ఈమధ్యకాలం లో చాలా మంది ఎన్నారై ల గురించి తెగ బాధ పడుతున్నారు.. వీళ్ళదగ్గర డబ్బులు చెట్లకు కాస్తున్నా.. ఖర్ఛుపెట్టట్లేదు బాబోయ్ అని.. ఇంకా పూరి తన సినిమా లో ఎనిమిది డాలర్లు ఖర్ఛు పెట్టి సినిమా చూడని ఎన్నారై లని తిట్టిపోశాడు. బాగానే వున్నాయండి మీ అభిప్రాయాలు. నిజమే.. మా దగ్గర డాలర్లు చెట్లకే కాస్తున్నాయి అనుకుందాము..మా పళ్ళు మేమే తినాలా.. లేక దారినపోయే మీరంతా రాళ్ళు రప్పలు వేసి మా పళ్ళు కొట్టుకెళతారా!!
ఇక మేమెందుకు సినిమాలు చూడాలి అన్నది మా ఇష్టమా లేక మీరు అదే పనిగా తీస్తున్న మూస సినిమాలు ఎగబడి చూడాలా.. పో. ఎదో పూరి సినిమా కదా వెళ్దాము అనుకుందాము. ఇక మా పాట్లు భగవంతుడికే తెలియాలి. ఈ సంగతి పూరి కి తెలిసినా అది తన సినిమాలో చెప్పె ధైర్యం ఆయనకు లేదు. అది ముట్టుకుంటే ఆయన్నే కాలుస్తుంది. అదేమిటో మీకు చెప్పాలనే ఈ ప్రయత్నం.
ఈ మధ్య అన్ని సినిమాలు ఇండియా లోను అమెరికా లోను ఒకే రోజు రిలీజు అవుతున్నాయి.. మంచిదే.. వెబ్ సైటు చూస్తాము. ఫలానా సినిమా ఫలానా రోజు నుంచి ఫలానా టైము అని.. ఫలానారేటు అని..ఓకే మాష్టారు.. పదండి చూద్దాము చికాగో డెస్ ప్లేయన్స్ ధియేటర్లో.. మన తెలుగు సినిమా.
అది డెస్ ప్లేయన్స్ డౌన్టౌన్లో ఓ చిన్న ధియేటర్.. రెండే వెండితెరలు.. చాలా పాత ధియేటర్. రోడ్డు మీద క్యూ కట్టాలి. మన తెలుగువాడు కౌంటర్లొ కూర్ఛుని అతి కష్టం గా ఒకొక్క టికెట్టు ఇస్తాడు. మనిషికి 5 నిమిషాలు అంటే చాలా తక్కువే అనుకుంటా. వెబ్ సైటు లో రేటు 7 డాలర్లు గదా అని 10 నోటు ఇస్తే వెనక్కి విసిరేసి 15 డాలర్లు టికెట్టు అంటాడు. అసలే ఓ గంట డ్రైవ్ చేసుకుని వెళ్ళిన వాళ్ళము వెనక్కి తిరిగి వెళ్ళాలా లేక మనఖర్మ లేదా వాడి ఖర్మ అనుకొని 20 నోటిస్తే చిల్లర లేదంటాడు. బాసు అక్కడ 5 నోట్లు వున్నాయి గదా అంటే మీ కిచ్చేస్తే తర్వాత వచ్చే వాళ్ళకి ఎలా అంటాడు. అంటే ముందు వచ్చిన మా కంటే వస్తాడో రాడో తెలీయని వాడికి మర్యాదలు. 5 వదులుకొనో లేక 5 సర్దుకునొ టికెట్ తీసుకుని లోపలికి వెళ్దాము.
