2009 సంవత్సరాన్ని అత్యంత దారుణమైన సంవత్సరంగా తెలుగు చిత్రపరిశ్రమ అప్రకటితంగా ప్రకటించేసుకున్నారు. ఈ విషయం ఒక ఓపన్ సీక్రెట్. ఈ సంవత్సరంలో వచ్చినన్ని ఫ్లాపులు మరే సంవత్సరంలోనూ రాలేదు. ఆలాగే ఈ సంవత్సరంలో పెట్టినంత పెట్టుబడి మరే సంవత్సరంలోనూ తెలుగు పరిశ్రమ గత 77 ఏళ్ళలో పెట్టలేదు. కలెక్షన్ల పరంగా లెక్కకు నాలుగు హిట్లు. యావరేజ్ అనే పదానికి ప్రేక్షకులు చూసినా పెట్టుబడివెనక్కురాని సినిమాగా ఒక కొత్త అర్థం వచ్చిచేరింది. ఇక ఫ్లాపులంటారా వాటిని లెక్కపెట్టాల్సిన అవసరమే లేదు. ఆ నాలుగు సినిమాల్ని,మరో మూడు సినిమాల్నీ మినహాయించి మిగిలినవన్నీ అవేకదా!
హిట్టైన సినిమాలేమైనా తెలుగు సినిమా స్థాయిని పెంచాయా అంటే అదీ లేదు. ఒకటి (అరుంధతి) గ్రాఫిక్స్ మాయాజాలాన్ని యధాశక్తి బ్రహ్మాండంగా ‘రీక్రియేట్’ చేసి జుగుప్సాకరంగా భయపెట్టగలిగితే, మరొకటి (మగధీర) పాతిక అంతర్జాతీయ సినిమాల వివిధ అంశాల్ని కలగలిపి తెలుగుమసాలా దట్టించి లెక్కకు మించిన బొక్కలతో వండివార్చింది. ఇంకొకటి (కిక్) క్రిష్ అనే హిందీసినిమా (అదే పరమ కాపీ)కు రవితేజ మ్యానరిజాన్ని అద్దకంచేసి అందించింది. ఇక నాలుగోది (బెండు అప్పారావు)అల్లరి నరేష్ చేసిన స్లాప్స్టిక్ కామెడీ. మొత్తానికి అన్నింటిలోనూ తెలుగుతనం సంగతి పక్కనబెడితే కనీసం గౌరవప్రదమైన “సినిమా”గా కూడా గుర్తించలేని దిగజారుడుతనం మాత్రమే కనిపించింది.
ప్రయోగాల పేరుతో పసలేని ‘కథ’, సాగదీతల గమ్యంలేని ‘ప్రయాణం’,పదునున్నా గురిలేని ‘బాణం’, ఏమాత్రం హృదయాన్ని కలవరపెట్టని ‘కలవరమాయే మదిలో’,సస్పెన్స్ చిత్రానికి అవసరమైన కట్టుదిట్టమైన స్క్రీన్ ప్లే అస్సలు లేని ‘ష్..” చిత్రాలు వచ్చాయి… పోయాయి. గతసంవత్సరం ‘నచ్చావులే’అనిపించిన రవిబాబు ధ్రిల్లర్ జాన్రాలో మళ్ళీ అమరావతి ప్రయత్నించి అంతగా ఆకట్టుకోలేకపోయాడు. ‘సత్యమేవజయతే’ చిత్రంతో అంతవరకూ ఘోస్ట్ దర్శకురాలిగావున్న జీవిత, భర్త రాజశేఖర్ ను డైరెక్ట్ చేసింది. సినిమా విఫలమయ్యింది. శశిరేఖాపరిణయం,మహాత్మ చిత్రాలతో క్రియేటివ్ డైరెక్టర్ కృష్ణవంశీ ఇక తన క్రియేటివిటీ అంతమయ్యిందేమో అనే సందేహాన్ని మిగిల్చారు.
