బాణం
అసలు సినిమాలు చూడడం , అందునా తెలుగువి చూడడం చాలా తగ్గించేసిన నేను , ఈవేళ ఒక స్నేహితుడి ఆవేదనను అర్థం చేసుకోవడానికి ఈ సినిమా చూడాల్సి వచ్చింది.
నా స్నేహితుడు సినిమా అంటే పడిచచ్చిపోయేరకం. తానూ ఏదో కళాఖండం ఏనాటికయినా సృష్టిస్తానని మాతో ఆవేశపడిపోతుంటాడు. సరే… మిత్రుడయినా వాడు మంచి ఫిలింమేకర్ అవునో కాదో ఒక సినిమా తీసాక కానీ చెప్పలేము కాబట్టి , ప్రస్తుతానికి వాడికి ఆ అవకాశంరావాలని కోరుకుంటాం. ఈవేళ హఠాత్తుగా వాడినుంచి ఫోన్. “బాణం” అనే సినిమాను అర్జంటుగా చూడమని.. ఆదేశించాడు , అర్థించాడు , మరీమరీ చెప్పాడు. అంత అర్జెంటేమిరా అంటే చూసాక నీకే అర్థం అవుతుంది అన్నాడు. అంత సూపర్ సినిమానా అని అడిగితే మౌనమే సమాధానం. పోనీ , చెత్త సినిమానా అని అడిగా. ఎందుకంటే కొన్ని చెత్త సినిమాలు కూడా ఎంటర్టైన్మెంట్ ఇస్తాయి. ఒకసారి.. “ఒక టైపు కామెడీ” కోసం పల్నాటి బ్రహ్మనాయుడు అనే అట్టర్ఫ్లాపు సినిమాకు తీసుకెళ్ళాడు : తొడకొడితే రైలు వెనక్కుపోవడం, కుర్చీ మందుకు రావడం, కొడికీ మనిషికి ఫైటింగు , కోళ్ళగుంపును అరెస్ట్ చేసేందుకు బెటాలియన్ పోలీసులు… అన్నీ ఎంజాయ్ చేసాం. ” నేను చెప్పిన మాటతో నువ్వొక ఒపీనియన్ ఏర్పర్చుకుని చూడటం కాదు , ఒక బ్లాంక్ మైండ్తో సినిమా చూసి నాకు ఫోన్ చేయ్ అన్నాడు “. మావాడు తక్కువవాడు కాడు. ఇలాంటి మాటలే చెప్పి నాకు కొన్ని గొప్ప సినిమాలు చూపించాడు. కురుసోవా ” రెడ్ బెర్డ్” అందులో ఒకటి. సో.. నన్నూ మా స్నేహితుడి అభిరుచులనూ కొంత అర్థం చేసుకోవచ్చు మీరు . ఇక బాణం గురించి. ఆ సినిమా ప్రకారమే మూడు అధ్యాయాల్లో ఈ చిత్రం గురించి చెబుతా. ఇంతవరకూ చెప్పింది జస్ట్ ఉపోద్ఘాతమే..
మొదటి అధ్యాయం
” బాణం ” సినిమా , దాని కథా కమామీషూ ఏమిటంటే : సమాజాన్ని కుళ్ళునుంచి ప్రక్షాళణ చేసేందుకూ , న్యాయం సాగేందుకూ ఉన్నతాశయాలతో నక్సలిజం దారిపట్టిన ఒక వ్యక్తిగా శివాజీ షిండే , పదేళ్ళ ప్రాయంలోనే తండ్రి మార్గం అంతగా హర్షించని బాలుడిగా హీరో పరిచయం. ఎందుకో మరి ఇదంతా 1975లో జరుగుతుంది. పద్నాలుగేళ్ళ తర్వాత : అంటే 1989లో ఆ బాలుడే ఎదిగిన కథానాయకుడు : నారా రోహిత్. ఐపీయస్ ఆఫీసరయ్యేందుకు తపిస్తున్న ఒక యువకుడు. ప్రతి ఉద్యోగికీ రిటైర్మెంటు ఉంటుంది కాబట్టి ఉద్యమంనుంచి తానూ విరమించుకుంటున్నానని చెబుతూ , లొంగిపోయి జనజీవనస్రవంతిలోకి కలిసిపొయిన నక్సలైటుగా (మాజీ) మళ్ళీ కొడుకుకు దగ్గరవుతాడు శివాజీషిండే. తమ చిన్న కుటుంబంలోకి , దిక్కుతోచని స్థితిలో అనాధలా మిగిలిపోయిన ఒక అమ్మాయికి ఆశ్రయం ఇస్తాడు హీరో. (అసలు కథకు ఈ ప్రెమ ట్రాకు కేవలం ఒక సబ్ప్లాటే కాబట్టి వివరాలు అంత ముఖ్యమనిపించడం లేదు ) కథలో మరోవైపు ఒక విలన్. తండ్రిని చంపేసి , తన్ను పెంచిన బాబాయ్నె అడవులు పట్టించిన క్రూరుడు. లోకల్ ఎస్పీ కూడా అతడినేమీ చేయలేకపోతుంటాడు. మిగతా పోలీసులందరూ అతడిచ్చే మామూళ్ళకు అతడి గులాం అయిపోయి ఉంటారు మరి. తన దారిన తాను వెళుతున్న హీరో , హీరోయిన్ను కాపాడే ప్రయత్నంలో వచ్చిన చిన్న గొడవ మూలాన హీరోకూ విలన్కూ మొదట ఇన్డైరెక్టు విరోధం ఏర్పడుతుంది. (అంటే విలన్ ఐడియాలజీ హీరో ఆదర్శాలూ మధ్య గొడవ కాదు. విలన్ చుట్టు ఉండే ఆకురౌడీలను హీరో తన్నడంతో గొడవ షురూ ) అది ముదిరిముదిరి , ఇద్దరి మధ్య ప్రత్యక్ష్య పోరు. విలన్ హీరోను పదిమందితో చుట్టిముట్టి చితకబాది , చిన్నగాయాలతో బ్రతికిబట్టగట్టే స్థితిలో హీరోను వదిలేస్తాడు. ఇప్పటినుంచి , అసలు సమాజం ఏమిటి , సమాజంలో మంచివాళ్ళు ఎలా ఉండాలి , పోలీసుల డ్యూటీలు ఏమిటి , యాంటి సోషల్ ఏలిమెంట్స్ ను ఏరివేయాలంటే హీరో తండ్రి నమ్మే నక్సలిజం ( టెర్రరిజం/ లేదా చట్టాన్ని చేతుల్లోకి తీసుకునే మరే “ఇజం” అయినా ” ) కరెక్టా లేక చట్ట ప్రకారం సమాజాన్ని బాగుచేయొచ్చా అనే వాదప్రతివాదాల పిదప హీరో విలన్తో యుద్ధం.
ఇదీ కథ.
నక్సలిజం , సాయుధ పోరాటం ఇత్యాది బ్యాక్డ్రాప్ తప్పించి చూస్తే ఎన్నాళ్ళనుంచో వస్తున్న పాత కథ ఇది. ఒక సినిమా ఫ్యాక్షనిజం బ్యాక్డ్రాప్ అయితే , ఇంకోటి మాఫియా, ఇంకోటి సీమాంతర ఉగ్రవాదం ..ఇది నక్సలిజం బ్యాక్డ్రాప్ అంతే తేడా.
నా ఉద్దేశ్యంలో అయితే… ఈ సినిమా ఏ మాత్రం బాగాలేదు.
దర్శకత్వం , స్క్రిప్టు పేలవం అనిపించాయి. సినిమా చూస్తున్నంతసేపూ విసుగు అనిపించింది. నా ముందు, వెనుక వరసల్లోని కొందరు ప్రేక్షకులు వెళ్ళిపోవడం , ఫోన్లు చూసుకోవడం జరిగింది. సరే.. నాకు సినిమాలు సమీక్షించడం అట్టే నచ్చదు. ఎందుకంటే నాకు నచ్చని సినిమా ఇంకొకరికి మాస్టర్పీసు కావొచ్చు. సో…ఎక్కువ చెప్పదలచట్లేదు. ఇంతకీ ఈ సినిమాలో ఏముందని నా స్నేహితుడు ఇంత ఇదిగా చూడమన్నాడా అనేది అర్థం కాక వాడికే ఫోన్ చేసాను. నేను మామూలుగా కొత్త తెలుగు సినిమాల గురించి తెలుసుకోవడానికి చూసే కొన్ని వెబ్సైట్లలో ఈ సినిమా గురించి వ్రాసిన సమీక్షలు చదవమని , ఆ తర్వాత ఫోన్ చేయమన్నాడు. ఇదేమి ట్విస్టురా అని ఆ పనిలో పడ్డాను. చదివాక…
ఈ రివ్యూలు…
http://idlebrain.com/movie/archive/mr-baanam.html
http://greatandhra.com (due to some server problem rview page is not opening now)
http://www.hindu.com/2009/09/18/stories/2009091857620200.htm
హృదయం దహించుకుపోయింది.
ఇదే నవతరంగంలో ఈ సినిమాకు వ్రాసిన ఒక సమీక్ష గురించి ఎవరో ఆవేదన చెందుతూ వ్రాసిన కామెంటు ఇప్పుడే చదివాను. నేను ఇక్కడ సుస్పష్టం చేయదలచినది :
రెండవ అధ్యాయం :
నా వ్యాసం ఈ బాణం అనే సినిమాకు సమీక్ష కాదు.
కానీ…. బాణం సినిమాను ఉదహరిస్తూ తెలుగు సినిమా ఎంత పతనస్థితిలో ఉందో , అలాంటి స్థితిని కప్పెడుతూ మన చంకల్లో మనమే గిలిగింతలు పెట్టుకు నవ్వినట్లు , మన చెత్త సినిమాలనే అత్యుత్తమ సినిమాలని భట్రాజుల్లా పొగుడుతున్న తెలుగు సినీ జర్నలిజం/మీడియాను వ్యతిరేకించడమే నా ఈ వ్యాసం ఉద్దేశ్యం.
