మే 1 – కార్మికుల దినోత్సవం సందర్భంగా నాతో పాటు మా స్నేహితులందరికి ఆఫీసులకి శెలవు కారణంగా, అంతా కలిసి ‘ మిత్రుడు ‘ సినిమాకి వెళ్ళాము.ఉదయం ఆట 10:30 కి అని ప్రకటించటంతో ముందుగానే అక్కడికి చేరిన మాకు షో 11 గంటలకి అనిచెప్పటంతో కొంత నిరాశ ఎదురయినా ఆ కాస్త సమయంలో మరికొందరు స్నేహితులు హాలుకి రావటంతో కొంత తృప్తిచెందాం.ఇక సినిమాలోకి వస్తే ‘ మిత్రుడు ‘ అందరికి ఎక్కడ శత్రువు అవుతాడో అన్నభయంతో ఉన్న నాకు కొంత ఊరట కలిగించిందనే చెప్పాలి. ఒక్క మాటలో : కధ కొత్తగా లేకపోయినా కధనంలో మలుపులు, కధానాయక వలపులు, హాస్యంలో చెణుకులు, మలేషియా మెరుపులూ, బాలయ్య నెమ్మదయిన అరుపులూ మొత్తానికి మనకి ‘ మిత్రుడు ‘ అయ్యాయి.
ఈమద్య కొత్తగా పరిచయమవుతున్న అందరి దర్శకులమాదిరిగా ‘ మహాదేవ్ ‘ కూడా కధకన్నా కధనానికే పెద్దపీట వేశారనిపించింది.ఒక్కమాటలో చెప్పాలంటే దర్శకుడిగా మొదటి అవకాశమే బాలయ్యవంటి పెద్దహేరోతో వచ్చినా కూడా కధ కధనాలపైననే అసక్తి కనబరిచారనిపించింది. ఎందుకంటే బాలయ్య బ్రాండు సినిమాలలో కనిపించే పదునైనా, పొడుగైన సంభాషణలూ ఈ సినిమాలో కనపడలేదు. ముఖ్యంగా చెప్పాలంటే ఎండాకాలం తర్వాత వర్షాకాలం కోసం ఎదురుచుసే ఆశాజీవుల్లా, బాలయ్య అసాధ్యమైన (తొడ కొడితే ట్రైను వెన్నక్కి వెళ్ళిపోయే) సన్నివేశాలకై ఎదురుచూసే అసామన్య ప్రేక్షకులకు కొంత గొడ్డలిపెట్టు ఈ ‘ మిత్రుడు ‘. ఎందుకంటే ఇందులో అటువంటి అసందర్బ, అసాద్యమైన సన్నివేసాలు ఎమీ లేవు కాబట్టి.
ఈ సినిమా బాలయ్య కాకుండా ఏ కధానాయకుడు చేసినా సామాన్య ప్రెక్షకుడు ఒకేలా రంజింపబడతాడు. బాలయ్య, ఆదిత్యా అనే పాత్రకి నూటికి నూరు శాతం న్యాయం చేశారు గాని, ఆ పాత్ర బాలయ్యకి పిసరంతైనా న్యాయం చెయలేదు అనిచెప్పొచ్చు.
కధ ప్రధమాంకం అంతా మలేషియాలో సాగుతుంది. కేవలం మలేషియా అందాలని చుపించాలనే అలోచనలేకుండా కధానుగుణంగా మాత్రమే ముఖ్య సన్నివేశాలు అక్కడ చిత్రీకరించారనిపించింది.బాలయ్య పదునయిన సంభాషణలకే కాదు, కేవలం హావాభావలతో కూడి తక్కువ మాటలు గలిగిన అభినయం కూడా ప్రేక్షకులని మెప్పిస్తుంది. ప్రియమణి తన ప్రేమించిన వాడిని పెళ్ళిచేసుకుంటే తన జాతకరిత్యా అతనికి మృత్యుగండమున్నదని తెలియడంతో మృత్యుగండమున్న బాలయ్య(ఆదిత్య)ని పెళ్ళిచేసుకోవాలని ప్రయత్నించి విజయంసాదిస్తుంది. కాని తను నిజానికి ప్రేమించిన వాడు మంచివాడు కాదని, తన తండ్రి నిశ్చయించిన వరుడు బాలయ్యే అని తెలియడంతో ప్రియమణి ఇంకా తండ్రి రంగ నాధ్ అనందిస్తారు. ఇకపోతే రంగనాధ్ కి సంఘంలో ఉన్న మంచి పేరు ప్రతిష్టని చూసి ప్రియమణిని తన కోడలు చేసుకోవాలని అశించే విలన్ పాత్రలో ప్రదీప్ రావత్ బాగానే నటించారు. అదేవిందంగా కధలో మలుపులలో భాగంగా నమ్మకంగా రంగనాధ్ పక్కనే ఉండే సెక్రెటరీ పాత్రలో చంద్ర మోహన్ అలాగే చంద్ర మోహన్ కొడుకుగా ప్రియమణిని మోసగించి ప్రేమించే పాత్రలో దీపక్ నటన కూడా బాగుంది.
