కొంతమంది దర్శకులుంటారు. వాళ్ళొక్క సినిమా తీస్తారు. ప్రపంచాన్నంతా ఆకర్షిస్తారు. అప్పట్నుంచి ఈ దర్శకుడు ఇక ఎలాంటి సినిమాలు తీస్తాడో,తర్వాత సినిమా ఎప్పుడు విడుదలవుతుందో అని, అందరూ కాకపోయినా, కొంత మంది వీరాభిమానులయినా ఎదురు చూసేలా చేస్తారు. అంతే కాదు ఈ సినిమా మూందూ ఆ దర్శకుడు ఏయే సినిమాలు తీసాడని వెత్కించేలా చేస్తారు. అప్పట్లో క్రిస్టోఫర్ నోలన్ ముందు ఒక ఇండీ ఫిల్మ్ ‘ది ఫాలోయింగ్’ తీసి ఆ తర్వాత ‘మొమెంటో’ తీసాక ఇదే పరిస్థితి. కాకపోతే ముందు తీసిన ‘ఫాలోయింగ్’ గురించి అందరికీ తెలిసింది ‘మొమెంటో’ హిట్టాయాకే. అలాగే ‘రిక్వియం ఫర్ ఎ డ్రీం’ అనే సినిమా తీసిన డారెన్ అరోనోస్కీ కూడా అంతే. ఈ సినిమా హిట్టాయ్యాకే ఆయన మొదట తీసిన ఇండీ సినిమా ‘పై’ గురించి చాలామందికి తెలిసింది.
‘రిక్వియం…’ చూసి పిచ్చెక్కి డారెన్ అభిమాని అయిపోయిన వారిలో నేనూ ఒకడిని. ఈ సినిమా తర్వాత డారెన్ తర్వాత సినిమా ఏంటా అని ఎంతో ఎదురు చూశాను. ఫౌంటెన్ అని ఒక సినిమా వచ్చిది, పోయింది కూడా 
అయితేనేం అభిమానం అంటే ఒక్క సినిమా పోయినంతమాత్రాన పోయేది కాదుకదా. ఈ సారి గ్యారంటీగా హిట్టు కొడతాడులే అని ఎదురుచూస్తుంటే వచ్చి పడింది రెజ్లర్. చూసాను. మళ్ళీ చూసాను. మళ్ళీ మళ్ళీ చూస్తాను. కాకపోతే ఈ సారి డారెన్ కంటే కూడా ఈ సినిమాలో ముఖ్యపాత్ర పోషించిన మికీ కోసం. ఇంత ఉపోధ్ఘాతం ఎందుకంటే మీకు రెజ్లర్ అనే ఒక మంచి సినిమాని పరిచయం చేయడంతో పాటు ఈ సినిమా దర్శకుడు డారెన్ నీ, ఈ సినిమాలో అత్యుత్తమ నటన ప్రదర్శించి ఉత్తమ నటునిగా అస్కార్ అందుకోబోతున్న (గ్యారంటీగా మికీ కే ఈ అవార్డు. బెట్టా?) మికీ రూర్కీని గురించి కూడా కాస్తా చెప్దామని….
అంతా బావుంది కానీ రెజ్లర్ గురించి మాటల్లో చెప్పగలమా?నాకైతే చాలా కష్టమనిపిస్తుంది. ఈ సినిమా చూసి తరించాల్సిందే కానీ ఇలా రివ్యూలు చదవడం దండగ. నా వరకూ రెజ్లర్ సినిమా ఒక ’experience’. ఈ మధ్య కాలంలో ఇంత మంచి సినిమా మరొకటి చూడలేదనే అంటాను. ఇంతకీ ఏంటీ సినిమాలో గొప్పతనమంటే…
రెజ్లర్ సినిమా కథ పేరు కు తగ్గట్టే ఒక ప్రొఫెషనల్ రెజ్లర్ కథ. ర్యాండీ ది రామ్ ఆనే వయసు మళ్ళిన రెజ్లర్ కథ ఇది. కథ అనడం కంటే జీవితం అనొచ్చు. ఈ సినిమా స్క్రీన్ప్లే, దర్శకత్వం, సినిమాటోగ్రఫీ, నటీనటుల నటన ద్వారా ఎక్కడా మనం సినిమా చూస్తున్నట్టు అనిపించకుండా కథంతా మన కళ్లముందే జరుగుతున్న అనుభూతి కలుగుతుంది. 2008 లో వచ్చిన అత్త్యుత్తమ సినిమాల్లో ముందు వరసలో ఉంటుంది ఈ సినిమా.
