హెచ్చరిక: ఇది స్పాయిలర్ భూయిష్ఠ సమీక్ష
యశ్ రాజ్ చిత్రాలలో పాత్రలు, సంభాషణలు, పరిసరాలు ఔచిత్యానికి దూరంగా ఉండడం సర్వసామాన్యం. రాజుల మహరాజుల వైభోగాలన్నీ అందుబాటులో ఉండి బ్రతుకీడుస్తున్న వారి కష్టనష్టాలు వారి కథలకు ఆటపట్టులు. ఐదేళ్ళ పిల్లాడికైనా మనదేశం కాదని తెలిసిపోయే విధంగా ఉండే విదేశ ప్రదేశాలలో తీసేసిన ఘట్టాలని మన దేశానివని నమ్మించే ప్రయత్నాలు వారికి వెన్నతో పెట్టిన విద్యలు. ఇలాంటి పేరు గడించినా, పూర్వపు పోకడలకు భిన్నంగా ఉండాలనే ఉబలాటంతో, సామాన్యుణ్ణి మూలపురుషుడుగా చూపిస్తూ కథ నడపగలమని చూపించడానికి కసితో వారు పుట్టించిన ఓ అసమాన్య సామాన్యుడే సూరిందర్ సయాని. సామాన్యుడు అనడం కన్నా ఓ పాటి ‘నమునా’ అనిపించే పాత్ర అది. కాకపోతే, షారుఖ్ ఇప్పటి దాక ఇలాంటి పాత్ర పోషించలేదు, ఈ మధ్య కాలంలో ఇంతగా నవ్వించలేదు కాబట్టి వారి ఎత్తు బాగానే పారింది.
పెళ్ళికని వెళ్ళి పదహారణాల పంజాబి కుందనపు కన్యక అయిన పెళ్ళికూతురు అందచందాలు, చలాకీ ఆటపాటలు చూసి ముచ్చట పడతాడు మన సూరి. ఇంతలో అనుకోని దుర్ఘటన ఒకటి సంభవించడం వలన ఆ పడచు అతడి పెళ్ళామవుతుంది. పెళ్ళయిన కొద్ది సమయానికే ఆమె ప్రేమ పొందటం అసాధ్యమని సూరికి అవగతమవుతుంది, కాని ఒంటరి బ్రతుకుకి అలవాటు పడి దొరికిన సహవాసమే చాలనుకునేవాడికి ఇంతకన్నా మహాప్రసాదమేముంటుంది? ప్రేమ పంచలేక పోయినా, పడకగదిలోకి రాకపోయినా, మిగతా విషయాలలో పతిసేవలకి లోటురానీయని భార్య దొరకడమే వరమనుకుని ఆనందంగా సమయం గడిపేస్తుంటాడు సూరి. కాని తాను మొదట్లో చూసి ముచ్చటపడ్డ పిల్లని తన భార్యలో మళ్ళీ చూడాలని ఉబలాటపడుతూంటాడు. ఆ పిల్లే తనని ప్రేమించాలని కలలు కంటాడు. చివరకి ఆమె ప్రేమకి పాత్రుడవుతాడా లేదా అనేది తెలిపుతుంది మిగదా కథ.
ఇంతవరకూ బానే ఉంది, బానే ఏంటి? మాహబాగా ఉంది - చూస్తున్నంత సేపూ ఆహా ఓహో అనిపించేలా ఉంది కదూ? నిజమే, చిక్కల్లా తర్వాతే వచ్చి పడింది. కథకి ఇంత చక్కటి పునాది వేసి, ఆశలు రేపి, చివరకి నిరత్సాహం మిగల్చాడు దర్శకుడు. కారణాలంటారా, నాకు మటుకు మూడు లోపాల వలన కలిగిందీ నిరత్సాహం.