ఆన్ లైన్లో రిజర్వేషన్ చేసుకోవచ్చు. కానీ వచ్చిన చిక్కేమిటంటే.. మనం కన్ఫర్మేషన్ ప్రింటు చేసి తీసుకెళితే దాన్ని ఆయన ఎగాదిగా అరగంట చూసి టికెట్ ఇస్తాడు. దానికి లాబీలో క్యూ కట్టాలి. సామాన్యంగా ఈ క్యూ చాలా పెద్దది వుంటుంది. నాకు ఇప్పటికి ఆన్ లైన్లో రిజర్వేషన్ సుఖం అర్దంకాదు. లాస్ట్ మినిట్ టికెట్ రేట్ షాక్ వుండదు. నేను ఎప్పుడు ఆన్ లైన్లో రిజర్వేషన్ లో టికెట్ తీసుకున్నా లోపలికి వెళ్ళేటప్పటి కి ఫస్ట్ రో లొనే సీట్లు దొరికేవి. దాంతో బ్రతుకుజీవుడా అని రిజర్వేషన్ మానేసాను. టికెట్టు దొరకని పరిస్థితి రాదు లెండి. ఎక్స్ ట్రా సీట్లు వేయచ్చు.
లోపల అతి చిన్న ఇరుకు లాబీ. గట్టిగా 50 మంది నిలబడితే ఒకరిని ఒకరు హత్తుకోవాలి. టాయ్ లెట్ సువాసన ముక్కులు బద్దలు కొడుతుంది. సారీ. మనం తెలుగు సినిమా కి వచ్చాము కదా. ఔకాత్ నహీ భూల్నా.. సర్దుకుపోవాలి సార్..ఆ పక్కనే సమోసా. డాలరు కి ఒక్కటి. చిల్లర ప్రాబ్లం వుండదు. లోపల సినిమా నడుస్తున్నట్లుంది. అవును మాష్టారు. మ్యాటనీ ఓ గంట లేటు. సర్దుకుపోవాలి.
ఏదో బాతాఖానీ తో ఓ గంట గడిస్తే చాలు..అదో మ్యాటనీ అయిపోయింది. ఇక లోపలికి వెళ్ళితే పాత సీట్లు..ఒకే క్లాస్.. ఫర్లేదు.. ఇండియా లో చిన్నప్పటి జ్ఞాపకాలు గుర్తుచేసుకోవచ్చు. అప్పటికే ముందు వెళ్ళిన మహాశయులు.. రుమాళ్ళు, తాడులో, లేక పోతే ఆ చివర ఒక్కళ్ళు ఈ చివర ఒక్కళ్ళు కూర్చుని మా వాళ్ళు వస్తున్నారండి. సీట్లు లేవు అంటారు.. ఎందుకంటే మనకు సీట్ నెంబర్లు వుండవు. ఈలోగా సినిమా స్టార్ట్ అయిపోయింది. గురూ జరుగు అని జనాల ఘోష.. సర్దుకోరా భాయి.. నువ్వు అక్కడ కుర్చో నేనిక్కడ కూర్చుంటాను. నోయాడ్స్..నో కమింగ్ మూవీస్.. సరాసరి సినిమా మొదలు. ఈలోగా ఓ అమ్మడు గొడవ. చలికాలం ఐతే బాబ్జీ (మొగుడు నే లెండి) చాలా కూల్ గా వుంది. హీట్ పెంచమని..ఎండా కాలం ఐతే బాసూ.. కూలింగ్ పెంచమని చెప్పు అని. బాబ్జీ వెళ్ళి తిరిగి వచ్చాడు.. హనీ పొద్దున్న నుంచి అన్నీ ఫుల్ ఆన్ ట. కాసేపు బేర్ చేస్తే అన్ని మర్చిపోతావుట.
హతవిధీ.. ఈ సినిమా చాలా సార్లు చూసినట్లుందే. ఓ ఇంతకు ముందు నాగార్జున హీరో.. ఇప్పుడు వెంకటేష్.. పర్లేదు గురూ.. హీరోయిన్ మారింది గదా.. పాటలు కూడా అర్దంకాకుండా ఏదో కొత్తబాష లో పాడారు. చల్నేదో బాల్ కిషన్..