ఈ సినిమా ఎందుకు చూడొచ్చంటే…
చిన్నప్పుడు TVలో రెజ్లింగ్ చూసే రోజుల్లో అసలిదంతా నిజమేనా అనే అనుమానం ఉండేది. నాకు తెలిసిన వాళ్ళల్లో చాలా మందికీ ఇదే అనుమానం. రెజ్లర్ సినిమా ద్వారా డారెన్ ఒక రెండు గంటల పాటు రెజ్లర్స్ జీవితాలను ఎంతో దగ్గరగా చూసే అవకాశం కల్పిస్తాడు.
మికీ రోర్క్ నటన. అసలు ఈ సినిమా చూడకముందు నాకు మికి రోర్క్ అంటే ఎవరో తెలియదు. సినిమా చూసాక ఎవరో నిజమైన రెజ్లర్ చేత ఈ పాత్ర పోషించేలా చేసుంటారని అనుకున్నాను. ఆ తర్వాతే తెలిసింది మికీ రోర్క్ ప్రముఖ హాలీవుడ్ నటుడు అని. అసలు ర్యాండీ పాత్రలో మికీ రోర్క్ నటించాడనడం కంటే జీవించడాని చెప్పొచ్చు. మికీ రోర్క్ ఈ పాత్రలో అంతటి నైపుణ్యమైన ప్రదర్శన చేయడానికి ఒక ముఖ్య కారణం వుండొడొచ్చనిపిస్తుంది. Godard అంటాడు ’When you see your own photo, do you say you’re a fiction’.అలాగే ఈ సినిమా లో ర్యాండీ పాత్రలో నటించిన మికీ రోర్క్ నిజజీవితానికీ సినిమాలో ర్యాండీ పాత్రకీ చాలా పోలికలున్నాయి. నటుడిగా రాణిస్తున్న సమయంలో నటజీవితాన్ని కాదని బాక్సింగ్ వైపు వెళ్ళాడు మికీ. కానీ అప్పటికే వయసు పైబడడంతో బాక్స్రర్ గా రాణించలేకపోయాడు. ర్యాండీ పాత్ర తో పోలికులున్నాయి కాబట్టే మికీ ఈ పాత్రలో ఇంతగా లీనమైపోయుంటాడని నా నమ్మకం. మికీ రోర్క్ మాత్రమే కాదు సినిమాలో నటించిన వాళ్ళందరూ ఎంతో మంచి నటన ప్రదర్శించారు.
అయితే ఈ సినిమా అర్జెంటుగా చూసెయ్యాలనుకుని నిర్ణయించుకున్నవాళ్ళకి ఒక హెచ్చరిక:
నేను ఈ సినిమా గురించి తెగ పొగిడేస్తుంటే మా రూమ్ మేట్ ఆవేశపడి సినిమా చూడ్డం మొదలుపెట్టాడు. రెండు గంటల సినిమా పావుగంటలో అయిపోకొట్టి, ఇదేంటి డాక్యుమెంటరీలా ఉందన్నాడు. అదేంటో డాక్యుమెంటరీలా ఉండడం అంత పాపమా? అవును ఈ సినిమా మొత్తం కెమెరా హ్యాండ్ హెల్డ్ కావడంతో కాస్తా జెర్కీగా ఉంటుంది. అలాగే కెమెరా చాలా వరకూ ర్యాండీ పాత్రను వదిలివెళ్ళదు. అలాగే సినిమాలో ప్రతి సీనూ పచ్చి నిజం లా ఉంటుంది. కొన్ని చూసి తట్టుకోలేని సన్నివేశాలు కూడా ఉన్నాయి. ఎక్కడా ప్రేక్షకులను మెప్పించాలనో ఒప్పించాలనో ప్రయత్నం ఉండదు. రెజ్లింగ్ గురించి, రెజ్లర్స్ గురించి నిజా నిజాలు తెలుసుకోమని కాదు కానీ ఒకప్పుడు బాగా బతికి చివరి రోజుల్లో చితికిపోయిన ఒక మామూలు వ్యక్తితో కొన్ని రోజులు అతని వెంటే వుంటూ అతని జీవితాన్ని గమనిస్తూన్న అనుభూతి పొందాలంటే ఈ సినిమా చూడొచ్చు. అది కూడా ఫాస్ట్ ఫార్వర్డ్ లో చూడాలనుకుంటే పూర్తిగా చూడకుండా ఉండడమే మేలు.
