“వ్యవస్థలో ఉంటూనే దానిలో మార్పు తీసుకురావాలా లేక వ్యవస్థలోని (ఫ్యూడలిజం,పోలీస్ దుండగాలు వంటి) లోపాలకు వ్యతిరేకంగా సాయుధపోరాటం (నక్సలిజం) చెయ్యాలా?” అనే ప్రశ్నకు ఖరాఖండిగా తేల్చిచెప్పగలిగే సమాధానం ఇప్పటికీ ఉండకపోవచ్చు. కానీ పరిణామక్రమంలో, హింసను ప్రేరేపించే ఏ విధానమైనా, ప్రాణహాని కల్పించే ఏ ఆలోచనా ధోరణైనా ఒకవైపు ప్రజాస్వామ్యానికి మరోవైపు మానవత్వానికీ గొడ్డలిపెట్టనే భావన స్థిరపడింది. ఇలాంటి సైద్ధాంతిక నేపధ్యాన్ని సినిమా కోసం ఎంచుకున్నప్పుడు కొంత ఆలోచన,మరికొంత అవగాహన, మరింత స్థితప్రజ్ఞత కథకుడికి,దర్శకుడికి కావాలి. చివరికి ఏంచెప్పాలనుకున్నాడో దానిమీద conviction కావాలి. “బాణం” సినిమాలో అవి లోపించాయి. అందుకే పదునువున్నా గమ్యం లేక, దారితెలీక గురిలేకుండా మిగిలింది.
ఏ కారణంచేతో అర్థంకాదుగానీ, ఈ సినిమా కథ 1989 సంవత్సరంలో జరుగుతుంది. వ్యవస్థను లోపలినుంచే మార్చడానికి పోలీస్ ఆఫీసర్ కావాలనుకునే ఒక మాజీనక్సలైట్ కొడుకు ‘భగత్’ (నారా రోహిత్). తండ్రి (షయాజీ షిండే) మంచి కోసం ఉద్యమంలో ఉన్నాడని నమ్ముతూనే, తండ్రి విధానాలతో విబేధించే ఆదర్శవాది. ఒక దృశ్యంలో ఏకంగా “నేను మానాన్న లాగా తప్పు చెయ్యను” అని చెప్పగలిగే సిద్ధాంతకర్త. మరోవైపు మరణశయ్యమీదున్న తండ్రినే చంపే ఒక ఫ్యూడల్/మాఫియా యువనాయకుడు ‘శక్తి సాహు’(రణధీర్). ఫ్యూడలిజాన్ని,రౌడీయిజాన్ని రాజకీయంగా మలుచుకుంటేనే వ్యవస్థమీద పట్టు సాధించగలమనే విజన్ కలిగిన విలన్. ఈ రెండు విపరీత శక్తుల ఘర్షణ ఈ సినిమా కథకు మూలం. చివరికి హీరో ఆదర్శం-నమ్మకం గెలుస్తాయా లేక తన ధృక్పధంలో ఏమైనా మార్పులు వస్తాయా? చివరికి ఏంజరుగుతుంది అనేది కథ.
కథకున్న పరిధి చాలా ఉన్నతం. కథలో చర్చించాలనుకున్న విషయం ముదావహం. అయితే కథనంలోని లోపాలు,హీరోపాత్ర ఎదుగుదల క్రమంలోని పేలవత్వం, అత్యంత నీరసమైన ఎడిటింగ్ కలగలిపి, ఉద్దేశం మంచిదైనా కేవలం ఒక మంచి ప్రయత్నంగా మాత్రమే అభినందించదగ్గ సినిమాగా బాణం మిగిలింది.