మొదటిది, సూరిని రాజ్ లా మర్చడం. మొహమాటస్తుడు, ఇతరులతో సరిగ్గా మాట్లాడలేని వాడు, నూతనపోకడలను పట్టించుకుని పాటించే విషయంలో ఎక్కడో పాతాళంలో ఉన్నవాడు కేవలం బట్టలు, జుట్టు దువ్వుకునే తీరు మార్చుకోవడంతోనే కొత్త మనిషిలా తయారవడం, కొంత తడబడుతున్నా అత్యాధునిక పోజులకి పోతలా తయారవడం మింగుడుపడదు. రాజ్ ‘కూల్’ కాదు నిజమే, లేనిది ఉన్నట్టు చూపడానికి కష్టపడుతున్నాడు నిజమే, కాని అతడు సూరి నుండి ఊడిపడ్డాడంటే సమంజసంగా అనిపించదు. కనీసం మార్పు నెమ్మదిగా వచ్చినట్టుగా చూపించినా బావుండేది, అంతే కాని బట్టలు, జుట్టు మారిన మరుక్షణమే కొత్త వాడిలే అయిపోవడమేమి చిత్రం?
రెండవది, సూరి భార్య తాని ప్రేమ విషయం. తాని రాజ్ తో ప్రేమలో పడడం ఒక రోజులో జరగినది కాదు. అతనితో తిరుగుతూ ఆడుతూ పాడుతూ ఉండడం వల్ల మెల్లమెల్లగా బలపడిన ప్రేమ అది. సూరి తన ఆశలు అసలు అర్ధం చేసుకోలేడని, ప్రేమికుడిని, తండ్రిని కోల్పోయిన తనకి ఊరట కలిగించలేడని, తనలోని పూర్వపు చలాకితనానికి సాటి రాడని తెలిసిన నిజంలోంచి పుట్టిన ప్రేమ అది. అలాంటిది ఒక్కరోజు రెప్పపాటులో (అక్షరాలా కళ్ళుమూసి తెరుచుకునే లోపుగా) ఆమె మనసు మార్చుకోవడం చిత్రమే. ఇలాంటి మార్పుని ఎలా తెరకెక్కించవచ్చో చూడాలంటే సంజయ్ లీల భంసాలి తీసిన హమ్ దిల్ దే చుకే సనమ్ చూస్తే తెలుస్తుంది.
మూడవది, సూరి కనుమరుగవడం. కథకి పునాది పడగానే, సూరి భార్య మనసు ఎలా నెగ్గుకొస్తాడా అని చూడాలనిపిస్తుంది. అతడు తన ప్రేమని ఎలా తెలుపాలో తెలియక సతమతమవుతుంటే జాలి, నవ్వు ఒకే సారి వస్తాయి, అతడు నెగ్గుతూంటే చూడాలిపించేలా చేస్తాయి. మరి మనకి దొరికేదేమిటి? హుళక్కి! సూరిని వెనక్కి నెట్టేసి రాజ్ తో కథని నడిపిస్తాడు దర్శకుడు. సూరి తన భార్యకే కాదు ప్రేక్షకులకి కూడా దూరమవడం చిత్రమే.
ఇవి కాక, తాని రాజ్ తన భర్తేనని గుర్తించకపోవడం, కథ కాలమానం సరిగా కుదిరినట్టుగా అనిపించకపోవడం లోపాలుగా అనిపిస్తాయి. కాలమానం విషయం ఎందుకంటే, కొంచెం తరచి చూస్తే కథంతా కొన్ని వారాల నిడివిలో నడిచినట్టు తెలుస్తుంది, అంత కొద్ది గడువు లోనే తాని విషాదంలోంచి బయటపడి ప్రేమలో పడడం అసంమంజసం కదూ?
వీటిని పక్కన పెడితే, మెచ్చుకోదగ్గ విషయాలు చిత్రంలో కొన్ని ఉన్నాయి. సూరి స్నేహితుడు బాబి ఖోస్లా మాటల మూటలు, రాజ్ కురిపంచే నవ్వుల జల్లులు, తాని ఆటపాటలు కథను ఆహ్లాదకరంగానే ముందుకు నడుపుతాయి.