పైన చెప్పినట్లు ఈ సినిమా కథాంశం ఒక పాత చింతకాయ పచ్చడి. అది తెరకెక్కించిన పద్ధతి ఫక్తు కమర్షియల్ తరహా. ఒక వ్యక్తి ఇరవైమందిని చావ చితకబాదడం , చంపాలని వచ్చిన ప్రతినాయకుడు కేవలం చిన్న చిన్న దెబ్బలతో బయటపడేట్లు హీరోను వదిలేయడం , ఆ హీరో మళ్ళీ లేచి , తాను చట్టప్రకారం అన్నీ చేస్తానని చెబుతూ చట్టబద్ధంకాని చర్యలతో ప్రతినాయకుడి సారా దుకాణాలనూ , ఆస్తులనూ తగలబెడుతూ , తన జట్టు మనుష్యులతో ఒక నల్లటి గదిలో ఫోజుగా నిల్చోవడం , ఆఖరుకు ప్రతినాయకుడిని….చట్టం తన చేతుల్లోకే తీసుకుని…. “చంపడం “….. అన్నీ…అన్నీ…. ఫక్తు కమర్షియల్ సినిమా చెత్త. ఇదొక ” పారలెల్ సినిమా” అనీ , ” రొటీన్ కమర్షియల్ సినిమాకు విభిన్నం ” అనీ కొన్ని మీడియా వర్గాలు పనిగట్టుకుని ప్రచారం చేస్తున్నాయి. అలా అయితే… ఈ సినిమాలోని సన్నివేశాలు ” లక్ష్మీనరసింహా ” సినిమాలో లేవా? (చట్టం పరిమితులు దాటి పోలీసులు విలన్ను అంతమొందిచడం…ఎన్ని సినిమాల్లో చెప్పని థీమ్ ? ఈనాటికీ…. ప్రేమించని ఆడదాని ముఖంపై యాసిడ్ పోసిన వికృత మగాళ్ళను ఎన్కౌంటర్ చేస్తేనే.. పోలీసులకు అలాంటి హక్కు లేదు అని ఘోషించే ఇదే మీడియా.. అలాంటి ఎన్నో పనులు చేసే పోలీసును హీరోయిజంగా చూపించడం కొత్తరకం సినిమా అనడం చూస్తే.. డబ్బులిచ్చే వారుంటే మాట ఎటయినా మారుతుందేమో అనిపిస్తోంది.
విలన్ తన తండ్రినే చంపడం . “వర్షం” సినిమాలో విలన్ చేసేదేమిటో ? అది కూడా తెలుగు సినిమాలో కొత్త ఒరవడా? “మగధీర” సినిమాలోకూడా విలన్ అదే చేస్తాడు. మగధీరలాంటి చందమామ కథ ఉన్న సినిమాలో రంధ్రాన్వేషణలు చేసి , హీరోకి గత జన్మలో పాతిన కత్తి ఎలా దొరికింది అనే జనాలు , ఈ “బాణం”లో … హీరోకు.. గుడి ముంగిట చెరొక చేతికి కమ్యూనిజం ప్రతీకలయిన సుత్తి కొడవలి దొరకడం ఏమిగా కనిపిస్తోంది ? ” ఛత్రపతి” సినిమాలో ప్రభాస్కు ఒక ఫైటులో చెంబు దొరకడం కూడా తెలుగు సినిమాలో ఒక ” సింబాలిక్” ఘట్టం అనాలేమో! సింబాలిజం అంటే అర్థం తెలియని వాజమ్మలు “బాణం” సినిమాలో ఎంతో సింబాలిజం ఉందని చెప్పడం చూస్తుంటె మన సమీక్షకులు ఇంత నాసిరకం వారా అనిపిస్తోంది. 1989అనే కాలాన్ని చెప్పడానికి “గీతాంజలి” సినిమాను బ్యాక్గ్రౌండ్లో చూపడం సింబాలిజం ఎలా అవుతుందీ ?అది కథాకాలాన్ని సురింపజేయడానికి స్క్రిప్టులోనే ఉండే కనీస జాగ్రత్త/బాధ్యత.
ఈ సినిమాలో ” రియలిజం” ఉందట. ప్రతినాయకుడూ , అతని చుట్టూ ఉండే ఆకురౌడీలూ వేసుకునే బట్టలను చూస్తే అర్థమవుతోంది సమరసింహా రెడ్డి లాంటి సినిమాకు ఇందులోని రియలిజంకూ అట్టే తేడా లేదని. “విక్రమార్కుడు” సినిమాలో రాజీవ్ కనకాలకు విల్న్తో ఎదురయే రిఅయలిజం ఈ సినిమాలోని రియలిజం పోటీ పడుతుంటాయి. ఇలాంటి సమీక్షకుల ప్రకారం ” బైసికిల్ థీఫ్” లాంటి సినిమాల్లో ఉండే రియలిజం ఇంక ఏమిటో ? పోనీ మన దేశంలోనే వచ్చిన సత్య , కంపెనీ సినిమాలూ , అదే వర్మ క్యాంపులోంచి ఇంతకంటె బాగా తీసిన పోలీసు సినిమా ” షూల్ ” (మనోజ్ బాజ్పేయి నతించగా ఇదే షిండె విలన్) ఏమిటో.. కనీసం పక్క రాష్ట్రంలోని అంజాతే సినిమాలోని రిఅయలిజం కూడా లేదు ఇందులో. (ఆఫ్కోర్స్ , తమిళతంబిలు ఏమీ తక్కువ కాదు , కాస్తం రియలిస్టు సినిమాలో మాసు సాంగులూ అర్థం లేని హింసాత్మక హీరోయిజమూ వాళ్ళూ సిగ్గు లేకుండా/పడకుండా ఇరికించేస్తారు ) “బాణం” లో గ్రూపు డ్యాన్సర్ల సాంగులు లేకపోవడమూ , వైరింగు ఫైట్లు , ఛాలెంజీ సంభాషణలూ లేకపోవడమే రియలిజం అయితే ప్రతిభాషలోనూ ఎన్నో “కమర్షియల్” సినిమాలే అలా వస్తుంటాయి. మన తెలుగులోనే దాదాపు పదిహేనేళ్ళ క్రితం ” అంకురం” వంటి అద్భుతమయిన చిత్రాలు వచ్చాయి. హీరోగా స్ఫురధౄపి, హీరోయిజంలో భాగంగా అమ్మాయిని ఎత్తుకొచ్చి కాపాడడం , కనీసం యాభైమందిని చావదన్నడం, మధ్యలో హీరోయిన్తో (అదీ తామిద్దరూ ప్రేమను వెలిబుచ్చుకోని అమ్మాయితో) మంచి లొకేశన్లలో ఒక స్లో రొమాంటిక్ సాంగు వేసుకోవడం , ప్రతినాయకుడి వ్యాపారాలను కాల్చేస్తూ ఫోజులిచ్చి నిల్చోవడమే రిఅయలిజం సినిమా అయితే… ఇంకేం… ప్రతి తెలుగు సినిమా ఇటలియన్ / ఫ్రెంచి నియో రియలిజంను దాటి ఎదిగినట్లే . అప్పుడెప్పుడో ఒకసారి కొంతమంది సినీ ఔత్సాహికుల పార్టీలోంచి ఒక జోకు : ” అసలు మన గవర్నమెంటుకు బుద్ధిలేదు , ఈ ఆది , నరసింహనాయుడు, ఇంద్ర…. ఇలాంటివాటిని పంపించొచ్చుగా ఆస్కారు ఎంట్రీలుగా, ఇదేదో కొత్తరకం ఫిల్మ్మేకింగు అనుకుని బుర్రలుగోక్కుంటూ అవార్డులు ఇచ్చేసి మన కంట్రీ సినిమాను సీరియస్ స్టడీ చేస్తారు ” అని.
ఇక దర్శకత్వంలో కొత్తదనం : రాంగోపాల్ వర్మ చరిత్రలో నిల్పిన సైకిల్ చైను త్రెంపుడునే మళ్ళీ వాడుకోవడమే కాక ఆ సందర్భంలో కెమెరా కదలికలనూ , ఇంకో రెండు ఫైటు సన్నివేశాల్లో హఠాత్తుగా వర్షం రావడంలాంటి ఎఫెక్ట్సూ…. ఎంత భావదారిద్రమో! షాట్లు కాపీ కొట్టడమేనా… కొత్తరకం దర్శకత్వం? ఇక అన్ని సైట్లూ, పత్రికలూ చెబుతున్న మాట ఈ సినిమా ఒక “హానెస్ట్” సినిమా అని. నిజాయితీ అనే మాటకు అర్థం తెలుసా? ఐటమ్ సాంగులూ , కామెడీ ట్రాకులూ పెట్టకపోవడమే నిజాయితే అయితే ఒక రొమాంటిక్ ట్రాక్ పెట్టడం ఏమిటో ? కనీసం ఇరవైమంది రాడ్లతో చితకబాదినప్పుడె హీరో చనిపోయినా కనీసం పక్షవాతం వొచ్చినా ఈ సినిమాలో “కాస్తం” నిజయితీ ఉందనొచ్చు. ఇక భగత్సింగ్పేరునూ , చే గువెరా పేరునూ వాడుకోవడం.. కేవలం సినిమాకు ఒక సూడో-ఇంటలెక్చువల్ ఇమేజీ ఇచ్చే ప్రయత్నమే కాక మరోటి కాదు. అసలు భగత్ సింగుకూ చే గువెరాకూ తేడా ఏమిటి ? ఇద్దరూ కూడా సమాజంలోని చట్టాలను వ్యతిరేకించి ఉగ్రవాద/సాయుధ విప్లవ మార్గాలు ఎంచుకున్న మహనీయులు. చట్టప్రకారం పోలీసు అయ్యి నక్సలైట్లను తప్పుపట్టే హీరో వారిద్దని చిత్రపటాలు తగిలించుకోవడం ఏమిటి ? హీరో సమాజం గురించి మాట్లాడుతున్నంతసేపూ అతడి ప్రతిబింబాన్ని చేగువెరా ఫోటొఫ్రేముపై చూపడం ఏమిటి ? చే గువెరాలా ఎక్స్ప్లాయిటేషన్కు గురయిన విప్లవవాది మరొకరు లేరెమో! పెట్టుబడిదారీ వ్యవస్థను ఉద్ఘాటించే ప్రభుత్వాలను వ్యతిరేకిస్తూ జీవితాన్ని త్యాగం చేసిన ఆ వ్యక్తి ఫోటోనూ బ్రాండెడ్ టీ షర్టుల మీద ప్రింట్ చేసి అవే కేపిటలిస్టిక్ దేశాలు సొమ్ము చేసుకుంటుంటే , అదేదో ఫ్యాషన్ అనుకుని అతనెవరో తెలిసీతెలీక మిడిమిడిజ్ణానంతో ..ఇంట్లో పోరాడి పబ్బుకెళ్ళడమే విప్లవం అనుకునే టీనేజర్లుఅ ఉదహరించినట్లు ఈ సినిమాలో.. చేను “వాడుకున్నారు” . మన భారతదేశపు పోరాట యోధుడు భగత్ సింగ్ పేరునూ , ఫోటొనూ ఇలాంటి పెట్టుబడిదారీ సినిమాలో వాడుకోవడం… చాలా అవమానకరం.
ఈ దేశంలో ఒక కులంవారిని ఒక మాటఅంటే ఊరుకోరు. ఒక మతంను ప్రస్తావించాలంటే భయం, కానీ , ఉద్యమాలకోసమూ దేశాలకోసమూ ప్రాణాలర్పించిన వారి పేర్లను , బొమ్మలను అడ్డుపెట్టుకుని అబద్ధపు దేశభక్తిని “అమ్ముకోవాలనే” సినిమాకు కొమ్ముకాసే మీడియాను ఈవాళ ఈ “బాణం” సినిమా విషయంలో చూస్తున్నాను.
