సత్యమే శివం (2003)
అసలు ’సత్యమే శివం’ అంటే -
కమల హాసన్ ఎప్పట్లాగే ఘోస్టు డైరెక్షన్ చేసిన ఓ సినిమా
కమ్యూనిస్టు సినిమా
ఏమిటో, కాస్త బోరు కొడుతుంది
అసలదేం సినిమా? ఎప్పుడొచ్చింది?
వావ్! మంచి సినిమా!
- వీటిలో ఏ స్పందన వచ్చిన మనిషిని చూసినా నేను ఆశ్చర్యపోను. ఎందుకంటే అన్ని స్పందనల్నీ విని ఉన్నా కనుక.
ఈ సినిమా 2003 లో వచ్చిన తమిళ సినిమా “అన్బే శివం” కు తెలుగు అనువాదం. తారాగణం: కమల హాసన్, మాధవన్, కిరణ్ రాథోడ్, నాజర్ మొదలైనవారు. దర్శకత్వం: సుందర్ సి. కథ-కమలహాసన్,మదన్, సంగీతం-విద్యాసాగర్. సినిమా విమర్శకుల ప్రశంసలూ అవీ పొందినా కూడా అంతగా డబ్బులు రాబట్టలేదనుకుంటా. తెలుగులో ఐతే అసలు రాబట్టి ఉండదు.
కథ: సదాశివం అనబడు కమ్యూనిస్టు నాయకుడు (కమలహాసన్), తన పేరులోని సత్యాన్ని ఇష్టపడక పేరు పొట్టిచేసుకున్న ఎస్.నంద్ అనబడు అమెరికా రిటర్న్డ్ యాడ్ ఫిల్మ్ దర్శకుడు (మాధవన్) విమానాశ్రయంలో అనూహ్య పరిస్థితుల్లో కలవడంతో సినిమా మొదలౌతుంది. సదాశివం ఐందానికీ, కానిదానికి అవతలి మనిషిపై శ్రద్ధ తీసుకుని వారికి ఇష్టమో లేదో పట్టించుకోకుండా ఏదో ఒకటి చేస్తూనే ఉంటాడు. ఎన్నారై నంద్ కి ఇది చిరాకు పుట్టిస్తూ ఉంటుంది. ఇంతకీ, అక్కడ ఒరిస్సా వరదల వల్ల వాళ్ళ ఫ్లైట్ లేటౌతుంది. ఓ హోటెల్లో రూమ్ ఇస్తారు ఆ రాత్రికి. అనుకోని పరిస్థితుల్లో వీరిద్దరూ ఓ రూం చేరతారు. శివాన్ని వదిలేసి నంద్ పొద్దున్నే రైల్వే స్టేషన్ వెళ్ళిపోతాడు. ట్రాక్ కూడా నీళ్ళలో మునగడంతో ట్రైన్ కూడా దొరకదు అక్కడ. ఇంతలో అతని సామాను దొంగ ఎత్తుకుపోతూ ఉంటే శివం ఎంటరై దొంగని ఆపే ప్రయత్నం చేస్తాడు. దొంగ డబ్బులు తీసుకుని పారిపోతాడు.
వీళ్ళిద్దరూ ఇక్కణ్ణుంచి వీలైనంత త్వరగా హైదరాబాద్ చేరుకోవాలి. ఎందుకంటే, నందు కి నాల్రోజుల్లో పెళ్ళి. శివం పనులు అతనివి. ఓ చోట ట్రైన్ కోసం కూర్చుని ఉన్నప్పుడు శివం తన గతాన్ని గుర్తు చేసుకుంటాడు. తను, తన ఉద్యమాలూ, ప్రేమా, అందమైన తన మొహం ఇప్పుడు నిండా గాట్లతో నిండిన వైనం – ఇదంతా గుర్తు తెచ్చుకుంటాడు. కథంతా ఇక వీళ్ళ తిరుగు ప్రయాణం లో ఎదుర్కున్న అనుభవాలు, వీరిద్దరి మధ్యా జరిగిన తగువులు, ఈ ప్రయాణం ముగిసే సరికి నంద్ ప్రపంచాన్ని చూసే విధానంలో వచ్చిన మార్పూ – ఇదీ ఈ చిత్ర కథ.