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
అబ్రకదబ్ర says:
>> “గ్యారంటీగా మికీ కే ఈ అవార్డు. బెట్టా?”
Hmm.. మీరు బెట్ గెలిచే అవకాశాలు 50-50 మాత్రమే. ‘మిల్క్’లో షాన్ పెన్ నటన ‘రెజ్లర్’లో మికీ రూర్కీకి తీసిపోదు. ఈ ఏడాది ఇద్దరూ పోటాపోటీగా అవార్డులు కొల్లగుడుతున్నారు (నాకు తెలిసి ఆయా పాత్రలకి గాను, షాన్కి 17, మికీకి 16 అవార్డులొచ్చాయి). స్క్రీన్ యాక్టర్స్ గిల్డ్ అవార్డు కూడా షాన్ పెన్కే వచ్చింది. గోల్డెన్ గ్లోబ్స్ కన్నా SAG అంచనాలు ఆస్కార్స్కి దగ్గరగా ఉంటాయి. చూద్దాం, మరి మీరు బెట్ గెలుస్తారో, ఓడతారో
shree says:
Good to know…!!!
రత్నాకర్ says:
ది డార్క్ నైట్ విలన్ జోకర్ నటనలో ఉన్న intensity ముందు ఏదైన తక్కువే.
sasank says:
@రత్నాకర్,
Yes you are 100% correct. Heath Ledger alias joker rocks….but he is nominated for best supporting actor category.
అన్వేషి says:
జోకర్ పాత్రలో హీథ్ లెడ్జర్ బాగా చేశాడు కానీ మికీ రోర్క్ తో పోల్చడం సరికాదు. అబ్రకదబ్ర చెప్పినట్టు షాన్ పెన్ తో అయితే ఒకే. షాన్ పెన్ కూడా చాలా బాగా చేశాడు. ఆ లెక్కకొస్తే రివల్యూషనరీ రోడ్ లో డి కాప్ కూడా బాగానే చేశాడు. మరి ఫ్రాస్ట్ నిక్సన్ లో లాంగెలా తక్కువా?
అయితే వీటన్నిటిలో అందరూ బాగానే నటించినా ఏ పాత్ర అతి కష్టమైన పాత్ర అని చూస్తే మాత్రం అది గ్యారంటీగా రెజ్లర్ అనిపిస్తుంది (నాకు). అందుకే మికీ రోర్క్ కే వస్తుందని నా నమ్మకం.
రత్నాకర్ says:
@అన్వేషి,
అర్జునుడు బాగా అస్ర్తప్రయోగం చేయగలడా లేక భీముడు బాగా గదప్రయోగం చేయగలడా అనే దాన్లో comparative common point ఏంటి..?
Intensity of involvement
Every actor has his own sense and sensibilities towards the role he/she performs depending on how they perceive the character of the role and the strength of that perception delivers intensity in performance that makes the audience involve in the cinema and not to observe the storyline at least for the first time and it is obvious if we observe the movie than watching it we lose the feel in watching the movie and that is how reviewers end up with uncanny reviews because they do not watch the movie they try to observe the movie form their perspective…
But one thing is for sure not just me most of the people were haunted by joker performance in their mindscapes several times after watching dark knight
అబ్రకదబ్ర says:
@అన్వేషి,
ఇందాకే అవార్డులొచ్చేశాయి. Howdy
anveshi says:
@అబ్రకదబ్ర, తొండి ఆడారు. నేనొప్పుకోను. వాల్ట్జ్ విత్ బషీర్ కి కూడా రాలేదు
ఏదో కుట్ర జరిగింది. 
