అరుంధతి(A) బాధితుల సంఘం ౨
అరుంధతి(A) బాధితుల సంఘము యొక్క ప్రథమ సమావేశానికి స్వాగతం. మా సంఘంలో చేరినందుకు ధన్యవాదములు, మీకు ఈ సినీరాజం కల్పించిన దుఃఖాన్ని కాస్త ఉపశమించగలిగితే మాకదే బ్రహ్మానందము.
రాజమహేంద్రవరంలో ఒక సీడీల కొట్టు సీడీల పైకెక్కగానే, ఇంచుమించు మూఁడో తరగతి పిల్లాడు వాడి తల్లీ కనబడ్డారు.
పిల్లాడు- అమ్మా అరుంధతి తీసుకుందామమ్మా
అమ్మ- వద్దురా
నేను- అరుంధతి చూడకూడదమ్మా చిన్నపిల్లల్లు (ఆమెకు మద్దతిస్తూఁ)
వాడు- ఏఁ?
నేను- అది పెద్దల సినిమా, A సర్టిపికేటు వుంది. కాబట్టి పిల్లలు చూడకూడదని అర్థం.
ఆమె- కానీ ఇక్కడ ఏ మనరు కదా.
నేను- ఎ అంటే పిల్లలు చూడకూడదని కదండి.
ఆమె- ఇక్కడ అందరూ చూస్తారు కదా.
నేను- అంటే చట్టం ప్రకారం అడల్టు సినిమాలు పిల్లలు చూడకూడదుగా.
ఆమె- వాడు ఇప్పటికే థియేటర్లో మూఁడు సార్లు చూసాడు.
నేను- చూడ్డం చూడవచ్చండి, కానీ అలా చూడ్డం పిల్లలకు మంచిది కాదు.
ఆమె- వాళ్ళ కోసం మనం కూడా sacrifice చేసుకోలేము కదా.
నేను- పిల్లల్ని ఏ ప్రక్కింటివారికో అప్పజెప్పి వెళ్ళవచ్చు కదా.
ఆమె- వాళ్ళక్కడ ఏమైపోతున్నారో అని భయపడేకంటే పిల్లల్ని కూడా తీసుకుపోవడమే నయం కదా.
అప్పటికే నా ప్రక్కన వున్న నా మిత్రుఁడు, మోచేత్తో నా డొక్కలో గుద్దడం మొదలు పెట్టాడు. సిగనల్ అందుకున్న నేను కట్టిపెట్టాను, చిరాకేత్తిన ఆమె కొట్టువదిలి వెళ్ళింది.
ఇదే సినిమా అయితే, ఆమె sacrifice అనగానే, నేపథ్యంలో “త్యాగశీలివమ్మా నువ్వు త్యాగశీలివమ్మా”, అని పాట మొదలయ్యేది. కథలో నీతి ఏమిటంటే, మీ పిల్లల్ని మీ ప్రక్కయింటివారికో మీ అత్తమాఁవలకో మీ తల్లిదండ్రులకో అప్పజెప్పితే వారు వాళ్ళని కొఱుక్కుతినేయవచ్చు (సినిమాల్లో ఇదేప్పుడూ చూపిస్తునే వున్నాడుగా, పిల్లల్ని వారి తాతలూ నానమ్మలూ ముక్కలుగా క్రోసి తినేయడం). కాబట్టి వాణ్ణి మనకూడా అడల్టు సినిమాలకు తీసుకెళితే మన చేఁజేతులారా మనమే వాణ్ణి సీరియల్ కిల్లర్ గానో, యాసిడ్ దాడిగానిలానో తీర్చిదిద్దిన వారమవుతాము. పై పెచ్చు పిల్లల కోసం ఉద్యోగాలూ, చదువులూ sacrifice చేసుకుంటాము, ఇంకా కావాలంటే ఒక పూట భోజనం కూడా మానుకుంటాము గాని, ఇలా అడల్టు సినిమాలూ వాటిలోనీ హింసాకాండ అస్లీలతా sacrifice ఎలా చేసుకుంటాం చెప్పండి.
—
ఎంత ఏడ్చి ఏం లాభం గానీ, ఇవాళ్టి మన సభను ముంగించే ముందు నాలుగు మంచి మాటలు చెప్పుకుందాం.
ప్రఖ్యాత adult movie maker పూరీ జగన్నాథుఁడు తన సరికొత్త చిత్రం ఏక నిరంజనునికి కూడా A పత్రం సునాయాసంగా సాధించాడు. (ఏక్ నిరంజన్ (A) బాధితుల సంఘాన్ని విలీనం చేసుకోవడానికి మేము సుముఖతతో వున్నామని ఈ సందర్భాన మనవి చేసుకుంటున్నాము). మొన్న కార్తీకమాసాన భాగ్యనగరం వెళ్ళినప్పుడు ఏక్ నిరంజన్ యొక్క ప్రచార పత్రాల (పోష్టరు) మీద A అనే అక్షరం పెద్దపెద్దగా వేసియుండడం చూసి కాస్త సంతోషం వేసింది.
నేననుకోవడం, ప్రభుత్వం వారు మనలాంటి బాధితుల గోడు అర్థం చేసుకొని, చిన్న చిన్న ప్రచారపత్రాల మీదఁ సైతం పెద్దగా కానవచ్చేట్టు A అనే పదం అచ్చువేయాలని నిబంధనలు విధించినట్టున్నారు, ఇది చూసైనా, జనాలు కాస్త జాగరీకు*లై ప్రవర్తిస్తారని ఆశిద్దాం.
అలా ప్రభుత్వ నిబంధన ఏమీ లేదు. అది కేవలం అధిక ప్రచారం కోసమే అయితే ఆ విషయం ఇక్కడఁ జెప్పి మా సంతోషాన్ని భంగం చేయవద్దని సభ్యులకు మనవి చేసుకుంటున్నాను.
