మహానగరాల్లో భవంతుల నీడన విస్తృతంగా పరుచుకున్న మురికివాడల్లో నివసించే జనజీవితాన్ని సూటిగా, స్పష్తంగా రికార్డు చేసిన చిత్రం “చక్ర”. ఆ మురికివాడల్లో నివసించే ప్రజల మధ్య సజీవంగా నిలిచి ఉన్న సంబంధాల్ని కుహనా విలువలకు తావులేని వారి స్త్రీ పురుష సంబంధాల్ని “చక్ర” అత్యంత నిజాయితీగా విశదం చేసింది.ముఖ్యంగా “చక్ర”లో స్మితాపాటిల్ పాత్ర (అమ్మ) అన్ని ముసుగుల్ని తగులబెడ్తుంది. జీవితాన్ని ఉన్నది ఉన్నట్టుగా జీవించడాన్ని ఆ పాత్ర అనుసరిస్తుంది. జీవితాన్ని ఉన్నది ఉన్నట్టుగా భుక్తికోసం జీవనం కోసం తన ఒళ్లు అమ్ముకోవడాన్ని ఆమె పాపంగా భావించదు. అంతే వాస్తవంగా చిత్రంలో స్మిత పాత్ర చుట్టూ అల్లుకుని ఉన్న అన్ని పాత్రలు మురికివాడల ప్రపంచాన్ని మన కళ్ల ముందుంచుతాయి. “చక్ర” ను కళాత్మకంగానూ, ఉన్నది ఉన్నట్టుగానూ చిత్రీకరించడంలో దివంగత దర్శకుడు రవీంద్ర ధర్మరాజ్ విజయం సాధించారు.
“చక్ర” చిత్రంలో ప్రధానంగా మురికివాడల జీవితాన్ని యదార్ధ దృక్పధంతో చిత్రించడం ఒక స్థాయిలో ప్రధానాంశం అయినప్పటికి మరో స్థాయిలో మానవ సంబంధాల్ని అక్కడి స్త్రీల జీవితాల్లోని పలు కోణాల్ని వివరించడం కూడా స్పష్టంగా కనిపిస్తుంది. అంతే కాకుండా చక్రలో మురికివాడల వాతావరణాన్ని ఆమూలాగ్రం అత్యంత శ్రద్ధతో చిత్రించడం జరిగింది. అక్కడ నివసించే ప్రజల జీవితాలకు సంబంధించిన ఏ చిన్న వివరమూ వదిలిపెట్టకుండా చిత్రంలో పొందుపరిచారు. అక్కడ డబ్బు సంపాదించేందుకు సినిమా థియేటర్ల వద్ద బ్లాకులో టిక్కెట్లమ్మడం, రైల్వే వ్యాగన్లలోంచి సామాన్లు దొంగిలించడం ఎంత సులువుగా చేస్తారో అంతే సామాన్యంగా వ్యభిచారం జరుగుతుంది. భుక్తికోసం డబ్బు సంపాదించే క్రమంలో వ్యభిచారం అక్కడ సాధారణ విషయంగానే పరిగణిస్తారు. అనేక సార్లు వీధులు ఊడ్చే మున్సిపల్ సిబ్బందికి చెత్తకుండీల్లో గుర్తు తెలీని పసిబిడ్డలు దొరుకుతుంటారు. అలా దొరికిన రోజున,ఆ మరుసటి రోజున దానిమీద చర్చ జరుగుతుంది. ఆ తర్వాత అంతా మామూలే. అలాంటి వాతావరణంలో అమ్మ అని పిలువబడే ఓ అందమైన స్త్రీ తన కొడుకుతో జీవిస్తూ ఉంటుంది. ఆమె ఈ లోకంపైన ధిక్కారంతో బతుకుతుంది. ఎవరికీ దేనికీ బెదరక్కుండా తన జీవితాన్ని కొనసాగిస్తూ ఉంటుంది. పొట్టకూటికోసం ఆమె పలువురితో సంబంధాలు ఏర్పరచుకుంటుంది. అయితే ఆమె గుడిసెలో పురుషుడితో ఉన్నప్పుడు ఆమె కొడుకు మౌనంగా బయట పడుకుంటాడు. కాని ఆమె మాత్రం తన కొడుకుఎలాంటి చెడుకీ లోనుకాకుండా ఇజ్జత్తో బతకాలని ఆశిస్తుంది. అదే మురికివాడలొ నివసించే అంజలి దినమంతా మామూలు జీవితం గడుపుతూ రాత్రిళ్లు రెడ్ లైట్ ఏరియాకి వెళ్లి తెల్లారేసరికి గుడిసె చేరుతుంది. తనకూ తన తండ్రికీ సరిపడ డబ్బును ఆమె సంపాదిస్తుంది. అలాంటి ఆమెకు పుట్టిన చిన్నారిని చెత్తకుండీలో వేసి తన వేదనను దుఃఖాన్ని దిగమింగుతుంది.