బరువైన భగత్ పాత్రలో కొత్త నటుడు నారా రోహిత్ నటించడానికి బాగానే ప్రయత్నించాడు. కానీ పాత్రలోని పరిణితి నటనలో లేకపోవడంతో తన పాత్రలోని స్థిరత్వాన్ని, భావగాంభీర్యాన్ని ప్రదర్శించే విషయంలో చాలాసార్లు ఆసక్తిలేనట్లుగా అనిపించే తన భావప్రకటన పంటికిందరాయిలా అనిపిస్తుంది. రోహిత్ కున్న పెద్ద ప్లస్ అతడి వాచకం. కొంచెం నీరసంగా అనిపించినా స్పష్టంగా తెలుగు మాట్లాడగలడు. గొంతు బాగుంది. మాజీనక్సలైట్ గా షయాజి షిండే పాత్ర కొంత అస్తవ్యస్థంగా ఉన్నా, నటనతో దాన్ని సమర్ధవంతంగా కప్పిపుచ్చగలిగాడు. వరకట్నం, అత్తింటి దౌష్ట్యం, భర్తచేతకానితనం, తండ్రి అకాలమరణం వలన అనాధగా మిగిలే సుబ్బలక్ష్మి పాత్రలో నూతన నటి వేదిక ప్రాత్రోచితమైన ఆహార్యంతో సరిపోయింది. హీరోయిన్ పాత్రకు గాత్రదాతగా గాయని సునీత కృషికూడా ఈ పాత్రను పండించడానికి యధావిధి ఉపయోగపడింది. చాలా మంది కొత్త ముఖాలు కనిపించే ఈ సినిమాలో ప్రతినాయకుడిగా నటించిన రణధీర్ నటన గురించి ప్రత్యేకంగా చెప్పుకోవాలి.
సినిమాలో ఉన్న పెద్ద లోపం ఏ ఆదర్శంకోసమైతే హీరో సినిమా మొత్తం పోరాడతాడో చివరకి అదే ఆదర్శాన్ని తుంగలోతొక్కి విలన్ “సమస్య”ని చట్టబద్ధంగా అనిచెబుతూనే చట్టాన్ని చేతుల్లోకితీసుకుని “తీర్చెయ్యడం”. దానితోపాటూ, హీరోకీ విలన్ కీ మధ్య సరైన direct conflict లేకపోవడం. ఈ సమస్యల్ని మరింత గాఎత్తిచూపేది, చాలా ఆకర్షనీయమైన విలన్ పాత్ర రూపకల్పన. విలన్ శక్తిసాహు వ్యక్తిత్వం,ఆదర్శం నీచమే అయినా, దానిలో అతను చూపే నమ్మకం, తాత్వికత ప్రేక్షకుల్ని ఆ పాత్రని గౌరవించేలా చేస్తాయి. ఆ పాత్రపలికే కొన్ని సంభాషణలు ఎంత intellectual గా ఉంటాయంటే, వాటికి ధియేటర్లో చప్పట్లు తప్పవు. అలాంటి విలన్ ని హీరో సినిమా మొత్తం చెప్పే ఆదర్శాల్ని మంటగలిపి తరిమితరిమి కొడుతుంటే, (అ)సహజంగా సానుభూతి విలన్ మీదకెళ్ళి హీరో హీరోయిజం కృతకంగా అనిపిస్తుంది.
సాంకేతిక విభాగంలో అనిల్ భండారి సినెమాటోగ్రఫీ సినిమాకి చాలా సహాయం చేస్తే, ఎడిటింగ్ సినిమా గమనాన్ని దెబ్బతీసి ప్రేక్షకుల్ని విసిగిస్తుంది. ఈ సినిమాలో దాదాపు ప్రతిషాట్ నిడివినీ తగ్గించొచ్చని చెబితే ఆశ్చర్యపోనక్కరలేదు. మార్తాండ్ కె.వెంకట్ లాంటి సీనియర్ ఎడిటర్ ఇలా చెయ్యడం అర్థంకాని విషయం. లేదా తప్పు మొదటి సారిగా దర్శకత్వం వహించిన దంతులూరి చైతన్య దయినా అయ్యుండాలనిపిస్తుంది. మంచి పోరాటదృశ్యాల్లోకూడా షాట్ల నిడివి గమనిస్తే ఎడిటర్ కు దర్శకుడికీ మధ్య అస్సలు సమన్వయం కుదరలేదనే విషయం తేటతెల్లమవుతుంది.
