గత ముప్పైసంవత్సరాలుగా తెలుగు జీవితాలలో, తెలుగు సినిమాలలో ప్రేమకథల్ని ప్రభావితం చేసిన చిత్రం కె.బాలచందర్ దర్శకత్వం వహించిన ‘మరో చరిత్ర’. 1978 లో విడుదలైన ఈ చిత్రం సృష్టించిన సంచలనం ఇంతా అంతాకాదు. ఈ ఏటితో ఈ చిత్రానికి ముప్ఫైఏళ్ళూ నిండుతాయి. ఈ సందర్భంగా ఈ సినిమా గురించి కొంత తలుచుకుందాం.
నటుడిగా అభివృద్ధి చెందుతున్న దశలోవున్న కమల్ హాసన్, ఆ సినిమాతో పరిచయమైన ‘నల్లపిల్ల’ సరిత, మాధవి, జయవిజయ, శ్యామల, పి.ఎల్.నారాయణ, రమణ మూర్తి ఇందులో ముఖ్యతారాగణం. ఒక తమిళ-తెలుగు కుటుంబాల అబ్బాయీ,అమ్మాయిల ప్రేమకథే ఈ చిత్రం. ఈ ఇద్దరి కుటుంబాలకూ సంబంధించిన శాఖాహార- మాంసాహార సాంప్రదాయాల ఘర్షణ మధ్య, ఈ ప్రాపంచిక కలహాలకు,భాషాభేధాలకూ అతీతంగా ఈ యవ్వనస్తుల ప్రేమ అంకురిస్తుంది. పెద్దల వ్యతిరేకత, ఆంక్షల నడుమ, తమ ప్రేమకు పరీక్షగా ఒక సంవత్సర కాలపు ఎడబాటుకు ఈ జంట తయారవుతుంది. ఆ సంవత్సరకాలంలో కలిగే విరహాలు,అనుమానాలు,అపార్థాలూ కథాగమనంలో కావలసినంత వైవిధ్యాన్నిస్తాయి. అన్నింటినీ అధిగమించిన ప్రేమ ఒకటయ్యో సమయంలో విషాదాంతం అవ్వటం ఈ సినిమా ఒక ‘క్లాసిక్’గా నిలిపిందనుకోవచ్చు. తమ సంయమనంతో ప్రేమను గెలిపించి చరిత్ర సృష్టించాలనుకున్న ఈ జంటకథకూడా, తుదకు చావుతో ముగుస్తుంది. మన చరిత్రలోని గొప్ప ప్రేమలన్నీ విషాందాంతాలే కాబట్టి, ఈ చిత్రం మరో చరిత్రయ్యింది.
ఈ సినిమాతో నూనూగు మీసాల (బాలుగా)కమల్ హాసన్ నటన ఆంధ్ర ప్రేక్షకులను ఆకట్టుకుంటే, ఈ చిత్ర హిందీ రీమేక్ తో భారతదేశమంతా అభిమానుల్ని సంపాదించిపెట్టింది. తెలుగుదనం ఉట్టిపడే (స్వప్న గా)సరిత ముఖం, స్వచ్చంగా తెలుగు పలికే ఆకర్షనీయమైన గొంతు (ఆ తరువాత కాలంలో డబ్బింగ్ కళాకారిణిగా బాగా రాణించింది).టీనేజి పిల్లలా తన బాల్యచాపల్యం కలిపిన చిలిపిదనం అంత అందంగా కలబోసిన నాయిక తరువాత తెలుగుతెరపై రాలేదనుకుంటాను. యువవితంతువుగా గంభీరమైన ప్రేమను చూపించిన మాధవి. ఎప్పుడూ పోట్లాడుకునే పొరుగింటోళ్ళు, నాయికా నాయకుల తల్లిదండ్రులుగా జయవిజయ, శ్యామల, పి.ఎల్.నారాయణ, రమణ మూర్తుల నటన పాత్రోచితం. ఒక చిరుపాత్రలో దేవదాస్ కనకాల ప్రతిభ మరో ఆకర్షణ.
