కథన విజయం – ఈరం (తమిళ్)
మూడేళ్ళ క్రితం తిరుపతిలో నంది నాటక పోటీలు చూడ్డానికని వెళ్ళాను. ఆ పోటీలకి నేను రాసిన “పంచమ ధర్మం” అనే పద్య నాటకమొకటి కూడా ఎంపికయ్యింది. అందులో అది ప్రదర్శించారు. ఆ సందర్భంలో నాటకాలకీ, టీవీలకీ, సినిమాలకీ మధ్య కొట్టిమిట్టాడుతూ, అవకాశాల కోసం పడిగాపులు కాచే కొంతమంది వర్ధమాన రచయితలూ, దర్శకులూ పరిచయమయ్యారు. సినిమాలంటే నాకున్న ఇంట్రస్టు కొద్దీ వాళ్ళేం చేస్తూ ఉంటారూ, ఏఏ సినిమాలకి పనిజేసారనీ వివరాలు తెలుసుకున్నాను. నేను అమెరికా నుండి వచ్చానని తెలిసి ( సినిమా తీస్తాననుకున్నాడో ఏమో? ), అందులో ఒకాయన అత్యుత్సాహంగా తాను ఎన్నో సినిమాలకి ఘోస్ట్ రచయితగా పనిజేసాననీ చెప్పి, తను ఒక సినిమాకి స్క్రిప్ట్ రాయబోతున్నాననీ చెప్పాడు. అనుకోకుండా ఆరోజు రాత్రి ఆయన్ని నేనున్న హొటల్ డిన్నర్ హాల్లో కలవడం జరిగింది. మాటల్లో తన రాబోయే సినిమా గురించి చెబుతూ చేతిలో వున్న ఒక బౌండు పుస్తకం చూపించాడు. అది ఆయన రాసిన స్క్రిప్ట్ అని మొదటి పేజీ చూడగానే అర్థమయ్యింది. చదవచ్చా అని అనుమతి తీసుకొని అక్కడక్కడ పేజీలు తిప్పాను. రెండు మూడు పేజీలు చదివి షాక్కి గురయ్యాను. కథలో పాత్రల పేర్లు ఎక్కడా లేవు. మొత్తం స్క్రిప్టంతా రవితేజా, త్రిషా, ఆలీ, సునీల్ ఇలాంటి పేర్లతో ఉంది. ఇది చూసి ఆశ్చర్యపోయాను. “పాత్రల పేర్లు లేవు నటుల పేర్లున్నాయేమిటని?” అడిగాను. “మీకు ఫిల్మ్ ఇండస్ట్రీ గురించి తెలీదు సార్! ఇక్కడ నిర్మాతలకి కథలిలా రాస్తేనే బుర్రకెక్కుతాయి. అప్పుడే వాళ్ళు దాన్ని విజుయలైజ్ చేయగల్రు” అంటూ స్క్రిప్టోపదేశం చేసాడు.
ఆయన మాటలు విన్నాక తెలుగు సినిమా పరిశ్రమ ఎంత భావ దారిద్ర్యంలో ఉందో, ఎలాంటి దౌర్భాగ్య స్థితిలో వుందో తెలిసింది. ఎక్కడైనా కథని బట్టి పాత్రలుంటాయి. తరువాత నటులు ప్రవేశిస్తారు. తెలుగు సినిమా దీనికి విరుద్ధం. ఇక్కడ నటులే ఉంటారు. వారి పాత్రలు ప్రతీ సినిమాలోనూ ఇంచుమించు ఒకేలా ఉంటాయి. అందుకే రాసే వాళ్ళకి పాత్రల పేర్లు వెతుక్కోవలసిన శ్రమ లేదు. చక్కగా రవితేజా, త్రిషా, ఆలీ, బ్రహ్మానందం అంటూ పాత్రల్ని రాసేసుకోవచ్చు. పైన చెప్పిన సంఘటన నన్ను నిజంగానే షాక్కి గురిచేసింది. దాన్నుండి తేరుకోకుండానే మరో షాక్ ఇచ్చాడా రచయిత గారు. అప్పుడే విడుదలైన ఒక పెద్ద హీరో సినిమా స్క్రిప్టు మొత్తం ఇలాగే రాసారనీ, తనూ అదే స్టైల్లో రాసాననీ చెప్పాడు. ఇదంతా విని నోట మాట రాలేదు. అప్పుడర్థమయ్యింది తెలుగుసినిమాలెందుకు అంత చెత్తగా తగులడుతున్నాయోనని. కథ చెబుతానని ఆయన ఉత్సాహం చూపించినా నేను పనుందని తప్పించుకున్నాను.
ఇదంతా ఎందుకు చెప్పాల్సొచ్చిందంటే తెలుగు సినిమా ఇండస్ట్రీ మొత్తం ఒక మూసలో కొట్టుకుంటోంది. ఆ బావి నుండి బయటకి రావడానికెవరూ ప్రయత్నించడం లేదు. అవే కథలూ – అవే పాటలూ – అదే సంగీతమూ – అలాగే హీరోలూ-రచయితలూ- వగైరా-వగైరా. ఇందులోంచి బయట పడలేకపోతున్నారు. తెలుగు సినిమా పరిశ్రమొక్కటే ఇలా ఏడుస్తోంది. తమిళ, మళయాళ సినిమాలు లక్ష రెట్లు నయం. మంచి మంచి కథలతో, కథనాలతో ముందుకొస్తున్నారు. అవార్డులూ, రివార్డులూ తీసుకుంటున్నారు. ఈ మధ్యనే ఈరం అనే ఒక తమిళ సినిమా చూసాను. ఇది తమిళంలో పెద్ద హిట్ సినిమా. మంచి పేరొచ్చింది. కాంజీవరం సినిమా డి.వీ.డీ కని వెళితే ఇది దొరికింది. ఈ సినిమా గురించి కొద్దిగా విన్నాను. తీరా చూస్తే చాలా బావుంది. ఎంత బాగా నచ్చిందంటే ఈ సినిమాగురించి రాయాలన్నంత బాగా నచ్చింది.
పాత కథ అనే అయినా తీసిన విధానమూ, కథ నడింపించిన తీరూ రెండున్నర గంటల సేపు తల తిప్ప కుండా చూసేలా చేసాయి. తెలుగు వారికి ఎంతగానో పరిచయమున్న దర్శకుడు “శంకర్” ఈ సినిమాకి నిర్మాత. తన దగ్గర పనిజేసే ఒక సహాయ దర్శకుడి ప్రతిభని గుర్తించీ, ప్రోత్సహిస్తూ ఈ సినిమా తీసాడు. ఈ ఈరం సినిమాకి దర్శకుడు, అరివళగన్ ( తమిళ పేరు సరిగ్గా రాయకపొతే క్షమించాలి) అనే అతను. ఇతను ఫిల్మ్ స్కూల్నుండి డిగ్రీ తీసుకున్నాక శంకర్ దగ్గర చేరాడు.
ఈ సినిమా కథ అంత గొప్ప కథేమీ కాదు. అందరికీ పరిచయమున్న అంశమే! చెన్నైలో ఒక అపార్ట్మెంట్లో ఒకామె చనిపోతుంది. అది పోలీసులకి కబురందుతుంది. ఆ చనిపోయిన అమ్మాయి రమ్య ( సింధు మీనన్ ) శవం బాత్రూం టబ్ నీళ్ళల్లో పడి ఉంటుంది. నిద్ర మాత్రలు మింగి చనిపోయిందనీ, ఆత్మ హత్యనీ వార్త బయటకొస్తుంది. ఈ కేసు చూడమని పోలీసు ఆఫీసర్ వాసుదేవన్కి ( ఆది ) అప్పజెబుతారు. తీరా అతను అక్కడికెళ్ళి చూస్తే ఆ చనిపోయిన అమ్మాయి అతని మాజీ ప్రియురాలు. దాంతో అతనికి ఆసక్తి పెరిగీ, ఎందుకిలా జరిగిందనీ వివరాలు సేకరించడం మొదలెడతాడు. రమ్యా, వాసూ ఇద్దరూ శ్రీరంగం కాలేజీలో ఉన్నప్పుడు ప్రేమించుకుంటారు. రమ్య తండ్రికి వాసూ నచ్చడు. రమ్యకీ, అతనికీ పొరపొచ్చాలొచ్చి ఇద్దరూ విడిపోతారు. రమ్యకి బాల (నంద) అనే అతనితో వివాహం జరుగుతుంది. రమ్య వాసూని పూర్తిగా మర్చిపోయి కొత్త జీవితం ప్రారంభిస్తుంది. వాసు పోలీసాఫీసర్ గా చెన్నైలో స్థిరపడతాడు. రమ్య గురించి అతనూ మర్చిపోతాడు.
రమ్య చనిపోయే ముందు రోజు బాల ఆఫీసు పనిమీద వేరే ఊరెళెతాడు. దాంతో వాసూకి అతని మీద అనుమానం కలుగుతుంది. ఆ దిశగా అతను ఇన్వెస్టిగేషన్ మొదలెడతాడు. అందులో భాగంగా రమ్య ఊరెళ్ళి అతని చెల్లెల్ల్నీ, తండ్రినీ కలుస్తాడు. ఈ కేసు ముడి విడిపోతుందని అనుకుంటూండగా కొన్ని ఊహించని విషయాలు బయటకొస్తాయి. రమ్య చనిపోయిన తీరులోనే అదే అపార్టుమెంట్లో మరో రెండు హత్యలు జరుగుతాయి. చివరకి వాసూ ఈ హత్య మిస్టరీని ఎలా చేదించాడన్నది ముగింపు.
అతి మామూలు కథని అతి రసవత్తరంగా తెరకెక్కించాడు. కథలో ఎక్కడా పట్టు సడలకుండా మొత్తం సినిమానీ నడిపించాడు. పైన సూటిగా చెప్పిన కథని మలుపులూ, ఫ్లాష్ బాక్లతో కలిపి మరింత ఇంటరెస్టెంగా చేశాడు. సినిమా ప్రారంభించడమే హత్యతో మొదలవుతుంది. అపార్టుమెంటులో ఒక ఇంటి నుండి నీళ్ళు బయటకొస్తూ, ఆ ఫ్లోర్ మొత్తం తడిపి, రాత్రి రెండుగంటల సమయంలో చివరకి వాచ్మెన్ కంట పడుతుంది. అక్కడ మొదలైన కథలో, ప్రతీ పాత్ర ప్రవేశమూ ఆసక్తి కలిగించేలా కథలో కలుపుకుంటూ ముందుకెళతాడు దర్శకుడు.
రమ్య వాసూ మాజీ ప్రియురాలని మాత్రమే మొదట్లో చెప్పీ, అక్కడక్కడ సన్నివేశాన్ని బట్టీ, సందర్భానుసారంగా కొద్ది కొద్దిగా వాళ్ళ గత ప్రేమ గురించి చూపిస్తాడు. ఇదంతా ఫ్లాష్ బాక్లో చూపించడంవల్ల మరింత ఆసక్తికరంగా సినిమా సాగుతుంది. ఈ మధ్య కాలంలో “అనుకోకుండా ఒక రోజు” తర్వాత ఇంత క్రిస్ప్ గా ఎడిటింగ్ చేసిన సినిమా చూళ్ళేదు. ఏ సన్నివేశంలో ఏ షాటెంత వరకూ చూపించాలీ అనే ప్రాథమిక సూత్రాన్ని సినిమా మొత్తమూ వాడుకొన్నారు. ఇహ ఈ సినిమాకి ఆయువు పట్టు సినిమాటోగ్రఫీ! మూడొంతుల సినిమాని ఇదే నడిపించేసింది. సినిమాటోగ్రఫీ బాధ్యత చేపట్టింది మనోజ్ పరమహంస అనే కొత్తతను. ఇదే ఇతనికి మొదటి సినిమా. సినిమా చూస్తున్నంత సేపూ పి.సి.శ్రీరాం,బాలూ మహేంద్రలు గుర్తుకొచ్చేలా తనదైన శైలిలో చూపించాడు. ముందు ముందు ఇతని చేతుల్లో చాలా మంచి చిత్రాలొచ్చే అవకాశం వుంది. ప్రతిభకల సినెమాటోగ్రాఫర్ ని ఎన్నుకోడంలోనే దర్శకుడి ప్రతిభ తెలుస్తుంది. సినిమాలో అక్కడక్కడ చిన్న చిన్న తప్పులు కనిపించినా అవి కథనీ, కథనాన్నీ చెడగొట్టవు. అవీ ప్రత్యేకంగా పట్టి పట్టి చూస్తే గానీ గమనించలేం. సంగీతంకూడా ఎక్కడెంత అవసరమో అంతే ఉంది. ఎక్కడా మోతాదు మించి ఉండదు. మిగతా హారర్, థ్రిల్లర్ సినిమాల్లోలాగా మీ చెవులు చిల్లులు పడి కర్ణభేరి కోల్పోయే అవకాశముండదు. క్రైం థ్రిల్లర్ లో ప్రేమనీ, మిస్టరీనీ చక్కగా ఇమిడ్చిన సినిమా. అలాగే కంప్యూటర్ గ్రాఫిక్సుని కధాపరంగా ఎంత చక్కగా వాడుకోవచ్చో ఈ సినిమా చూస్తే తెలుస్తుంది..
