ఇక తెలుగు సినిమ పరిశ్రమకు మంచి రోజులు మొదలయ్యాయి.
టీ. సీ. సీ. పి . యస్ . ప్రధాన కార్యదర్శి నట్టికుమార్

(ఎందుకో … ? ఎందుకంటే … ‘తెలుగు చలన చిత్ర పరిరక్షణ సమితి ‘ ఏర్పడ్డది కాబట్టి.)

“ఇక్కడ ఎవరి స్వార్ధం వారిది ..అవసరాలు తీరగానే.. స్నేహాలు కూడ మాయమవుతాయి. ఇక్కడ నిజమైన .. స్వచ్చమైన మనుషులు లేరు . స్నేహాలు లేవు అంతా అవసరం మాత్రమే” అని ఈ మధ్య ప్రముఖ బాలి వుడ్ డైరక్టర్ అన్నట్లు పత్రికలలో చదివిన …రెండోరోజే… ‘తెలుగు చలన చిత్ర పరిరక్షణ సమితి ఆధ్వర్యం లో విడుదల చేసిన మొట్టమొదటి చిత్రం , ఒక యువ నిర్మాత ,యువ దర్శకుడు తీసిన మొదటి చిత్రం Rs. 999/ మాత్రమే ..

చిన్న చిత్రం ప్రింట్లు బయటకు వెళ్ళే సమయం లో లో దాదాపు 30 మంది నిర్మాతలు మనస్ఫూర్థిగా … వచ్చి ఆ కొత్త నిర్మాత నవీన్ ను అభినందించారు ఇలాంటి సంఘటన …ఇంత చక్కటి ప్రోత్సహం ఇప్పటి వరకు ఎక్కడైన జరిగిందా”…అని ప్రముఖ నిర్మాత ,తెలుగు చలన చిత్ర పరిరక్షణ సమితి కార్యదర్శి నట్టి కుమార్ గారు అన్నప్పుడు చాల సంతోషంగా అనిపించింది. It happens only in Andhra!

ఈ సందర్భంగా నట్టి కుమాత్ గారితో ఒక ముఖాముఖి

ఈ సమితి ఏర్పాటుకు ముఖ్య కారణం ?

ఫిల్మ్ చాంబర్ .దాని పని తీరు .అందరికి తెలుసు ప్రముఖ నిర్మాతలుగా, దర్శకులుగా ఫిల్మ్ చాంబర్ పెద్దలు గా చేలామణి అయ్యె కొంతమంది పెద్దలు చిన్న చిత్రాల నిర్మాతలకు ఏటువంటి సహాయ సహకారాలు అందించకుండా.. చాంబర్ ని తమ స్వంత లాభాలకోసం వాడుకుంటూ..చిన్న నిర్మాతలకు దర్శకులకు మిగితా విభాగాల వారికి అన్యాయం చెయ్యడం. వారి వారి లాభాలు చూసుకోవడం ,పెద్ద వారికి మాత్రమే సహకరించడం.. చిన్న నిర్మాతలను ఎవరు సరిగా సహాయ సహకారాలు అందించకపోవడం తో…చిన్న నిర్మాతల శ్రేయస్సు కోసం దీనిని స్థాపించాము

పరిశ్రమలో ఇలాంటి పరిస్థితి ఎందుకొస్తుంది?

ఎందుకంటే అందరికి తెలిసిన విషయమే .. కొంతమంది పెద్ద నిర్మాతలనిపేరున్న వారు .. ఒక్క సినిమా హిట్ చేసి రెండో సినిమాకు కోట్ల రెమ్యునరేషన్ డిమాండ్ చేసే కొంతమంది దర్శకులు కారణం . మీ అందరికి తెలుసు గిన్నిస్ బుక్ లో ఎక్కి మన తెలుగు సత్తా చాటిన ప్రముఖ దర్శకులు దాసరి నారాయణ రావు గారు ఒకప్పుడు వరుసగా పది సీనిమాలు హిట్ ఇచ్చినప్పుడు కూడ తన రెమ్యునరేషన్ పెంచలేదు . అలాగే అప్పటి కొంతమంది ప్రముఖ దర్శకులు కూడ పరిశ్రమ బాగుండాలి తామే కాకుండా అందరూ బాగుండాలని కోరుకున్నారు కాని ఇవ్వాళ పరిస్థితి అలా లేదు అందుకే..
త్వరలోనే ప్రెస్స్ మీట్ పెట్టి ఫిల్మ్ చాంబర్ పెద్దల భాగోతాలను , అక్కడ జరుగుతున్న మోసాలను కుంభకోణాలను బయటపెట్టబోతున్నాం. ఏది చేసిన చిన్న నిర్మాత కూడ బతకాలి .అనేదె మా లక్ష్యం