ఇలా చక్రలోని రెండు స్త్రీపాత్రలు భిన్నమైన వ్యక్తిత్వాన్ని ప్రదర్శిస్తాయి. అమ్మ సంఘాన్ని ధిక్కరించి జీవితాన్ని గడిపితే అంజలి అందుకు భిన్నంగా సంఘానికి భయపడుతూ తన జీవితాన్ని గడుపుతుంది. జీవితంలోని రెండు భిన్నమయిన వాస్తవాలు చక్రలో అత్యంత నిజాయితీగా చిత్రితమయ్యాయి. ఇదిలా ఉణ్టే మరో స్థాయిలో మురికివాడ ప్రజల ఆర్ధిక స్థితిని ప్రవృత్తిని చక్రలో చర్చిస్తాడు రవీంద్ర ధర్మరాజ్. చిత్రంలో మరో ప్రధాన పాత్ర లూక (నసీరుద్దిన్ షా). అతను తాగుడు, వ్యభిచారం, బ్లాకులో టిక్కెట్లమ్మడం నుంచి అనేక పనులు చేస్తూ ఉంటాడు. చాలెంజ్ అయిన పనులు నిర్వహిస్తూ జల్సాగా కనిపించే లూకా ఆ మురికివాడల పిల్లలకు ఆదర్శంగా కనిపిస్తాడు. అన్ని రకాల పనులు చేసే లూకాకి టెన్హా అనే పిల్లాడు అతి సన్నిహితంగా మసలుతూ ఉంటాడు. టెన్హా అమ్మ కుమారుడు. టెన్హాను తనతో తిప్పుతూ తన ధోరణిలో తాను తెలుసుకున్న జీవిత సత్యాల్ని భోదిస్తుంటాడు. కాని అమ్మ తన కొడుకుకి ఇజ్జత్ తో బతకాలని చెబుతుంది. ఓ రాత్రి లూకా అమ్మతో గడుపుతాడు. అమ్మ ఆ తర్వాత లారీ డ్రైవర్ తో సంబంధం ఏర్పరుచుకుంటుంది. ఆమె గర్భవతి అవుతుంది. లారీ డ్రైవర్ తో జీవితాన్ని శాశ్వతంగా పంచుకుందామనుకుంటుంది. ఇంతలో లూకా తిరిగి వచ్చి తాగడానికి మందు కోసం ఓ కెమిస్ట్ ని చంపుతాడు. పోలీసులు అమ్మ ఇంట్లో తలదాచుకున్న లూకాని అరెస్ట్ చేసి తీసుకెళ్తారు. రకరకాల చెడు పనులకు వేదిక కావడంతో పాటు అనవసరమైన అల్లార్లకు పాల్పడుతూ ఉన్నారనే నెపంతో ఆ మురికివాడను బుల్ డోజర్లతో కూలదోయించి సువిశాలమైన మైదానంగా మార్చివేస్తారు అధికారులు. “చక్ర” మురికివాడల జీవితాల్ని అందులో ముఖ్యంగా అమ్మ, అంజలి లాంటి స్త్రీల వృదార్ధమైన జీవితాల్ని యదార్ధంగా చూపించింది.
- చక్ర (హిందీ)
- దర్శకత్వం – రవీంద్ర ధర్మరాజ్
- నటీనటులు – స్మితా పాటిల్, నసీరుద్దిన్ షా, కులభూషన్ ఖర్బంధా.
