శశాంక్ (అక్షయ్ ఆనంద్) : “పక్షి లాగా ఆకాశం లో ఎగిరిపోవాలి, ప్రపంచాన్ని చుట్టిరావాలి. ఆనందాల్ని అనుభవించాలి”
సూర్య (రమేష్ అర్వింద్): మహావృక్షంలా వేళ్ళూనుకుని ఆకాశాన్ని అంటేలా ఎదగాలి. వేర్లు బలంగా నేలలో ఉంటూనే ఆకాశాన్ని ఏలాలి. పక్షిలాగా ఎంత ఎగిరినా ఏం లాభం ఎప్పుడో ఒకప్పుడు నేలని చేరాల్సిందే. కానీ వృక్షమైతే నింగికీ,నేలకూ,నీడనిచ్చే ప్రజకూ అందరికీ ఉపయోగం.”
భూమిక (హేమ) : “ఏమిటో బాబూ! మీ ఇద్దరి మాటలూ ఎప్పటికప్పుడు సరైనవే అనిపిస్తాయి. ఇద్దరూ నాకు ముఖ్యమే. ఇద్దరి ఆలోచనలూ నాకు అవసరమే.”
శశాంక్ అంటే చంద్రుడు. సూర్య సూర్యుడికి ప్రతీక. భూమిక ఈ ఇద్దర్నీ సమానంగా ప్రేమించే భూమి. ఇవి “అమెరికా! అమెరికా!!” అనే కన్నడ చిత్రంలోని పాత్రలు. ఈ ముగ్గురు స్నేహితుల స్నేహం మధ్యా ప్రేమ-పెళ్ళి-అమెరికా అనే గ్రహణాలు పడితే ఎలా ఉంటుందనేదే ఈ చిత్ర కథ.
1996 లో వచ్చిన ఈ చిత్రాన్ని రచించి దర్శకత్వం వహించింది నాగత్తిహళ్ళి చంద్రశేఖర్ అనే నవలా రచయిత. అప్పుడప్పుడే కర్ణాటకలో అమెరికా ఆశలు కళ్ళలో నింపుకుని విమానమెక్కే సాఫ్ట్ వేర్ జనాల ఉధృతి పెరిగింది. బ్రెయి డ్రెయిన్ అనే ఆలోచనల్ని పడికట్టుపదాలుగా out dated ideology గా మార్కెట్ ఎకానమీ ప్రాచుర్యంలోకి తీసుకొచ్చింది. అమెరికాకోసం పనిచేసి డాలర్లు సంపాదించడం భారతదేశానికి మంచిదనే బలమైన నమ్మకాలు ఏర్పడటం మొదలయ్యాయి. ఈ నేపధ్యంలో ఈ పరిణామం యొక్క భవిష్యత్ దర్శనం చేసి, ఏవిధంగా మనం rootlessness దిశగా, emotional deprivation in an alien land దిశగా అడుగులు వేస్తున్నామేమో అనే విషయాన్ని ఒక ప్రేమకథ ద్వారా చెప్పిన చిత్రం ఇది. It was a film way ahead of its time. But still a crowd puller at the time of its release. ఈ రోజు మనం ఆ సినిమా చూస్తే భవిష్యత్తుని ఎంత బాగా రచయిత,దర్శకుడు ఊగించాడా అనిపిస్తుంది.
70 శాతంపైగా అమెరికాలో చిత్రీకరించబడిన ఈ సినిమాలోని మిగతా భాగం కేరళ అందాల్ని తలదన్నే కర్ణాటకలోని ఉడిపి,చిక్ మంగుళూరులో చిత్రీకరించారు. సూర్యగా రమేష్ అర్వింద్ నటన మరుపురానిది. ఈ నటుడి నటనని కమలహాసన్ నటనతో పోలుస్తారు. కమల హాసన్ కూడా అర్వింద్ నటనని అభిమానిస్తాడు. శశాంక్ గా అక్షయ్ ఆనంద్ అనే ఉత్తరాది నటుడు పాత్రోచితంగా నటించాడు. భూమికగా హేమకు ఇది మొదటి,ఆఖరి చిత్రం. కానీ ప్రతిభ మాత్రం అమోఘం. మనో మూర్తి సంగీతం చిత్రానికి మరో హైలైట్. ముఖ్యంగా “ఏ లోకపు మోహన మురళి విని దూరతీరాలకు తరలిపోతున్నావో” అనే దరా బేంద్రె భావగీతాన్ని చిత్రంలో వాడిన తీరు హృద్యంగా ఉంటుంది. అప్పుడూ ఇప్పుడూ ఖచ్చితంగా అందరూ చూడావలసిన చిత్రం.