ఇక ప్రముఖ ఆంగ్ల పత్రికలో వ్రాసారు : ఈ సినిమా దాదాపు నిజాయితీగా తీసారుట..క్లయిమాక్స్ తప్పించి. ఇదేమి మాట ? వెనకటికెవడో అన్నాట్ట : మా అబ్బాయి చిన్నప్పటినుంచీ ఉత్తముడు అండీ , పరీక్షల్లో కాపీలు కూడా కొట్టడు , జస్ట్ ఒకసారి ఒక అమ్మాయిని మానభంగం చేసాడంతే అని. అలా ఉందీ మన మీడియాలో దృష్టిలో నిజాయితీకు నిర్వచనం . ఇదొక “ఎక్స్పెరిమెంటల్ ” చిత్రమట. ఏ రకంగానో మరి! కనీసం కథాంశంలో విభిన్నత లేని చిత్రాన్ని ప్రయోగాత్మక చిత్రం అనడం తెలుగు సినీ జర్నలిజం అవగాహనాలోపమో మరి యెల్లో జర్నలిజమో.
ఇక ఈ సినిమాలో ” ఇన్ కన్సిస్టెన్సీ” ప్రతి ఐదు నిముషాలకూ వస్తుంది. నక్సలిజం కోసం జీవితాన్ని అర్పిస్తానంటాడు ఒక సన్నివేశంలో శివాజీషిండే. తర్వాత అదీ ఒక “ఉద్యోగం”లాంటిదే కాబట్టే “రిటైర్మేంట్” తీసుకున్నాను అంటాడు లొంగిపోయేప్పుడు. “ఇకనైనా జనంలో ఉంటారా” అని పోలీసు అడిగితే ” నేనెప్పుడూ జనంలోనే ఉన్నా” నంటాడు. అయిదారు డయిలాగుల తర్వాత ” ఇక నుంచి జనంలో ఉండి పోరాటం చేస్తాను ” అంటాడు. హాస్యాస్పదం ఏంటంటే.. ఆ తర్వాత అతను చేస్తూ కనిపించిన పనులు : గడ్డం గీసుకోవడం , తన బట్టలు తాను ఉతుక్కోవడం, ఇంటిపట్టున ఉండి కొడుకుతో వాదులాడడం.. అంతే. మళ్ళీ కొడుకు హాస్పిటల్ బెడ్ మీద “అసలు మీ నక్సలైట్లు ఎం ఉద్ధరించారు ” అన్నట్లు ప్రశ్నిస్తే.. హడావుడిగా విలన్ను అంతమొందిచడానికి సరి అయిన ప్లాను కూడా లేకుండా వెళ్తాడు. ఈ సినిమా ద్వారా బహుశా నక్సలైట్లు పరమ దద్దమ్మలా అనిపించేంతగా ఉంది ఆ పాత్ర స్వభావం.
ఇప్పటికే చాలా చెప్పాను… ఇంకా చెప్పాలంటే ఈ సినిమాలోని డొల్లతనం , దాన్ని అనవసరంగా “ఎవరి లాభాల కోసమో” పొగుడుతున్న మీడియా డొల్లతనం చాలానే ఉంది కానీ , ఈ సాంపుల్స్ చాలు అనుకుంటాను.
మూడవ అధ్యాయం :
ఆ సమీక్షలు చదివాక ఇలాంటి భావావేశం అనుభవించాక అర్థమయింది నా స్నేహితుడి వేదన. వాడిదొక తత్వం .
” గొప్పవాళ్ళ గొప్పతనాన్ని గుర్తించకపోయినా లోకం పెద్ద నష్టపోదు కానీ , అల్పులూ , మీడియోకర్సూ ప్రశంశలందుకున్ననాడు నిజమయిన టలెంట్ అదే చచ్చిపోతుంది” అనే రకంగా మాట్లాడేవాడు. ఆఫీసుల్లో దద్దమ్మ బాసులనూ , నిశానీగాళ్ళు రాజకీయనాయకులూ , డబ్బున్న వంశ వారసులే కళాకారులూ అవుతున్న సందర్భాలు చూసినప్పుడల్లా ఆ మాటే గుర్తుకువచ్చేది. ఇన్నాళ్ళకు కళాకారులేకాక , సమీక్షకులూ , తద్వారా సినిమా అనే కళ కూడా చచ్చిపోబోతోందేమొ అనిపిస్తోంది. అందుకు ఒక సూచన… మళ్ళీ ఫోన్ చేసాక మా ఫ్రెండు మాట ” ఇక తెలుగులో సినిమా కోసం ప్రయత్నించడం వేస్టురా.. అక్కడొచ్చిన టీవీ ఉద్యోగమే బెటర్ ” అన్నాడు.
ఇంతకీ నా స్నేహితుడు మంచి ఫిలిం మేకరో కాదో నాకు తెలియదు , కానీ నిజాయితీ అయిన వాడు.. “బాణం” లాంటి సూడో సినిమాలు ఇలాంటి తగని సన్మానాలే అందుకుంటే ఇక తెలుగు సినిమాలో నిజాయితీ అంటే ఏమేమి చూడాల్సి వస్తుందో అనిపిస్తోంది.
బహుశా.. సినిమాల్లో నిజాయితీ అనే మాటకు అర్థం మార్చడనికే వదిలిన “బాణం” కాబోలు ఇది.
—శు
Filed Under: featured • lead • భారతీయ సినిమా • విశ్లేషణ
I agree with you 100%
అంతగా తెలీని మంచి సినిమాల్ని ప్రేక్షకులకి పరిచయడం, ఎంతో తెలిసిన సినిమాల్లోని డొల్లతనాన్ని బట్టబయలు చేయడం లాంటి వాటికి మాత్రమే ఇన్నాళ్ళూ పరిమితమైన నవతరంగం- ఇవాళ ఇంకో అడుగు ముందుకేసిందనిపిస్తోంది. కుహనా మేధస్సు తోనో లేక స్వప్రయోజనాల కోసమో నాసిరకం సినిమాని ఫక్తు కమర్షియల్ సినిమాల్ని సైతం “సీరియస్ సినిమా” అనీ, “హానెస్ట్ సినిమా” అనీ “రియలిస్టిక్ సినిమా” అనీ టాగులు వేసి- నిస్సిగ్గుగా నిర్భయంగా పాఠకుల్ని మభ్యపెట్ట బయలుదేరిన వెబ్సైట్ల మీద – సూటిగా విరుచుకుపడడం అనే నవ ధోరణికి నాంది నవతరంగం వేదికగా ఏర్పడటం నవతరంగం విశిష్టత ని ఇనుమడింపజేసేదిగా ఉంది. వన్ ఆఫ్ ది బెస్ట్ ఆర్టికల్స్ ఇన్ నవతరంగం ఇన్ రీసెంట్ టైంస్
నేను ఈ సినిమా చూసే అవకాశం లేక ఇంకా చూడలేదు, కాని మీరు చెప్పిన రివ్యూలన్ని దాదాపుగా చదివి ఒక విధంగా బాగుంటుందేమోనని ఎదురుచూస్తున్నా! కాని ట్రెయిలర్ చూసాక నాకు కూడా మీకొచ్చిన అనుమానం వచ్చింది; భగత్ సింగ్, చే ఏ విధంగా వ్యతిరేకభావాలు కలవారా అని. అంతో ఇంతో ఉన్న ఆశను ఈ వ్యాసం పూర్తిగా చంపేసింది. ప్చ్..
పనిలో పని సినిమా కెమెరా ప్రింటొచ్చిందట….:)
అద్భుతంగా రాశారు.
ఐనా, అటు మగధీరలో లొసుగులెదికినా, ఇటు బాణం పదును పరీక్షించినా, మన కంఠసోషే గాని, ఈ సినిమాలు తీసేవాళ్ళకీ, వాటిల్ని ఒహోం ఒహోహోం అంటూ మోసేవాళ్ళకీ చీమకుట్టునట్టైనా ఉండదు. ఆహా, ఏమి గొప్ప సాంకేతిక విలువల్తో తీశావు సోదరా అంటే, హబ్బ, యేమి రియలిజం సింబలిజం కలిపి కొట్టావు గురూ అని పరస్పర కుచమర్దనం .. అంతే .. అదో చిద్విలాసం. మనం కూడా ఓ నవ్వు నవ్వుకోడమే
ఏమిటి సార్? మీరు మగధీరను వదలడం లేదు. అంత షాక్ ఇచ్చిందా ?
సరైన సమాచారం అందిస్తూ కొత్త పంథాలో బాగా వ్రాసారు.
I completely agree with you boss … honest realistic అంటూ హోరెత్తించిన రివ్యూలని చూసి సినిమాకి పరుగెత్తికెళ్ళి మోసపోయిన అభాగ్యుల్లో నేనూ ఒకడిని కాబట్టి మీ రివ్యూ నాకు ఇంకా బాగా ఎక్కింది
ఈ ఖాళీబుర్ర.కామ్ వగైరా సైట్లు మరియు విచిత్ర పరిశ్రమ ఒకరి వీపు ఒకరు పరస్పరం గోక్కునే విద్యలో ఆరితేరిపోయాయి. వారి వారి ప్రయోజనాలు వారి వారికున్నాయి మరి. నవతరంగానికి ఆ సమస్య లేదు కాబట్టి నిక్కచ్చిగా రాసేస్తుంది. నిజమే కానీ, ఈ మధ్య నవతరంగంలో పరస్పర భిన్నమైన సమీక్షలు,చర్చలు వగైరా వెంటవెంటనే వచ్చి పాఠకుల్ని గందరగోళ పరుస్తున్నాయి. ఈ గందరగోళం వల్ల నవతరంగానికి నష్టమే తప్ప లాభం లేదు. ఇది దృష్టి పెట్టాల్సిన విషయం.
(ఈ వ్యాఖ్యని ఖండఖండాలుగా నరకటానికి సార్ధక గృహనామధేయుడొకాయన రాబోతున్నాడు
ఆయనకోసం ప్రత్యేకం, ఈ కింది పేరా)
ఒప్పుకుంటా. ఇది ఇంతకుముందు అనేక దఫాలు చర్చించిన విషయమే. కానీ ఎక్కువమంది నవతరంగం పాఠకుల దృష్టిలో ఇది సినిమా సమీక్షలు అందించే సైట్ కూడా. ‘మేమింతే’ అనో, ఏవేవో కారణాలు చెప్పో మంకు పట్టు పట్టుకుని కూర్చోకుండా వాళ్ల బాధ కూడా గమనించి అందరికీ అనువుగా ఉండే పరిష్కారాన్నొకదాన్ని రూపొందిస్తే బాగుంటుంది. ఉదాహరణకి ‘కొత్త సినిమా సమీక్షలు’ విభాగాన్నొకదాన్ని ఏర్పాటు చేసి అక్కడ సినిమాకొక సమీక్ష మాత్రమే ప్రచురించొచ్చు కదా.
మీరు చెప్పినట్టు ‘కొత్త సినిమా సమీక్షలు’ అని ఒక విభాగాన్ని ఏర్పటు చేస్తే అందులో ఎవరి సమీక్ష వేస్తారు. ఎవరో ఒకరి సమీక్ష వేస్తే అది కూడా ఖాళీబుర్ర.కామ్ వగైరా సైట్ల లాగే ఏకపక్షం గా ఉంటుంది. వారి ప్రయోజనాలు కోసం వారి అభిప్రాయాలు పాఠకుల మీద రుద్దే ప్రయత్నం చెయ్యొచ్చు.
