‘అరుంధతి’ మాయాజాలం
హారర్. ఫేంటసీ,సోషియో-ఫేంటసీ లాంటి పదాలు హాలీవుడ్ లో సినిమాల్ని (genre గా) విభజించడానికి ఉపయోగిస్తే,ఈ ప్రక్రియల్నన్నింటినీ కలగలిపి మన తెలుగువాళ్ళు సినిమాలు తీసేస్తారు. అన్నీ కలిపిన కలగూరగంప కాబట్టి ఏ పేరుతో పిలవాలో తెలీక, “మాయాజాల చిత్రాలు” అని నేనే ఒక genre కనిపెట్టేసా! ఇలాంటి మాయాజాల సినిమాలు విఠలాచార్యనుంచీ మన తెలుగుకి వారసత్వంగా వస్తే, ఈ కథనరీతిని మరోమెట్టుకు తీసుకెళ్ళిన visionary నిర్మాత శ్యాం ప్రసాద్ రెడ్డి అని ‘అమ్మోరు’ సినిమా నిరూపించింది. ‘అంజి’ నిరాశపరిస్తే,ఇప్పుడు ‘అరుంధతి’ తన సత్తాను నిరూపించిందని చెప్పక తప్పదు.
చందమామ కథకు పదునైన కథనాన్నీ, పొందికైన గ్రాఫిక్స్ ని సందర్భోచితమైన సొగసుల్నీ అద్దితే అరుంధతి సినిమా అవుతుంది. 80 సంవత్సరాల క్రితం గద్వాల్ సంస్థానంలో పశుపతి అనే దుర్మార్గుడైన ఒక అఘోరా మాంత్రికుడికీ(సోనూసూద్) ఒక అభిమానవతి అయిన రాజకుమారి అరుంధతి- జేజమ్మ (అనుష్క)కీ మధ్య జరిగిన ఘటన మళ్ళీ ఈ అధునిక కాలంలో పునరావృతం అవుతుంది. అరుంధతిగా మళ్ళీ పునర్జన్మ ఎత్తిన జేజమ్మను ఆ అఘోరా క్షుద్ర ఆత్మ ఎలా కష్టాలపాలు చేసేప్రయత్నం చేసింది, ఆ కష్టాలను ఒక ముస్లిం తాంత్రికుడు అన్వర్(షయాజీ షిండే) సహయంతో ఎలా అధిగమించిందీ అనేది కథ.
ఇప్పటివరకూ కేవలం అలంకారప్రాయమైన పాత్రలకో లేక అంగప్రదర్శనకు పరిమితమైన హీరోయిన్ గా ఉన్న అనుష్క ఈ సినిమాలో నటనా పరంగా మంచి ప్రయత్నం చేసిందని చెప్పొచ్చు. అభిమానవతి,సాహసి, రాకుమారి జేజమ్మగా తన గంభీరమైన నటన ఒక ఎత్తయితే మూఢనమ్మకాలని కొట్టిపడేసే ఒక అధునిక యువతి, తన జీవితంలో ప్రత్యక్షంగా అనుభవమయ్యేసరికీ ఏంచెయ్యాలో పాలుపోని కలవరపాటుకు గురవుతూ చివరకు తన కలవరపాటుని ధైర్యంతో పక్కకునెట్టి కార్యసాధనకు పూనుకునే మరొక పాత్రలో అనుష్క నటన ప్రశంసనీయం. తన ఎత్తు, విగ్రహం, స్క్రీన్ ప్రెజెంన్స్ ఈ పాత్రకు వన్నెతెచ్చాయి. స్త్రీలోలుడైన పశుపతిగా ఆ తరువాత అఘోరా మాంత్రికుడిగా సోనూ సూద్ ఆకట్టుకుంటాడు. ముస్లిం తాంత్రికుడిగా షయాజీ షిండే తన సహజమైన హడావిడి నటనను ప్రదర్శించినా, ఆ పాత్ర ఔచిత్యం ఆ పాత్రకు రాసిన తెలివైన సంభాషణల వలన గుర్తుంచుకోదగ్గదిగా మిగిలింది. ఆకాలానికీ ఈ కాలానికీ వారధిగా మిగిలిన పాత్రలో మనోరమ తన తమిళ నటనను ఒలికించింది. తాతయ్యగా కైకాల సత్యనారాయణ నటన సందర్భోచితంగా ఉంది. మిగతా పాత్రలు కేవలం ఉనికేతప్ప ప్రాముఖ్యత లేనివి కాబట్టి పెద్దగా చెప్పుకోవల్సిన అవసరం లేదు.
ప్రత్యేకమైన కామెడీ ట్రాక్, అనవసరమైన పరిచయ దృశ్యాలూ లేకపోవడం కథనం రీత్యా ఈ సినిమాకు చాలా “ప్లస్” అయ్యే విషయాలు. జేజమ్మ అఘోరాను చంపే దృశ్యంలో వచ్చే నృత్యం మరింత బాగా తీసుండొచ్చు. అరుంధతి పెళ్ళి సందర్భంగా సాగే పాట ఒక అనవసరం. ‘కోటి’ సమకూర్చిన సంగీతం సాంప్రదాయబద్ధంగా ఉన్నా, సినిమా స్థాయికి తగ్గట్లుగా అస్సలు లేదు. ముఖ్యంగా నేపధ్యసంగీతం ఈ సినిమాకు పెద్ద లోటు.అత్యంత కీలకమైన దృశ్యాలలో అత్యంత పేలవమైన నేపధ్యసంగీతాన్ని సమకూర్చి సినిమా స్థాయిని దిగజార్చడంలొ కోటి తనవంతు కృషి చెసారు.అంతేకాక సినిమాలోని ముఖ్యమైన ఘట్టాల్లోవచ్చే నేపధ్యగీతాన్ని భాషరాని, భావం పలుకలేని కైలాష్ ఖేర్ తో పాడించి పాపంకూడా కట్టుకున్నారు. గ్రాఫిక్స్ హాలివుడ్ స్థాయిలో లేకపోయినా, భారతీయ సినిమాలో ఈ స్థాయి విజువల్ క్రియేషన్ ఇదే ప్రధమం అనుకోవచ్చు. ఈ సినిమాకు ఒక pan Indian appeal ఉందనిపిస్తుంది. దర్శకుడిగా కోడిరామకృష్ణ చేసింది నటులదగ్గరనుంచీ నటన రాబట్టడం ఒక్కటే కాబట్టి అందులో తనవంతు సహకారం అందించారనే చెప్పాలి.
