4 ఆగస్టు, 2007.
సామ గార్డెన్స్ (హైదరాబాదు) లో “సుందరకాండ” సినిమా షూటింగ్ .
“ఆకూ వక్కా తాంబూలం…” పాట. సాయంత్రం నాలుగు కావొస్తోంది.
డైరెక్టరు అనుకున్న షాట్లు ఇంకా పూర్తి కాలేదు. ఆరింటికి pack up చెప్పాలి. లైటు తగ్గుతోంది. కెమెరా మెన్ రాజు గారు లైటింగు సరి చేస్తున్నారు. లైట్ బాయ్స్ లైట్లు సర్దుతుతూ పరుగులు తీస్తున్నారు. అంతేమరి షూటింగు లో ప్రతి నిమిషము విలువైనది. డైరెక్టరు గారు స్క్రిప్ట్ చూసుకుంటున్నారు. ఈ షాటు తర్వాతి షాటు, దాని తర్వాతి షాటు ప్లాన్ చేసుకుంటున్నారు. అసిస్టెంట్ వచ్చి water కావాలా సార్ అని అడిగాడు. ఇప్పుడు disturb చేయకు ఆన్నారు డైరెక్టర్. ఇంతలో ఓ పదేళ్ళ పిల్లాడు తుర్రున వచ్చి చెయి ఇస్తూ (షేక్ హ్యాండ్) “సాయిచంద్” అన్నాడు. డైరెక్టరు గారు ఓపిగ్గా “ఏంటమ్మా?” అన్నారు చేయి ఇస్తూ.
“సాయిచంద్”.
“ఆహా ..” (చిరు నవ్వుతో)
“మీ పేరు?”
“నా పేరు లక్ష్మినారాయణ”
ఆ పిల్లాడు తన చెయ్యి లాక్కుని తుర్రున వెళ్ళిపోయాడు.
ఆ లక్ష్మినారాయణే మన బాపు గారు. నా అదృష్టం ఏంటంటే “సుందరాకాండ” షూటింగ్ మొత్తం చూసే అవకాశం దోరికింది. ఆ సమయంలో నేను అక్కడే వున్నాను. బాపు గారు లేని తెలుగు సినీ మరియు సాహితి చరిత్ర వుండదు. ఆ బాపు గారికి ఈ రోజు (15 డిసెంబరు)కి డెబ్బైఅయిదు వసంతాలు నిండాయి. ఈ సందర్భంగా “సుందరాకాండ” షూటింగ్ అనుభవాలు కొన్ని ఇక్కడ పంచుకుంటాను.
సుందరాకాండ సినిమా (అప్పటికి ఆ పేరు అనుకోలేదు) షూటింగ్ గురించి తెలియగానే బాపు గారికి ఫోన్ చెసి మీ షూటింగ్ చూడాలని చాలా ఆశగా వుంది నేను షూటింగ్ కి రావొచ్చా అని request చేసా. ఓ తప్పకుండా, కో-డైరెక్టరు శ్రీనివాసు గారికి చెబుతాను అన్నారు. అంతే ఢాం అని పేద్ద శబ్దం. ఎగిరి గంతేసాను కదా పక్కన వున్న కుర్చి కింద పడిందన్న మాట. వెంటనే ఆఫిస్ లో 40 రోజుల లీవు అడిగాను. ప్రైవేట్ కంపెనీల్లొ అన్ని రొజుల లీవు అంటే అంత సులభం కాదు. కాని, అన్నీ మంచి శకునములే అన్నట్టు లీవు మంజూరయ్యింది.