ద్వితియార్దంలో వచ్హే చాలా పాత్రలు కొద్ది క్షణాలే కనపడినా కూడా “ఆకాశం నుంచి …” అనే పాటలో బాగానే అలరించారు.ఆదిత్య పాత్రకి తాతయ్య గా బాలయ్య(పాత నటుడు), మిగిలిన బందువుల పాత్రలలో సన,ఆహుతి ప్రసాద్,సురేఖ,చలపతి రావు, శ్రీనివాశ్ రెడ్డి తదితరులు కేవలం గతం సన్నివేశాలలోనే కనపడతారు. ముఖ్యంగా చెప్పాలంటే కృష్ణ భగవాన్ మరియూ బ్రహ్మానంధం కామెడీ సన్నివేశాలు బాగున్నాయి. పాటలు అన్నీ బాగున్నాయి.మణి శర్మ అందించిన సంగీతం కూడా సినిమా విజయానికి దోహదం చేస్తుంది.ప్రియమణికి స్నేహితురాలిగా తమిళ అమ్మాయిగా ముద్దు ముద్దు గా తమిళం తెలుగు కలిపి మాట్లాడుతూ తక్కాలీ(తమిళంలో టమోటా అంట!) పాత్రలో శ్రీలత బాగ నవ్వించింది.
సినిమా ఇంకా బాగుండాలంటే : బాలయ్య కేశాలంకరణ, దుస్తులు ఇంకా మెరుగుపరిచుంటే బాగుండేది.
కొస మెరుపు: సినిమా కి ‘ మిత్రుడు ‘ అన్న పేరు ఏవిధంగా పెట్టారో మాకెవరికీ అర్ధంకాలేదు !బాలయ్య దరించే కడియం అతన్ని కాపాడటం మాత్రం కొంచెం కామెడీనే.
సూచన : ఎన్నికలు వేడి తగింది కాబట్టి ఎండల వేడి తట్టుకోవటానికి ఇంకా వేసవి సెలవల్ని అస్వాదించటానికైనా ఒక్కసారి ‘ మిత్రుడు ‘ సినిమా చూడొచ్చు .
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
కన్ఫ్యూజింగ్ రివ్యూస్ ! « a2z డ్రీమ్స్ says:
[...] రివ్యూస్ ! http://navatarangam.com/2009/05/mitrudu-telugu-review/ http://navatarangam.com/2009/05/mitrudu-review/ ఈరోజు బాలయ్య బాబు “మిత్రుడు” [...]
krishna says:
నేను మొట్టమొదట సినిమా చూడగానే చేసిన పని ఈ సినిమాపై నా అభిప్రాయం రాయటం, కాని అది ఇంత చర్చ చేయిస్తుందని ఊహించనేలేదు . నవతరంగం సైటు ప్రత్యేకత తెలిసే నేను నా అభిప్రాయాన్ని కేవలం నా బ్లాగులోనే కాకుండా ఇక్కడ ప్రచురించమని అడిగా. నా అభిప్రాయానికి విలువనిచ్చి ఇక్కడ ప్రచురించినందుకు నవతరంగం వారికి నా హ్రుదయపూర్వక క్రుతజ్ఞతలు.
ఇకపోతే ఒక సినిమా చూసిన తర్వత ఒక్కో ప్రేక్షకుడికి ఒక్కో అభిప్రాయం మిగులుతుంది. అది కేవలం వాళ్ళ వ్యక్తిగత అభిప్రాయమే తప్ప ఇతరులని ఉద్దరించాలనే ఉద్దేశ్యం ఏమాత్రం కాదు అని నేను నమ్ముతాను.