ఈ సినిమాని హిందీలో ‘ఏక్ దూజే కేలియే’(1981) గా తియ్యడం జరిగింది. దాదాపు ఫ్రేం-టు-ఫ్రేం రెండుసినిమాలూ ఒక్కటే అయినా, నలుపు-తెలుపుల తెలుగు సినిమాలోనే ఏదో తెలియని అందం వుందనిపిస్తుంది. సినిమా శీర్షికలోని ‘చరిత్ర’ పదానికి మరోభాష్యంలాగా బ్లాక్ అండ్ వైట్ అమరిందనిపిస్తుంది. ఈ చిత్రంలో బి.ఎస్. లోకనాధన్ సినెమాటోగ్రఫీ, మొదటిఫ్రేమునుంచీ చివరి ఫ్రేమువరకూ ఈ చిత్రం యొక్క చిత్తవృత్తి(mood) ని అందిపుచ్చుకుని, ప్రేక్షకుడికి అందించింది. వైజాగ్ అందాలను ఇంతహృద్యంగా చిత్రీకరించిన సినిమా మరోటి లేదనుకుంటాను. ప్రేక్షకుడి కళ్ళకి శ్రమలేకుండా, కథలో ఇమిడిపోయేలా చెయ్యగలగటంలో సినెమాటోగ్రఫీ, ఎడిటింగ్ లు ప్రముఖపాత్ర వహిస్తాయని చెప్పడానికి అత్యుత్తమ ఉదాహరణ ఈ చిత్రం.
సంగీత సాహిత్యాల పరంగా ఎమ్.ఎస్.విశ్వనాధన్ బాణీలకు ఆత్రేయ రాసిన పాటలు ఇప్పటికీ జనంనోళ్ళలో నానుతున్నవే. “ఏ తీగపువ్వువో” పాట వినబడని కాంపిటీషన్ వుండదు.అందులో “తెలిసీ తెలియని అభిమానమౌనో..మనసు మూగది మాటలు రానిది” అంటూ కన్నెమనసులోని ప్రేమను ఆవిష్కరించి విధానం నభూతోనభవిష్యతి. అలాగే, “పదహారేళ్ళకూ నీలోనాలో ఈ ప్రాయంచేసే చిలిపి పనులకూ కోటిదండాలూ..శతకోటి దండాలు” అంటూ, చిలిపివయసు అనుభూతులకు ఉచితాసనంవేసి పట్టంకట్టిన పాటలో తెలుగులో మరోటి లేదు. “భలెభలే మగాడివోయ్ బంగారు నాసామిరో” అంటూ ఎల్.ఆర్.ఈశ్వరి గొంతులోపలికిన భావాలూ ఆ పాటకు సరితచూపిన నటనా, అంతసులువుగా ఎవరైనా మరువగలమా! “కలసి వుంటే కలదు సుఖము” అంటూ తెలుగు సినిమా పెర్లన్నీకుట్టి ఒక సంగీతమాలని చెయ్యటం మరొ అత్యద్భుతమైన ప్రయోగం.
బాలచందర్ కథకు సందర్భోచితంగా సాగిన గణేష్ పాత్రో సంభాషణలు ఈ సినిమాలో మరో మచ్చుతునక. డైరెక్టుగా తెలుగులో బాలచందర్ తీసిన మొదటి సినిమా ఇది. అంతకు మునుపు ‘అంతులేని కథ’ తీసినా, మొదట తమిళ్ లో తీసిన తరువాతే తెలుగులో పునర్నిర్మించడం జరిగింది. కాని, ‘మరొ చరిత్ర’ సినిమా అటు డబ్బింగ్ చెయ్యకుండా ఇటు రీమేక్ చెయ్యకుండా తెలుగులోనే తమిళనాట విడుదల చెయ్యబడింది.
భారతీరాజా ‘సీతాకోకచిలుక’ కి ముందే, టీనేజి ప్రేమథలకు శ్రీకారం చుట్టిన సినిమా ఇదేకావచ్చు. ఈమధ్యకాలంలో ‘కొత్తబంగారు లోకం’ అంటూ మరో టీనేజి ప్రేమకథను అందించిన ‘దిల్’రాజు, తన నిర్మాణ సారధ్యంలో మరొచరిత్రను పునర్నిర్మించే ఆలోచనలో వున్నట్లు పరిశ్రమవర్గాల వినికిడి. ఈ క్లాసిక్ సినిమాను మళ్ళీ తియ్యడం అవసరమా అనేది ఒక ప్రశ్నైతే, తీస్తే ఎలా తియ్యొచ్చనేదికూడా మరో ఆసక్తికరమైన విషయం. ఏంజరుగుతుందో చూద్ధాం!