నవతరంగంలో అందరికి వారి వారి అభిప్రాయాలు చెప్పే అవకాశం ఉండాలి అంటే అందరి సమీక్షలు ప్రచురించాలి.
ఇకపోతే సమీక్షలు సినిమా రిలీజ్ ఐన ఎన్నాళ్లకు ప్రచురించాలి అనేది ఎలా నిర్నయిస్తారు.
నెలా రెన్నెల్లు పొయాక సమీక్ష ఎవరు చదువుతారు.
@అబ్రకదబ్ర: ఒక సినిమాని వంద మంది చూస్తే వందమంది అభిప్రాయాలు వందరకాలుగా ఉండొచ్చు. ఆ వంద అభిప్రాయాలూ విలువైనవే అనే ఒక ప్రజాస్వామిక సాంప్రదాయాన్ని నమ్మిన వేదిక నవతరంగం. కాబట్టి, ఇక్కడే ఒకటే సమీక్ష ఉండాలి…అదీ ఒకే విధంగా ఉండాలి అని ఆశించడం ఆ స్ఫూర్తికే విరుద్ధం.
There are thousand different opinions. Let Navatarangam be open to all of them. అప్పుడే మిగతా ఏకపక్షమైన సైట్లకీ నవతరంగానికీ బేధం ఉంటుంది. Let that democratic spirit prevail…let thousands of opinions find a place.
(ఈ వ్యాఖ్యని ఖండఖండాలుగా నరకటానికి సార్ధక గృహనామధేయుడొకాయన రాబోతున్నాడు ఆయనకోసం ప్రత్యేకం, ఈ కింది పేరా) – you got it…check it out.
Here’s what they shd do.
Have two sub-headings under “new movie reviews”
“Reviews that praise the movie” & “Reviews that trash the movie”
Most of the time, IMHO, the yet-to-be-bakara has already decided to watch the chosen horror torture. I seriously doubt anyone actually makes a decision based on (to watch or not watch) what a review says. However, if the review kindles some sense of hope, and that hope is snuffed mercilessly in the theater, of course, the bakara (now slaughtered, after severe mental torture) is justifiably enraged.
In the final count – Telugu film reviews on websites only serves as a “compare your experience against the reviewer” type of yard stick – that’s all. Nothing more, nothing less.
ఈ సమస్య(?)కి పరిష్కారం ఆలోచిస్తున్నాను.
రోటన్ టొమాటోస్ మోడల్ లో ఒక రివ్యూ సిస్టమ్ డిజైన్ చేసే ఆలోచనలో ఉన్నాను.2010 జనవరికల్లా ఆ పని పూర్తి చెయ్యాలని ఆలోచన. అయితే ఆ మోడల్ వచ్చినా కూడా ఈ సమస్య ఎలా తీరుతుందా అనే మరో డౌట్
నాకైతే అసలు కొత్త తెలుగు సినిమా సమీక్షలు ప్రచురించడం ఆపేస్తే ఎలా ఉంటుందా అనే ఆలోచన మొదలైంది. అసలే ఇప్పుడు ఇండస్ట్రీలో ఉన్నాను కదా
Venkat,
I really did not expect this from you.
The rotten tomato model will be a better thing.
“కుళ్ళు టమాటాలు” ఆలోచన బాగుంది. ఇంకో మూడునెలలు…కానివ్వండి.
శిద్దారెడ్డి వెంకట్,
కొత్త తెలుగు సినిమా సమీక్షలు, రంధ్రాన్వేషణలు ప్రచురించడం ఆపేస్తే మంచిది.
ఇండస్ట్రీలో వున్నారని కాదు. ఒక సినిమా కోసం ఆ యూనిట్ పడే కష్టం కోసం అయినా ఆ పని చెయ్యండి.
ఇక్కడ పనిమాలిన విమర్శలు, రంధ్రాన్వేషణలను బుర్ర వున్నవాడు ఎవడూ ఎవడూ పట్టించుకోడు. వాటినే ఎంకరేజ్ చేస్తే, మీకు విజిటర్స్ వచ్చి హిట్స్ పెరిగినా ఈ సైటుకు ప్రత్యేకత వుండదు.
మంచి సినిమాలను పొగడండి. చెడ్డ సినిమాలను వదిలెయ్యండి. నవతరంగంలో మంచి సినిమా అనిపించుకోవడానికి వారు ప్రయత్నించేలా మీ సైటును వృద్ధి చెయ్యండి.
hey
even if you call my article as panikimaalina vimarSa or even if call me anynames , I dont care much , bcos you got ur freedom to do so
and FYI ,
“మంచి సినిమాలను పొగడండి. చెడ్డ సినిమాలను వదిలెయ్యండి.”
it suggest that you yourself accepting about the film being bad…
ofcourse some people chose to live hypocritic in the guise of some saintly peace-givers ..
manchi cinemanu elaagu poguDutaam…chetta cinemanu tiTTakunDa enduku unDaali ?
wt funny reason you give ?? for the sake of people who live in industry ??? or for the sweat and toil for ppl involved in industry
swet and hard work and toiling exists in any work bhai..even if it is breaking rocks or cleaning toilets.. oky ? and no one is disrespecting the work here
what I wrote here is , about the ART FORM.. if you ever understand that film is an art form then talk, or, for you if its like a buisiness where you “employ” people and make a “product” and “sell” it…. hey…i think you dont differentiate much between to he making of a film and making of an idly/dosa..!!
wt fun!!
and buddy , even in such a food stuff, there is something called good idly n a bad one and i am sure you will curse the cook who made a bad idly and you expect other film lovers to keep quiet leaving a BADLY MADE FILM WHICH INSULTS FILM CRAFT ??!!
well…film is like my own self respect , and if an insultingly bad film comes, I wont keep quiet and this is the last reply I give to you a person who seem to have no self respect.
su,
i am not asking you to stop,
i am asking navatarangam to stop publishing this kind of opinions on good attempt.
సారూ మా సైట్ ని ఎలా వృద్ధి చేయాలో చెప్పినందుకు చాలా సంతోషం. అయితే నవతరంగం లో మీరు కేవలం ఇలాంటి ఆర్టికల్స్ మీద తప్ప ఇక్కడ ఉన్న దాదాపు మరో వెయ్యి మంచి ఆర్టికల్స్ కి మీరు చూపించాల్సిన ప్రోత్సాహం ఏమయ్యింది. ఎప్పుడైనా అలాంటి వ్యాసాలు బావున్నాయనో లేదా ఇంకా ఇంప్రూవ్ చెయ్యొచ్చనో ఒక కామెంట్ రాసి ఎరుగుదురా?
శిద్దారెడ్డి వెంకట్,
మీ రైటర్స్ ను మీరు సపోర్ట్ చెయ్యడంలో మీ తప్పు కనిపించడం లేదు.
thanks for accepting this article is not worth of post a comment. విమర్శ మీద విమర్శ accepet చెయ్యరని తెలిసి కూడా కామెంట్ చెయ్యడం నాదే తప్పు.
@a2zdreams: నవతరంగం రైటర్స్ అంటూ ఎవరూ లేరు. ఇక్కడ ఎవరైనా వ్యాసాలు రాయొచ్చు. ఈ సినిమాను ఖచ్చితంగా రెకమెండ్ చేస్తూ మీరూ ఒక విశ్లేషణ రాయండి. దానికీ ఇక్కడ ఉచిత స్థానం ఉంటుంది.
నవతరంగం వేదిక గురించి అవగాహన లేకుండా కేవలం అపోహలతో ఇలాంటి వ్యాఖ్యలు చెయ్యడం అభిలషణీయం కాదు.
కె.మహేష్ కుమార్,
నవతరంగం వేదిక అంటే పాజిటివ్ సైడ్ ఆఫ్ మూవీస్ అనే అపోహలో వున్నాను. that is the reason I am posting comments here.
“బాణం” ఒక పనిమాలిన సినిమా అంటే తప్పు కాదు.
“పనిమాలిన సినిమా అని చెప్పే ఒక అర్టికల్” ను పనిమాలిన విమర్శ అంటే తప్పు.
good standards !
సమీక్ష అద్భుతంగా ఉంది. మరిన్ని అర్థవంతమయిన వ్యాసాలు అందించగలరు.
wonderful “Su”- interesting narration.
Su garu,
Very interesting review. Top class. Expecting more from you
మీరు సినిమా గురించి చాలా అద్భుతంగా విశ్లేశించారు. ఒక చిన్న correction, హీరో నాన్నగా చేసిన అతని పేరు “శివాజీ షిండే” కాదు. its Sayaji Shinde.
మీ రివ్యూ చాలా బాగుంది
ఈ రివ్యూలు చూసే (ఐడిల్ బ్రైన్) మహారథి కి వెళ్ళి బుక్కై పోయాము
“గొప్పవాళ్ళ గొప్పతనాన్ని గుర్తించకపోయినా లోకం పెద్ద నష్టపోదు కానీ , అల్పులూ , మీడియోకర్సూ ప్రశంశలందుకున్ననాడు నిజమయిన టలెంట్ అదే చచ్చిపోతుంది”….
తెలుగు సినిమా పరిశ్రమ దాదాపు ఒక దశాబ్ధంగా (may be more) ఇదే మీడియోక్రసీలో కొట్టుకు ఛస్తోంది.గత ఐదు సంవత్సరాలుగా మన తెలుగులో వచ్చిన మంచి (‘గొప్ప’ కాదు) సినిమాల లిస్టు తీసుకుంటే ఆనంద్,గోదావరి,గమ్యం,హ్యాపీడేస్,ఆ నలుగురు,మీశ్రేయోభిలాషి వంటి చిత్రాల లిస్టు తయారవుతుంది. ఈ సినిమాల్ని ఎక్కడో ఉన్న హాలీవుడ్ తో పోల్చకపోయినా, కనీసం ఆ సంవత్సరం వచ్చిన పది ఉత్తమ భారతీయ చిత్రాల కోవలో పెట్టాలన్నాకూడా వాటికి స్థానం దక్కదు.Thats the reality of our Telugu film industry.
సినిమాల్లోని విషయం,కథ,కథనం,సాంకేతిక నైపుణ్యం వంటి విషయాలలోని ఉత్తమ ధోరణుల్ని పక్కనబెడితే, “All we care about is BOX OFFICE” అంటున్న మన పరిశ్రమలో కమర్షియల్ సక్సెస్ శాతం చూసుకున్నా పది శాతాన్ని మించదు.సంవత్సరానికి వంద సినిమాలు రిలీజైతే వాటిల్లో ఐదు సూపర్ హిట్లు, మరోఐదు హిట్లు, ఇంకో ఐదు యావరేజి సినిమాలు. మిగిలినవన్నీ ఫ్లాపులే…అంటే కనీసం పెట్టుబడికూడా వెనక్కురాని బాపతన్నమాట.
మరి అటు మంచి సినిమాలూ తియ్యక ఇటు డబ్బులూ రాకపోతే…ఎవడి ఖర్మానికి ఎవడు బాధ్యులు?
అందుకే వృక్షాలు లేని చోట ఆముదవృక్షమే మహావృక్షం అన్న చందంలో మీడియోక్రసీ రాజ్యమేలుతోంది. చెత్తలోంచీ కొంత మంచి చెత్తని ఏరడంలో మనం సంతృప్తి చెందాల్సివస్తోంది. ‘బాణం’ ఆ మంచి చెత్త కోవలోకి వస్తుందనుకుంటాను.
