Menu

మనకు తెలియని మన ఘంటసాల

ఈ రోజు డిసెంబర్ 4వ తారీఖు. ‘అయితే ఏమిటి?’ అంటారా? ఈ రోజు మన గాన కళానిధి, అమరగాయకుడు ఘంటసాల వెంకటేశ్వరరావు గారి జన్మదినం. 1922 జనవరి నాలుగున కృష్ణా జిల్లా చౌటుపల్లి గ్రామంలో జన్మించారాయన.

అంతకుమించి, మిగిలిన వివరాలలోకి వెళ్ళకుండా, ‘మనకు తెలియని మన ఘంటసాల’ అని ఎందుకన్నానో చెప్తాను. ఘంటసాల ఒక తెలుగు సినీ నేపధ్యగాయకుడిగా మాత్రమే మనందరికీ తెలుసు. అయితే, ఆయన గాన గాంధర్వం ఒక్క తెలుగు భాషకే పరిమితం కాలేదు. తమిళం, కన్నడం, మళయాళం, సింహళం, చివరకు హిందీలో కూడా పాడారన్న విషయం బహుశా ‘నవతరంగం’ పాఠకుల్లో చాలామందికి తెలిసి ఉండొచ్చు కాని, సామాన్య జనాలకు తెలిసింది చాలా తక్కువ. ఒకవేళ తెలిసిన వాళ్లైనా ఆ పాటలు ఎప్పుడూ విని ఉండకపోవచ్చు.

ఈ సంవత్సరం ఫిబ్రవరి 11 న ఘంటసాల వర్ధంతికి ఒక నెల రోజుల ముందు నేను ఆకాశవాణి, హైదరాబాదు కేంద్రం వారికి ఒక ఉత్తరం రాస్తూ, ఆ రోజున ఘంటసాల గురించి మొక్కుబడి కార్యక్రమం కాకుండా, ఆయన ఇతర భాషల్లో పాడిన పాటలతో పొందుపరిచిన (తెలుగు పాటలతో పాటు) కార్యక్రమం ప్రసారం చెయ్యమని సూచించాను. హైదరాబాదులోనే నూకల ప్రభాకర్ అని ఒకాయన ఉన్నారని, ఘంటసాల పాటల మీది ప్రేమతో ఆయన ఘంటసాల తెలుగులో పాడిన ఎన్నో అరుదైన పాటలతోపాటు, ఇతర భాషల్లో పాడిన పాటలుకూడా, ఎంతో శ్రమకోర్చి సేకరించారని, ఆయనను సంప్రదించి ఒక కార్యక్రమాన్ని చేయమని ప్రభాకర్ గారి వివరాలు ఆకాశవాణి వారికి అందజేశాను.

ప్రభాకర్ గారి గురించి నాకెలా తెలిసిందంటే – కొంతకాలం క్రితం ఒకసారి హైదరాబాదు వెళ్ళినప్పుడు, ఘంటసాల గారి కూతుళ్ళలో ఒకరైన డా. ఘంటసాల శ్యామల గారిని కలవటం జరిగింది. ఆమె ద్వారానే ప్రభాకర్ గారి గురించి నాకు తెలిసింది.

నా సూచనను మన్నించి, ‘ఆకాశవాణి’ వారు ప్రభాకర్ గారిని తమ స్టూడియోకి రప్పించి, ఫిబ్రవరి 10న ఈ ప్రత్యేక కార్యక్రమం ప్రసారం చేశారు (ఆరోజు ఆదివారం కాబట్టి). అయితే, అది FM Rainbow లో ప్రసారం చేశారు. నేను ఢిల్లీలో DTH ద్వారా హైదరాబాదు రేడియో ప్రసారాలు వినగలిగినా, DTH లో FM Rainbow ప్రసారాలు రావుగనుక, వినలేకపోయాను. తర్వాత ప్రభాకర్ గారు నాకు ఈ మొత్తం కార్యక్రమాన్నీ మెయిల్లో పంపించారు.

అది ఈ రోజున ‘ఘంటసాల జన్మదినం’ సందర్భంగా ‘నవతరంగం’ సభ్యులతో పంచుకోవాలని నాకు అనిపించింది. అరుదైన ఈ ఘంటసాల పాటలు అందరూ వినే అవకాశం ‘నవతరంగం’ నిర్వాహకులు కలుగజేస్తారని ఆశిస్తాను.

ఈ పాటలు ఎలా సేకరించిందీ, ఎలా భద్రపరిచిందీ నూకల ప్రభాకర్ గారు కార్యక్రమంలో వివరించారు కాబట్టి నేనిక్కడ మళ్ళీ ప్రత్యేకంగా పేర్కొనటంలేదు. ఈ కార్యక్రమాన్ని గురించి మీ అభిప్రాయాలు నేరుగా ప్రభాకర్ గారికే ఈ క్రింది చిరునామాకు తెలియజేయండి.
E-mail: prabhayen@yahoo.com
Cell: 9440674477
ఘంటసాల శ్యామల గారి చిరునామా: shyamala_ghantasaala@yahoo.com

——————————————————–

ఘంటశాల-రేడియో కార్యక్రమం-మొదటి భాగం

ఘంటశాల-మొదటి భాగం

ఘంటశాల-రేడియో కార్యక్రమం-రెండవ భాగం

ఘంటశాల-రెండవ భాగం

ఘంటశాల-రేడియో కార్యక్రమం-మూడవ భాగం

ఘంటశాల-మూడవ భాగం

——————————————————–

కొన్ని అరుదైన చిత్రాలు

21 Comments
  1. శంకర్ December 4, 2008 /
  2. Sai Brahmanandam Gorti December 4, 2008 /
  3. పరుచూరి శ్రీనివాస్ December 4, 2008 /
  4. Bhaskar Ramaraju December 4, 2008 /
  5. మేడేపల్లి శేషు December 5, 2008 /
  6. మేడేపల్లి శేషు December 5, 2008 /
  7. పరుచూరి శ్రీనివాస్ December 5, 2008 /
  8. రెండుచింతల భానుప్రసాద్ December 6, 2008 /
  9. Shyamala Ghantasala December 6, 2008 /
    • rama krishna sarma May 27, 2009 /
    • krishnamoorthy April 7, 2010 /
  10. Sai Brahmanandam Gorti December 6, 2008 /
    • satyasai August 19, 2009 /
  11. పరుచూరి శ్రీనివాస్ December 6, 2008 /
  12. Sai Brahmanandam Gorti December 6, 2008 /
  13. మేడేపల్లి శేషు December 12, 2008 /
  14. రమేష్ పంచకర్ల January 13, 2009 /
  15. Nishtala Subrahmanyam April 1, 2013 /