వెంకట్ నవతరంగం 
అతిథి 
మహేశ్ కుమార్ K 
జోశ్యుల సూర్యప్రకాశ్ 
సౌమ్య V B
సుత్తి కత్తి says:
Your analysis on this movie is very good. But I have differnet openion on this sadist director.
బాలచందర్ గారు,
సమయానికి తగట్టూ గా సినిమా లు తీసెవారు. వారు కథా నయకుడిని, కథా నాయకిని చంపి చాలా చక్కగ చావును కుడా డబుల్ సెంటిమెంట్ ( తెలుగు వెర్సెస్ తమిళ్, భ్రాహ్మిన్ vs నాన్ బ్రహ్మిన్ ) తో అమ్మితె లివిగా డబ్బులు చేసుకున్న గొప్ప మేధావి. మేధావి అని వారిని ఎందు కు అనవలసి వచిందంటె వారు తమ భవాజాలమును ఇతరుల నెత్తి కి తెలివిగా సెంటిమెంట్ తొ అంటకడతారు. దానిని మనము ఫ్రెమాభిషేకము వరకు కొనసాగించాము. ఆ రొజుల లో వారు తీసిన సినెమాలు ట్రెండ్ సెటెర్స్.
ఇప్పుడు ఈ సినెమా ము తీస్తే వారం కూదా ఆడదు.
అది తెలిసి వారు నిర్మాతగా అవతారం ఎత్తరు “సామి” లాంటి సినెమాలు తిసుకుంటున్నారు. వారి సినెమ హీరొఇన్ అప్పటి లో మాట్లాడ లెక పొవచె మో గాని( మనసు మూగదీ మాటలు రానిదిఅని పాడెది ) కాని వారి ఇప్పటి కథానయకి పెళ్ళి చేసుకొని లెచి పొదామా లెక లెచి పొయి పెళ్ళి చేసుకుందామా అంటునాదీ ( మరి గ్లొబలైజెషన్ మహత్యము ). రానున్న రోజు ల లో వారి భావజలుం డబ్బు సంపాదించటం కొరకు ఏ విధం గా మరుతుందో వేచి చూడాలి ….
Thanks for reading my openion.
మురళి says:
మహేష్ గారు, నాకు కూడా ఈ సినిమా మీద భిన్నమైన అభిప్రాయమే ఉంది. అప్పట్లో కొందరు ప్రేమికులు ఈ సినిమా ‘స్ఫూర్తి’ తో తమ ప్రేమ గెలవదని తలచి ఆత్మహత్యలు చేసుకున్నారని, ఈ విషయమై బాలచందర్ apologies చెప్పారని ఎక్కడో చదివాను. సమాజం పై ఈ సినిమా ప్రభావం ఇదా? అనిపించింది. పాటలు, కొన్ని సన్నివేశాలు చాలా బాగుంటాయి. సరిత వాళ్ళమ్మ కమల్ ఫోటో ను తగలబెడితే, తన ప్రేమను నిరూపించుకోడం కోసం సరిత ఆ ఫోటో బూడిదను కాఫీ లో కలుపుకుని తాగే సీన్ వాటిలో ఒకటి.
john says:
i watched this film more than 50 times at that time, and never wated entire movie again.
it has it own thrill while recollecting those memories of my teenage.
– sorry for unable to write in telugu
John Hyde Kanumuri
veebee says:
@సుత్తి కత్తి
After reading your comments, I seriously feel that you have some old scores to settle with either the film maker or the author of the above review. I am curious to know which film, in your opinion, stands out as
‘ non – profit oriented,non – Globalized, good cinema ‘.
K మహేశ్ కుమార్ says:
@మురళి & కత్తిసుత్తి(?): ఈ సినిమా విడుదలై ముప్ఫైసంవత్సరాలు గడిచిన సందర్భంలో గుర్తుచేసుకోవడానికి ఈ వ్యాసం రాయటం జరిగిందేగానీ, ఈ సినిమాయొక్క సామాజిక ప్రభావంగానీ, కథలోని భావజాలంగానీ చర్చించలేదు. చర్చ ఎలాగూ మొదలయ్యిందిగనక దర్శకుడి “శాడిజం” గురించి నాకు పెద్ద జ్ఞాతి లేదుగానీ, ఈ సినిమాలోని కథావస్తువు, ముగింపులపై నా reservations నాకూ ఉన్నాయి.
