Menu

నవతరంగంలో 500 వ్యాసాలు

ఇది నవతరంగంలో 504 వ వ్యాసం. ఏడాది క్రితం నవతరంగం మొదలుపెట్టిన దగ్గర్నుంచి దాదాపుగా ప్రతి రోజూ కనీసం ఒక వ్యాసమైనా ప్రచురిస్తూ వస్తూ, కొన్ని రోజులు మూడు నాలుగు వ్యాసాలు కూడా ప్రచురించి చివరికి ఈ రోజున 500 పోస్టుల మైలు రాయిని చేరుకుంది నవతరంగం. ఈ సందర్భంగా వ్యాసాలు ప్రచురించిన నవతరంగం సభ్యులకూ, వ్యాసాలు పంపించిన అతిధులకూ, అలాగే నవతరంగంలో తమ వ్యాసాలను ప్రచురించడానికి అనుమతినిచ్చిన ప్రముఖులకూ మరియు నవతరంగాన్ని మొదట్నుంచీ ఆదరిస్తూ వచ్చిన పాఠకులకు ధన్యవాదాలు.

నవతరంగంలో ఇప్పటివరకూ వచ్చిన వ్యాసాల వివరాలు:

సినిమా సమీక్షలు

మొత్తం సినిమా సమీక్షలు 163. అందులో వందకు పైగా భారతీయ సినిమా సమీక్షలు కాగా మిగిలినవి ప్రపంచ సినిమా సమీక్షలు. భారతీయ సినిమా విభాగంలో తెలుగు, తమిళం, కన్నడ, మలయాళం, హిందీ, బెంగాలీ సినిమాలే కాకుండా మరాఠీ మరియు అస్సాం సినిమా సమీక్షలు కూడా చోటు చేసుకున్నాయి. అలాగే ప్రపంచ సినిమా విభాగంలో ఆమెరికా, జపాన్, ఇంగ్లండ్,హంగరీ, ఫ్రెంచ్, ఇటలీ,చైనా, కొరియా, జర్మనీ దేశాల సినిమాలే కాకుండా రొమానియా,పాకిస్తాన్, పోలండ్, ఉరుగ్వే, శ్రీలంక, భూటాన్, ఫిన్లాండ్ దేశాల సినిమా సమీక్షలు కూడా చోటు చేసుకున్నాయి.

సినిమా విశ్లేషణ

నవతరంగంలో ఇప్పటివరకూ వచ్చిన సినిమా విశ్లేషణలు 72. ఇందులో యాభైకి పైగా భారతదేశపు సినిమా విశ్లేషణలు కాగా మిగిలినవి ప్రపంచ సినిమా విశ్లేషణలు.

వీడియోలు

మొత్తం వీడియోల సంఖ్య 35. ఇందులో 15 లఘు చిత్రాలు, 4 పూర్తి నిడివి చిత్రాలు ఉన్నాయి.

ముఖాముఖి

ముఖాముఖి విభాగంలో ఆరుగురు దర్శకుల తో నవతరంగం జరిపిన ఇంటర్వ్యూలు ప్రచురించాము.

ప్రముఖులు

ఈ విభాగంలో చలనచిత్ర పరిశ్రమలోని ప్రముఖుల పరిచయ వ్యాసాలు, వార్ ఫిల్మోగ్రఫీలతో పాటు ప్రముఖ చలనచిత్రకారులు స్వయంగా రచించిన వ్యాసాలు కూడా ప్రచురించాము. ఈ విభాగంలో మొత్తం వ్యాసాల సంఖ్య 68.

అభిప్రాయాలు

వివధ చలనచిత్రాల గురించి, మరియు చలనచిత్రాల్లోని ఇతర అంశాల గురించి పాఠకులు 26 వ్యాసాల ద్వారా తమ వ్యక్తిగత అభిప్రాయాలు తెలియచేశారు.

అలాగే నవతరంగంలో సంగీత సాహిత్యాల గురించి, ఫిల్మ్ మేకింగ్ లోని వివిధ ప్రకియల గురించి కూడా వ్యాసాలు వచ్చాయి. వీటితో పాటు ఇతర సైట్ల నుంచి డౌన్ లోడ్ చేసుకోగల స్క్రిప్టుల వివరాలు, ఆసక్తికరమై విషయాలు కూడా లంకెల విభాగంలో ప్రచురించాము.

మరో ఆసక్తి కరమైన విషయం ఏంటంటే నవతరంగంలో రెండు కథలు, మూడు కవితలు కూడా ప్రచురింపబడ్డాయి.వాటి వివరాలు:

కవితలు

కథలు

4 Comments
  1. Vishnu Vardhan Reddy December 14, 2008 /
  2. మేడేపల్లి శేషు December 16, 2008 /
  3. srinivas goud December 19, 2008 /