ఈ మధ్యనే ఎవరో మగధీర ఎందుకు నచ్చింది అంటే, “సాధారణంగా రాజమౌళి చిత్రాల్లో ఉండే బూతు లేదు” అని సమాధానం ఇచ్చారు. అంటే మన “మంచి సినిమా” డెఫినిషన్ రోజురోజుకీ ఎంతగా దిగజారిపోతోందో తెలుస్తోంది.
గమ్యం సినిమాని ఒక ప్రత్యేకమైన చిత్రంగా చెప్పుకొనవచ్చు అని నా అభిప్రాయం. వాణిజ్యపరమైన అంశాలు ఉన్నప్పటికీ ఈ సినిమా న్యరేట్ చేసిన పద్దతి బాగుంది.
మంచి సినిమా తీసే ఉద్దేశ్యం మరియు సామర్ధ్యం ఉన్నా అందులో డబ్బు పెట్టె నిర్మాత కావాలి. నా ఉద్దేశ్యంలో ప్రయోగాత్మక చిత్రాల్ని సాధారణ తెలుగు ప్రేక్షకుడు ఆదరించే రోజున, ఈ హీరోయిజం పిచ్చి ఇటు జనాలకి ఇంకా అటు హీరోలకి తగ్గినప్పుడే మంచి సినిమాలు వచ్చే అవకాశం ఉంది. హిందీ పరిశ్రమలో గత 6-7 సంవత్సరాల్లో వచ్చిన సమాంతర సినిమాలు అక్కడ వచ్చిన కొత్త
ఒరవడికి నిదర్శనం. దిబాకర్ బెనర్జీ తీస్తున్న Love, Sex aur Dhoka కి ఏక్తా కపూర్ నిర్మాత అని తెలిసి నివ్వెర పోయా. ఇది నిర్మాతలకి పెట్టిన డబ్బులు తిరిగి వస్తాయన్న నమ్మకం ఉన్న రోజు వాళ్ళు కూడా ముందుకొస్తారు అనడానికి నిదర్శనం.
బట్ ఐ ఎగ్రీ విత్ యూ : నిర్మాతలకి పెట్టిన డబ్బులు తిరిగి వస్తాయన్న నమ్మకం ఉన్న రోజు వాళ్ళు కూడా ముందుకొస్తారు.అండ్ దట్ లైన్ ఎన్కంపాసెస్ లాట్ ఆఫ్ పాజిబిలిటీస్ విచ్ అవర్ డైరెక్టర్స్ ఆర్ అనేబల్ టు అండర్స్టాండ్.
Hi,
I agree with you but not 100%.
Because “Banam” doesn’t contain any double meaning comedy (KICK,SHANKAM). I can say this is a simple common man story.
ఈ రోజుల్లో ఏదైనా అన్యాయం జరిగితే ప్రజలకు మీడియా ద్వారా రాద్దాంతం చేయడం ద్వారా ఎక్కువ అవగాహన వుంటుందంట. అదే 1989 లో అయితే ప్రజల్లో అంత అవగాహన లేదంట .ఇవీ 1989 నేపధ్యం ఎందుకు ఎంచుకున్నారో తెలియచేడానికి దర్శకులు పలికిన పలుకులు. ఇక ఇదంతా మన ఖర్మ రా అనుకోవడమే
@Athidhi,
This has been the best post about any movie I have read till now.I was completely made a fool by these reviews of Idlebrain and Greatandhra. Watching this movie was a big headache.
You have written what I felt for the last 5 days after seeing this movie. Why I had to read these useless reviews and unnecessarily waste 50 bucks?? Plain cheating and nothing more.
I should have waited for somethime before going to this movie.
And why the hell this movie is compared with ‘Gamyam’???? in all the reviews.
i love this review….nenu movie chusina daggaranunchi ma friends tho telisina vallatho avesantho chepthunnavanni indulo rasaru thanks….and nenu nijanga jeevi ( idlebrain) kanipisthey champeddam anentha kopam vundi…..
thanks once again…
ahh! surprise… i seriously dint expect people agreeing with my opinions…
so that means ..telugu cinemas has some sensible audience left
but unfortunately , as i mentioned this is not just about one movie’s good or bad , but about general analysis about our film media and journalism attached to it
this was happenning right from a couple of years;..where just if you portray one character with some nationalist leader’s name or doesnt show put an item song..it is being hailed as a “GOOD MOVIE”
all that reached a peak with this banam movie,
but, i think , there is a big blow waiting to fall on us…
@navatarangam people… I can write an article about an upcoming movie , which I believe , is mostly a similar pseudo-intellectual type ….
this is a bit crazy attempt… writing an article about a movie for which audio/trailers are also not yet released..
but I can analyse how it may turn out to be…basing on the director’s previous films and producers’ taste and motives of heroes in it…
as some venkat ( i dunno if u r moderator for this site..) is hesitant to post new movie reviews (i dint know u belong to industry here) which are giving some headaches…
the article i may write may surely trigger anger from industrywalas…
because the article will be on none other than the prestigious suresh movies venture “LEADER”
the idea..if you know what themes the movie may present and how they may be praised in planned , as per the plan they might have already deviced… people wont fall for such media hype
its like “predicting” a result..based on previous works
and if my predictions of bad are broken and actually a good film emerges…i will be the happiest person to accept them and see the mindblowing good output film
I’m waiting for your analysis. please go ahead. that is going to be another forward step here on NT.
//this was happenning right from a couple of years;..where just if you portray one character with some nationalist leader’s name or doesnt show put an item song..it is being hailed as a “GOOD MOVIE”
all that reached a peak with this banam movie,//
నిజమే కదా … బాణం “మంచి సినిమా” కానే కాదు కదా
writing abt a movie which is not yet released, I dont think- its going to be a good move . Really analysing based on a previous film may not work all the times. Aludu pattina bharatam ane cinema teesina director e shankaraabharanam kooda teesaadu..
But still curious to see what u want to say abt LEADER..
@mohanrazz
“Really analysing based on a previous film may not work all the times”
I also expect it that the prediction go wrong , and I wish , everyone else also throw in their speculations and predictions about it
its just like one predicts cricket matches, horse races, even electoral results basing on previous track record of the people involved..
it doesnt mean the prediction go wrong , but if the film falls exactly in to the prediction levels…then we can see how pathetically horrible state our films and its media is in…
@vijayvardhan,Shankar, I will send the article in a couple of days, I take a bit time in writing..thank you for supporting the idea
మీ article కోసం ఎదురుచూస్తాను.
@మోహన్ రాజ్: సినిమా నిర్మాణంలో ఉన్నప్పుడూ లేదా విడుదలకు ముందు “ప్రివ్యూ”లు రాయడం కొత్తకాదుగా! ఇక్కడ సు/శు ఏదో “ఎనలిటికల్ ప్రివ్యూ” అంటున్నారు. ఈ నవీనత్వాన్నీ ఆస్వాదిద్దాం. ఇదొక కొత్త ట్రెండ్ అవ్వచ్చుకదా!
కొత్త ప్రయోగం! తప్పక వ్రాయండి.
ఇందాకే అందిన వార్త.. ఈ చిత్రదర్శకుడుది వైజాగ్ అని తెలిసింది.ఏమి సారూ ఇలా తీసారూ అని వీడియో కెమెరా మొహం మీద పెట్టి అడుగుతానని,అది ఇక్కడే ప్రచురిస్తానని తెలియజేసుకుంటున్నాను.
పైన మన మిత్రులు కొందరు చెప్పినట్లు..కొన్నికొన్ని డాట్ కాం లలో ఒకే సమీక్ష వస్తుందంటే..వారికి sTaff/commissioned writers(reviewers) ఉండటమే.నవతరంగం లో అందరూ రాయవచ్చు.ఒకే సినిమామీద ఎన్ని సమీక్షలు వచ్చినా పాఠకులుగా మనకొచ్చిన ఇబ్బందేముంది?
తెలుగు దినపత్రికలలో ఆంధ్రభూమి వెన్నెల పేరుతో ప్రతి శుక్రవారం ప్రచురిస్తున్న సినిమా అనుబంధంలో సినిమా సమీక్షలు చాలా నిక్కచ్చిగానే ఉంటున్నాయి.అలాగే ఈనాడుదినపత్రిక ఆన్ లైన్ ఎడిషన్ లో వచ్చేసమీక్షలూ చాలా సమగ్రంగానె ఉంటున్నాయి.
కుళ్ళురామ్ములగలు తరహా ప్రయోగం బాగానే ఉంటుంది.ఇంకెంత మూణ్ణెల్లేగా వేచి చూస్తాం లేండి.
చాలాకాలం తర్వాత కామెంటు పెట్టాలనిపించింది. అందుకే ఇటువైపువచ్చా.
నవతరంగంలో వచ్చిన ప్రతీపోస్టు ఓపెన్చెయ్యటం రాసింది ఎవురూ అని చూట్టం, మూసేయ్యటం, ఇలా నడుస్తుండగా ఇయ్యాల్టికి ఈ పోస్టు, సరే సదువుదాం అనిపించి సదివా.
సు/శు – బాగుంది మీ విశ్లేషణ.
మీరు కొన్నికొత్తకోణాలని ఆవిషరించారు నిష్కర్షగా. స్వాగతిస్తున్నా.
తరచుగా రాయగలరని భావిస్తున్నా.
భాస్కర్ రామరాజు.
సినిమాను సమీక్షించడం కంటే గతంలో వచ్చిన సమీక్షలను సమీక్షించడమే ఎక్కువగా అనిపించింది. రచయిత ఉద్దేశం కూడా అదే కాబట్టి, దాని గురించి చెప్పేదేమీ లేదు. సినిమా సమీక్షకుల డొల్లతనాన్ని, తెలివిలేమినీ తేటతెల్లం చెయ్యడంలో వ్యాసం సఫలమైంది. పనికిమాలిన సినిమా తీసినవాణ్ణి తిట్టేస్తే సరిపోద్దేమోగానీ, కావాలని, స్వార్థపూరితంగా ఆ సినిమాను ఆహా ఓహో అని పొగుడుతూ నీతిమాలిన సమీక్ష రాసినవాణ్ణి మాత్రం.. ఇదిగో, ఈ వ్యాసంలో చెంపలు వాయించినట్టు వాయించాలనిపిస్తుంది.
ఇక నవతరంగంలో వచ్చే సప్తవర్ణ సమీక్షల గురించి నాదీ ఓమాట.. సమీక్ష అనేది సమీక్షకుడి వ్యక్తిగతాభిప్రాయం. ఒక్కోళ్ళది ఒక్కో అభిప్రాయం. నిజాయితీగా రాస్తున్నంత సేపూ ఎందరి సమీక్షలనైనా ప్రచురించవచ్చు. పరస్పరం భిన్నాభిప్రాయం కలిగి ఉన్న సమీక్షలను ప్రచురిస్తే మాత్రం తప్పేంటి? మీరు ప్రచురించే అభిప్రాయాలు నవతరంగానివైతే.. నిజమే, ఒక్కటే ఉండాలి. కానీ, అవి ఆయా రచయితల అభిప్రాయాలైతే ఒకటి కంటే ఎక్కువ ఉండొచ్చని నా అభిప్రాయం. ఏదో స్వార్థాన్నో, మరో అర్థాన్నో మనసులో పెట్టుకుని సమీక్షలు రాయడం ఇంకా నవతరంగంలో చూళ్ళేదు కాబట్టి మీ ఈ సంప్రదాయాన్ని కొనసాగించవచ్చని నా అభిప్రాయం. సోమరిబుర్రలను చూసి మీరు మారక్కర్లేదు.
