు అని మాత్రం మనకు ససేమిరా అనిపించదు. పై రెండూ చెప్పాక, ఇక మీరు సినిమాని చూస్తే మాంచి 3D థియేటరులో చూడాల్సిందే, అదీ కథనుండి పెద్దగా ఆశించకుండానే.
అందునా మళ్ళీ… కొత్త లోకాన్ని సృష్టించాడు, ఎన్నో అద్భుతాలు, వింతలు, ఎన్నో అందమైన వృక్షాలు చెట్లు, దేఁవుని సృష్టికి ప్రతి సృష్టి అని కూడా అంటున్నారు. కానీ దేఁవుని సృష్టిలో భాగమైన మనము ఆయని సృష్టికి ప్రతిగా రెండు గంటలైనా ఒక సినిమా తీయగలమా అంటే, నాకు నమ్మకం లేదు. ఆ పువ్వుల వాసనా మనకు రాదు, ఆ ఆకుల నునుపూ మనకు అంటదు. ఈ విషయంలో కూడా సినిమాటాగ్రాఫీకి పెద్ద పీట వేసే ఐరోపా సినిమాలూ , ఇరానీ సినిమాలు, మన వంశీ సినిమాలూ కలిగించే ఒక రకమైన ఆః ఈ సినిమాకు రాదు. దానికోసం మీరు పెర్షియన్ కార్పెట్ సినిమాలు చూసుకోవడం నయం, ఉదా- Gabbeh. లేదా గోదారి గట్టుకెళ్ళడం ఇంకా నయం.
కానీ అవతార్ నిజంగా ఎందుకు గొప్ప అంటే,
ఇది మహాభారతంలాగా ఒక పురాణం లాంటిది. చెడు పై మంచి ఎప్పుడూ విజయం సాధిస్తుంది, కాబట్టి మీరు సరైన పక్షాన వుండాలి అని హెచ్చరించే ఒక నీతి కథ. ఈనాడు మానవాళికి అది పెద్ద సమస్యగా పరిగణించింది పర్యావరణ పరిరక్షణ. మన అదృష్టమో దురదృష్టమోగాని, ఇక్కడ రావణుడూ రాముడూ ఇద్దరూ మనలోనే వున్నారు. అమెరికా వారు exploit చేస్తున్నారు, పేద దేశాలని మింగుతున్నారు అని, అలా ఈ సినిమాలో వినల్లు వారనీ అనడం కాస్త అపరిపక్వతే అవుతుంది.
ప్రలోభానికి అమెరికావారు చిహ్నమైతే కావచ్చు, కానీ వారి కంటే పెద్ద గనిబాబులు మన దగ్గరా వున్నారు. ఈ సినిమాని మీరు చూసారంటేనే మీరా వ్యవస్థలో ఒకరు. సినిమాని తీయడానికి పట్టిన 1200 కోట్లు, ఎక్కడి నుండి వస్తాయి భూమినుండేగా? ఈ సినిమాకూడా భూమికి అంత పెద్ద బొక్కా పెట్టినట్టేగా. నిజమైన నాఽవీ పక్షానికి అవతార్ యొక్క హైపు గుఱించి తెలియదు. కాబట్టి మనము నేవీ పక్షానికే వస్తాము.
ఈ సినిమాలో రెండు పక్షాలుంటాయి కౌరవులుగా భూగ్రహ అగ్రరాజ్యపు శక్తిమంతమైన సేన (Navy నేవీ). పాండవులుగా ప్రకృతి ప్రేమ గల గ్రహాంతర ఆదివాసీలు (Na’vi నాఽవీ). మామూలుగా ఈ రెండు వర్గాలూ పోరాడుకొని వారు నగ్గి మనము ఓడి పోతే, భారతీయ యుద్ధ సినిమాకు పాకిస్తాన్ గెలిచినట్టు ముగింపు ఇచ్చినట్టుంటుంది. అందుకే మన దర్శకుఁడు, జేమ్సు, మనకు మన ప్రతినిథైన కథానాయకుని ద్వారా మనం ఏ పక్షాన చేరాలి అన్న నిర్ణయాన్ని మనకే వదిలాడు. ఈ విషయంలో రెండో ఆర్యఁడు సాడిష్టో కాడో తెల్చుకోలేక పోయిన దర్శకులు, ప్రేక్షకులను కథానాయకునితో మమేకం చేయడం(empathize) ఎట్లానో నేర్చుకోవచ్చును.