షూటింగ్ కి అయితే వెళ్ళాను కాని, బాపు గారికి డిస్టర్బెన్స్ లేకుండా వీడియో తీయాలని చాల మటుకు సైడ్ పోజ్ లలో లేకపోతే బాక్ సైడ్ నుంచి తీస్తున్నాను. గమనించట్లేదు అనిపించినపుడు ముందు నుంచి కూడా తీసాను. కోన్ని రోజులు (ఓ పది రోజులు అనుకుంట) తర్వాత, బాపు గారు ఒకసారి మీరు తీస్తున్న వీడియో చూపించండి అన్నారు. మంచి ఇంప్రెషన్ కొట్టేద్దామని కొంచం vibrant కలర్స్ తో షూటింగ్ అయిన సీన్ల కేసెట్ వేసి చూపించా. కొంచెం సేపు చూసి, వీడియో ముందు నుంచి తీయండి, actors కి చెపుతున్నపుడు కూడా తీయండి అన్నారు. మీకు డిస్టర్బెన్స్ గా వుంటుందేమోనని అని నేను అంటుంటే, ఏం పర్వాలేదు అని ధైర్యం చెప్పారు.
“అనుకోకుండా ఒక రోజు”లో ఛార్మి నటన చూసి బాపుగారు మెచ్చుకొని ఛార్మిని హీరోయిన్ గా తీసుకున్నారని మనకు తెలిసిందే. ఛార్మి కూడా బాపు గారితో సినిమా చేయడము చాలా అదృష్టంగా భావించి షూటింగ్ కి హాజరైన ప్రతి రోజు బాపు గారి ప్రక్కన కుర్చి వేయించుకొని కూర్చునేది. వాళ్ళిద్దరి మాటలు సరదాగా సాగేవి. ఒకసారి షూటింగ లో దోమలు కుడుతుంటే “ఎన్ని దోమలో” అని ఛార్మి వాపోతుంటే, “మగ దోమలు అయ్యుంటాయి” అని చమత్కరించారు. (ఇంకా చాలా వున్నాయి.)
ఈ సినిమా షూటింగ్, రీ-రికార్డింగ్, ఎడిటింగ్ ఇలా అన్ని కవర్ చేసే అవకాశం లభించింది (౩౦ గంటలకు పైగా వీడియో). ఆ వీడియో నుంచి ఒక 30 నిమిషాల నిడివితో “సుందరకాండ నిర్మాణం” (Making of Sundarakanda) చేసాను (తక్కువ సమయములో ఆ వీడియోలని కింద చూడవచ్చు.
ఈ వీడియో చిత్రీకరణ కు రమణ గారు కూడాఎంతో ప్రోత్సాహం ఇచ్చారు. (వీడియో మొదటి భాగం లో రమణ గారు స్క్రిప్ట్ వ్రాయటం వుంది). అన్నట్టు బాపు మంచి నటుడు కూడా. Actor బాపు ని చూడాలనుకుంటే, మూడో భాగం వీడియో చూడండి. ఆ యాక్టర్, డైరెక్టర్, ఆర్టిస్ట్, కార్టూనిస్ట్ బాపు గారికి మరో మారు జన్మదిన శుభాకాంక్షలు.
—-విజయవర్థన్.బి
———–మేకింగ్ ఆఫ్ సుందరాకాండ-వీడియో—————
మేకింగ్ ఆఫ్ సుందరాకాండ-మొదటి భాగం
మేకింగ్ ఆఫ్ సుందరాకాండ-రెండవ భాగం
మేకింగ్ ఆఫ్ సుందరాకాండ-మూడవ భాగం
మేకింగ్ ఆఫ్ సుందరాకాండ-నాలుగవ భాగం
మేకింగ్ ఆఫ్ సుందరాకాండ-ఐదవ భాగం
–విజయవర్థన్ బి
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
రాజేంద్ర కుమార్ దేవరపల్లి says:
చాలా చాలా అమూల్యమైన టపా ఇది.భావితరాల పరిశోధకులకు ఇది ఒక పాఠ్యగ్రంధం,ముఖ్యంగా బాపు దర్సకిస్తున్న దృశ్యాలు బహుశా బయటి వారు వర్కింగ్ స్టిల్స్ తప్ప ఎవరూ చూసుండరు.ఆ కొరత తీర్చిన మీకు నా అభినందనలు
ఉమాశంకర్ says:
విజయవర్ధన్ గారు,
బాపూ గారి షూటింగు వివరాలూ, క్లిప్పింగులూ మాతో పంచుకున్నందుకు ధన్యవాదాలు.