నటీ నటులవరకొస్తే సింధు మీనన్, ఆది బాగా చేసారు. ఈ ఆది అన్నతను మృగం డబ్బింగ్ సినిమాలో హీరోగా నటించాడు. ‘బాల’గా నంద బాగానే చేసాడు. కాస్త నెగిటివ్ షేడ్సున్న పాత్రది. రమ్య చెల్లెలుగా శరణ్యా మోహన్ చేసింది. మొదటి సగంలో ఈ పాత్ర అంతగా లేకపోయినా రెండో భాగంలో ఎక్కువగానే ఉంది. సినిమా చూస్తున్నంత సేపూ దర్శకుడికిది మొదటి సినిమా అన్న ఫీలింగు మనకి కలగదు. అరివళగనే ఈ సినిమాకి కథా, స్క్రీన్ప్లే, మాటలూ రాసుకున్నాడు. ఇతను బాయిస్, అపరిచితుడు సినిమాలకి శంకర్ దగ్గర సహాయకుడిగా పనిజేసాడు. అతని శ్రమ ప్రతీ ఫ్రేములోనూ కనిపిస్తుంది. తెలుగులో శేఖర్ కమ్ముల్లాగా ఇతనికీ వర్షం అంటే ఇష్టం అనుకుంటాను. సినిమాలో చాలా భాగం వర్షంలోనే నడుస్తుంది. ప్రేమ సన్నివేశాలు వర్షంలో చూపించడం వల్ల ( మణి రత్నం సినిమాల్లోగా ) తెలీని నేటివిటీ వచ్చేసింది. అలాగే ఇందులో జరిగిన హత్యలకీ. నీళ్ళకీ సంబంధముంటుంది. అందుకే ఈ సినిమాకి ఈరం ( నీరు ) అని పేరు పెట్టారు.
చాలా మంచి సినిమా అనను కానీ, ఖచ్చితంగా చూడచ్చు. కనీసం స్క్రీన్ప్లే గురించయినా ఈ సినిమా తప్పనిసరిగా చూడచ్చనీ చెప్పగలను. మీకు తమిళం రాకపోయినా పరవాలేదు. సినిమాలో మాటలు తక్కువగానే ఉంటాయి. దృశ్యమే సగంపైగా కథని చెప్పేస్తుంది. కాబట్టి భాషతో నిమిత్తం లేకుండా హాయిగా చూసి ఆనందించవచ్చు. సినిమా మొత్తం ఫొటోగ్రఫీ చాలా ఆహ్లాదంగా ఉంటుంది.
సినిమా అభిరుచున్న అనేకమంది ఔత్సాహికులు తెలుగు సినిమారంగంలో అవకాశాలకోసం ఎదురుచూస్తూ ఉంటారు. వారందరికీ నాదొకటే సలహా! మీకు కాస్త ప్రతిభా – అదే టాలెంటూ, వుందన్న నమ్మకం పిసరంతున్నా తమిళ, హిందీ, మళయాళ (కన్నడ కూడా పరవాలేదు) రంగాల వైపు దృష్టి పెట్టండి. భాష రాకపోతే ఏడాదిపాటు కష్టపడి నేర్చుకోండి. అంతే తప్ప తెలుగు సినిమారంగంలో ఏదో కుళ్ళపొడిచే అవకాశమొస్తుందని ఎదురుచూస్తూంటే మాత్రం మీకు ఏవొచ్చినా రాకపోయినా ఖచ్చితంగా “పరమ ఆశాచక్ర” అనే బిరుదు వస్తుందని నా నమ్మకం. అనుమానముంటే కృష్ణా నగర్లో ఏ చిన్న పిల్లాణ్ణైనా అడిగి చూడండి.
ఇదివరకూ నవతరంగంలో వచ్చిన ‘ఈరమ్’ చిత్ర సమీక్షను చూడండి.
Filed Under: featured • lead • చూడదగ్గ చిత్రాలు • భారతీయ సినిమా • విశ్లేషణ
మనం ఇలా నెత్తి నోరు బాదుకోవడం తప్ప ఉపయోగం లేదేమొ.అంతా మన ఖర్మ.
ఔత్సాహికులైన తెలుగు దర్శకులుకూడా “ఇలాంటి ప్రయోగాలు-మంచిసినిమాలూ తీస్తామన్నా మనోళ్ళు తియ్యనీరు. తీసినా చూడరు. అందుకే హిందీలో తియ్యడం బెటర్” అనుకుంటున్నారు.హిందీలో అయితే కనీసం శాటిలైట్ రైట్స్ తో మన బడ్జెట్ (40-50 లక్షలు) కవరైపోతుంది. ఎన్ని ఛానల్లకైనా అమ్ముకోవచ్చు. కానీ ఇక్కడ తెలుగు శాటిలైట్ వాళ్ళుకూడా దోపిడీ మాత్రమే చేస్తున్నారు. దయదలిచి రైట్స్ కొంటున్నట్లు ఫీలింగు…అదీ జీవితకాలానికి రైట్స్ ఒకేసారి కావాలని గొంతెమ్మ కోరికలు. కాబట్టి మంచి వైవిధ్యమున్న సినిమా తియ్యాలనుకున్నా పారిపోక తప్పడం లేదు.
సాధారణ హాలీవుడ్ ప్రేరేపిత సినిమా !
మంచి సినిమాకి ఉదాహరణ మాత్రం కాదు .
సినిమా హీరో ఎవరో తెలుగు నిర్మాతో దర్శకుడో కొడుకు .
@జాటర్ ఢమాల్: నిజంగా ఇది హాలీవుడ్ కాదు, కొరియన్ సినిమా నుండీ ప్రేరణ పొందిన చిత్రం. కానీ కేవలం ప్రేరణ మాత్రమే. కాపీకాదు. ఎందుకంటే, ఈ సినిమాలో దర్శకరచయిత చేసిన జాన్రా మిక్సింగ్ నిజంగా ఒక నూతన ఒరవడి.మనదైన (తమిళైన) ఒరవడి.
ఈ సినిమాలో హీరో (ఆది) ప్రముఖ దర్శకుడు రవిరాజాపినిశెట్టి కొడుకు.
ఒక సారి మీరే అనుకుంటాను , సొంత మనదైన ఆలోచనలు లేని సినిమాలు బావుండవని ..నప్పవని …
ఇది అలాంటిదే అని నా అభిప్రాయం .
ఈరం అంటే తడి.
తెలుగు సినిమాలకి (ఇంకా చాలా భారతీయ భాషల సినిమాలకి కూడా .. నిజం ఒప్పుకుందాం. ఆయా భాషల్లోనైనా చూడదగిన సినిమాలంటూ వచ్చేవి కొన్నే) స్క్రిప్టులుండవు. ఒకేళ ఉన్నా, సినిమా అలా తియ్యరు. ఇలా బౌండు పుస్తకాల్లో రాసుకోడం మనలాంటి వాళ్ళకి చూపించేందుకు మాత్రమే. ఇకా ఏముంటుందయ్యా అంటే, కాన్సెప్టు ఉంటుంది. దాని మూలం ఎక్కణ్ణించయినా అది ఆటోమేటిగ్గా డైరెక్టరుకి చెందుతుంది. ఆ కాన్సెప్టు మీద కథ అల్లుతారు. ఈ మధ్య ఈ ఖ్యాతికూడా డైరెక్టరు ఎకవుంటులోనే జమ అవుతుంది. ఇహ పోతే డయలాగు రచయితలుంటారు. టోకు డయలాగులు పరుచూరి లాంటి వాళ్ళు రాస్తే, సెట్ మీద హీరోగారికి ఏదన్నా నచ్చకపోతే అప్పటికప్పుడు రాసేందుకు బాడుగ రైటర్లుంటారు. ఇదీ మన సినిమాల రచనా విధానం.
నేనొప్పుకోను కొ.పా.గారు (నేనే ముందు చెప్దాం అనుకున్నా మీరే చెప్పేసారు.నాకు తమిళ్ లో తెలిసున్న ఒకే ఒక్క పదం అది “ఈరం అంటే తడి”అని హిహిహి).తెలుగు సినిమాకి భవిష్యత్తు అగమ్యగోచరమే ఇవాల్టి పరిస్థితిలో.ఎవడిదగ్గర సొమ్ముంటే వాడు సినిమా తీసేస్తున్నాడు.ఈ మధ్యన ఒక సినిమా వచ్చింది “బ్లేడ్బాబ్జీ” అని.అది చూస్తే పరిస్థితి ఎంత దిగజారిందో తెలుస్తుంది.అసందర్భం అనుకోకండి పెద్దలు.ఏదో తెలుగు సినిమా మీదున్న అభిమానంతో కడుపుమండి అంతే…
సాయి గారు మంచి సినిమా పరిచయం చేసారు ధన్యవాదాలు.
తమిళం బాగా వచ్చిన ఒక తమిళ స్నేహితుడు ఈరం అంటే నీరు అన్నదే సరైన అర్థం అని చెప్పాడు. కానీ తడి అన్న అర్థంలోనే ప్రస్తుతం వాడుకలో ఉంది. ఈ సినిమా దర్శకుడి ఒక ఇంటర్వ్యూలో కూడా నీరు ( వాటర్ ) అని చెప్పినట్లుగానే బాగా గుర్తు ( రీడిఫ్ లో అనుకుంటా చూసాను ). మీ అందరి సౌకర్యార్థం.
nEr is a dravidian word borrowed in to Sanskrit thereafter in to Hindi. Simply coz neer is used in all the major dravidian languages. And a word cant be borrowed from sanskrit by all the dravidian languages at a time. Tamil – nEr Tulu – nEr Telugu – nEDu Kannada – nEr Malayalm – nEr( eg – kaNNEr -tears) ” That concept is totally wrong, since Kannada, Tulu, Telugu, malayalam have only few etymological importance in indian etymology. From Tamil only, Sanskrit borrowed it. other dravidian languages could not explain it logically. The root word is Il which means chill, Cold. 1] (uL)->(eeL)->Eer (water) Eer->Eeram (water) (Tamil word) Eeram->eemiri (Telugu-moisture) Eeram->Neeram->Neer (Tamil->Sanskrit, Kannada, Tulu)
అభిమానం పిఛ్ఛి కుక్క లాగా మారితే , తమిళ బాషాభిమానం లాగా వుంటుంది అని…, రీడిఫ్ లొ ఆ జాతికి సంభందించిన ఎవడో రాసింది చదివి వుంటావు బ్రదర్.
ఇంకా నయం నాయనలార…రేపు వేదాలు కూడా తమిళం నుంచే సంసృతం లొకి మార్చారు అని అన్నా ఆశ్చర్యం లేదు.. ఏమైనా తమిళులకి తైరయడ్ ప్రాబ్లం ఏదో వుంది…ఏదైనా శ్రుతి మించి వుంటుంది.
ఆ భాషాభిమానం లేకే మనం వేరే వాడి భాష పై పది ఏడవటం …
తమిళ్ వాళ్ళను మీరు ఏ యురోపియన్ దేశం తో నైన పోల్చొచ్చు , ఎందుకంటే వాళ్ళు కూడా వాళ్ళ భాష తప్ప వేరేది మాట్లాడరు .
మనకు లేనిది వేరే వాడికి వుంటే అది తప్పేలా అవుతుంది?
ఎదీ..ఈ వెర్రి అభిమానమా..?
@శంకర్,
నాకు తమిళ భాషాభిమానమేమీ పొడుచుకు రాలేదు. నా స్నేహితుడొకాయన్నడిగితే ఈరం అంటే ఏమిటని పంపాడు. అదే నేను అతికించాను. నేను తప్పు రాయచ్చు. అది ఒప్పుకోడానికి నేనేమీ సిగ్గు పడను. ఎందుకంటే తమిళ్ నా మాతృభాష కాదు. భాషా చర్చ పక్కనబెట్టి సినిమా గురించి చర్చిస్తే బావుండేది. తెలుగు సినిమా ఇంకా “అ ఆ ఇ ఈ” ల దగ్గరే ఆగిపోయింది. ఉ-త్తేజ పరిచే సినిమాల దిశగా ముందుకు సాగితే బావుండేది.
ఎంతయినా చెప్పండి – అరవ సినిమాల్లో అతి ఉన్నా వాళ్ళకి కొత్త కొత్త కథలూ, కథనాలపై ఉన్న అభిరుచి మనకి లేదు.
-బ్రహ్మానందం
నెను మిమ్మల్ని ఎమీ అనలెదండి బాబు..తమిళ వాళ్ళు సంస్కృతం కూడా మా బాష లొ నుంచే పుటింది అనేటట్లు ఈమద్య మాట్లాడుతుంటే…నాకు ఎక్కడో కాలింది లెండి…ఎందుకంటె…. నీను..నీను సంస్కృత బాషాభిమానినొచ్ ..
వాళ్ళ సినిమాల గురించి ఈ comment kaadu, tamil films are creative than any other films in india…that’s i agree nodoubt
బాంబులతో సుమో లని పేల్చడం, ఒక్క పిడి గుద్దు తో ప్రత్యర్ధులని రక్తం కక్కునేలా మట్టి కరిపించడం,స్త్రీ పాత్రల్ని గౌరవించక పోవడం ఇలాంటివి మనకే సొంతమైన మన దిక్కుమాలిన స్రుజనాత్మకత. దీన్ని కూడా స్రుజనాత్మకత కాదన్న వాడిని కత్తితో పొడుస్తా!!!(చంటబ్బాయ్ లో శ్రీలక్ష్మి లా)
super brother…అధిరింది డైలాగ్
బ్రహ్మానందం గారూ, అయుండొచ్చు. నాకూ అంతబాగా తెలీదు.
తమిళుల భాషాభిమానము, మరియు ‘ఈరమ్’ పద మూలాల గురించిన చర్చ బాగుంది. సినిమా టైటిల్ గురించి పరభాషీయుల్లో సైతం ఈ స్థాయి ఆసక్తి కలగజేశాడంటే అది కచ్చితంగా గొప్ప సినిమానే అయ్యుండాలి
ఏ సినిమా గొప్పదికాదు… మనమే ఆ సినిమాని చూసి గొప్పదని ప్రచారం చేస్తున్నాం… నవతరంగం తెలుగు సినిమాలను వదిలి తమిళ్ మీద పడిందా… మనందరం ఎన్నొ కొమెంట్స్ చెస్తున్నాం కదా… ఒక్క సినిమా తీద్దామా? (halfbeat movie with top artists…) మన హీరోలు మగాళ్ళుకాదు… (recent Mr. Bharadwaj comments on our heros)ఒప్పుకోరూ…. అథంచేసుకోరూ… మనదగ్గర కథల్లేవూ….