కోపన్హాగన్లో జురుగుతున్న సమావేశాల సమయానికి ఈ సినిమా విడుదల చేయడం కాకతాళీయమో కాదో తెలియదు గాని, పర్వావరణ పరిరక్షణా సందేశాన్ని తిఱిగి ఇంత భారీ స్థాయిలో ఇంత గట్టిగా ప్రపంచమంతా చాటిన జేమ్సుని అభినందించాల్సిందే. ఆ సందేశం మాత్రమే వున్న సినిమానైతే ఇంకా బాగానే తీయవచ్చుఁ. ఆ పని చేయడానికి ఏ నాషనల్ జీయోగ్రాఫిక్ పరిశోధకుడో సరిపోతాడు. అలాంటి రెండు వీడియోలు ఇక్కడ మఱియు ఇక్కడ చూడవచ్చుఁ. కానీ వాటికి 1200 కోట్ల ఊహాలోకం జోడించి అబ్బుర పఱచేటట్టుగా అందరికీ చెప్పడం గొప్ప.
మెసేజ్ కావాలంటే పోష్టు కార్డులో వేస్తాను అని నమ్మే దర్శకులకు ఈ సినిమా ఒక గుణపాఠం.
వాళ్ళకు కావలసింది, మనమివ్వగలిగిందీ ఏమీ లేదు. ఏమిస్తాము మనము వాళ్ళకు? బీర్? జీన్స్?
*విండోసు-౭ లేని వారికి నాఽవీ అనే పదం సరిగా కనబడడానికి పోతన ఖతి అవసరం రావచ్చుఁ.
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
Sankar gongati says:
నెను మీతొ ఎకీభవిస్తాను. 100% సినిమా సామాజిక ప్రయొజనమె.
Manjula says:
నాకు ఇవాళ చూడడానికి టిక్కెట్టు ఉంది. IMAX 3Dలో చూడబోతున్నా. హాలీవుడ్, బాలీవుడ్, టాలీవుడ్ చిత్రాలలో అలోచన రేకెత్తిన్చె చిత్రాలకి నేను దూరమే.
అబ్రకదబ్ర says:
మొత్తానికి, ఈ సినిమాలో ఎవరికి కావలసింది వాళ్లు వెదుక్కుంటున్నారన్న మాట. ఇందాక మహేష్ కూడా సందేశాలేవో వెదుక్కున్నాడు. అలా చూస్తే కామరాన్ మిగతా సినిమాలన్నిట్లోనూ ఏదో ఓ సందేశం, సామాజిక ప్రయోజనం ఉంది (అతని సినిమాలన్నిట్లోనూ అతి పల్చని కథ గల ‘ట్రూ-లైస్’తో సహా). అయితే ఆయా సందేశాలివ్వటానికే సినిమా తీసినట్లు కనిపించకపోవటం అతని ప్రత్యేకత. సందేశం అనేది అతని సినిమా చూసేవారికి లభించే బోనస్ మాత్రమే.
$hankar says:
నేను IMAX 3D లొ చూడాలి అనుకుంటున్నాను
రాకేశ్వర రావు says:
@ మంజుల గారు,
ఆలోచన రేకెత్తని బుఱ్ఱల్లో బ్రహ్మదేఁవుఁడు సైతం రేకెత్తనియ్యలేడు, కానీ ఎంతటి అనాలోచితులకైనా, sub-consciousగా ఒక పెద్ద ముద్ర పడిపోతుంది. అందుకే దానిని మాస్ మీడియా అన్నారు.