చిలమకూరు విజయమోహన్ says:
మంచి విలువైన టపా ఇది.
మేడేపల్లి శేషు says:
‘నవతరంగం’ సభ్యులకు నిజంగా ఈ వీడియో చూడటం ఒక సువర్ణావకాశం. విజయవర్ధన్ గారూ, మీరు ఉత్తినే షూటింగు చూసి ఆనందించి రాకుండా, దానిని ఒక రికార్డు చేసి ఈ సైటులో అందించడం మా అదృష్టం. – అదీ బాపు గారి లాంటి ‘తెర’బ్రహ్మ సృష్టి.
VENKAT says:
manchi pani chesaru andi Vardhan garu..
o great director film making shots chuse avakasam kalipincharu..
Madhura vaani says:
చాలా అమూల్యమైన సమాచారాన్ని మాకు అందించారు. ధన్యవాదాలు.
బాపు గారు ఇలాగే వెయ్యేళ్ళు చల్లగా వర్ధిల్లాలని కోరుకుంటున్నాను.
విజయవర్ధన్ says:
అందరికి ధన్యవాదాలు. బాపు గారి సినిమా కృతుల పై ప్రాజెక్ట్ మొదలుపెట్టి సంవత్సరం దాటింది. నా మిత్రులు రవి శంకర్, శ్రీనివాస్ మరియు రాజేశ్ భాగస్తులు. దీనిలో భాగంగా బాపు గారి (సినిమా కి సంబంధించిన) స్కెచ్ లు, స్టోరీబోర్డులు, పోస్టర్ డిజైన్లు, స్టిల్సు, ఇంకా చాలా సేకరిస్తున్నాము. వీటన్నిటితో ఒక పుస్తకం మరియు ఒక వీడియో డాక్యుమెంటరి చేయ సంకల్పించాము. ఈ సందర్భంగా బాపు గారి అభిమానులు వారి collectionని మాతో పంచుకొమ్మని కోరుతున్నాము. Copy చేసుకొని తిరిగి పంపగలమని విన్నవించుకుంటున్నాము.
voleti venkata subba rao says:
priyamayina vishnu gaariki– mee ‘chitra vinyaasam’ choosaanu. abhinandanalu–
రాజేంద్ర కుమార్ దేవరపల్లి says:
విజయవర్ధన్ గారు,ఎక్కడ ఎవరికి ఎలాపంపాలో వివరాలు ఇస్తే బాగుంటుంది,గమనించగలరు
శంకర్ says:
హ్యాట్సాఫ్ టు యూ విజయవర్ధన్గారూ
విజయవర్ధన్ says:
@voleti venkata subba rao
థాంక్సండి. గుర్తుపట్టారా నన్ను. ఎప్పుడు వస్తున్నారు India కి.
@రాజేంద్రకుమార్ దేవరపల్లి
చూసారా అసలు విషయం మర్చిపోయాను. నా mail id: bvijay@gmail.com
@శంకర్
థాంక్సండి. Improvements గురించి కూడా నాకు mail చేయగలరు.
మీరు బాపు అభిమానులా?? says:
[...] మనతో పంచుకున్నారు ఇక్కడ చూడండి:http://navatarangam.com/2008/12/bapu-at-7/ ఈ మహత్తరకార్యక్రమానికి మీ చేయూత ఈ [...]