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
గీతాచార్య says:
>>>వీధులు ఊడ్చే మున్సిపల్ సిబ్బందికి చెత్తకుండీల్లో గుర్తు తెలీని పసిబిడ్డలు దొరుకుతుంటారు. అలా దొరికిన రోజున,ఆ మరుసటి రోజున దానిమీద చర్చ జరుగుతుంది. ఆ తర్వాత అంతా మామూలే.
*** *** ***
చెత్తకుండీలలో శిశువులు…!!!!???
ఇప్పటికీ ఇలాగే జరుగుతున్నది. కొన్నిసార్లు అది ఫాషన్ గా మారిపోవటమూ చూశాను. పాపం ఆ పిల్లలు ఏమి తప్పు చేశారని? కారణాలు ఏవైనా ఇది మాత్రం అత్యంత హేయమైన పని.
ఒకసరి నేను ఒక చెత్తకుండీలో ఒక శిశువుని కుక్కలు పీక్కుని తినటం చూసి కొంత మంది తొ కలసి వాటిని అదిలించాను. కానీ ఆ బిడ్డ బ్రతకలేదు. జీవితంలో తొలిసారి కంట నీరొలికింది.
ఇప్పటికీ ఆ దృశ్యం నా కళ్ళ ముందు మెదులుతూ నన్ను ఒకరకమైన సంఘర్షణలోకి నెడుతూనే ఉంటుంది.
ఆ పశి పిల్లలు ఏమి తప్పుచేశారని వాళ్ళకీ శిక్ష?
మేడేపల్లి శేషు says:
చాలా మంచి సినిమాను పరిచయం చేశారు. ఇవన్నీ ఈతరం మిస్సయిన మంచి సినిమాలు. వాటిని మళ్ళీ ‘నవతరంగం’ గుర్తు చేయటం ఆనందంగా ఉంది. ఈ న్యూవేవ్ సినిమాల రిట్రోస్పెక్ట్ ఎవరైనా ప్రత్యేకంగా ఏర్పాటుచేస్తే బాగుండును.
సుజాత says:
ఆనంద్ గారు,
ఇలాగే మీరు గమన్ చిత్రాన్ని కూడా పరిచయం చేయాలని కోరుతున్నాను.
కె.మహేష్ కుమార్ says:
@గీతాచార్యా: తప్పు చేసింది ఆ శిశువులు కాదు. ఆ శిశువుల్ని “అక్రమం” అంటున్న సమాజం.
రాజశేఖర్ says:
@గీతాచార్య గారు, కె.మహేష్ కుమార్ గారు.
ఇది మరీ బావు౦ది ! సమాజాన్ని ఎ౦దుక౦డీ ని౦దిస్తారు?! సమాజ౦ అ౦టేనే ఓ అయోమయ౦, రకరకాల క్రమాక్రమాలకు తార్కాణ౦!!
లోక౦ గురి౦చి తెలియకము౦దే, ఈ లోకాన్ని విడిచి వెళ్తున్న వాళ్ళు చాలా అదృష్టవ౦తులు!
కాని చెత్తకు౦డీల ను౦డి, పీక్కుతినే కుక్కల ను౦డి బయటపడి,
బతకడానికి మరో దారి లేక రాబ౦దులు కామా౦ధులై వె౦టపడి వేదిస్తు౦టే…..
వేగలేక, చావు రాక బితుకు బితుకు మ౦టూ బిచ్చగాళ్ళై వీధుల్ వెక్కిరిస్తున్నా లెక్కచేయక,
దుర్భర జీవితాన్ని అనుభవిస్తూ…., వీళ్ళూ జీవిస్తున్నారా…..అనిపి౦చే మరో అనాథలు!
వారి కోస౦ మనమేమైన చేస్తున్నామా….అని అప్పుడప్పుడు గు౦డె తలుపులు తట్టి అడిగితే….,
నిఝ౦గా….లేదు అన్న సమాధాన౦ విన్న ప్రతిసారీ, ఆవేశ౦ కట్టలు తె౦చుకుని ఆలోచనాగ్నిని రగిలిస్తు౦ది,
అ౦తలోనే కుటు౦బ౦ బాధ్యతల రూప౦లో వర్షి౦చి దాన్ని ఆర్పేస్తు౦ది!!