ఈ ‘సమితి’ ఆలోచన ఎలా వచ్చింది ?

ఎవరమ్మాయి పెళ్ళయినా కాని ….పెళ్ళిపందిరిలో పెళ్ళిపీటల పై ఆగవద్దని కోరుకున్నట్లే…
అంతా సిధ్ధమైన ఏ సినిమా అయిన ,ఎవరి సినిమా అయిన లాబుల్లో ఆగిపోవద్దని .
ఎప్పటి నుంచో ..ఈ విషయాల పైన దాసరి నారాయణ రావు గారు బాగ స్పందిన్స్తున్నారు …,అలాగే అప్పుడు మరికొంతమంది దర్శకులు కూడ అంతా బాగుండాలి , పరిశ్రమ లో అంతా బతకాలి అని ఉండేవారు . ఇప్పుడు చూసుకుంటే సంవత్సరానికి దాదాపు 300 పైన సినిమాలకు ప్రాంభోత్సవాలు చేస్తున్నారు . కొన్ని షూటింగ్ దశలోనే ఆగి పోతున్నాయి…చివరకు అన్ని కార్యక్రమాలు పూర్తి చేసుకోని బాక్స్ లు బయటకరాలేక ఎన్నో రక రకాల కారణాల వలన విడుదల కు నోచుకోనివి దాదాపు 180 కి పైగా సినిమాలు ప్రస్తుతం ఆగిపోయి ఉన్నాయి .అంటే వందల కోట్ల రూపాయలు అలా నష్టపోబోతున్నారు నిర్మాతలు అని అర్ధం ఇలా లాబుల్లో చిన్న సినిమాలు బాగ నిలిచిపోతుండటం తో… ఇలా అన్యాయంగా , అమాయకంగా మరే నిర్మాత నష్టపోవద్దని , నేను , సాగర్ గారు , శ్రీనివాసరావు గారు చిన్న నిర్మాతల శ్రేయస్సుకోసం ఎవరో ఒకరు ఏదో ఒకటి చెయ్యలని అనుకోని ప్రారంభించాము .
సినిమా ఆగిపోతే ఒక నిర్మాతకే నష్టం అనుకుంటారు కాని ఒక సినిమా ఆగిపోతే అనేక మంది రోడ్డున పడేపరిస్థితి వస్తుంది దాని వలన అన్నీ రోటేషన్ అవుతాయి .సినిమా ల పై న ఆధార పడి బతికే ఎంతో మంది కి మరి కొన్ని రొజులు ఉపాధి దొరుకుతుంది పరిశ్రమ పచ్చగా ఉంటుంది.

సమితి లక్ష్యాలు?

చిన్న సినిమా బతకాలన్నదే మా ధ్యేయం . కష్టపడి తీసిన సినిమా ప్రెక్షకులకు చేరాలి .పర్సంటేజి విధానం లోనే సినిమా ని ప్రదర్శించాలి.ఇప్పుడు ఎవరు ఏ నిర్మాత ఇక్కడ ఒంటరి వాడు కాకూడదు . ఇప్పుడు ఎక్కడ ఏ లాబు లో సినిమా డబ్బాలు మూలన పడి ఉండకూడదు . ప్రతి సినిమా విడుదల అయ్యి తెలుగు చలన చిత్ర పరిశ్రమ మంచిగా ఉండాలి . ఈ రోజు ఆపదలో ఉన్న ఒక చిన్న నిర్మాతకు అండగ వందమంది నిర్మాతలు తోడు ఉండాలన్నదే…ప్రధాన ఆశయం

చిన్న సినిమా విడుదల చేసే టప్పుడు జాగ్రత్తలు ?