శిద్దారెడ్డి వెంకట్ says:
విజయ వర్థన్ గారూ,
హ్యాట్సాఫ్. నాకు ఇన్నాళ్ళూ తీరిక దొరకక ఈ వీడియో చూడలేకపోయాను. ఈ రోజు ఉదయాన్నే లేవగానే మొదట చేసిన పని ఈ వీడియో చూడడమే,నిజంగా అద్భుతం. ఇలాంటివి చెయ్యాలనుకోవడం ఒకటి చేసి చూపించడం ఒకటి. నెల రోజులు శెలవు పెట్టి ముప్పై గంటలు పైగా ఫుటేజ్ షూట్ చేసి దాన్ని క్రిస్ప్ గా ౩౦ ని లాకు ఎడిట్ చెయ్యడం మాటలు కాదు. అదీ కూడా ఎక్కడా అమెచ్యూరిష్ గా లేకుండా సూపర్ ప్రొఫెషనల్ గా ఉంది కూడా.ప్రీ ప్రొడక్షన్ దగ్గర మొదలుపెట్టి, ప్రొడక్షన్, పోస్ట్ ప్రొడక్షన్ తో పాటు ఆ తర్వాత సినిమా ప్రమోషన్ గురించి చూపించి ముగించిన మీ వీడియో అద్భుతం. స్టోరీ టెల్లింగ్ కంప్లీట్ గా ఉంది. అలాగే మొత్తం కథ చార్మి నెరేషన్ తో నడిపించడమూ బావుంది. ఎడిటింగ్ లో ఎంత స్మూత్ గా ఉందంటే మీ కష్టం తెలియటం లేదసలు. మంచి ఎడిటింగ్ అంటే అదే కదా….సూపర్ అంటే మామూలు సూపర్ కాదు. సూపరో సూపర్. మాకీ అదృష్టాన్ని కలుగచేసినందుకు మీకు ధన్యవాదాలు.
రాజేంద్ర కుమార్ దేవరపల్లి says:
విజయవర్ధన్ గారు,
ఇక్కడో లుక్కేసుకోండి
http://vizagdaily.co.cc/?p=637
విజయవర్ధన్ says:
@ శిద్దారెడ్డి వెంకట్
వెంకట్ గారు, మునగచెట్టు ఎక్కిస్తున్నారు. ఏమైనా మీ ప్రోత్సాహానికి ధన్యవాదాలు. ఇంకా improvements గురించి కూడా mail చేయండి.
@ రాజేంద్ర కుమార్ దేవరపల్లి
చాలా థాంక్సండి. మీ అంతట మీరే చొరవ తీసుకొని post చేయడం నాకు చాలా నచ్చింది. మళ్ళీ థాంక్స్.
శిద్దారెడ్డి వెంకట్ says:
లేదండీ నాకు కొద్దో గొప్పో ఎడిటింగ్ తెలుసు కాబట్టి నాకు మీ కష్టం కళ్ళారా కనిపించింది. మీరు తీసిన వీడియో సినిమాలాగా వరుసక్రమంలో షూట్ చేసి ఉండకపోవచ్చనుకుంటాను. కానీ ముప్పై గంటల ఫుటేజ్ ని ఒక వరుసక్రమంలో పేర్చి, మంచి నెరేషన్ తో స్మూత్ గా ఎడిట్ చేశారు. ఇక ఇంప్రూవ్ మెంట్స్ అంటే పెద్దగా ఏమీ చెప్పలేను. పిక్చర్ క్వాలిటీ బావుంటే ఇంకా బావుండేదని చెప్పొచ్చు. కానీ మీ లిమిటేషన్స్ అర్థం చేసుకోగలను కాబట్టి అది కూడా చెప్పలేను. నేనైతే మీకు 100/100 వేసి v.good అని చెప్పగలను అంతే….:-)
విజయవర్ధన్ says:
వెంకట్ గారు, మీ ప్రోత్సాహానికి థాంక్సండి.
sirisha says:
Vijayavardhan gaaru.. Nenu inkaa edited videos chudaledu gaani, andari abhiprayam vintunte, chaala baaga chesinatlu vundi. Idi thayaru cheyatam venakaala vunna mee krushi naaku eruke. Chaala manchi post, Baapu gaari fans ki varam lantidi. We r proud of you.
విజయవర్ధన్ says:
@sirisha
శిరిష గారు, థాంక్సండి.
అసంఖ్య says:
మనక్కూడ ప్రతీ DVD తొ పాటూ Director’s Cut లంటివో, Making of ** లంటివో వస్తే ఎంతో బవుంటుంది. మీ editing కు మా జోహార్లు
విజయవర్ధన్ says:
అసంఖ్య గారు, థాంక్సండి.