Menu

సినిమాటోగ్రాఫర్ విఎస్సార్ స్వామి మృతి

నిన్న రాత్రి  ప్రముఖ సినిమాటోగ్రాఫర్ విఎస్సార్ స్వామి మచిలీపట్నంలో కన్నుమూశారు. గుండెపోటుతో ఆయన మృతి చెందారని సమాచారం. మచిలీపట్నానికి ఆయన ఒక పెళ్లికి హాజరు కావడానికి వెళ్ళారు. అక్కడే ఆయనకు గుండెపోటు వచ్చింది వెంటనే ఆసుపత్రికి తరలించారు. కానీ ఫలితం లేకుండా పోయింది.  ఆయన భౌతిక కాయాన్ని చెన్నై తరలించారు. స్వర్గీయ ఎన్టీ రామారావు నటించిన కథానాయకుడు సినిమాతో ఆయన తెలుగు సినీ రంగంలో సినిమా కెమెరామన్ గా రంగప్రవేశం చేశారు.చివరి సినిమా ప్రభాస్ హీరోగా బి.గోపాల్ రూపొందించిన అడవి రాముడు.

చిరంజీవి నటించిన ఖైదీ, ఇంద్ర సినిమాలకే కాకుండా బాలకృష్ణ నటించిన లక్ష్మీనరసింహ, బలేవాడివి బాస్ వంటి చిత్రాలకు ఆయన పనిచేశారు. బాపు దర్శకత్వం వహించిన భక్త కన్నప్ప సినిమాకు, విశ్వనాథ్ దర్శకత్వం వహించిన సిరిసిరిమువ్వ సినిమాకు ఆయన కెమెరామన్ గా పనిచేశారు. కృష్ణ నటించిన అల్లూరి సీతారామరాజు, మోసగాళ్లకు మోసగాడు సినిమాలకు కూడా ఆయన పనిచేశారు. అందాలరాముడు, దేవుడు చేసిన మనుషులు సినిమాలకు ఆయన సినిమాటోగ్రాఫర్ గా పనిచేశారు.ఈ మధ్య శ్రీకాంత్ హీరోగా ఓ సినిమా డైరక్ట్ చేయటానికి ఆ మధ్య ఆయన సమాయుత్తమయ్యారు. కానీ ఎందుకనో  ఆ ప్రాజెక్టు ముందుకెళ్ళలేదు. అలాగే అంతకుముందు ఆయన ఎదురీత అనే సినిమాను డైరక్ట్ చేసారు.
సినీ పరిశ్రమలో తనకంటూ ఓ ప్రత్యేక వ్యక్తిత్వంతో మంచి మనిషిగా తెరవెనక సైతం పేరు తెచ్చుకున్న ఈ సినీ మేధావి మృతికి నవతరంగం శ్రధ్ధాంజలి ఘటిస్తోంది.

–సూర్యప్రకాశ్

8 Comments
  1. j.suryaprakash November 11, 2008 / Reply
  2. KRISHNA RAO JALLIPALLI November 11, 2008 / Reply
  3. నీషీ నిష్ November 11, 2008 / Reply
  4. ప్రసాద్ November 12, 2008 / Reply
  5. ceenu November 14, 2008 / Reply
  6. vinay April 14, 2009 / Reply

Leave a Reply

Your email address will not be published. Required fields are marked *