ఇలా చెప్పానని ఏముందీ? అని చప్పరించేయకండి. చాలా ఉంది. వినసొంపైన హాస్యం ఉంది. డీసెంట్ అనిపించే సంగీతం ఉంది. ఒక ఆలోచనా స్రవంతికి పరిచయం ఉంది. ప్రేమకథ(లు) ఉన్నాయి. ఓ ఆశయం కోసం పోరాడే సైన్యం ఉంది. వారి మధ్య ఉండే స్నేహాలు ఉన్నాయి. మనిషికీ మనిషికీ మధ్య ఉండాల్సిన బంధం గురించి చర్చలు ఉన్నాయి. నా వ్యక్తిగత కోణం నుండి చూస్తే, ఒక విధమైన బ్రతికే విధానం కూడా ఉంది. ఈ కథ చాలా బాగా తయారుచేసారు అనిపించింది. దానికి తగ్గట్లుగా స్క్రీన్ప్లే, సంభాషణలు కూడా చాలా బాగా కుదిరాయి. కమల్, మాధవన్ ఇద్దరూ చాలా బాగా చేసారు. మిగితా అందరూ కూడా పాత్రలకి సరిగ్గా సరిపోయారు. కథే హీరో కానీ పాత్రల ఎంపిక కూడా ఈ సినిమాకి చక్కగా అమరింది.
నాకు బాగా నచ్చేసిన సన్నివేశాలు:
-కమల్-మాధవన్ మధ్య నడిచిన ప్రతి సంభాషణా :కామెడీ అయినా, సీరియస్ అయినా
-కమల్ నాజర్ ఆఫీసులో శివుడు-గంగ ఈ కాన్సెప్ట్ తో మార్క్సిజంని చూపిన తీరు (ఈ భావనకి మూలం ఇక్కడ)
-సత్యం శివం…పాట (ఈ సినిమా ఫిలాసఫీకి మూలస్థంభం)
-చివరిలో కమల్ మాధవన్ కి రాసిన లేఖ
-నాజర్ పై వ్యంగ్యాస్త్రంగా కమల్ గుంపు వేసిన వీథి నాటకం
-కమ్యూనిజం కూడా ఓ ఫీలింగ్”
-దేవుడు అన్న పదానికి కమల్ ఇచ్చిన అర్థం (ఈ డైలాగు చెప్పడమే ఈ సినిమా అసలు ఉద్దేశ్యం అని నా అభిప్రాయం)
- కమల్ కీ “శంకు” అనబడు కుక్కకీ పరిచయం అయిన దృశ్యం (ఇక్కడ కూడా ఈ సినిమా ఫిలాసఫీ బాగా అర్థమౌతుంది)
ఈ సినిమా తమిళం, తెలుగు రెండు భాషల్లోనూ ఇప్పటికి చాలాసార్లు చూసాను. అయినా బోరు కొట్టక మళ్ళీ మొన్నాదివారమే చూశాను. నన్నడిగితే తప్పక చూడమంటాను. నా ఎదుటుండి నాకు చనువున్న మనిషైతే రెండు తిట్లు తిట్టి కూర్చోబెట్టి చూపిస్తాను. ఇలాంటి సినిమాలను ఆదరించకపోతే ఎలాగండీ! మనం మన భారతీయ సినిమా ప్రేమికులమే కాదిక! “అస్తికులైన హితులందరికీ శివమే సత్యమట. నాస్తికులైన స్నేహితులకు మరి సత్యమే శివమంట” – ఎంత నిజం! ఈ సినిమా చూడకుంటే నేను ఏమై ఉండేదాన్నో!
Filed Under: featured • lead • అభిప్రాయాలు • తమిళం • తెలుగు • భారతీయ సినిమా • సమీక్ష
నాకు నచ్చిన సినిమాల్లో ఇదొకటి.