అమ్మయ్య..ఇంటర్వెల్..మళ్ళీ సేమ్ లాబీ.. టాయ్ లెట్ కి చాంతాడులా క్యూ. ఎందుకంటే అక్కడ ముగ్గురు కి మాత్రమే ప్రొవిజన్ వుంది. డోన్ట్ వర్రీ.. మీరంతా పని పూర్తి చేసేవరకు సినిమా మొదలు కాదు.. మరో మాట.. తెచ్చిన సమోసాలు అన్ని సేల్ అవ్వాల్సిందే..తర్వాత షొ లేట్ అయినా పర్లేదు.అంతా మనోళ్ళే గదా.. సర్దుకుపోతారు..
సినిమాలో డైరక్టరు రకరకాల ట్విష్ట్ ల తో.. అర్దం పర్దం లే కుండా..హీరో గారు ఇమేజ్ కోసం మర్చిపోయాను.. అభిమానుల కోసం.. ఒంటి చేత్తో వంద మందిని గిరగిరా తిప్పుతూ తంతూంటే.. హీరోయిన్ బట్టలు వేసుకుందో లేదో అర్దం కాకుండా..హీరో తో పిచ్చి గంతులు వేస్తూంటే. ఏనాటి పాపం ఈ నాటిదో అని బాధ పడుతూ.. చివరి నిముషంలో నైనా ఏదైనా మంచి ట్విష్ట్ ఇవ్వక పోతాడా అని ఎదురు చూస్తూంటే సినిమా అయిపోయింది. వణుక్కుంటూ బయటకు వచ్చి పడ్డాము – చలికాలం లో చలి భరించలేక.. ఎండా కాలం లో చెమటకి షర్ట్ తడిసిపోయి. మళ్ళీ గంట డ్రైవ్ చేసుకుంటూ.. ఇంటికి వచ్చిపడ్డాము. 2 గంటలు డ్రైవ్ + 3 గంటలు సినిమా + 2 గంటలు ఎదురు చూపులు.. మొత్తం 7 గంటలు.. ఓ తెలుగు సినిమా చూడ్డానికి.. ఇంత అవసరమా మాష్టారు.
ఓ నెల తిరిగితే అఫీషియల్ డివిడి వస్తుంది..$10 .. కాపీ చేసి ఇచ్చేవాడి కైతే $1..పైరసీ గురించి పట్టిచ్చుకోకపోతే రెండో రోజున కెమేరా ప్రింట్ $1.. ఇంట్లో ప్రోజక్టర్ లో వేసుకుని హైడె ఫినిషన్ స్క్రీన్ మీద చూసుకొక, ఇన్ని ఫెసిలిటీస్ వున్నప్పుడు.. అంత కష్టపడి.. ఎవడో ఏదో అన్నాడని సినిమా హాలు కెళ్ళి కొట్టించుకొవాలా మహాశయా..అయినా మొదటిరోజున తెలుగు సినిమా చూడకపోతే మునిగే కొంపలు ఏమన్నా వున్నాయా.. లేక పోతే మళయాళం సినిమా లోలా సీన్లు కట్ చేస్తారని భయపడాలా.
ఇదే హిందీ సినిమా అనుకోండి.. అమెరికన్ ధియేటర్లో రిలీజు అవుతుంది. రేట్లు, టైము ఫిక్స్ డ్. సమోసాలు అమ్మడు. వెళ్ళండి.. చూడండి.. బయటకు నవ్వుతూ రండి.
ఛ తెలుగు ఎనారై గాళ్ళు వేష్ట్ రా మామా మరీ నాసి గాళ్ళు.. ప్రతీదీ లెక్కలేస్తారు.