ఇలా౦టివి ఇక్కడా (మన దేశ౦), అక్కడా (విదేశ౦), ఎక్కడ పడితే అక్కడ (ప్రతీ దేశ౦) ఎప్పుడూ జరిగేవే. జీవితమనే ర౦గుల ప్రప౦చ౦లో ఇదో పాలిపోయిన ర౦గు!!
కాబట్టి, ఇలా౦టి వాటి గురి౦చి ఎక్కువగా ఆలోచి౦చి….చి౦చి…చి౦చి, మనసు పాడుచేసుకోవద్దని నా అభిప్రాయ౦ (ఇలా అని మా బాబాయ్ చెప్పాడు).
@వారాల ఆన౦ద్ గారు,
సమీక్ష చాలా బావు౦ది, మళ్ళీ ఆలోచి౦పజేసి౦ది.
Marthanda says:
సమాజం “అక్రమం” అనుకున్నంతమాత్రాన ఆ బిడ్డల్ని చంపెయ్యాలని రూలేమీ లేదు. ప్రపంచంలో ప్రాణం కంటే విలువైనది ఏదీ లేదు.
Dhanaraj Manmadha says:
Well said Marthanda.
Dhanaraj Manmadha says:
@గీతాచార్య,
We discussed a lot about the incident that day. Shall we take some action as u said on that day in the college?
@రాజశేఖర్,
అలా అని మీ బాబాయ్ చెప్పారా? అయితే అదంటే మీకు తెలియదనుకుంటానే? (బుడుగు స్టైల్. కాస్త లైట్ తీసుకోండి).
మనం మారే, మార్చే పని వద్దు కానీ ఆలోచించటం మానేద్దామా? ఇదేదో బాగుందే? అంటే అక్రమ సంతానమంతా చెత్తకుండీల పాలూ, కుక్కల పాలు కావాల్సిందేనా? Isn’t it brutal?
మనకు చేతనైనంత చేయాలి. అది మన బాధ్యతా. అంతే కానీ చేస్తున్నా,ఆ? అని ఆలోచించి బాధ్యతల బంధాలలో చిక్కుకున్నామని చింతిస్తే… రేపు మనకీ అదే గతి పడితే? We should think of some alternatives. That’s our duty towards thee God’s gifts to the world. మన చేతుల్లో ఉన్నంతవరకూ చేయాలి గానీ సమాజాన్ని నిందించకూడదు అనుకోకూడదు.
సంఘర్షణ లోంచే యాక్షన్ పుడుతుంది.
గీతాచార్య says:
@Dhanaraj Manmadha,
We should act. Right.
రాజశేఖర్ says:
@ Dhanaraj Manmadha
అబ్బా ! నేను కూడా బుడుగు స్టైల్ లోనే రాశాను లె౦డి, కానీ ఆ లైట్లు, వైర్లు తీసుకోవడమే౦ట౦డీ ?! ఎ౦చక్కా సున్నిత౦గా తీసుకో౦డి అనొచ్చుగా….! ఇకపోతే మీరన్నట్టు “సంఘర్షణ లోంచే యాక్షన్ పుడుతుంది” .100% ఒప్పేసుకు౦టా….!
Dhanaraj Manmadha says:
@రాజశేఖర్,
I’m an electronics student. So, maaf keeejiye.
-> ఇకపోతే మీరన్నట్టు “సంఘర్షణ లోంచే యాక్షన్ పుడుతుంది” .100% ఒప్పేసుకు౦టా….!
ఒప్పుకోవాలి. అది మా మాస్టర్జీ మాట మరి.
Marthanda says:
వ్యభిచారం చెయ్యడం తప్పే. “అక్రమం” పేరుతో బిడ్డల్ని చంపడం అంత కంటే చాలా పెద్ద తప్పు. ఏది పోయినా తిరిగొస్తుంది కానీ ప్రాణం పోతే తిరిగిరాదు.