క్లైమాక్ష్ లో…కమల్ ఒంటరిగా నడుచుకుంటూ వెలుతుంటే….కుక్క వెంబడించే సీన్ కంట తడి పెట్టిస్తుంది….నాకు సరిగా గుర్తు లేదు కాని…కమల్ అక్కడ ఒక డైలాగు చెప్పి విలన్ ని మారుస్తాడు…”నువ్వే దేవుడివి …” అని అంటాడు…అనుకుంటా….
I totally love this movie…but what is the use…it should be loved by “Them”…
“They” think different You Know….don’t They?
నేను ఈ సినిమాను 5 సార్లు చూసాను ..కమల్ అనె నటుడు ఇండియన్ అయినందుకు నేను గర్విస్తున్నాను.
sowmya garu, great movie ! Must see ! I love the song ” nee roopam chitristoone nE maimaracha ” ! A great melody, and the most hilarious comedy ever between madhavan and kamal ! They had great chemistry together !
ఈ సినిమా చాలా సార్లు చూసాను. మొన్న ఆదివారం తమిళంలో చూస్తూ, కళ్ళు చెమరిస్తే, మా అత్తమ్మ వాళ్ళందరూ కాస్త ఆశ్చర్యపోయారు. (వీడేంటి, పరమ నాస్తికుడు, ఏవీ పట్టని వాడు, ఇంత ఫీలవుతున్నాడు అని).
నా all time favorite సినిమా ఇది.
నిజమే….ఈ సినిమా చూడకుంటే నేనూ ఏమై ఉండేవాడ్నో…
ఎంతో మందికి విపరీతంగా నచ్చిన ఈ సినిమా మన రాష్ట్రంలో ఆడలేదెందుకో?
ఈ సినిమా పెద్దగా విజయవంతం కాకపోవటానికి గల ప్రధానకారణాల్లో ఒకటి,అంతకు ముందు కమల్ ద్విపాత్రాభినయంతో వచ్చిన అతిభయంకరమైన ‘అభయ్’ అనే సినిమా కాగా,ఆతర్వాత వరుసగా ‘పంచతంత్రం’బ్రహ్మచారి-2002,రెండూ హాస్యప్రధానచిత్రాలు,ప్రేక్షకులు ఈ సత్యమేశివం సినిమాను కూడాఆ జాబితాలో జమకట్టటం,సినిమా విడుదల తేదీ ఒకట్రెండుసార్లు వాయిదాపడటం,దాదాపు అనువాదనిర్మాతలు ప్రమోషన్ మీద అసలు దృష్టిపెట్టకపొవటం ఇలా ఉన్నాయి.కాకుంటే టీవీల్లో చూసినవారందరూ అర్రెర్రె మంచిసినిమాను మిస్సయ్యామన్న భావనతో సీడీల్లో మాత్రం విపరీతంగా చూసారు..చూస్తున్నారు
Sorry to spoil the party, but the basic idea of this film is borrowed from a hollywood flick “Planes Trains and Automobiles”. But its certainly an “inspiration” and nothing more
Sorry to spoil the party, but the basic idea of this film is borrowed from a hollywood flick “Planes Trains and Automobiles”
I love this movie. I suggest everybody to see this movie. It narrates the life as it is. Dialogues are excellent. A great love story (not that hero loves heroin, a universal love, love towards humanbeings). Good comedy, thought provocating. May be it has an inspiration. But nowhere it reflects. Universal subject in Indian context.
నేను చూసాను అండి ఈ సినిమా ని నిజంగా అధ్బుతం
సాటి మనిషి లో దేవుడి ని చూడు అని చేప్పె సన్నివేసం
కళ్ళ నుండి నీళ్ళు తెప్పించింది…… మరో సారి ఈ సినిమా ని
గుర్తుచేసినందుకు ధన్యావాదలు….
Good Movie
I see this movie atleast weekly once..
really LOVE the scenes btwn Kamal and Madhavan, and the 999/- Salary setires
Songs too are good.. “Town bus velthondhi kaaaaligaa, Cinema choosi vaddam mana jolly gaa” Nice comedey too
yes yes….at least for madhavan, one should watch this movie:D….
సౌమ్య గారూ..
మంచి సమీక్ష వ్రాశారు.!
ఇటీవలే నేనీ సినిమా చూశాను. ఇంత మంచి సినిమా ఇన్నాళ్ళు చూడలేదేంటా అనుకున్నాను.