ఈ సినిమా ఇప్పుడు DVD రూపంలో విరివిగా దొరుకుతోంది కాబట్టి ఇంకా చెప్పుకోవడంకన్నా సినిమా చూసెయ్యడం బెటర్. బెంగుళూరులో ఉన్నవాళ్ళు మిగతావాళ్ళకు సహాయపడాలి. హైదరాబాద్ లో నేనెలాగూ ఉన్నాను. ప్రవాస భారతీయుల్లో ముఖ్యంగా కన్నడ కుటుంబాలలో ఈ చిత్రం ఖచ్చితంగా లభ్యమవుతుంది. మరెందుకాలస్యం… కానివ్వండి!
.
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
రవి says:
నేను నవతరంగం కు వ్యాసాలు రాయలేదు. చాన్నాళ్ళుగా రాద్దామనుకున్నది ఈ సినిమా ఒక్కదాని గురించి. అదిప్పుడు మీరు రాసేశారు. ఈ సినిమా నేను రిలీజ్ అయినప్పుడు 4 సార్లు చూశాను. టైటిల్స్ పడేప్పుడే దర్శకుడి ప్రతిభ కనిపిస్తుంది.
మీరు చెప్పినట్టు, హేమ మొదటి, ఆఖరు చిత్రం ఇదొక్కటే కాదు. ఆవిడ మరికొన్ని సినిమాల్లో నటించింది. ఆ సినిమా సంగీత దర్శకుడు మనో మూర్తి ఓ సాఫ్ట్వేర్ ఇంజినీరు అమెరికాలో.
ఇంకో విషయం చెప్పమన్నారా? ఈ సినిమా డీవీడీ ఇక్కడ బెంగళూరులో దొరకట్లేదు!!
కె.మహేష్ కుమార్ says:
@రవి: నేను రాశానని మీరు రాయకపోవడం చెయ్యకండి. నవతరంగంలో ఎన్నిసార్లైనా ఒక సినిమా గురించి రాయొచ్చు. మీ రాసే విధానం నా విధానం ఖచ్చితంగా వేరుగా ఉంటాయి.కాబట్టి రాసెయ్యండి. మంచి సినిమా గురించి ఎన్నైనా చెప్పుకోవచ్చు.
హేమ ఇంకా నటించిందా! బ్బాబ్బాబూ సినిమాపేర్లు చెప్పి పుణ్యంగట్టుకోండి. ఆ ఒక్క సినిమాతో నేను ఆ అమ్మాయి ఫ్యాన్ అయిపోయాను. వెతికి మరీ మిగతా సినిమాలు చూసేస్తాను.
DVD బెంగుళూరులో దొరకడం లేదా…ఇదేమి ఖర్మం.
మేడేపల్లి శేషు says:
‘అమెరికా, అమెరికా’ గురించి మంచి పరిచయం మహేష్ గారూ. బెంగుళూరులో మా బంధువుల అమ్మాయి ఉంది. ఈ డివిడి తెప్పిస్తాను (నా కన్నడ సినిమాల లిస్టులో ఇంకా కొన్ని కూడా ఉన్నాయనుకోండి). నేను కూడా ఆగస్టులో బెంగుళూరు, మైసూరు వెళ్ళేటట్టుగా ఉంది. ఆ విజిట్ ని సద్వినియోగం చేసుకోవాలి.
Venkata Ganesh. Veerubhotla says:
Good introduction. As you Know, Mano Murthy is a Cisco Employee.
deepasikha says:
ee cinima teluguloki dub ayyindi.peru “toorpu padamara”.dvd/cd telugulo kudaa dorakaledu