గంధం నాగరాజు మాటలు కొన్ని సహజంగానూ, మరికొన్ని కొటేషన్లు ఏరుకొచ్చి ఇరికించినట్లుగానూ, మరికొన్ని పాత్రలకు వన్నెతెచ్చేవిగానూ ఉన్నాయి. శ్రమకోర్చి, ఆలోచించి రాసారన్న నిజం “వినిపిస్తుంది”. ఆ శ్రమ అభినందనీయం. మణిశర్మ సంగీతం పాటల్లో పండితే, అనవసరంగా వచ్చే నేపధ్యసంగీతం కటువుగా ఉంటుంది. లిప్ సింక్ లేకుండా అన్నీ నేపధ్యగేయాలే ఉండటం ఒకపెద్ద రిలీఫ్. ప్రత్యేకత కోసం ప్రదమార్థంలో పోరాటదృశ్యాలు తెరపైన చూపించకుండా కేవలం జరిగిన భావనని కలిగించడం సినిమాలోని రక్తపాతం శాతాన్ని తగ్గించినా, ఎందుకో నవ్వొచ్చింది (ముఖ్యంగా రైల్వేస్టేషన్ పోరాటం)గానీ, ఆ “ప్రత్యేకత”ని ఆస్వాదించలేని పరిస్థితి కలిగింది.
మెగానిర్మాత ఆశ్వనీదత్ భారీతన వారసత్వాన్ని వీడి, కుమార్తె ప్రియాంక నిర్మించిన ఈ చిరుచిత్రం ఒక నవీనపోకడగా అభినందనీయం. కానీ కథనం,పాత్రపోషణ మీద అవగాహనలేకుండా సాగిన ఈ ప్రయత్నం కొంత నిరాశని కల్పించిందని మాత్రం చెప్పక తప్పదు. దర్శకుడు చైతన్య ప్రధమ యత్నంగా ఇలాంటి కథను ఎన్నుకోవడం సాహసంగా ఒప్పుకున్నా, ఆ సాహసానికి సార్థకత చేకూర్చలేకపోయాడని ఒప్పుకోక తప్పదు.
మళ్ళీ చాలా రోజులకు తెలుగులో ఒక సిన్సియర్ సినిమా తీసే ప్రయత్నం జరిగిందని ఈ సినిమా చూడమని రెకమండ్ చెయ్యాలా లేక నిరాశపరిచిందని వెళ్ళొద్దని చెప్పాలా తెలీని పరిస్థితిలో ‘బాణం’ నిలిపింది. అందుకే పదునున్నా ఈ బాణానికి గురిలేదు అని సర్ధుకోక తప్పదు.
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
chavakiran says:
కొన్ని ప్రశ్నలు
సినిమా చూడాలా వద్దా ? నా బోటి ఫక్తు ఎంటర్ టైన్ మెంట్ కోసం సినిమా చూసే వాళ్లు చూడాలా వద్దా? చూస్తే సీడీలో చూడాలా? హాల్లో చూడాలా ? చూస్తే ఒక్కడే వెళ్లి చూడాలా, స్నేహితులతో వెళ్లి చూడాలా, ఫ్యామిలీతో వెళ్లి కూడా చూడవచ్చా ? ఆసలు ధైర్యం చెయ్య వచ్చా? డబ్బులున్న ప్రతి కొత్తెం గాడూ సినిమా హీరో ఐపోవటం అనే సంప్రదాయపు సినిమాయేనా, అసలేమన్నా సరుకున్నదా, లేక అంతా జోషేనా ?
venkataramana says:
//మళ్ళీ చాలా రోజులకు తెలుగులో ఒక సిన్సియర్ సినిమా తీసే ప్రయత్నం జరిగిందని ఈ సినిమా చూడమని రెకమండ్ చెయ్యాలా లేక నిరాశపరిచిందని వెళ్ళొద్దని చెప్పాలా తెలీని పరిస్థితిలో ‘బాణం’ నిలిపింది.
చూడాలనే అనిపిస్తుంది. గంధం నాగరాజు బాగానే రాస్తాడు. మంచి సినిమా తీసే ప్రయత్నం చేసారంటున్నారుగా. చూద్దాం ఎలా ఉంటుందో !