అబ్రకదబ్ర says:
@anveshi,
తొండి
నేను ఊహించిందేమిటంటే, అకాడమీ వాళ్లకి ఎక్కువగా సాంఘిక సమస్యలని చర్చించే సినిమాలు నచ్చుతాయి. అందుకే షాన్ పెన్ అవార్డు ఎగరేసుకుపోయుంటాడు. మికీకి అవార్డు రాకపోవటానికి నాకు తోచిన మరో కారణం, అతను పూర్వాశ్రమంలో బాక్సర్. ఒక రకంగా, రెజ్లర్ లో పాత్ర బాక్సర్ గా అతని జీవితాన్ని ప్రతిబించించేదే. తన సొంత పాత్రలో తను అద్భుతంగా నటించటంలో వింతేమీ లేదు, దానితో పోలిస్తే గే రైట్స్ యాక్టివిస్ట్ పాత్రలో షాన్ పెన్ నటనే ఎక్కువ ప్రతిభావంతమైనదని అకాడమీ సభ్యులు అభిప్రాయపడి ఉండొచ్చు. పైగా, SAG అవార్డు షాన్ గెలవటం చూశాక ఇదీ అతనే గెలుస్తాడని నాకనిపించింది.
శంకర్ says:
నా ఓటు మికీకే వాళ్ళివ్వకపోయినా నేనిచ్చేసాను
… షాన్ పెన్ అంతగా కష్టపడినట్టుగా అనిపించలేదు, ఇంకా సినిమా అంతా ఒకేరకం నటన(చిన్నగా నవ్వడం, పెద్దగా ఏడ్వడం)… రెజ్లర్లో మికీ మాత్ర చాలా వేరియేషన్స్ చూపించాడు. ప్రొఫెషనల్ రెజ్లర్గా, కూతురి అభిమానం పొందలేని తండ్రిగా, ఒంటరితనం పోగొట్టేందుకు ఒక తోడుకోసం ఆరాటపడే ప్రేమికుడిగా సినిమా మొత్తం రకరకాలుగా నన్ను ఆకట్టుకున్నాడు.
@అన్వేషి,
ఈ సినిమా డాక్యుమెంటరీలా ఉండడమేంటండీ,
కూతురికి గిఫ్ట్ కొనే సీన్, సూపర్ మార్కెట్లో పనిచేసేప్పుడు కస్టమర్స్ ని సంబోధించే విధానం, పిల్లలతో వీడియోగేములు, కుస్తీ పట్టులు ఇవన్ని చాలా ఎంటర్టైన్ చేసాయి. ఇక ఒళ్ళు గగుర్పొడిచే రెజ్లింగ్ ఫీట్లు ఉండనే వున్నాయి… బొరింగ్ అన్న మాటకు అవకాశం ఎక్కడుందండీ అసలూ !!!
కె.మహేష్ కుమార్ says:
మొతానికి ఆస్కార్ షాన్ పెన్ కొట్టుకుపోయాడుగా!
గీతాచార్య says:
‘ఛా’న్ కాలం ఇది మరి.
కొత్తపాళీ says:
పైన అబ్రకదర్బ విశ్లేషణ (ఆస్కార్లు ఇలాంటి సినిమాలకి, ఎలాంటి పాత్రలకిస్తారు అని) సరిగా ఉంది .. అంటే నా అంచనాలకి సరిపోయేట్టుంది
అన్వేషి మిత్రకేసరీ, తొండేం లేదు. అకాడెమీ వాళ్ళు ఎప్పుడూ నిజంగా వాస్తవకి ధోరణికి అద్దంపట్టే చిత్రాలకి నీరాజనం పట్టిన దాఖలాలు లేవు. ఉన్నా ఒకటో రెండో.
పైన రత్నాకర్ గారు అర్జునుడూ భీముడూ కామెంటు అదురు.