@ అబ్రకదబ్ర గారు,
) కనబడితే మీరు మహాలోచితులే అవుతారు. ఆ రెంటిలో నాకు సందేశం కనబడలేదు. సగటు అమెరికన్ సినిమా ఎప్పుడూ ఆశాజనకంగానే వుంటుంది లెండి. యూరోపియను సినిమాలైతే మనమింతే మనబదుకులింతే అన్నట్టుంటాయి.
ట్రూలైసులోనూ, టైటానిక్కులోనూ మీకు సందేశం (తెలుగు అవతార్ లో సంకేతం అని వాడినట్టున్నారు
వెల్.. ఈ సినిమాలో మాత్రం ఖచ్చితంగా చాలా స్పష్టంగానే పర్యావరణాన్ని వెనకేసుకువచ్చాడు. ఉన్న ప్రకృతిసంపదకు తోడుగా వెళ్ళాలి కానీ వ్యతిరేకంగా కాదని నేరుగానే చెబుతున్నాడు.
గోపి గాడు says:
అదంతా చూసే ద్రుష్టికోణం లో వుంటుంది. ఇవన్నీ కాదు గాని సినిమా మాత్రం అద్భుతంగా వుంది. ఒక కొత్తలోకంలో విహరించినట్టుంది.3డి లో చూస్తే అత్యద్భుతంగా వుండేది. హైదరాబాద్ వచ్చి ఆ వెలితి కూడా తీర్చుకుంటా!
Chandramouli says:
ఈ సినిమా కధ మక్కీకి మక్కీ “Dances with Wolves” నే కదా…….
పాండోరా గ్రహం = అమెరికా
నేటీవ్స్ వేషధారణ విచిత్రం = నేటివ్స్ వేషధారణ విచిత్రం
హీరో గ్రూపులు మార్చటం.
నేటివ్ అమ్మాయిని లవ్ చేయ్యడం.
తన జాతిగూప్ కి వ్యతిరేకంగా పోరాడడం………..
కధ పాతదయినా…… టెక్నాలజీ కొత్తది కదా…మిగిలినది……సినిమా చూశాక మాట్లడతాను………..
చురక: ఇలా మక్కీకి మక్కీ తెలుగు వాళ్ళు కాపీ కొడితే చేతులు ఎత్తే వాళ్ళు ఎంతమంది…………..
శిద్దారెడ్డి వెంకట్ says:
అలా అయితే మన తెలుగులో కూడా ఇలాంటి సినిమాలు వచ్చినట్టు గుర్తు…
హీరో ఒక ఫారెస్ట్ ఆఫీసర్. అడవుల్లోని చెట్లు కొట్టి కలప స్మగ్లింగ్ చేస్తున్నారని ఆ కేస్ ఇన్వెస్టిగేషన్ కోసం అడవుల్లోకి వెళ్తాడు. అక్కడ ఒక కోయ గూడేం వారితో పరిచయం. అక్కడి కోయ దొర కూతురితో ప్రేమ. ఆమె మీద అప్పటికే అక్కడున్న ఒక యువకుడి కన్నుంటుంది. వీళ్ళిద్దరి మధ్య గొడవ. ఒక సన్నివేశంలో హీరో ఆ యువకుడిని అపాయం నుంచి కాపాడి తన హీరోయిజాన్ని చాటుకుంటాడు. ఈలోగా స్మగ్లర్స్ తమ పనులు తీవ్రతరం చేస్తారు. క్లమాక్స్ లో స్మగ్లర్స్ ని తన్ని తరిమేస్తాడు హీరో…ఈ ఫైట్ లో హీరోయిన్ ని ప్రేమించిన యువకుడు చనిపోతాడు. ఇదే కథతో కాకపోయినా నేను పైన చెప్పిన ఎలిమెంట్స్ అన్నీ ఏదో ఒక తెలుగు సినిమాలో అయితే వచ్చాయి. కాబట్టి ఇది కథా పరంగా గొప్ప సినిమా కాదు. అలా అని కూడా ఎక్కడా టాక్ లేదు కూడా.