@శివ కిషోర్ కందుకూరి:ఈరమ్ ఒక విన్నూత్నమైన సఫల ప్రయత్నం.సగటు ప్రేక్షకులనూ, విమర్శకులనూ ఇద్దరినీ సమానంగా ఆకట్టుకున్న చిత్రం ఇది. చూసిన వాళ్ళుగా మాలాంటివాళ్ళు అది నచ్చిందని, నచ్చటానికిగల కారణాలు కొన్ని చెప్పుకున్నాం. దానితోపాటూ తెలుగులో ఇలాంటి వైవిధ్యాలు రాకపోవడానికి గల పరిస్థితుల గురించి వాపోయాము. అంతే!
నవతరంగం తమిళే కాదు, ప్రపంచంలోని ఏ భాషాచిత్రాలనైనా వదలదు. అన్నింటి గురించీ రాయబడుతుంది. సభ్యులు,ఔత్సాహికులూ చూసిన ప్రతి సినిమా గురించి రాయడానికే ఈ ఫోరం ఉంది. ఇక్కడ తెలుగులో మాత్రమే రాయాలన్నదే ఒక షరతు. అంతేతప్ప మరేమీ లేవు.
సినిమా తీద్ధాం రండి. మాదగ్గర స్కిప్టులున్నాయి, కాస్తోకూస్తో డబ్బులూ ఉన్నాయి. మీరూ ఒక చెయ్యివేద్దురు రండి. సినిమా తీద్దాం!
good brother..నవతరంగం సినిమా అనే కళ గురించి విజ్ఞానాన్ని,చర్చలని,అభిప్రాయలని మన తెలుగు బాష లో పంచె ఒక మాద్యమం. ఆ సినిమా ఏ బాషదైనా,జాతిదైనా, ఏ దేశానిదైనా…మనకి కళ ముఖ్యం
I too accept Navatarangam is doing great Job… నిజం మనకి కళ ముఖ్యం…కానీ ప్రస్తుతం మన సినిమా పరిశ్రమలో money minded డే(పెద్ద వాళ్లు)ఎక్కువ, వా ళ్లు కళను abuse చేస్తున్నారు …
మహేష్ గారూ…
సినిమా తీద్ధాం రండి అన్నా..ఆ ప్రయత్నంలోనే ఉన్నా…
కానీ ఇక్కడ నాఉద్దేశం, మన fushion documentaryని (సినిమా style లో మార్చుదాంలేండి) తల్లి పాత్ర మార్చి తండ్రిగా నాగార్జున్ని అడిగితే…? వాళు ఒప్పుకొరు ఎందుకంటే వారివిషయంలో విన్నూత్నం, వైవిధ్యాలు అనే పదాలకు అర్థాలు వేరు.. వారి ప్రతి సినిమా విన్నూత్నం, వైవిద్యమే…
We have most talented directors like Trivikram, Sekhar Kammula, Bhaskar, Rajmouli, Puri Vinayak etc
The fact that Magadheera collects more share than Indias biggest Ghajni, Pokiri collected more than hindi version of superhit Wanted itself speaks why we are not delivering offbeat movies..
Movie watching is passion in AP. In Hyd the first option you have for weekend is movies and its one of the last option in other cities.
Lets keep movies going and people passionate about movies. Its not for few pundits who make blank statements that movies are made..
Tamil Films have not crossed 20cr share for an film and Rajni films alone crossed 50cr share..So he is the one of the main person keeping passion for movies alive..
Once people are passionate about movies then they might even watch these offbeat movies but if you dont even have people to accredit your effort then there is no point in making movies..
Thats what is all about film making and movies..
అంతేలేండి కళను డబ్బుతో కొలుస్తున్నంకాబట్టె…
వ్యాఖ్య రాయకూడదని, మళ్ళీ ఎందుకో రాస్తున్నాను. ఈ వ్యాసం, ఇది వరకు వచ్చిన సమీక్ష చదవగానే నాకు చప్పున ఓ సినిమా గుర్తొచ్చింది. ఆ సినిమా రెండేళ్ళ క్రితం విడుదలయ్యింది. ఆ సినిమా థ్రిల్లరే. ఆ సినిమా దర్శకుడూ కొత్తవాడే. సినిమాలో నటులూ పేరున్నవాళ్ళు కాదు.ఆ సినిమా బానే విజయం సాధించింది. అలానే ఆ సినిమాలో సినిమాటోగ్రఫీ. సెపియా టింట్ లో, కాస్తంత ఎరుపు షేడ్ లో తీసిన దృశ్యాలు చాలా అద్భుతమైన ఎఫెక్ట్ ను తీసుకొచ్చాయి.
ఆ సినిమా గురించి ఎవరైనా మాట్లాడుకున్నారేమో అని నవతరంగం లో అన్వేషిస్తే, ఒక్క సమీక్ష, కనీసం ఆ సినిమా గురించిన ప్రస్తావన కూడా నాకు కనబడలేదు. (ఎందుకలాగ?)
ఆ సినిమా పేరు “మంత్ర”.
తెలుగు సినిమా రంగం భావదారిద్ర్యంలో ఉంది. నిజమే.హీరోల చుట్టూ, హీరోవినుల చుట్టూ పరిభ్రమిస్తూంది. అలాగే.కానీ, అప్పుడప్పుడూ కనీసం ఒకటీ అరా సినిమాలోస్తే ప్రేక్షకులు చేస్తున్నదేంటి? ప్రేక్షకుల సంగతి వదిలేద్దాం (వారేది చూడాలో వారే నిర్ణయించుకుంటారు కాబట్టి). ఇక్కడ సమీక్షకులు చేస్తున్నదేమిటి? తమిళ భాషలో ఓ మోస్తరు సినిమా వస్తే, దానితో పోల్చి తెలుగు సినిమాలను మొత్తం కించపర్చడం తప్ప. తమిళులలా ఖచ్చితంగా చేయరు. తమిళుల నుంచి, ఆ మాటకొస్తే, మలయాళీల నుండీ కూడా మొట్టమొదట నేర్చుకోవలసినది అది.
తెలుగులో సృజనాత్మకత లేదు అనడం పొరబాటు. అది పెడత్రోవ పట్టి ఉండవచ్చు గాక.
అభిరుచి లేనిదెవరికి? తెలుగు ప్రేక్షకులకా? అయితే ఇక్కడ వ్యాఖ్యలు, సమీక్షలు చేస్తున్నవారు ప్రేక్షకులు కారా? సినిమాలు మంచివి రావాలంటే, తమిళులను, మలయాళీలను చూపి, నేర్చుకొమ్మంటే వస్తుందని చెబితే నేను నమ్మను. మంచి సినిమాలు అప్పటికీ, ఇప్పటికీ, ఉంటాయి. వాటిని గుర్తించవలసిన బాధ్యత ప్రేక్షకులుగా మన మీద తప్పక ఉన్నది.
“ఆ సినిమా గురించి లేదెందుకు?” అని ప్రశ్నించేకన్నా ఆ సినిమా గురించి మీరే రాసుంటే ఇంకా బాగుండేది. నిజానికి ‘2007 లో నేను చూసిన ఉత్తమ భారతీయ సినిమాలు’ అనే శీర్షికన వెంకట్ రాసిన వ్యాసం తరువాత ‘మంత్ర’ సినిమా గురించి కొంత చర్చ నవతరంగంలో జరిగింది.అది మీకు బహుశా కనిపించలేదు.
తెలుగులో రాస్తూ తెలుగు సినిమాను కించపరిస్తే ఇక్కడ ఎవరికీ ఏమీ రాదు. తెలుగు సినిమా పరిస్థితిని దగ్గరగా చూస్తూ బాధపడటంలోంచీ వస్తున్న ఆక్రోశం అది. ఏదోఒకటి జరగాలి లేదా చెయ్యాలి అనుకుంటూకూడా పరిస్థితుల దృష్ట్యా ఏమీ చెయ్యలేకుండా మిగిలిపోతున్న వారి ఆవేదనలు అవి. అవన్నీ చివరకు తెలుగు సినిమాని గౌరవప్రదమైన చోటు చూడాలనే ఆశయంతో చెప్పేవేగానీ, కించపరిచి-కించపరుచుకోవడానికి కాదు.
బాగాచె ప్పారు…
ఏమి అంత బాగా చెప్పారో నా మట్టి బుర్రకు అర్థం కాలేదు , “ఆ సినిమా గురించి లేదెందుకు?” అని ప్రశ్నించేకన్నా ఆ సినిమా గురించి మీరే రాసుంటే ఇంకా బాగుండేది. ” ఈ సమాధానం మీ అంతగా నచ్చితే సినిమాలు తీసేవాల్లను మీరు విమర్సించినపుడు వారి నుంచి ఇదే రకమైన సమాధానం వస్తే ? “ఇంకా వివరం గా చెప్పాలంటే అది బాగాలేదు ఇది బాగాలేదు అనే బదులు మీరే ఒక సినిమా తీయచ్చుగా అని “
@naaistamnaadi: నవతరంగంలో ఎవరైనా వ్యాసాలు రాయొచ్చు. వారికి నచ్చిన సినిమా గురించి వారికి నచ్చినట్లుగా రాయొచ్చు. అందుకే సినిమా లేదు అనేకన్నా, మీకు అంతగా నచ్చుంటే ఒక వ్యాసం రాసిపారెయ్యొచ్చుగా అన్నాను.
ఇక సినిమా గురించి….నేను టికెట్టు “కొనుక్కుని” సినిమా చూస్తాను. As a consumer if I have an issue, I have every right to complaint against it. వాడే సోపు బాగలేకపోతే మనం సోపు తయారీ మొదలెట్టఖ్ఖరలేదు. ఆమ్లెట్ రుచిచెప్పడానికి గుడ్డుపెట్టడం వచ్చుండనవసరం లేదు.
అయ్య రవి….
మంత్ర మంచి సినిమనా? అది ఒక చెత్త బూతు సినిమా…ఒక సారి మళ్ళి చుడండి. అ సినిమ హిట్ అయ్యిందంటె కారణం అ half nude Charmi Item Song…
మహేష్ గారు, నవతరంగంలో నేను వ్యాసాలు రాయలేదు, బద్దకం, ఎలా రాయాలో అని తెగ ఆలోచించి రాయలేకపోవడం వగైరా కారణాలవల్ల. అది నా అశక్తత.
వెంకట్ గారి వ్యాసం చూశాను. అందులో ఆయన ఆ సినిమా చూడలేకపోయినట్టు రాశారు. ఆ తర్వాత చర్చ జరిగింది నాకు తెలియదు. నేను సెర్చ్ లంకెలో వెతికి చూస్తే కనబడలేదు. నేనై నేను వెతికితేనూ కనబడలేదు.
మీరన్నది నిజమే. కించపర్చడం ఉద్దేశ్యం కాకపోవచ్చు. కానీ జరుగుతున్నది అది కాదా? నా ప్రశ్న సూటిగానే ఉందనుకున్నాను. మరింత విప్పిచెప్పడానికి ప్రయత్నిస్తాను.
నవతరంగంలో – నాకు తెలిసిన, ఈ మధ్య సమీక్షింపబడ్డ, కాస్త మెచ్చుకోబడ్డ, తమిళ సినిమాలివి. నాడోడిగళ్, కాంజీవరం, ఈరం. ఇందులో కాంజీవరం వదిలేస్తే, మిగిలినవి మామూలు, మామూలుకన్నా ఓ పిసరు ఎక్కువ కేటగిరీలోవి.
ఇలాంటి సినిమాలు తెలుగులో వస్తున్నాయి, వచ్చాయి. వినాయకుడు, విలేజ్ లో వినాయకుడు, అష్టాచెమ్మా, నచ్చావులే, ప్రయాణం వగైరా..కాస్త వెనక్కి వెళితే, మంత్ర, ఐతే, అనుకోకుండా ఒక రోజు, ఎ ఫిల్మ్ బై అరవింద్, గోదావరి వగైరా..కానీ తమిళ ఏవరేజీ సినిమాలకు ఆపాదించబడుతున్న అనవసర గొప్పదనంలో సగం కూడా ఇలాంటివాటికి దొరకట్లేదెందుకనేదే నా ప్రశ్న.
ఓ మల్టీప్లెక్స్ లో మంత్ర, ఈరం పక్కపక్కన ఆడుతుంటే, ఇంటలెక్చువల్స్ తమిళ సినిమా బోర్డు చూసి మురిసిపోయి, ఆ సినిమాను ప్రిఫర్ చేసే పరిస్థితిలో ఉన్నారు. ఇది కాస్త లోపభూయిష్టమైన వ్యవహారం అని నేననుకుంటున్నాను. తెలుగు సినిమా బాగుపడాలనుకుంటే, చర్చలు తెలుగు సినిమాకున్న బౌండరీలో, అబ్సల్యూట్ ఎంఫసిస్ బేసిస్ గా జరగాలి. తమిళ ఏవరేజీ సినిమాలు చూసి, వాటితో తెలుగు సినిమాలను పోల్చడం ద్వారా మాత్రం కాదు. అలా చేస్తూ, మిగిలిన వారికి భావదారిద్ర్యం అంటగట్టటం సమంజసం కాదు.