నాకైతే, ఆకలిరాజ్యం సినిమాకు ‘మరో చరిత్ర’ అనే పేరుపెట్టుండాలి అనిపిస్తుంది. ఈ మరొచరిత్ర సినిమాలో మరొచరిత్రసృష్టించే విషయం ఏమిటో అర్థంకాదు. కాకపోతే ఈ భావాలన్నీ, existing knowledge of cinema ని ఆధారం చేసుకుని కలుగుతున్నాయి కాబట్టి, అప్పటి (తెలియని) పరిస్థితుల దృష్ట్యా benefit of doubt ఇవ్వాల్సివస్తుంది.
సమయానుగుణంగా సామాజిక బలాలను,బలహీనతలనూ “సొమ్ము చెసుకోవడానికి” సినిమాలు తియ్యడం అన్ని సమయాలలోనూ జరిగిందే. దానికి ఏ దర్శక నిర్మాతా అతీతుడు కాదు. బాలచందర్ దీనికి అతీతుడని నేనూ అనుకోను. అయితే, నాటకరంగం నుంచీ చిత్రరంగానికి వచ్చిన ఈ దర్శకుడు ఎన్నుకున్న కథలూ,కథనాలూ,నటులతో నటింపజేసే విధానం వైవిధ్యభరితంగా వుండి చాలా కొత్త ఒరవడులకు (trends) కారణమయ్యిందనడం కాదనలేని సత్యం.
మన తెలుగు దర్శక దిగ్గజాలైన విశ్వనాధ్, బాపు లుకూడా కొన్ని సినిమాల కారణంగా ఇటువంటి విమర్లకు గురైనవారే. అంతమాత్రం చేత painting all of their efforts with same brush and belittling their contribution to Indian cinema న్యాయం కాదుకదా!
సుత్తి కత్తి says:
@ Mahesh ,
మీరు సామాజిక ప్రభావం, కథలోని భావజాలం గురించి కూడా చర్చించ గలరు (తెలుపగలరు ),
లేక పొతే పెద్దప్రయొజనము వుండదను కుంటా మీ వ్యాసానికి. ఎందుకంటె మనకి టెక్నికల్ గా ఇప్పుడు వస్తున్న సినిమ లు చాలా బాగుంటాఇ. అదే కాక 3 గంటల సినిమ గత ముప్పైసంవత్సరాలుగా తెలుగు జీవితాలలో, తెలుగు సినిమాలలో ప్రేమకథల్ని ఏలా ప్రభావితం చేసినదో మీ నుంచి తెలుసు కొవా లని చాలా అసక్తి గా వున్నది.
అబ్రకదబ్ర says:
@మహేష్:
>> “భారతీరాజా ‘సీతాకోకచిలుక’ కి ముందే, టీనేజి ప్రేమథలకు శ్రీకారం చుట్టిన సినిమా ఇదేకావచ్చు”
‘మరో చరిత్ర’ టీనేజ్ ప్రేమ కధా చిత్రం కాదనుకుంటాను.
@మురళి:
>> “ఈ విషయమై బాలచందర్ apologies చెప్పారని ఎక్కడో చదివాను”
అపాలజీ చెప్పటమే కాదు, దానికి పాప పరిహారార్ధం అన్నట్లు – 1992లో బాలచందర్ తమిళంలో ‘వానమే ఇల్లై’ అనే స్ఫూర్తిదాయకమైన సినిమా ఒకటి తీశాడు. రకరకాల కారణాలతో ఆత్మహత్య చేసుకోవాలునుకున్న ఐదురుగు యువతీ యువకులు (వారిలో విఫల ప్రేమికుడు ఒకడు) చివరికి ఎలా మనసు మార్చుకున్నారనేది చిత్ర కధ. చాలా మంచి సినిమా, అప్పట్లో తమిళంలో పెద్ద హిట్. ‘అక్టోబర్ రెండు’ పేరుతో తెలుగులోకి కూడా అనువాదమయింది కానీ ఇక్కడ ఆడలేదు. కీరవాణి సంగీతమందించిన రెండో తమిళ సినిమా ఇది (మొదటిదీ బాలచందర్ సినిమానే). మంచి పాటలు కూడా ఉంటాయి.
