మరో ప్రశ్నకు సరిగ్గా సమాధానం చెప్తే జమాల్ మాలిక్ రెండు కోట్ల రూపాయలు గెలుచుకుంటాడు. అతను ఇంత దూరం ఎలా రాగలిగాడు?
- 1) అతను మోసగాడు
- 2) అతను అదృష్టవంతుడు
- 3) అతను మేధావి
- 4) అది అతని తలరాత
’స్లమ్ డాగ్ మిలియనీర్’ అనే త్వరలో విడుదలవబోయే ఒక సినిమా పై ప్రశ్న తో మొదలవుతుంది. ఈ ప్రశ్నకు సమాధానం కనుక్కునే ప్రయత్నమే ఈ సినిమా కథ.
పరిచయం:గతంలో Trainspotting, Sunshine చిత్రాల ద్వారా ప్రపంచ వ్యాప్తంగా పేరుపొందిన Danny Boyle అనే బ్రిటిష్ దర్శకుడు పూర్తిగా ఇండియాలో నిర్మించిన ఒక ఆంగ్ల చిత్రం ’స్లమ్ డాగ్ మిలియనీర్’. వికాస్ స్వరూప్ రచించిన ‘Q and A’ అనే నవల అధారంగా Simon Beaufoy ఈ సినిమాకి స్క్రీన్ ప్లే అందించారు. త్వరలో (జనవరి, 2009) విడుదల కానున్న ఈ సినిమా ఇప్పటికే పలు అంతర్జాతీయ చలనచిత్రోత్సవాల్లో ప్రదర్శింపబడి ప్రేక్షకులూ మరియు విమర్శకుల మన్ననలు పొందడమే కాకుండా టొరాంటో చలనచిత్రోత్సవంలో ’పీపుల్స్ ఛాయిస్’ అవార్డు కూడా గెలుచుకుంది.
కథ: ఇది జమాల్ మాలిక్ అనే ఒక యువకుని కథ. ముంబాయిలోని ధారవి మురికివాడలో జన్మించి జీవితం ఆడించిన ఆటలో ఆచోటా ఈ చోటా తిరుగుతూ చివరికి ‘Who Wants to be a Millionaire?’ (కౌన్ బనేగా కరోడ్ పతి) అనే టెలివిజన్ షోలో పాల్గొని రెండుకోట్ల రూపాయలు గెలుచుకునే వరకూ వస్తాడు. మురికివాడలో పుట్టి పెరిగిన చదువూ సంధ్యలు లేని ఒక యువకుడు కౌన్ బనేగా కరోడ్పతి లాంటి షోలో అన్ని ప్రశ్నలకూ ఎలా సమాధానం చెప్పగలిగాడు అనే అనుమానంతో పోలీసులతన్ని అరెస్టు చేస్తారు. తనకా ప్రశ్నలకు సమాధానాలు ఎలా తెలిసాయో అనే విషయాన్ని పోలీసులకి వివరించడమే ఈ సినిమా మూలకథ.
విశ్లేషణ: 2005 లో ‘Q and A’ అనే పుస్తకం మార్కెట్లోకి వచ్చినప్పుడే ఈ కథతో ఒక సినిమా వస్తుందనీ చాలామందే ఊహించారు. ఆ కథ ఎత్తుగడ అంత బావుంది. అనుకున్నట్టుగానే ఈ పుస్తకం తెరకెక్కింది. ఐతే అదృష్టమో దురదృష్టమో కానీ ఇలాంటి మంచి సినిమా ఒక పాశ్చాత్యుడు తీయాల్సి వచ్చింది. అది ఒక విధంగా బాధాకరమైన విషయమే అయినప్పటికీ Danny Boyle/Simon Beaufoy చేతిలో ఈ కథ అద్భుతంగా తెరకెక్కింది.
’Q and A’ ఆధారంగా ఈ సినిమా రూపొందించినప్పటికీ ఈ నవలకూ సినిమాకూ చాలా తేడాలున్నాయి. Simon Beaufoy చాలా నైపుణ్యంగా ఈ స్క్రీన్ ప్లే రూపొందించారు. ముఖ్యంగా నవలలో ఒక్కో ప్రశ్నకూ సమాధానంగా తన జీవితంలోని ఒక కథను చెప్తాడు ముఖ్యపాత్రధారి రామ్ మొహమ్మద్ థామస్ అనే యువకుడు. అయితే ఆ కథలు ఒక్కొక్కటి విడివిడిగా ఉంటూ సంపూర్ణత లోపించినట్టనిపిస్తుంది.కానీ సినిమాలో అలా కాకుండా కథ చాలా సాఫీగా సాగుతుంది. అలాగే అన్ని కథలనూ(ఎపిసోడ్స్) నీ చక్కగా ముడివేయడం ద్వారా అప్పటివరకూ సాగిన జమాల్ మాలిక్ జీవితాన్ని పరిపూర్ణంగా చూసిన ఫీలింగ్ కలుగుతుంది.