ఈ సంవత్సరంలోనే అరడబ్బింగ్ చిత్రం ‘ఆకాశమంత’ అర్బన్ ప్రేక్షకుల్ని, కూతుళ్ళున్న తండ్రుల్ని ఆకట్టుకుంది. పేరుకు తగ్గట్టుగానే ‘గోపి గోపిక గోదారి’ పసలేకపోయినా వసలపూడి కథల మహత్యమో ఏమోగానీ ఉభయగోదావరిజిల్లాలలో మాత్రం కలెక్షన్ల పరంగా విజయఢంకా మ్రోగించింది. నాగార్జున కుమారుడు నాగచైతన్య ‘జోష్’ చిత్రంతో ప్రేక్షకుల ముందుకొచ్చినా, ప్రేక్షకులు మాత్రం ముఖంచాటేసారు. ఈ సినిమాతో దర్శకుడుగా చాలా హోప్స్ తో ఆరంగేంట్రం చేసిన వాసువర్మ నిరాశపరిచాడు. అదే కోవలో పరిశ్రమలో దర్శకత్వం చెయ్యకముందే కాకలుతీరిన యోధులుగా పేరుగాంచిన ఆనంద్ రంగా, డాలీ కిషోర్ లు సిద్ధార్థ దెబ్బో…లేక వాళ్ళ అసలు ట్యాలెంట్ అంతేనో తెలీదుగానీ ‘ఓయ్’,‘కొంచెం ఇష్టం- కొంచెం కష్టం’తో కలవరపాటునే మిగిల్చారు. ఇలా కొత్తగా పరిచయమైన దర్శకులు రాశిపరంగా ఇబ్బడిముబ్బడిగా ఉన్నా, వాశిమాత్రం అటకెక్కింది.
గతసంవత్సరం ఒక సఫల ప్రయోగంగా నిలచిన ‘వినాయకుడు’ దర్శకుడు ఈసారి అదే ప్రయోగాన్ని అసెంబ్లీలైన్ ప్రొడక్షన్ చెయ్యొచ్చనుకుని, ‘విలేజిలో వినాయకుడు’ తీసి బోర్లాపడ్డాడు. ‘ఆర్య’ సినిమాని ఏ అంశాల కోసమైతే ప్రేక్షకులు చూశారో వాటన్నింటినీ పక్కనబెట్టి సైకో ఫిలాసఫీతో మరో ఆర్య(ఆర్య2) ని ప్రేక్షకుల ముందుకి సుకుమార్ తీసుకొచ్చాడు. కోట్లు ఖర్చు పెట్టి తీసిన ఈ చిత్రాన్ని ప్రేక్షకులు చూసినా, పెట్టిన పెట్టుబడిమాత్రం రికవర్ కాని తింగరి పరిస్థితుల్లో ఈ చిత్రం నిలిచింది. అయితే ఈ రెండుసినిమాలూ తెలుగులో సీక్వెల్ తరహా సంస్కృతికి శ్రీకారం చుట్టాయి. మొట్టమొదటిసారి ఒకపెద్ద కార్పొరేట్ కంపెనీ రిలయన్స్ ‘సలీం’ సినిమాకు పెట్టుబడిపెట్టింది. హీరో మార్కెట్ స్థాయికో, కథ-దర్శకుల స్థాయికో బడ్జెట్ పెట్టడం మానేసి కేవలం బడాయిలకోసం అక్షరాలా 24 కోట్లు పెట్టితీసిన ఈ చిత్రం రిలీజైనరోజే ఫ్లాప్ సినిమాల రికార్డులన్నీ బద్ధలు కొట్టి, అత్యుత్తమ ఫ్లాప్ చిత్రంగా నిలబడింది. భవిష్యత్తులో ఈ కార్పొరేట్ సంస్థ తెలుగు సినిమాల్లో పెట్టుబడి పెట్టడానికి భయపడేలా చేసింది.
తెలంగాణా-సమైక్యాంధ్ర ఉద్యమాల దెబ్బకు సినిమాలుకూడా దెబ్బతిన్నాయి. ఇప్పటికే సినీపరిశ్రమ రెండుగా చీలినట్టు తెలుస్తోంది. భవిష్యత్తు ఎలావుంటుందో కాలమే చెప్పాలి. ఈ ఉద్యమాల ఊపుకు ఝడిసి చాలా రిలీజులు వాయిదా వేసుకోవడం జరిగింది. శేఖర్ కమ్ముల ‘లీడర్’ (సురేష్ బాబు తనయుడు రానా ఈ చిత్రంతో పరిచయమౌతున్నారు) అందులో ఒకటి.