ఇంతకు ముందు ఎన్నో అసాద్యమైన సినిమాలలో నటించిన బాలయ్య ఇలాంటి ఒక సామాన్యమైన సినిమాలో నటించటం నాకు కొంత ఊరట కలిగించింది అదే భావాన్ని ఇక్కడ కూడా చెప్పాను,
కానీ బాలయ్యనుండీ మళ్ళీ అలాంటి సినిమానే ఆశించి వెల్లకిలా పడ్డ ప్రేక్షకుడి అభిప్రాయం ఖచ్హితంగా ఇంకోలా ఉంటుందనేది జగమెరిగిన సత్యమే.ఇక పోతే నవతరంగంలో నా వ్యాసం ఉండాలనేనే తపనతో రాసిన నేను ‘ మిత్రుడు ‘ కాకుండా ఏ పాత బాలయ్య సినిమాకైనా(పలనాటి బ్రహ్మ నాయుడు) రాసుండాల్సింది.ఎందుకంటే అలాంటి సినిమాకి నా సమీక్ష అయినా వాల్ల ఆలోచనలమాదిరే ఉంటుంది కనుక. ఎంచేయను వాస్తవాలకి విలువలు లేనప్పుడు అవాస్తవాలకి దగ్గర అవ్వలేము కదా ??
ఎదమయినా సరే ఇల్లాంటి విషయమై ఒక సదుద్దెశ్యంతో సైటు నడుపుతున్న నవతరంగం యాజమన్యాన్ని ఈ విషయమై యాకంగా వాల్ల విలువలనీ లేదా (Vision and mission) ధర్మాలని మార్చుకోమనటం నిజం గా సిగ్గు చేటు. నవతరంగం వంటి సైటు ఉండటం నిజంగా మన అద్రుష్టం అని భావించే వాల్లు, అది బిన్నాభిప్రాయలుండేది గా గుర్తిస్తే సరిపోతుంది.
K మహేశ్ కుమార్ says:
@కృష్ణ: మీ అభిప్రాయంతో అంగీకరించకపోయినా దాన్ని గౌరవించే సాంప్రదాయం నవతరంగానిది. అప్పుడప్పుడూ కొన్ని చర్చలు జరుగుతాయి. వాదోపవాదాలు జరుగుతాయి. అంత మాత్రానా, భావస్వేఛ్చకు సమాధి కట్టే ఏ నిర్ణయం ఇక్కడ తీసుకోబడదనే ఆశిస్తాను.
మీ మొదటి వ్యాసానికి నా అభినందనలు.
భాస్కర్ రామరాజు says:
కృష్ణ గారూ – ఇక్కడ సమస్య మీరు బాగుంది అన్నారు అనికానీ లేక బాగలేదు అన్నారని కానీ కాదు. ఇంకో ముఖ్య విషయం నేను బాలకృష్ణ సినిమాలు, సినిమా హాలుకెళ్ళి చూసింది కేవలం నాలుగు. మీకర్ధమయ్యే ఉంటుంది నా దృష్టిలో బాలకృష్ణకి ఉన్న కార్నర్.
ఇక్కడ సమస్య ఒకేవేదికపై రెండు భిన్న ధృకపాదాలు ఒకేరోజున నెక్స్ట్ టు నెక్స్ట్ పోస్టుల్లో.
>>ఈ విషయమై యాకంగా వాల్ల విలువలనీ లేదా (Vision and mission) ధర్మాలని మార్చుకోమనటం నిజం గా సిగ్గు చేటు.
ఎవరికి సిగ్గుచేటు? కొంచెం వివరిస్తారా?
వెల్!! లీవ్ ఇట్. వదిలేయండి.
chaitanya says:
నేను, నా పేరు చైతన్య , నవతరంగం వెబ్ సైట్ మొత్తం ఇవాలె చూసాను మరియు చదివాను. నాకు అర్దమయింది ఎందుకు ఇండియా ఇంకా ఇక్కడే ఉంది అని.. ఒక తప్పు గురించి వంద మంది మట్లాడతారు.. వంద మంచి పనులను గురించి ఒక్కడు మట్లాడతాడు. ఎందుకు అంటె ఈ వెబ్ సైటే చూసిన ప్రతి ఒక్కరు ఎదొ ఒక తప్పు గురించి చెప్పడం చూసాను.. మీకు నచ్చిన విషయం ఒకిటి కూడ లెదా ? సినెమాలు మారడం కాదు మీరు మారండి మీతొ కూడ సినెమాలు మారుతాయి.. సినెమాలతొ కొంచం అన్నా ఇండీయ మారుతుంది.. ! !! Everybody thinks of changing humanity…… n nobody thinks of changing himself !!
krishna says:
చైతన్యా ..నా అంచనా తప్పకపోతే మీరు ఇప్పుడు ఇండియాలోనే ఉండి ఉంటారు!
భాస్కర్ రామరాజు గారు నేను ఈ విషయాన్ని ఇక్కడితో వదిలేసాను
మహేశ్ కుమార్ గారూ నేను ఇకపై మరిన్ని వ్యాసాలు రాయటానికే నిర్ణయించుకున్నాను !