చివరిగా, ‘అరుంధతి’ ఒక మాయాజాలం. నిర్మాత శ్యాంప్రసాద్ రెడ్డి నమ్మకానికీ, సినిమాపట్ల తనకున్న passion కీ చిహ్నం.అస్సలు నిరాశపరచని చిత్రం. ఖచ్చితంగా చూడాల్సిన చిత్రం.
Filed Under: featured • lead • తెలుగు • భారతీయ సినిమా • సమీక్ష
శుభం. ప్రేక్షకులకు ఒక “మంచి సినిమా” చూసే అదృష్టం కలిగింది అన్నమాట .
బోర్ కొట్టే..లవ్ ట్రాక్..విరహ గీతాలు..కూడా లేవు..ఎట్లా హిట్టవుతుంది…మీరు పొరబడ్డారు…
-ప్రకాష్
ఈ సమీక్షా ను నేను తెలుగు వికీ కోసం తీసుకోవచ్చునా ? లేక కాపీ రైట్ చట్టం లోబడి ఉన్నదా?
@vamshi, ఈ సమీక్షని మీరు తెలుగు వికీ కోసం రచయితకూ,నవతరంగంకూ క్రెడిట్ ఇచ్చే షరతు మీద ఖచ్చితంగా తీసుకోవచ్చు. అభ్యంతరం ఏమాత్రం ఉండబోదు.
వికీ కోసం ఏదైనా…..
కానీ వికీ లో సమీక్షలు ఉండవు కదా?
@శిద్దారెడ్డి వెంకట్,
సమీక్షా ల కాకుండా సినిమా గురించిన సమాచారం లాగా ఉండాలి. అందుకోసం కొన్ని మార్పులు చేర్పులు అవసరమే. మన నవతరంగం లో వచ్చిన సమీక్షా లను తెలుగు వికీ లో పెడితే మనం కూడా తెలుగు వికీ కి వ్యాసాలు పంచుకున్న వారము అవుతాము.
@vamshi,
తప్పకుండా వంశీ గారూ
పైన మహేశ్ చెప్పినట్టు “చయితకూ,నవతరంగంకూ క్రెడిట్ ఇచ్చే షరతు మీద ఖచ్చితంగా తీసుకోవచ్చు. అభ్యంతరం ఏమాత్రం ఉండబోదు.”
మంచి రివ్యూ.మహేష్ అభినందనలు.నేను విన్న మరికొంత మంది ప్రేక్షకుల అభిప్రాయం కూడా ఇదే కాబట్టి ఒక మంచి సినిమా చాలా కాలానికి సంతోషం.
ఈ అంగసౌష్టవాన్ని ప్రదర్శించే నాయికామణులనించి(కొన్నాళ్ళ ముందు రమ్య కృష్ణ,మొన్నెప్పుడో మీరా జాస్మిన్,ఇప్పుడు అనూష్క..ఇంకా…)మన దర్శకనిర్మాత లు వారిని రెండో కోణం లో చూడలేకపోతున్నారో చూపించలేకపోతున్నారో అన్నది నా అభియోగం.
ఒక మంచి సినిమాకు సమీక్ష అందించినకు అభినందనలు. కానీ సినిమాలో మీకు బాగా నచ్చిన ఒకట్రెండు సన్నివేశాలను వివరించి ఉంటే, ఈ సినిమాని ఇప్పట్లో చూడలేని నా లాంటి వారికి మన సినిమా ప్రగతి గురించి కనీసం చదివి ఆనందించే అవకాశమైనా లభించి ఉండేది.
When you have such a good site why are you not publicising it?How will people know about our site if you dont give publicity. I came to know about this site from Saakshi. Please publicise. We need sites like this. Not the crap like idlebrain and great andhra.
హర్ష గారు,
ఒక్కోసారి పబ్లిసిటీ అనేది మనలాంటి పాఠకులు కూడా చేయొచ్చు! నేను ఈ సైట్ లింక్ ని విదేశాల్లో ఉన్న నా తెలుగు స్నేహితులందరికీ లింక్ పంపాను. వాళ్ళు పనిలో పడి మర్చిపోతారేమోనని కొత్త రివ్యూ వచ్చినా, మంచి ఆర్టికల్ వచ్చినా లింకులు మళ్ళీ మళ్ళీ తప్పనిసరిగా పంపుతుంటాను. వారు మరికొందరికి పంపితే అంతకంటే పబ్లిసిటీ ఉంటుందా?
@సుజాత!,
మంచి సలహా! మంచి ప్రయత్నం. ఎదైనా మన చేతులలోనే ఉంది మనం తెలుసుకోవాలంతే.
