టెర్రరిజం భయంతో, ప్రభుత్వ అలసత్వం మీద నిరసనతో, ఈ పరిస్థితుల్లో ఏంచెయ్యాలో తెలీని నైరాశ్యంలో జీవిస్తున్న సాధారణ జనంలోంచీ వచ్చిన ఒక ‘సామాన్యుడు’ వ్యవస్థ ఉలిక్కిపడే విధంగా చట్టాన్ని తన చేతుల్లోకి తీసుకుని instant justice అమలుజరిపే కథ ‘ఈనాడు’ చిత్రానిది. కథ కొత్తదికాదు. ఎన్నో సినిమాల్లో చూసిందే. కానీ విన్నూత్నమైన కథనం ఈ చిత్రానికి ఆయువుపట్టు.
గత సంవత్సరం హిందీలో అనూహ్యమైన విజయం సాధించిన A Wednesday చిత్రానికి తెలుగు రూపం “ఈనాడు”. ఒక భాషలో హిట్టైన సినిమాని మరో భాషలోకి రీమేక్ చెయ్యడం ఎప్పుడూ వ్యాపారాత్మకంగా మినిమమ్ గ్యారంటీ అనుకోవచ్చు. కానీ, సృజనాత్మకంగా ఇలాంటి ప్రయత్నాల్లో లాభాలెంతున్నాయో నష్టాలూ అంతే ఉంటాయి. మంచి స్కిప్టులో ఉన్న లాభాల్ని నటుల ఎంపికలోని లోపాలు, పదునులేని సంభాషణలు,పటుత్వంలేని దర్శకత్వం, పేలవమైన నేపధ్య సంగీతం వంటి స్వయంకృతాపరాధాలతో నష్టాలుగా మలుచుకున్న ఘనత మన తెలుగు నిర్మాతలకు చెల్లుతుంది ( రాజ్ కమల్ ప్రొడక్షన్స్).
పోలీస్ కమీషనర్ ఈశ్వర్ ప్రసాద్ (వెంకటేష్) తన జీవితాన్ని మార్చేసిన ఒకరోజు గురించి ఫ్లాష్ బ్యాక్ చెప్పడంతో మొదలౌతుంది. హైదరాబాద్ సిటీలో ఆరు చోట్ల బాంబులు పెట్టినట్లు ఒక అనామకుడు (కమల్ హాసన్) ఫోన్ చేస్తాడు. ఆ బాంబుల జాడ చెప్పటానికి ప్రతిగా కొందరు టెర్రరిస్టుల విడుదల కోరుకుంటాడు.ఈ ఘటనలో మరో ఇద్దరు సిన్సియర్ పోలీసులు, ఒక టివి జర్నలిస్టు ఇన్వాల్వ్ అవుతారు. ఈ పరిస్థితిని కమిషనర్ ఎలా ఎదుర్కొంటాడు? చివరికి ఏంజరుగుతుంది? అనేది ఈ చిత్రకథ.
అనామకుడు/సామాన్యుడు గా కమల్ నటన బాగానే ఉన్నా, హిందీ చిత్రంలో నసీరుద్ధీన్ షా నటన గుర్తొచ్చినప్పుడల్లా ఎందుకో వెలితిగా అనిపిస్తుంది. కమల్ ఆ పాత్ర పోషించడం ద్వారా పాత్ర ధోరణి, ఔచిత్యంలో తేడావచ్చి న్యాయం జరగలేదన్న భావన కలుగుతుంది. ముఖ్యంగా బాంబులుపెట్టిన అనామకుడు,కోపంతో ఉన్న సామాన్యుడిగా మారే దృశ్యాలు ఎలివేట్ అవకుండా మిగిలిపోవడానికి ఈ mis-casting కారణమేమో అనిపించక మానదు. కమల్ తెలుగు వాచకం కూడా పాత్ర అవసరమైన విధంగా పండకపోవడానికి ఒక కారణం కావచ్చు. పోలీస్ కమిషనర్ గా వెంకటేష్ చాలా పాత్రోచితంగా నటించారు. చీఫ్ సెక్రెటరీ (లక్ష్మి)తో జరిగే confrontation దృశ్యాలలో కొంత తికమకగా అనిపించినా (అది బహుశా సంభాషణల మహత్యం అనుకుంటా) క్రమేణా ఆ పాత్రపై తనదైన ముద్రవెయ్యడంలో వెంకటేష్ సఫలమయ్యారు.