–వెంకట్ ఉప్పలూరి
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
వీబీ says:
Finest piece of writing ever on telugu NRI film world
అబ్రకదబ్ర says:
కొన్ని అతిశయోక్తులున్నా (పూరీ సినిమాల్లో ఉన్న స్థాయిలో లేవులెండి) మొత్తమ్మీద బాగా చెప్పారు. బే ఏరియాలో తెలుగు సినిమాలాడే థియేటర్లు చికాగో, డెట్రాయిట్ వంటి నగరాలకంటే ఫరవాలేదు. కానీ మీరు చెప్పిన సమస్యల్లో కొన్ని ఇక్కడా ఉన్నాయి – శుభ్రత లేకపోవటం వంటివి. సౌండ్ సిస్టమ్ బాగాలేకపోవటం మరో ప్రధాన లోపం. పాపం, ఎక్జిబిటర్లకి – వాళ్ల కష్టాలు వాళ్లవనుకోండి. మంచి ధియేటర్లకి ఎక్కువ అద్దెలు చెల్లించటం వాళ్లకి గిట్టుబాటు కాదు-ట. ఈ మధ్య మిల్పిటాస్లో – సెర్రా థియేటర్స్ అని – అక్కడ తెలుగు సినిమాలాడిస్తున్నారు. ఇవి చాలావరకూ బాగున్నాయి.
బే ఏరియాలో హిందీ వాళ్ల కన్నా తెలుగు, తమిళ జనాభా చాలా ఎక్కువ. కానీ హిందీ సినిమాలు ఎ.ఎమ్.సి వంటి మల్టిప్లెక్సుల్లో విడుదలౌతాయి. అవి ఎప్పుడూ ఖాళీగానే నడుస్తుంటాయి. మరి వాళ్లకెలా గిట్టుబాటౌతుందో, మనవాళ్లకెందుకు కాదో – నాకర్ధం కాదు.
వికటకవి says:
బాగా చెప్పారు. పూరి ఇక్కడికొచ్చి సినిమా చూసి తన సినిమా తీస్తే బాగుండేది.అయినా నాకు తెలియకడుగుతా, మరొకడి అభిప్రాయాలతో పనిలేకుండా ప్రతివాడు సినిమా చూడటం మొదలెడితే, ప్రతి సినిమా బాక్స్ ఆఫీసులో హిట్టైపోదూ. ఒక సినిమా మంచిగా ఉంటే ఎవడు చెత్త రివ్యూ రాసినా దాని సత్తా ఆనోటా ఆనోటా బయటపడనే పడుతుంది, అలాగే చెత్త సినిమాకి మంచిదని దొంగ రివ్యూలు రాసినా జనాలు పిచ్చోళ్ళలా పొలోమంటూ పోరు. పూరి అసలు బాధ అదేనేమో. అయినా దర్శకుడు కష్టపడ్డాడని చెత్త సినిమా చూసి మనమెందుకు కష్టపడాలి? అయినా వాళ్ళేమీ తక్కువ తినేల్దు కదా, ఇక్కడే ముందు రిలీజులు కూడా అయిపోతున్నాయ్.
మీరన్నట్లు హిందీ సినిమా చూసిన ఆనందమే వేరు, సినిమాతో బుక్కయినా థియేటరు వల్లైనా కాస్త ఆనందం పొందొచ్చు, తెలుగు సినిమాకి ఆ అదృష్టం కూడా లేదు.
Sarath says:
చికాగో (డోనర్స్ గ్రూవ్)లో ఈమధ్యే మొదలయిన సత్యం సినిమా హాల్ లో అరుంధతి చూడటానికి వెళ్ళాము. నెట్ లో చెప్పినదానికంటే ఎక్కువే (15$) వసూలు చేసారు. సరే, హిట్ సినిమా కదా అని సర్దుకుపోయాము. సినిమా హాల్ మాత్రం కొత్తది – బావుంది. తెలుగు – తమిళ్ సినిమాలు మాత్రమే ఇందులో ఆడతాయట.
కె.మహేష్ కుమార్ says:
ఎనారైల సినిమా కష్టాలు విని కడుపు చెరువైపోయింది. ఇన్ని బాధలు అనుభవించి చెత్తను భరించి రావడంకన్నా,అసలు భరించగలమా లేదా అనే ఒక ఐడియా ఇచ్చే సమీక్షల్ని ఆధారం చేసుకోవడం ఎంత సమంజసమో అర్థమవుతోంది. ‘పూరి’ వెళ్ళగక్కిన అక్కసుకి సరైన సమాధానం చెప్పారు.