చాలా వరకూ ఫ్లాష్ బ్యాక్ లో సాగే కథనం కొంత జమాల్ మాలిక్ జీవితంలోని ఎపిసోడ్స్, కొంత కౌన్ బనేగా కరోడ్ పతి టెలివిజన్ కార్యక్రమం, కొంత పోలీస్ స్టేషన్లో విచారించే సన్నివేశాల మధ్య ఇంటర్ కట్ చేస్తూ ఎంతో ఆసక్తికరంగా సాగుతుంది.
ఇక నటీనటుల నటన చాలా బావుంది. అమితాబ్ లేదా షారూక్ ఖాన్ కౌన్ బనేగా కరోడ్ పతి నిర్వాహకుడుగా నటిస్తారని ముందే అనుకున్నా వారు అంగీకరించకపోవడంతో అనిల్ కపూర్ ఆ పాత్ర పోషించారు. ఆయన ఆ పాత్రకు తగిన న్యాయం చేశారు. నాకైతే ఇప్పటికే అమితాబ్ ని టీవిలో చాలారోజులు ఈ పాత్రలో చూసిఉండడం వల్ల ఆయన నటన చాలా ప్రిడిక్టబుల్ గా ఉండేది. ఆ విధంగా అనిల్ కపూర్ చే ఈ పాత్ర పోషింపచేయడం ద్వారా మంచి నిర్ణయం అనిపించింది.
రహమాన్ సంగీతం చాలా బావుంది. ఈ సంవత్సరం ఆస్కార్ నామినేషన్ కూడా రావొచ్చని అంటూన్నారు. సినిమాటోగ్రఫీ, ఏడిటింగ్ కూడా చాలా బావున్నాయి. ముఖ్యంగా ముంబాయిని చాలా బాగా కాప్చర్ చేశారు.
ముగింపు:పూర్తిగా ఇండియాలో నిర్మించబడిన ఈ అంగ్ల చిత్రం ఈ సంవత్సరంలో వచ్చిన అత్యంత వినోదాత్మక చిత్రాల్లో ఒకటి.ఈ సినిమా కేవలం మురికివాడల నుంచి వచ్చిన ఒక నిరక్షరాస్య యువకుడు రెండు కోట్లు ఎలా గెలుచుకున్నాడనే కథనే కాకుండా, ఒక లవ్ స్టోరీ, ఒక అన్న దమ్ముల అనుబంధం, ఒక మాఫియా కథ ఇలా ఎన్నో ఆసక్తికరమైన కథలను కూడా నేర్పుగా ఈ కథలో చొప్పించారు. ఈ విధంగా మన దర్శకులు ఎప్పుడూ చెప్తుండే ’నవరసభరితమైన సినిమా’ గా ప్రతి ఒక్కరినీ తప్పక అలరించితీరుతుంది.
మిస్సవకండి. తప్పకచూడండి.
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
K మహేశ్ కుమార్ says:
ఐతే ఈ సినిమాకోసం మరికొన్ని నెలలు ఆగాలన్నమాట!
నీషీ says:
ఇక Six Suspects వంతు కాబోలు. Anyways, more power to the Indian writer – and godspeed Indian cinema.
venkat says:
i am eagarly waiting for dis movie..
thanks for gud analysis
venkat
శిద్దారెడ్డి వెంకట్ says:
@నీషీ
six suspects premise కూడా బావుంది. తప్పకుండా సినిమాటిక్ మెటీరియలే.చూడాలి ఈసారి ఎవరు ఎత్తుకెళ్తారో ఈ ఐడియా. అలాగే స్లమ్ డాగ్ మిలియనీర్ ఆధారంగా ఒక మ్యూజికల్ కూడా సిద్ధమవుతోందిట.
Jonathan says:
Hi Sidd,
Thanks for posting this article.
రాకేశ్వర రావు says:
నోరూరుపోతుంది, మీ టీజర్ కి
మంచి సినిమా తయారైతే అదే చాలు. పాశ్చాత్యులు తీస్తేనే. ఇలాంటివి చూసైనా మనవారు నేర్చుకుంటారు మంచి సినిమాలు ఎలా తీయాలనేది.