@రవి: I think you missed the whole point. నవతరంగంలోని రచయితలు వాళ్ళు చూసిన చిత్రాల్లోంచీ వాళ్ళకి నచ్చిన-నచ్చనివి, రాయాలని అనిపించినవీ సమయం దొరికితే రాస్తూ ఉంటారు. మీరు చెప్పిన తెలుగు సినిమాల లిస్టులోంచీ కూడా ఒకటీఅరా మినహా దాదాపు అన్ని సినిమాల గురించీ నవతరంగంలో రాయడం జరిగింది. కాబట్టి తెలుగు సినిమాలకు వ్యతిరేకంగా ఇదేదో కలిసికట్టుగా చేస్తున్న కుట్రలాగా అనిపిస్తే అది మీ అపోహమాత్రమే.
మీరు తమిళ సినిమాల్ని “యావరేజి”-అబౌయావరేజి” అని ఎలా డిసైడ్ చేశారో నాకు తెలీదు. కానీ నాలాంటోళ్ళు నవతరంగంలో రాసేది మాత్రం సొంత టేస్టుని బట్టి. వాటి మార్కెట్ సేలబిలిటీనో లేక మరే ఇతర క్రైటీరియాను బట్టో కాదు. మంత్ర, అనుకోకుండా ఒకరోజు,ప్రయాణం సినిమాలు “వృక్షాలు లేని తెలుగు సినిమా అడవిలో ఆముదవృక్షంలా కనిపించే మహావృక్షాలు”అని నా భావన. I personally don’t rate them not even as good enough films.
తమిళంలో కూడా సినిమా హిట్టా-ఫట్టా అనేది కాకుండా విషయవైవిద్యం పరంగా లేక సాంకేతిక పరంగా లేక సినెమాటిక్ లాంగ్వేజ్ పరంగా ఒక వ్యక్తిగత ధృక్కోణం నుంచీ నవతరంగంలో రాస్తామేగానీ “ఇంటలెక్చువల్స్” అనే భ్రమలో ఉండికాదు.
తమిళంతో పోల్చినా పోల్చకపోయినా, తెలుగు సినిమాలు భావదారిద్ర్యపు సునామీలో కొట్టుకుపోతూనే ఉన్నాయి. అది మారాలంటే ఇతర సినిమాల్ని చూసి నేర్చుకోవడమో లేక పరిశ్రమ పనిచేస్తున్న తీరుల్ని మార్చుకోవడమో జరగాలి. అది నిజం. అంతే!
రవి గారూ,
మీ వ్యాఖ్యలు చూసాక మీరు ఈ వ్యాసం పూర్తిగా చదవారన్న అభిప్రాయం కలగలేదు. అతి మామూలు కథని బాగా చిత్రీకరించాడనీ, ఒక కొత్త పద్ధతిలో చూపించాడనే చెప్పాను. మరో సారి చదవండి. “తెలుగులో సృజనాత్మకత లేదు అనడం పొరబాటు. అది పెడత్రోవ పట్టి ఉండవచ్చు గాక.అభిరుచి లేనిదెవరికి? తెలుగు ప్రేక్షకులకా? అయితే ఇక్కడ వ్యాఖ్యలు, సమీక్షలు చేస్తున్నవారు ప్రేక్షకులు కారా? సినిమాలు మంచివి రావాలంటే, తమిళులను, మలయాళీలను చూపి, నేర్చుకొమ్మంటే వస్తుందని చెబితే నేను నమ్మను. మంచి సినిమాలు అప్పటికీ, ఇప్పటికీ, ఉంటాయి. వాటిని గుర్తించవలసిన బాధ్యత ప్రేక్షకులుగా మన మీద తప్పక ఉన్నది.” మనకి లేనివి పక్కవాళ్ళనుండి గ్రహించడంలో తప్పు లేదు. మీరు బజారులో ఏదైనా వస్తువు కొంటే దాని నాణ్యత చూస్తారా చూడరా? లేదు మేడిన్ ఆంధ్రా అని పేరు చూసి కొంటారా? ఇండియా, ఆస్ట్రేలియా క్రికెట్ మాచ్కి చూడ్డానికి ఎక్కువగ ఇష్టపడతారా?? లేక నెదెర్లాండ్స్, ఇండియా మాచ్ని చూస్తారా? రెండిట్లోనూ ఆడేది క్రికెట్టే! ఆటయినా, సినిమా అయినా, ఏ కళారూపమయినా అంతే! కళా రూపం బాగోలేకపోతే మనదయినా భరించలేం. ప్రేక్షకులు మంచి సినిమాలని ప్రోత్సహించాలి. కాదనను. కానే ఆ మంచి సినిమాలనబడేవి జన్మానికో శివరాత్రిలా వస్తున్నాయి. సినిమా ఇండస్ట్రీలో పరిచయం ఉన్న వాళ్ళెవరినైనా అడిగి చూడండి. ఎన్ని సినిమా బాక్సులు నిర్మాతల గొడౌన్లలో మగ్గిపోతున్నాయో? సినిమా తీయడం ఒకెత్తయితే, రిలీజు చేయడం – ముఖ్యంగా తెలుగు ఇండస్ట్రీలో సినీ పెద్దల ఆశీర్వాదాలు లేకుండా రిలీజు అవ్వవు. ఇలా రాసుకుంటూ పోతే ఓ గ్రంధమవుతుంది.
మీరు మంచి సినిమాలు అన్న వినాయకుడు, విలేజ్ లో వినాయకుడు, అష్టాచెమ్మా, నచ్చావులే, ప్రయాణం, మంత్ర, ఐతే, అనుకోకుండా ఒక రోజు, ఎ ఫిల్మ్ బై అరవింద్, గోదావరి” వీటిల్లో ఎ ఫిల్మ్ బై అరవింద్, అయితే, అనుకోకుండా ఒక రోజే మంచి చిత్రాలు. మిగతావి కమర్షియల్ ఎలెమెంట్ ముడేసి పాతకథల్ని మరోసారి గిలకరించి తీసినవి. అష్టా చెమ్మా ఓ సారి నవ్వుకొని వదిలేయచ్చంతే! కాస్త వెరైటీ ఉంటే చాలు తెలుగు సినిమాల్నీ అదరిస్తున్నారు. వినాయకుడూ, విలేజ్ లో వినాయకుడూ అలా పేరు తెచ్చుకున్నవే? ఈ మధ్య కాలంలో వచ్చిన సినిమాల్లో గమ్యం ఒకటే కాస్త వెరైటీ కథ. మిగతావన్నీ చప్పగానే ఉన్నాయి. మీరు చెప్పిన మంత్ర బిలో ఏవరేజ్ సినిమా. కథ, కథనం సరిగ్గా లేకే బోల్తాపడింది. ప్రతీ విభాగానికీ ఒక టెక్నిక్ అనేది ఉంటుంది. అవేమీ పట్టించుకోకుండా సినిమాలు తీస్తే అవి ఎక్కవు. కెమేరా పట్టుకున్న ప్రతీ వాడూ ఫొటోగ్రాఫరు కాడు. కెమేరాని వంకరగా పెట్టే, తలకిందులు చేసే ఫొటో తీసి పి.సి.శ్రీరాంలా మురిసిపోతే ఎలా? గమనించారో లేదు మీరిచ్చిన లిస్టు నాలుగయిదేళ్ళలో వచ్చిన సినిమాల్లో ఏరినవి. ఏడాదికి 150 సినిమాలు విడుదలయితే నాలుగేళ్ళల్లో ఆరొందలవుతాయి. ఆరోందల్లో ఓ పది సినిమాలు ఓ మోస్తరుగా హిట్ అయ్యి మిగతావన్నీ చెట్టెక్కేయంటే విజయం శాతం ఎంత? ఈ ఒంటరి సంఖ్యలు చూసీ అబ్బా మేమూ మంచి సినిమాలు తీసుతున్నామని చంకలు గుద్దుకోవాలా? మీరు చెప్పిన సినిమాలనీ ఓ మోస్తరుగా వున్నా ఆదరించి చూసారు.
నాకు తెలుసున్న ఇద్దరు తెలుగబ్బాయిలున్నారు. వాళ్ళు “ఫ్లేవర్స్” అని ఒక మంచి సినిమా తెసారు. స్క్రీన్ప్లే వెరైటీగా ఉంటుంది. వీళ్ళు ఈ మధ్యే “99″ అనే హిందీ సినిమా తీసారు. తెలుగులో వీళ్ళు సినిమా తీయడానికి సాహసించడం లేదు. సవాలక్ష కారణాలు. వాళ్ళు మాత్రం తెలుగులో తీయమనే చెప్పారు. ప్రకాష్ రాజు సొంత నిర్మాణంలో ఆ మధ్యొక సినిమా తమిళంలో తీసాడు. పేరు గుర్తులేదు. అదీ వెరైటీ కథే! తమిళంలో బాగా ఆడింది. అది తెలుగులో తీస్తే ఖచ్చితంగా ఆడదు. ఈ మధ్య కాలంలో హిందీలో డిఫరెంట్ సబ్జెక్ట్స్ వస్తున్నాయి.
తమిళలోనూ తలతిక్క సినిమాలొస్తున్నాయి. వాళ్ళ హిట్ శాతం మనకన్నా ఎక్కువే! అయిదువందల ప్రింట్లతో రాష్ట్రంలో ఉన్న ధియేటర్లన్నీ ఒకే సినిమా ప్రదర్శిస్తే ప్రేక్షకులకి గతి లేక సినిమా చూస్తున్నారు. వారంలో కోట్లు గడించేసి ఈ సినిమా సూపర్ హిట్టూ, ఇన్నేసి కోట్లు వచ్చాయని చెప్పే పబ్లిసిటీ వెనుక చాలా కథుంది.
చివరగా, ఎవరైనా రెస్టారెంట్ బోర్డు చూసి వెళతారా? లేక తెలుగు వాళ్ళదని వెళతారా? అలా అభిమానంతో మొదటి సారి రుచి చూసి చూసినా, బాగుంటేనే రెండోసారెళతారు. పదార్థం బాగో లేకపోతే అటువైపు కన్నెత్తి కూడా చూడం. వండడం సరిగ్గా లేకపోతే చేసింది చెడుతుంది. వండడానికీ ఓ పద్ధతీ, రెసిపీ ఉంటాయి. సరైన పాళ్ళలో అన్నీ పడితేనే రుచిస్తుంది. ఇదందరికీ తెలుసు. సినిమాల పట్ల అభిరుచీ అంతే!
-బ్రహ్మానందం
అయ్యా మహేష్ కుమార్ గారు సినిమా కూడా ఎవ్వరంటే వాళ్ళు తీయచ్చు మీకు నచ్చక పొతే మీరుకూడా ఒక సినిమా తీసి అవతల పారేయండి చూసేవాళ్ళు చూస్తారు, ఈ వ్యాసాలు కూడా మా సమయాన్నిఉపయోగించి చదువుతున్నాం “so As a consumer if I have an issue, I have every right to complaint against it. వాడే సోపు బాగలేకపోతే మనం సోపు తయారీ మొదలెట్టఖ్ఖరలేదు. ఆమ్లెట్ రుచిచెప్పడానికి గుడ్డుపెట్టడం వచ్చుండనవసరం లేదు.” అదన్న మాట సంగతి.
@naaistamnaadi ఇటీవల సుప్రీంకోర్టు సచ్ కా సామ్నా కార్యక్రమం విషయంలో ఇచ్చిన తీర్పు మరచి నట్టున్నారు. ఇన్ని కోట్ల వెబ్సైట్లుండగా పనికట్టుకొని ఈవెబ్సైటే చూసి మీసమయం వ్రుధా చేసుకొమని నవతరంగం వాళ్ళు దండోరా వేసి ,ప్రకటనలతో వూదరగొట్టి మిమ్మల్నిచదవమనడం లేదు. అభిరుచి కలవారు చదువుకొవడానికి అభిప్రాయాలు పంచుకోడానికి ఇదొక వేదిక మాత్రమే.
అయ్యా పులిరాజా గారు తమరు ఇంట చక్కగా వివరించినందుకు ధన్యవాదాలు , సినిమా వాళ్ళను అడగండి వారు అదే చెబుతారు , అంత బాధ గా ఉంటె క్లోసేడ్ కమ్యూనిటీ ఒకటి ఓపెన్ చేసుకోండి !
బ్రహ్మానందం గారు, నా విమర్శలు ఎలా ఉన్నా, మీ సుదీర్ఘమయిన వ్యాఖ్య చాలా విషయాలను విడమర్చింది. మీ సమీక్ష నేను 2 సార్లు చదివాను. ఈ సినిమా డీవీడీ కోసమూ ప్రయత్నించాను, నేను వెతికిన చోట దొరకలేదు.
ఇక పోతే, నేను చెబుదామనుకున్నది మీరు గ్రహించలేదో, లేదూ నా వ్యాఖ్య అసమగ్రమో తెలీక మళ్ళీ చెబుతున్నాను.
“మనకి లేనివి పక్కవాళ్ళనుండి గ్రహించడంలో తప్పు లేదు. మీరు బజారులో ఏదైనా వస్తువు కొంటే దాని నాణ్యత చూస్తారా చూడరా? లేదు మేడిన్ ఆంధ్రా అని పేరు చూసి కొంటారా? ఇండియా, ఆస్ట్రేలియా క్రికెట్ మాచ్కి చూడ్డానికి ఎక్కువగ ఇష్టపడతారా?? లేక నెదెర్లాండ్స్, ఇండియా మాచ్ని చూస్తారా?”
మనకు లేనిదాన్ని గురించి పక్కవాళ్ళ ద్వారా చూసి స్ఫూర్తి పొందటంలో తప్పు లేదు. అయితే పక్కవాళ్ళను చూసి, మనల్ని మనం పోల్చుకోవటం, వాళ్ళలా ఉన్నారు కాబట్టి, మనం అలా ఉండాలని ఆలోచించటం పొరబాటని నా అభిప్రాయం. సినిమా రంగంలో జరుగుతున్నది అదే.
