Ireland International Film Festival లో 34 దేశాల నుంచీ వచ్చిన 200 సినిమాల మధ్యన ఉత్తమ చిత్రంగా నిలిచింది “ముఖపుట (The Cover Page)” అనే ఒక కన్నడ చిత్రం.
ప్రముఖ నటి రూపా అయ్యర్ మొట్టమొదటిసారిగా దర్శకత్వం వహించిన ఈ చిత్రం ఇదివరకే The California Film Festival లో Silver Sierra Best Feature Film Award అందుకుంది.
HIV/AIDS తో జీవిస్తున్న చిన్నారుల భావనలకు,ఉద్వేగాలకు, జీవితాలకు అద్దం పట్టే చిత్రంగా ‘ముఖపుట’ అన్నిచోట్లా ప్రశంసలు అందుకుంది. ఈ విషయంపై భారతదేశం రూపొందించబడిన మొదటి చిత్రం ఇది.
సాధారణంగా అంతర్జాతీయ అవార్డులకు పంపేటప్పుడు పాటల్ని తొలగించడం పరిపాటి. కానీ “they are an integral part of the film” అంటూ దర్శకురాలు రూపా అయ్యర్ ఉంచెయ్యడం ఒకసాహసమనే చెప్పాలి.
ఈ సందర్భంగా నవతరంగం ఈ చిత్ర యూనిట్ కు, నటీనటులకు,నిర్మాతలు ప్రొఫెసర్ నారాయణ్ హోస్మనే,సుబ్రయ హోస్మనే మరియూ నటి- దర్శకురాలు రూపా అయ్యర్ కు అభినందనలు తెలియజేస్తోంది.
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
K మహేశ్ కుమార్ says:
మామూలుగా..మామూలుగా..మామూలుగా అంటే మామూలుగా ఈ వార్తకు ఒక్క వ్యాఖ్యా ఇప్పటివరకూ రాలేదన్నమాట!
ఈ సినీనిర్మాతా దర్శకులకు నాతరఫున్నించీ కూడా అభినందనలు.
anveshi says:
…అసలే బాబోయ్ ఆవార్డ్ సినిమాలని జనాలు పారిపోతుంటే అవార్డు వచ్చిందని చెప్తున్న కన్నడ సినిమా గురించి ఎవడికి కావాలి?
కె.మహేష్ కుమార్ says:
@అన్వేషి: నిజమే!
నాకైతే ఈ సినిమా థీం నచ్చింది. తమ ప్రమేయంలేకుండా సంక్రమించిన ప్రాణాంతక ఎయిడ్స్ తో పోరాడుతున్న పిల్లల్ని కళ్ళారా చూసినవాడ్ని. ఖచ్చితంగా కొన్ని సంవత్సరాలకు చనిపోతాడని తెలిసీ,అప్పటీకే తల్లోతండ్రో ఎయిడ్స్ తో చనిపోయి,నిరంతరం ఏదోఒక రోగంతో బాధపడుతూ అర్థంకాని-అర్థంచేసుకోలేని వేదనతో కృశించే ఈ పిల్లల బాల్యం ఎంత సంఘర్షణ భరితమో ప్రజలకు తెలియాలి. ఈ సినిమా ఆ పనిచేసిందని అనిపిస్తోంది. ఇలాంటి విషయాన్ని తీసుకున్న దర్శక నిర్మాతలు సినిమా బాగున్నా,బాగలేకున్నా అభినందనీయులే. Honest attempt అంటే ఇది…
మధురవాణి says:
ఈ సినిమాని తీసిన దర్శక నిర్మాతలకి నా అభినందనలు.
@ మహేష్ గారూ,
సినిమా థీమ్ ఏమిటో తెలియచేసినందుకు ధన్యవాదాలు.