సినెమా రిలీస్ ఎందుకు లేట్ అయ్యిందంటే….క్లైమాక్ష్ లొ కలర్ కరెక్సన్ అనుకున్న టైం లో
కాలేదు అందుకే లేట్ అయ్యిందన్నాడు….శ్యాంప్రసాద్ రెడ్డి
క్లైమాక్ష్ దాక కలర్ కరెక్సన్ ని పట్టించు కోక పొతే ఈ సినెమా కూడా అంజి లా అయిపొతుందేమొనని అనుకున్నాను…. కాని హిట్ అంటున్నారు కాబట్టి ….కంగ్రాట్స్ శ్యాంప్రసాద్ రెడ్డి
I think at least now people start to realize the importance of Pre Planning or Screenplay for VFX
films…
మహెష్ గారు మీరు పైన పెట్టిన ఫొటో చూస్థుంటే VFX Softwares( Adobe After Effects, Eyeon Fusion, Autodesk Combustion or Whatever) లలొ దొరికే అన్ని Filters ని వాడి నట్టు అర్దం అవుతుంది…కాని అలా అర్దం కానట్టు వాడితే చాలా బాగుండేది….
(I have already figured out what filters they have used in the above two photos…whereas I cannot easily do this for hollywood films generally…I wish there would be more quality VFX ,which will not look like VFX)
VFX అంటున్నారు కాబట్టి ఇక్కడ ఒక విషయం చెబుతున్నాను….మన తెలుగు సినెమాలకి VFX ని అందించే Pixelloid Company కి ఆ మధ్య వెల్లాను… వాల్లు వుపయేగించే Software “Eyeon Fusion” అని చెప్పారు…..ఒక వేల ఈ సినెమా కి వాల్లు VFX చెసినట్లయితే, వాల్లు వాడింది “Eyeon Fusion Software” అని అర్దం చేసుకోగలరు….
మహెష్ గారు………
సమీక్ష చూసిన తర్వతా సినిమా కూడా బాగుంటుంది అని ఊహిస్తునాను.మా ఊరి లో విడుదలైన వెంటనే చూస్తాను.
జయాపజయాలకి అతీతంగా ఓ నిబద్ధతతో సినిమాలు తీసే అతి కొద్ది (ఒకే ఒక్క?) తెలుగు నిర్మాతల్లో ఒకడు శ్యామ్ ప్రసాద్. తలంబ్రాలు నుండి అరుంధతి దాకా అదే పంధా. ‘ఆగ్రహం’ దగ్గర్నుండీ ఇతని సినిమాలు అనుకున్నదానికన్నా ఆలస్యంగా పూర్తవటం మామూలైపోయింది. దానిక్కారణం పర్ఫెక్షనిజమో, మరేదో కానీ .. ఆ విషయంలో జాగ్రత్త పడితే శ్యామ్ నుండి మనం మరింత తరచుగా మంచి సినిమాలు చూడొచ్చు.
మర్చిపోయాను .. సమీక్ష క్లుప్తంగా బాగుంది. కధ విప్పకుండానే ఆసక్తిని కలిగించే విధంగా ఉంది. Well done.
Me samiksha bagundi ika movie chudalsina avasaram ledu
friendz..
hyd .. Geeth THEATRE Lo ( lingam palli) tickets release day nunchi dorakadam ledu…
its rockeing i think…
kindly do not watch this movie in geetha ,sound system is pathetic
సమీక్ష బాగా రాసారు.
మా ఊరిలో ఈ శుక్రవారం సినిమా విడుదల అవుతుంది, తప్పక చూస్తాం.
ఇటువంటి సినిమాలకి కోటిని సంగీత దర్శకుడిగా తీసుకోవడం మంచి నిర్ణయం కాదు.మణిశర్మ,కీరవాణి అయితే బాగా ఉండేది.
Thank you for the review. ee cinema chudalsinde.. mee vakhya valla marinta aasakthi perigindi.. teluigu indsutry ki ee cinema Na Bhootho Na Bavishayatto ani ekkado review chadiva..
కైలాష్ ఖేర్ తెలుగు చాలా భయంకరంగా వుంది. కొంచెం స్వఛ్చం గా పలికించినా బాగుండేది.
ఇళయరాజా అయితే ఇంకా న్యాయం చెసేవాడు.
@గోపీచంద్,
Gopichand garu,
Anni correct ga kudirithe adi telugu cinima enduku avuthundi brother.
చూడగానే చటుక్కున జబ్బలు విరిచేసి లటుక్కున బుగ్గలు కొరికేసి … వీర లెవెల్ లో ప్రేమించాలి అనిపించే అనుష్క ని తెలుగు సినీ ప్రేమికుల నుండి దూరం చేసే ప్రయత్నం చేసిన దర్శక నిర్మాతలు డౌన్ డౌన్
@sreedhar,
Anushkanu koodaa Soundarya laagaa pativratanu cestaaremo ani bengagaa vundi 
బాసూ!! రాస్తే మొత్తం తెలుగులో రాయి, లేదా ఇంగ్లీషులో రాయి. >>ఈ సినిమాకు ఒక pan Indian appeal ఉందనిపిస్తుంది.
ఎవుడికి తెలుస్తుంది ఇదేందో? pan Indian appeal అంటే కిళ్లీ ఏస్కుని దేశీలా కనిపించటమా?
అసలు pan Indian appeal అంటే ఏంటో చెప్పి మాకు కాస్త కళ్లు తెరిపించు నాయనా.
>>దర్శకుడిగా కోడిరామకృష్ణ చేసింది నటులదగ్గరనుంచీ నటన రాబట్టడం ఒక్కటే కాబట్టి అందులో తనవంతు సహకారం అందించారనే చెప్పాలి.
ఒక దర్శకుడికి ఇంతకన్నా పని ఏమీ ఉండదా? కేవలం నటింప చెయ్యటామేనా?
యధా రాజా తధా ప్రజా..బానే ఉంది “రివ్యూ”
@గోవిందయ్య, “pan Indian appeal” అంటే నాఉద్దేశంలో భాషా,సంస్కృతి,ప్రాంతాలతేడా లేకుండా భారతదేశంలో అన్నిచోట్లా ఈ సినిమాని డబ్ చేసినాకూడా చక్కగా ఆడేస్తుందని అర్థం.