“నాడోడిగళ్” సినిమా తమిళంలో ఓ మోస్తరు హిట్ అవగానే ఇక్కడ నిర్మాతలు ఎగబడ్డారు. కొన్నేళ్ళ క్రితం కన్నడంలో “జోగి” అన్న సినిమా వచ్చింది. ఆ సినిమా హిట్ అవడానికి నేటివ్ రీజన్స్ ఉన్నాయి. పాటలు, సాంప్రదాయిక ఉత్తరకన్నడ యాసలో ఉండడమూ, మదర్ సెంటిమెంట్ను కన్నడిగులకు పట్టేట్టుగా ప్రెసెంట్ చేయడమూ వగైరా. ఆ సినిమా చూడగానే యథావిధిగా ఎగబడి లక్షలు పోసి కొనుక్కుని, తీసి భ్రష్టు పట్టించారు. “ముంగారు మళె” కి అదే గతి పట్టింది.
సినిమా రంగం వదిలేస్తే, ఇక్కడ సమీక్షలలో కూడా తమిళ ఏవరేజీ సినిమాలను సమీక్షించే ఆసక్తి తెలుగు ఏవరేజీ సినిమాలకు లేనట్టు నాకు కనిపించింది.
ఇకపోతే, ఇండియా బంగ్లాదేశ్ (నెదర్లాండ్ ను బంగ్లాదేశ్ అంటున్నాను, అభ్యంతరం లేకపోతే) మ్యాచ్ ప్రిఫర్ చేయకపోవచ్చు. అయితే నిర్ణయానికి రావడం తప్పు. ఒక్కోసారి, బంగ్లాదేశ్ కూడా ఇండియాకు గట్టిపోటీ ఇవ్వచ్చు, ఇస్తుంది, ఇచ్చింది కూడా.
“మీరు చెప్పిన మంత్ర బిలో ఏవరేజ్ సినిమా. కథ, కథనం సరిగ్గా లేకే బోల్తాపడింది. ”
నో కామెంట్. అయితే నేను అంగీకరించను. ఇందులో కథ, కథనం, ఆ మాటకొస్తే సినిమాటోగ్రఫీ సరిగ్గా లేవని నేననుకోవట్లేదు. (ఓ సగటు ప్రేక్షకుడిగా నా అభిప్రాయం ఇది)
“అయిదువందల ప్రింట్లతో రాష్ట్రంలో ఉన్న ధియేటర్లన్నీ ఒకే సినిమా ప్రదర్శిస్తే ప్రేక్షకులకి గతి లేక సినిమా చూస్తున్నారు. వారంలో కోట్లు గడించేసి ఈ సినిమా సూపర్ హిట్టూ, ఇన్నేసి కోట్లు వచ్చాయని చెప్పే పబ్లిసిటీ వెనుక చాలా కథుంది.”
అవును. ఒప్పుకుంటున్నాను.
“చివరగా, ఎవరైనా రెస్టారెంట్ బోర్డు చూసి వెళతారా? లేక తెలుగు వాళ్ళదని వెళతారా? అలా అభిమానంతో మొదటి సారి రుచి చూసి చూసినా, బాగుంటేనే రెండోసారెళతారు. పదార్థం బాగో లేకపోతే అటువైపు కన్నెత్తి కూడా చూడం. వండడం సరిగ్గా లేకపోతే చేసింది చెడుతుంది. వండడానికీ ఓ పద్ధతీ, రెసిపీ ఉంటాయి. సరైన పాళ్ళలో అన్నీ పడితేనే రుచిస్తుంది. ఇదందరికీ తెలుసు. సినిమాల పట్ల అభిరుచీ అంతే!”
నేను చెత్త సినిమాలు, తెలుగు అన్న కారణంతో చూడమని అడ్వొకేట్ చేయట్లేదు. తమిళ సినిమాలు చూడద్దనీ చెప్పట్లేదు. అయితే తమిళ సినిమాలతో పోల్చి, ఇక్కడా అలాంటి సినిమాలే రావాలని, ఓ సారి బాలేదని ముద్రపడగానే, తెలుగు సినిమాలే వేష్టన్న అభిప్రాయం లోపభూయిష్టమని మాత్రమే నా మనవి. తనికెళ్ళ భరణి సినిమా “గ్రహణం” మీకు తెలుసనుకుంటాను. అది తెలుగులో అపజయం మూటగట్టుకుంది. అలా ఉంచండి. చాలా రోజుల వరకు ఆ సినిమా గురించి నవతరంగంలోనూ మాట్లాడుకున్న వాళ్ళు కూడా లేరు. అదే సినిమా తమిళం లో వచ్చి ఉంటే, ఇందుకు పరిస్థితి ఖచ్చితంగా భిన్నంగా ఉండేది. ఇలాంటి సినిమాలు ఆడకపోవడానికి ఈ తమిళం గొప్ప అన్న భావజాలం కూడా ఒక కారణం.
@రవి: గ్రహణం 2004-05 లో వచ్చింది. అప్పటికి నవతరంగం లేదు.కాబట్టి చర్చ జరిగే అవకాశం లేదు. గత మూడేళ్ళలో ఎవరైనా వ్యాసం రాసుంటే చర్చ జరిగేందుకు ఆస్కారం ఉండేదేమో!ఇప్పుడు మీరు ఆ చిత్రం గురించి రాస్తే చర్చించడానికి అందరూ సిద్ధం.
ఇంద్రగంటి మోహన కృష్ణ తీసిన మొదటి వీడియో చిత్రం “చలి”ని కూడా నవతరంగంలో పెట్టడం జరిగింది. కాబట్టి ఇక్కడ ఏదో వివక్ష జరుగుతోందనే మీ సూచన అర్థరహితం. తమిళం గొప్ప అనే భావమే లేనప్పుడు భావజాలం నిండుకొనుండే ఆస్కారమే లేదు. ఒకటి మాత్రం నిజం…తమిళ సినిమాల్లో భారతదేశం గర్వించే, అచ్చెరువొందే, అభినందించగలిగే చిత్రాలు పెద్ద సంఖ్యలో వస్తున్నాయి. వాటిని గుర్తించడం అవసరం. ఎందుకంటే దాన్నుంచే మనం చాలా నేర్చుకోవాలి. హాలీవుడ్,ఇటాలియన్, ఫ్రెంచ్,కొరియన్, హాంగ్ కాంగ్ సినిమాల నుంచీ నేర్చుకోంగా లేనిది తమిళం నుంచీ నేర్చుకోమంటే ఆభిజాత్యం ఎలా అవుతుంది?
@Mahesh
ఈ సైటును ఈ మధ్యే గమనించాను… పాత వ్యాసాలు చాలా చదివాను. రీసెంటు వాఖ్యలు మెయిన్ పేజీల్లో వస్తుండడంతో ఇక్కడ నా అభిప్రాయాలు చెబుతున్నాను. చూడబోతే , ఇది సింగిల్ హ్యాండెడ్గా మీరు నడిపిస్తున్న సైటులా ఉంది. ఇంకెవరో హోస్ట్ చేస్తున్నారు , ఇంకెవరో దబ్బెడుతున్నారు ,ఇంకొందరు వ్రాస్తున్నారు అని మీరు వాదించొచ్చు , కానీ ఒక చీఫ్ స్పోక్స్ పర్సన్ లా ప్రతి చోటా సైటుగురించి చెబుతున్నది వాదిస్తున్నది మీరే ( అప్పుడప్పుడు ఇకో ఇద్దరు ముగ్గరు సభ్యులమాటా వినిపిస్తున్నప్పటికీ…అది చాలా తక్కువ )
మీరు అస్సలు ఒక్క మాటమీద నిలబడరా ? ఒక్కో ఆర్టికల్లో ఒక్కో మాట. ఒకోసారి నియంతలా ” ఇది నిజం” “ఒప్పుకోవాల్సిందే” ” ఇది అంతే ” ఏమిటండీ ఈ స్వభావం ? మీ ఇష్టం వచ్చినట్లు సినిమాలమీద వ్యాఖ్యలు చేయొచ్చు కానీ మిమ్మలను ఒక్కరు ఒక్క మాట అంటే ఒప్పుకోలేరా ? ” మీరూ ఒక సమీక్ష వ్రాయడం..నేనొద్దన్నానా ? ” ఇదేం సమాధానం ?
ఇంకా ఒక మాట అంటే… ” మేమేమైనా మిమ్మలను ఈ సైటుకు రమ్మని బ్రతిమాలామా , కామెంటు పెట్టమని అడిగామా..నచ్చకపోతే వెళ్ళిపోండి” ఇదేం రకం అతిధి మర్యాదలు ? ఆ మాత్రానికి ఒక పబ్లిక్ సైటు నిర్వహించడం ఎందుకు ? అక్కడ కామెంటు సెక్షన్ ఉంచడం ఎందుకు ? ఒక్క రోజు క్రితం ఈ సైటుకు ఎంతో కొంత డొనేట్ చేసి తెలుగు భాషలో మీరు చేస్తున్న ఈ ప్రయత్నానికి తోడ్పాటుచేయాలి అన్న నా ఆలోచనను పూర్తిగా తుంచేసాయి ఇలాంటి వ్యాఖ్యలు. ఇక నాలా ఎంతమంది వెనక్కు వెళ్ళిపోయారో మరి.
ఒక పాత జోకు ఉంది మీకు తెలిసే ఉంటింది. ఒక బకెట్లో వేసిన పీతలు అన్నీ బయటకు రావడానికి ఎగబ్రాకుతుంటే తెలుగు పీత మాత్రం తాను పోదు ఇంకొకదాన్ని కిందకు లాగుతుంటుంది. సరిగ్గా అలా ఉంది ఇక్కడి పద్ధతి. మీరేగాని ఇంకాస్త డిగ్నిఫైడ్గా ఈ సైటు నిర్వహిస్తే , తోడ్పడే (ధన రూపేణా ,కంటెంటు రూపేణా) ఆసక్తీ శక్తి ఉన్నవాళ్ళు చాలామందే ఉంటారు. ఉన్మత్తప్రేలాపనలలాంటి వ్యాఖ్యలతో ఎదురుదాడులు చేస్కుంటూ అసలు సైటు మర్యాదనే తుంగలో తొక్కిపెడుతుంటే ఎలా ?
పై వ్యాఖ్యలో.. మీ సమాధానం గ్రహణం సినిమా నవతరంగం మొదలుకాకమునుపే వచ్చింది కనుక వ్రాయలేదని ? అస్సలు సెన్సు ఉందా ఆ మాటలో ? యాభయ్యేళ్ళ క్రితం సినిమాల గురించి కూడా వ్యాసాలు ఉన్న ఇక్కడ చెప్పవలసిన సమాధానమా అది ? మళ్ళీ ఏమైనా అంటే ” మీరు వ్రాయండీ..చర్చిద్దాం” అని వెటకారం !
అలా అయితే ప్రతివాడికీ ఎదురుదాడి చెయ్యడం వచ్చు. మా దగ్గర స్క్రిప్ట్లు డబ్బులూ ఉన్నాయి సినిమా తీస్తాం ఇంతకుముందే ఒకచోట చదివాం. మీరు చెప్పిన చలి సినిమాలో మీరే మూడువేల ఖర్చుతో సినిమా తీసారని చెప్పారు. ఐదువందలు ఖర్చు పెట్టి , ఒక హ్యాండీకామ్తోనో సెల్ఫోన్ కెమెరాతోనే కనీసం పావుగంట సినిమా తీసి మీరు చూపారా ? ( మీరు తీసి ఉండవచ్చు…కానీ ఈ సైటులో అలాంటిదేమీ లేదు మరి ) .. ఒక్క షార్టు ఫిలిం తీసి అప్లోడ్ చెయ్యలేని మీరు కోట్ల డబ్బులు పెట్టి రెండువందల కృషితో తీసే రెండున్నర గంటల సినిమాల గురించి వ్రాసే అర్హత ఉందా ? ఏం మేము అడగకూడదా ఇలాంటి ప్రశ్న ?
దానికి మీరు ఏం సమాధానం చెబ్తారో కూడా నాకు తెలుసు ” విమర్శకుడు సినిమా దర్శకుడు కానక్ఖర్లేదు” అని.. ఎక్కువమాట్లాడితే ” నేను విమర్శకుడనే కాదు” అనేస్తారు.
తప్పించుకోవాలంటే , మాట దాటెయ్యాలంటే ఎన్నో మార్గాలు మరి.
నేను ఖచ్చితంగా చెబుతున్నాను… మీరు కనీసం హ్యాండీకామ్తో పావుగంట / పది నిముషాల సినిమా తీసి , ఇక్కడ అప్లోడ్ చేసి జనాలకు నచ్చింది అనిపింపజేయండి , కోటి రూపాయలు పెట్టే నిర్మాతకు మీ అడ్రస్ ఇచ్చి మరీ మిమ్మలను పరిచయం చేస్తాను.
ఇది నేను ఇస్తున్న ఛాలెంజ్ కాదు , అవకాశం. ఆ తర్వాత మీ ఇష్టం.
This is been the best answer I have seen till date in Navatarangam..
Sandeep Kanchibatla garu…meeku telugu meeda unna abimananiki hats off andi…i would like to touch in with you…and wonderful post.
Just to let you know some statistics ..