చదువరి గారూ
భిన్న సమీక్షలు రాయడం తప్పుకాదు.
ఐతే, భిన్నత్వం అడ్డుపెట్టుకుని చదివేవారిని టీజ్ చేయడం క్షమార్హం కాదు.
రెస్పెక్ట్ ది రీడర్. రీడర్ లేని నాడు నవతరంగం ఐనా, పాతతరంగం ఐనా మన్నదు. మనలేదు.
ఇంకోమాట, పరసనల్ భావాలను వ్యక్తపరచాలంటే, నవతరంగం గోడే దేనికి, బ్లాగులున్నది అందుకేగా!!
నవతరంగం లాంటి వేదికపై విశ్లేషణ/సమీక్ష *నవతరంగం* రచయితల దృష్టేకానీ వ్యక్తిగత అభిప్రాయం కాకూడదు. అలా ఐతే బ్లాగుకీ దీనికీ తేడా ఏముందీ?
భాస్కర్ గారూ,
మీరన్నది నిజమే బ్లాగులున్నది ఎవరి భావాలను వాళ్ళు రాసుకోవడానికే బ్లాగులున్నది. అయితే, ఒకే విషయంపై వివిధ వ్యక్తులు వివిధ ప్రదేశాల్లో వెల్లడించే అభిప్రాయాలను ఒకేచోట వెల్లడించేందుకుగాను ఏర్పడిన వేదికగా నవతరంగం గురించి అనుకోవచ్చునేమోనండి!
“రెస్పెక్ట్ ది రీడర్” – దీంతో నేను పూర్తిగా ఏకీభవిస్తాను.
@చదువరి: రెస్పెక్ట్ ద రీడర్ సరే…మరి రచయిత/కాంట్రిబ్యూటర్లకు గౌరవాలు లేవంటారా! లేక వార్ని గౌరవించాల్సిన అవసరం లేదంటారా!!
సమస్య అక్కడే మొదలౌతుంది. వ్యాసంలోని లోటుపాట్లని పక్కనబెట్టి రాసినోడ్ని మాటలంటూనో లేక ప్రతికూల అభిప్రాయాల్ని వ్యక్తపరిచే వ్యాఖ్యాతల్ని తిడుతూనో ఉండే రీడర్లకి ఎంత వరకూ రెస్పెక్ట్ ఇవ్వాలి?
K మహేశ్ కుమార్:
వ్యక్తులుగా ఒకరినొకరు గౌరవించుకోవాలనే విషయం గురించి మనం చర్చించుకోవాల్సిన అవసరం లేదనుకుంటాను.
“రెస్పెక్ట్ ది రీడర్”ను నేనిలా అర్థం చేసుకున్నాను.. వ్యాసం మరీ అర్థరహితంగా, ఊరికే ఏదో ఊకదంపుడులాగా ఉంటేనో, సంచలనాత్మక శీర్షిక పెట్టి, దానికి సంబంధం లేని సోది రాసుకుంటూ పోతేనో.. సదరు రచయిత పాఠకుణ్ణి పనిమాలా చవటాయిని చేసినట్టే. ఇక్కడ నేను చెప్పినవి ఉదాహరణలే.. నవతరంగంలో ఉన్నాయని కాదు. రచయిత పాఠకుడికి ఆ “రెస్పెక్టు” ఇవ్వాలి అనేది నా భావన. అంతేగానీ, వ్యక్తిగతంగా తిట్టడమనే డిస్రెస్పెక్టు నా మనసులో లేదు. భాస్కర్ గారి అభిప్రాయమేంటో తెలవదు.
నా కాంటేక్స్ట్ నవతరంగం.
నేను ఈ క్రింది ఉదాహరణ ఇస్తున్నా.
http://navatarangam.com/2009/05/mitrudu-telugu-review/
ఒక్కసారి వ్యాఖ్యల్ని రివ్యూ చేయండి.
రచయితకి గౌరవం ఉందికాబట్టే, కొన్ని కొన్ని పోస్టులకి ఎక్కువ కామెంట్లు, కొన్నిటికి తక్కువ కామెంట్లు.
సమస్య ఎక్కాడా లేదు అసలు మొదలు కావటానికి. ఐతేగీతే *నేన్రాస్తే, నాకు గౌరవం దొరక్కపోటమా* దగ్గరే మొదలౌవ్వాలి.
వెల్! ఎవరి ఒపీనియన్స్ వాళ్ళవి ఏ విషయంలోనైనా.
భాస్కర్ రామరాజు says:
May 5, 2009 at 12:01 am
>>ఒకరే చెబితే కాంట్రడిక్షన్ వేరువేరు మనుషులు చెబితే భిన్నాభిప్రాయం. అదే నవతరంగం భిన్నత్వం. It has space for all point of views. ఎంచుకోవలసింది మీరు
ఓకరే చెప్తే అది స్టేట్మెంట్. ఇద్దరు చెప్తే, అవి రెండు స్టేట్మెంట్స్. రెండు ఒకదానికొకటి వ్యతిరేకంగా ఉంటే అది కాంట్రడిక్షన్. మీ బ్లాగులో మీరు చంద్రబాబు దొంగని రాస్తే, నా బ్లాగులో నేను చంద్ర బాబు దేవుడు అని రాస్తే అవి పరస్పరం వ్యతిరేక స్టేట్మెంట్స్ ఐతే, ధృక్పదాలు, కాంటెక్స్ట్స్ వేరు. అనగా నా బ్లాగు, మీబ్లాగు, మన కాంటెక్స్ట్ వేరు. కానీ, ఒకే వేదికపై ఇద్దరు వ్యక్తులు కేవలం “ధృక్పదం” కాంటెక్స్ట్ తో రెండు భిన్నమైన స్టేట్మెంట్స్ ఇవ్వటం – చర్చనీయాంశం.
దీనికి మీరు ఇచ్చే సమాధానం “భిన్నత్యం”.
>>అలాంటప్పుడు రెండు సాధికారికమైన విభిన్నధృక్కోణాల్ని ముందుంచడం ద్వారా పాఠకుల్ని/ప్రేక్షకుల్ని కన్ఫ్యూజ్ చేస్తున్నారన్నది, పాఠకులని అవమానించడమే!
Doubting the intelligence of the readers is much more insulting than all this discussion.
అలాకాదు, ఇలా ఇవ్వద్దు అని ప్రశ్నిస్తే మీరిచ్చే సమాధానం “పాఠకులని అవమానించడమే”.
మీకు మీరే కాంట్రడిక్షన్ గా అనిపిస్తున్నారు.
అదే భిన్నత్వం అంటే.
రిడిఫ్ లేక యాహూ లాంటి వాటిని మీరు కనిపెట్టకముందే జనాలు కనిపెట్టారు. కాబట్టి మీ సూచనలకి నా ధన్యవాదాలు.
ఇక ఈ చర్చ ఇక్కడతో నేను ఆపేస్తున్నా కారణం, నవతరంగం కి మళ్ళీ రావద్దూ అనుకున్న నేను, తమరు ఇచ్చిన భాషణ చూసి, మీకు సమాధానం ఇచ్చి వెళ్దాం అని ఆగాను.
———
ఇక దీనిపై వాదనలకు నాకైతే సమయంలేదు.
గౌరవం పొందేవాళ్ళు పొందవచ్చు. కోల్పోయేవాళ్ళు కోల్పోవచ్చు.
ఐ యాం జస్ట్ ఆ ఫ్రీకింగ్ రీడర్…
ఈ ‘పలు సమీక్షలు’ Vs ‘ఏక సమీక్ష’ చర్చ నావల్ల పునఃప్రారంభమైంది కాబట్టి ఓ వివరణ.
నేను నవతరంగం దారి మార్చుకోవాలనటం లేదు, ఒక సినిమాపై ఒకే ఒక సమీక్ష/వ్యాసం/రంధ్రాన్వేషణ/వగైరా రాయాలనీ అనటం లేదు. అలవాటైన పంధాలో సాగుతూనే అధికశాతం పాఠకులు ఆశించే విషయాన్నీ అందించమని సూచిస్తున్నానంతే. నవతరంగం సభ్యులు/రచయితలు ఈ సైట్ అసలు ఉద్దేశాన్ని అర్ధం చేసుకున్నవారు. వాళ్లకి రకరకాల సమీక్షల వల్ల ఇబ్బంది లేదు. అయితే – ఇక్కడ రాయని, కామెంట్లు పెట్టని మౌన పాఠకులు చాలామంది ఉన్నారు. నవతరంగం మిగతా సినిమా సైట్లకంటే భిన్నమైనదని వాళ్లెరుగుదురు కానీ దాని గురించి మరీ అంత లోతుగా వాళ్లకి తెలీదు. కొత్త సినిమాల రివ్యూల కోసం మాత్రమే ఇక్కడికొచ్చేవాళ్లున్నారు. వాళ్లని గందరగోళపరచి దూరం చేసుకోవటం నవతరంగానికి మంచిదా?
రాటెన్ టొమేటోస్ ఐడియా ఇంకా బాగుంది. తెలుగు సినిమా సైట్లవరకూ ఇది కొత్త ప్రయోగం.
@అబ్రకదబ్ర:అధిక పాఠకులు ఏదో ఆశిస్తున్నారన్న ఆలోచన/అపోహతో మనం పద్దతులు మార్చుకుంటూపోతే, మన పరిస్థితి నేటి తెలుగు సినిమాల్లాగా మారుతుందేమో!
ఎంతైనా ఇది “నవ”తరంగం కదా…మన పద్దతిలో మనమెళ్దాం, తరువాత్తరువాత ఈ పద్ధతి పాఠకులకి అర్థమవుతుంది లెండి.
@అబ్రకదబ్ర: ఏమిటో ఆ అసలు ఉద్దేశ్యం? నాకూ తెలీదు.నేనేదో పోస్టు రాసేసుకున్నాను. కాసేపట్లో ప్రచురిస్తాను. అందులో ఓ ఐడియా ఏదో వేశాను.మీ మూలభావాలకి అది భిన్నమైనదేమోనని అడుగుతున్నాను.
పలు సమీక్షలు Vs ఏక సమీక్ష :
ప్రతి రచయిత సమీక్ష కింద, ” ఇదే సినిమా పై ’నవతరంగం’ సమీక్ష ” అనే లింకు ఇవ్వడం ద్వారా ఆ డిఫెరెన్షియేషన్ కాపాడుకోవచ్చు. అలాగే, “మీరూ ఓ సమీక్షను పంపదల్చుకుంటే”, అనే లింకుని “నవతరంగం – సభ్యత్వం – రచయిత – అతిధి” అర్ధాలను వివరించే పేజీకి తీసికెళ్ళి “సంప్రదించండి” అంటే సరిపోతుంది.