ఇక కోడిరామకృష్ణ గారి గురించంటారా…కొన్ని దర్శకుల సినిమాలుంటే మరికొన్ని నిర్మాణ ప్రమాణాల(production values)నుబట్టి,నిర్మాత ఆధిపత్యంలో సాగే సినిమాలుంటాయి. ఈ చిత్రం అలాంటిదే! కథ,కథనం, production design, digital graphic visualization,production లాంటివాటికి విపరీతమైన ప్రాధాన్యత కలిగిన ఈ చిత్రంలో, చెప్పకనే నిర్మాత శ్యాం ప్రసాద్ రెడ్డి కృషి కనబడుతుంది. అందుకే కోడిరామకృష్ణ contribution as a director అందుకే పరిమితం అని సూచన.
@కె.మహేష్ కుమార్,
మొట్టమొదట: అయ్యా నవతరంగం వెంకట్ గారు:
“దయచేసి వ్యాఖ్యలు తెలుగులో వ్రాయండి. తెలుగులో వ్రాయడానికి lekhini.org లేదా బరహా సాఫ్ట్ వేర్ ఉపయోగించండి. »
ఇది తీసెయ్యండి.
రెండు: మీ జవాబుతో మీరు ఆనందంగా ఉంటే మాకేమి నొప్పి. 99 శాతం తెలుగు లో రాయండి లేక 99 శాతం ఆంగ్లంలో రాయండి.
ఇలా నేను రాసింది చదువు లేకపోతే దొబ్బుకెళ్లులా ఉంటే నవతరంగం వైపుకి మాలాంటి అజ్ఞానపు అంధకారంలో కొట్టుమిట్టాడే వాళ్లు రావడం అనవసరం.
కానీ వెళ్లే ముందు ఒక్కమాట. “pan indian appeal” లో అంత అర్ధం ఉందా? “ఆంగ్ల భగవంతుడా! తుస్సీ గ్రేట్ హో”.
>>ఇక కోడిరామకృష్ణ గారి గురించంటారా…చాలా గొప్పగా విశదీకరించారు. ఎంతైనా మేధావంతులు కదా!
మూడు: @గోవిందయ్య, మరోమాట, వ్యాసం 99% తెలుగులో ఉంది ఒకటీఅరా పదాలు ఆంగ్లంలో ఉండటం ఏవిధంగా సమస్యాత్మకమో తెలుపుతారా!
సమస్యాత్మకం అని ఎవరన్నారు? ప్రతీదీ అలా సమస్య అని మీరే భూతద్దంలోంచి చూస్కుంటున్నారు. మీకు చాలా మంచిది అది. అలానే ముందుకెళ్లండి.
విశ్లేషకులు శుఖీభవా! నవతరంగం శుఖీభవ!!
చివరగా:
ఒక వ్యాఖ్యాత వ్యాఖ్యల్ని ఆదరించినప్పుడే అతను లేక ఆమె పరిపూర్ణమైన వ్యక్తిగా ఎదుగుతాడు(తుంది). ఒక వ్యాఖ్యని సరిగ్గా తీస్కోలేని వాళ్లు ఎంతగొప్ప మేధావి అయినా రాయడమే అనవసరం.
విశ్లేషణ రాయండి. తప్పులేదు. నేనూ చదువుతా. అందరూ చదువుతారు. కానీ, నేను రాసింది చదువు అంటే అది గిరిగీసుకున్నట్టే అని భావించండి. దేనికంటే “జ్ఞానం అనంతం”.
ఇక నవతరంగానికి శెలవు
@నవతరంగం ఎడిటర్,
PAN Indian is Indian people who are across the globe can be clubbed to belong from one cultural entity . This entity rises from same legacy i.e. INDIA. So the PAN Indian is people of India or Indian background or Indian ideology but necessary not a citizen of India.
వితండవాదుల చేత, మూర్ఖులచేతా సినెమా రివ్యూలు రాయించకండి. నవతరంగం లాంటి అభిరుచి గల పత్రికలో అర తెలివి గాళ్ళ వల్ల మీకు మంచి జరుగక పోవచ్చును.
చిన్న సలహా మాత్రమే!
@చెత్తపాళీ, మీరు ఎత్తుకొచ్చిన “pan Indian” definition ఈ క్రింది లంకెలోనిది(http://in.answers.yahoo.com/question/index?qid=20070427090030AABIgpW). ఇదే లంకెలో ఉన్న మొదటి పర్యాయార్థమే నేను చెప్పిన “Across all of India”ఆర్థం. ఇక్కడ వితండం మీదో నాదో అర్థమవుతోంది. ఇక మూర్ఖత్వం అంటారా…దాని గురించి ఎంత తక్కువ మాట్లాడుకుంటే అంత మంచిది.
@కె.మహేష్ కుమార్,
బాబూ మహేశ్, పిచ్చి కుక్కలు మొరిగితే మేము పక్కకు తప్పుకుంటాము. మీరేమి చేస్తారు? నవతరంగం ఎడిటర్ గారిని ఉద్దేశించి రాసిన వ్యాఖ్య అది. మీరు మూసుకోండి.
@గోవిందయ్య, మరోమాట, వ్యాసం 99% తెలుగులో ఉంది ఒకటీఅరా పదాలు ఆంగ్లంలో ఉండటం ఏవిధంగా సమస్యాత్మకమో తెలుపుతారా!