మరో ఇద్దరు పోలీస్ ఆఫీసర్లుగా గణేష్ వెంకటరామన్, భరత్ రెడ్డి అవసరమైనంత పరిధిలో నటించారు. టివి జర్నలిస్టుగా అంజు అయ్యర్ చాలా అసహజమైన నటన ప్రదర్శించింది. డైలాగులు అప్పజెప్పడంలో ఉన్న శ్రద్ధ నటనపై కనబరిచినట్లు అస్సలు కనిపించదు.
కథలో చెప్పిన సొల్యూషన్ తో సైద్ధాంతికంగా విబేధించినా, హిందీదర్శకుడు నీరజ్ పాండే కథ చాలా మంచిదనే చెప్పాలి. కానీ తెలుగులో కొచ్చేసరికీ, అనుభవరహితుడైన తోలేటి చక్రి దర్శకత్వంలో కథనం పటుత్వాన్ని కోల్పోయింది. సినిమా ప్రారంభంలోనే కమల్ బాంబు తయారు చేస్తున్నట్లు చూపించడం వంటి గిమ్మిక్కులతో పాత్ర ఔచిత్యాల్ని దెబ్బతీసి, ఈ సినిమా ద్వారా కలగాల్సిన desired effect ని తగ్గించేశారు. ఈ సినిమాలో ఉన్న పెద్ద లోపాలు నీలకంఠ సంభాషణలు. శృతిహసన్ నేపధ్యసంగీతం. వీటి గురించి ఎంత తక్కువ చెప్పుకుంటే అంత మంచిది.ఈ సినిమాని రెడ్ కెమెరాతో చిత్రీకరించడం సాంకేతికంగా ఒక ప్రయోగం. ఔట్ పుట్ బాగానే అనిపించినా, మనోజ్ సోనీ సినెమాటోగ్రఫీ సాధారణంగా ఉంది.
హిందీమూలం చూడనివాళ్ళు, కనీసం కథవున్న సినిమా కాబట్టి ఈ సినిమాని ఖచ్చితంగా చూడాలి.
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
రాకేశ్వర రావు says:
wednesday అనేదే ఒక లేకి సినిమా, నా దృష్ట్యా..
ఎందుకంటే, అది జనాల ఆగ్రహాన్ని సొమ్ముచేసుకుంటున్న ఒక ఫాంటసీ..
ఒక రకమైన బూతు సనిమా.. ఏ సినిమా ఐనా ఒక రకంగా బూతు సినిమానే అనుకుంట..
నేనేమి చెప్పదలచుకున్నానో, మహేశ్ గారికి తేలికగానే అర్థమవుతుంది. ఇతర పాఠకులకు అర్థకాకపోయినా పర్వాలేదు.
నేను హిందీలో చూసినప్పుడు, ఒక సినిమాగా నాకు నచ్చింది – మంచి దర్శకత్వం, చాలా మంచి పాత్రలు, నటనలు, కథనం …
కానీ కథ చెప్పేది ఒక అబద్ధం అని నాకు చివరకు నోట్లో చేదుభావన మిగిలింది.
ఇలాంటి ఫాంటసీలకు తెలుఁగులో మాంచి గిరాకీ వుందని దాన్ని అనువాదించారు. కానీ మన వాళ్ళు చేతగాదని మళ్ళీ (రెండు శంకర్ దాదాల తరువాత) నిరూపించుకున్నారు.
This is one movie whose failure I do not resent.
రాకేశ్వరం
K మహేశ్ కుమార్ says:
@రాకేశ్వర రావు: A Wednesday సినిమాలోని “ఫాంటసీ”తో ఉన్న సైద్ధాంతిక విబేధాన్ని గురించి ఇదివరకే నవతరంగంలో “యాంగ్రీ మిడిల్ క్లాస్ సినిమాలు” అనే వ్యాసం రాయడం జరిగింది. ఈ క్రింది లంకెలో ఆ వ్యాసాన్ని చదవొచ్చు.
http://navatarangam.com/2008/10/angry-middleclass-films/
pappu says:
ఈ లెఖ్ఖన ఆ హిందీ సినిమానే డబ్ చేసి ఉండుంటే సొమ్ములు బాగా కిట్టుబాటయిఉండేవేమో?హిందీ సినిమా మాత్రం చాలా బాగా తీసారు.అందరూ బాగా చేసారు కూడా.మరి తెలుగులో బాగోలేదంటే నటీనటుల్ని సరిగ్గా ఉపయోగించుకోలేదేమో?లేదా హిందీ సినిమా దీనికంటే బాగా ప్రభావితం చేసిందో…
kumar says:
సందేశాత్మక సినిమా ను ఎంకరేజ్ చేస్తాము,మంచి సామాజిక బాధ్యత ఉన్న సినిమా నాదృష్టి లో…ఈనాడు
కె.మహేష్ కుమార్ says:
@కుమార్: ఈ సినిమా చెప్పిన సందేశం ఏమిటి?