Filed Under: lead • అభిప్రాయాలు • విశ్లేషణ
A అనివేసినంత మాత్రానా పెద్ద తేడా ఏముంటుందంటారూ!? ఒకటీఅరా మల్టిప్లెక్సుల్లో తప్పితే ఏ థియేటర్లోనూ “ఇది పిల్లలు చూసే సినిమా కాదుబాబూ” అని ఎవరూ ఆపరు. నాకు తెలిసి అతడు,ఆర్య2,కిక్ అన్నీ A సర్టిఫికెట్ ఉన్న సినిమాలే. కానీ,అవన్నీ పిల్లలు చూసేశారు,చూస్తున్నారు. రేటింగ్ ఇచ్చినా అవి అమలుకానప్పుడు అసలు రేటింగెందుకు?
విజయవాడ లొ ఒక సినిమ హాల్ పెరు గుర్తులెదు కాని, 18 లొపు పిల్లలని లోపలికి రానియ్యలేదు . క్షమిన్చాలి సినిమ పేరు కూడా గుర్తులెదు . మగధీర తర్వాత వచ్చిన సినిమా .
Wish all theaters follow this rule.
That theater is Inox.
A సర్టీఫికెట్ సినిమాలన్ని T V ల్లొ వస్తాఈగా. దీనికి సంఘమెందుకు. పిల్లలు చెడిఫొతారని
బాధ పడనెలా?
నవతరంగం లో ఒక సినిమాను మెచ్చుకుంటూ ఉన్న రివ్యూస్ ఏదన్నా ఉందా? … జస్ట్ డౌట్ వచ్చింది
@vjarowdy:ఏదో సినిమా గురించి ఎందుకు అరుంధతి గురించే నవతరంగంలో మొచ్చుకుంటూ రివ్యూ ఉంది చూడండి.
http://navatarangam.com/2009/01/arundhati-review/
అయినా ఇక్కడ చర్చ A సర్టిఫికేట్ ఉన్న సినిమా యదేచ్చగా పిల్లలు చూసెయ్యడం గురించనుకుంటానే!
thanks … నా అన్వేషణ ఫలించినట్టే అయితే … చూసిన అన్ని రివ్యూస్ సూపర్ నెగటివ్ గా కనిపిస్తూంటే డౌట్ వచ్చింది లేండీ
BTW: టైటిల్ “బాధితుల సంఘం” అని పెడితేనూ అంతగా బాధింపపడే సినిమానా అనిపించింది … చిన్నపిల్లలని avoid చేసే సినిమా అయితే Definite గా కాదు అని కూడా అనిపించింది … దానితో పాటే ఈ మధ్య చదివిన అన్ని రివ్యూస్ కళ్ళముందు కదలాడాయి … అంతో ఇంతో బాగుండే సినిమాని కూడా మంచి విశ్లేషణలతో జనాలని థియేటర్ జోలికే పోనివ్వకుండా చేస్తున్న తీరు కూడా కనిపించింది … అదన్నమాట సంగతి …
@Sankar … negative side ‘కూడా’ అనకుండా ‘మాత్రమే’ అంటే బెటరేమో
ప్రతీ సినిమాని పొగిడే సైట్ లు చాలా వున్నయి.. నెగెటివ్ సైడు కూడా చెప్పే ఇలాంటి సైట్ లు మాకు కావాలి
బాబూ రౌడీ, నవతరంగంలో నెగటివ్ సైడ్ మాత్రమే చూసే నీలాంటి వారి కళ్ళకు ఇక్కడ రాసిన మంచి సినిమాల గురించి కనిపించవెందుకో?
latest reviews in NT
1)Rocket Singh (+ve review)
2)Paa (+ve)
3)rocket singht (-ve)
4)Salim (-ve)
5)vade kavali (-ve)
6)amaravati (+ve)
7)Luck by chance (+ve)
8)Tulpan (+ve)
9)arya 2 (-ve)
10)4 months, 3 weeks, 2 days (+ve)
పదిలో 6 +ve 4 -ve
మీ కళ్ళు తెరచుకున్నాయా?
శంకర్ గారిని మీరు తప్పుగా అర్థంచేసుకున్నారు. ఆయన ఉద్ధేశం, నవతరంగంలాగా ధైర్యంగా ఋణాత్మక సమీక్షలు ‘కూడా’ వ్రాయగల సైటు కావాలని ఆయని ఉద్ధేశం.
బాగా వ్రాశారు. నేను కూడా రావచ్చాండీ?
Bravo,
I m eagerly looking for a seat in “A” asso’n.
నన్ను కూడా మీ సంఘం లో చేర్చుకోండి.
ఈ మధ్య కాలం లో ఇంత జుగుప్సగా, భీభత్సంగా, పిచ్చి డైలాగులతో, అర్ధం లేని అరుపులతో చూసిన సినిమా లేదు. ఇది ఎందుకు అంత హిట్టైందో అర్ధం కాదు. మహేష్ గారు అన్నట్లు, ‘ఎ ‘ సర్టిఫికెట్ ఇచ్చినా, పేరెంట్స్ పట్టించుకోరు, థియేటర్స్ వాళ్ళు పట్టించుకోరు. ఇంక వీటికి సర్టిఫికెట్లు ఇచ్చి ఏం లాభం !
Your post just proves what I felt and posted already on first part of this topic – ” అన్నిటికీ “ఈ జెనరేషన్ ఆఫ్ కిడ్స్” అని అంటుంటారు గానీ అసలు “this generation of parents are the most careless, selfish generation” అనిపిస్తుంది నాకైతే” “.