@కె.మహేష్ కుమార్,
అన్నా ,pan indian appeal అంటే నాకు అర్ధం కాలేదు . (బుర్ర గోక్కుని కొంచెం సేపు యెక్కడయినా నిఘంటువు లో ఎక్కడయ్ నా దొరుకుతుందేమో నని చూశా ) ఉదాహరణ కి cinema super hit అని ఇంగ్లీషు లో రాస్తే అందరికీ అర్దమవుతుంది.కానీ అని అందరికీ అర్ధం కాని pan indian appeal పదం రాసి 99% తెలుగులో రాశానని చెప్తే ???
@గోపీచంద్, ఇక్కడ అందరికీ ఆ పదంలోని ఉద్దేశం అర్థమయ్యింది మీ ఒక్కరికి తప్ప. కాబట్టి “అందరికీ అర్ధం కాని” అనే generalization చెయ్యడం మానండి. పైన pan Indian appeal అనే పదం ఎందుకువాడానో చెప్పాను. ఒకసారి చదువుకోగలరు. వ్యాసం 99% తెలుగులో లేదంటారా?
@కె.మహేష్ కుమార్ కొంత మంది తెలియక పోయినా అడిగితే మరీ బుర్ర తక్కువ వాళ్ళు అనుకుంటారేమొ అని అడగరు.ఎమో తెలియనిది తెలియలేదు అని చెప్తే తప్పు లేదు కదా??మొత్తానికి ఒక కొత్త పదానికి అర్ధం తెలిసింది.కృతజ్ఞతలు. అయితే ఇక్కడ నేనొక్కడినే బుర్ర తక్కువోడినేమో???చ పాపం నేను
” pan Indian appeal అంటే కిళ్లీ ఏస్కుని దేశీలా కనిపించటమా?”
నవ్వు ఆగడం లేదు మాస్టారు చంపేసారు…
@sreedhar,
mare.
>>దర్శకుడిగా కోడిరామకృష్ణ చేసింది నటులదగ్గరనుంచీ నటన రాబట్టడం ఒక్కటే కాబట్టి అందులో తనవంతు సహకారం అందించారనే చెప్పాలి.
దర్శకుడు సహకారం అందించేదేంటి?? దర్శకుడికి అన్నీ శాఖలు “తమదైన సహకారం” అందించటం విన్నాకానీ ఇదెక్కడా విన్లా. అదికూడా “తనవంతు సహకారం”. అబ్బా!! భలే చేశాడే మొత్తానికి కోడి రాంకిట్నా!!
నేను అరుంధతి ఎందుకు చూసానంతె
ఇంతెర్నెత్ లొ అందరు బాగుంది అని గొగ్గొలు పెత్తారు
కాబత్తి.కాని అరుంధతి అస్స్సించిన స్థాయి లొ లేదు.మాములుగా వస్తున్న రౌతినె ఫౌర్ముల సినిమాలకు భిన్నంగా వున్నద్నతే.కథ ఒకె దారిలొ వెల్లుతుంది.పక్క చూపులు వుందవు.ఏ
సినిమా అయినా హిత్ అయిందంతె ఇదె మూల కారనం.ఈ
ఒక్క కార్నానికి ఎంత ఆకాసనికి ఎత్తారు అంది ఈ వెబ్ వాల్లు.ఇక గ్రాఫిక్స్ అంతార చిన్న పిల్లల జెతెక్ష్ చాన్నెల్ చూదంది ,ఆలానె వున్నయి ఈ గ్రఫిచ్స్.నాకు అర్ధమయిందేంతంతె మంచి కథలు వున్న సినిమాలు లేక ప్రజలు ఎలా
విలవిల లాదుతున్నారొ.రాక రాక ఒక్కతి వస్తె కరువు తర్వత వర్షం వచ్చినత్లు ,ఈ సినిమాకి పరిగెత్తుతున్నరు.
ఈ సినిమా ప్రొద్యుసెర్ అధ్రుష్తవంతుదు.నేను సైతం ఈ
సినిమాకు నాలుగు వందలు ఇచ్చాను.
@kalyan,
ఆర్యా! post చేసే ముందు మరొక్కసారి సరి చూసుకోవలసింది తమరు, మన తెలుగును మనమే ఇలా బధ్ధకంతో…(క్షమించగలరు)
@రామేశబాబు, modati sariga telugu type chesanu kabatti ala tappulu dorlayi.it is understood ,please look into the content.
dear editor of navatarangam, how about sending the comments to the moderator before being posted here directly.filtering the needless comments puts an end to the comments that are being personlised and ending up with ego clashes.please look into this matter .navatarangam as far as i know has a high standerd in its articles as well as the taste of the editor and other contributers.the comments that r slowly coming up are making it again a chat room of many other cheap sites.
I agree with Kalyan based on what we have seen in recent days. But at the same time, moderating comments requires lot of time and effort. Some policy should be taken on posting comments, if we feel it is going out of proportion.
మహేశ్ బ్ఱదఱ్ఱ్ఱ్ఱ్ఱ్ఱ్ఱ్ఱ్ఱ్,
ఆంగ్ల పదాలు వాడడం మంచిది కాదు అని అందరూ గ్రహించిన విషయమే. కాబట్టి ఇలాంటి చోట్ల స్మైలీసహితంగా మన తప్పు ఒప్పేసుకొని మళ్ళీ సారి వాడడం తగ్గించడానికి ప్రయత్నిస్తాం అంటే బాగుంటుందేమో. అదీ మీరు ఆంగ్ల పదాలు వాడేది చాలా సంక్షిష్టాంశాలకు. బ్ఱదఱ్, సిస్టఱ్ లాంటివి వాడితే ఎబ్బెట్టుగానున్నా, తేలికగా అర్థమవుతాయి కాబట్టి పర్వాలేదు. కానీ ఇలా సాంఘిక శాస్త్ర ఆంగ్ల పరిభాషా పదాలు వాడితే కష్టమే…
అలాగే సినిమావారు ప్రేక్షకమహాశయులు అన్నట్టు మనమూ పాఠకమహాశయులు అని పదే పదే జపిస్తూ వారితో మాట్లాడేటప్పుడు కాస్త మెత్తగానుంటం నయం.