చట్టాన్ని చేతుల్లోకి తీసుకుని,నేరస్తుల్ని హతం చేసి న్యాయం చెయ్యమనా?
ఆర్.డి.ఎక్స్ బాంబుల భయం పెట్టి బ్లాక్ మెయిల్ చెయ్యమనా?
వ్యవస్థలోని లోపాల మీదనున్న నిరసనని హింసద్వారా తీర్చుకోమనా?
ఏమిటి ఈ సినిమా చెప్పిన సందేశం?
raamesabaabu says:
Ayyo! ee cinema himsanu cheppatam ledu. yantranga vaiphalyamu, sariponi sikshasmrithini velethi chuputhondi kadaa? nenu porabaddanaa?
chandrasen says:
watch Kamal Haasan recent interview on “Eenaadu”, he answered all of your questions.
A politician thinks that Naxalite is a anti-social element and naxalite thinks politician is. and you and everyone knows how they are eliminating each other. that’s what depicted in this movie, director didn’t discovered anything new- he just plotted whatever is happening already.
కె.మహేష్ కుమార్ says:
@చంద్రసేన్: ‘ఈనాడు’ సినిమా నక్సలిజం మీదకాదు. రాజకీయవ్యవస్థ మీద అంతకన్నా కాదు. ఇదొక ఫ్రస్ట్రేటెడ్ తీవ్రవాదభావజాలాన్ని ప్రేరేపించే సినిమా. రాజ్యాంగ-చట్టం-పోలీస్ వ్యవస్థల్ని మీరి చట్టాన్ని చేతుల్లోకి తీసుకుని తీవ్రవాదుల్ని సామాన్యులు హతమారిస్తేగానీ ఈ state కు బుద్దిరాదనే antidemocratic పంథాను sugar coated pill లాగా చెప్పేసినిమా ఇది.
కాబట్టి though I liked the Hindi version of the film, సైద్ధాంతికంగా ఈ చిత్రంతో విబేధించక తప్పదు.
chandrasen says:
Again…you didn’t try to understand what I’m saying…
you yourself asked is it correct to take law into yor hands? that question might be correct from your side…but go and ask a guy who got frustrated with system…he says right…go into that guy’s shoes and you will understnad the concept of this movie…
I’m not sure whether you know the incident of Anusha..who lost her parents,because of a maniac…ask her she will tell you the answer…
or go and ask the relatives of the people, who lost their lives in taj hotel incident…
or go and read history of indian freedom struggle..netaji and bhagath singh already provided answers…
just you need to come out of your comforts and think from different angle..that’s it it makes lot of sense…
why I’m giving this lenghty answer, it’s because there might be many newbees who might be thinking to make some revolutionary movies…they shouldn’t think like you..otherwise..this so-called system rumble the weakest and us sheeps…
there should be place for this kind of genre in any field..be it films or politics….
కె.మహేష్ కుమార్ says:
@చంద్రసేన్: మీరు చెప్పిన వ్యక్తిగత కారణాలవల్ల వ్యవస్థ మీద నిరసనను కలిగి, చట్టబద్దమైన పోరాటం చేస్తే అది వ్యవస్థలో శాశ్వతమైన “మార్పుకు” దోహదపడుతుంది.
ధర్నలూ,అడ్వకసీలు,పబ్లిక్ ఇంట్రెస్ట్ లిటిగేషన్లూ అందుకే మన చుట్టూ జరుగుతున్నాయి. వాటి ద్వారా మారిన ప్రభుత్వ విధానాలెన్నో,చట్టాలెన్నో,రాజకీయసిద్ధాంతాలెన్నో. అలా కాకుండా ఆ కోపాన్ని మిలిటెంట్ చర్యలద్వారా తీర్చుకోవడాన్ని గ్లామరైజ్ చెయ్యడం సినిమా యొక్క “సామాజిక ప్రయోజనానికి” గొడ్డలిపెట్టు. ఒకసినిమాగా దీన్ని అభిమానించొచ్చుకానీ, ఈ సినిమాలో చూపిన “సమాధానం” అభిలషణీయం కాదు. అందుకే విబేధం.