బాణీలు గొప్పగా లేకపోయినా పాటల చిత్రీకరణ మాత్రం కళ్ళు మిరుముట్లుగొలిపే విధంగా ఉంది. ‘డాన్స్ పె ఛాన్స్ మార్లే’ పాట తాని (అనుష్క) కోసం చూడచ్చు, ఆడుతున్నప్పుడు ఆమె ముఖంలో చిందే నువ్వులు, ఆనందపు వెల్లువలు చూసితీరాలి. పాత చిత్రాల పాటల చిత్రీకరణానుకరణ, పెట్టిన డబ్బుకి సరిపడే డాబు ఉన్నపాట ‘ఫిర్మిలేంగే చెల్తే చెల్తే’ - కాని ఇందులో కొత్త విషయమేదీ లేదు, దాంతో ఇదివరకు చూసిన పాటల మూసలో పడి పాత చింతాకాయలా అనిపించింది, యశ్ రాజ్ చిత్రాలలో పుటుక్కుమంటే ఊడిపడే తారామణులు కూడ పాటకు కొత్త తళుకులేమీ తీసుకురాలేదు. ‘తూఝ్ మే రబ్ దిఖ్తా హై’ పాట వినడానికే బావుంది, చూస్తూంటే సరిగా తెరకెక్కలేదనిపించింది.
నటన విషయాని కోస్తే, షారుఖ్ కి హాస్యరస పాత్రలుతో చెడుగు డాడేస్తాడనడానికి ఈ చిత్రం మరొక ఉదాహరణ. బాబి ఖోస్లాలాగ వినయ్ పాఠక్ కూడ అదరగొట్టేసాడు. చూడ చక్కని అనుష్క నటన. నృత్యాలు కూడ బాగనే ఉన్నాయి. ఇక చిత్రంలో చెప్పుకోదగ్గ పాత్రలేవీ లేవు. చివరగా, గంటన్నర పైన సాగే రెండవ భాగం కన్నా కొసమెరుపుగా పేర్లు పడేటప్పుడు సూరి సంభాషణలు హాస్యరసాన్ని చిందించాయి. అందరూ నవ్వుకుంటూ హాలు బయటపడేలా చేసాయి.
ముగించే ముందు నాలుగు ముక్కల్లో చెప్పాలంటే, ఆదిత్య ఛోప్రా వచ్చి…
కం. నిచ్చెనిదే స్వర్గానికి తెచ్చితినోయ్ చూడమంటు తెర చూపంగా
అచ్చెరువొందిన సుజనులు వచ్చిరి తచ్చన తెలియక పరువిడి వడిగా
కం. మురిపెము ముచ్చట మీరగ బిరబిర మూగిన జనమిక బిమ్మిటిగొనగా
అరచేతిలోని స్వర్గము తెరకెక్కదనే నిజమ్ము తెలిసెను తొరగా
–గిరి లంక
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
శంకర్ says:
అసలు తాని ప్రియుడు చనిపోవడం, కూతురి పెళ్ళి ఆగిపోయిన బాధతో తండ్రి చనిపోవడం, సురిందర్తో తాని పెళ్ళీ అన్నీ ఒక్క రోజులోనే జరిఇపోతాయి ఈ సినిమాలో. మెదట్లో నేను కన్ఫ్యూజ్ అయ్యానేమో అనుకున్నాను. కానీఓ అదే విషయాన్ని రెండు మూడు సార్లు చెప్తాడు షారూక్ మన డోట్ని కనిపెట్టేసినట్టూ.