చూస్తే 3d లో చూడాలి…అంతే…
రవి says:
భలే చెప్పారు.
Chandramouli says:
mana kodama simham vundi kada
రాకేశ్వర రావు says:
ఈ కథతో ఒక వంద సినిమాలు వుండవచ్చు.
అచ్చం ఇలాంటి కథే, The Last Samurai. అందులోనూ సంకేతం వచ్చి, హీరోని చంపకుండా వదిలేస్తారు. అందులోనూ హీరోయిన్ మొగుడు చస్తే, మనవాడు దూరతాడు. వారికి నాయకుడవుతాడు. అందులో చివరకు ఆటవీకులు ఓడిపోతారు అంతే తేడా.
K మహేశ్ కుమార్ says:
కాంప్లెక్స్ స్టోరీని సింపుల్గా..సింపుల్ స్టోరీని కాంప్లెక్స్ గా చెప్పాలంటారు. అంటే ఇదేనేనో!
అబ్రకదబ్ర says:
Dances with Wolves దాకా ఎందుకూ. Tarzan కథ కూడా ఇదే – అడవి తల్లి పెంచిన పిల్లాడు ఆ అడవి, అందులో జంతువుల మనుగడ కోసం తన జాతి వారితో పోరాటం చెయ్యటం.
పోలికలదేముంది కానీ …. పన్నెండేళ్ల నిరీక్షణ వృధా కాలేదు. ఈ సినిమా నిజంగానే అద్భుతం. Cameron lives up to the hype once again, and delivers.
రేపే రెండో సారి చూడబోతున్నా
రవి says:
రాకేష్ గారు,
” కానీ అవతార్ నిజంగా ఎందుకు గొప్ప అంటే,”
ఆ తర్వాత మీరు చెప్పిన మాటలు ఈ సినిమాకు excuses ఉన్నాయి కానీ correct reasons లా సౌండించడం లేదు.
రాకేశ్వర రావు says:
మీ ప్రశ్నకు ముక్కుసూటి సమాధానం.
నాకీ సినిమా నచ్చలేదు. అసలే విధంగానూ నచ్చలేదు. ప్రకృతి అందాలు మీ పట్టణపోళ్ళలాఁగాక నాకు అందుబాటులోనే వున్నాయి, కాబట్టి లేని గ్రహపు అందాలను 3Dలో చూడనక్కరలేదు. ఇక్కడ మాకు 6Dలో నేఱుగా కనబడుతూనేవున్నాయి.
కానీ నేను పర్యావరణ తీవ్రవాదిని. (అంశంపై పుస్తకం కూడా వ్రాస్తున్నా).
తెలుఁగులో జనాలను తప్పుదోవ పట్టించే దర్శకులకు ఇంత పెద్ద వ్యాపారాత్మక సినిమాలో ఎంత అత్యవసరమైన సందేశాన్ని అందించాడో అన్నది పాఠం అవుతుంది. అది విషయం.
rayraj says:
నిజమేనండి. ఓ తెలుగువాడిగా నాకు ఈ సినిమాలో “కామెడీ” తగ్గింది. సెంటిమెంట్,యాక్షన్,లవ్,గ్రాపిక్స్….సామాజిక ప్రయోజనంతో సహా అన్నీ ఉన్నాయి. ఒక్క కామెడీ తక్క!
అబ్రకదబ్ర says:
@రేరాజ్:
నాకు మాత్రం అవతార్లో సుతి మెత్తటి కామెడీ చెణుకులకి లోటు లేదనిపించింది.
ఉదా:
“How will I know it liked me?”