Total comments in NT are 8,212 out of which comments by Mahesh are 779…
Total posts in NT are 934 and by Mahesh 63…
నవతరంగంలో మహేష్గారితో పాటుగా మరో 60కి పైగా రచయితలు ఉన్నారని గమనించండి. నవతరంగంలో అంతా మహేషే అనే మీ అపోహలను ఇలా కామెంట్ల రూపంలో వ్రాయడం ద్వారా గత రెండు సంవత్సరాలనుండి ఇక్కడ వ్యాసాలు వ్రాస్తున్న రచయితలందర్నీ, వ్యాఖ్యాతల్ని చిన్నచూపు చూస్తున్నారని కూడా గ్రహించగలరు. సినిమా గురించి ఎవరు వ్యాసం వ్రాసినా మేము ఇక్కడ ప్రచురుస్తూనే ఉన్నాం. ఇప్పటివరకు మేము నిరాకరించిన వ్యాసాలు వేళ్ళమీద లెఖ్ఖపెట్టొచ్చు. ఏదో సినిమా మీద ఇక్కడ వ్యాసం రాలేదు అని గతంలో కూడా కొంతమంది ప్రస్తావించారు. అందరికీ సమాధానం ఒక్కటే ‘ మీరు కూడా శ్రమకోర్చి ఒక వ్యాసం వ్రాయండి, మేము ప్రచురిస్తాం’… ప్రతి వ్యాసం మీద అసభ్యపదజాలం వాడకుండా వ్యాఖ్యలు వ్రాయండి, వాటిని ప్రచురిస్తాం. ఇదే మాటను అనేకసార్లు చెప్పాం, మళ్ళీ చెప్తున్నాం. ఈ మాట మహేష్గారిది కాదు, నవతరంగంది. బహుశా ఆయన ఎక్కువసార్లు కోట్ చేసి ఉండొచ్చు.
వ్యాఖ్యల్లో ఏవైనా కొన్ని అసభ్య పదాలు ఉంటే అవి స్పాం ఫిల్టర్లలోకి వెళ్ళిపోతాయి కాబట్టి అవి వాడొద్దని మనవి.
శంకర్గారూ…
మీ లెక్ఖలు నిజమే కావొచ్చు…కానీ అందులోనే ఒక వివరం చెప్పగలరా ?
అదే సంఖ్యను గత రెండు నెలల్లో ఇవ్వగలరా ? ఎందుకంటే నేను పాత పాత వ్యాసాల కామెంట్లు అంతగా చదవలేదు. గత మూడునాలుగు నెలల్లోని కామెంట్ల చర్చనే గమనించాను..
పోన్లెండి..అసలు నా కోపం ఏ వ్యక్తిగురించీ కాదు. తెలుగు గురించి జరుగుతున్న అవమానకరమైన వ్యాసాలగురించే బాధ. వాటిల్లో ముఖ్యంగా రెండే విషయాలపై తీవ్ర అభ్యంతరాలు ఉన్నాయి.
మొదటిది…. ప్రతిసినిమాలోనూ రంధ్రాన్వేషణలనీ , చచ్చు అనీ తిట్టే వారు సినిమాలు ఎందుకు తియ్యరని ?
రెండవది… తెలుగు సినిమా చెత్త స్థితిలో ఉందని తమిళ కన్నడ మళయాల చిత్రాలు అద్భుతమని , ఇంకా మాట్లాడితే తెలుగువాళ్ళంతా వేరేచోట వెళ్ళి సినిమాలు తీసుకోవడం మంచిదనేంత దూరం వెళ్ళాయి తెలుగు సినిమా/ప్రేక్షకుల మీద కోపతాపాలు.
నేను…రంధ్రాన్వేషణనూ తప్పు పట్టడం లేదు , మన సినిమా చెత్త అనడాన్నీ తప్పు పట్టడం లేదు. కానీ ఎంతసేపూ మాటలేనా ?! తెలుగు సినిమా చచ్చింది అనేంత దూరం మనలను మనమే తిట్టుకుంటే ఇక తెలుగు ఉనికేమిటి ? తిట్టేందుకు… ఇక్కడే కాదు ఎంతోమంది ఉన్నారు. ఒక చెత్త సినిమా చూసిన రిక్షావాడు కూడా సినిమా వేస్టు అంటాడు. అతడి వ్యాఖ్యకు ఈ సైటు వ్యాఖ్యకూ ఏమిటి వ్యత్యాసం. ఇదే సైటులో .. తెలుగు సినిమాను ఉజ్వల స్థాయికి తీసుకువెళ్ళే సత్తా , స్క్రిప్ట్లూ ఉన్నాయనీ కామెంట్ల సెక్షన్లో కొందరు చెప్పుకుంటున్నారు.. ఆఖరుగా మహేష్గారి కామెంటే ఇలా ఉంది.. అందుకే నా అవకాశాన్ని సూటిగా ఆయనకే ఇచ్చాను.
ఆయనకనే , నేనెవ్వరినీ చిన్నచూపు చూడట్లేదు. మీ సైటులోనే కొన్ని షార్టు ఫిలిమ్సూ చూసాను. కానీ వాళ్ళెవ్వరూ వ్యాసరచయితలు కారు. బహుశా ఎవరో స్నేహితుల ఔత్సాహిక సినిమాలు పెట్టారేమొ అనుకున్నా.
నాకు తెలుగు అంటే చాలా ఇష్టం. మంచో చెడ్డో ఉన్న స్థితిలోనే నా తెలుగును నేను ప్రేమిస్తాను. ఉద్యోగరీత్యా, పొట్టకూటికోసమో వేరే దేశాల్లో ఉన్నప్పటికీ మన “రూట్స్” / సాంస్కృతిక మూలాలు ఈ తెలుగులోనే ఉన్నాయి. మన తల్లి మంచిది కాదు పక్కింటి ఆంటీ అయితే మంచిది అంటే…. ఇది చాలా అవమానకరమైన ఖండించదగిన భావం.
తెలుగు సినిమా చెత్త అనేవాళ్ళు…. నిజంగా ఆ తెలుగు సినిమాను బాగు చేయగలగాలి. లేదా…కనీసం గుట్టు దాచగలగాలి.
ఇంగ్లీషు సామెత ప్రకారం… డోంట్ వాష్ యువర్ డర్టీ లినన్ ఇన్ పబ్లిక్. కనీసం ఆ సంస్కారం లేదా ?
తెలుగు సినిమా చెత్త చెత్త చెత్త అని గొంతు చించుకుంటే తెలుగు సినిమా బాగుపడదు. మీరు నిజ్జంగా ఒక ఆణిముత్యాన్ని తెలుగుకు అందిస్తాను అంటే… ధనసహాయం చేయగలగే స్తోమత, మనసు ఉన్న వాఋ ఎందరో ఉన్నారు. తెలుగుకోసం తమమ్ వంతు కృషి చేసే వారు. అందులో నేనూ ఒకడిని.
కానీ… మీలో ఎవరైనా అందుకు సిద్ధమా అని అడుగుతున్నాను.
మాకు ఆర్థికసహాయం చేయగలిగే స్తోమత ఉందే కానీ , సినిమా తీసే కళ రాదు. ఇక్కడి వ్యాసరచయితలు ఆ కళను క్షుణ్ణంగా ఔపాసన పట్టినవారల్లే వ్రాస్తున్నారు. అందుకే అడుగుతున్నాను.
“లేదూ… మాకు కూడా ఆ టాలెంటు లేదూ ” అని చేతులెత్తేసేవారయితే , కనీసం ఆ ప్రయత్నం చేస్తున్న మన తెలుగు సినిమావారినయినా ఆ పని చెయ్యనివ్వంది. చెత్తో చెడ్డో అసలంటూ పని జరగడం ముఖ్యం.
వ్యాసాలతో కాక , ఒక చిన్నపాటి సినిమాను ఇక్కడే ప్రదర్శించి మీ తోటి రచయితలు , ఇతర సభ్యుల మన్ననలూ మీరు పొందగలిగితే మిమ్మలను నమ్మి ఓ కోటి అప్పగించి సినిమా తీయించే బాధ్యత నాది.
ఈ మాట ఇంత పబ్లిక్గా ఎందుకు చెబుతున్నానూ అంటే…. పర్సనల్గా సీడీలూ , మెయిల్సూ ఇచ్చి చెత్త కథలూ చెత్త షార్టు ఫిలిమ్సూ చూపించే వాళ్ళను ఎందరినో చూసాను. సినిమాగురించి ఎన్నెన్నో మాట్లాడిన చాలా మందికి పదినిముషాల సేపు కట్తిపడెసే / మళ్ళీ చూడాలి అనిపించేంతగా ఏ ఫిలిమూ తియ్యలేదు ( నాకు ఎదురైన వారిలో )…అందుకే వాళ్ళు చూపించడం నేను బావోలేదు అనడం ఎందుకని.. ఈ బహిరంగ ప్రకటన.
ముఖ్యంగా తెలుగు సినిమాలు బావోలేవు అన్న మహాశయులకు ఒక మాట .. ఈ అవకాశానికి మీరు కనీసం ఒక అటెంప్ట్ ఇవ్వకపోతే , మీ వ్యాఖ్యలకూ ఇంకోరి వ్యాఖ్యలకూ తేడా ఏమీ ఉండదు.
@Sandeep garu,
..)
I like parts of your answer:). Will get back to you soon. Here is the stats exclusively for you
Since 25th sept 2009 ( 2 months )
Total comments 906, By Mahesh 88
Total Posts 53, By Mahesh 0(don’t be surprised, its true
I’d like to add further that NT has more than 1 lakh unique visitors and more than 70,000 visits per day (as per stats). I’m more than happy to stop this stats thing here and lets discuss films..
NT is to discuss good cinema and anyone can introduce a good film to readers here. We do have a separate site for film making aspirants please add your challenge there as well. Its really motivating and I like your challenge. Looking forward to see who got the guts
… I’ve given the same suggestion about handycam film making before to show their talent, but everybody seem to start things with a High Budget block buster 
… I’m always with you in that ‘No budget film making challenge’
Sandeep Kanchibhotla గారు వ్యాఖ్య చేసిన సందర్భం(context)లో ఈ లంకె చూడండి. Technical problems ఎలా solve చేసుకున్నారో (photos వున్నాయి)చూడొచ్చు.
http://passionforcinema.com/dvandva-making-of-duality/
cinema gurinchi matladalante kaneesam short film tiyyalaa..[:(]
ee rule nenekkadaa vinalede????..
Ps:nenu mahesh ni kaanu [:P]
pps:nenu short film tiyyaledu[8)]
కొన్నేళ్ళ క్రితం “దొంగ దొంగ” అని మణిరత్నం సినిమా వచ్చింది. ఆ సినిమాకు నేషనల్ అవార్డ్ ఇచ్చారు, ఏదో సాంకేతిక విభాగంలో. అసలా అవార్డ్ ఎందుకిచ్చారు అని బుర్ర బద్దలు కొట్టుకున్నా అర్థం కాదు. అర్థం చెప్పుకుంటే – అది “మణిరత్నం” సినిమా కాబట్టి అని మాత్రమే చెప్పుకోవాలి. “పొంతన్ మడ” అని ఒక మలయాళ సినిమా వచ్చింది. బుర్ర బద్దలు కొట్టేట్టు. అందులో మమ్ముట్టి నటన కు అవార్డు! (నిజంగా అద్భుత నటనతో తెచ్చుకున్న అవార్డ్ లు ఉన్నాయి – భరతన్ లో మోహన్ లాల్, శోభన మణిచిత్రతాళు వగైరా. అది వేరే విషయం)
నాకనిపిస్తుంది, అవార్డు కు కావలసినది సరుకు తో బాటు, లాబీయింగు, మీడియా సపోర్టు, ఇతర ప్రోత్సాహాలు కూడాను అని. (కనీసం కొంతశాతమైనా). అవార్డులు “అలా” వచ్చే పక్షంలో “తమిళ” లేదా “మలయాళ” సినిమాలకు అవార్డులు వస్తున్నాయి, తెలుగు సినిమాలకు రావట్లేదు అన్న వాదన కొంతవరకైనా అర్థరహితం. ఇక కమర్షియల్ హిట్లు. తెలుగులో “పోకిరి”, “ఒక్కడు” వంటి సినిమాలు సాధించిన ఘన విజయాల గురించి తెలిసిందే. ఇవి తమిళంలోనూ హిట్ అయాయి. అయితే, ఎందుకో మరి! చాలా మందికి “పోకిరి” నచ్చలేదు! బహుశా సామాన్య ప్రజల తరంగ దైర్ఘ్యం (వేవ్ లెంత్) మనకు సరిపోదేమో!
(హిట్ అయితే అది బావోలేదు! బావుంటే అవార్డ్ రాలేదు! అవార్డ్ తెచ్చుకోగలిగే తాహతు ఉన్న సినిమా గురించి మనం కనీసం మాట్లాడుకోం!ఈ లక్షణాలు తెలుగు సినిమాలకు మాత్రమే ప్రత్యేకం!)
“నవతరంగం” అన్నది న్యూ వేవ్ సినిమాకు ఒక మౌత్ పీస్ అయితే, అందులో కనీసం, తెలుగులో వచ్చిన మంచి సినిమాలకన్నా గుర్తింపు లభించాలని కోరుకోవడం తప్పులేదనుకుంటాను. ఈ స్థాయిలో కూడా రికగ్నిషన్ లేకపోతే, దేశ స్థాయిలో లాబీయింగు, కనీస గుర్తింపు ఎలా రాగలుగుతాయి?
ఇకపోతే బ్రహ్మానందం గారు సినిమా రంగంలో జరుగుతున్న దివాళాకోరు విషయాలు బయటపెట్టారు. నాకు ఆ స్థాయిలో అనుభవం లేదు.నేను ఇక్కడ మాట్లాడుతున్నది, “నవతరంగం” స్థాయిలో మాత్రమే.
“తమిళ సినిమాల్లో భారతదేశం గర్వించే, అచ్చెరువొందే, అభినందించగలిగే చిత్రాలు పెద్ద సంఖ్యలో వస్తున్నాయి. వాటిని గుర్తించడం అవసరం.”