సూర్య ప్రకాష్ జోశ్యుల says:
కరెక్టే సీన్స్ లో ఉన్న స్పష్టత,కథ,కథనంలో కూడా ఉంటే మంచి సినిమా గ్యారింటీగా అయ్యేది. అయితే సుబ్రమణ్యపురం రేంజిలో మాత్రం ఉండదు.(దాంతో పోలిక ఎందుకంటే రెండూ కాస్త వెనక్కి వెళ్ళి ఎయిటీస్ నాటి వాతావరణాన్ని చూపే ప్రయత్నం చేసాయి కాబట్టి)
సూర్య ప్రకాష్ జోశ్యుల
Dr. Ram$ says:
నాకు మీ భాధ ఎమిటో అర్ధం కావడం లేదు.. మీ బాధ నే కాదు యీ సైటు లూ సమీక్షలు అంటూ ఏదో మహా ఝ్ణాని లా, మహా పతి వ్రతల్లా, గొప్ప విమర్శకుడు లా సినిమా విడుదల ఐన 24 గంటల లో నె బయలు దేరి వస్తారు.. నిజంగా మీకు అంతా సిని ఝ్నానమీ వుంటె, మీరు గొప్ప విమర్శకులె ఐతె, సినిమా విడుదల అయ్యాక ఒక నెల ఆగి అప్పుదు పెట్టండీ మీ ఉతుకుడు కార్యక్రమం.. యిలా అర్ధం పర్ధం లెని సమిక్షల తో మీ భావాలనై జనల మీద రుద్దకండి.. మా రతలు చూసి జనలు సినిమా చుడాలూ వద్దో అని నిర్ణయించుకొ లెని అంత వెర్రి పప్పలు కాదు అని అనుకుణ్టున్నాను లాంటి తొక్క లో చిలుక పలుకులు పలకకండి..మీ రాతలు చదివె ప్రతి వాది మీరు రాసిన సినిమా చుడతమె జీవిత ఆశయం గా వచ్హి చదవదు, కావున మీరు యిలాంతి రాతలు రాస్తె కచ్హితం గా వచ్హిన వాదు ఒక సారి అలొచించుకుంటాదు..సినిమా చూడాలా వద్దా అని.. సినిమా అనేది ఒక వినోదాం.. అది ఒక్క డైరెక్టరు, హిరో నూ తీస్తే అవ్వదు.. ఎన్నో చేతులు కలిస్తే నీ ఎంతో కష్ట పదితే నె యి రోజు యిలా థేట్రె కి వస్తుంది..యిలాణ్టి పిచ్హి పిచ్హి రివ్యుస్ తో వాల్ల అందరి కడుపులు కొట్టకుండా కాస్త మానవతా ద్రుక్పదం తో అలోచిస్తారు అని అనుకుంటున్నాను.. అలగని మిమ్మలని విమర్సించ వద్దు అని అనదం లేదు..సినిమా మొడతి వారం లొ నో , నెల లొపో ఎమన్నా రాయాలి అనుకుంటే కాస్త పాజిటివ్ గా అనిపించినవి వుంటే రాయండి..ఒక నెల ఆగి ఇంక అప్పుడు చంపుకోండీ..మిమ్మలని వద్దు అనే వాడే వుండదు..సినిమా తీసిన వాడికి యి లోపు నాలుగు రాల్లు మిగులతాయి.. ఏమి లేదు మీ నెఘటివె సమీక్షల వలన కనీసం 10 మంది సినిమా చుదక పోయిన సినిమా తీసుకున్న నిర్మాత కి, ఇంత మంది కి జీవనో పాధి కల్పిస్తున్న పరిశ్రమ కి , మీ బొటి వాల్ల కి సమీక్ష లు రాసుకోవడానికి అవకాశం కల్పిస్తున్న ఆ సిని పరిశ్రమ కి ఒక 100 రూపాయలు నష్టం వచ్హినట్లె కదా..
