హౌస్ ఫుల్-అజయ్ భుయన్ దర్శకత్వంలో రానున్న సరికొత్త తెలుగు సినిమా. గతంలో ’ఆ నలుగురు’, ’మధుమాసం’ లాంటి సినిమాలకి దర్శకత్వం వహించిన ప్రముఖ దర్శకుడు చంద్ర సిధ్ధార్థ నిర్మాణం లో త్వరలో మన ముందుకి రాబోతున్న ఈ సినిమా లో విపిన్, గౌరి పండిట్, వేగ, ఆర్యన్ లు ముఖ్య పాత్రలు పోషిస్తున్నారు.

Synopsis
పనికిమాలిన ఒక బాచిలర్ కుర్రాడు, ఒక ముదురు ప్రైవేట్ డిటెక్టివ్, పేరు చెప్తేనే జనాలు వణికిపోయే ఒక మాఫియా డాన్. వీళ్ళకి తోడు ఇద్దరమ్మాయిలు; ఒకరేమో మోసపోయిన ఆడది. మరొకరు మగవాళ్ళను తన చేతి వేళ్ళపై ఆడించగల వయ్యారి.ఒక్క రాత్రిలో వీళ్ళ జీవితాలు మారిపోనున్నాయి.ఒకరి కథ స్నేహం కోసం-మరొకరిది ధన దాహం. ఒకరికి కావాల్సింది పరువు-మరొకరికి ప్రేమ.

ముగ్గురు మగ వాళ్ళ జీవితంలో విడివిడిగా జరిగిన వేర్వేరు ఘటనలు. సంబంధం లేనట్టుగా అనిపించే కథనాలు. 24 గంటల క్రితం ఎవరికి వారే యమునా తీరే. కానీ తీగ లాగితే డొంకంతా కదిలిందెందుకని? వీళ్ళ జీవితాలను ముడివేసిన ఆ దారమేమిటో? నూతన బంధాలు, జటిల మానవ సంబంధాలు వెలుగులోకొచ్చే రాత్రి ఇదేనా?

హౌస్ ఫుల్-త్వరలో మీ అభిమాన థియేటర్లలో…

హౌస్ ఫుల్ – సినిమా వెబ్ సైట్

ఈ సినిమాకి సంబంధించిన ఎన్నో విశే్షాలతో కూడిన ఒక వెబ్ సైట్ (http://housefull.navatarangam.com) రూపకల్పన కూడా జరిగింది.ఈ వెబ్ సైట్లో నటీ నటుల ఇంటర్వ్యూలు, ఇమేజ్ గ్యాలరీలతో పాటు ట్రైలర్లు, సంగీతం కూడా త్వరలోనే లభ్యమవనున్నాయి.

ఈ సైట్ చూసి మీ అభిప్రాయాలు తెలియచేయండి.

Trailer