Venkat says:
త్వరలో చికాగో..డెస్ ప్లైయన్స్ లో గోల్ప్ రోడ్ మీద ఆడ్ లాబ్స్ వా ళ్ళ ధియేటర్ వస్తోంది. ఇది మా కష్టాలు తీరుస్తుందని, ఒక నూతన అనుభవాన్నిస్తుందని ఆశిస్తున్నాను.
sreenivas pappu says:
“ఛ తెలుగు ఎనారై గాళ్ళు వేష్ట్ రా మామా మరీ నాసి గాళ్ళు.. ప్రతీదీ లెక్కలేస్తారు”.
కుమ్మేసావు గురువా..పూరీ కాస్తా అప్పడం అయిపోయింది..
shriedhar says:
nenu sandiego lo chusaanu movies 2/3
meeru cheepina anni prbs levu
but driving,waiting,queues, lopala seat search ilaantivi anie unaayi
hilarious ga aundi mee post
btw, we have every right to see the review before we go to the theaters considering the streak of telugu films.
shree says:
అమెరికా లో ఇలాంటి చెత్త దియెటర్ లు వుంటాయా…..
మురళి says:
ఇక్కడ చెత్త థియేటర్లో సినిమా చూసినప్పుడల్లా అమెరికా లో మన తెలుగు వాళ్లు ఇదే సినిమా ని భూతల స్వర్గం లాంటి థియేటర్లో చూస్తోంటే మనమిక్కడ బలైపోయామే..అని ఫీల్ అవుతూ ఉంటా. భూతల స్వర్గం అనుకున్నది కాస్తా భూతాల స్వర్గం అని తేల్చేశారు.. మీ రచనాశైలి బాగుంది.. సినిమాల గురించి కూడా రాయండి.
sharma says:
America lo theaters ila untaayaa?
chetha cinema thiyyadam antha easy kaadu choodatam!!
sujata says:
ha ha ha ha.
bala says:
chetta dwara indhanm vasttundemo
కొత్తపాళీ says:
సబాసో!
మీరే నా సరికొత్త హీరో!!
పప్పు స్రీనివాసు వ్యాఖ్య కూడా సూపరు.
మీరు చెబుతున్న “హిందీ స్నిమాళు మంచి థియెటర్లలో ఆడతాయి” ఫండా ఏంటో నాకర్ధం కాలేదు. మా వూళ్ళో అన్నీ ఒకలాంటీ థియెటర్లోనే ఆడతాయి. ఏ రాయయితేనేం పళ్ళూడగొట్టుకోడానికి అని సామెత అయినా .. మళ్ళి దానికి యెదవ హిందీ రాయెండుకు, శ్రేష్టమైన మన తెలుగు రాళ్ళే ఉండగా అంచెప్పి నేణు తెలుగుకే సెటిలైపోతుంటా!
ఇంకో మాట .. ఎక్కడో అరుదుగా తప్ప, అమెరికాలో థియేటర్లు అన్నీ దాదాపు చెత్తగానే ఉంటాయి. హైదరాబాదులోనూ, విజయవాళ్ళోనూ అలనాటి గొప్ప థియేటర్ల లెవెల్లో ఉండవు.
అబ్రకదబ్ర says:
@కొత్తపాళీ,
>> “ఎక్కడో అరుదుగా తప్ప, అమెరికాలో థియేటర్లు అన్నీ దాదాపు చెత్తగానే ఉంటాయి”
ఎ.ఎం.సి, సెంచరీ, రీగల్ సినిమాస్ బ్రహ్మాండంగా ఉంటాయి కదా. ఇవన్నీ డెట్రాయిట్ వైపూ ఉండాలి కదా! నావరకూ నేను ఎ.ఎం.సి వాళ్ల వీర ఫ్యానుని. మ ఇంటికి ఐదారు మైళ్ల వ్యాసంలోనే మూడు లొకేషన్లలో కలిపి వీళ్ల తెరలు అరవై దాక ఉన్నాయి.