రాకేశ్వర
స్వయన్నియమిత పాఠక సంబంధం శాఖ కార్యదర్శి
నవతరంగం.
@రాకేశ్వర రావు, ఎగతాళిగా అడిగినా కూడా మొదటి జవాబు వినమ్రతతోనే ఇచ్చాను. కానీ, రెండో సారి కేవలం అవమానించడానికి ప్రశ్నిస్తే సాధికారంగా జవాబిచ్చానేగానీ మాట మీరలేదు. నేను పాఠకులకిచ్చే గౌరవం ఆ వరకూ మాత్రమే. ఇక నన్ను ఉద్దేశించి “వితండవాది. మూర్ఖుడు” అంటే పాఠకుడు కాదుకదా అది ఎవరైనా అంగీకరించాల్సిన అవసరం నాకు లేదని మనవి.
నేను నిన్న అరుంధతి చూసాను. చూడనివాళ్ళు కంగారేం పడక్కర్లేదు, చూడనంతమాత్రాన పెద్దగా ఏం miss అవటం లేదు. జనాలు అంతలా hype ఎందుకిస్తున్నారో అర్థం కావటంలేదు perfectionist, passionate producer etc అని. Producer మాత్రమే కాదు director కూడా శ్యాంప్రసాద్ రెడ్డే, కోడి రామకృష్ణ పేరు మాత్రం వేసారు అని నా doubt. కథకి సంబంధం లేని comedy tracks, extra songs లేవనేగానీ, పెద్దగా ఏం లేదు సినిమాలో. Just any other regular telugu movie with all its inconsistancies, immature direction, non-performing hero/heroine/villain. graphics అని ఊదరగొట్టేస్తున్నారు కాని మన చిన్నప్పట్నుంచి చూస్తున్నవాటికన్నా పెద్దగా గొప్పగా ఏం అనిపించలేదు నాకు. ఇంక తెలుగు ఖూని గురించి చెప్పక్కర్లేదు. ఇప్పటి సినిమాల్లో 4,5,6,7,8,9,10 చోట్ల తప్పులతడకల తెలుగు ఉన్నా కూడా పర్వాలేదు అనుకుందాం. కాని సినిమా అంతా ఇంచుమించు నాకలాగే అనిపించింది మరి. వెన్నముక్క నుంచి ఆయుధం తెలుసా.. వెన్నముక్క నెయ్యిముక్క ఏంటి అని అడగకూడదు, అది వెన్నెముక. మురుగ సీర మాసం (మృగశిర), ధుర్మరనం (దుర్మరణం), కులత (కులత ఏంటీ కొలత లాగ అనుకొవద్దు, అది కులట), సమస్తానాం (సంస్థానం) తెలుసా? ఇలా ఎన్నో, సినిమా అంతా. మన సినిమాలు అంతే, గొంగట్లొ కూర్చుని వెంట్రుకలు ఏరుకోకూడదు అంటారా. అవును మామూలు సినిమాల్లో ఉంటే “ఎహె అన్ని ఒకటే గోల” అనుకోవచ్చూ, కళ్ళూ, చెవులూ మూసుకుని సినిమా చూసేయ్యొచ్చు ఎప్పట్లాగే. కాని మరి perfectionist, most passionate abt telugu cinema అని తెలుగు సినిమాని, చూస్తున్న జనాలని ఉద్ధరిస్తున్నట్టు ఊరంతా, టీవీల్లో, రేడియోల్లో టంకు వేయించుకుంటున్నపుడు ఇలా imperfectగా, inconsistantగా, lacklusterగా ఎలా తీసాడు మరి?.. మేమింతే, ఇలాగే తీస్తాం/తీయగలం, వీటిల్లోనే better/best ఏరుకోండి అన్నప్పుడు మరి ఆ పిస్తా పోజూ, హైపూ ఇవ్వకూడదు.
@Chetana,
Well said.
మరణించిన పశుపతి ఆత్మరూపంలోనే ఉండగలడు. ఇతరుల శరీరాల్లో దూరగలడు. అతడు జేజమ్మను రేప్ చెయ్యాలంటే ఏదో ఒక శరీరంలో ప్రవేశించాలి. ఆసమయంలో చంపవచ్చు అన్న ప్లాన్ క్లైమాక్స్ లో మరచిపోయాడు కోడి. పశుపతిని తన పూర్వపు రూపంలో చూపకుండా ఉండాల్సింది. కనీసం తన సమాధి తలుపులు బద్దలు కొట్టడానికి ఉపయోగపడిన పాత్ర ద్వారా గానీ, ముస్లీమ్ తాంత్రికుడి శరీరంలో దూరిగానీ అనుష్కాను రేప్ చెయ్యబోయినట్లు, జేజమ్మ రక్తంతో తడిసిన కత్తి మొన తగిలి పశుపతి ఆత్మ శాశ్నితంగా అదృశ్యమైనట్లు చూపితే బాగుండేది. అప్పుడు షిండే కూడా బ్రతుకుతాడు.. కథ సుఖాంతమౌతుంది.
అలాగే జేజమ్మ బాలికగా అనుష్క పోలికలు కలిసిన అమ్మాయిని పెడితే బాగుండేది. మా ఊర్లో అలాంటి అమ్మాయి ఉంది.
అరుంధతి సినిమా మీద మీరు రాసిన వ్యాసం బాగుంది..తెలుగు లో ఇలాంటి సినిమాలు రావాలి.. సినిమా వాస్తవానిక్ దూరంగా వున్న.. చాలా బాగుంది..
Oops. Heavy violence. No problem, if u don’t watch it. Instead of it, U can happily watch the Lord of the rings trilogy, if u want graphics. It’s heavily disturbing.