నిజంగానా? ఈ మధ్య వినబడిన చిత్రం “కాంజీవరం” మాత్రమే. అది అప్పటికే నేషనల్ అవార్డ్ లు సాధించిన “ప్రియదర్శన్” సినిమా. అయినా నేను గొప్ప సినిమాల గురించి చెప్పలేదు. తమిళ ఏవరేజీ సినిమాల (ఏవరేజీ అని ఆయా వ్యాసకర్తలే హింట్ ఇచ్చారు, ఈ సినిమాలకు) గురించే చెప్పాను.
ఇది వివక్షతో, కుట్రో కాదు. న్యూ వేవ్ సినిమాకు మౌత్ పీస్ గా ఎదుగుతున్న ఓ జాల పత్రికలో కనీసం, మంచి తెలుగు సినిమాలకు ప్రాతినిధ్యం కావాలన్న సూచన మాత్రమే.
ఇక వ్యాసాలు రాయడం గురించి. తప్పక ప్రయత్నిస్తాను.
@రవి: తిరుడాతిరుడా-దొంగదొంగ చిత్రానికి జాతీయ అవార్డు వచ్చించి ఉత్తమ నృత్యదర్శకత్వం మరియూ ఉత్తమ శబ్ధగ్రహణానికి.మీరొకసారి సినిమా చూస్తే ఈ అవార్డు విషయంలో బుర్రలు బద్ధలుకొట్టుకోవలసిన అవసరం కనిపించకపోవచ్చు. మరో సారి ఈ రెండు రంగాలనూ గమనించడానికి ఈ సినిమాను చూడండి.
తెలుగులో వచ్చిన ప్రతి మంచి సినిమానీ ఇక్కడ సెలెబ్రేట్ చెయ్యడం జరిగింది.అయినా తెలుగు సినిమా మీద ప్రేమ లేకపోతే,ఇంత మంది తెలుగులో రాయడం ఎందుకు?
మంత్ర సినిమాని హిట్ చేసినప్పుడే మన వాళ్ళ టేస్ట్ తెలుస్తుంది. టెక్నికల్ గా అదో తప్పుల తడక…స్టోరీ పరంగా కూడా లెక్కలేనన్ని లూప్ హోల్స్….అది హిట్ అయిందంటే కేవలం ఛార్మి సాంగ్ వల్ల…మీరు నమ్మరు…ఒక్క పాట కోసం సినిమా హిట్ అవుతుందా అని? యెస్…మేమింతే…మొన్న బంపర్ ఆఫర్ అని ఒక చెత్త సినిమా….నిర్మాత ని లాభాల బాటలో నడిపించడానికి ఒకే ఒక్క కారణం రవణమ్మా అనే ఒక్క పాట మాత్రమే….ఇక ఏం చెప్పాలి మన వాళ్ల గురించి?
సంగీత సాహిత్యాలు (పాటలు, ఇతరత్రా) సినిమా నడవటానికి ఎంతో కొంత దోహద పడుతున్నాయనేది వాస్తవం. కానీ ఏక కారణంగా సినిమాలు నడవలేవు. ఏక్ నిరంజన్ సినిమాకి ఆ “ఏక్ నిరంజన్” పాటే మొదటి రోజు ప్రేక్షకుల హాజరుకి కారణం అని అన్నవారున్నారు. అలానే “బంపర్ ఆఫర్” లో రవణమ్మ పాట. అంతే కానీ సినిమా హిట్ కేవలం పాటల వల్ల అనటం లేక నిర్మాతని కాపాడాయి అనటం (“నిర్మాత ని లాభాల బాటలో నడిపించడానికి ఒకే ఒక్క కారణం రవణమ్మా అనే ఒక్క పాట మాత్రమే….ఇక ఏం చెప్పాలి మన వాళ్ల గురించి”)భావ్యం కాదు.
ఎంత గొప్ప సంగీతం ఉన్నా కథా కథనాలు లోపించిన చిత్రాలని ప్రజలు అంతగా ఆదరించరు. మంచి విలువలున్న చిత్రాలు ప్రజలని చేరటానికి సమయం పడుతుంది. అక్కడ ధన విలువను బేరీజు వేయటం సబబు కాదు. సాహిత్యం ఈ మధ్య కొత్త పుంతలు తొక్కుతుంది అనుకుంటుండగా మరో వైపు బూతు సాహిత్యాలూ వస్తున్నాయి (శృంగారానికీ, బూతు కి తేడా ఉందని తెలుసు).”ఏక్ నిరంజన్” చిత్రంలో ఒకానొక పాటలో “మోనాలీస చిత్రాన్ని పికాసో గీసాడు” అనే భావమొచ్చేలా రాయటం జరిగింది.ఇదేమి విడ్డూరం అని అడిగితే ఒకరు (భాస్కరభట్ల గారి పేరుతో) ఇచ్చిన సమాధానం ఇది.
“ఈ రోజుల్లో భావం ఎవరికీ కావాలండీ డబ్బు కావాలి కాని అని నోరుమూసేసారు
నేను డావన్సీ అనే రాసాను మణికి అది నచ్చలేదు
పాటలు రికార్డు అయ్యాక నేను కూడా షాక్ అయ్యా మీలాగే”
ఇక ఇక్కడ జరుగుతున్న ఘోష్టి గురించి, తెలుగు వరిలో సౌమ్యమూ ఉంది సాహసమూ, శౌర్యమూ ఉన్నాయి..కాని బహిరంగంగా కొన్ని వ్యాఖ్యలు చేయటం కొందరికి మోదం కొందరికి ఖేదం. ఒక సినిమా బాగుంది అని చెప్పటానికి ఒక సినిమా బాగులేదు/నచ్చలేదు అని సొంతాభిప్రాయం చెప్పేవారికి వేదిక ఏదైనా మాధ్యమం ఏదైనా చాలు ఎందుకంటే అది వారి వారి అనుభవానికీ అభిప్రాయానికి సంబంధించినది గనుక. హంస రీతిలో పాలనీ నీరునీ వేరు చేసి గ్రహించవచ్చు కదా…పౌరుషంగా మాట్లాడినా పరుషంగా మాట్లాడినా ఇక్కడున్నది ఆవేదనే కానీ అగౌరవం కాదు.ఆ ప్రేమా గౌరవమూ లేనిదే ఈ చర్చలు చూసి సమాధానం ఇచ్చే ఆసక్తి కూడా ఉండదని నా అభిప్రాయం. సినిమా విషయంలో అందరం ముందు ఓ ప్రేక్షక పాత్ర పోషించితే చాలు సినిమాలు తియ్యక్కర్లేదేమో..అందరూ సినిమాలు తీసేస్తే ఇక చూసేవారెవరూ?నవ్విపోదురుగాక నాకేమి అని అనుకుంటె అది వేరు, దాని గురించి నే మాట్లాడను. సభ్యులైనా కొత్తవారైన చేస్తున్నది సేవ మాత్రమే కాదు భావప్రదర్శన కూడా. శీర్షిక ఏదైనా కాదేదీ చర్చకు అనవసరం, కానీ నెలకోసారైనా ఇక్కడ ఎవరో ఒకరు చేసే వ్యాఖ్యలని పట్టుకుని వాటిని చిలికి చిలికి గాలివాన చేసి, మొదటికే మోసం తేవటం జరుగుతోంది. ఇది చాలా బాధాకరం. ఒకరన్నారు కదా మనమేం తక్కువా అనే గాంభీర్యాలెందుకు? డిఫెన్సుకీ అఫెన్సుకీ తేడాలేదా?. శాంతించి చర్చించుకోవాల్సిన అవసరం అందరికీ ఉంది. సినిమా అన్నాక క్రిటిక్స్ ఉంటారు, అభిమానులూ ఉంటారు. అంత మాత్రాన తెలుగుని అగౌరవించటం ఎలా అవుతుంది? తెలుగంటే సినిమాలేనా? సినిమా బాగులేదు/చెత్త అంటే తెలుగుని అవమానించినట్టేనా? సినిమా తెలుగు కి ప్రచార సాధనంగా ఎందుకు జమవేస్తున్నారు?
@సతీష్ కుమార్ కొత్త: సినిమాను తీసేవాళ్ళు చూసేవాళ్ళే కాకుండా సినీవిమర్శకులు (film critics),సినీచరిత్రకారులు(film historians),సినీఉపాధ్యాయులు (film academicians) లాంటివాళ్ళు ఉంటారని, ఉండాలని. వాళ్ళు సినీపరిశ్రమ ఎదుగుదలకూ, సినిమాను ఒక సామాజిక చట్రంలో భాగంగా చెయ్యడానికి,సినిమాను సామాజిక చైతన్యానికి అద్దంలా ఉపయోగించుకోవడానికీ పనికొస్తారనే స్పృహ మన భారతీయ సినిమా రంగంలో తక్కువ. ఇక మన తెలుగుకొస్తే ఇలాంటి ప్రక్రియలు ఉంటాయనే కనీస జ్ఞానంకూడా లేకుండా పరిశ్రమ నెట్టుకొస్తోంది.
మద్రాసునుంచీ నిర్మాతలూ నటులొచ్చారేగానీ సాంకేతిక నిపుణులూ,సినిమా చరిత్రా,సినిమా జ్ఞానం హైదరాబాద్ చేరుకోలేదు. ఇప్పటికీ హైదరాబాద్ లో ఒకే ఒక ఫిల్మ్ స్కూల్ (అదీ క్రితం ఏడాది మొదలయ్యింది) ఉందంటే మన పరిస్థితిని అర్థం చేసుకోవచ్చు.
ఇలాంటి పరిస్థితుల్లో “సినిమా తీస్తేనే సినిమా గురించి మాట్లాడు”, “ఛండాలంగా ఉన్న తెలుగు సినిమాల గురించి విమర్శిస్తే తెలుగును కించపరిచినట్లే”, “ఎంత దుర్గంధం ఉన్నా దాన్ని బయటచెప్పుకోకూడదు” లాంటి సూడో భాషా-సాంస్కృతిక ప్రేమలు, సినిమా ప్రక్రియ మీద అవగాహనా రాహిత్యం మిగులుండక ఎక్కడికి పోతాయి?
‘సినిమా అంటే తియ్యడం చూడటం కాదు. అదొక సామాజిక ప్రక్రియ.’అనే స్పృహలేనన్నినాళ్ళూ తెలుగు భాష-సంస్కృతి-సినిమా మీద ఇలాంటి తిరోగమనవాద గుడ్డి భాష్యాలు పుడుతూనే ఉంటాయి. వీటివలన సినిమాకూ-సారస్వతానికీ వచ్చే లాభమేమీ లేదు. If you can’t be self critical, can you really change?
కాబట్టి, మన ఉద్దేశాలూ ఆశయాలూ మనకు తెలుసుగనక ఈ ఉత్తుత్తి ప్రేమికులకు స్పందించకపోవడమే మంచిది. అయినా, తెలుగు సినిమాని ప్రేమించకపోతే తెలుగు సినిమాల గురించి బాధపడటం ఎందుకు? తెలుగులో రాయడం ఎందుకు? తెలుగు పరిశ్రమలో శ్రమించడం ఎందుకు? వదిలెయ్యండి సార్…
అన్యులు క్షమించాలి. ఈ వ్యాఖ్య నా గురించి కనుక నేను సమాధానం చెప్పక తప్పడంలేదు. ఇప్పుడు కూడా మీరు మీ సభ్యుడనే వెనకేసుకువచ్చే పక్షంలో ఇక ఈ సైటులో పారదర్శకతే లేదని తేటతెల్లం అవుతుంది.
మహేష్ …
“ఇలాంటి పరిస్థితుల్లో “సినిమా తీస్తేనే సినిమా గురించి మాట్లాడు”, “ఛండాలంగా ఉన్న తెలుగు సినిమాల గురించి విమర్శిస్తే తెలుగును కించపరిచినట్లే”, “ఎంత దుర్గంధం ఉన్నా దాన్ని బయటచెప్పుకోకూడదు” లాంటి సూడో భాషా-సాంస్కృతిక ప్రేమలు, సినిమా ప్రక్రియ మీద అవగాహనా రాహిత్యం మిగులుండక ఎక్కడికి పోతాయి?”
సినిమా తీస్తాను , స్క్రిప్ట్లు డబ్బులు ఉన్నాయి అని తమరు ఇంతకుముందు ఒక వ్యాసంలో అన్నారు కనుకే ఆ మాట అన్నరు. అంటె తమరి ఆ మాట అబద్ధమా ? సినిమాగురించి చాలా చాలా మాట్లాడి ఇలానే స్క్రిప్ట్లు ఉన్నాయి అని చెప్పి నిర్మాతల జేబులు వదిలించే వాళ్ళు చాలా మందే ఉన్నారు. నేను చూసాను , కలిసాను కూడా. మీరూ అలాంటివేరాలా ఉంది. నేను విమర్శించొద్దు అనలేదు. విమర్శతోపాటు సినిమా తీసే ప్రయత్నం కూడా చేయకూడదా అన్నాను. మీకు తెలుగు సరిగా చదవడం రాకపోతే నా వ్యాఖ్యలు మళ్ళీ చదువుకోండి.
“నేను…రంధ్రాన్వేషణనూ తప్పు పట్టడం లేదు , మన సినిమా చెత్త అనడాన్నీ తప్పు పట్టడం లేదు. కానీ ఎంతసేపూ మాటలేనా ?! తెలుగు సినిమా చచ్చింది అనేంత దూరం మనలను మనమే తిట్టుకుంటే ఇక తెలుగు ఉనికేమిటి ? తిట్టేందుకు… ఇక్కడే కాదు ఎంతోమంది ఉన్నారు. ఒక చెత్త సినిమా చూసిన రిక్షావాడు కూడా సినిమా వేస్టు అంటాడు. అతడి వ్యాఖ్యకు ఈ సైటు వ్యాఖ్యకూ ఏమిటి వ్యత్యాసం.”