శ్రీ says:
అమెరికాలో తెలుగు సినిమాలు ప్రదర్శించే థియేటర్లు చెత్తగా ఎందుకు ఉంటాయో నేను ఒక టపా రాస్తాను.
Telugu Cine abhimaani says:
@శ్రీ,
eagerly waiting for your article….
Don’t forget to include World’s worest theaters, which are in EDISON,NJ.
ee Theater lo cinemalu choodatam kante…APSRTC bustands lo bathrooms pakkana vunnaa TV lo choodatam kooda bettere…
i don’t think we have worest than EDISON, NJ theaters.
Saty SKJ says:
అతిధి గారు వ్రాసిన ఈ వ్యాసం నాకు బాగా నచ్చింది, ఈ విషయమ్యె నాకు ఒక డాక్యుమెంటరి తీయాలని ఉంది… ఎమంటారు?
Saty SKJ says:
చెప్పొదూ, స్కాట్లండ్ లొ మాత్రం తెలుగు సినిమాలు కూడ మంచి హాల్ లొ విడుదల అవుతాయి…
Scarlet says:
abhaaa! what an article!
bravo!
రామేశబాబు says:
భగవంతుడా! ఎక్కడున్నారు మీరు? మీది కాని చోట ఉన్నందుకా ఇన్ని కష్టాలు? ఎంతైనా ఒకటి మాత్రం నిజం, ఆంధ్రాలో ఇచ్చినట్టు సినిమాలకు ఇంకెక్కడా ఇంత విలువ దక్కదన్నమాట. సరే! సరే! మీరు చెప్పిన విధానం కష్టాలను ఇంత హాస్య నిష్టూరంగా చెప్పడం చాలా బాగుంది. మీరు వ్రాయగలరు, రాళ్ళేయగలరు. మరింకేం! మొదలెట్టండి. రాతగాళ్ళలో తెలుగువాళ్ళ సంఖ్యను అనేక రెట్లు పెంచేద్దాం.
Telugu Cine abhimaani says:
Super article…
Nijam chepparu andi… Edison,NJ lo ayithe $1 petti ayina cinema choodatam waste..alantidhi ticket price min 12$ pedatharu…. inka AC (Summer lo), heater (winterlo) godavalu common… and also restroom smell, samosa godava (2 for 5$)… ilanti edhava gola kooda…
Poni anni kastalu padi cinema choosthe…. ammmoooooo ee madya kalam lo vasthunnaa telugu cinemalaaaa….
i think no one can save our telugu film lovers….
prathi movie choodatam…. inka eppudu telugu movie chooda koodadhu anukovatam… malli movie release avagane anni marchipoyi malli vellatam…..
ala oka 10 worest movies choosthe… bonus ga oka good movie….
emoo eppudo vache aa okkka good movie miss ayipothavemoo ani vachina prathi addamaina chetha cinemalu choosthunnam..emi chestahm….
alanti dikkumaaalina cinma list lo top lo vunnde movies lo ee NENITHE movie okati….
Cinema choodaru ani maa lanti pichi prekshakalu meedha padi edhavakapothe…manchi cinema lu endhuku thiyyalekapothunnam ani vallu alochinchukuni…. kanisam every 3 movies ki oka good movie theesthe we will be happy
one good movie kosam 10 worest movies choodalekapothunnammmm
please god save us from the worest movies and most importantly worest theater in EDISON, nj
భమిడిపాటి ఫణిబాబు says:
మీరు వ్రాసినది చదివిన తరువాత అయినా మన నిర్మాతలకి, పంపిణీ దార్లకి కనువిప్పు అయితే బాగుండును.
భమిడిపాటి ఫణిబాబు
sandhya says:
hi chala baga cheparu.ardundhi movi ki veletha 1ganta jerny. dheyater dorakaleku.dhea yter chutu 4 sarlu theriginamu.yakado lopata undi. akada thakesu undi anne avaru kanipetaluru.ma yeddaru abayelu nida poyaru kani tekutu matharam thisukunamu.thakisu chala chinadi.pop corn cold drinks ticket petrol chala money vastu.andhadu nri lo tharopuna puri vagannadu ku buddi chapali