Any way, a FIFTY congrats.
http://www.youtube.com/watch?v=4hhj2h_HOE8&feature=related
Interview with Ravi Shankar, voice for Aghora, on YouTube.
YE BOMMALI .. NANNU CHAMPI SAMADI LO KULLA BETTINA NINNU, NAA VASAM CHESUKUNTA VASTA THAPPAKA VASTA ..
Arundhati is no.1 waste movie. see http://navatarangam.com/2009/04/arundhati-an-analysis/ I dont know why this movie is considered as hit. Producers like ShyamPrasad should not make this kind of movie.
హలో, అ౦దరికీ నమస్తే . నాకు ఇదే మొదటి కామె౦ట్. సమీక్షలలో ఏవేవో వ్రాశారు. అన్నీ బాగున్నాయి కానీ ***ఇక కోడిరామకృష్ణ గారి గురించంటారా…కొన్ని దర్శకుల సినిమాలుంటే మరికొన్ని నిర్మాణ ప్రమాణాల(production values)నుబట్టి,నిర్మాత ఆధిపత్యంలో సాగే సినిమాలుంటాయి. ఈ చిత్రం అలాంటిదే! కథ,కథనం, production design, digital graphic visualization,production లాంటివాటికి విపరీతమైన ప్రాధాన్యత కలిగిన ఈ చిత్రంలో, చెప్పకనే నిర్మాత శ్యాం ప్రసాద్ రెడ్డి కృషి కనబడుతుంది. అందుకే కోడిరామకృష్ణ contribution as a director అందుకే పరిమితం అని సూచన.*** అనే విషయ౦ మాత్ర౦ వ౦ద శాత౦ అబద్ధ౦. ఆయనేమీ ఈ సినిమాతో తన సినీ జీవితాన్ని ప్రార౦భి౦చలేదు.
ఇలా౦టివి ఇప్పటికే దాదాపు వ౦ద సినిమాలకు దర్శకత్వ౦ వహి౦చి ఎన్నో రకాలుగా తన వైవిధ్యాన్ని చాటుకున్నారు. చిర౦జీవి గారితో గూఢచారి తరహా సినిమాలు ఒకటి రె౦డు చేశారు. ఎవరికీ సాధ్య౦ కాని రీతిలో బాలకృష్ణ గారితో నాలుగు పైగా ఘన విజయాలు [మువ్వ గోపాలుడు, మ౦గమ్మ గారి మనవడు, ముద్దుల మావయ్య, ముద్దుల కృష్ణయ్య....] సాధి౦చారు. ఇప్పటి భారీ నిర్మాత ఎమ్.ఎస్.రాజు గారితో మొదటి ను౦చీ ‘శత్రువు, పోలీస్ లాకప్, దేవి…. ఇలా కొన్ని ఘన విజయాలు అ౦ది౦చి ఆయన ప్రగతికి ఎ౦తో సహాయపడ్డారు. అన్నట్టు రాజశేఖర్ గారికి ఎ౦తో పేరు తెచ్చిన ‘అ౦కుశ౦,ఆగ్రహ౦,మగాడు,ఆహుతి, తల౦బ్రాలు… ఇవన్నీ కోడి రామకృష్ణ గారివే.
ఇ౦కా… రాజకీయాల పై వ్య౦గ్యాస్త్రాలు వదులుతూ కొన్ని సినిమాలు కూడా అప్పటి సమయానికి ఎ౦తో అద్భుత౦గా తీసారు అనే చెప్పాలి. తల౦బ్రాలు, అమ్మోరు,ఇప్పటి అరు౦ధతి… ఇవన్నీ ఎ౦తగా ప్రేక్షకులను ఆకట్టుకున్నా నాకు మాత్ర౦ ఈ సినిమాలు అ౦టే అస్సలు పడదు. కానీ అ౦దరికీ నచ్చేలా ఇన్ని సినిమాలు తీసి విజయాలు సాధి౦చట౦ నాకు ఇప్పటికీ అర్ధ౦ కాదు. అమ్మోరు,అరు౦ధతి…లా౦టి సినిమాలకి ఎ౦దుకు అ౦త ఆదరణ అనే విషయ౦ నాకు అస్సలు సమాధాన౦ దొరకని ప్రశ్న. ఇలా౦టి సినిమాలతో ఎ౦దుకిలా మూఢ నమ్మకాలని పె౦చి , తర్కరహితమైన కథలు తీసుకువస్తారు! అని ఎప్పుడూ అనిపిస్తు౦ది. కానీ గ్రాఫిక్స్ , ఫోటోగ్రఫీ….. లా౦టి అదనపు హ౦గులతో అమ్మోరు,దేవి[ఇది పెద్దగా పేరు లేని ఆర్టిస్టులని ప్రధాన పాత్రలుగా పెట్టి తీసిన సినిమా!!],దేవుళ్ళు, అరు౦ధతి…తీసి చాలా వరకు విజయాలు సాధి౦చారు.ఎవరో కొత్త వాళ్ళు సినీ నిర్మాణ ర౦గ౦లోకి అడుగు పెడితే వారితో దేవుళ్ళు సినిమా తీసి వారిని ఎ౦తో కొ౦త గట్టెక్కి౦చడ౦లో కోడి రామకృష్ణ గారిదే మొత్త౦ గొప్పతన౦ అని ఒప్పుకోక తప్పదు కదా![ఆ సినిమా యావరేజి కన్నా బాగానే ఆడి౦ది కదా!]“ఇప్పుడు నేను ఇలా వు౦డటానికి కోడి రామకృష్ణ గారే కారణ౦” అని స్వయ౦గా ఎమ్.ఎస్.రాజుగారే అన్నార౦టేనే ఆయన గురి౦చి అర్ధ౦ అవుతు౦ది. ఏవో రీమేకులూ,ఇ౦గ్లీషు సినిమాలకి కాపీలూ చేసి హిట్లు కొట్టి వు౦టారని వాది౦చినా …మొదటి సినిమా “ఇ౦ట్లో రామయ్య వీధిలొ కృష్ణయ్య ” ను౦చి ఇప్పటి అరు౦ధతి వరకూ అలాగే వచ్చాయని అనుకోవాలి.అలా అనుకున్నా ఇన్ని కాపీలు కొట్టి హిట్లు/ఫ్లాపులు కొట్టడ౦ వెనుక భాధ్యత అ౦తా కోడి రామకృష్ణ గారిదే. అ౦త ప్రతిభ, ముఖ్య౦గా బాధ్యత లేకు౦డా ఇ౦త మ౦ది నటులు,నిర్మాతల …భవిష్యత్తు కి సహాయపడట౦ ఎవ్వరి వల్లా కాదు.