అబ్రకదబ్ర says:
సినిమా చూడకుండా ఆగిన వాడికి Rs.100 మిగిలినట్లే అని ఎందుకనుకోకూడదు?
sekhar says:
Hello Ram…
Ee reviews rayatam valla… industry ki enthala nashtam jaruguthundo… alane.. amruthanjanam, zandu balm, brufin, etc ee companies ki kuda loss untundi… aa vishayam kuda gattiga adagandi…
hello guru garu… ilanti reviews valla chala sarlu naalanti cinema pichollu bathikipothunnaru… nenu kashtapadi sampadinchina sommu.. evado vadi kokuku kosam.. vaadi politics kosam (in this case)movie theesthe.. daniki enduku pettali mastaru??? ikapothe migilina industry ppl antara.. ilanti vaallu okadu pothe inkokadu vasthuune untadu.. adi glamorous field… we dont need to bother abt them…
కె.మహేష్ కుమార్ says:
@Dr. Ram$:ఒకప్పుడు సినిమా రిలీజైన మొదటి ఆదివారం వరకూ అగేవికానీ, ఇప్పుడు సమీక్షలు సినిమా రిలీజై మొదటి షో అయిన మరుక్షణం వస్తాయి. 24 గంటలు ఆగాల్సిన పనిలేదు. అలారాస్తేనేదాన్ని “సమీక్ష” అంటారు. నెలతరువాత రాసేది “విశ్లేషణ” దాని purpose వేరు దీని ప్రయోజనం వేరు.
డబ్బిచ్చి టికెట్టుకొని సినిమా చూసిన ప్రతి ప్రేక్షకుడికీ ఆ సినిమా మీద తమ అభిప్రాయాన్ని పంచుకునే హక్కుంది. ఆ హక్కు వినియోగించుకోవడానికి మహాజ్ఞాని,పతివ్రత,గొప్పవిమర్శకుడూ అవనవసరం లేదు.
ఇక్కడ నా సమీక్ష చదివి ప్రభావితమైపోయే dumb readers ఎవరూ లేరు. కాబట్టి నా భావాల్ని ఎవరి నెత్తినా రుద్దుతాననే ఆలోచన నాకు లేదు.
సినిమాపరిశ్రమని కాపాడాల్సిన బాధ్యత ప్రేక్షకుడిది కాదు. మాంచి సినిమాలు తీసి ప్రేక్షకుల్ని ఆకట్టుకోవలసిన బాధ్యత సినీపరిశ్రమది. కాబట్టి మధ్యలో కేవలం సమీక్షకులవల్ల సినిమావాళ్ళకి వచ్చే నాలుగురాళ్ళూ రాకుండాపోతాయనే అపోహలో మీరు ఉండకపోవడమే మంచిది.
chavakiran says:
నేను ఈ సినిమా ఇంకా ఛండాలంగా దరిద్రంగా ఉంటుందని ముందే డిసైడ్ అయిపొయ్యా, కానీ రివ్యా చదివాక చూద్దాం అని అనుకుంటున్నాను.
—-
మంచికో చెడుకో జనాలు మన గురించి మాట్లాడుకోవాలి – అదే పబ్లిసిటీ
sankar says:
same feeling…మొదట ఎమో అనుకున్నాను..రివ్యూ చదివాక సినిమా చూడాలని పిస్తుంది.
పులి రాజా says:
మహేశన్నా మంచి గా చెప్పావన్నా!ఇప్పుడు ఈ డాక్టరు గారి బాధ ఏమిటో మాకు అర్ధం కావడం లేదు?? ఈ సమీక్ష ల వల్ల మా తల బొప్పి కట్టకోకుండా ఒక్కోసారి జాగ్రత్త పడతాము.జనాలు ఏమీ వెధవలు కాదు ఈ సమీక్షలు చూసి మాత్రమే సినిమాలు చూసేది. ఒక్కోసారి జనాల టాక్ కూడ పరిగణణ లోకి తీసుకుంటారు.
డాక్టర్ సీత £ says:
ఇప్పుడే బ్లాగుల్లో install widgets అని ఒక రామ్ తయారయ్యాడు ,వాడికి పోటిగా నువ్వా ? ఏన్దిరా నీ బాధ
కొత్తపాళీ says:
what nonsense!