ఈ రెండు లింకులూ ప్రతి సమీక్ష కిందా తప్పనసరిగా ఉంచుకోవడం ద్వారా, గందరగోళం లేని సందేశం ప్రతి సగటు పాఠకుడికీ వెళ్ళిపోతుందని నా అంచనా.
ఒకవేళ ఆ సినిమా మీద ’నవతరంగం’ సమీక్ష వ్రాసి ఉండకపోతే? రెండు పరిష్కారాలన్నా తడుతున్నాయి.
౧. లింకు పేజిలో “’నవతరంగం’ ఈ సినిమా పై ఇంకా సమీక్షని అందించ లేదు. మా ఇతర సినిమా సమీక్షలు వీక్షించండి” అని చూపించడం.
౨. లేదా, ఈ ప్రస్తుత సమీక్షలోనే ఆ వాక్యం జతచేసి లింక్ ఇచ్చేయడం. (వేరే పేజి లోడ్ అయ్యే టైము దండగ అనుకుంటే.)
అల్టిమేట్లీ ఇది సోషల్ మీడియాగానే అభివృద్ది చెందాలని అనుకుంటే, పలు సమీక్షలకే “నవతరంగం” ఉండటం బావుంటుంది.
@రేరాజు: నవతరంగానికి ఎటువంటి భావజాల నేపధ్యమూ లేదు. సినిమాపై ప్రేమ తప్ప. నవతరంగానికి అంటూ ఎటువంటి అభిప్రాయాలూ ఉండవు…వేదికలకు అభిప్రాయాలుంటాయా? వేదికలో అభిప్రాయాలు వ్యక్తపరిచే వ్యక్తుల అభిప్రాయాలకు స్థానం కల్పిస్తుందంతే. నవతరంగానికి ఎటువంటి ‘ఎడిటోరియల్’ హద్దులూ లేవు…బూతులూ వ్యక్తిగతధూషణలకు స్థానం లేకపోవడంతప్ప.
అలాంటప్పుడు “నవతరంగం సమీక్ష” అంటూ ఏమీ ఉండవు. ఎవరు ఏసినిమా గురించి ఎన్ని సమీక్షలు రాసినా అవి నవతరంగం సమీక్షలే.ఈ ప్రజాస్వామిక స్ఫూర్తిని అర్థం చేసుకోవాల్సిన అవసరం ఉంది. అప్పుడే ఈ భిన్నత్వాన్ని ఆస్వాదించడానికి వీలవుతుంది.
—————–
నిన్న మర్చిపోయిన మూడో పాయింటు:
“ఇదే సినిమా పై ఇతర రచయితల సమీక్షలు” అనే లింకు. నిజానికి మొట్టమొదటి సారి వచ్చినప్పుడు, నేను ఈ other links చూశాను. అన్నీ ఒకే సినిమాకి సంబంధించినవి. రాను రాను ఇలాంటి లింకులు పోయాయి.
—————–
I have no problem if you “structure” it like Rotten Tomatoes; కానీ, “దానిలా” చేద్దాం అనుకునేసరికే, మొత్తం పర్పస్ డిఫీటయిపోతుంది. నాకు పొట్టలో ఎవరో పొడిచినట్టూ ఉంటుంది…….uh….what to do? our minds are highly tuned for “copying”.
Are you trying to understand its business model!? do you understnad that it is susceptible to the same problems and pressures which this above-present article is deriding!? Are you at least trying to understnad what made them to arrive there?
While I agree that the factors we cook up in the ‘understanding’ have no relavance to our future success, I wish you “understand” why you want to make it ‘like’ Rotten Tomatoes and its objectives.This is the crux of many of my blog posts.
@రేరాజు: ప్రస్తుతం నవతరంగంలో “ఎడిటర్లు” ఎవరూ లేరు. అడ్మినిస్ట్రేటర్లు ఉన్నారు. వారి పని టైపాట్లని సరిదిద్ధడం, ఫార్మాట్ చెయ్యడం,అవసరమైన చోట లంకెలు- బొమ్మలు తగిలించడం. అంతే తప్ప ఒక సిద్ధాంతానికో,విధానానికో,భావజాలానికో,ఆలోచనకో కట్టుబడి విషయ-విధాన నిర్ణయం చెయ్యరు.
ఏదో నలుగురు కూర్చుని వారి భావాలకు అనుగుణంగా ఇది మంచి ఇది చెడ్డ. ఇది బాగుంది-ఇది బాగలేదు. దీనికి “స్థాయి” ఉంది-దీనికి లేదు అని నిర్ణయించి standard set చెయ్యడం ఎంతవరకూ సమంజసమో నాకు తెలీదు. కానీ free spirit కు విరుద్ధమని మాత్రం చెప్పగలను.
కుళ్ళుటమాటాల ఆలోచన ఇప్పటికే లభ్యతలో ఉన్న సాధనం గురించి మాత్రమే. దాన్ని “కాపీ” అనుకుని మీరు బాధపడ్డా, ఆ విధానం నవతరంగానికి వచ్చేసరికీ ఎలాంటి మార్పుతో ఉంటుందో మనకింకా తెలీదుగా! చూద్దాం.
I read idlebrain.com to have a good laugh. I never take his reviews seriously. I dont read rest of the reviews, except on navatarangam.
Anyway you are reading that website thats enough for them . they never mind u watch movie or not.
బాణం గురించిన విమర్స2 చాలా బాగుంది.ఎప్పుదైనా రిలీఫ్ కొసం సినెమా చూసె మా లాంతి వారి కి ఈ డబ్బా రాయుల్ల వలన చాలా బాధ ,హింసా.ఈ మధ్య వచిన పరమ నాసి రకం సినెమ గొ,గొ,గొ రివుఎ చదివి ఆసినిమా కు వెల్లి చాలా బాధ పద్దాము.ఆ రాసె వాళ్ళు, రాయించబడతారు ఫ్రీటికెట్స్ లాంటి వాటితొ.కాదెదీ స్వార్ధానికనర్హం.సొంత లాభం బాబు !మన గొరంత సుఖం కొసం పక్క వాది దెదయినా త్యాగం చెయగల ధన్యులదీ కాలం!
బానంఆ? బాణలా? సినిమా చూస్తున్నంతసేపూ బాణలిలో కూఉన్న ఫీలింగొచ్చి జీవితంలో తొలిసారి సినిమా సగమైనా కాకుండా బైటపడి ఊపిరి పీల్చుకున్నాను. దని కన్నా ఒక మహా నటుడి సినిమాయే నయం కనీసం వారి చేష్టితాలుచూసైనా నవ్వుకోవచ్చు. Guess who? Who want to be a millionaire?
I guess I know the answer, but some one in our “navatarangam” family may get hurt- so I would say we will leave the matter here- wat u say?
లోకొ భిన్న రుచి కదండీ…
వెంకట్
తెలుగుసినిమా మారాలనే మీతోనే నేనూ….కానీ ఓవర్నైట్ మార్పురాదని మనకితెలీని విషయంకాదు.పాపం బాణం సమిదగామారిపోయింది!ఈనాడు,బాణం లాటిసినిమాలని చుస్తేనే రేపు మనంకోరుకునే తెలుగు సినిమాని చూడగలం అని నా అభిప్రాయం.ఇక్కడోచిన్నవిషయం చెప్పలనివుంది “సర్ఫ్”అనే డిటర్జెంట్పౌడర్ ప్రవేశపెట్టినపుడు ఇదికూడా డిటర్జెంట్ సోప్లానే బట్టలుతుకుతుంది అంతకంటే తెలుపునిస్తుంది కాని ఓ అరగంట ముందునానబెట్టాలి,అని ప్రజలకి నేర్పడానికి(ప్రకటనలతో) చాలఖర్చు చేయాల్సివచ్చింది.అదే “ఏరియల్”ఇదికూడా డిటర్జెంట్పౌడరే ..అంటేసరిపోయింది.అలానే వాళ్ళకి నచ్చినవిషయాన్ని చూపెడుతూ కొంత క్రొత్తదనాన్నిచెప్పిందీసినిమా అని నా అభిప్రయం.ఇలా అందరికి నచ్చేలాగచెప్పడానికి మణిరత్నం తెలుగులో పుట్టలేదే……..!పాపం బాణం “సర్ఫ్” అయిపోయింది.
మీ అనాలజీ బాగుంది.
@ceenu: చాలా విలువైన పాయింట్ లేవనెత్తారు. బాణం సినిమాని విమర్శించడానికి ఎన్ని కారణాలున్నాయో ప్రయత్నాన్ని అభినందించడానికీ అన్నే ఉన్నాయి.
ఒక ఔత్సాహిక దర్శకుడిగా చూస్తే బాణంలో ఒక “ఆశ” కనిపిస్తుంది. కానీ ఒక ప్రేక్షకుడిగా చూస్తే నిరాశపరుస్తుంది. ఈ రెంటిలో ఏది తేల్చుకోవాలో తెలీని సంశయం నేను రాసిన సమీక్షలో వెలిబుచ్చాను.
http://navatarangam.com/2009/09/baanam_review/
పూర్తిగా చదివే ఓపిక లేదు. ఇది ఒక పనికిమాలిన విమర్శ అని మాత్రం రెండు లైన్లు చదవగానే అర్దం అయింది.
ఒక సినిమా లక్ష్యం ఏమిటో తెలిస్తే విమర్శించడానికి ఇంత టైమ్ వేస్ట్ చేసివారు కాదెమో.
@a2zdreams: ఏమిటి సినిమా ఉద్దేశం? మీకు తెలిస్తే చెప్పండి ప్లీజ్!
K మహేశ్ కుమార్,
ఒక్కో సినిమాకు ఒక్కొకటి వుంటుంది.
బాణం విషయానికి వస్తే దర్శకుడి మొదటి సినిమా ..
తాను నిలబడటంతో పాటు సమాజం ఎదుర్కొంటున్న పెద్ద సమస్యను ఎంత సిన్సియర్ గా చూపించే ప్రయత్నం చేసాడొ వదిలేసి .. పనికిమాలిన లాజిక్ లు మాట్లాడితే ఏమి చెప్పగలం ?
నాకు ఈ విషయంపై మీతో చర్చించేంత అవగాహన, అనుభవం, ఇంటరెస్ట్ ఎమీ లేదు.
ఈ అర్టికల్ ఒక సెన్సిటివ్ వ్యక్తే వ్రాసి వుంటాడని అనిపించి,
అటువంటి వ్యక్తి వ్రాయవలసినది కాదు అని అనిపించి,
నిరుత్సాహ పరిచే ఇటువంటి టైమ్ వెస్ట్ పనులు మానేస్తారని,
ఆశతో చిన్న కామెంట్ వేసా. చర్చకోసం కాదు.
అభినందించదగిన మంచి ప్రయత్నం. మీరు చూసి మీ స్వంత అభిప్రాయానికి రండి.
ఒక్కో సినిమాకు ఒక్కొకటి వుంటుంది.
