చందమామలో భానుమతి ఉండాలొయ్
రాజేంద్ర కుమార్ దేవరపల్లి | Dec 12, 2008 | 6 comments
దివంగత పి.భానుమతి నవంబరు 1947 చందమామలో పాపాయిల కోసం రాసిన ఓ బుజ్జిగీతం
ఉండాలోయ్ ఉండాలి
పి.భానుమతి
ఫిలింకు పాట
పిల్లలకు ఆట
రాజుకు కోట
ఉండాలోయ్ ఉండాలి
అత్తకు నోరు
దేవుడికి తేరు
స్టారుకు కారు
ఉండాలోయ్ ఉండాలి
స్టేజీకి తెర
కత్తికి ఒర
చేపకు ఎర
ఉండాలోయ్ ఉండాలి
యింటికి అమ్మ
నిమ్మకి చెమ్మ
కొలువుకి బొమ్మ
ఉండాలోయ్ ఉండాలి
తలుపుకి గడి
దేవుడికి గుడి
అవ్వకు మడి
ఉండాలోయ్ ఉండాలి
జూదరికి పేక
గొడ్లకి పాక
గాంధీకి మేక
ఉండాలోయ్ ఉండాలి
అరవలకు పొగాకు
ఆంధ్రులకు గోగాకు
మళయాళులకు తేయాకు
ఉండాలోయ్ ఉండాలి
is she film actress smt. bhanumathi?
rajendragaru..
kavita bavundi andi…
అవును బాబా గారు,భానుమతి రామకృష్ణ
అవునా వెంకట్ గారు
భానుమతి గారు నటనలోనే కాదు సాహితీక్షేత్రం లోకూడా ప్రసిద్ధిగాంచారు.
భానుమతి గారు రాసిన అత్తగారి కథలు చాలా చాలా బావుంటాయి. దూరదర్శన్ లో అనుకుంటా సీరియల్ గా కూడా వచ్చాయి.
-సూర్యప్రకాష్
బాబాగారు,
దారుణం! భానుమతిలోని రచయిత్రి గురించి మీకు తెలీకపోవటం దారుణాతిదారుణం!! ఆవిడ ఆత్మకధ ‘నాలో నేను’కి గాను కేంద్ర సాహిత్య అకాడెమీ అవార్డు కూడా వచ్చింది.
(మీకు తెలుసని నాకు తెలుసులెండి. ఈ వంకతో భానుమతి గురించి కాసిన్ని గొప్పలు రాద్దామని ..)
ఆవిడ నటనలో అతిశయం, వ్యక్తిత్వంలో అభిజాత్యం కాస్త ఎక్కువైనా, భానుమతిలాంటి బహుముఖ ప్రజ్ఞాశాలి భారతీయ చలనచిత్రసీమలోనే మరెవరూ లేరనొచ్చేమో. నటన, సంగీత దర్శకత్వం, నిర్మాణం, దర్శకత్వం, గానం, రచన, స్టూడియో నిర్వహణ .. అబ్బో ఒకటా రెండా? ఎందులోనూ పూర్తి స్థాయిలో దృష్టి పెట్టదని ఆమెపై ఒకానొక ఆరోపణ. ఆషామాషిగా తీసుకుంటేనే ఆ స్థాయిలో రాణిస్తే, మనసు లగ్నం చేస్తే మరే స్థాయిలో ఉండేదో!
రాజేంద్రగారు నేను ఈ పాట నా బ్లాగులో వాడుకోవచ్చా.నేను భానుమతిగారికి సంబంధించిన విషయాలు సేకరిస్తున్నాను నా బ్లాగులో. దయచేసి మీరు అనుమతి ఇస్తే మీ పేరు,నవతరంగం పేరు ప్రస్తావించి నా బ్లాగులో పెడతాను.ప్లీజ్