ఇదీ నేను రాసింది., కళ్ళకు అంతగా అహంకారమో అజ్నానమో అప్పేస్తే ఇంకేమీ చేయలేను.
కోటి రూపాయలు పెడతాను అన్నా స్పందించడం లేదు అంటే . స్క్రిప్ట్లు ఉన్నాయి సినిమా తీసి ఈ వ్యవస్థను మారుస్తాను అంటున్న తమరి మాటలెంత అబధ్ధాలో అర్థం కావట్లేదు.
ఒక సినీ విమర్శకుడిని అని చెప్పుకోవడానికి మీకు ప్రత్యేకమైన అర్హత ఏం ఉంది అంటున్నాను ? లేదూ నేనూ అందరిలాంటి వాడినే అయితే పోచుకోలు కబుర్ల కోసం ఇలాంటి సైటు ఎందుకు అంటున్నాను. విశ్వనాధ్గారితో సినిమా తీసిన వాళ్ళు , జాన్ అబ్రహామ్ శిష్యులు , న్యూయార్క్ ఇన్స్టిట్యూట్లో చదువుకొచ్చినవారూ , కమలహాసన్ దగ్గర అసిస్టెంట్లుగా చేసినవాళ్ళు , సంతోష్ శివన్ ప్రాపకంలో ఉన్నవాళ్ళూ… ఇంకా అలాంటివారూ చాలా మంది ఇంతకంటె ఎక్కువే మాట్లాడుతారు. సరి అయిన తెలుగు సినిమా కథ సిద్ధం చేసుకోలేక వాళ్ళు అవస్థలు పడుతుంటే ఆ అవకాశం మీకైనా ఇద్దామనే ఉద్దేశ్యంతో నేను అంటే…. సిగ్గులేకుండా నన్ను కుహనా అంటారా?
తెలుగు గురించి ఖచ్చితంగా మీకంటే నాకు ఎక్కువే తెలుసు. భాషలో ఛందస్సులో పద్యాలు చెప్పగలరా . కనీసం నన్నయ తిక్కన వ్రాసిన భారతం అర్థం చేసుకోగలరా? కూచిపూడి నృత్యంలోని ముద్రలు ఐడెంటిఫై చెయ్యగలరా ? అష్టావధానంలో పండితులు మెచ్చేలా ఒక ప్రశ్న అడగగలరా ?
“సూడో భాషా-సాంస్కృతిక ప్రేమలు, సినిమా ప్రక్రియ మీద అవగాహనా రాహిత్యం మిగులుండక ఎక్కడికి పోతాయి? ” .. ఏవరు నీకంటికి సూడోలా కనిపిస్తున్నారు ? నోరు అదుపులో పెట్టుకుని మాట్లాడితే మంచిది. ఏదీ తమరి అడ్రస్సు వివరాలు చెప్పండి , ఈసారి పై చెప్పిన సభలన్నిటికీ ఆహ్వానాలు పంపుతాం. ఒక్కటంటే ఒక్కచోటికి వచ్చి తమరి ప్రతిభ్ ఎందులో ఏమిటో చూపుకోండి. ఇలా ఇంటర్నెట్ ముసుగులో అవాకులూ చవాకులూ వ్రాసి తమరికి తమరే పెట్రేగిపోవడం కాదు.
“లుగు భాష-సంస్కృతి-సినిమా మీద ఇలాంటి తిరోగమనవాద గుడ్డి భాష్యాలు పుడుతూనే ఉంటాయి”
తమరి ఒక్కోక్క వ్యాఖ్యకూ మీరు నోరెత్తకుండా చెప్పగలను , కానీ ఈ ఇంటర్నెట్ ముసుగులో మీరు ముఖం చాటెయ్యడమే నేర్చుకుంటున్నారు.
“ఈ ఉత్తుత్తి ప్రేమికులకు ” ఎవడు ఉత్తుత్తి ప్రేమికుడు ? కోటిరూపాయలు ఇన్వెస్త్ చేయిస్తాను అన్న నేనా.. ఆ మాట ఎత్తకుండా పారిపోతున్న తమరా ?
శంకర్ గారూ.. ఇందుకే నేను అన్నది , నవతరంగం అంటే ఒక్క ఈ మనిషేనా అనేట్లు కనిపిస్తోంది అనుకుంటాను. ఇతగాడికి కాక మరెవ్వరికైనా నా అవకాశం ఇంకా అలానే ఉంది. ఇతనికి సినిమా తీయడమూ రాదు , స్క్రిప్టు రాయడమూ రాదు , ఊరికే సొల్లు కబుర్లు మాట్లాడటం తప్ప నాకు సుస్పష్టం అయింది. కానీ ఒక వ్యక్తి తప్పిదం వలన ఇక్కడ నిజంగా టాలెంటు ఉన్నవాళ్ళు ఉంటే వారికి వచ్చే అవకాశాన్ని జారవిడచ దలచట్లేదు , సరి అయిన స్క్రిప్ట్లు , దర్శకత్వ అనుభవం / సామర్థ్యం ఉన్నవారు నన్ను నా ఈమెయిల్కు సంప్రదించగలరు. అవి లేనివాళ్ళు సంప్రదించనక్ఖర్లేదు.
srikanvas@gmail.com
also ppl of navatarangam can contact me for any other help….i will entertain anyone but not this above man
1)నేను విమర్శించొద్దు అనలేదు. విమర్శతోపాటు సినిమా తీసే ప్రయత్నం కూడా చేయకూడదా అన్నాను
“ఒక్క షార్టు ఫిలిం తీసి అప్లోడ్ చెయ్యలేని మీరు కోట్ల డబ్బులు పెట్టి రెండువందల కృషితో తీసే రెండున్నర గంటల సినిమాల గురించి వ్రాసే అర్హత ఉందా”denilo meeru paina antunna meaning kanipisthundaaa??pora ki vellandi ki vunnantha teda ledu???”
2)inkoti meeku support chesthene indulo paradarsakatha vundanukuntaraaa?
meedi meeku corrrect anipinchochhu..kaani andariki anipinchali kadaaa..
@కంచిభొట్ల సందీప్:
1.పద్యాలూ చందస్సులూ నాకు రావు
2.నన్నయ తిక్కన భారతం నాకు అర్థం కాదు.
3.కూచిపూడి ముద్రలేమిటో నాకు తెలీదు.
4.అష్టావధానంలో ప్రశలడగటం కాదుకదా అష్ట అంటే ఎనిమిదో తొమ్మిదోకూడా నాకు తెలీదు.
ఈ పైవన్నీ తెలిసుంటేనే సాహిత్యాన్నీ,సినిమానీ గుత్తకు తీసుకున్నట్లు మాట్లాడాలని నాకు తెలీదు. ఒకవేళ మీలాంటోళు ఇలా నొక్కివక్కాణించినా I don’t care.
ఎందుకంటే, టికెట్టుకొన్న ప్రతిప్రేక్షకుడికీ సినిమాని విమర్శించే హక్కుందని నేను నమ్ముతాను. మీలాగా highbrow cultural superiority complexలు నాకు లేవు. ఇంటర్నెట్ లో ముసుగువేసుకోవాల్సిన అవసరం అస్సలు లేదు.My identity is true and I am as real a person as one can know or wish to know.
mail me at mahesh.kathi@gmail.com. If you are in Hyderabad let’s meet, so that you can SEE WHAT I DO.
మిస్సమ్మ సినిమాలో పింగళి గారు ఒక చిన్న పాట రాశారు – “మీకు మీరే మాకు మేమే. ఎందుకీ వస వస నస నస? మీకు మీరే మాకు మేమే. ఎందుకీ రుసరుస బుసబుస?”. ఇక్కడి చర్చ చూస్తే నాకు ఈ సాహిత్యం గుర్తొచ్చింది. నీ అభిప్రాయం నీది, నా అభిప్రాయం నాది అని అనుకున్నప్పుడు మళ్ళీ ముళ్ళపూడి గారి – “మొగుడు పెళ్ళాలు సమానమే కానీ మొగుడు కాస్త ఎక్కువ సమానం” టైపులో, “నీదీ అభిప్రాయమే, నాదీ అభిప్రాయమే అయితే నాది కరెక్ట్ అభిప్రాయం” అనడమెందుకు? నేను చూసినంతవరకూ నవతరంగంలో అభిప్రాయ వ్యక్తీకరణలూ, వాదనలే తప్ప చర్చ జరిగింది చాలా తక్కువ. నిజానికి నవతరంగం చర్చలని దృష్టిలో పెట్టుకుని design చేసినది కాదేమో కూడా. చర్చలకి కావలసిన సమన్వయం అవీ ఇలా comments లో కుదరడం కొంత కష్టమే. కాబట్టి “ఒరేయ్ ఆంజినేయులు తెగ ఆయాసపడిపోకు చాలు” అన్న సిరివెన్నెల మాటలని గుర్తుపెట్టుకుంటే నవతరంగం ఇంకా ఆరోగ్యకరంగా ఉంటుంది.
జిడ్డు కృష్ణమూర్తి చాలా సార్లు అంటూ ఉండే వారు – “If you understand something, not intellectually but actually then action will come out of that understanding” అని. తర్కం యొక్క పరిమితుల గురించి చెప్పిన ఈ గొప్ప వాక్యాలని మననం చేసుకుంటూ ఉంటే కేవలం చర్చల వల్లో, వాదనల వల్లో ఏదో సాధించేశాం, ఎంతో నేర్చుకున్నాం అనిపించే భ్రమలు కొన్ని తొలగుతాయి.
@హర్ష మీరు సందీప్ ఆ వాఖ్య వ్రాసారో చదివారా ? “ఒక్క షార్టు ఫిలిం తీసి అప్లోడ్ చెయ్యలేని మీరు కోట్ల డబ్బులు పెట్టి రెండువందల కృషితో తీసే రెండున్నర గంటల సినిమాల గురించి వ్రాసే అర్హత ఉందా” ఇది ఎందుకు వ్రాసారో మీరు చదివారా ? ” ఆ సినిమా గురించి లేదెందుకు?” అని ప్రశ్నించేకన్నా ఆ సినిమా గురించి మీరే రాసుంటే ఇంకా బాగుండేది. ఇది మీకు తప్పు అనిపించలేదా ?
O hO hO ho ho
neeku inni vishayaalu teleevaa Mahesh??
mari endukayya pedda mEdhavi laga phose kotti magadheera cinema gurinchi maatlaadaav?
sandeep cheppindi ade kada..ticket konna riksha puller ku neeku difference enti ani ?
may be rickshaw puller is better. he works hard and behaves modest..
eme teleekunda inkodi kashtanni vekkirinchi “film critic” ayyi evaDO producer nu mosam chesi cinema director avudaam ane durbhuddhi undadu ?
cinema tiyyaleni vaadivi intaku mundu article lo script lu unnay dabbulu unnay meeru O cheyyi veyyandi ani enduku annav?? Dabbulu dobbeddamane kada?
నాకు సినిమాలు తీయడం మానేసి మీలా కామెంట్స్ తో ఎంజాయ్ చేయాలనిపిస్తుంది
arya flop ayindi kada enduku ee sukumar
ఆర్య అట్ట్టర్ ఫ్లాప్ అవుతుందని నాకు ముందే తెలుసు. మన ఖర్మ కాకపోతే, అల్లు అర్జున్ హిరో ఏమిటి ?
we will wait for that
Lovely
“ఈరమ్” సినిమా మంచి సాంకేతిక విలువలతొ పాటు మంచి కధనంతో అడుగంటి పోతున్న మానవతా విలువలకు అద్దమ్ పట్టిన మంచి సినిమా. కేవలమ్ కూతురితో కలిసుండడం కోసమ్ సాటి ఆడదానిపై నింద మోపడమ్,అపార్ట్మెంట్లో దిగజారిన జీవన గమనాలు,మనుషుల్లొ అడుగంటిన కరుణ(దీన్నే తడి-”ఈరం” అని భావార్దం)చాలా చక్కగా చూపించారు. ఇక సాంకేతిక విలువల గురించి పైన సాయి గారి రీవ్యూ బాగుంది..తెలుగులొ ఇటువంటి ప్రయత్నాలను ఆదరించాలని కొరుకుంటున్నాను..తమిళంలో కమర్శియల్ సినిమాలకు ధీటుగా ఇటువంటి సినిమాలు హిట్ అవుతాయి అనేది నిర్వివాదాంశం…మంచి అభిరుచికి ఎల్లలు ఉండకూడదనేది నా అభిప్రాయం…రవిగారు మీరు ఏదగాలి..దొంగా దొంగా సినిమా అవార్డు,మమ్ముటి నటన గురించి మీ వాక్క్యలు విచారకరం..నాకు ఈ సినిమా మానవతా విలువలు స్ప్రజించే english cinema thriller “Phone Bhooth” గుర్తింపజేసింది…
Kumar గారు, నా వ్యాఖ్య మరోసారి చదువుకోండి. మొత్తంగా మమ్ముట్టి నటన గురించి నేననలేదు. అక్కడే, మోహన్ లాల్, శోభన గురించిన ప్రశంస మీరు గమనించాలి. ఇక “దొంగ దొంగ” సినిమా గురించి. పూర్తీగా చెప్పాలంటే, ఆ సినిమా వచ్చిన యేడాది భారతదేశం మొత్తమంతటా వచ్చిన ఇతర సినిమాలు, వాటిలో నృత్య దర్శకత్వమూ, నేషనల్ అవార్డ్ లు నిజంగా నిస్పక్షపాతంగా ఇవ్వబడుతున్నాయా, వగైరా ఇవన్నీ ప్రస్తావించాలి. అంతా చెప్పినా, నా పాయింట్ తప్పుగానే అర్థమవుతుంది కాబట్టి, అనవసరం.
“good post”