“You’ll know …. It tries to kill you”
మరో ఉదా:
తమ జంబో ఫైటర్ షిప్ మీద బాణాలేస్తున్న నా-వి యోధులనుద్దేశించి, ఫైటర్ చోదకుడు జెనరల్తో అనే మాట:
“They’ve opened fire at us, Sir”
ఇంకా, తన మీద వాలుతున్న ‘జెల్లీ ఫిష్’ పూలని దులుపుకోబోతున్న కథానాయకుడిని నెయ్-తిరి వారించే విధం .. నవ్వులు పూయించలేదా?
rayraj says:
ఇక ఆ మాత్రం కూడా లేకపోతే…
సున్నితమైన హాస్యమని కాదుగానీ…I will put this way…..ఒక్కసారిగా పెద్దశరీరంతో లేచి నిలబడటానికి బ్యాలెన్స్ కుదరక… సీనుంది చూశారా…..అక్కడ
ఎబ్బెట్టుగా ఏమీ లేదుగానీ…But I think it was meant to be a funny scene and also serving the purpose of intro on how its going to be further, to establish the belligerence in the hero character etc.,…But i doubt జనాలు విరగబడి నవ్వారా అని! I didn’t. except for a smile. చుట్టూ జనాలు కూడా నవ్వినట్టు లేదు. మరి ఎవ్వరికీ అర్ధమే కాలేదో మరి నాకే కాలేదో. అది కూడా జరుగుతూ ఉంటుంది లెండి
Similary, when the touch-me-nots vanish, and there is a sudden appearance of a creature (whatever is its name) – what is the expected reaction? -a sudden shock and an uproar of laughter. isn’t it? In continution with the scene, the dialauges were also attempting to continue the comedy ( especially with a second creature coming behind him!) But was i really rolling on the floor with all those sudden and quick succession of shocks? No. I am not.
In a way, he has not येत shown the Navis life style. There is very less of comedy in their lives….and i can go on and on…ఇక ఇది రంధ్రాన్వేషణ, ఫీలింగులే లెవ్వు, విశ్లేషిస్తూ చూస్తామేంటీ, అసలు వాటికెంత కష్టపడ్డాడో తెలుసా, లాంటి మాటలకు నా వద్ద సమాధానం లేదు
సినిమా బావుంది. అందులో సందేహమూ లేదు. అంతెందుకండీ, నేను పెద్దగా హ్యారీపోటర్ని ఇష్టపడను. కానీ ఎందుకో లార్డ్ ఆఫ్ ది రింగ్స్ నచ్చింది!! ఇక అక్కడ్నించి దాని గురించి తెలుసుకొని, చూసిన కొద్ది ఇంకా ఇంకా నచ్చుతుంది!! ఫస్టు ఫస్టు నచ్చిందేంటయ్యా అంటే, బుడత హీరో, రెసిస్టింగ్ రింగ్ టెంప్టేషన్….అంతే! గొల్లాం, which seems to have instilled the confidence in Jim to go ahead with his Navis, is very interesting to me from the beginning!!! And above all, perhaps, he always had a low key comedy in his movies….so may be i should not be expecting it….
and after writing so much….I retract fully.Ya,He did identify the need for comedy and attempted seriously to make me laugh. I agree.
rayraj says:
ఏదో గమ్మత్తు జరిగిపోయింది.”కామెడీ” విషయం వేరే పోస్టులో రాధికగారికి చెప్పబోతే ఇక్కడొచ్చింది!
————
రాకేశా – చాలా బాగా రాశారు.
“అమెరికా వారు…, అలా ఈ సినిమాలో వినల్లు..అనడం కాస్త అపరిపక్వతే అవుతుంది.”
అంటే ‘అపరిపక్వత’ గురించి అడుగుదాం అనుకొని, రెండో రీడింగులో దాని భావం కేవలం ‘మనమూ విలన్లమే’ అని చెప్పడమేనని గ్రహించాను.అది ఓకే గానీ…
పర్యావరణ తీవ్రవాదిగా మీరు కోపనహగన్కి లింకు పెట్టడమూ ఒకేగానీ…
ఈ సినిమాలో నాకు ఇష్టమైన నా పాయింటొకొటి వీడు చెప్పేసి, అప్పుడు నావీలను హీరోలను చేసేశాడు.అది గమ్మత్తుగా ఉంది.అదేంటంటే..