ఈ విషయం గురించి నేను విశదంగా రాసిన వ్యాసాన్ని ఈ క్రింది లంకెలో చదవండి.
http://navatarangam.com/2008/10/angry-middleclass-films/
Sreeram says:
Sir,
I agree. You cannot compare Nasiruddin Sha with Kamal.
Just questinon yourself if you have not seen the original Hindi version, your review would have been something different.
I know the story so I always try to compare the dialogues,acting and others. If I didn’t see the movie,I will look at the movie with the fresh mind.
Hope you can understand what I mean.
కె.మహేష్ కుమార్ says:
@Sreeram:నిజమే. నేను హిందీసినిమా చూడకుండా ఉంటే నా ధృక్కోణం వేరేగా ఉండేదేమో! కాబట్టి ఎవరైనా తెలుగు మాత్రమే చూసినవాళ్ళ సమీక్ష కోసం ఎదురుచూద్దాం.
గీతాచార్య says:
మహాశయా! మేము వ్రాసాము మీరొప్పుకుంటే… నాన్దా హిందీలో చూసిపూడ్చలేదు
$h@nK@R! says:
Movie is worth watching but when we compare to Hindi with Telugu/Tamil.. I feel they have not succeeded remaking of the film.
Indian Minerva says:
ఇదంతగా గొప్పగా లేక పోవటం పెద్ద విశేషమేమీ కాదనుకుంటా కానీ కనీసం ఎలా ఖూనీ చేసారని తెలుసుకోవటానికైనా చూడాలీ సినిమాను (at least thats what I’ve been planning to do).
Bye the way ఇందులో ముమైత్ ఖాన్తో ఐటం సాంగ్సేమీ లేవా? వీరోయినెవరు?
అబ్రకదబ్ర says:
A Wednesday గురించి ఇచ్చిన బిల్డప్ చదివి ఆత్రంగా డీవీడీ తెచ్చుకుని చూస్తే, నన్ను ఉసూరుమనిపించిందా సినిమా. చెత్తగా లేదు కానీ ఓహో అనుకునేంత గొప్పగా కూడా అనిపించలేదు. నసిరుద్దీన్ షా లక్ష్యం ఏమిటో మొదట్లోనే అర్ధమైపోయి సస్పెన్స్ మిగలకపోవటం కారణం కావచ్చు. సాంకేతికంగా కూడా నాసిరకం. దాన్ని కమల్ రీమేక్ చెయ్యాల్సినంత గొప్పగా ఏమీ లేదు. దీనికన్నా ‘ముంబై మేరీ జాన్’ సినిమాని గోకుల్ చాట్, లుంబినీ పార్క్ పేలుళ్ల నేపధ్యంలో తెలుగు తెరకెక్కిస్తే ఒక మంచి ప్రయత్నంగా మిగిలుండేది.
వెంకట్ ఉప్పలూరి says:
హా.. హా.. హా.. ముందే చెప్పాను.. మన దర్శక నిర్మాత లకు రీమేక్ లు చేసేంతట పరిణితి రాలేదని..
http://navatarangam.com/2009/03/remake-telugu/
కొత్తపాళీ says:
Wasn’t there some discussion recently about how Naseeruddin dissed Kamal’s acting and how all our blog readers got all huffy about it?
This review says it all .. There’s no comparison between Naseeruddin and Kamal when it comes to acting.
VEDANTAM SRIPATISARMA says:
The review is quite apt. A good story (again this should be read as only a good story-not a solution offered for to menace of terrorism)has gone to the dogs…
Sripati
Venkat says:
పాపం కమల్…
సాగర సంగమమే…అంతా….
రీమెకు సినిమాకు….
సంభాషణలు బాగ ఉండాలి అనే ఆలోచన లేకపాయె……
Venkat says:
పాపం కమల్…
సాగర సంగమమే…అంతా….
రీమెకు సినిమాకు….
సంభాషణలు బాగ ఉండాలి అనే ఆలోచన లేకపాయె……
venkat
ramabrahmam says:
simply suparb