“ఏమిటీ పరిస్థితీ?” అని సర్వత్రా చర్చలు యమజోరుగా సాగుతున్నాయి. ఫలితంమాత్రం శూన్యం. ఎందుకంటే…అన్ని చర్చలూ గుడ్డుముందా పిల్ల ముందా అనే పాయింట్ దగ్గర అగ్గి మీద గుగ్గిలాలైపోతున్నాయి. 2010 లోనైనా ఏమైనా జరుగుతుంది. మంచి సినిమాలు తెలుగు ప్రేక్షకుల ముందుంటాయి అనేది ఒక ఆశమాత్రమే.
అది కలలా మిగిలిపోకూడదు అనిమాత్రమే ప్రస్తుతానికి కోరుకోగలం. కోరుకుందాం. తెలుగు సినిమా వర్ధిల్లాలి!
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
Sankar gongati says:
కధలతొ కాక stars తొ తలతిక్క ఇడియాలతొ సినిమా తీస్తె ఇలాగె ఎడుస్తాయ్.
karthik says:
మన బాబులకు మడుగులొత్తే నిర్మాతలూ,దర్శకులు ఉన్నంత కాలం ఇలాంటివి తప్పవు..
Vanamali says:
Good post..but u forgot the heroes, who dint even released a single movie..i think it is also a notable point
K మహేశ్ కుమార్ says:
@వనమాలి: నిజమే. మార్కెట్ ఉన్న మహేష్ బాబు,ఎన్.టి.ఆర్,నాగార్జున వంటి హీరోల సినిమా ఒక్కటీ ఈ సంవత్సరంలో రిలీజ్ అవ్వలేదు.వెంకటేష్-కమల్ నటించిన ‘ఈనాడు’రెడ్ కెమెరా వాడారని చెప్పుకోవడానికి మినహా మరేవిధంగానూ చెప్పుకోదగ్గ చిత్రంగా మిగలలేదు.
Norman Bates says:
I’m so sick of Navatarangam posts , I’m done visiting this crap !!
Goodbye !!
JD says:
THANKYOU VERY MUCH
UV says:
Bates, The Gates are open.
K మహేశ్ కుమార్ says:
@నార్మన్ బేట్స్ ది సైకో: మీ సమస్యేమిటో నాకు ఇప్పటికీ అంతుచిక్కడం లేదు.ఇప్పటికి మీరు నవతరంగం నుంచీ వెళ్ళిపోవడం ఇది మూడోసారనుకుంటాను.
ప్రస్తుతం వస్తున్న తెలుగు సినిమాల గురించి ఎక్కడ ఏదిరాసినా sick and crap లాగా ఉండటం నవతరంగం తప్పుకాదు. చెత్తసినిమాల గురించి గొప్పగా రాయడం ఎవరికిమాత్రం చేతనవును?
అయినా,నవతరంగంలో ఇప్పటికీ విలువైన సమాచారంతోకూడిన వ్యాసాలు ఎన్నో వస్తున్నాయి. వాటన్నిటిలోనూ మీ వ్యాఖ్యలు కనిపించవు. కనీసం మీరు వాటిని చదువుతారనే ఆశకూడా నాకు లేదు. మరలాంటప్పుడు ఇలాంటి వ్యాసాల జోలికొచ్చి చదివిమరీ డోకుతెచ్చుకునే మీ విశాలహృదయాన్ని హర్షించాలో లేక మీ హ్రస్వదృష్టిని నిరసించాలో తెలియటం లేదు. మీరెక్కడికివెళ్ళినా మీ బుద్ది ఇలాగే ఉండాలని ప్రార్ధిస్తాను. Best of luck.
రాజశేఖర్ says:
@మహేశ్ కుమార్,
నాకైతే ఈ Norman Bates లాంటివారికి సమాధానం ఇవ్వడం waste అనిపిస్తుంది.
విజయవర్ధన్ says:
అరిపిరాల, మహేశ్ గార్ల వ్యాసాల సందర్భంలో ఈ బ్లాగులోని “A question for 2010: Does the audience want you to make a film?” అను వ్యాసం చదవండి:
http://cinematech.blogspot.com/2009/12/question-for-2010-does-audience-want.html
lalita says:
మొత్తానికి అంత భారీ బడ్జెట్ ని మూడు ముక్కల్లో తేల్చేసారు.