అరు౦ధతి ఎ౦దుకు ఇ౦తగా అ౦దరికీ నచ్చి౦దో నాకు తెలియదు. కానీ ఆ గొప్పతన౦ అ౦తా నిర్మాతకే ఆపాదిస్తున్నారు. ***దర్శకుడిగా కోడిరామకృష్ణ చేసింది నటులదగ్గరనుంచీ నటన రాబట్టడం ఒక్కటే కాబట్టి***అ౦టున్నారు,ఈ సినిమాకి శ్యా౦ ప్రసాద్ రెడ్డిగారే ఒక రక౦గా దర్శకుడు(!!!???)అని కూడా అ౦టున్నారు. నిర్మాతగా ఆయన మాత్ర౦ డబ్బు పెట్టడ౦ తప్ప ఏమి చేశారో చెప్ప౦డి?అరు౦ధతి స్రిప్టు ఎవరు వ్రాశారో తెలియదు కానీ ఇ౦త బడ్జెట్ పెట్టడానికి మనకి అశ్వనీదత్ లా౦టి నిర్మాత లేరా?పైగా ఇప్పుడు ‘సలీ౦’లా౦టి సినిమాలకి కూడా ఇరవై మూడు కోట్లు పెట్టే నిర్మాతలున్నారు!కానీ ఇదే సినిమాకు దర్శకునిగా కోడిరామకృష్ణ గారు కాకు౦డా వేరే ఎవరినో ఎ౦దుకు పెట్టలేదు?ఇ౦త సుధీర్ఘ కాల౦ ఓపికగా సినిమా తీయడ౦ చాలా గొప్ప విషయమే!కానీ ఏ దర్శకుడు ఈ కాల౦లో ఇ౦త ఓపికగా ఒక సినిమాని [తెలుగు పరిశ్రమలో]నడిపి౦చగలరు?ఇదే నిర్మాత ఆరు స౦వత్సరాలు తీసిన ‘అ౦జి’ సినిమాకి దర్శకులు ఎవరు?కోడిరామకృష్ణ గారే కదా!ఇప్పుడు ఇ౦తగా మాట్లాడుకు౦టున్న అరు౦ధతి సినిమాకి దర్శకునిగా ము౦దు సభాపతి[తమిళ దర్శకుడు]ని అనుకున్నార౦ట!కానీ కొన్ని సమస్యల వల్ల దర్శకుని మార్చార౦ట!అప్పుడు కూడా మళ్ళీ కోడిరామకృష్ణ గారినే ఎ౦దుకు తీసుకున్నారు?ఈ సినిమాలో ఎన్ని లోపాలున్నా అ౦దరూ అవేవీ పట్టి౦చుకోకు౦డా ఇ౦తలా ఈ సినిమాని ఆకాశానికి ఎత్తేస్తున్నార౦టే దర్శకుడు ఓపికగా ఫోటోగ్రఫీ, ఆర్ట్, ఎడిటి౦గ్, గ్రాఫిక్స్, నటన…….ఇలా అన్ని ర౦గాల ను౦చీ తనకు కావలసినది రాబట్టుకోవడ౦ వల్ల కాదా? ఇవన్నీ దర్శకత్వ౦ తెలియని ఏ నిర్మాత చెయ్యగలడు?ఈ నిర్మాత నిజ౦గానే ఈ సినిమాకి దర్శకుని లా౦టి వాడు అయితే తనే దర్శకత్వ౦ వహి౦చవచ్చు కదా?అ౦త దాకా ఎ౦దుకు?ఇప్పటి దాకా ఈయన చేసిన సినిమాలు అన్నీ కోడిరామకృష్ణ గారితోనే ఎ౦దుకు చేస్తున్నారు?దీనిని బట్టి కోడిరామకృష్ణ గారిపై నిర్మాతకున్న నమ్మక౦,భద్రతాభావ౦ అర్ధ౦ అవుతాయి.ఇవి చాలవా- ఈ సినిమాకి రావలసిన పేరులో కోడిరామకృష్ణగారికే ఎక్కువ భాగ౦ రావాలి అని చెప్పటానికి?
@ప్రభాకర్ రెడ్డి గారు, కోడిరామకృష్ణ దర్శకత్వ చరిత్ర ప్రతిభ తెలియనివాణ్ణి కాదు. కానీ, అరుందతి చిత్రానికిగానూ చాలా వరకూ క్రెడిట్ శ్యామ్ ప్రసాద్ రెడ్డికి ఆపాదించడానికి కొన్ని కారణాలున్నాయి. అవి తెలుసుకోవలసినవేగానీ చెప్పేవిషయాలు కావు.
రాహుల్ నంబియార్ అనే ఒక పేరుచెప్పి వదిలేస్తాను. మిగతావి మీరు అర్థంచేసుకునే ప్రయత్నం చెయ్యండి.