పదిరోజుల ముందె పబ్లిసిటీ అన్ని ప్రాంతాలకు వెళ్ళాలి

ఈ సేవలన్ని ఉచితమేనా… ?లేకా…

సాటి నిర్మాత కు సేవ చెయ్యడం కోసం అందరం కలిసి ప్రారంభించాము కాని ఇక్కడ కూడ నిర్మాతలనుండి ఏదో ఒక రకం ఫీసు గా డబ్బు లాక్కోవాలని ఏటువంటి దురాశ లేదు .నమ్మండి ఇక్కడ ఏటువంటి సర్వీసు చార్జి కాని కమీషన్ కాని ఏ రూపం లో కూడ వసూలు చెయ్యడం లేదు .ఇక్కడ మీకో విషయం చెప్పాలి కేవలం చిన్న నిర్మాత , దర్శకుడు , నటీనటులకే కాకుండ మిగితా ఎన్నో విభాగాల వారి చిరు జీవితాలు కొద్దిగైన బాగుపడుతాయని మా నమ్మకం.అన్ని సినిమాలు బాగుండక పోవచ్చు కాని కొన్ని ఐనా మంచి చిత్రాలు బయటకు వస్తాయి కదా..అలా వారు మళ్ళీ కొత్త చిత్రాలు తీసే అవకాశం మరి కొంతమంది ప్రతిభావంతమైన కళాకారులు పరిశ్రమకు దొరక వచ్చుకదా

ఎవరేవరు సభ్యులు గా ఉండొచ్చు….

మా ఈ సమితి లో కేవలం చిన్న నిర్మాతలే సభ్యులు కాదు మిగితా అన్ని శాఖల కళాకారులు ఇందులో ఉన్నారు

ఇప్పటి వరకు ఎన్ని సినిమాలు విడుదల కోసం మీ వద్దకు వచ్చాయి?

ఇప్పటి వరకు 40 సినిమాల విదుదల కోరుతు అప్లికేషన్లు వచ్చాయి .మేము ఒక కమిటి ని నియమించాము . ఆ కమిటి వరుసగా ఎన్నిక చేసిన అన్నీ సినిమాలను విడుదల చెస్తుంది.

సినిమా పూర్తయిన తరువాతె మిమ్మల్ని సంప్రదించాలా?

అలా ఎం లేదు కొత్త నిర్మాతలు కూడ వచ్చి మా సలహాలు తీసుకోవచ్చు .సినిమా ను నమ్మి నమ్మకంగా వ్యవహరించి తమతో పాటు మరి కొంతమందికి బ్రతికే స్వెచ్చను ఇచ్చే ఏ నిర్మాత వచ్చిన మేము స్వాగతిస్తాం .కొత్త నిర్మాతలకు మా సమితి బడ్జెట్ , మార్కెటింగ్ తదితర విషయాల పైన ముందె ఒక అవగాహన కల్పిస్తాము. కాబట్టి అందరికి ఇదే మా హృదయపూర్వక స్వాగతం.

సంప్రదించండి
నట్టికుమార్
9959488877

*** *** ***
‘తెలుగు చలన చిత్ర పరిరక్షణ సమితి ‘

అధ్యక్షులు ; చదలవాడ శ్రీనివాస రావు
కార్య దర్శి ; నట్టికుమార్
సెక్రటరి : రమేష్ N , సంగిశెట్టి దశరధ్
జాయింట్ సెక్రటరి : సాయి వెంకట్ ఆర్ కె
క్యాషియర్ : ఎస్ .వి .రావ్

(నవతరంగం కోసం ఇంటర్వ్యూ లో నాకు సహక రించిన సాధిక్ నవాబ్ అలి కి షుక్రియ. )