రమణ మూర్తి says:
నా వ్యాఖ్యలు ఒరిజినల్ సమీక్ష గురించి కాదు – ఈ సినిమా బాగుందో లేదో కూడా నాకు తెలీదు.
కానీ, ఈ ‘డాక్టర్’ గారి నాలుగు వాక్యాలూ చదివాక, నా ఈ నాలుగు ముక్కలు..
>> నాకు మీ భాధ ఎమిటో అర్ధం కావడం లేదు..
నిఝెంగా ..?
>>మీ బాధ నే కాదు యీ సైటు లూ సమీక్షలు అంటూ ఏదో మహా ఝ్ణాని లా, మహా పతి వ్రతల్లా, గొప్ప >>విమర్శకుడు లా సినిమా విడుదల ఐన 24 గంటల లో నె బయలు దేరి వస్తారు..
A stitch in time saves nine..
>>నిజంగా మీకు అంతా సిని ఝ్నానమీ వుంటె, మీరు గొప్ప విమర్శకులె ఐతె, సినిమా విడుదల >>అయ్యాక ఒక నెల ఆగి అప్పుదు పెట్టండీ మీ ఉతుకుడు కార్యక్రమం..
మీరనుకున్నట్టే అందరూ అనుకోవాలనే నిర్ణయానికి వచ్చేసినట్టున్నారు..?
>>యిలా అర్ధం పర్ధం లెని సమిక్షల తో మీ భావాలనై జనల మీద రుద్దకండి..
వాళ్ళు రుద్దుతున్నారా, మీరు రుద్దించుకుంటున్నారా? ఏది సత్యం? ఏదసత్యం??
>>మా రతలు చూసి జనలు సినిమా చుడాలూ వద్దో అని నిర్ణయించుకొ లెని అంత వెర్రి పప్పలు కాదు అని >>అనుకుణ్టున్నాను లాంటి తొక్క లో చిలుక పలుకులు పలకకండి..
రాతలో తప్పుల్ని వదిలేసినా, ఈ ‘తొక్కలో’ బూతులేవ్హిటి డాక్టర్ గారూ ?
>>మీ రాతలు చదివె ప్రతి వాది మీరు రాసిన సినిమా చుడతమె జీవిత ఆశయం గా వచ్హి చదవదు, కావున >>మీరు యిలాంతి రాతలు రాస్తె కచ్హితం గా వచ్హిన వాదు ఒక సారి అలొచించుకుంటాదు..సినిమా >>చూడాలా వద్దా అని..
చాలా క్లియర్ గా రెండు పద్ధతులున్నాయి. ఇలాంటి సమీక్షలు చదవడం అన్నా ఆపేయండి. లేదా ఇవేవీ పట్టించుకోకుండా మీ పాటికి మీరు సినిమాలు చూసేస్తూ, ఇండస్ట్రీని బతికిస్తున్నామన్న తృప్తినన్నా మిగుల్చుకోండి.
>>సినిమా అనేది ఒక వినోదాం.. అది ఒక్క డైరెక్టరు, హిరో నూ తీస్తే అవ్వదు.. ఎన్నో చేతులు కలిస్తే >>నీ ఎంతో కష్ట పదితే నె యి రోజు యిలా థేట్రె కి వస్తుంది..
క్ష్టం ఒక్కటే సరిపోతుందా మాస్టారూ? దిశ అనేది అక్కర్లేదా?
>>యిలాణ్టి పిచ్హి పిచ్హి రివ్యుస్ తో వాల్ల అందరి కడుపులు కొట్టకుండా కాస్త మానవతా ద్రుక్పదం తో >>అలోచిస్తారు అని అనుకుంటున్నాను..
సినిమా ఇండస్ట్రీ వాళ్ళని మరీ బిచ్చగాళ్ళ స్థాయికి మీరే దిగజారుస్తున్నట్టున్నారే !
>>ఒక నెల ఆగి ఇంక అప్పుడు చంపుకోండీ..మిమ్మలని వద్దు అనే వాడే వుండదు..