చూశాక రెండ్రోజుల వరకూ ఈ సినిమానే బుర్రలో తిరుగుతూ ఉంది. సినిమాలో అన్నీ చక్కగా కుదిరాయి.
ఈ సినిమా చూసిన మరుసటి రోజు.. బోలెడు ఆస్కార్లు వచ్చిన స్లం డాగ్ చూడటం జరిగింది. బాగా నచ్చుతుంది అనుకుని చూశాను కానీ.. అస్సలు నచ్చలేదు.
ఒక మంచి సినిమా గురించి జనాలకి తెలీనే తెలిదు.. మరొక మోస్తరు సినిమాకి ప్రప్రంచ ప్రఖ్యాతి.. ఎంత విచిత్రం.. విడ్డూరం.. అనిపించింది.
అద్భుతమైన సినిమా. సుందర్ అంతకు ముందూ ఆ తర్వాతా అంత గొప్ప సినిమాలేవీ తియ్యలేదు కాబట్టి కమలే నడిపించేసుండొచ్చు. ఈ సినిమా తెలుగులో ఆడకపోవటానిక్కారణం – నాకు తెలిసి – డబ్బింగ్ సరిగా కుదరకపోవటం, పబ్లిసిటీ లేకుండా విడుదలవటం. తమిళంలో ఉన్నంత ఎఫెక్టివ్గా నాకు తెలుగులో అనిపించలేదు.
సీరియస్ సినిమా ఐనా హాస్యమూ బాగా పండిందిందులో. రైల్వే స్టేషన్లో స్టేషన్ మాస్టర్కి, మాధవన్కి మధ్య జరిగే గందరగోళం సంభాషణ, ఆయన మాధవన్ పేరు ‘జీసస్ క్రైస్ట్’ అనుకోవటం .. ఆ సన్నివేశంలో ఆ ముగ్గురి టైమింగ్ చూసి తీరాల్సిందే.
అంతా బాగున్నా దిష్టి చుక్కలే ఒకే ఒక లోపముందీ సినిమాలో – కధానాయిక కిరణ్ రాధోడ్. అప్పట్లో ఆమెకి తమిళంలో మార్కెట్ బాగుండటంతో పెట్టేసినట్లున్నారు.
yes, I agree with the review. It is great and good movie. Good screenply, good story and narration and good actors. I purchased the DVD. Whenever I feel unhappy I used to see this movie or sagara sangamam. I over come my depression. Especially in this cinema, how a person who believes communisim and met with an accident and became handicapped should face the contemporary world and lonely life with great confidence. Only that type of typical action Kamal can do. In the scence of facing the villan Nazar at the bed with only 10 % hope to recover he has acted with only one eye remaining body and face was covered with bandage. but we can see how he face that helpless situation with villan. No bloody stunts or mad dances in this cinema, but narration is very great. No body will not miss it.
manchi masunna cinemalanu chudaru… mana cinemaallo hero izam untene chustaru…idi mana prekshakula vi*chitram*… anduke ma cinemaalu askar daka vellaleka pothunnai… manam maarethe…cinemale maruthai…adi audience stamena.
భారతీయ సినిమాలకి ఆస్కార్ అవార్డు వచ్చే అవకాశం తక్కువ. ఇక్కడ గుర్తించాల్సిన విషయం యేమిటంటే, ఒక ఇండియన్ సినిమా ఆస్కార్ నామినేషన్ దాకా వెళ్ళినా, అది ఫారిన్ మూవీస్ విభాగంలో చేరుతుంది. మొన్న ఇచ్చిన అవార్డ్ లో ఈ విభాగం కింద కేవలం అయిదు సినిమాలు మాత్రమే ఉన్నాయి. సో, ఇన్ని ఇతర భాషా చిత్రాలతో పోటీ పడి నామినేషన్ దాకా చేరినా – బెస్ట్ ఫారిన్ మూవీ అన్న అవార్డు రావొచ్చు తప్ప, విడి విభాగాలకి అవార్డులు సున్నా.