తాని రాజ్లో ప్రేమికున్ని చూసానని, సురిందర్లో ఏవున్ని చూసాననీ తాను కన్ఫూజ్ అవ్వడమే కాకుండే ప్రేశకుల్ని కూడా కన్ఫ్యూజ్ చేస్తుంది. అసలు ప్రేమిస్తున్నాను అని అమృత్సర్ సాక్షిగా గొప్పగా చెప్పేసిన రాజ్ అక్కడితో తన పనైపోయినట్టు ఆ విషయాన్ని మర్చిపోయి మనం ఫ్రెండ్స్ గా ఉందాం అని చాలా సింపుల్గా అనేస్తాడు. సురిందర్ తనను తానుగానే తాని ఇష్టపడాలంటాడు, తర్వాతి సీన్లోనే ఆమెను ఇంప్రెస్ చెయ్యడానికి సుమోతో పోటి పడతాడు. చివర్లో డాన్స్ షోకి ముందు యాంకర్ తానిని మిస్ అని పిలిచినా మొఅటిసారి ఏం అభ్యంతరం చెప్పదుకానీ, రాజ్ సురిందర్ ఒక్కటే అని తెలిసాక మాత్రం అడ్డు చెప్తుంది. ఇలా మూడు ప్రధాన పాత్రలూ సన్నివేశం మారినప్పుడల్లా తమ స్వభావం మార్చేసుకుంటుంటే చూసి తట్టుకోవడం నా వల్ల కాలేదు.
షారూక్లో ముసలితనపు చాయలు కొట్టొచ్చినట్టు కనిపించాయి. ముఖ్యంగా అనుష్కా శర్మతో కలిపి ఉన్న సీన్లు, క్లోజప్ సీన్లలో. వాళ్ళిద్దరూ కలిపి డాన్స్ చేస్తున్నప్పుడు పొట్టిగా కూడా అనిపించాడు. దేవుడు ఇలాంటి ముసలి మొగుడు పడుచు పెళ్ళాం జంటలని చేయడం ఏంటో, క్రెడిబిలిటీ పోగొట్టూకోవడానికి కాకపోతే.
ప్రతి సాధారణ ప్రేమకధ వెనుక ఒక అసాధారణ కధ ఉంటుందని చెప్పి ఇంత అస్తవ్యస్తమైన కధని చూపించడం ఖడించాలి.
కె.మహేష్ కుమార్ says:
అంటే సినిమాని DVD వచ్చేంతవరకూ చూడకపోయినా ఫరవాలేదన్నమాట! ధన్యవాదాలు.
andhramass says:
సమె దయ్ విడుదల్ల అయ్యిన 1940 ఒక్క గ్రామం సినిమా బాగుంది
venkat says:
ఈ సైటు మూసెయటం మంచిది .వినోదాన్ని వినోదంగా చుడాలి, పైత్యం ఎక్కువయిన కుహనా మేధావులు అంతా చేరుతున్నరు ఇక్కడ.జోగి జోగి రాసుకుంటే బూడిద రాలినట్టు.
నేను మళ్ళీ ఇటు రాను.
saif ali gorey says:
దెని నైనా విమర్శించటానికి పండితులే..కానవసరం లేదు..,
విమర్శకు.
పాండిత్యంతో పనివుండదు.
అలాగే…ప్రతిమేధావి… కి మంచిమన్సు వుంటుంది అని అనుకొవద్దు.
100 రుపాయలు పెట్టి… ఓ 3 గంటలు …ఖర్చు చేయడానికి భయపది వేరే వాల్ల అభిప్రాయాలతొ వేళ్ళాలనుకున్నా.. సినిమాని మానుకొవడం ఏమిటొ వాల్లంత…ఏంతొ రిస్క్ తొ కొన్ని కొన్ని కొట్లు ఖర్చు పెట్టి ఏదొ కొద్దిగంత కొత్తదనం చూయించాలి అని ప్రయత్నిచే వాల్లని విమర్శించడం నిజంగ……సాధారనం.
అనుభూతి కొసం సినిమలను చూడండి. అభిప్రాయాలు చేప్పడి.
రాకేశ్వర రావు says:
మొత్తానికి చెత్త సినిమా అన్నమాట!
పైన నీతులు చెప్పే విశాలహృదయులకు ఒక్క మాట,
మీకు నిజంగా ఎంతో రిస్కు తీసుకొని తీసిన సినిమాని ప్రోత్సహించాలనివుంటే, Oye Lucky వంటి సినిమాలు చూడండి.
రిస్కు అనేది కోట్లు డబ్బు ఖర్చు పెట్టి పెద్ద స్టారుని పెట్టి, అదే పాత మూసలో, అన్నీ నెగ్గగల హీరోని పెట్టి, అదే ఎమోషన్ మాస్టర్బేషన్ సినిమా తీయడం కాదు.