అందాకా ఈ సినిమా ఆడి చావాలి కదా రాం ..?
>>సినిమా తీసిన వాడికి యి లోపు నాలుగు రాల్లు మిగులతాయి.. ఏమి లేదు మీ నెఘటివె సమీక్షల >>వలన కనీసం 10 మంది సినిమా చుదక పోయిన సినిమా తీసుకున్న నిర్మాత కి, ఇంత మంది కి >>జీవనో పాధి కల్పిస్తున్న పరిశ్రమ కి , మీ బొటి వాల్ల కి సమీక్ష లు రాసుకోవడానికి అవకాశం >>కల్పిస్తున్న ఆ సిని పరిశ్రమ కి ఒక 100 రూపాయలు నష్టం వచ్హినట్లె కదా..
రోజుల్తో బాటు మారడానికి ప్రయత్నించండి. ఇన్ ఫర్మేషన్ శరవేగంగా ప్రయాణించగల అవకాశం ఉన్న ఈ రోజుల్లో కూడా, నిజాయితీ లేకుండా సినిమాలు తీసి, వివిధ మార్గాల్లో కనీసం ఓపెనింగ్స్ అన్నా రాబట్టుకొని బయట పడదామన్న చౌకబారు వ్యాపారతత్వాన్ని తరిమికొట్టే ప్రయత్నాల్ని – హర్షించడం కాకపోయినా, కనీసం అర్థం చేసుకోవడానికి ప్రయత్నించండి.
అబ్రకదబ్ర says:
@మహేష్:
వేదిక నూతన నటి కాదనుకుంటా. తెలుగులో ఆమెకిది మూడో సినిమా అని గుర్తు.
కె.మహేష్ కుమార్ says:
@అబ్రకదబ్ర: నిజమే. ఎత్తిచూపినందుకు ధన్యవాదాలు. వేదికకు ఇది మూడోసినిమా. ముని,విజయదశమి చిత్రాల తరువాత బాణం చిత్రంలో నటించింది.
Ashok Reddy says:
బాణానికి పదును ఉంది, గురి కూడా ఉంది. కానీ కొంచెం గురి పక్కకి వెళ్ళింది అంతే.
నాకైతే సినిమా బాగా నచ్చింది. మీకెందుకు నచ్చలేదో నాకు అర్ధం కాలేదు. అంటే ఇది Perfect సినిమా అని కాదు. ఒక నిజాయితీ గల ప్రయత్నం అని నా అభిప్రాయం.
జోష్, శంఖం , ఆంజనేయులు లాంటి గొప్ప చెత్త సినిమాలు తీసే మరియు చూసే మనం ఈ సినిమా మొత్తం టీం చూపించిన నిజాయితీ కైనా హర్షించాలి. మన దగ్గర ఎవరున్నారండి ఈ కధని తీసుకువెళ్తే డబ్బులు ఇచ్చే నిర్మాతలు, కాల్ షీట్స్ ఇచ్చేso called బాబులు.
So its really a good film, A film lover can watch without any hesitation. 2 Thumbs up for Chaitanya Dantuluri, Three Angels, And not the least person Mr. Nara Rohit. Bravo guys.
Ashok Reddy says:
Sorry i forgot to mention about Gandham Nagaraju, I give him Double thumbs ups. He is hunting me after the day also.
satya.b says:
hi mahesh ,
it is excellent review.
dr ram comment has no value point.ppl r nt here 2 patron all bullshit things.
అరుణ says:
ఏందీ ఈ రివ్యూ ఒక చెత్త సినిమా కి వంశం పేరు చెప్పుకొనే హీరో లకు సినిమాలు అంతే యదార్ధం
రాసినోడ్ని అనాలి
shanthi says:
ఈ సినిమా రెవిఎవ్ నాకు నచ్చలేదు. ప్రతి సినిమా ఒక ‘మహాకావ్యం’ అవ్వదు. కనీసం అందరూ కొత్తవారితొ చేసిన ఈ ప్రయత్నాన్ని మనందరం హర్షించాలి.
