Menu

విలేజ్ లో వినాయకుడు-Audio Review

గతంలో “ఆవకాయ్-బిర్యాని” తినిపించిన సంగీత దర్శకుడు మణికాంత్ కద్రి ఈ సారి తన సంగీత రసామృతాన్ని అందించారు “విలేజ్ లో వినాయకుడు” చిత్రంలో. ఈ చిత్రంలో పాటలన్నీ వనమాలి రాశారు. దర్శక (సాయి కిరణ్ అడివి) నిర్మాతల ఉన్నతమైన అభిరుచి ఈ ఆడియోలో కనిపిస్తుంది.

1. చినుకై వరదై

ఈ పాట వింటే చాలా కాలం తర్వాత ఒక చక్కని యుగళ గీతం, ప్రేమ గీతం విన్న భావన కలుగుతుంది. మంచి మెలొడీ ఇస్తూనే foot tapping number గా మలచడంలో సంగీత దర్శకుడు పూర్తిగా సఫలీకృతుడయ్యాడు. ఈ మధ్య అంతగా వినిపించని హరిహరన్ గొంతు మథురంగా ఈ పాటలో వింటాం.

సాహిత్య పరంగా వనమాలి ఎంత బాగో రాశారో తెలియలాంటే మచ్చుకి ఒక భావం –

తడి లేని నీరున్నదేమో
సడి లేని యద ఉన్నదేమో
నువు లేక నేనున్న క్షణమున్నదా?

ఈ పాట సాహిత్యంలో వినిపించే “విధిని ఎదిరించడం”, “అనుకోని మలుపు” లాటివి చూస్తే సినిమా సందర్భాన్నీ, కథనీ కూడా వనమాలి కొంత ఈ పాటలో స్పృశించారు అనిపిస్తుంది.

2. అహ నా పెళ్ళియంట!

మయాబజార్ లోని “అహ నా పెళ్ళియంట” పాట పల్లవిని, ట్యూన్ నీ తీసుకుని దాని చుట్టూ ఒక rap గీతాన్ని పొదిగిన వెరైటీ పాట ఇది. ఇందులో female voice (సౌమ్య) పాత మాయబజార్ పాట గొంతులానే అనిపించడం ఇంకో తమషా. సాహిత్యంలో కూడా

నీకు మూడు ముళ్ళంట, లోకమంత థ్రిల్లంట !

అంటూ కొంత modern touch కనిపిస్తుంది. మొత్తానికి ఈ పాట అందరినీ బాగా ఆకట్టుకుంటుంది అనిపించింది.

3. నీలి మేఘమా

ఇదో అద్భుతమైన solo song. ఎంతో melodious గా, హాయిగా విన్న మొదటిసారే గుండెలకి హత్తుకుంటుంది. ట్యూనూ, పాటలో వినిపించే కోరస్ ఆకట్టుకునేలా ఉన్నాయ్. కార్తీక్ చాలా బాగా పాడాడు. సాహిత్యపరంగా ఒక భావ గీతంలా మలిచారు వనమాలి.

ఆ ఏటిగట్టు అల పాదాల తోటి
ఈ గుండె తడిమి తడిగురుతు చూపుతోంది

లాటి చక్కటి భావాలు ఉన్నాయ్. సాహిత్యాన్ని జాగ్రత్తగా వింటే సినిమాలో కథానాయకుడు పల్లెటూరు వచ్చి అక్కడి హీరోయిన్ కుటుంబంతో అనుబంధం ఏర్పరచుకుంటాడు అనిపిస్తుంది.

4. తీసే ప్రతి శ్వాస

సందర్భోచితంగా సాగుతున్న ఈ చిత్ర గీతాలలో ఒక శోక గీతం ఉండి తీరాలని ఊహించడం పెద్ద కష్టం కాదు. అదే ఇది. శోక గీతాన్నీ జనరంజకంగా మలచడంలో సంగీత దర్శకుడు ప్రత్యేక శ్రద్ధ తీసుకున్నాడు అనిపిస్తుంది. హరిహరన్ చక్కగా పాడిన ఈ పాటకి వనమాలి తగిన సాహిత్యాని అందించారు.

5. సూపర్మేన్ బ్రదర్ ని

“సూపర్మేన్ బ్రదర్‌నీ, స్పైడర్మేన్ కజిన్‌నీ” అంటూ trendy గా సాగే ఈ పాట సాహిత్యం వనమాలి లో ఇంకో కోణాన్ని ఆవిష్కరిస్తుంది. బహుశా హీరో పిల్లల దగ్గర పాడే పాట కావొచ్చు ఇది. సంగీతం, గానం తగ్గట్టుగా ఉన్నాయ్. అయితే హోరు కొంత ఎక్కువై సాహిత్యం స్పష్టంగా వినిపించకపోవడం ఈ పాటలో ఒక లోపం అనిపించింది.

ఇవి కాక violin తో వినసొంపుగా వింపించే theme music ఈ ఆల్బంకి ప్రత్యేక ఆకర్షణ. “ముద్దుగారే యశోద” అన్నమయ్య గీతం కూడా రెండు సార్లు male and female voices లో వినిపించి రంజింపజేస్తుంది. ఈ గీతాన్ని కూడా సందర్భోచితంగా వాడి ఉంటారని భావించవచ్చు.

ఒక గొప్ప సంగీత సాహిత్య అనుభవం కావాలంటే ఈ ఆల్బం తప్పక వినండి.

ఫణీంద్ర KSM

21 Comments
  1. Pradeep October 8, 2009 / Reply
    • KSM ఫణీంద్ర October 8, 2009 / Reply
      • Vasu October 16, 2009 /
    • KSM ఫణీంద్ర October 8, 2009 / Reply
  2. Sowmya October 8, 2009 / Reply
    • KSM ఫణీంద్ర October 8, 2009 / Reply
  3. RJ Mithra October 8, 2009 / Reply
    • KSM ఫణీంద్ర October 9, 2009 / Reply
  4. పులి రాజా October 8, 2009 / Reply
    • పులి రాజా October 8, 2009 / Reply
      • రామ October 9, 2009 /
    • KSM ఫణీంద్ర October 9, 2009 / Reply
  5. Krishna Sumanth October 8, 2009 / Reply
    • KSM ఫణీంద్ర October 9, 2009 / Reply
  6. రామ October 9, 2009 / Reply
  7. bonagiri October 9, 2009 / Reply
    • santhi October 11, 2009 / Reply
  8. Vasu October 10, 2009 / Reply
  9. kasyap October 10, 2009 / Reply
  10. NaChaKi October 12, 2009 / Reply

Leave a Reply

Your email address will not be published. Required fields are marked *