నిజంగా రిస్కు తీసుకొని సినిమాలను తీసే వారిని ప్రోత్సహించాలనే ఈ సైటు.
ravi says:
@ above
Well said !
sasank says:
@ rakehswara rao gaaru,
meeku chaala vishala hyrudayam vundhi anukuntunnanu,rabne cinema ni evaru risk teesukoni teeyaledhu, adhi chaala low budget film ani settings choosthey ne cheppachu, meeru cheppinattu lucky cinema lo antha risk factor emi ledhu…..asalu aa cinema ee vidhamga risk andi….cinema budget 3 crores kaana ekkuva avvadhu….2-3 weeks lone money recover chethsaadhi….naaku artham kaavadam ledhu asalu adhi ee vidhamga risk avuthundho…can u explain it please…..asalu dabbu pettakunda…controversial subjects enchukokunda ….risk anedhi ela vasthundhi….lucky cinemalo kooda danni commercial ga teeyadaaanike try chesaru mari, meerannatu risk teesukoni evvaru cinemalu teeyyaru..telisi telisi evvadu dabbulu oorkeney pettaru…inka cheppali nate ..risk teesukoni cinemaki velledhi janale…..vallani support chesi..entertainment provide chesthey chaalu..antey kaani paniki maalina art cinemalu tessi endira ee jeevitham ani pinchela chese cinemallo risk factor vundhi ante ela
@venakat
baaga chepparu….iam also with you, kaani nenu maathram itu vasthunne vuntaanu….this site is providing entertainment
and finally review chaala baaga raasaru….kaani music gurunchi raasi nappudu cinemalo asalu highlight song (halue haule, aa music) gurunchi cheppaka povadam baadhakaram, alaage back ground score gurunchi kooda cheppalsindhi…..cinemaki adhi pedda highligh
గిరి says:
శంకర్,
ప్రథమార్థంలో కన్నా ద్వితీయంలో చిక్కులు పెరిగిపోయాయి, అనవసరమైన చిక్కుసమస్యలను తెచ్చిపెట్టుకున్నాడు కథకుడు – నాకైతే తాని అసలు రాజ్ తో ప్రేమలో పడనీయకుండా ఉంటే సబబుగా ఉండేదేమో అనిపించింది.
మహేశ్,
రెండవ సగాన్ని భరించగలిగితే ఓ సారి చూసేయచ్చు.
ఆంధ్రమాస్, మీరు చెప్పదలుచుకున్నది బోధపడలేదు.
వెంకట్, మీకు నచ్చని సమీక్ష వ్రాయగానే పుర్తగా సైటునే మూసేయమంటే ఎలాగండీ. ఈ రోజే వెంకట్ శిద్దారెడ్డి ప్రచురించిన 500ల టపా మైలురాయి టపా చదవండి, బాపు, ఘంటసాల గార్ల గురించి వ్యాసాలు చదవండి – ఇక్కడ ఉబుసుకుపోక సినిమాలని తిట్టడానికి ఎవరూ కంకణం కట్టుకోలేదని మీకే స్పష్టమవుతుంది. చూసారా?
సైఫ్, యశ్ రాజ్ వారు షారూఖ్ ని పెట్టిన సినిమా మీకు తెగింపులా ఎలా అనిపించిందో నాకు అర్ధం కాలేదు.
రాకేశా, అంతా చెత్త కాదు, నిజానికి మొహబ్బతేం కన్నా వేయిరెట్లు మెరుగు.
శశాంక్, నిజమే హొలె హొలే గురించి ప్రస్తావించడమే మరిచాను. నిజానికి ఆ పాట చిత్రీకరణ నన్ను అకట్టుకుంది.
kemo says:
hi every body i am new for this site……!
kemo says:
అందరికి ధన్యవాదములు .
శిద్దారెడ్డి వెంకట్ says:
Hi Kemo
welcome to navatarangam
VENKAT says:
manchi visleshana andi..
abhinanadnalu
Surya says:
Hai… Have a nice day
Surya says:
హల్లో….