—-
ఏక్ దూజే కేలియే ఎల్వీ ప్రసాద్ నిర్మించిన ఆఖరి హిందీ చిత్రం. ఈ సినిమాలో ఆయన కూడా ఓ చిన్న పాత్రలో నటించినట్లు గుర్తు. బాలు పాడిన మొదటి హిందీ పాట ఈ సినిమాలోదే (‘తెరె మేరే బీచ్ మే’). దానికి అతనికి ఉత్తమ గాయకుడిగా జాతీయ అవార్డు కూడా వచ్చింది.
Sharada says:
Balachander expressed himself excellently in his movie, “oru vIDu iru vAsal”. It is quite a strong commentary and is worth watching. The violin duo Ganesh-Kumaresh starred in that movie. In my opinion, that is the best movie he ever directed!
శ్రీ లక్ష్మి కళ says:
అజరామరమైన ప్రేమకథ అది. అలాగే మీరూ మీ రీవ్యూతో దానికి పట్టం కట్టారు.
సుత్తి”కత్తి”కట్టిందా ఏమిటి? ఈ సినిమా మీద.
శ్రీ లక్ష్మి కళ says:
@Mahesh: నా వ్యాఖ్యలని ఉపసంహరించుకుంటున్నాను.
మీ Reservations ఏవో చెప్పితే బావుంటుంది. మరో కోణంలో ఆలోచిస్తే…! ఒక వ్యాఖ్య ఏదో మిస్ అయినట్టుంది.?!?
bollojubaba says:
మంచి అనుభవంతో ముడిపడిన పరిమళాలు కలకాలం అలా నిలిచిపోతాయట. అలానే టీనేజ్ రోజుల్లో చూసిన ఈ సినిమా ఇప్పటికీ నాకు ఓ పురాపరిమళమే.
అబ్రకదబ్రగారు చెప్పిన బాలచందర్ ఇంటర్వ్యూ నేనూ విన్నాను. ఈ సినిమా చూసి జుహూ బీచ్ లో ఒక యువ జంట ఆత్మహత్య చేసుకొందని తెలిసిన బాలచందర్ చాలా కలత చెందారట. దానికి ప్రాయశ్చిత్తంగా వానమే ఎల్లై అనే సినిమా తీసానని చెప్పుకొన్నారు. ఒక కళాకారునికి సామాజిక బాధ్యత ఉంటాది అని అనటానికి ఇదొక మంచి ఉదాహరణ.
మంచి సినిమాగురించి మరొక్క సారి తలచుకొనేలా చేసిందీ పోస్టు.
సంగీతపరంగా ఇళయరాజా స్టైల్ కి బీజం పోసినట్లనిపిస్తుంది ఈ పాటలు.
ధన్యవాదములు.
batchalimurali says:
very good review
డా.ఇస్మాయిల్ says:
సినిమా పరంగా నాకు నచ్చిన తొలి పది చిత్రాల్లో ఈ చిత్రానికి ఉన్న స్థానం ప్రత్యేకమైనది, 1978 లోని ఈ సినిమా తొలిసారి 1988లో చూశాను. అప్పటి నుంచీ మా ఇంట్లో ఉన్న టేప్ రికార్ఢర్లో ఈ సినిమా కథను కొన్ని వందల సార్లు విని ఉంటాను, విన్న ప్రతిసారీ కొత్తగానే ఉండేది. 1998 లో నా ప్రేమ & పెళ్లి కి ఈ సినిమా subconscious reason అని చెప్పవచ్చు(అలా బాలచందర్ గారు మా పెళ్లి-పెద్ద అన్నమాట:-). ఇలా 2008లో మళ్లీ ఓ సారి ఆ జ్ఞాపకాలన్నీ తిరగేయించారు…నెనర్లు!
Venkat says:
Dear Mahesh…
Boviously, `maro charitra` i s a great film..but, considering it as a classic ..i tink it wont` be dat much desrve .. Socities like us..feudal based ..where there was very low literacy ratio..and rigid conservative society..Dose kind of movies will undoutedly influence…Musically it was gud..
ANy way u have given gud analysis as u feel ..
jaya says:
ee cinema meeda discussions chadivanu.ee kadha yemduku hit ayyimdamte DEVADAS laga, ASAMARDUDI JEEVANA YATRA laga, CHIVARAKU MIGILEDI(novels) laga idi kuda chetakani, asamardudaina hero chutu tirige kadha. ilamti valle mana COMMON MANS kanuka ee stories yeppudu hit avutune vuntayi.