కమల్ హాసన్ మొన్నీ మధ్య ఓ టీవీ ఇంటర్వ్యూ లో అన్నట్టు – ఆస్కార్ అవార్డ్స్ అనేవి, అమెరికన్స్ నిర్మించిన అమెరికన్ సినిమాలకి ఇచ్చే అమెరికన్ అవార్డ్స్. అంతకు మించి ఇంకేవ్హీ లేదు.
ఆస్కార్ ల సంగతి వదిలెయ్యండి.
కాన్ (Cannes) ఫిల్మ్ ఫెస్టివల్ సంగతి తీసుకుందాం. ఇది ఫ్రాన్స్ లో జరుగుతున్నప్పటికీ ఫ్రాన్స్ సినిమాలకు మాత్రమే ఇక్కడ అవార్డులు ఇవ్వరు. ప్రపంచంలోని అన్ని దేశాల నుంచి వచ్చిన సినిమాలకు సమాన గుర్తింపు ఈ చిత్రోత్సవంలో కలుగుతుంది. అయినప్పటికీ ఈ చిత్రోత్సవంలో ఎన్ని భారతీయ సినిమాలకి అవార్డులొచ్చాయి?
నాకు తెలిసి స్వాతంత్ర్యం రాక పూర్వం నీచా నగర్ సినిమాకు, ఆ తర్వాత పథేర్ పాంచాలి కి బెస్ట్ హ్యూమన్ డాక్యుమెంట్ గా 1956 లో గుర్తింపు, రీసెంట్ గా అంటే 1999 లో మురళి నాయర్ సినిమా మరణ సింహాసనం కి గోల్డన్ కెమెరా అవార్డు లభించాయి. మీరన్నట్టు ఆస్కార్ వచ్చే అవకాశాలు తక్కువే కానీ అస్కారే రానక్కర్లేదు. ఇలాంటి చలనచిత్రోత్సవాల్లో ఎందుకు అవార్డులు గెలుచుకోలేకపోయాయంటారు? అవార్డు సంగతి వదిలెయ్యండి గత కొద్ది కాలంగా అసలు మన సినిమాల అక్కడ ప్రదర్శనకు కూడా అర్హత సాధించలేకపోతున్నాయి. దీనికి మీరేమంటారు?
క్షమించాలి. ఈ Festival De Cannes సంగతి పెద్దగా తెలియదు నాకు. మీరన్నదాంట్లో నిజం ఉండి ఉండకపోదు !
(కానీ, మొన్న 2008 అవార్డ్స్ లో Palme d’Or సాధించిన ’ది క్లాస్’, బెస్ట్ స్క్రీన్ ప్లే కొట్టేసిన Le Silence De Lorna – రెండూ ఫ్రెంచ్ సినిమాలే కదా! యాదృచ్చికమై వుండొచ్చు గానీ.. కొంచెం ఎక్కువ యాదృచ్చికంగా ఉన్నట్టు లేదూ ?)
BAFTA లో బ్రిటిష్ నటులకూ, సినిమాలకూ Festival De Cannes ఫ్రెంచి సినిమాకూ పట్టంకట్టడంలొ ఆశ్చర్యం లేదు. అలాగే ఆస్కార్ అవార్డులు మౌళికంగా అమెరికన్ సినిమాకు సంబంధించినవి అనటంలో అసంబద్ధతా లేదు. కానీ ఈ మూడు అవార్డులూ సినెమాటిక్ excellence కు పట్టంకట్టేవిగా చూస్తే మాత్రం మనకు నిరాశ కలగదు. మన సినిమాలకూ ఈ అవార్డులు ప్రత్యేకించి అవసరం లేదు. నాకైతే మన నేషనల్ అవార్డులు చాలు. వాటిల్లో కూడా ఈ మధ్య హిందీకే ఎక్కువ ప్రాధాన్యత ఇవ్వడం నన్ను అసంతృప్తికి గురిచేస్తోంది. I am more bothered about it than any other awards.
ఈ లిస్టొక సారి చూడండి.70 ఏళ్ళలో ఎన్ని సార్లు ఫ్రాన్స్ సినిమాలకు అవార్డులు వచ్చాయో http://en.wikipedia.org/wiki/Palme_d%27Or.