ఈ ఏడాది వచ్చిన సినిమాల్లో నాకు అస్సలు నచ్చని సినిమా ఆర్య_ 2 . కనపడ్డవాళ్ళందరికీ పనిగట్టుకుని మరీ చెపుతున్నా చచ్చినా ఆ సినిమా చూడొద్దని.
కొంచెం నచ్చిన సినిమా ” కొంచెం ఇష్టం కొంచెం కష్టం ”
పర్వాలేదు అనిపించిన సినిమా ” ఆకాశమంత ”
చూద్దామని చాలా ప్రయత్నించి చూళ్ళేకపోయిన సినిమా ( అంతా బాలేదని చెప్పినా సరే ) సినిమా “గో.గో.గో.”
ఇక శేఖర్ కమ్ముల అభిమానులంతా ఎన్నో ఆశలు పెట్టుకున్న సినిమా ” లీడర్ ” కనీసం కొత్త సంవత్సరంలో రాబోతున్న ఈ సినిమా అయినా మంచి సినిమాగా నవతరంగంలో రివ్యూ లమీద రివ్యూలు రాయించుకునే స్థాయిలో వుండాలని ఆసిస్తున్నాను.
రాకేశ్వర రావు says:
తెలుఁగు సినిమా పరిభాషలో చెప్పాలంటే, ఈ ఏఁడాది
*shit*
రవి says:
2009 – తెలుగు సినిమా అభిమానులకు కూడా చాలా నిరాశ కలిగించిందనే చెప్పాలి. సంవత్సరంలో పెద్ద హిట్టు – మగధీర కూడా అలా ఎప్పుడైనా కులాసాగా ఉన్నప్పుడు రెండో సారి చూద్దామనుకునేటట్లుగా లేదు. భారీగా సినిమా తీయడంలో ఉన్న శ్రద్ధ, మరింత డ్రామాకూ, పాత్రల క్యారక్టరైజేషన్ను తీర్చిదిద్దడానికి ఉపయోగించి ఉంటే బావుండేది. కిక్ సినిమా కూడా ఏలాగోలా హిట్ చేసుకోడానికి పడిన తాపత్రయంగా మాత్రమే కనిపిస్తా ఉంది.
ప్రయోగాలు చెయ్యటమే అరుదుగా ఉన్న రోజుల్లో, “ప్రయాణం”, “కథ”, “అమరావతి” – ఈ పాటి ప్రయోగాలయినా చేశారు. ఏదో గుడ్డిలో మెల్ల.
కథ ల కోసం ఎంత కుస్తీ పట్టేకొద్దీ, కథ కు అంత దూరంగా వెళుతున్నారు. చిత్ర పరిశ్రమ బేసిక్స్ కు వెళ్ళిపోయి, నవలా చిత్రాలో, సింపుల్ గా ఉన్న కథలనో చూసుకోవడం శ్రేయస్కరమని వ్యక్తిగతంగా నా అభిప్రాయం.
Raana says:
పనికిమాలిన వెధవల౦ధరిని ఒకె ధగ్గర catch చెసె great అవకాశమ్
@ Navatarangam.com
srikanth says:
thanks for joining the club bro
టి.యస్.కళాధర్ శర్మ says:
ఈ మధ్య కొంచెం…కొంచెం కంప్యూటర్ లో సి.డి.వేసుకుని చూశా. పరవాలేదు. తెలిసిన
కథే అయినా సినీమా విసుగు పుట్టదు..తమన్నా అందంగా కనిపించింది.కామెడీ బాగుంది. మరీ గొప్ప సినిమా కాదు. హ్రుదయానికి హత్తుకునే విధంగా కొన్ని సన్నివేశాలు వున్నాయి.
కమర్శియల్ గా కూడా కొంత వరకూ విజయవంతమయిన చిత్రమే.
L.HANIMIREDDY associate director in movies says:
mahesh gaaru meru cheppindi pachi nijam.
producers loo change raka poothe movies anni elage vastay.
yenno manchi storys unnai.
kani talent unna vallaku chance raavatledu. manchi cinemaa lu rammante yelaa vastay?
చైతన్య says:
పెసిమిసమ్ కి కరెక్ట్ అర్దమ్ ఈ అర్టికల్