బాణం విషయానికి వస్తే దర్శకుడి మొదటి సినిమా ..
తాను నిలబడటంతో పాటు సమాజం ఎదుర్కొంటున్న పెద్ద సమస్యను ఎంత సిన్సియర్ గా చూపించే ప్రయత్నం చేసాడొ వదిలేసి .. పనికిమాలిన లాజిక్ లు మాట్లాడితే ఏమి చెప్పగలం ?
నాకు ఈ విషయంపై మీతో చర్చించేంత అవగాహన, అనుభవం, ఇంటరెస్ట్ ఎమీ లేదు.
ఈ అర్టికల్ ఒక సెన్సిటివ్ వ్యక్తే వ్రాసి వుంటాడని అనిపించి,
అటువంటి వ్యక్తి వ్రాయవలసినది కాదు అని అనిపించి,
నిరుత్సాహ పరిచే ఇటువంటి టైమ్ వెస్ట్ పనులు మానేస్తారని,
ఆశతో చిన్న కామెంట్ వేసా. చర్చకోసం కాదు.
“మీ రైటర్స్ ను మీరు సపోర్ట్ చెయ్యడంలో మీ తప్పు కనిపించడం లేదు. thanks for accepting this article is not worth of post a comment. విమర్శ మీద విమర్శ accepet చెయ్యరని తెలిసి కూడా కామెంట్ చెయ్యడం నాదే తప్పు.”
నేనడిగిన ప్రశ్న మీకర్థం కాలేదా?
నేనేదో అడిగితే మీరేదో సమాధానం చెప్తున్నారు
నేనేమన్నానంటే…ఇంతకుముందు ఎప్పుడైనా నవతరంగం వచ్చిన దాదాపు వెయ్యి వ్యాసాల్లో ఒక్కదాన్నైనా బావుందని మీరెప్పుడైనా ఒక కామెంట్ చేశారా? అప్పుడేమైంది మీ ప్రోత్సాహం. మీరంటున్న సినిమాలు తీసేవాళ్ళకి లాగే ఇక్కడ కూడా కొంతమంది నిద్రాహారాలు మాని నవతరంగాన్ని నడిపిన రోజులున్నాయి. మాకూ ప్రోత్సాహ< అవసరమే….కానీ కేవలం ఇలా కొత్త సినిమా రివ్యూలపై మాత్రమే మీరు ఇక్కడికొచ్చి మాట్లాడం ఏమైనా బావుందా అని అడుగుతున్నా…మరో మాట…మా రైటర్స్ అంటూ ఇక్కడ ఎవ్వరూ లేరు….సినిమా గురించి ఏదైనా ఆసక్తికరమైన సమాచారం ఉంటే అందరితో షేర్ చేసుకోవాలనే తపన ఉన్న వాళ్ళు తప్ప
@నేనేదో అడిగితే మీరేదో సమాధానం చెప్తున్నారు
నేను ఈ అర్టికల్ పై నా అభిప్రాయం పోస్ట్ చేస్తే వేరే మంచి అర్టికల్ పై కామెంట్స్ ఎందుకు పోస్ట్ చెయ్యరు అని మీరు అడిగింది మీరు .. నేను చెప్పింది అర్దం కాక, మీరు చెప్పింది నాకు అర్దం కావడం లేదంటున్నారు ..
“బాణం సినిమా పనికిమాలిన సినిమా” అనే ప్రతి విమర్శ నాదృష్టిలో పనికిమాలిన విమర్శే.
yess…
have a nice time.
I am very very happy
atlast there ARE people existing here too ..who still use the words “HONESTY ” ” SINCERITY” attributing this film.
well , everyone do have their own defintions about good , bad and ugly.
but HONESTY cannot have different definitions.
and I just wrote , questioning the SO CALLED HONESTY based on THINGS WRITTEN/FILMED in the FILM itself.
If i do comment about someone’s acting or taking style , then it wud be my personal opinion.
But HONESTY is not my personal opinion it is a factual one.
and I am really happy to see people still trying to coverup hypocrisy in that name of honesty, bcos I cannot imagine complete honesty in people who brand themselves film lovers who barely know anything about it.
well..the other guys, who seemed HONEST to me , I am sorry , I am here today to post my essay about LEADER , but after a long thinking I opted to discard the mail , and for you guys , I will give it in a separate blog in a few days
@శూ: నిజాయితీ (Honesty) అనేది FACT(నిజం) కాదు. అదొక విలువ(value or virtue).
ఒక అబద్ధాన్ని మనం నిజమని నమ్మితే దాన్ని నిజాయితీగా చెప్పొచ్చు. అంటే ఇక్కడ ఉద్దేశం ముఖ్యంగానీ “నిజం”కాదు.
బాణం విషయంలో కొందరు ఇదే వాదనని వినిపిస్తున్నారు. ఇక్కడ లాజిక్ ఏమిటంటే, when the director had an opportunity to create the same junk many films are doing at this pint in time, he chose a “story to tell”. He may not have had intentions to deceive the audience. Because he “honestly” believed that this is the kind of film he wanted to make.
Shu, Mahesh is right. Honesty cannot be categorized into something absolute/pure. It is how one conceives/interprets things and based on which forms an opinion and considers it to be honest.
Coming to heated debate on this article, we should not forget that it is an individual perception that is described here. So no individual can claim that his/her opinion is THE only one and disrespect others opinions.
Often it is the taste of audience that matters while making movies; at the end of the day you want to sell your movie. There are audience who like mindless movies (the regular stuff) and also at the same time there are people who appreciate quality movies. Unfortunately the first kind of audience out number the other by a big margin.
Banam may be seen as a ray of hope in all the crap that is being churned out in Telugu movie industry. It may far from being perfect but it is an attempt towards it and we should appreciate the sheer intention of making a commercial movie with no regular commercial elements.
for me banam is killing any hope for happenning of true n honest movie srikanth..check my explanation in the comment for mahesh
bcos
“we should appreciate the sheer intention of making a commercial movie with no regular commercial elements.”
there ARE COMMERCIAL ELEMENTS..many in this film…only thing is he wrong estimated them
I agree 100% with the author of this post. This the usual repressed anguish that many like me share on the newly made Telugu movies.
This movie is equally different (DIFFERENT – most abused and misused word in Tollywood) and equally similar from the rest of the Telugu movies. You wanna kill 2 hours of your time – I suggest, this movie would be a better bet.
thanks Purnima…
u used right words…
DIFFERENT is most abused n misused word…and being a telugu film lover is becoming a shame …too….
thanks for the cool words
@Mahesh ,
Yes honestly is not Fact.. and a Virtue, but, what do you mean by saying this particular film is HONEST ??
thats WAS the ONLY POINT I SERIOUSLY DEFERRED WITH IN THE WHOLE ARTICLE…and I SPECIFICALLY MENTIONED I AM WRITING THIS IN DISGUST TO THE MEDIA’s BIASED WRITING ABOUT a HONEST n REAL FILM
if saying what one wants is just the honest, why is not some RAJAMOULI or Shankar’s film considered honest ??
because they show highend Graphics or huge sets??
expressing a story that way IS NOT HONEST then ?
chandamama katha HONEST kaadu , ART cinema maatramE honest ani enduku anTunnaru ??
it has become a fashion , if someone touches a lil bit of social awareness , add some socialist themes.. thats called honest ?
showing the navel of an actress is not honesty ,if thats what truly the filmmaker feel ?
I have seen shootings , for one stupid shot like , a grape falling in to heroine’s navel and she gives expressions as if receiving an Orgasm…one has to place camera and arrange proper lighting and time the shot and synch it with music.. EVERYTHING IS HARD WORK..not just putting che guevera and bhagat singh photos on background ..everything IS HARD WORK only and everything is a SINCERE EFFORT only.
if the socalled commercial directors, think how to show a soft porn in song , thats their HONESTY in projecting sex
So if we talk about this being an honest film ,just for virtue of it ,then it is no different from any other film . Even the sickest shots n scenes in films are conceived and executed only when THE MAKERS involved in it ..
Recently I saw a stupid movie JOSH…and i felt…it is also a honest attempt…film might be bad, but thats how they wanted to make it and thats how it turned out…
most of the socalled nonsense movies are made in same way (if not every movie)
how come ARUNDHATI n MAGADHEERA is not HONEST and only BANAM is HONEST ?????
just tell me that…..
if everything else is honest this cannot be any different…apart from themes..
@su: ఈ సినిమాని ప్రమోట్ చెయ్యడమే “An Honest Film” అంటూ చేశారు. కాబట్టి ఇదేదో బాగుందని సమీక్షకులూ తమతమ సమీక్షల్లో ఆపదం వాడేసుంటారు. ఆ సమీక్షకుల సమీక్షలతో విబేధించొచ్చు, వాళ్ళు లోపాయకారి ఉద్దేశంతో ఇలాంటి మీడియోకర్ సినిమాను ప్రమోట్ చేశారని మీరు ఆపాదించొచ్చు. సినిమా చూసి నిరాశపడిన ప్రేక్షకుడిగా అది మీ హక్కు.
I have absolutely no issues with what you wrote. All I am saying is there is an alternate opinion that exists in support of “honest” film myth. They have their reasons for holding that opinion.Some of the reasons are already shared on NT.
Coming to రాజమౌళి and శంకర్…”వెధవతనంలో సిన్సియారిటీ” ఉన్న దర్శకుల్లో ప్రముఖులు వీరు. I might have issues with their films,but still I enjoy some films of theirs.
ఆర్ట్ సినిమా కమర్షియల్ సినిమా అనేవి నా comprehension కు అర్థంకాని విషయాలు. All I know is(what I think is) a good films and bad film.
Su, claps!!
and mahesh about this
“an opportunity to create the same junk many films are doing at this pint in time, he chose a “story to tell”.”
in films…its not JUST WHAT IT TELLS but also HOW IT TELLS
if its just about one theme or story..one can always read a book or essay about it..why film then ??
and thats where I highly object this film…
a story of such seriousness and intensity MUST be FLAWLESS…
if one makes the story of one girl n boy making out n parents catching n beating them …he can make it in 1000ways…no harm
but when someone is touching delicate elements like society/social awareness and individual responsibility…..film MUST try to make it believable and do characterisation properly..
thats what totally absent in the movie
there is a film KAKHA kAKHA aka Ghashana in telugu…in wt way this film is different in it where police erases unscrupulous elements taking law in to hands??
infact the gud old ANKUSAM where the “teethy” Rajasekhar grabds baldu ramireddy on to charminar streets n kicks is much more well made (screenplay n charcter arc wise)
and about commercial elements….. last fight is not commercial ????
he chose not to put graphic / wired stunts ….may be bcos he dint like them…if u notice..mostly RGV also never uses it even in his faltooest movies…
cycle chain pulling….commercial element kaadA???
tooo much….. i remember RGV himself admitting in a recent interview on tv that ” how can anyone pull a cycle chain ? its almost impossible.. i jus tadded it to make ppl go gala for my hero ”
and this director copies that fight after some 15+yrs …and we are clapping this film “REALISM ”
what a shame…
I think these filmmakers are right..we all seem to have NO BRAIN and we are being made complete retards!!! we never see truth bcos we forgot wt it is
Su – claps again!! You Rock!