@మహేశ్
Bafta బ్రిటిష్ అకాడమీ బ్రిటిష్ సినిమాలకి ఇచ్చే అవార్డు. Festival de Cannes ఫ్రాన్స్ లో జరిగే చిత్రోత్సవం. అక్కడ ఫ్రెంచ్ సినిమాకి పట్టం కట్టడం అనేది ఎప్పుడూ ప్రత్యేకంగా జరగలేదు. నాకు తెలిసినంతవరకూ వైవిధ్యమైన సినిమాలకు Cannes లో ఎప్పుడూ గుర్తింపు లభిస్తుంది.
ఈ సినిమా నాకు ఇష్టమైన సినిమాల్లో ఒకటి. సున్నితమైన హాస్యం, మనసును లీనం చేసే చిత్రీకరణ, నటీనటుల ప్రతిభ ఈ సినిమాకు బలాలు. కమల్ చెప్పినట్టు- ‘‘దశావతారం విజయవంతమైన సత్యమే శివం. సత్యమే శివం-
ఫెయిలైన దశావతారం’’. సినిమాలో…
ప్రమా
దం తర్వాత కమల్ నడక, ముఖ కవళికల ద్వారా ప్రదర్శించిన నటన అద్భుతం.
love is god in tamil, truth is god in telugu–
former is more factual
నాకు ఎంతొ నచ్హిన movie ఇది.కాని definitega award material kaadu. think to accomodate regular cliche’s songs are there. accident అయిన దగ్గర మాధవన్ blood donate చీసాక కమల్, మాధవన్ discussion superb. కమల్ నిజమైన్ character trait అప్పుదు మనకి తెలుస్తుంది.
ఈ “చందు” పేరిక్కడ లేదే!..ఎనీవేస్…”కమ్యూనిజం కూడా ఓ ఫీలింగ్” అని కమల్ అన్నప్పుడు…వావ్! ఇన్ ఫాక్ట్, చాలా సీన్స్ లో నేను చాలా ఎమోషనల్ ఐపోయాను; అఫ్ కోర్స్ మళ్ళ మళ్ళా చూడలేదు.ఒక్క కమల్ కాబట్టి, ఇలా ఓ సినిమా తీయగలిగాడు; మిగిలిన స్టార్స్ కి ఈ దమ్ములేదేమో అనిపించింది.వీడే లేకపోతే
..ఓ నో..మరొకడస్తాడు 
;
మనకి దశావతారం, పోతురాజు, మహానది, ద్రోహి,గుణ లాంటి సినిమాలు కూడా సమీక్షలున్నాయా?
హమ్మయ్యా – ఇంకా ఈ సినిమా ఎవరూ కాపీ అన్లేదదు కాబట్టి, ఇది ఒరిజినల్ అనుకొని ఆనందపడానా?
“ముక్కు మొహం తెలీని ఓ అబ్బాయి కోసం కన్నీళ్ళు కార్చే ఆ మనసుందే అదే దైవం”..
“అర్థం కాలేదా అర్థం కాకుడదు అదే దేవుడు”.. simple superb.. monna room lo nenu ee movie cd techinappudu.. naa friend okatee edupu edo time pass ki movie chuddam antee ee movie ekkada dorikindi neeku ani.. kaani cinima start ayyina 10 mins taruvatha nunchi ayipoye varaku asalu tala tippa kunda chusaadu…
i really love this movie..
nannu adigithe manshi anna prthai vaadu ee movie choosi theerali
నాది మీలాంటి అనుభవమే….చాలా మందికి ఈ సినిమా గురించి చెప్పాను…ప్రారంభంలో ఇంట్రేస్టు చూపించలేదు తర్వాత చాల బాగుందని చెప్పారు…ఇప్పటికి ఈ సినిమా చాలాసార్లు చుసాను…చాల మంచి సినిమా.
ఎంత నిజం! ఈ సినిమా చూడకుంటే నేను ఏమై ఉండేదాన్నో!
చాల చక్కగ ముగించారు .అద్భుతం .
పాప్ కార్న్ తింటూ చూసె సినిమా కాదు ఇది.
The film is very good. Must watch for everyone!!!