రాకేశ్వర రావు
కొత్తపాళీ says:
You got our hopes raised.
cpl of questions – what is the connection between Ram Mohammed Thomas and Jamal Mallik?
Was Anil Kapur make up made to look like Amitabh get up of that time?
శిద్దారెడ్డి వెంకట్ says:
Ram Mohammad Thomas is the lead character’s name in the book. But in the film it was changed to Jamal Malik.
Anil Kapur was very natural.Not a just Big B imitation. He fits perfect in the role.
అబ్రకదబ్ర says:
ఈ సినిమా నిన్ననే (నవంబర్ 12) అమెరికాలో విడుదలైంది, మంచి స్పందన తెచ్చుకుంటుంది.
శంకర్ says:
నేను కూడా ఎదురుచూస్తున్నా…
నవీన్ గార్ల says:
రోట్టన్ టొమేటోస్లో ఈ సినిమాకి 91% తాజాతనం ఉంది …. చూసి తీరాల్సిన సినిమా అన్న మాట
http://www.rottentomatoes.com/m/slumdog_millionaire/
Hari Prasad says:
Its unbelievable. I just watched it. I firmly believe it’s one of the best film I watched and will be a change agent in our industry. Great screenplay, background scoring, natural setting and excellent action. Just go and watch. Make this as a benchmark for film making and reveiwing.
sujata says:
I am so thrilled. Ila oka cinima kosam wait cheyyadam 3 ealla taravata ide mallee
thinkfloyd says:
Congrats Mr.Hari Prasad, for bagging a few awards for Kamli.
Looking forward to watching it.
Is it available on DVD?
Hari Charana Prasad says:
Thanks, Thinkfloyd. Kamli DVD is not available on DVD yet.
Sowmya says:
సినిమా గురించి విన్నాక మొదట నాకు సినిమాకన్నా పుస్తకం మీద కుతూహలంగా ఉంది. దీని గురించి చాలా విన్నాను, రచయిత ఇంటర్వ్యూ ఒకటి చదివాను కానీ, ఈ వ్యాసం చూసాక అర్జెంటుగా మొదట పుస్తకం చదివి, తర్వాత అర్జెంటుగా సినిమా చూసేయాలనిపిస్తోంది
ఆత్రేయ says:
స్లమ్ము డాగ్గు స్లమ్ముడాగ్గు లానేఉండి పోయింది తీసినోళ్ళే మిలీనీర్లు అయిపోయారు
గిచ్చిన బిడ్డని కూడలిలో తిప్పి బిచ్చమడుక్కున్నట్లుంది.
చచ్చినోడి శవాన్ని టిక్కెట్టెట్టి జనాలకి చూపినట్టుంది
రెహమానుకి (వాళ్ళకి అతని పేరు చెప్పటానికేరాలేదు) అవార్డు రావటం మనం చంకలు కొట్టుకోవటం శవానికేసిన పూలనేరి జడలోకి తురిమినట్టుంది
స్లమ్ము లేను దేశమేది ? దేశమంతా స్లమ్ములా చూపారీ సినిమాలో. ఇలా దేశంలోని దరిద్రాన్ని పైసలు చేసుకున్న మహానుభావులు
చాలా మంది ఉన్నారు మన చరిత్రలో. వారికి మనమే వీరతాళ్ళు వేసిన సందర్భాలు చాలా ఉన్నాయి.
inshort: its a commercial movie. they exploited poverty in india. i am not arguing that it not there. but it was exploited.
VaRuN A says:
కొన్దరు అన్టున్నట్లు ఇదేమీ చెత్త సినిమా కాదు
పేదరికమ్ మీద సినిమా తీస్తే అలానే వున్టున్ది
ముమ్బై ని అలా చూపిన్చారని,’దేసమ్ మొత్తమ్ అలానే ఉన్నట్ట్లు చూపిన్చారు’ అన్టె ఎట్లా?
ప్రతి దర్సకుదికీ ఒక స్టైల్ ఉన్టున్ది.Danny Boyle గత చితాలు చూస్తే అతని Style అర్దమవుతున్ది.
Serious issues ని sarcassam తో చూపుతాదు.
అతను తీసిన Trainspotting సినిమ లొ,తన దేసమైన scotland లొ ద్రగ్ బాదితుల గురిన్చి తీసినది.ఇది కూడ వ్యంగ్యం గా తీసినదే.అలా అని తన స్వంత దేసమ్ మీద చెడు గా తీసాడు అనలేముగ.
Slumdog Millionaire సినమా ని సినిమాగా చూడండి.Personal opinions ని పక్కన పెట్టండి.