మదర్ డజన్ట్ టేక్ సైడ్స్..ఇట్ జస్ట్ ప్రొటెక్ట్స్ ది బ్యాలెన్స్ ఆఫ్ లైఫ్ అనో ఏదో ఓ డైలాగుంటుంది.తర్వాత కాసేపటికి, ఐవా ఈజ్ ఆన్ యువర్ సైడ్ అంటుంది
అది వేరే విషయం.
నిజానికి మనిషి కూడా ప్రకృతిలో భాగమేనే!అలాంటప్పుడు మన ఏ చర్య ప్రకృతికి విరుద్ధంగాదు. మనమేమీ ప్రకృతికి విరోధలం కాము,కాలేము. ఆ లెక్కన, ఏదో ప్రత్యామ్నాయం కనుగొనే వరకు ఇలా బాధపడతామే గానీ,మళ్ళీ అడవుల్లో బతకం.ఉదాః ప్లాస్టిక్కుని రీసైకిల్ చేయగలగొచ్చు, లేక మరేదో సంభవించి ప్లాస్టిక్కు అంతరించవచ్చు!అలా ఏదో బ్యాలెన్సు ఉంటూనే ఉంటుంది.అలాంటప్పుడు ఇలా వంశాలన్నింటిని ఏకం చేసి యుద్ధం చెయ్యాలా? అంటే, చెయ్యాలనే చెప్పాడు. సగటు అమెరికన్ సినిమాగా, ఆశవహంగా పర్యావరణ తీవ్రవాదిని వీరోచితంగా గెలిపించాడు
ఇంకోటి, మనం ఈ వ్యవస్థలో మనుష్యలమే..లేకపోతే ఈ హైపు మీకెలా తెలుసు?
గందరగోళంగా ఉందా…టైమూ లేదు.ఇది సరియైన ప్లాట్ఫాం కాదు…కానీ మరోసారి తప్పక చర్చిద్దాం. ఇప్పటికైతే, రెండు మాటల్లో ఏదో ఓటి చెప్పండి.
రాకేశ్వర రావు says:
Mother protects the balance, కాబట్టి Mother is on the side of sustainability. So if you are on the side of sustainability, mother is on your side.
నిజానికి మనిషి కూడా ప్రకృతిలో భాగమేనే!
ఈ వాదన నేను నేటికి నూరు సార్లు విన్నాను.
నిజంగా అద్వైతం తెలిసిన వాడు, ప్లాష్టిక్కు గుఱించి గనులు వదిలే అఘాతాల గుఱించీ రోదించడు. కానీ అద్వైతి చావు బ్రతుకుల గుఱించీ, మంచీ చెడులగుఱించి, సుఖదుఃఖాలగుఱించీ రోదించడు.
మీరు సహజంగా చావచ్చు, విషమంగా చావచ్చు, రెండూ నైసర్గికమే, ఎదోకటి మనము ఎంచుకోవచ్చు. అంతే. Mother after all does not take sides.
నావీలలా అడవిలో సమతుల్యతా సంతుష్టులతో బ్రతకవచ్చుం, లేదా, పెద్ద ఇల్లూ దాని నిండా వస్తువులూ కొనుక్కొని – ఏంటి సంతోషంగా లేము అనుకోవచ్చు.
మీకీ విషయం తెలుసనుకోండి.
rayraj says:
చాలా బాగా చెప్పారు.మరోసారి మరెక్కడైనా చర్చిద్దాం.ముందు మీరే మీ పోస్టుల్లో ఎన్విరాన్మెంటల్ ఇష్యూల మీద తీవ్రవాదం గురించి నేర్పించాలి మరి!అప్పుడు అదును చూసుకొని వచ్చేస్తా.
కొత్తపాళీ says:
Congratulations on connecting the movie to present day concern for environmental preservation.
good show.
అవతార్-మరోవ్యూ says:
[...] ఒక సత్యం…ఒక సినిమా – K మహేశ్ కుమార్ అవతర్ – నాఽవీ నేవీల సంగ్రామం – రాకేశ్వర రావు This entry was posted in సంసారం and [...]