Dr.Ram గారు ఎందుకు అంత వుడికి పోతున్నారో అర్థమవడం లేదు. rottentomatoes,metacritic,imdb ల్లొ reviews కోకొల్లలుగా వస్తై. Freedom of expression in an acceptable form. Especially ఈ blogoworld లో ఎవ్వరూ ఆపలేరు. మీరు కూదా వీలైతె cinema బాగుందనో బాలేదనో review రాయంది. లేదా దబ్బుచ్చి review రాపించుకొనే website లు కొన్ని వున్నయి. అక్కడ ప్రయత్నించండి !
కె.మహేష్ కుమార్ says:
@శాంతి: ప్రయత్నాన్ని సమీక్షలో హర్షించడమే జరిగింది. కానీ ప్రయత్నానికి తగిన ఫలితం మాత్రం సినిమా ఇవ్వలేదనే ఈ బాధంతా.
ప్రయత్నంలో ఉన్న సిన్సియారిటీ కొంత “ఆలోచనలో” మరికొంత కథాకథనం మీదపెట్టుంటే ఫలితంకూడా బాగుండేదేమో అనేదే ఆశ. దీన్ని దృష్టిలో ఉంచుకుని భవిష్యత్తులోనైనా కొన్ని జాగ్రత్తలు తీసుకుంటే మంచిదే.
jonathan v says:
well said!
jonathan v says:
@shanthi well said
David says:
i accept with shanthi
Bhaavana says:
నారా xyz అనగానే ఇంకా రాజకీయపు వంశీకులు కూడా తయరయ్యారా సినిమాలలోకి… ధేవుడా అని నిట్టూర్చేను.. కాని మహేష్ రివ్యూ చదివేక సరే ఒక సారి చూద్దాము లే (వీలైతే) అని అనిపించింది… మరి అది రివ్యూ చేసిన మేలే కద డాక్టర్ గారు… వేసుకోండి 1500రూపాయలు (మరి మావూర్లో టికెట్ 15$ కదా) మరి వాళ్ళ జోలె లో ….
su says:
I m back..though I thought I would never be
@navataragam ppl…i have a very raw n harsh opinions about this opinion because of an experience happenned to me…do you dare to publish it??
if so..i will try to write in telugu and send it… if not i will just post them as comments here…
కొత్తపాళీ says:
WHo is this Naraa Rohith? What’s his relation to Chandrababu?
mohanrazz says:
Nara rohit is son of Nara Rammorty naidu (brother of CBN). Chandragiri ticket kosam roja, nara rammoorthy naidu iddaroo pattu battinappudu- cbn – roja ki ticket vadulukunte- aswini dutt ni oppinchi mee abbayi ni hero ga cinema teeyimpachestanu ani promise chesadani rumours. aa promise ni ippudu ila nilabettukunnadani antaaru..
కొత్తపాళీ says:
vokay. thanks.
madhava says:
The concept of this movie is ok.
The best part of the movie is direction,dialogues, the hero, especially voice of hero and production values.
But this movie has painfully slow narration , confusing climax and some unnecessary scenes.
The other thing I didn’t like was some characters do not establish themselves to the extent required and there seems to be some confusion with that part. Shayaji Shinde, Ranadhir, Vedika, etc..
After reading the director’s blog, I felt I should see the movie. But after seeing the movie I really feel my 50 rs is completely waste. I don’t understand why this movie is compared with ‘Gamyam’ in some reviews.
Hari Charana Prasad says:
అభినందించదగిన మంచి ప్రయత్నం. మీరు చూసి మీ స్వంత అభిప్రాయానికి రండి.
ceenu says:
@డాక్టర్ రాం……రివ్యూ అనేది రాసిన ఆ ఒక్కవ్యక్తి అభిప్రాయం.నిజంగాచెప్పాలంటే నవతరంగంలో తప్ప మిగిలిన అన్నిసైట్లలోనూ చాలాగొప్ప సినిమా అనిరాసారు అయినా ధియేటర్లో జనంలేరు.నేను మహేష్ రివ్యూ చదివి సినిమా చూసాను.నాలా ఎందరో…పరొక్షంగా పరిశ్రమకి మేలేచేసారని అనుకుంటా